بالنسبة للموسم الأول فمعظم النغييرات كانت إضافات لبعض المعارك اللى تم اختصارها و مش حاجة مهمة بالنسبة لى باستثناء مشهدين مهمين، واحد يبقى فلاشباك بيدى فكرة أحسن عن الأشرار و دوافعهم (و اللى ماكنش ليها وجود تقريبا قبل كده) و إزاى الوضع وصل لكده و واحد بيوضح جزئية مش منطقية و مواجهة تم تجاوزها بالكامل (شئ حصل مع أكثر من مواجهة فى المانجا)
عشان أكون صريح ماتابعتش الحلقات بالكامل ، فقط مشاهد من هنا و هناك عشان اشوف التغييرات ، مشاكلى مع الآرك كانت أكبر بكثير من إن أى تغييرات تقدر تصلحها خاصة إن بعضها داخل فى صميم الآرك و بالنسبة لى كان محتاج إعادة كتابة شاملة مش مجرد تغييرات ، للسبب ده ماقدرش أقول إن كنت مهتم بالإقتباس بالرغم من إن أنمى بليتش بالذات ليه معزة خاصة عندى بس للأمانة مش هانكر إن بعض التغييرات كانت جيدة فعلا