منتديات تروجيمنج

مع إني ما أشجع مان يو (أشجع ارسنال، اللي شفنا فيه ايام اسود منكم بعشرين مرة &) لكن نادي احترمه كثير وعندي قناعة انه فترة السير مع ارسن فنجر افضل فترة كروية وتنافس بين مدربين ممكن أحد يحضرها وتمثل حلاوة الكورة، اللي صارت مفقودة الحين للأسف

بدرجة أقل اشجع ريال مدريد، بسبب أخوي وتعلقه فيه وهذا يمكن اللي يصبرني في الكورة لين الحين، كان المفروض أخليها لحد ما بيب يطلع من الدوري الانحليزي وربنا يفرجها & مع انه حتى الريال حاليا يقدم عفن كروي معتاد مع انشيلوتي اللي يخلي الواحد يعصب اكثر بما انه كان متوقع كثير قبل الموسم ما يبدأ.
نعتذر على الإطالة، من زمان ما سولفت هالقد & وهنا فيه حد على الكلمات فالسموحة XD

اوه! في نقطة مهمة نسيت أقولها! &
بالنسبة لجينتاما وإنك ما تفهمه، ما تشيل هم أبد من هالناحية، الانمب هذا ما خلى شي موجود يتحرك او جماد إلا وطقطق عليه، عشان كذا لو كنت تبي تفهمه ١٠٠% لازم تكون حاضر الانميات الباقية كلها، عارف اليابانية كويس والثقافة حقتهم، حاضر برامجهم التلفزيونية، قاري كتب، شايف افلام ومسلسلات، ملم بالسياسة، علم الفلك، الاقتصاد، وكل شي ممكن يعني &
حتى ترمب طقطق عليه XD

فعلا، انبردكتبل مرة ويعيشك بكل الاجواء. اذكر اول مادخلت الاحداث الجدية ما استوعبت الطرح الدرامي، انلخمت شوي لدرجة اني حسيت انهم الى الان يستهبلون.. قعدت انتظر البنتشلاين

مخلص هنتر بنفس البيس اتوقع وماكنت فاضي وقتها بعد، اخذ مني شهر تقريبا. الانميات بشكل عام ملاحظ ان استهلاكها اسهل لسبب ما

والله انا بصراحة احب تين هاغ ياتوهي، على اتفاقي معك بعيوبه والكونفرنسز المستفزة اللي يطلع فيها بين فترة وفترة. هو سلبي لكن مب مفاجئ، هذه طباع نشأته وما اقتصرت عليه. لاحظي اغلب المدربين الهولنديين تعاملهم جلف مع الصحافة واللاعبين. ما ابرر طبعا لكن هو شيء متهيئ له من قبل ومب اكبر مشكلة حاليا

+ ما ابي اعيد من اول، لنا عشر سنوات نقيل ونجيب مدربين.. الى متى بنستمر على هالموال؟

اخوك لعبها صح، لو اني اشجع مدريد كان وقفت اتابع من التخمة. وينرفزوني مشجعينه بالصياح…يعني صدق وش تبون زيادة. انضمي معه واسحبي على آرسنال.. لا يغرك مستوى الآرسنال وباراغرافات اناكس، سطوة بيب والسيتي بتكمل

الدنيا مقلوبة عندي، افهم كل شيء بثقافتهم الا الانميات، اغلب الناس اللي اشوفهم العكس. لكن عادي والله مستمتع فيه جدا ومب لذا الدرجة معلوماتي الانماوية ضحلة، افهم نكت دراغون بول وهنتر مثلا

لا تنسانا من الانطباعات، انطباعات هنتر حقتك كانت ممتعة كثير، أتمنى تمتعنا كمان بشوية انطباعات لجينتاما، على الأقل في اركات الاكشن، حتستمع كثير إن شاء الله.

هو تين هاج خامته كمدرب كويسة، وكان كويس كثير في اياكس، لكن صراحة قرارات كثير كثير عملها غلط في مان يونايتد، انا أعرف إن البيئة بشكل عام في النادي مأساوية لها فترة واي شخص (سواءً لاعب، مدرب، مشجع؟ Xd) جالس يطلع أسوأ مافيه في هذا النادي، لكن انا بالنسبة لي ما أشوف إن الإبقاء عليه هو الحل حاليًا، صحيح تغيير المدرب متعب ويمكن يجي اللي أسوأ منه لكن البوادر اللي أبداها تين هاج في هالثلاث سنوات مب مبشرة كثير

بالنسبة لي نصف أهمية المدرب في شخصيته وتعامله مع اللاعبين، مرات كثيرة المدرب تكتيكيا ما يكون ممتاز لكنه يعرف كيق يدير غرفة الملابس ويطلع أفضل ما في اللاعبين، أفضل مثال يمكن زيدان اللي أنا ما أشوفه رهيب كثير من ناحية تدريبية بحتة لكن شخصيته وعلاقته مع اللاعبين كانت أكبر سبب خلاه يحقق المعجزات مع مدريد (يمكن انشيلوتي بدرجة أقل)

عاد اخوي كان يشجعه من أيام قبل العاشرة....قالي إنه شاف أيام سوداء وقتها وعانوا كثير مع سطوة بيب في اللاليجا مثل معاناتنا معاه الحين، يمكن الإيجابية هناك انه ما استمر كثير وانه مدريد قدر يحكم قدرته على الأبطال بعد فترة

عاد مدريد يرفع الضغط ترا، في موسم يحسسك انه افضل فريق في الحياة حتى وهو يلعب بشكل سيئ ويفوز بكل البطولات الممكنة (عدا كأس الملك طبعا) والموسم اللي بعده يطلع بموسم صفري ويحسسك إنه أسوأ نادي في الحياة...مرات الواحد يحس إنه حركة مقصودة من بيريز عشان المشجع ما يفقد الشغف &

جينتاما طقطق على كثير انميات كانت تنزل معه وقتها (2011-2016)
مرات لو كتبت بس في يوتيوب gintama parody بتموت ضحك، أنا فيه انمي ما تابعته اسمه ايفانحليون وهو نوع سوداوي وكئيب كذا، بس اعرف فيه لقطة مشهورة ومهمة في القصة، جينتاما طبعا طقطق عليها كالعادة، أنا كل ما أشوفها أضحك مع إني ما شفت ايفانجليون اصلا xd

ههههههههه مشكورة، ماتوقعت فيه ناس استمتعت بالطلاسم اللي كنت انزلها بموضوع هنتر. بحاول اتواجد خصوصا لما اوصل الارك اللي تقصدينه

ليش مب مبشرة ياتوهي؟ هي مب مثالية (وولا قريب منها) لكن على الورق؟ من حقه يحاجج الاعلام والجماهير بالحصاد. هو فعلا قاعد يجيب بطولات ولو قرر يطلع الان فترته بتعتبر ناجحة. فكرة ان البعض قاعد يطالب بالاقالة مع بداية الموسم الحالي شيء مب منطقي وولا فيه حكمة بصراحة

شخصيته فيها مشاكل ما انكر، لكن اليونايتد خصوصا كان يحتاج نوعيته بالتعامل مع اللاعبين. خصوصا بموسمه الاول مع رونالدو وقلة الادب اللي كان يسويها اذا تذكرين. عشان الازمات هذه تتعالج كان لابد من مدرب جازم مستعد يواجه اقبح اشكال الضغوطات الاعلامية والجماهيرية

يضحكوني المدريدية اذا تكلموا عن "الايام السوداء". كلها كم سنة غابوا فيها عن دوري الابطال. بطولة اندية كثيرة ما اخذوها الا مرة او مرتين، وبعضهم ولا مرة (احم)

ما أعرف، بصراحة بالنسبة لي البطولات مب مقياس كل حاجة خصوصا في الدوري الانحليزي وخصوصا لو كانت بطولات الحليب &
صح في عهده يونايتد اخذ القاب من زمان ما أخذهم لكنه في نفس الوقت قدم أطول سلسلة خسارات بأعرض النتائج، النادي فقد كثير من شخصيته وهيبته.