منتديات تروجيمنج

خلاص آخر مرة وعد.. أساسًا طفشت والله

هو ما الومك، حالة رايس مقرفة ومالها تفسير. لكن بتتعبون والله فمشّي

سؤال، تعتقد فيه حل لتدارك موقف اليونايتد الحالي، باللاعبين الحاليين من دون اقالة تين هاغ؟ ولا تحس خلاص فات القطار

ما فات القطار، السكواد ممتاز وهو سكواد قادر ينافس على الtop 4، معليش يعني أندية مثل توتنهام ونيوكاسل وأستون فيلا أبدًا ما عندها سكواد أفضل منكم

ولو وقعتوا مع أمادو أونانا، واللي بشكل غريب صراحة تجاهلتوه ووقعتوا مع خيار أقل بكثير مثل أوغارت… كان قلت السكواد بمستوى ليفربول (الوسط عندهم مليان مشاكل)

فالمشكلة مو باللاعبين

نموذج اللعب معطوب، جوهر الدوري الإنجليزي بالpressing واليونايتد كارثي هنا، عشوائي بشكل يضحك ويربك اللاعبين ويتركهم في مساحات مكشوفة وكبيرة (هذا الشيء يخليهم يبذلوا مجهود أكبر لتغطية هذه المساحات وبالتالي تزيد الإصابات)

والمشاكل ما توقف هنا، مشاكل في الrest defense، مشاكل في التحكم بالمباراة في حالات مختلفة، مافي أي مرحلة اليونايتد جيد فيها إلا مرحلة الtransition فقط بالمقابل ما يقدر يدافع بشكل جيد لما يستقبل transition لأن الpressing & counter-pressing مضروب والخصم يتخطاه بسهولة… وغيرها كثير يعني المشاكل كلها لها علاقة بالcoaching واللاعبين هنا كبش فداء

هل يقدر تن هاغ يغير كل هذا؟ الله أعلم، لكن هذا الموسم الثالث ونفس المشاكل مستمرة وما تغير شيء حتى مع تغير بعض الassistants اللي معاه

والله مرة مصدوم من بداية الموسم، كابوس.. هذا وانا ماكنت متأمل بشيء اصلا
راضي بمستوى من دون نتائج، على غباء المنطق لكنها نتيجة تعشمني بمشروع واضح بيثمر بعدين بدل ايام سولشاير اللي تخدرك

لكن لا، نفس السيناريوهات المقرفة.. قرارات غريبة زي استمرار كاسميرو تشكك بقدرته على ادارة الموسم فضلا على ادارة المشروع

قرف قسم بالله وسويت سكيب صدقي للموسم من الان، لا يحتمل

الظاهر كلنا راح نسوي skip وإن كانت الأسباب مختلفة

I’m done with the beautiful game