منتديات تروجيمنج

ثم أنا ما اعترضت على القدر بالعكس دايم اقول الحمدلله على كل حال و أن الي حصل فيه حكمة أنا اجهلها و الله يعلمها.. وأيش كمان؟ دايم اكون متفائل و مؤمن و ظني بالله انه قادر على أعادة Versus من نومورا بأي طريقة كانت.

كلامك مضحك انت تجلس تفتري على الرجال وكانك تعلم الغيب وايش صار خلف الكواليس وحتى تفسر حكمة الله على مزاجك يعني ممكن الي صار الى تاباتا خيرة من الله وممكن يحقق نجاحات واذا حقق نجاحات ايش بيكون تفسيرك للي صار ؟

وعموما كلامك خطير وانتبه على حالك والله يهدينا ويهديك

والله كلامي مبني على الي كان يبغاه في سبتمبر 2013 و فعلا سعى لهدفه هذا و كان واضح انه بالغصب يبغى يكون يوشيدا الجديد حتى انه قلده بأسلوب ATR و التواصل.. فترة 2014-2015 ما كان واضح هو أيش يبي لكن في 2016-2017 اتضح بلا شك انه عدو و تبين تفكيره و اسلوبه الحقير و المستفز بالتصريحات

اجل Versus كانت مجرد Idea هاه؟ صرح بكذا بعد ضغوطات و فيدباك فانز Versus لدرجة قال ما يعرف هم كارهين او فانز قداماء او أيش بالضبط! و حصل له حاجات كعقوبة تخلي الواحد يقول الحمدلله و يستاهل ما جاه و بالعكس قمة الأيمان و الطاعة أن الواحد يحمد الله أن الظالم تعاقب.. و أنت بعد لا تفسر كلامي على هواك خاصة لما ما يعجبك لأسباب الله اعلم فيها (&)

حرفيا كلامك هذا في جهة وفوق في جهة انت تقول ان الله عاقبه لانه هو ظالم وانقلابي ومصلحجي حرفيا الي يسمع كلامك انك انت كنت معهم لانك جازم وتعرف نية تاباتا وطبعا انت كذا فجرت في الخصومة لانك جالس تقول شي اصلا انت ماتدري عنه وفقط تحليلات ونظريات

يتبع

وكلامك عبارة عن لف ودوران قمة الايمان ان الواحد يفرح اذا الظالم تعاقب وكان اكيد مش واحد اصلا انت ماتعرفه شخصيا والمضحك انك مصر وجازم وبعدين وش الي انا فسرته على هواي اصلا كلامي واضح وكلامك واضح وغير قابل للتفسير والتأويل

وبعدين الي يسمعك انت عارف كل الاحتمالات الي بتصير لتاباتا مستقبلا يمكن هو خيرة من الله ان طلع ويحقق نجاحات وحتى لو ماحقق يمكن افضل من ان يقعد داخل سكوير وممكن تحصل له مشاكل او مشاكل لسكوير يعني مدري ليش انت غصب اخترت الخيار الي يعجبك

يا رجل محد يحب اللف و الدوران الا أنت بس بصراحة ما شاء الله أيش هالايمان الزايد الي ما يطلع الا مع تاباتا (&) ؟ يعني تصريحه أنه فشل بسرد القصة و تصريحه انه راح يظل يدعم XV و الكتاب الي يلمح ان نوكتيس يحلم بغزو و كنسلة الدلس لأسباب مجهولة و لما اسس استوديو خاص فيه و معه محرك لمونيوس وفريق XV و على وشك يعمل ال New IP حقه ( البعيد عن مرض FF حسب وصفه )

و نيته مع شراكات مع علامات تجارية عالمية و قنوات ووو ثم فجأة سبحان الله كل شيء يتغير و يبدأ من الصفر كأنه مطور أندي! الواحد يغمض عيونه يعني عن الواقع ولا كيف؟ سالفة انه ظلم و استغل وضع Versus الحساس هذا شيء أنا متأكد منه و ظاهر مو شاك فيه حتى!

سبحان الله انا الي يحب ااف والدوران والي تسويه في ردك ذا الحين تسميه شنو ؟ كلام كله ماله علاقة بلي قلته انا اصلا جاب طاري يوشيدا والدي ال سيات ومدري ايش وترا انت ماتدري ايش صار يعني محاولة ربطك الى الاحداث غير صحيح لانه الكثير ماندري عنه واصلا الاضافات سبب كنسلته معروف وليس مجهول

كلامك مضحك والي متاكد ومو شاك فيه انت تعرف الغيب ولا شنو + ياخي كلامك هذا خطير مو اذا ادانسان ابتدى من الصفر يعني غضب من الله والعياذ بالله هذا تصير لبشر كثيرين فكلامك برضو غير صحيح وهذي حكمة من الله وبعدين ايش دخل ايمان زايد ومو زايد انت تقول كلام غير مقنع ونرد عليه

و أيش هو السبب المعروف؟ بالله شاركه معنا لأن مطورين الدلس انفسهم قالوا عرفوا الخبر فجأة و هم انفسهم مو عارفين سبب الألغاء و الأستقالة! بالله ذكرني مو كان فيه مليون نظرية لأستقالة تاباتا و الغاء كل شيء؟

الي يقول أن الأدارة ما اعجبها مشروع تاباتا الجديد و الي يقول أن كان ناوي على تعاونات كثيرة و خساير بغير الجمينج و الي يقول انه عرف عن Verum Rex و حس بالأهانة و طلع شر البلية ما يضحك على النظرية الاخيرة بالذات و مدري أيش من النظريات و تجي حضرتك تقول "سبب معروف و ليس مجهول" ام التأليف يا شيخ!

أنا اقول تاباتا كان يبي يصير محبوب عالميا ( خارج اليابان ) و كان يبي ينافس الكبار و يبي استوديو خاص فيه هذا كان هدفه في سبتمبر 2013 الأخ الله لا يوفقه استغل وضع فيرسس الحساس و روج نفسه من البداية عشان يصل لهدفه ذا و اخذ يوشيدا مع FF14 ARR كقدوة و نموذج يعني يبي يصير يوشيدا الجديد و مقابلة كوتاكو كان تعتبره كذا! المخرج الجديد الذي اتى (( لينقذ )) مشروع كارثي/متعثر

و أنا اقول لك أن الله ما وفقه الحمدلله و حلمه ذا ما تحقق ((( مع سكوير ))) قارن بين وضع يوشيدا مثلا و تاباتا حاليا.. محد يتذكر تاباتا الحين لكن يوشيدا داعس عنده FF14 و FF16 و يطبلون له بالمدح بل جالس اقرأ اراء مو قليلة ابدا انهم يبون فاينل فانتسي جديدة تعوضهم بعد الخيبات و ترجع مجد السلسلة!! مو FF15 كان تهدف لأعادة السلسلة لعرشها؟ فأيش دخل كلامي ذا بالغيب الحين؟

واضح انك مركز ما شاء الله سبب خروجه غير سبب كنسلة الدي ال سي يا ذكي

سبب كنسلة الدي ال سي بعد ماطلع الشركة توهقت وماشفت منتج للحلقات وانتهى مصيرهم بالكنسلة وهكذا لحفتهم باقي الامور لكن سبب خروجه الحقيقي غير معروف اكن قال ان طلع عشان لايتسبب بمشاكل لباقي الفريق واغلب الاحتمال ان له علاقة بتوجه مشروعه خصوصا ان ركز بعد خروجه يبغى يصير حر بتوجهاته

ثم أنت داخل عرض ترا عشاني جبت طاري حبيبك تاباتا لأن فارس على ما يبدو قرأ ردي بموضوع الصيف و لاعت كبده و شكله فكر كيف dro يكتب هالكلام نحن مثقفون ياللهول و جاي يقال لك يبي يضربني على الوتر الحساس و رمى FF15 و تاباتا و القدر و مشى كأنه يبي يحشرني لكن اقوله و لأمثاله أن من حكمة الله أن جعل تغير القدر من القدر و أن الدعاء و حسن الظن بالله قادر على انزال صاعقة بتغيير أي شيء مهما صعب و كان مستحيل لأن الله قادر على كل شيء!

طبعا كعادتك مخربط وملغوص الامور وتنط من نقطة لنقطة عموما اذا تقارن بين وضع يوشيدا وتاباتا الحين طيب اصلا خلي نشوف مشاريع تاباتا وبعدين نحكم واذا تتسائل وين كلام الغيب انت شوف وش تقول فوق جلست تدخل في نية الوجال وان انقلابي واستغل وضع فيرسيس لصالحه وغيرها من الامور وكانك داخل الفريق وداخل قلب الرجال + تفسر حكمة الله حسب توجهاتك وتفكريك

لا والله واضح انك أنت الدايخ.. خبر الأستقالة و الغاء الحلقات نزلوا مع بعض و بوقت واحد في احتفالية مرور سنتين على اصدار FFXV و اكيد أن الأستقالة و الغاء كل شيء يخص XV مرتبطين مع بعض ما يبى لها تفكير يعني ثم قرار التركيز على لعبة واحدة new IP ( فورسبوكن )