منتديات تروجيمنج

تصاميم البوكيمونات في الجيل الأول وحتى الثاني كانت بسيطة من ناحية التفاصيل ، وتعتمد على الحدود الدائرية أكثر شي، حتى التلوين بسيط ونادر تشوف ألوان كثيرة على البوكيون واذا كلش تلقاله بألوان جدا راكبة على بعض، على سبيل المثال شوف جاريزاد وبيكاتجيو.

هذا الشي خلاهم جدا سهلين على العين وبسرعة ينحفظون ، وطبعا كونهم من أول الأجيال فالنوستالجيا وال1st Impact لعب دور كبير.

بس من الجيل الثالث واللي بعده أختلف كل هذا ، بدينا نشوف أشكال معقدة وتفاصيل دقيقة وألوان كثيرة ومختلفة ومرات شاطحة.

وترى مو شيء سيء بالنسبه لي ، حبيب القديم وحبيت الجديد ، كل جيل فيه التصاميم الرهيبة والMeh. هي مسألة ذوق بالنهاية وتجربة مختلفة من كل شخص.

اوكي معلومة سريعة ، تدري ان توغوبي البوكيمون البيضة اللي مع ميستي وحتى البوكيون الطائر الغامض اللي شافه آش في أول حلقة من المسلسل هذولا بوكيمونات من الجيل الثاني وليس الأول؟ لول شي غريب صح ، موجودين قبل ما نزل الجزء الثاني ، خاصة الطائر هذا بعدين انكشف كبوكيمون أسطوري على غلاف ألعاب الجيل الثاني او الجزء الثاني ، Pokemon Gold & Pokemon Silver .

لحظة انا وين رحت؟ ، نرجع حق بوكيموناتك (&)

Cubone كيوت ومسكين ، اما ميوتو يخوف بس رهيب! شكله فعلا كأنه بوكيمون مصنوع من تجارب. تصميم رهيب.

هي النوستالجيا تلعب دور أكيد، بس لما أشوف البوكيمونات الجديدة وكيف أن تصميمها أقل ذكاء (بعضها جدًا غبية زي بوكيمون قلعة الرمل) حتى وإن كان أكثر تعقيدًا تزيد قناعتي بأن الجيل الأول هو الأفضل بين كل الأجيال... يكفي أنه جيل بيكاتشو. (&)

لا جد أنا متعلق عاطفيًا بالجيل الأول وكنت حافظ أسمائهم مع تطوراتهم (عددهم 150 تقريبًا؟) ومع هذا ما لعبت أي لعبة بوكيمون!

هههههه فاهمك هو عدد البوكيمونات الغريبة زاد بس للأمانة حتى في في الجيل الأول كانوا موجودين ، مثلا شوف Jynx ، هذا البوكيون غير ان تصميمه قبيح ايضا سبب مشاكل لدرجة انه غيروا لون بشرته من الأسود الى البنفسجي XD ، سالفة عنصرية وجذي.

بس ماعلينا ، هو انا متفهم وضعك بس صدقني حتى الاجيال الجديدة فيها تصاميم جدا رهيبة.

أسوأ تصاميم من وجهة نظري كانت من الجيل السادس ، Pokemon X & Y ، واغرب تصاميم كانت من الجيل الخامس Pokemon Black & White ، بس حبيت كثير من بوكيمونات Black & White حتى على غرابتهم حسيتهم مميزين وفريش تيك بدون ما يفقدون لمسة بوكيمون في التصميم.

والله اني تفلسفت لين قلت بس (&)
السموحة دشيت بمعق جذي XD

عندي فكرة عن قصة جنكس ومع ذلك بوكيمونات الجيل الأول لازالوا بنظري أقل قبحًا ونفورًا من تصاميم الأجيال اللاحقة. حتى المسلسل نفسه مستواه هبط بعد الموسم الأول. 🙁

أنا ما أقدر أفرق بين البوكيمونات غير بوكيمونات الجيل الأول وبعض بوكيمونات الجيل الثاني. (&)

والله اني تفلسفت لين قلت بس (&)
السموحة دشيت بمعق جذي XD

أنقر للتوسيع...

خذ راحتك يا رجل، أعرف شعور الشخص لما يسهب عن شيء يحبه.

بس ايش تعني "معق"؟ (&)

بالنسبة لمستوى الأنمي اتفق معاك انه طاح. تحديدا من بعد نهاية ال"Orginal Series".

الOriganl Series هو اسم المواسم من الحلقة 1 إلى الحلقة 274 (آرك Kanto ، Orange Islands و Johto).
Kanto = إقليم الجيل الأول من الألعاب والانمي
Orange Islands = مناطق أصلية للانمي فقط
Johto = إقليم الجيل الثاني من الألعاب والانمي

وبالنسبة ل"معق" كنت اقصد "عمق" XD