منتديات تروجيمنج

الأن في فف15، ما كُنت أخذ وقت في التفكير عشان أغير تشكيلة أسلحتي لوحده تضرب أكثر فقط...

وبعدين في الكهف اللي كان صعب علي أعديه... صارت المسأله كم ضغطه من المربع وكم ضغطه للL1 و إلى الفوز الغير مشكوك فيه..

هذا الجزء هو الأقل عمقاً في السلسلة. على العموم، ايش الأجزاء الي انت لعبتها فارس ؟

12 و 13 و 8 و 10
فف12 عِشقي الكبير.

واو، عظيم جداً!
أنا كنت بقولك، إذا مقارنة مع 8 وتحس فرق في العمق والاستراتيجيات في اللعب، فما بالك بالأسطورة 12؟
هي اللعبة كويسة، بس ناقصة بشكل يقهرك وتتمنى لو طلعت بشكل أفضل

أقل شيء، مِثل إنك تختار مين تاخذ من البارتي في 12، إنك تلعب بالبارتي و تتحكم فيه بشكل كامل.

في فف12 التحكم في البارتي يصل إلى إنك تخليهم بدونك يتعاملو مع مُختلف الحالات بدِقه، و تغير فيها ما شئت. في مجال كبير جِداً لك إنك تفكر في إدراة فريقك.

هنا في فف15، مدى تحكمي في الفريق ما يتعدى إلا كذا أمر، والتعديل على الشخصيات محدود جِداً.

الأسلحه مُهمه جِداً في فف15 في مدى قوة فريقك، و تلقاها إما بوفره في المحلات، أو إنهم يعطوك أسلحة الرويال مره بدري... وحقيقة مدى قوتها الهائله.

في العشر ساعات ما غيرت إلا كذا سلاح... و كُنت "دائماً" مُستعد أمام أي قِتال، مو معقول قد إيش الباتل سيستم بسيط بشكل مُوعج و مُضيق و مُحبط.

لا يُحتمل. أنا أفكر أحياناً إني ما أكملها.

تخيل يا حسون، إن في قتالات "يظهر" إني مش كفؤ لها لِسا، يعني أقوى مِني و أصعب من ما أتوقع لكن تضل معقوله.... يصير القِتال فيها "محض" إزعاج و عشوائيه لا مُتعةَ فيها.

الوحوش اللي في أخر الدنجن اللي بعد أول مدينه، المُخجل إني عديت هذا القِتال اللي ضليت أروح فيه لحالة دانجر كثيره، و كُنت فيه بوضع صعب، و كُنت بشكل مُستمر أتعرض لماجيك يدوخ شخصيتي..

فقط لإن عِندي ما يكفي من الأعلجه اللي تخليني أتحمل، وبعض الفونيكس داون.

نِظام الموت في اللعبه غلط. يخليك تحس بالغباء لما تخرج من بعض القِتالات الغير مُتكافئه، و نوعاً ما يقلل من التشالنج في اللعبه.

كم ساعة لعبت باللعبة فارس ؟

لِعبت 10ساعات تقريباً و أخرها جلسه اليوم ساعتين... التايتن ههههه XD

و إكتشفت إمكانيات أكثر لِنظام الماجيك في اللعبه، هو تقريباً أعمق شيء في الجيمبلاي.
تقدر تجيب ماجيكين في ماجيك واحد، ماجك يعطي ضربه دبل أو تريبل، ماجبك رعد بتأثير ستوب. ماجيكز بعدد أكبر...
.... إلخ من الاشياء اللي بتطلعها بدمج الitems مع الماجيكز.

لكن يضل مُضيق عليه... و الوحوش بالكاد قابلت مِنهم اللي يحطوا عليك تأثيرات ماجيك،
ولا أظطر عشان أستخدم ماجيك مُضاد أو ماجيك يزود في القوه و الدِفاع، أو ماجيك تأثير على الوحوش.

أمور جانبيه الماجيك تظهرلي إنها... لكن نِظام جميل للإستمكشاف فيه و التجريب و يمكن يشجع الإستكشاف في البيئه أكثر عموماًً، بما إن الأيتيمز مُهمه.

وبيساعدني في قِتالات صعبه جِداً جِداً.

نظام الماجيك مش بطال نسبياً، اما قتال التايتن فهو سيء جداً وحرام ينحط في لعبة آربيجي
أنا عندي اعتراضات ثانية غير النقاط الي انت ذكرتها، عندي اعتراضات على أشياء زي الanimation recovery البطيء، و المشاكل في اللوك-اون وبعض الملاحظات الصغيرة الثانية
حتى لو طنشنا مشكلة العمق أو الاستراتيجية، فالنظام نفسه فيه مشاكل.

شكلي بصلحلي رد كِذا مُحترم في الموضوع الرسمي عن كل مشاكل الباتل سيستم ، بس لما أكمل عشر ساعات زِياده.

قِتال التايتن يا حسون... هههههههه XD أنا ما أقدر أعبر أكثر من الضِحك. في مره أعتقد علق الAi معه و قاعد يعطيني بوكسات مُتتاليه بدون توقف.. أو إنه جزء من القِتال و بتكون مُصيبه.

الشيء المُمل.. إني بعد معركه زِفته إكتشفت إني لاز أروح سبوت مُعينه عشان ينفذ جركته و اسويلها L1 وإنتهى القِتال بكِذا فِعلاً.

حسون... أنا بالغلط، شُفت قِتال بوس مُتقدم لإن أخوي كان واصل أكثر مني و يلعب على نفس البلايستيشن.


اللي شُفته في هذا القِتال... هو مُصيبه أكبر من قِتال التايتن، هذا قِتال مع الكاميرا، ما أدري إذا إنت وصلتله أو له. لكن كان قِتال هوائي بحت. يا إلهي، أنا ما عِندي رغبه ألعب في هذا القِتال أبداً.

ايش القتال الي تقصده ؟

القِتال مع الثعبان وسط المدينه الغرقانه. كان قِتال في الهواء، مع إستخدام كثير للورب.

أعتقد إنك واصلنله.


إذا ما وصلته.. أنا الأن مِغادر ملفك لا تسأل عني لفتره من الوقت... P:

ما وصلته، بس أنا سمعت عن مدى سوء هذه المعركة، وكثير قالوا لي انها حتى أسوأ من معركة التايتن
صراحة انا مش مهتم بالأحداث والقصة في اللعبة نهائياً لأنها خربطة فوضوية بكل معنى الكلمة
المعارك والقتال على عيوبهم هم الحافز لي للاستمرار وإنهاء اللعبة.

أنا أعتقد إن في شيء في أي قِصه لازم توفره في البِدايه.. إنها تحصل على إهتمامي.
أنا فعلاً مش "مُهتم" في تتبع هذي القِصه أو محاولة التفكير فيها. عكس قِصة فف8.

عِندي إهتمام حوالين الدنجنز، وهي دافعي الوحيد لتكملة فف15 الأن.

لا تستغرب إذا لقيت عِندي إن 13 أفضل من 15، الباتل سيستم بالغ الأهميه في لعبة فاينل فانتسي.