VGA 2011 | موضوع الإعلانات والعروض والكشف عن 13 لعبة. وما ننسى الضحك على سخافة الحفل

[SAUD~F-16]

^
:confuse:
يكفي تفسير وتنبيش يشباب ,

 

[hemo memo]

يعني نقدر نقول ان ال "Amazing Developer" هو Naughty Dog ؟! او انه تعاون بينهم وبين سانتا مونيكا! وبالله لحد يجي يقول صدفه.

 

[Raziel]

CODE-X

معليش قاعد تخلط الحابل بالنابل، اللي قاعد يسويه جيف عارفينه ومتوقعينه من كشخص إعلامي فهو يبالغ ويهيب لشيء تنتظره الناس مثل سيكول للعبة كبيرة (ماس إفيكت3) أو استوديو كبير يرجع بلعبة (سانتا مونيكا) صحيح ماهو مفاجئة لكن أكيد خبر سار، لذلك يبالغ ويبهر وندري إنه قاعد يسوي دعاية للحفل وللقناة ككل ماهو شيء غريب من أشخاص محترفين .. حنا كجيمرز مايهمنا إلى أي درجة جيف كيلي قاعد يبالغ، يهمنا بشكل عام محتوى اللعبة ونوعيتها.

رابعاً المشاريع الضخمة و اللي يفترض تكون مفاجئة "وما نصدقها" بالعادة الاعلان عنها يكون في E3 او مؤتمر مستقل او مهما كانت ما راح يكون مكانها في الVGA's

لول E3 الأخير ما كان فيه أي شيء تحت بند "مفاجئة" كل شيء كان مكشوف ومعظم الأوراق إنكشفت قبل المعرض بأيام
أي مشاريع ضخمة تتكلم؟ بايوشوك إنفينت ظهر إعلانها في البداية مع مجلة جيم إنفورمر، نفس الشيء توم رايدر اللي الفرق شفنا الجيمبلاي في E3
أنا مب جالس اقلل من E3 لكن الحقيقة إن سنة 2011 كانت خالية من المفاجئات والكل شغال على آيبيات معروفه ..

خامساً بات واضح من العروض ان اللعبة سيرفاير و زومبيز و نحوه و اللي اصبحت في هالجيل افكار مبتذلة و بقوة و ما اشوف فيها اي شي مفاجئ , الشي الوحيد اللي قد يكون عليه كلام لو كانت اللعبة تملك تقنيات خارقة و اللي حالياً و في احنا مشرفين على نهايات الجيل الحالي ما راح يكون مفاجئ , او عالأقل بالنسبة لمعضمنا .

:laugh:: = إصدار حكم نهائي ؟
ما أدري كيف عندك الجراءه لتبني جبل من الافتراضات ثم تصدر حكم شخصي ونهائي؟
اللعبة حتى مايُعرف إذا كان The Last of us اسم نهائي أو مجرد لأغراض التيزر ..

ثامناً بنشوف مجرد اعلان "تريلر" للعبة لمدة لا تتجاوز دقيقة-اثنين كحد اقصى , و لو كان المشروع كبير فعلاً ما راح تشوف او تسمع عنه شي آخر حتى E3 القادم .

لول سكايرم تسلم عليك وتقول تتذكر VGA 2010 ؟

تاسعاً ما راح يكون ذاك المشروع الكبير المكلف لو فرضنا انه بينزل في 2013 "اي بعدا دخولنا في الجيل الجديد "

وعلى كيفك تحدد الميزانية للعبة؟
ومين قال لازم اللعبة الكويسة تجيها ميزانية ممتازة؟ خذ لفة على ألعاب الـIndie وبتعرف إن كثير منها الكواليتي حقها أفضل من ألعاب الملايين.

ما راح يلبي المطلوب من المبيعات "مثل شادو اوف كلوسس :xd:"
بالآخير اللعبة ما تحتاج نص الهايب هذا , و بالآخير وجهنا بعد العرض بيكون زي

على فكرة ياليت بعد تقلل من كمية الافتراضات العجيبة، إذا جيت تبني وجهة نظرك خل عندك منطق تستند عليه
مب كل شوي ناط بافتراضات من هواك ؟!

 

[CODE-X]

^
أعلنوا عنها ب vga اللي قبلوه أول مرة لما استلموا جائزة الجوتي للحزء الثاني

اعلنوا عنها قبل الvga بفترة و قالوا العرض الأول للعبة بيكون في الvga

 

[The Last Lombax]

أنيس متأكد أنك تتابع الـVGA ؟
السنة اللي فاتت شفنا سكايرم وأنشارتد 3 وللعلم حتى أنشارتد 2 تم الإعلان عنها في VGA 2008

 

[Sultan/X]

^
:confuse:
يكفي تفسير وتنبيش يشباب ,

تشوف p:

 

[DEMON]

لحظة ... الحفل بكرة ؟؟ يعني بعد 13 ساعة تقريبا ؟؟ حماااس

 

[alakafi]

لحظة ... الحفل بكرة ؟؟ يعني بعد 13 ساعة تقريبا ؟؟ حماااس

37 ساعة

 

[Saudi pro]

^

لا مب بعد 13 ساعه .. الحفل بيكون يوم السبت فجر الاحد (( بعد مباراة ريال مدريد و برشلونه )) و اتوقع بيكون على الساعه 4 او 5 الفجر .

 

[DEMON]

ميييه احباط !

 

[alakafi]

^
فيه NPD بعد 12 ساعة تصبيرة ..

 

[SCREAMING_RAGE]

صحيح........... سكايرم كانت اعلنوا عنها في عرض السنة الماضيه ............... صحيح كان تيزر صغير......... لكن طريقة الاعلان عنها خلت شعر جسمي يوقف !!!!!!!!!!!

[video=youtube;5PW9_t2BNe0]http://www.youtube.com/watch?v=5PW9_t2BNe0[/video]

لا تحاولوا يا عالم تبيخوا العرض

TG ركب قطار الهاايب وما بينزله الا يوم يخلص المعرض

 

[Dark Master]

اعلنوا عنها قبل الvga بفترة و قالوا العرض الأول للعبة بيكون في الvga

انعرضت لأول مرة ب VGA بس قبلها بسنة أو سنتين اعلن عنها اللي طلع استلم الجائزة حقت الجزء الثاني
راجع معلوماتك انيس

 

[Wild Fox]

على بالي اليوم :\

 

[CODE-X]

لول E3 الأخير ما كان فيه أي شيء تحت بند "مفاجئة" كل شيء كان مكشوف ومعظم الأوراق إنكشفت قبل المعرض بأيام
أي مشاريع ضخمة تتكلم؟ بايوشوك إنفينت ظهر إعلانها في البداية مع مجلة جيم إنفورمر، نفس الشيء توم رايدر اللي الفرق شفنا الجيمبلاي في E3
أنا مب جالس اقلل من E3 لكن الحقيقة إن سنة 2011 كانت خالية من المفاجئات والكل شغال على آيبيات معروفه ..

e3 الأخير ما كان فيه اي مشاريع مفاجئة و ضخمة ما نعرف عنها بكل بساطة .

= إصدار حكم نهائي ؟
ما أدري كيف عندك الجراءه لتبني جبل من الافتراضات ثم تصدر حكم شخصي ونهائي؟
اللعبة حتى مايُعرف إذا كان The Last of us اسم نهائي أو مجرد لأغراض التيزر ..

كيف اصدار حكم نهائي ؟
مو شفنا نفس العروض ؟ بعدين فتحوا موقع بإسم اللعبة و نزلوا خلفيتين عليها اسمها و عندك شك بإسمها ؟

لول سكايرم تسلم عليك وتقول تتذكر VGA 2010 ؟

بكلامي ما كنت اتكلم على العاب الطرف الثالث ...

وعلى كيفك تحدد الميزانية للعبة؟
ومين قال لازم اللعبة الكويسة تجيها ميزانية ممتازة؟ خذ لفة على ألعاب الـIndie وبتعرف إن كثير منها الكواليتي حقها أفضل من ألعاب الملايين.

:confuse:
دعاية لألعاب الindie مثلاً ؟ ايش دخلنا فيهم بالضبط اللحين ؟ الهايب للعبة و خاصة new ip ينبني على ايش عادةً ؟! المطور , و الميزانية المحترمة , و لو فرضنا انه سانتا مونيكا مثلاً بnew ip فبتحتاج ميزانية محترمة !

على فكرة ياليت بعد تقلل من كمية الافتراضات العجيبة، إذا جيت تبني وجهة نظرك خل عندك منطق تستند عليه
مب كل شوي ناط بافتراضات من هواك ؟!

و هذا المنطق ما هي شادو اوف كلوسس كانت مثال حي للألعاب ذات الميزانية المحترمة و تكون لعبة ممتازة و تنزل على اواخر الجيل . منطقيا شي مشابه بيحصل مع غيرها ...

أنيس متأكد أنك تتابع الـVGA ؟
السنة اللي فاتت شفنا سكايرم وأنشارتد 3 وللعلم حتى أنشارتد 2 تم الإعلان عنها في VGA 2008

انعرضت لأول مرة ب VGA بس قبلها بسنة أو سنتين اعلن عنها اللي طلع استلم الجائزة حقت الجزء الثاني
راجع معلوماتك انيس

:confuse: التيزر الأول وليس الاعلان عن اللعبة في فرق انشارتد3 انشارتد2 هذا اللي حصلته حالياً بس بينعش شوي الذاكرة :sarcastic:...

لا تحاولوا يا عالم تبيخوا العرض

انا ماني احاول ابيخ العرض انا اصلاً شايفه خير شر في اعلانات ولا ما في :laugh:: , بس لا تتهيبون بزيادة على اساس ما تكون صدمة الاحباط السنوية قوية :

 

[Raulioo]

^

لا مب بعد 13 ساعه .. الحفل بيكون يوم السبت فجر الاحد (( بعد مباراة ريال مدريد و برشلونه )) و اتوقع بيكون على الساعه 4 او 5 الفجر .

سهرة خرافية بتكون..مباراة فالنسيا و ووراها الكلاسيكو وثم الحفلة وووراهم هجوم ثنائي من اختبارين متتاليين بالجامعة من اول الصبح..@@ طبعا ما ذكرت مباريات الدوري الانجليزي بالعصر ولا شفت ايش هم للحين عشان ما اخوف نفسي اكثر @@

 

[Saudi pro]

اليوم الساعه 6 المغرب مباراة ارسنال ضد ايفرتون على ملعب الامارات + مباراة ريال مدريد و برشلونه + VGA 2011 كلهم بنفس اليوم

من جد سهرة خرافية

 

[H2O]

اللحين الحفل متى بالضبط ؟ الساعة 4 الفجر ولا بعد المبارة ولا متى ؟

 

[G7Ga7]

اللحين الحفل متى بالضبط ؟ الساعة 4 الفجر ولا بعد المبارة ولا متى ؟

الساعة 4 الفجر بعد المباراة.

 

[Dark Master]

وانا اللي كنت ناوي ادرس اليوم :laugh::

أنيس تعبت وانا اقلك انه الاعلان الاول عن اللعبة بدون عروض ولا شي كان بحفل VGA 2009 لما استلم الفريق وحدة من الجوائز قال انه اللعبة تحت التطوير
السنة اللي بعدها جابو أول عرض بنفس المناسبة

 

[Nintendo]

اللعنة اليوم الكلاسيكو يخلص الساعة 2 الفجر و الحفل الساعة 4 الفجر يعني ماراح ننام اليوم

 

[DEMON]

اليوم بتكون سهرة رهيبة:rockon: ، عن نفسي ناوي انام الساعة 4 واضبط المنبه الساعة 11 قبل الكلاسيكو بساعة ، واتفرج عليه ، وبعدها احلى VGA

 

[Naserano]

يقولون إن Nexuiz هي لعبة THQ الثانية في الحفل.. (لوول أول مرة اسمع إن عندهم لعبة ثانية :laugh:
ESRB كشف كل شيء يخصها:

The ESRB has revealed that THQ will be publishing futuristic FPS Nexuiz.

The game, which is described by the ratings board as "a first-person shooter in which players assume the role of futuristic soldiers who battle alien factions", is a remake of 2005's open source shooter of the same name.

The game, currently in development at Illfonic, uses Crytek's CryEngine 3 and had originally been due to arrive on XBLA, PSN and Steam last summer.

لعبة شوتر فضائية أركيدية بستايل كوميدي وتستخدم Cry Engine 3

[video=youtube;HNr2z08u5fM]http://www.youtube.com/watch?v=HNr2z08u5fM&feature=player_embedded#![/video]


عطوني inSANE وأخذوا الحفل كله لكم T___T

 

[Primal]

يا اخوان احد يوفر لنا رابط بث مباشر

 

[Nintendo]

يا اخوان احد يوفر لنا رابط بث مباشرة

http://www.spike.com/events/video-game-awards-2011/live-video/oxv45o

3،30- 4 الفجر بتوقيت مكة المكرمة

 

[Primal]

^
شكرا.
واتمنى الاعلانات الجديد تستاهل القوم بدري عشانها
وما ادري ليش عندي احساس ان حصرية سوني مش بالمبالغة الي وصفتها سوني
يعني الحماس من جهتهم فقط(لو كان الكلام هذا صحيح)

 

[D_SHEHAB]

متحمس كثير للعبة اللي بتلعن عنها سوني ، يا خوفي بس كل ذا الهايب وفي النهاية لعبة ميه ... أهم شي لا تكون FPS : / - بالنسبة لي بس -

 

[Primal]

متحمس كثير للعبة اللي بتلعن عنها سوني ، يا خوفي بس كل ذا الهايب وفي النهاية لعبة ميه ... أهم شي لا تكون FPS : / - بالنسبة لي بس -

لا تستبعد كل شىء جائز
ويمكن تطلع في النهاية لعبة عادية والحماس من جهتهم لا اكثر

 

[Wild Fox]

http://www.spike.com/events/video-game-awards-2011/live-video/oxv45o

3،30- 4 الفجر بتوقيت مكة المكرمة

دخلت الموقع يقول الفيديو غير متوفر لدولتي !!!!
معقول وقت الحفل يسووها ؟

 

[Dark Master]

نفس الشيء كل سنة والمشكلة برامج البروكسي تبطئ الاتصال