hits counter

UK V.s 87

Snake-87

Electrony Editor
كنت مقدم على فيزا بريطانية عام 2009 وحصلت لي قصة طويلة عريضة مستطيلة وكرهت بريطانيا وسفارتها من وقتها وأنواع السب فيهم ومعاملتهم السوبر سيئة للناس وبالنهاية رفضوا فيزتي وبلعوا فلوسي .. عطيتهم فرصة ثانية قبل أمس وقدمت مرة ثانية على الفيزا ولما رحت أقدم قالولي المرفوضين من قبل معاملتهم ما تخلص إلا بأقل من 10 إلى 15 يوم عمل وطبعا كل ما تبي تقدم على الفيزا راح يتم تأخيرك لأنك مرفوض لمدة 10 سنوات !!!!!!! إذا تبي تخلصها خلال أسبوع إدفع فلوس زيادة (قمة بالنصب) أحسن شي سووه إنه الفيزا قبل كنت تعبيها يعطونك دفتر أسئلة علشان تقدم على الفيزا والحين خلوها 3 صفحات فقط .. المهم بعد ما كتبت الأوراق حصلت سؤال يطلب سبب الرفض في المرة الماضية .. لما كلمت مديرهم آخر مرة بعد ما سلمني جوازي المرفوض قال ما يذكرون السبب وطلعت معصب .. قالي الموظف قبل أمس لا يبى يذكرون لك السبب بالظرف مع الجواز فيه ورقة @@ !!! رديت البيت قعدت أدور الظرف بالمخزن بعد ساعة من الحوسة حصلته وفعلا حصلت الورقة .. قريت الأسباب أقسم بالله تضحك .

بما إنك مو رايح حق عمل , زيارة أهل , علاقة , علاج , دراسة , ماكو داعي تدخل الدولة ولكن سوينا مقابلة لك علشان نشوف نواياك الحقيقية .. وما ذكرت لنا أصحابك وين ساكنين أو شلون بتلتقي فيهم وشنو يشتغلون (أصحابي كاتب أساميهم بالمعاملة وكاتب إنهم يدرسون بس ما أدري شنو ومو حافظ عنوانهم ولي الحين ما تواعدنا على مكان .. يبوني أنجم ؟؟) همف .

المهم أمس شفت النت وإلا خالص الجواز وجاهز للإستلام بيوم واحد خلصت ! (طبعا ما أدري إذا مرفوض أو لأ و المرة إلي طافت شهر تقريبا وخذيته غصبن عليهم تهاوشت معاهم لأنهم كانو يبون يعطوني إياه بعد العيد) . رحت لهم على آخر 10 دقائق وقالولي سكرنا -_- دخلت حاولت مني مناك حصلت لي موظف وخذيت آخر رقم وكان 587 .. xD فتحت الظرف بسرعة بشوف قبلوني أو لأ وفتحت الجواز والحمد لله طلعولي فيزا أخيرا بعد طول عناء و الحمد لله .

2eeacs3.jpg



(طبعا ما أؤمن بخرابيط الأرقام والحظ وكل شي بيد الله سبحانه أكيد و هالسوالف للوناسة بس طبعا )
 

Zeyad

True Gamer
اذا تم رفض فيزتك تقدر تسوي اعادة طلب بدون ماتدفع ولا ريال..

بخصوص سبب الرفض هممم حسب علمي لازم ترفق اثبات بدراستهم او اي شي ثاني,,

من تجربة زملائي خاصة في صيفية يقدمون على الفيزا كسياحة بدون ذكر اي شخص موجود هناك وكلها يومين ثلاثة وياخذ الفيزا زي العسل بعد مايستكمل الشروط مثل صور شخصية وتعريف بالعمل و كشف حساب وغيرها ويستلم فيزة مدتها 6 شهور..

عموما معروف النظام في بريطانيا يعتمد على $$$ في كل معاملة لذلك لازم تتتعود خخخ
 

"a7mad"

True Gamer
the number 23 :p

الحين ما قبلوك تدخل بريطانيا علشانك سافرت سياحة ؟ لوووول

الله يكون بعون الجميع
 

q8 spy

True Gamer
زين وبعدين XD

طلعت فيزتك وخلاص

لــيش مكبر الموضوع هههههههههههههههههههههه

شكلك مسوي الموضوع علشان 87

لوووووول
 

Photon

True Gamer
موظفي المكاتب التابعة للسفارات - لاحظوا مو السفارة نفسها- من تجربتي تعاملهم زفت و خصوصا لما يكون فيه هنود شايفين حالهم يصير الوضع أزفت و تعاملاتهم معقدة و يرفضوا طلبك للفيزا و يشفطوا فلوسك لأسباب غبية وووو إلخ .. رفضوا لي مرة و كنت مستعجل أروح و لسبب تافه و بغيت أبطل من الروحة نفسها ..

رقمك بالانتظار مصادفة عجيبة لول .. حتى أنا تاريخ ميلادي نفس تاريخك محمد XD
 

The_One

Hardcore Gamer
حبيبي اذا بتروح بريطانيا لأي سبب غير الدراسة قدم على فيزا سياحية وماله داعي تذكر أي تفاصيل عن سبب الزيارة، وراح تطلع لك الفيزا بيومين.
وأصلاً مكتب التقديم بالكويت يعتبر الأسرع على مستوى دول العالم الثالث، لأنه منزلين نموذج خاص للكويت مختصر بـ3 صفحات ومافيه أي أسئلة أو طلبات بايخة(كشف حساب..والخ) مجرد أسمك وعنوانك ومدة الفيزا المطلوبة (أقل شي 6 أشهر وأكثر شي 10 سنين)، والفيزا السياحية تطلع بيومين والدراسية تاخذ ثلاث إلى خمس أيام عمل بالكثير.
 

The Blue King 9

True Gamer
^^^^^^
نفس الشيء بالسعودية انا اول مره قدمت خلصوها لي بيومين لكن المره الثانية قدمتها وقعدة اسبوعين وقالوا لي ان السبب هو موسم الاعياد (الكرسمس ورأس السنة)
ولد عمي خلصوها له بيوم واحد بس
وكلها فيزا دراسية طبعا

الحمد لله ماقد قدمت على فيزا ورفضوها ابدا واحسن شيء في بريطانيا هي سهولة استخراج الفيزا وسهولة السفر والرجوع في اي وقت تبي بدون اي تحقيق وحتى بالمطار ماقد اخروني بس ختم دخول وامش
 

Tanton

True Gamer
أنا حاقد عالسفارات، يوم بطلع فيزا أمريكية انتظرت أكثر من شهرين على ما طلعت
 
أعلى