Tretton:سوني لا ترشو المطورين للحصول على عناوين حصرية للـPS3!!
- بادئ الموضوع ASWD
- تاريخ البدء
The Heartless
True Gamer
بالنسبة لويننج اليفن فعلا الوي بتكون نسخته غير الباقيين مثل لعبة فيفا
اما بالنسبة لاصراري على قائمة ( هاذي السنه ) فبس عشان اوضح انه الوي باول سنه حصل على كل الاسماء الالعاب الكبيره وذا والجهاز محد كان متوقع نجاحه .. البلايستيشن3 اللي المفروض يكمل مسيرة من قبله ماشفنا عليه شئ .. عن الالعاب المشتركه مع جهاز ثاني فللاسف انا اتكلم عن الحصريات ويمكن ردة فعلك تثبت وجهة نظري انه البلايستيشن3 جهاز بدون شركات طرف ثالث ( ماعدا كم لعبه من يوم شفنا الجهاز ونحنا نشوفها معه )
النقطه الثانيه يوم تقول العاب ( فرعيه ) .. هل جربنا الالعاب ذي عشان تصير كلمة ( فرعية ) مشكلة ؟ ليش ماتكون العاب فرعية ببرودكشن فاليو مرتفع جدا !! وتكون فعلا العاب رهيبه ومسليه .. ولكن المشكلة هي انه لازم نقلل من الالعاب عشانها لجهاز منافس ..
اوكي عشان ماتزعل .. عطني العاب البلايستيشن3 الحصرية اللي نعرفها وتاكدت حصريتها للجهاز .. صدقني ماتفرق اول سنه ولا خامس سنه الالعاب كلنا نعرفهم وينعدون على اصابع اليد الوحده .. بينما ال360 قاعد يجمع ماشاء الله بمجموعة العاب والوي مايحتاج صايره عنده مكتبة العاب محترمه ..
غريب انك تعتبر وننج اليفن الوي حصرية ؟ النسخة هذي مو تحت التطوير للwii والpsp ! ولا علشان التحكم بس صارت حصرية ؟ إذا جذي اقدر اعتبر وننج اليفن نسخة الps3 حصرية ايضاً بما انها تستخدم الsixaxis
حبيبي عمر نقطة الحصريات اعتقد اني وضحتها في ردي السابق , موضوع الحصرية في هالجيل مو بمثل بساطة الجيل الماضي , انت تقول الوي عنده اسماء حصرية اكثر من الطرف الثالث وأنا ماخالفتك , لكن سؤالي هو هل هي بمستوى العناوين الكبيرة ؟ وأي نعم الألعاب (فرعية) إذا ماكانت تحمل رقم بالسلسلة , تقولي البرودكشن فاليو وكل الي شفناه عالوي مشاريع من فرق ثانية الأسماء الكبيرة ماتشارك فيها , تقدر تقارن البروكشن فاليو لفاينال كريستال كرونكلز بفاينال 13 ؟ أو رزدنت ايفل امبريلا ورزدنت ايفل 5 ؟
الكتاب واضح من عنوانه , معظم الألعاب الي انت حطيتها عليها شكوك و علامة استفهام كبيرة على مستواها
الps3 وال360 الكفة متقاربة بينهم والحصرية صارت من نوع آخر , الإثنين يتنافسون على نشر ألعاب الطرف الثالث فتضمهم معاهم على شكل طرف ثاني , أنت تنظر لألعاب ال360 ( بلو دراجون ولوست اوديسي وجيرز اوف وار وألان ويك وماس ايفكت ... الخ ) وتقول واو طرف ثالث 360 > من الps3
لكن الحقيقة الألعاب هذي كلها من نشر مايكرو ونقدر بكل بساطة نقارنهم بإلعاب الps3 من نشر سوني ( لير , هيفنلي سورد , ليتل بيج بلانت , أنشارتد , راتشت , هيفي راين ... الخ )
وبالنسبة لقائمة الحصريات للps3 من الطرف الثالث فهي مثل ماقلت يمكن تعند على اصابع اليد
( متل جير 4 - فاينال 13 - فاينال 13 فيرسس - تكن 6 - مونستر هنتر 3 ) ألعاب قليلة لكن على الإقل أفضل من حصريات الوي ومقاربة لل360
طبعاً مايحتاج انبه هالأسماء للطرف الثالث فقط دون ذكر الأول والثاني ودون ذكر التايم اكسلوسيفز ولا الوي مايقدر ينافسها أصلاً .
مشكور عالإطراء
The Heartless
True Gamer
أبو خالد عنده 3 سيارات كامري , أبو علي عنده وحده فيراري
أبو خالد أغنى من أبو علي :laugh:
أبو خالد أغنى من أبو علي :laugh:
Mr.3B
True Gamer
Nintendo
TG editor-in-chief
للاسف هارتلس .. الاحترام -1
NSider
Contributing Editor
الفيراري مش عملية للعوائل والنون درايفرز..
