hits counter

الموضوع الرسمي The Witcher 2: Assassins of Kings قصة الجزء الأول رد 333

Sage

True Gamer
في اكثر من مهمه تسوي هالحركه فيك, كلم الحراس اللي عند البوابه.
 

sabah

True Gamer
شكرا شباب عالمساعده,انا بالعاده احرث المنطقه اللي امر فيه حرث وما اخلي شئ يفوتني بس ما ادري كيف ما انتبهت هذه المره :confuse:
 
انا قررت العب اللعبة شباب، بس قررت اسألكم.

اولاً هل لازم العب الجزء الاول عشان ابدأ بالثاني؟
ثانياً، كيف الجيم بلاي؟ ابغى شيء مجنون.
ثالثاً، كيف مستوى القصة؟ وبما انه ربج نظام المحادثات ممتع ولا كيف؟ ويحتاج انجليزية كويسة جداً؟
وكم عمر اللعبة؟؟

شكرا :)
 

Sage

True Gamer
انا قررت العب اللعبة شباب، بس قررت اسألكم.

اولاً هل لازم العب الجزء الاول عشان ابدأ بالثاني؟
ثانياً، كيف الجيم بلاي؟ ابغى شيء مجنون.
ثالثاً، كيف مستوى القصة؟ وبما انه ربج نظام المحادثات ممتع ولا كيف؟ ويحتاج انجليزية كويسة جداً؟
وكم عمر اللعبة؟؟

شكرا :)

1- لا, انا ما لعبت الاول. لكن لازم تركز عشان تفهم القصه, بالبدايه راح يعطونك اسامي شخصيات وايد و ما راح تفهم بس شوي شوي راح تعرف. و ايضا في كم كتاب باللعبه يشرحلك كم نقطه من القصه.
2- ادمان! خطير! القتال يتطلب تفكير و استراتيجيه, مو تروح و تطق و تخلص نفس باقي الالعاب.
3- القصه عميقه جدا, المحادثات تعتمد و بشكل اساسي على الكلام اللي انت تختاره, و الانجليزيه و الله مادري, بس انا الحمدالله فهمتها. :p
4- عمر اللعبه تقدر تقول يمكن 20-30 ساعه بدون السايدكويستس, لكن السايدكويستس تضيف عمق كبير غير انه الجوائز قيمه فانصحك تخلصهم.
 
التعديل الأخير:
لااااااااااااااااااااا!! حملت النسخة الروسية :(!
فيه باتش معين او زي كذا؟؟ :(
 

sabah

True Gamer
تبا للخريطه والليفل ديزاين في ch2,اجلس ابحث عن نقطه معينه نصف ساعه بدون فائده !
 
وااااااااااو على القصة @__@ اسطورية جدا جدا جدا!
 
شباب، اللعبة سهلة جدا ولا ايش؟
حاططها على الميديوم، واحس انها سهلللللة! يعني اقتل الاعداء بثواني خصوصا مع الماجيك وغيره..
والحين انا هربت من السجن ورحت للسفينة، لكن ما لقيت إلا بنطلون وقفاز وولا لقيت شيء البسه ولا حتى جزمة -وانتم بكرامة- ولا حتى سيف! (بس عصا طويلة وشيء ثاني) عادي؟ يعني ممكن مستقبلاً الاقي دروع افضل واسلحة افضل؟

إلى الان، رغم اني مش متعمق بجنرا الربج لكني واقع بعشق اللعبة 3>
 

Sage

True Gamer
^ اي عادي, بالجابتر الاول راح يعطونك توتوريال كيف تصنع سيف و تصنعلك سيف جديد. :)

و اللعبه ابدا مو سهله, ابدا.. @_@
 

Genocide Diego

True Gamer
شباب في محل يبيع اللعبة في الرياض ؟

كل المحلات اللي مريت عليها قالولي انها ممنوعة او مخلصة :(
 
شباب علقت بشيء ومادري وش السالفة، الان بالشابتر الاول لما رحت الحانة وشربت ما ام شعر اصفر وسكرت بعدين وروني اني صحيت وانا ما معاي ملابسي ولا اسلحتي بنص الغابة.. والحين مادري وين اروح! ليش كذا نظام الكويستس غبي باللعبة؟ ما تعرف الكويست من السايد كويست -___- والان لقيت البنت الي يبون ينفذون لها الاعدام ولما ادخل الكهف الاقي مليون وحش بس مش عارف اهزمهم لإنه ماعندي اسلحة ولا دروع! وش الحل؟ ومافي علامة كويست بالخريطة ._.
 

Genocide Diego

True Gamer
شباب كيف أدمج الأعشاب عشان أصنع الدواء للفارس المصاب ؟

هذي المهمة الأولى على فكرة
 

Sage

True Gamer
^ انت عندك الاعشاب اول ؟ اذا ما عندك اضغط على الانالوج عشان تلقاهم باستخدام المداليه. بعد ما تلقاهم سو Meditate (اضغط LB و بعدين Meditate) و اصنع البوشن.. اذا ما خانتني الذاكره هاذي الطريقه.
 

sabah

True Gamer
خلصت اللعبه :(

ليش ما اقدر اكمل في عالم اللعبه بعد ما خلصت القصه !!

هذا الشئ المفروض يكون اساسي في اي لعبه RPG,المشكله كنت اظن ان CH3 مطول فقلت خلي امشي شوي في القصه وبعدين ارجع للمهمات الجانبيه وفجأه لقيت اللعبه انتهت,والاغرب من هذا ما اقدر ارجع للمدن السابقه في CH1,2.

اللعبه ادمنت عليها بشكل كبير جدا,في البدايه عانيت شوي مع نظام القتال (بالنسبه لاي شخص لاعب دارك سولز راح تحس بداونجريد نوعا ما)لكن مع الوقت راح تتأقلم معاه وتستمتع فيه وخاصه انه هو الاخر يتطلب استراتيجيه وتخطيط ومش بس اضرب وخلاص وهذا اللي اعجبني في نظام القتال بالرغم من انه معقد شوي.

مع اني لعبت نسخه ال 360 لكن اللعبه طالعه رهيبه جدا ومن افضل الالعاب مظهرا على الجهاز لكن بالمقابل ال LOADING مزعج جدا وتقريبا ما في باب تفتحه الا وتصير فتره تحميل,بل حتى في اماكن اضافوا فيها ابواب كانت غير موجوده في نسخه ال PC (وهنا تأتي فائده الرام الكبير).

كنت اتمنى يكون في زعماء اكثر في اللعبه من الوحوش العملاقه لكن للاسف ما كان في غير الكاريان اللي استمتعت بقتاله جدا.

القصه والحوارات والشخصيات كلها كانت على مستوى عالي جدا,لكن ما حبيت التفرعات والخيارات الكثيره في اللعبه(بشكل عام ما احب هالاشياء).

طبعا افكر العب اللعبه من جديد بما ان الكثير من المهمات الجانبيه والتطويرات فاتتني (ما صنعت ولا درع او سلاح في اللعبه :sweat: )

في النهايه متحمس جدا للجزء الثالث والاحساس اللس جاني في اللعبه ما حسيته غير في لعبتين فقط هذ الجيل (دارك سولز وريد ديد) وهذا يوضح مكانه اللعبه بالنسبه بين العاب هذا الجيل.


ويتشر 2 لعبه ممتازه ووممتعه جدا مع شويه سلبيات بسيطه هنا وهناك يمكن التغاضي عنها بسهوله والخوض في تجربه رائعه ولا تنسى,لعبه ينصح بها بقوه لاي شخص يحب ال RPG الغربي.

التقييم النهائي 9
 

T u R k I

True Gamer
ياجماعه .. نسخة الاكس لها ديمو؟
 

Unknown

Fake Gamer
انهيت اللعبه نسخة الاكس بوكس

لشخص مثلي مايلعب الا اربيجي ياباني ومتعصب له جدا .. وتجربتي مع الاربيجي الغربي قبيحه واكره جنرا بنظري
تجربتي كانت مع اوبليفيون لعبت 20+ ساعه وبعدين سكايرم نفس مدة اللعبه .. وكل اللعبتين تركتها وكرهتها لسبب
اني بديت احس بملل فضيع وقرف وغثيان وماقدمت شي يشدني العبهم لا قصه ولا جيم بلاي .. العالم مفتوح خله لهم

ذا ويتشر 2 اشوفها افضل اربيجي غربي وتسدح اي لعبه بمنافسه بمجالها.. مو مصدق اني حاليا بدفع حدود 8 الاف ريال على PC
عشان لعبه وحده ابي اعيد تجربتها بشكلها الكامل .. اللعبه بقوه سحرتني بكل شي فيها .. قصه/ارت/جيم بلاي/شخصيات/الحان

اللعبه جديا اعطتني امل اني احب الاربيجي الغربي مع اني كنت من اكبر كارهيه وماتصورت ابدا العب لعبه من هالجنرا !
فـ اي واحد كان مايتقبل الاربيجي الغربي مثل ابوليفين وسكايرم وفول اوت وغيرها .. يعطي فرصه لذا ويتشر 2 لأن اللعبه غير
 
التعديل الأخير:

Painkiller Q8

True Gamer
كل ما اللعب اللعبه يجي شيء ويخرب علي :(

متحمس لها بس ماحصلت فرصه لها

احد يعطيني انطباع يشدني شوي؟
 

Sage

True Gamer
ذا ويتشر وحده من الالعاب اللي لازم تلعبها بهدوء تام و بدون ازعاج.. و خصوصا بدون اي بشر :p

اللعبه ببساطه من افضل تجارب الكونسول بالنسبه لي من فتره طويله.. مو صعبه حيل ولا سهله.. الكومبات سيستم ابدا ما حسيت فيه بأي تكرار, لانه يحتاج تفكير و استراتيجيه و مو hack 'n slash على الطاير.. و القصه بكلمه وحده epic!

ناوي العبها مره ثانيه بالمستقبل :)
 

T u R k I

True Gamer
شباب، انا متردد آخذ اللعبة او لا! (نسخة X360) شفت عروض واللعبة شدتني، لكن احياناً انخدع اذا جربت اللعبة بنفسي

انا ماني فان للآر بي جي أبداً سواءاً ياباني او غربي، من الغربي جربت دارك سولز وفول اوت 3 وديمو دراغون ايج وماحبيتهم (ويمكن فيه غيرهم بس هذول اللي ببالي) مااحب الجيم بلاي/الكومبات البطيء في هذا النوع

لكن هذي اللعبة من العروض اللي شفتها يبدو انها سريعه، وكأني قريت ان فيه ناس عجبتهم وماهم مايحبون الجنرا

ابي نبذة عن اللي تتميّز فيه اللعبة كجيم بلاي وكومبات.. برضوا اللي يعرف اذا اللعبة لها ديمو عالاكس بوكس لايف؟ عشان احمله من جهاز اخوي، لكن مااقدر اتأكد بما انه يلعب PS3 اغلب الوقت

المشكلة اني كلمت كذا محل وقالوا انها ماهي موجودة، ممنوعه هي؟
 

Brewmaster

True Gamer
^
ذا ويتشر 2 من الألعاب القليلة جدًا اللي انصح أيًا كان ياخذها، لعبة متكاملة من كل النواحي شيء epic يمعنى الكلمة في أسوأ الأحوال بتعجبك القصة فقط -مستحيل طبعا- بصراحة كذا ما ودي أعطيك هايب بزيادة وتنحبط في الآخير لكن اللعبة مستوى جديد في الصناعية ما شهدته قبل! عن نفسي حللت كل كبيرة وصغيرة ومجرد ما اسوي للبي سي حقي أبجريد بأرجع العبها على الألترا سيتينج!
 

T u R k I

True Gamer
تمام يزيد، الحين ابيك تمدح لي الجيم بلاي/الكومبات باللعبة؟ لأن هذي مشكلتي مع الار بي جي الغربي
 

Brewmaster

True Gamer
نفس كومبات اساسينز كريد لكن امتع و اعمق

تبطيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي!!!!!

تمام يزيد، الحين ابيك تمدح لي الجيم بلاي/الكومبات باللعبة؟ لأن هذي مشكلتي مع الار بي جي الغربي

الكومبات شيء غير طبيعي يعتمد غالبا على معرفتك على نوع خصمك وإستخدام الزيت والسيف المناسب ومعرفتك بنقاط الضعف، كل مخلوق له كتاب تشتريه وتظهر لك في المينيو معلومات كاملة عنه أما عن الميكانيكس هو داينميك 100% مافيه لمسة ار بي جي من هالناحية تخيّل دارك سولز أسلس وأسرع ومستوى صعوبة مقارب غالبا بتتشوت في البداية -اللعبة صعبة حتى على النورمال والإيزي- لازم يكون عندك معرفة تامة بالخصم شغل الدرعمة ما يمشي + إستخدام الـ Signs -السحر- يأثر جدًا.

اذا لخبطتك ببساطة هو: counter attack مع زرين attack وblock وتفادي لكنه أبدًا مش بسيط اذا جتك ضربة من الظهر مثلا بتكون 200% فلازم تحاول ما تنحشر بين مجموعة، واذا ضربت واحد مسوي block تفقد توازنك وتتوالى عليك الضربات وينتهي أمرك! مع الوقت تفك مهارات أكثر مثل التفادي بيكون مسافة أطول وضربة الظهر 100% فقط أو القدرة على counter السهام.

أفضل ميلي كومبات خاصة سيوف ممكن تشوفه -بغض النظر عن العاب الهاك&سلاش- ولازم أشيد بالأنميشن الخرافي في الكومبات أفضل أنميشن شفته! سلس بشكل غير معقول ما تحس بالعشوائية ولا تكرار الحركة كأنك تشوف شيء سكربتد!

اللعبة ككل تجدد مفهوم الـ realistic على سبيل المثال اللعبة خالبة من كويستات أبو ودي جيب ولا أقتل X جوبلين وخذ جائزتك! لا الموضوع أكبر من كذا بكثير الـ witchers وظيفتهم الأساسية قتل الوحوش في كل تشابتر في لوحة وظائف للـ witchers أهل القرية أو المنطقة اللي انت فيها يحطون عروض "الوحوش الفلاني أشغلتنا تخلص منهم ولك X GOLD" في كل العاب الأر بي جي اللي فيها هالنوع من الكويستات يقولون لك اقتل 5 أقتل 10 منهم وتعال يعني خلاص ماراح يرجعون!
طريقة تقديمه في The witcher 2 مختلف! انت لازم أول تبحث وينهم أصلا! وشلون تتخلص منهم! ماتعرف؟ أسأل ناس تعرف ولا اشتر كتب وتعلّم!

على الرغم أن اللعبة هاردكورية جدًا الا ان قابليتها عالية جدًا للكل تقريبا قمة العبقرية من cd project لعبة للتاريخ!
 

iPeace

Hardcore Gamer
الكومبات شيء غير طبيعي يعتمد غالبا على معرفتك على نوع خصمك وإستخدام الزيت والسيف المناسب ومعرفتك بنقاط الضعف، كل مخلوق له كتاب تشتريه وتظهر لك في المينيو معلومات كاملة عنه أما عن الميكانيكس هو داينميك 100% مافيه لمسة ار بي جي من هالناحية تخيّل دارك سولز أسلس وأسرع ومستوى صعوبة مقارب غالبا بتتشوت في البداية -اللعبة صعبة حتى على النورمال والإيزي- لازم يكون عندك معرفة تامة بالخصم شغل الدرعمة ما يمشي + إستخدام الـ Signs -السحر- يأثر جدًا.

اذا لخبطتك ببساطة هو: counter attack مع زرين attack وblock وتفادي لكنه أبدًا مش بسيط اذا جتك ضربة من الظهر مثلا بتكون 200% فلازم تحاول ما تنحشر بين مجموعة، واذا ضربت واحد مسوي block تفقد توازنك وتتوالى عليك الضربات وينتهي أمرك! مع الوقت تفك مهارات أكثر مثل التفادي بيكون مسافة أطول وضربة الظهر 100% فقط أو القدرة على counter السهام.

أفضل ميلي كومبات خاصة سيوف ممكن تشوفه -بغض النظر عن العاب الهاك&سلاش- ولازم أشيد بالأنميشن الخرافي في الكومبات أفضل أنميشن شفته! سلس بشكل غير معقول ما تحس بالعشوائية ولا تكرار الحركة كأنك تشوف شيء سكربتد!

اللعبة ككل تجدد مفهوم الـ realistic على سبيل المثال اللعبة خالبة من كويستات أبو ودي جيب ولا أقتل X جوبلين وخذ جائزتك! لا الموضوع أكبر من كذا بكثير الـ witchers وظيفتهم الأساسية قتل الوحوش في كل تشابتر في لوحة وظائف للـ witchers أهل القرية أو المنطقة اللي انت فيها يحطون عروض "الوحوش الفلاني أشغلتنا تخلص منهم ولك X GOLD" في كل العاب الأر بي جي اللي فيها هالنوع من الكويستات يقولون لك اقتل 5 أقتل 10 منهم وتعال يعني خلاص ماراح يرجعون!
طريقة تقديمه في The witcher 2 مختلف! انت لازم أول تبحث وينهم أصلا! وشلون تتخلص منهم! ماتعرف؟ أسأل ناس تعرف ولا اشتر كتب وتعلّم!

على الرغم أن اللعبة هاردكورية جدًا الا ان قابليتها عالية جدًا للكل تقريبا قمة العبقرية من cd project لعبة للتاريخ!
كلامك يحمس، انا من زمان ناوي على اللعبة بس كنت انتظر سعرها ينزل وامس اخذت نسخة الاكسبوكس جديدة من جيمستوب ب١٠$ من عروض السايبرمنداي :innocent::
 

Al Pacino

True Gamer
لا.

تعديل: هالكلام بالنسبة للنسخة الاوروبية للعبة.. شراها واحد وماشتغلت على جهازه الأمريكي.
 
التعديل الأخير:

T u R k I

True Gamer
متأكد سعود؟ المشكلة النسخة اللي لقيتها pal وأنا نظام جهازي ياباني.
 

Al Pacino

True Gamer
شفتك أنت وأنس على تويتر عشان كذا عدلت ردي.. ماعندي علم صراحة بس حسب هالرابط يبدو لي أنها بتشتغل.
 
أعلى