hits counter

TG CARS _|||_ الموضوع الرسمي للســيارات

Capitano-18

Hardcore Gamer
مثل ما توقعت، مع الاسف الاميريكن مسل بشكل عام بدأ يأخذ طابع السوق الاوروبي والياباني. من وجهة نظري بدأ يفقد (المسلز)! الموستنغ والكمارو اتجهوا هالطريق، الى الان التشالنجر ما ادري وش بيصير فيها.

على العموم، السيارة مثل ما قلت تحسها اوروبية اكثر من انها الامريكية الي تعودت عليها. أعتقد فورد نيتها جذب سوق الشباب او ال Younger Audience بالتصميم هذا.

تحديث الكمارو حلو من الامام لكن الخلفية مع احترامي سيئة جدا جدا :thumbsdown: لو خلوا القديمة كان افضل.
 

Krat0s

True Gamer
التصميم زبالة للاسف ومو متناسق بتاتا.
 

FARES_

True Gamer
تصميم الموستنج اليديد اشوفه احلى من قبل.. السكن ياخي قرش :heart_eyes:
 

عاشق 360

True Gamer
بالععععكس رهييييبه !!!

تصميمها موديرن ووحشي وخطيير ! :eek:k_hand:
 

صامد

عضو
معذرة على الرفع بس محتاج سيارة ومشورتكم

ما عندي معرفة بالسيارات واحتاجها ضروري خلال شهر شهرين بالكثير..ميزانيتي من 70-100..الي يهمني انها وسيعة من داخل, ومريحة من ناحية القيادة والاعطال وقطع الغيار..واذا كانت كاملة المواصفات يكون احسن (الحساسات والكامير الخلفية تهمني جدا)
 

snake eyes

Hardcore Gamer
^
mazda6_01.jpg


بالنسبة لميزانيتك انصحك بالـ mazda 6 , مازدا ابدعت بالجيل الجديد سواء من ناحية التصميم او من ناحية ميكانيكياً, و وكيلها الحاج يعتبر جيد "افضل السيئين" عن تجربة, عيب مازدا انها مالها قبول وقيمه في السوق بين المستهلكين "مازدا فاسدا" :unamused:
اغلب الانطباعات إجابية ماعدا مشكلة صوت الهواء على السرعات العاليه و اللي تختلف من شخص لشخص آخر,
هنا بعض انطباعات ملاكها
http://www.assayyarat.com/forums/thread270007.html
http://www.assayyarat.com/forums/thread276319.html
http://www.assayyarat.com/forums/thread269813.html
http://www.assayyarat.com/forums/thread276369.html

[video=youtube;TDD-UTd56wQ]http://www.youtube.com/watch?v=TDD-UTd56wQ[/video]

وانصحك بشدة انك تجربها تست درايف او حتى تستأجرها, التجربة هي الحكم الفاصل لقرارك والله يختار لك اللى فيه الخير.
 

صامد

عضو
تسلم والله على الرد :thumbsup: نفس خويي اول نصيحة نصحني فيها هي المازدا6 وشيكت عليها معه يوم درنا في الوكالات..شكلها الخارجي روعة وان كان الداخلي اقل من المتوقع..الي خلاني اتردد معها هو ان الفئة الكاملة ماتتوفر فيها حساسات+(ما ادري اذا له علاقة او القيادة بينهم تختلف)طوال الفترة الماضية كنت اسوق سيارات امريكية.
اكثر شي اقلقني في ردود الروابط الي حطيتها هو مشكلة الحرارة،والشي الثاني الجديد علي الي لاحظته هو مشكلة العزل والهواء..فهل تتوقع كوني ما اعرف عن هالشي من قبل وما اسرع اصلا او اسافر بعاني منها؟
 

midoyemen

Hardcore Gamer
^^ باعتبار اني استخدم السيارة بجاوب عليك مشكلة العزل موجودة وبتشعر فيها حتى وانت ماشي على سرعة 100 الامر يرجعلك اذا الموضوع يضايقك او لا ثانيا الحساسات عندنا في الامارات ممكن تركبهم كاضافة للسيارة فممكن عندكم يكون متوفر هذا الخيار وفي الاخير قيادة السيارة ممتعة جدا
 

DEMON

True Gamer
صارلي أكثر من سنة وانا ودي أغير سيارتي لكن محتار جدا.

الوالد بالفترة السابقة صاير هو اللي مطفشني بالموضوع ويبيني أغيرها. لول.

أيا كان، محتار جدا، ومش عارف ايش ابغا أصلا ، ما أهتم آخذ سيارة قوية لتلك الدرجة.

عندي خيارات كثير حاليا.
بأذكر الي أفكر فيها بجدية:

2014-Lexus-IS-TRD-F-Sport-A2.jpg

2014-Lexus-IS-TRD-F-Sport-B2.jpg


عاجبتني جدا، مشكلتي مع حجمها، غير كذا شايفها بيرفكت.

أي أحد من الشباب هنا يمتلك السيارة؟

عموما
لو لو أقدر أقنع الوالد...
بدون أي تردد بآخذ الحلوة هذي:

2014-mercedes-benz-e-class-32.jpg


مش قادر ارفع عيوني عنها أبدا.



_________________________________________________________________________


بعيدا عن السيارة اللي بآخذها
قبل كم اسبوع جربت الوحش هذا:
2014-ford-raptor-special-edition-628.jpg



يا ألهي!!!
أنا وقعت بحب السيارة، كنت بمنطقة جبلية، ما شاء الله ولا كأننا جالسين نطلع صخور، صوت المحرك لحاله طرب.
هل صحيح انه بيتوقف انتاجه قريب؟
 
التعديل الأخير:

Nasser

True Gamer
معذرة على الرفع بس محتاج سيارة ومشورتكم

ما عندي معرفة بالسيارات واحتاجها ضروري خلال شهر شهرين بالكثير..ميزانيتي من 70-100..الي يهمني انها وسيعة من داخل, ومريحة من ناحية القيادة والاعطال وقطع الغيار..واذا كانت كاملة المواصفات يكون احسن (الحساسات والكامير الخلفية تهمني جدا)



عندك الألتيما 2014. سعرها في ميزانيتك ( الـ 6 سلندر فل بـ 107 ألف ، الـ 4 سلندر فل حوالي الـ 90 ألف. ) ، وسيعة بالنسبة لفئتها وقيادتها جيدة كأي سيارة يابانية ، قطع غيار وغيره متوفر وبرخص التراب ، وصرفية البنزين جيدة. الفل فيه شاشة وحساسات وكاميرا ومقاعد جلد.


girlslove.co1373899830213.jpg


2014-nissan-altima_100387235_l.jpg


-

طبعا لو يمديك توصل لـ 120 ألف - 130 ألف. راح يمديك تاخذ الاكورد 2014 أو حتى الـ فورد توريس 2014. واللي نوعاً ما كـ مواصفات أفضل.

لكن بالنسبة لسعرك ، الألتيما خيار جيّد. المازدا 6 والسوناتا برضه ممتازات. أستخير وجرّب السيارات بنفسك.
 

Nasser

True Gamer
ناصر ، مين قالك بيوقف انتاج الرابتر ؟ السيارة السنة ذي مبيعاتها ارتفعت أساساً.

أما عن تجربتها ، فقد عطيتها حقها والسيارة من جد تبرّد القلب ! في الطرق الوعرة تحسها تمشي على بلاط من السلاسة والقوة.

-

بالنسبة للـ IS ، تراها ضيقة مهما كان شكلها ، تبقى ضيقة وصغيرة. الـ GS أرحم.

قولي كم ميزانيتك؟

وبالمناسبة ، يمديك تخلط بين قوة قريبة من الرابتر و الفخامة.

GMC-Sierra_2014_1024x768_wallpaper_01.jpg


2014-gmc-sierra-naias-8.jpg


2014gmcsierra-16.jpg
 

pacino

True Gamer
شباب ...الحمد لله طلبت BMW 650i M package من امريكا واتحرى وصولها ان شاء الله..اساسا رحت للوكالة اهني بالكويت وقالي اذا تبي حجم 650i ثمانية سلندر نطلبها لك وتوصل بعد شهرين ونص!! وفوق هذا سعرها بالوكاله مبالغ فيها جدا بحدود 32 الف دينار...

احد عنده فكره عن السياره..رجاء الى عنده شي سلبي لا يضيق خلقي خخخ :sweat_smile:

1BMW650i-090-667-x-420.jpg
 

DEMON

True Gamer
ناصر.

الـ IS حجمها معاناة، خاصة لشخص مثلي يقضي وقته خارج البيت دائما مع الشباب، مساحة المقاعد الخلفية غير مريحة أبدا.
لكن عاجبتني السيارة.
بنفس الوقت أنا اميل بالعادة للسيارات الكبيرة.
الـ sierra كنت حاط عيني عليه لفترة طويلة، خاصة مع الاصدار الجديد، أضواء الـLED الأمامية معطيته هيبة مع الشبك الكبير، لكن الجديد سعره ارتفع بالمنطقة لدرجة مبالغ فيها :/

ميزانية؟ بحدود الـ170 الف، والوالد لو كلمته أكثر من كذا ما يقصر أتوقع.


@pacino

مبروك السيارة يا وحش، قبل فترة الشباب أخذوها تيست درايف، ما شاء الله ما ينقصها شيء أبد.
 

صامد

عضو
^^ باعتبار اني استخدم السيارة بجاوب عليك مشكلة العزل موجودة وبتشعر فيها حتى وانت ماشي على سرعة 100 الامر يرجعلك اذا الموضوع يضايقك او لا ثانيا الحساسات عندنا في الامارات ممكن تركبهم كاضافة للسيارة فممكن عندكم يكون متوفر هذا الخيار وفي الاخير قيادة السيارة ممتعة جدا
هو في الحقيقة ماكان عندي اي فكرة او اني حسيت بهالشي من قبل(مثل ماقلت قبل معرفتي بالسيارات معدومة)...فاخاف اني بعد ماسمعت عنها اتحسس بشكل اكبر من يوم اني جاهل بالموضوع...الي يهمني هل بيكون صوت دخول الهواء وعزله مزعج بما انك جربتها؟
وكيف حرارة السيارة معك؟
عندك الألتيما 2014. سعرها في ميزانيتك ( الـ 6 سلندر فل بـ 107 ألف ، الـ 4 سلندر فل حوالي الـ 90 ألف. ) ، وسيعة بالنسبة لفئتها وقيادتها جيدة كأي سيارة يابانية ، قطع غيار وغيره متوفر وبرخص التراب ، وصرفية البنزين جيدة. الفل فيه شاشة وحساسات وكاميرا ومقاعد جلد.
هي خياري الثاني (وخيار قوي)بما ان المازدا6 مافيها حساسات.

هو صراحة مع ميزانيتي توقعت خياراتي بتكون اكثر بس شي كويس انها اقل عشان ما احتار اكثر:D
 

Nasser

True Gamer
ناصر.

الـ IS حجمها معاناة، خاصة لشخص مثلي يقضي وقته خارج البيت دائما مع الشباب، مساحة المقاعد الخلفية غير مريحة أبدا.
لكن عاجبتني السيارة.
بنفس الوقت أنا اميل بالعادة للسيارات الكبيرة.
الـ sierra كنت حاط عيني عليه لفترة طويلة، خاصة مع الاصدار الجديد، أضواء الـLED الأمامية معطيته هيبة مع الشبك الكبير، لكن الجديد سعره ارتفع بالمنطقة لدرجة مبالغ فيها :/

ميزانية؟ بحدود الـ170 الف، والوالد لو كلمته أكثر من كذا ما يقصر أتوقع.


@pacino

مبروك السيارة يا وحش، قبل فترة الشباب أخذوها تيست درايف، ما شاء الله ما ينقصها شيء أبد.

يب السيارة جداً ضيقة. حرفياً لو جلسوا 3 ور يزدحمون والسيارة تنزل لدرجة انها تحك بأي شي لول.

السييرا 4 أبواب بـ 190 ألف. رحابة وفخامة وشبابية. ممتازة جداً السيارة.

أيضاً على ميزانيتك تقدر على :

dodge-charger-srt8_1.jpg


2012-dodge-charger-srt8-interior-1024x640.jpg


التشارجر SRT ما تتفوت ! خصوصاً إذا انت صعب تاخذ سيارة سبورت بابين وتحب السيارة السبورتية والمسلد.

-

2014Sport.jpg


epr14_pg_008_int_enl.jpg


الإكسبلورر سبورت. جميلة جداً كتصميم من الداخل والخارج والحلو فيها انها تدمج بين خواص الـ SUV و السبورت.

يبغالك تروح المعارض تشوف السيارات بنفسك.
 

عاشق 360

True Gamer
صارلي أكثر من سنة وانا ودي أغير سيارتي لكن محتار جدا.

الوالد بالفترة السابقة صاير هو اللي مطفشني بالموضوع ويبيني أغيرها. لول.

أيا كان، محتار جدا، ومش عارف ايش ابغا أصلا ، ما أهتم آخذ سيارة قوية لتلك الدرجة.

عندي خيارات كثير حاليا.
بأذكر الي أفكر فيها بجدية:

2014-Lexus-IS-TRD-F-Sport-A2.jpg

2014-Lexus-IS-TRD-F-Sport-B2.jpg


عاجبتني جدا، مشكلتي مع حجمها، غير كذا شايفها بيرفكت.

أي أحد من الشباب هنا يمتلك السيارة؟

عموما
لو لو أقدر أقنع الوالد...
بدون أي تردد بآخذ الحلوة هذي:

2014-mercedes-benz-e-class-32.jpg


مش قادر ارفع عيوني عنها أبدا.



_________________________________________________________________________


بعيدا عن السيارة اللي بآخذها
قبل كم اسبوع جربت الوحش هذا:
2014-ford-raptor-special-edition-628.jpg



يا ألهي!!!
أنا وقعت بحب السيارة، كنت بمنطقة جبلية، ما شاء الله ولا كأننا جالسين نطلع صخور، صوت المحرك لحاله طرب.
هل صحيح انه بيتوقف انتاجه قريب؟


اذا ماتهتم بأداء السياره وتبي سياره تعطيك الفخامه والشكل وبسعر ميزانيتك او حولها , فأنصحك بهذه

range%20rover%20evoque%20rear%20exterior.jpg


Range-Rover-Evoque-front%20side%20exterior.jpg


تبدأ بسعر 200 الف ريال " فالبحرين يبونها ب 19 ونص دينار " سياره جميله وفخمه وتأتي ببابين او 4 أبواب

او

215940.jpg


او انطر ال c-class الجديد تنزل نهاية هاللسنه او على بداية السنه اليايه " المفروض "

2015-Mercedes-Benz-C-Class-at-2014-NAIAS-front-4.jpg


2015-mercedes-benz-c-class-naias-2014-25.jpg
 

rocky

Hardcore Gamer
ليش الموضوع ميت ؟ :confused:
على العموم حبيت اسألكم عن رأيكم في السوبارو wrx ايش رايكم فيها بشكل عام افكر اخذها في المستقبل .. بس حاجة وحدة مخوفتني اللى هي الوكيل انا من السعودية على فكرة
 

-L-

Hardcore Gamer
^

للاسف اتوقع بتتعبك شوي بقطع غيارها وصيانتها وإلخ .. لان السياره نادره بالشوارع ولا لها اهتمام كبير من الشعب او الوكلاء
 

ArOrA

Hardcore Gamer
ليش الموضوع ميت ؟ :confused:
على العموم حبيت اسألكم عن رأيكم في السوبارو wrx ايش رايكم فيها بشكل عام افكر اخذها في المستقبل .. بس حاجة وحدة مخوفتني اللى هي الوكيل انا من السعودية على فكرة
احطها جنب ال gti بالتصنيف , راح تستمتع بسواقتها لدرجة ما تتصور. لاكن السوبرو دائما غالي وين مارحت (كتصليح) بقا شوف منطقتك
 

Photon

True Gamer
ورفعة أليمة للموضوع دا بس يستاهل عشان دا الخبر :emoji_heart_eyes:

فولفو قررت تجعل علامة بولستار منفصلة عنها وتقدم أول سيارة لها اللي هي بولستار 1 نفس كونسبت "Coup" بشكل تجاري .. قوتها 600 حصان ومزودة بتقنيات مذهلة.

iu


Polestar-1-black-shipping.jpg


polestar1-009.jpg


polestar1-023.jpg


9-polestar-1-coupe-phev.jpg


8-polestar-1-coupe-cp-live.jpg
 

Ressbo

Mass of Chaotic
فولفو قررت تجعل علامة بولستار منفصلة عنها وتقدم أول سيارة لها اللي هي بولستار 1 نفس كونسبت "Coup" بشكل تجاري .. قوتها 600 حصان ومزودة بتقنيات مذهلة.
تصميم السيارة جميل و جذاب الخلفية المستطيلة مع حركة الإضاءة المشابهة للرقم "7" معطيتها لمسة فريدة حقيقية. بالنسبة لـ"Interior Design" عندي تعليق بسيط عليه.
ما يمنع لمن تكون السيارة رياضية و تضيف عليها لمسات فخامة أنك تطعمها بنوع من التخشيب مثل البني الداكن أو البيج الفاتح حيكون أجمل فنظري ! لأن سيارة قوتها 600 حصان بلا شك ما حيكون سعرها بسيط. :rolleyes:
 

Photon

True Gamer
تصميم السيارة جميل و جذاب الخلفية المستطيلة مع حركة الإضاءة المشابهة للرقم "7" معطيتها لمسة فريدة حقيقية. بالنسبة لـ"Interior Design" عندي تعليق بسيط عليه.

ما يمنع لمن تكون السيارة رياضية و تضيف عليها لمسات فخامة أنك تطعمها بنوع من التخشيب مثل البني الداكن أو البيج الفاتح حيكون أجمل فنظري ! لأن سيارة قوتها 600 حصان بلا شك ما حيكون سعرها بسيط.

أعتقد بيكون فيه نسخة بتخشيب داخلي مثل ال S90 كخيار لكن بولستار تميل للرياضية اكثر لذلك عرضوا نسخة بكاربون فايبر عشان تعطي هذا الانطباع. رغم كل شي بنظري ما أحد يضاهي السويديين بتصميم السيارات الخلابة.

عموما فيه حاجة لفتت انتباهي بالتسعير وامتلاك السيارة:

Obtaining a new Polestar 1 will be a much different practice than most customers are likely familiar with. Instead of paying cash to buy a car outright or taking out a loan from the bank, Polestar will offer its cars with a single "all-inclusive, no deposit, flat monthly payment." That payment will include insurance, car rental services when the car is being worked on, and insurance. After a fixed term of two or three years, the car will go back to Polestar for refurbishment, and it'll again be made available for customers to use on another "pre-owned" subscription term.

بدل ما تدفع كاش او تمول قيمة السيارة من بنك أو وسيط آخر.. بولستار قررت تخلي السيارة بنظام اشتراك شهري بمبلغ ثابت وبدون دفعة أولى تدفعه لبولستار مباشرة يشمل الصيانات والتأمين والخ والخ وبعد سنتين أو ثلاث سنوات ترجع بولستار تاخذ السيارة منك ( ما تقدر تحتفظ فيها لانك ما تملكها بالأساس على حسب فهمي ) وتبيعها بعد تحسينها وتصليحها كسيارة مستعملة مضمونة لزبون آخر وانت بنفس الاشتراك يا تكمل وتاخذ سيارة جديدة يا توقف.

صراحة اسلوب بيع خرافي وعرض رهيب وغير مألوف من وجهة نظري :emoji_astonished:
 
التعديل الأخير:

Ressbo

Mass of Chaotic
أعتقد بيكون فيه نسخة بتخشيب داخلي مثل ال S90 كخيار لكن بولستار تميل للرياضية اكثر لذلك عرضوا نسخة بكاربون فايبر عشان تعطي هذا الانطباع. رغم كل شي بنظري ما أحد يضاهي السويديين بتصميم السيارات الخلابة.
بلا شك محد يقدر ينكر جمالية السيارة و وجود خيار بمواصفات التخشيب قرار صائب و حيكون خيار مناسب لكثيرين من الملاك المستقبلين لها في نظري.

بدل ما تدفع كاش او تمول قيمة السيارة من بنك أو وسيط آخر.. بولستار قررت تخلي السيارة بنظام اشتراك شهري بمبلغ ثابت وبدون دفعة أولى تدفعه لبولستار مباشرة يشمل الصيانات والتأمين والخ والخ وبعد سنتين أو ثلاث سنوات ترجع بولستار تاخذ السيارة منك ( ما تقدر تحتفظ فيها لانك ما تملكها بالأساس على حسب فهمي ) وتبيعها بعد تحسينها وتصليحها كسيارة مستعملة مضمونة لزبون آخر وانت بنفس الاشتراك يا تكمل وتاخذ سيارة جديدة يا توقف.
أسمحلي أعلق على النقطة هذي برأي الشخصي: بالنسبة لأنك منتى مضطر تدفع كاش فهذا قرار حيساعد في رفع مبيعات السيارة نسبيًا لأن كثير من الموظفين ذو الرواتب العالية غالبًا بيكون عندهم المقدرة على الإلتزام بقسط عالي كـ15,000 ريال شهريًا على سبيل المثال.
لكن ما عنده المقدرة على دفع 850,000 ريال مثلًا كاش دفعة وحده. فهالشيء حيساعد أن إلي يقدر يلتزم بالقسط أو الإشتراك أنه يفكر فيها كخيار مطروح كسيارة ذات تصميم جميل و فريد تجمع بين الفخامة و الأحصنة العالية للأداء الرياضي. لكن و لكن و لكن !! كونك مجبر تحتفظ بيها
لسنتين فقط أو ثلاث سنين حسب العقد المتفق عليه و بعدها ترجع السيارة لبولستار و هيا من بعدك تاخذها و تصلحها و تبيعها كسيارة مستعملة لشخص أخر. فهذا نصب و إحتيال لأنك حتكون ملزم بإشتراك شهري "مبلغ مالي" بتجلس تدفعه لمدة 36 شهر. و بالرجوع لمواصفات
السيارة و قوتها و تصميمها الفخم ما حيكون الإشتراك الشهري بهذي البساطة يعني لو أفترضنا على سبيل المثال فقط أن إشتراكها يبدأ من 17,000 ريال مثلًا كإفتراض مقارب لسيارات فخمة مثل فئات البنتلي المتاحة بالتقسيط. حنلقى شيء مشابه للي حيكون مكتوب تحت:

الإشتراك الشهري: 17,000 ريال / مدة الإلتزام: 36 شهر
المبلغ المالي المدفوع للسنة الواحدة: 17,000 * 12 = 204,000 ريال
المبلغ المالي المدفوع للثلاث سنوات: 204,000 * 3 = 612,000 ريال
الفرق عن المبلغ المطلوب للتمليك عن طريق الكاش: 850,000 - 612,000 = 238,000 ريال *27٪ نسبة المتبقي من مبلغ السيارة تقريبًا*
يعني بالعربي كأنك شبه دفعت كامل قيمة السيارة بدون ما تحس و القيمة المتبقية عليك حتكون زي الفائدة المطروحة منك "مع أني أشك في ذلك" لكن بهذي العلاقة فالموضوع مُكسب لبولستار فقط. دون العملاء فهي بتأخذ سيارة دفع فيها ما قدره 73% من سعرها كبداية.
و بعدها جددت و بيعت لمستخدم أخر بنسبة ربح 60% من سعرها الأصلي حيكون مجموع الفائدة وقتها 133% ! حققت دخل ربح عالي جدًا هذا هامش غير ممكن حتى لشركة طموحة و جديدة فالسوق. سواءً وقفت أو أخذت سيارة جديدة و كملت في هالنظام الوهمي فأنت منصوب عليك
لأنك حتدفع مبلغ و قدره و أخر شيء إلي حتمتلكه هو صفر ! لا تنخدع بسهولة و جمال و تسهيل البيع فالقيود المالية من اسوء الأمور. علشان كذا ضروري كل شخص ناوي يقدم على خطوة شراء يدرس قراره بشكل جاد و يبحث و يتطرق في جميع جوانبه قبل الإقدام على القرار النهائي.

 
أعلى