نقاش فيجوال نوفل Swan Song| عالم السقيع

[TCF |فاتح الروم]

سووو، بينما كنت العب زينوبليد، قررت اكمل بالدر سكاي، الين ما اشتغل المود التسفي حقي وقررت اقرأ اغنية البجع. عندك صراعات تسفية في داخلك -_-

اني واي قررت أقرا هذه الين ما ينتهي المود التسفي حقي. وكانت حاجة مش بطالة.

التصنيف: حياة يومية، ما بعد الكارثة، حروب ثلج، ادارة دويلات
تاريخ الانتاج: 2005
المطور: flyingshine

في عالم موازي اتدمر في العالم وايليا ما قدرت تسوي شي هاي!
ينجواماكو تسوكاسا من الكارثة هذه ويتلقي بمجموعة ممن سيصبحون اصدقاءه في كنيسة، حيث يبدأ تسوكاسا واصدقاءه الجدد بشق طريقهم ومواجهة الصعوبات من اجل النجاة في هذا العالم الجديد. غريبة، حاجة لطيفة مقارنة مع الكم حاجة الا قريتهم مؤخرا؟
هو بكون صريح، الفجوال نوفل هذه تحسسك انها مجرد افرج وما تحس انها تقدم حاجة ما قدمتها مانجات نهاية العالم، او كده في البداية، بعدين في حركة يسويها الكاتب انا احبها، يرمي حدث او ظرف مفاجئ، ويخلي الشخصيات تتصرف على طبيعتها، الا هو حاجة انا اؤمن ان كل كاتب المفروض يسويها، احد اهم الاشياء الا تصنع العمل وترفعه هي الشخصيات، فالكاتب المفروض يصنع الشخصيات وبعدين الشخصيات هذه هي الا تصنع العمل، بس للأسف بعض الكتاب يتدخلوا واجد في العمل بدل ما يخلوه يمشي لحاله، الشي الا يصنع تناقضات واجد في الشخصيات و يخلق عدد كبير من ال Plot devices من تحت الارض الا هي حاجة البعض يشوفها عبقرية بينما هي اشياء المفروض تنتقد. العمل بناءه كويس، ما فيه حدث الكاتب الكاتب يجيبه لك الا انبنى ليه واتلمح عليه في الشابترات الا قبل. اشياء زي كده هي الا تخليك ما تسمتمع بباقي الاشياء الا الناس تحبها -_-

احداث العمل تقرأها من منظور الشخصيات الرئيسية (تسوكاسا و اصدقاءه)، الشي الا يغير نكهة العمل بين كل فترة والثانية ومثير للاهتمام في انه يخليك تشوف كيف الشخصيات تفكر وجوانب ثانية اليها، من الشلة (الا هم خمسة لو نحذف اروي) الا راقوا لي ثلاثة كاواسي، كواجاتا و تانامور. البطل كان ممل اغلب الوقت على قد ما ان واجد اكشن صاير من منظوره، ساساكي على قد ما انها طيبة وحنونة (واجمل بنت)

محتوى مخفي: مش سبويلر

اقاطعكم عشان اقول اني كتبت هالموضوع وانا العب، اجمل بنت اسمها تايكو، وشكرا.

المهم، ساساكي ايضا كانت مملة وكنت ابغى اخطر منظورها بأسرع ما يمكن عشان اوصل للباقي، على الرغم من كده، يبين في كم محادثة ان البنت فيه جانب معقد وشوي مريض، للحق ما تقرأ واجد من منظور ساساكي الشي الا يخليني احس ان عطوها وجه عشان يوصوا الى الجوانب هذه الا فيها او عشان يوروك ويش صاير من الجانب الاخر من العالم من منظورها. كاواسي (البنت الا تشوفها في الصورة فوق) ابغى اعاندها واخليها تعصب : ) ساعات تطلع عندك عادات سادية، الشي الا اني مش قادرة افهمه ان كيف واحد زيك فيه هذه الصفات...

طبعا ما يحتاج اقول ان كم شخصية من الشخصيات (الا احبها) تطور وتحصل اهتمام، او ان ا دائرة الاصدقاء هذه تتسع لما الشخصيات الرئيسية تلتقي بناس ثانيين، الشي الا يجيب تعقيد زيادة، بشكل عام الحاجات الاساسية عند الانسان هي اكل وماء و مسكن وأمان، لما تكون لحالك او مجموعة صغيرة وتوفرها، فأنت بتوفر الشي البسيط منها، بعدين لما تتوفر ووتصير في مجموعة بدل ما تكون لحالك، حزتها ببتوزع المهام بين بعض وبتبدؤوا تبحثوا عن اشياء اكثر من مجرد الأساسيات هذه، وبعدين بتنتبه ان المهام الختلفة هذه تحتاج تتفرع وكل فرع تحت مسؤولية واحد معين وكلهم يرجعوا الى قائد عام، حزتها انت كونت منظمة او بمعنى اصح....دولة. الدولة هذه ارتب من الدولة التسفية الخيالية حقتك.

طبعا، هذه الاشياء مش اشياء جديدة اعمال ثانية حق نهاية العالم ما جابتها.للحق، الموضوع هو انهم كيف اتعاملوا مع الاشياء هذه اكثر من كونهم سووها، فيه اشياء حول العمل ما بدأت اتقبلها الين ما اقتنعت ان المجموعة الا تكونت بعدين هي عبارة عن دولة صغيرة بقيادة مستعجلة بمصادر وخبرات محدودة جدا. لما افكر في الموضوع ببساطة بقول ان الابطال عملوا اشياء واجد غلط، وحزتها بعض الاشياء بدأت افكر فيها على انها اكثر من مجرد صح وخطأ ، بعض الأشياء تسويها او ما تسويها عشان بسبب قدرتك المحدودة اكثر من انها صح او خطأ، ممكن الا تسويه هو صح بس فيه اصح منه، بس عشان قدراتك البسيطة ما تروح تلاحق ورا حاجات اكبر من الا عندك اولردي.

شي يحيرني هو كيف ان اروي (البنت الا في القائمة الرئيسية) ما حصلت دور كبير، اعني ليش محطوطة في القائمة الرئيسية وهي ما كان ليها دور كبير؟ ليش مو شخصية ثانية (زي كواجاتا مثلا)، ممكن عشان كم حاجة حول شخصيتها؟ ممكن فيه حاجة الكاتب يبغى يوصل اليها من خلال البنت انا ما انتبهت اليها؟ على ما قد انها مشروحة بشكل حلو، ما ادري ايش قد الاشياء حول شخصيتها صحيحة ولا لا.

طبعا كان فيه قتالات في العمل، طبعا اذا القتال مش تشوني في الفجوال نوفل مخي يبدأ يرفضه وهذا الا صار مع بعض القتالات، القتالات الكويسة كانت على شكل تكتيكات في قتالات جوريلا باستخدام المصادر الطبيعية والبشرية المحدودة الا عندهم. الشي الا يحبه تسف بعدي وبعد التشوني والنظارات^^.
ثو شي كان ينرفزني في بعض القتالات ان كان ممكن تجنبها (زي اغلب الحروب على الواقع)، بس مش ممانع، لان القتالات هذه كان مبني ليها من بعيد لبعيد وهي نفسها مع احداث ثانية تبني حق حاجات ثانية الكاتب يبغى يوصل اليها. (لسى متنرفز انها كان ممكن تتجنب).

 

[لُقمَان]

حينما قرأت العنوان، تذكرت العضو محمد @BLACK SWAN

 

[TCF |فاتح الروم]

كعادتي، احط الموضوع قبل المراجعة وبعدين اعدل فيه بعد الاخطاء الكارثية

مو غريبة تزفت في اختباراتك

 

[TCF |فاتح الروم]

حينما قرأت العنوان، تذكرت العضو محمد @BLACK SWAN

لول، ما ادري، اشك ان ليهم علاقة من كثر ما الفجول نوفل مشهورة

 

[TCF |فاتح الروم]

على ما قد ان أروي حالتها مثيرة للاهتمام، بس زي ما قلت فوق، زي اشياء واجد في العمل ما احس ان كان فيه نقطة او حاجة تحس ان الكاتب وده يوصل اليها (زي بعض الاشياء في ستاينز قيت 0)، الحاجة الوحيدة الا ممكن كان يبغى يوصل اليها هي كيف ان الجهل ممكن يكون نعمة، على الرغم من كل شي صار في الفجوال نوفل، اروي هي الوحيدة الا كانت تضحك وتبتسم.

محتوى مخفي: اروي

أروي بنت عندها صعوبات تعلم، لما اشوفها كيف تتصرف، احس انها تتصرف حاجة ما بين الببغاء والقرد، تردد كلمات وافعال لانها اتعملتها بس ما تعرف ويش يعنوا. في الفجوال نوفل انوصف الشي على انها ما عندها common sense وما تعرف تقرب الاشياء المتشابهة (زي لما مخقك يجمع بين قلم الحبر والريشة الا تكتب)، الشي الا يخلي كل شي تشوفه مختلف وما فيه حاجات متشابهة تجمعها مع بعض، زي كلمات واحرف مكتوبة بشكل عشوائي في دفترالا ما بتعني اي حاجة الا لو اترتبت.

 

[TCF |فاتح الروم]

احسن الاشياء الا شفتها في العمل كان كواجاتا وتطور شخصيته طول العمل، بروبابلي هو الشخصية الوحيدة الا حصلت تطور، والتطور حقه الا خلاه يتحول من واحد نيرد ما ليه دور و ما تطلع منه كلمتين متصلين ورا بعض الى واحد الكل يعتمد عليه بشكل خلاه يحمل العمل ويخليه يروح مجرى ثاني واثر على كل الاحداث الا صارت بعدين في العمل. السبويلر الا تحت تقريبا يحرق اغلب احداث العمل

محتوى مخفي: كواجاتا

كواجاتا بداية العمل بس شوفة جثة او واحد يموت قدامه كان يخليه يرتعش و يبدأ يتقيأ، الشخص الا كان يتأتئ وما تطلع كلمتين متصلتين ورا بعض، نفس هذا الشخص نهاية العمل يندم على عدم احياءه للاعدام بالصلب والحرق، وهو ما يصير مرة وحدة كده، خلال العمل انت تشوفه كيف يتصرف ويفكر بين كل فترة والثانية وتشوف التغيرات الا يمر بها.



وتقريبا فيه سببين رئيسيين خلاه يتحول الى هالطاغية، السبب الاول هي ساساكي والسبب الثاني هي نوزومي

ساساكي كانت البنت الا كان يحبها بس ما كان يكلمها بسبب معاملة المجتمع الا حصلها، اذا هو مش جميل فطيبته بتكون حاجة كريبي و مقرفة مش حاجة انسانية يسويها، اذا ما عنده شخصية قوية هالشي بيخلي كل شي يسويه حاجة غريبة يتحضحك عليها، رغم انه كان يشوفها بشكل دوري ما كان عنده الشجاعة عشان يكلمها، بس مع ذلك هو تحدى العالم وراح كلمها، وكان حاجة سعيد مرة انه سواها، بس مع ذلك قعد فترة طويلة العلاقة ما تطورت لانه خايف من ويش ممكن يصير، بس مع ذلك قرر مرة ثانية يتحدى العالم بس هالمرة بيتغير ولا بيرجع زي ما كان، الشي هذا حطمه، لانه لما راح يعترف ليها انه يحبها، شافها نايمة مع واحد ما تعرفت عليه لاكثر من اسابيع وهي تقول عن كواجاتا "مقرف". الشي الا يخليني افكر هل هي قالت عنه كده ولا هو تخيله من صدمة الموقف؟ والسؤال الثاني الا التفكير فيه يرعبني، هل هي انتبهت اليه وقت ما قالت هالكلام ولا هي حاجة قالتها وهي ما تدري؟ ساساكي اتوضح خلال العمل ان هي مش مجرد الأم الحنون بسبب عدم علمها لمصايب العالم وانها واعية الى الاشياء الا صايرة حواليها.



الشي الثاني الا أثر عليه هي نوزومي، البنت الا عندها تفكير ثوري بسبب مراهقتها وبسبب معاملة امها اليها، البنت كانت حاقدة على امها بسبب اعتناقها دين غريب واجبارها على اعتناقها اليه، على ما اظن كلمتها الى كواجاتا ان"يغتصب امها قبل ما يقتلها" يوضح ايش قد هي بنت صاحية، اول ما انقذها كان لسى طيب وشخصيته كويسة، بس بعدين كل ما احتك وياها زيادة كل ما بدأ يتغير، اكثر شي خلاه يتغير والا اثر على باقي الاحداث هو قتله الى الشرطة المرضة، الشرطة ناس شنيعين وناس ما تستحق تعيش، بس مع ذلك هم ما يستاهلوا انك تخوض حرب يموتوا فيها العشرات البريئين عشان تقتلهم، الشي يخليني افكر ليش قتلهم وهو بعدين صار يسوي اشياء اعظم منهم؟ السبب بكل بساطة قتلهم لانه حاقد عليهم وكان يشوفهم ما يستحقوا يعيشوا، هذا مع كونهم محميين من جماعة دينية ما يطيقهم ويشوفهم ما يستحقوا يعيشوا.

التطور من الانسان الى Ubermensch الى 　Untermensch



سبب زيادة ليش هو صار طاغية، ان بكل بساطة ان صار ينسمع كلامه والناس تمشي وراه، الناس ما بتسمع كلامك وتمشي وراك لان رأيك صح او لأنك طيب، هي بتسمع كلامك بسبب "من هو انت؟" لو واحد حمار ومش مؤهل يقول حاجة الناس بتقدم كلامه على واحد متعلم مثقف ومؤهل عشان ان هذا عنده مقامه وشخصية وهذا ما تطلع منه متصلين ورا بعض. هذا الا صار هنا، هو حصل الشجاعة عشان يسوي ويقول الا يبغاه، ولما سوى كده الناس شافت نتائج الشي، فصارت تسمع كلامه وتمشي وراه، مش لانه طيب لانه جاب نتايج، الشي الا قام يخرب مخه، ان طول ما ان الشي يشتغل فإنه عادي/لازم يتسوى بغض النظر عن انسانيته، وقت الحرب ممكن تقدر تفوز في الحرب باستخدام الغاز السام او بأنك تهدد العدو بقتل الأسرى، بس مع ذلك الشي مش إنساني فعشان الكل يعاتب عليه، بس كواجاتا يشوف الشي على انه يخليه يفوز في الحرب بأقل الخسائر، هو سوى اشياء واجد عشان عقلية مشابهة. وقت ما كان طيب وكويس الناس الا تقول عن نفسها كويسة كانت تعامله باستحقار ولما صار طاغية الناس هذه صارت تحترمه لانه كان يفوز ويجيب نتايج، الشي خلاه يشوف الخير والشر زي الفوز والخسارة



هو كل هذا صار بسبب حاجة وحدة لو حصلها كان كل هذا ما صار، هو كان يبغى علاقة حميمة مع البنت الا يحبها، بس هالشي ما صار وبدل ما يحصل على هالعلاقة حصل على علاقة مريضة من بنت على رغم انها تحبه الا انه قاعدة تستغله، وهذا تشوفه في النهاية لما ساساكي قامت تتكلم معاه وتتعرف عليه وعلى هواياته و من هو قريب النهاية، الشي الا يطرح السؤال، ليش الحين لما كل شي اخترب؟ ليش مو من قبل؟

 

[TCF |فاتح الروم]

هو بس انبهت الى حاجة في الفجوال نوفل

الرواية على ما قد اني حبيتها وسويت ليها موضوع وكل شي، بس النص الاول تقريبا منها ممل وما يجيب شي جديد عن اعمال نهاية العالم ليش سويت الموضوع عجل؟
على الرغم من كده، بعد النص تقريبا ومع تطور شخصية كواجاتا، العمل يبدأ ياخذ منحى ثاني الا يكون فيه سوالف الدول والحروب والخطط الحربية الا هي سوالف انا احبها ايه بالذات سوالف الحروب لانك تحب تشوف ناس تتقتل يا متحوش!
بس مع تحسن مستوى العمل، هالشي ابدا ما يعذرهم على مستوى اول نص، صحيح ان اول نص بنى كل شي صار في النص الثاني، مع ذلك المفروض تكون فيه اشياء زيادة تحمل العمل غير البناء.

بالنسبة الى النهايات، فيه عدة نهايات سيئة (الا هي بيسكلي تموت في اغلبها) وفيه النهاية العادية (الا انت مجبر تدخلها اول مرة) والنهاية السعيدة

النهاية العادية هي مش سيئة وبعد ما تخلص منها بتكون مجبر تلعب من جديد عشان تحصل النهاية السعيدة، اشياء واجد تصير بشكل مش مفسر اخر ساعة او ساعتين، الشي الا يخليني اسأل هل الموضوع كان بسبب الضغط والسينينن ولا عشان انهم يبغوا يحصلوا على الكلايماكس حقهم؟
النهاية السعيدة كانت زي الفان فيكشن الا تدور عنه بعد ما تخلص العمل، اشياء واجد ما عجبتني حول الحلول الا حطوها حول المشاكل الا انطرحت. زي حلول واجد انطرحت في العمل صراحة. ثو انشرحت كم حاجة ما اتوضحت في المسار العادي الا هي حاجة كويسة
(وشفنا جانب كيوت الى تايكو)