hits counter

Software Engineering & Computer Engineering

Ryu-Bounty Hunter

True Gamer
انا تخصصي في الجامعة حاليا computer engineering جامعة البترول
في الفترة الأخيرة مخي محتاس ابي اعرف عن ال software engineering. مو لأني ناوي اغير او شي ثاني بس لأن ابي اتأكد اذا اخترت التخصص المناسب لي او لا

فبغيت اعرف من اللي متخصصين في واحد من التخصصين اي معلومات يقدرون يقولونها عن التخصص :)
 

Nemesis Zone

Electrony Editor
Software Engineering

ممكن أعطيك نبذه عن التخصص لأني متخصص فيه وهاي أخر سنه لي

التخصص ممتاز ودراسته حلوه بس محتاجه فهم لأن اغلب المواد في اول سنتني حتكون كلها معادلات (رياضيات) ويركز على اللغة الأنجليزيه !!

وبتدرس فيه عدة لغات برمجه (++C - فيجول بيسك )

أكيد فيه شوية صعوبة لكن يعتمد كله على الدراسه !!

والله يوفقك

:)
 

Ryu-Bounty Hunter

True Gamer
الرياضيات مو مشكلة هذاني الحين اخذ كالكولس لول. بس اي الرياضيات كله يعتمدعلى الفهم.

الحين انا ادرس لغة الجافا مع computert engineering

اي اكيد مافي تخصص صعب اذا الواحد مهتم و يذاكر

شكرا : )
 

Isaac

Executive Member
جحجاح، انسايدر و سوبر سونيك ممكن يفيدونك بحكم إنهم متخصصين بهالتخصص. : )
 

Super Sonic

True Gamer
أقدر أساعدك :) ايش تبغى تعرف بالضبط؟
 

Snake-87

Electrony Editor
C++
انا في بدايتها حاليا ... يبيلها مدرس زين >.>
 

G7Ga7

True Gamer
اوكي شوف ..
مبدئيّاً وبشكل عام جداً ... الـSWE عبارة عن برمجة

كيف ممكن تبني برنامج ضخم من مجرد معطيات بسيطة ..

الكلام يطول .. لكن افضل لو انك تكتب لي عن الـcomputer engineering .. عشان اخذ كلامك نقطة نقطة واحاول اشرح الفروق ان امكن .

فيه فرق كبير , دائماً راح تسمعه : الـcomputer engineering له علاقة كبيرة بالهاردوير , والـSWE له علاقة اكبر بالسوفتوير .
 

Ryu-Bounty Hunter

True Gamer
جحجاح، انسايدر و سوبر سونيك ممكن يفيدونك بحكم إنهم متخصصين بهالتخصص. : )
ممتاز والله. اجل هندسة الكمبيوتر مالها شعبية لول XD

أقدر أساعدك :) ايش تبغى تعرف بالضبط؟

هل هو فعلا صعب مثل ما اسمع يعني يقولون ال ICS صعب بس مقبول اما SWE ابعد عنه :/

كيف طبيعة العمل بشكل عام بعد التخرج يعني. و ابي اعرف علاقته بالفيديو جيمز بعد :)
 

Ryu-Bounty Hunter

True Gamer
اوكي شوف ..
مبدئيّاً وبشكل عام جداً ... الـSWE عبارة عن برمجة

كيف ممكن تبني برنامج ضخم من مجرد معطيات بسيطة ..

الكلام يطول .. لكن افضل لو انك تكتب لي عن الـcomputer engineering .. عشان اخذ كلامك نقطة نقطة واحاول اشرح الفروق ان امكن .

فيه فرق كبير , دائماً راح تسمعه : الـcomputer engineering له علاقة كبيرة بالهاردوير , والـSWE له علاقة اكبر بالسوفتوير .

يعني هو برمجة مبدئيا.

المشكلة اني ما اعرف معلومات كثيرة عن الCOE بس اعرف الفرق الأساسي اللي ان الCOE يتعلق بالهاردوير يعني كل دراستي بتكون الهاردوير و جزء بسيط من السوفتوير بحكم اني لازم اخذ كورسات ICS. اما الSWE يتعلق بالسوفتوير. طيب حتى الICS يتعلق بالسوفتوير ولا؟ شنو الفرق بينهم؟
 

Mista Koo

Creative Director
على إني مو متخصص في المجال.. لكن اللي أعرفه إن الـSoftware Engineer شغلته الأساسية هي تصميم البرامج من الصفر (استقبال الزبون وتحديد البرنامج اللي يبغاه) إلى إنهاء البرنامج
أعتقد الشيء الوحيد اللي يتفقون فيه التخصصين هو مبادئ (كونسبتس) الهندسة.. واحد تركيزه عالسوفتوير والثاني عالهاردوير (أو بالأصح وسيط بين الهاردوير والسوفتوير)

وطبعا الـCS أحسن شي :cool:: <<< داخل يقول هالجملة
:innocent::
 

Ryu-Bounty Hunter

True Gamer
على إني مو متخصص في المجال.. لكن اللي أعرفه إن الـSoftware Engineer شغلته الأساسية هي تصميم البرامج من الصفر (استقبال الزبون وتحديد البرنامج اللي يبغاه) إلى إنهاء البرنامج
أعتقد الشيء الوحيد اللي يتفقون فيه التخصصين هو مبادئ (كونسبتس) الهندسة.. واحد تركيزه عالسوفتوير والثاني عالهاردوير (أو بالأصح وسيط بين الهاردوير والسوفتوير)

وطبعا الـCS أحسن شي :cool:: <<< داخل يقول هالجملة
:innocent::

يمكن يعني تقدر تقول ان SWE لازم يكون عنده مخيلة واسعة تخليه يقدر يتخيل كيف بكون شكل البرنامج..او شي زي كذا لول

لول اجل انت CS :laugh::
 

G7Ga7

True Gamer
كلنا يالسوفتوير والـCOE وحتى الكيميكال انجنيرينج نشترك بكلمة : هندسة.

اذا ما كنت غلطان .. هندسة تعتمد بشكل كبير على الـProblem Solving, ووين ما كان تخصصك .. تقنية البروبلم سولفينج لازم تتقنها .. لأنها فن بحد ذاته !!

انا ما اعرف عن المشاكل الي ممكن تواجه الـCOE , لكن اقدر اقولك انا كمبرمج تجيني Problem على هيئة برنامج متكامل يدعم شركة أو مؤسسة أو مهما كان .. ولازم ابني البرنامج من الصفر !!!
طبعا "بناء" برنامج يعتبر شيء صعب جدا .. لأنه فيه كثييير من الامور والمعطيات وغيرها لازم تاخذها بالحسبان !!
هنا تجي فايدة الـProblem Solving. عشان تستخدم تيكنيكس معينة عشان تحل المشكلة وتجتازها .. وفي حالتنا .. تكتب البرنامج.

يعني هو برمجة مبدئيا.

المشكلة اني ما اعرف معلومات كثيرة عن الCOE بس اعرف الفرق الأساسي اللي ان الCOE يتعلق بالهاردوير يعني كل دراستي بتكون الهاردوير و جزء بسيط من السوفتوير بحكم اني لازم اخذ كورسات ICS. اما الSWE يتعلق بالسوفتوير. طيب حتى الICS يتعلق بالسوفتوير ولا؟ شنو الفرق بينهم؟

الـSWE يعتبر قريب جدا من الـICS .. يعني ناخذ كورسات كثير منهم .. لكن يظل , الـSWE أعمق بالبرمجة وكذا من طالب الـICS!
ما اعرف فروق اكثر من كذا للأسف !

يمكن يعني تقدر تقول ان SWE لازم يكون عنده مخيلة واسعة تخليه يقدر يتخيل كيف بكون شكل البرنامج..او شي زي كذا لول

كل مهندس لازم تكون عنده على قولتك مخيلة واسعة !
لأن زي ما قلت قبل شوي كل مهندس راح يواجه مشكلة لازم يحلها..

هل هو فعلا صعب مثل ما اسمع يعني يقولون ال ICS صعب بس مقبول اما SWE ابعد عنه :/

قاعدة: أي شيء تحبه وتهواه راح يهون عليك باذن الله :wink::
كيف طبيعة العمل بشكل عام بعد التخرج يعني. و ابي اعرف علاقته بالفيديو جيمز بعد :)

هممم .. في هذي انصحك تشوف دكتور في المجال تسأله !!
انا اذكر حضرت الـOpen Day الي سواه الـSWE لطلاب الاوريا ..
جا واحد يتكلم عن هذي النقطة ويقول كيف ان فرص خريج الـSWE ممتاااازة جدا ..

على ما اذكر واذا ما كنت غلطان . قال انو راح تبدأ كمبرمج , أو تكتب Codes فقط ..
لكن اذا تقدمت ممكن تترقى وتوصل أعلى مرتبة للخريج الـSWE .. وهي : Senior Software Engineer أو حاجة رهيبة زي كذا p:

عموماً .. انت واضح انك ما متشكك في اختيارك للتخصص .. انصحك تروح للـAdvisor حقك , أو تروح لرئيس قسم الـICS , والـCOE .. اسألهم عن الفروق واسألهم زي ما تبي ..

لا تنسى مسألة اختيار التخصص ابدا مو بسيطة !! .. انت تختار الشي الي راح تعمل فيه طوال حياتك !

سمعتوا يالأوريات :laugh::
 

Van

True Gamer
جحجاح عطاك الزبدة لول . زين لو الحين عجبك الـSWE أكثر بتفكر تغير التخصص؟ هذي اخر "موتة" لك استخدمها بحكمة :laugh::

و صح ما حد قال لك, صار لازم يكون في كلمة عربية على الأقل في عنوان الموضوع. الأول تحول p=
 

Ryu-Bounty Hunter

True Gamer
كلنا يالسوفتوير والـCOE وحتى الكيميكال انجنيرينج نشترك بكلمة : هندسة.

اذا ما كنت غلطان .. هندسة تعتمد بشكل كبير على الـProblem Solving, ووين ما كان تخصصك .. تقنية البروبلم سولفينج لازم تتقنها .. لأنها فن بحد ذاته !!

انا ما اعرف عن المشاكل الي ممكن تواجه الـCOE , لكن اقدر اقولك انا كمبرمج تجيني Problem على هيئة برنامج متكامل يدعم شركة أو مؤسسة أو مهما كان .. ولازم ابني البرنامج من الصفر !!!
طبعا "بناء" برنامج يعتبر شيء صعب جدا .. لأنه فيه كثييير من الامور والمعطيات وغيرها لازم تاخذها بالحسبان !!
هنا تجي فايدة الـProblem Solving. عشان تستخدم تيكنيكس معينة عشان تحل المشكلة وتجتازها .. وفي حالتنا .. تكتب البرنامج.

لول تصدق ان هذا شي ما لاحظته مع انكانالمفروض الاحظه من قبل ولا ليش ناخذ كورسات الكالكولس و الفيزكس و الكيمستري :laugh::

قاعدة: أي شيء تحبه وتهواه راح يهون عليك باذن الله :wink::

ولهالسبب فتحت الهموضوع. عشان اتأكد اني اهوى هندسة الكمبيوتر : )

هممم .. في هذي انصحك تشوف دكتور في المجال تسأله !!
انا اذكر حضرت الـOpen Day الي سواه الـSWE لطلاب الاوريا ..
جا واحد يتكلم عن هذي النقطة ويقول كيف ان فرص خريج الـSWE ممتاااازة جدا ..

على ما اذكر واذا ما كنت غلطان . قال انو راح تبدأ كمبرمج , أو تكتب Codes فقط ..
لكن اذا تقدمت ممكن تترقى وتوصل أعلى مرتبة للخريج الـSWE .. وهي : Senior Software Engineer أو حاجة رهيبة زي كذا p:

عموماً .. انت واضح انك ما متشكك في اختيارك للتخصص .. انصحك تروح للـAdvisor حقك , أو تروح لرئيس قسم الـICS , والـCOE .. اسألهم عن الفروق واسألهم زي ما تبي ..

لا تنسى مسألة اختيار التخصص ابدا مو بسيطة !! .. انت تختار الشي الي راح تعمل فيه طوال حياتك !

سمعتوا يالأوريات :laugh::

اظن اني سمعت هالكلام ايام الأوريا بس مو متأكد. لول عاد لازم تزيد اهميتك و ترتفع مرتبتك مع الخبرة :D

والله مادري يمكن اروح لهم و يمكن لأ. على فكرة انا رحت لهم اثنينهم من قبل..عشان اخذ تواقيعهم واغير تخصصي من ICS الى COE لأن مادري ليش حسيت ان احسن لي اغير. اي يعني انا خلصت الفرشمن على اني ICS بس هالسنة حسيت اني احسن اغير.

شكلي بتم على الCOE في النهاية و ان شاء الله هو التخصص المناسب لي :)

مشكور عالنصيحة جحجاح :)


و لول ايام الأوريا ما كانت ادري شالسالفة حتى التخصصات ما عرف حتى نصها XD
 

Ryu-Bounty Hunter

True Gamer
جحجاح عطاك الزبدة لول . زين لو الحين عجبك الـSWE أكثر بتفكر تغير التخصص؟ هذي اخر "موتة" لك استخدمها بحكمة :laugh::

و صح ما حد قال لك, صار لازم يكون في كلمة عربية على الأقل في عنوان الموضوع. الأول تحول p=

ههه انا من البداية ما قلت اني ناوي اغير. بس ابي اعرف معلومات اكثر عن التخصص D:

لول ما كنت ادري ×_×
 

G7Ga7

True Gamer
هممم .. ممتاز .. يعني انت شايف نفسك مع الهاردوير , ومع الكمبيوتر سيركيتس والبووليان اكسبريشنز والبايناري ومدري ايه :laugh:: ..

موفق ان شاء الله ...

انت الان تاخذ كورس جافا الاول ولا الثاني ؟
ICS 102 , ولا ICS 201 ?
 

Ryu-Bounty Hunter

True Gamer
هممم .. ممتاز .. يعني انت شايف نفسك مع الهاردوير , ومع الكمبيوتر سيركيتس والبووليان اكسبريشنز والبايناري ومدري ايه :laugh:: ..

موفق ان شاء الله ...

انت الان تاخذ كورس جافا الاول ولا الثاني ؟
ICS 102 , ولا ICS 201 ?

بالضبط :rockon:

بالتوفيق للجميع ان شاء الله :)

لا توني ICS 102 و COE 202
 

G.SKY

Hardcore Gamer
انا حاليا آخر سنه و بمشروع التخرج الحمد لله ، ادعولي نخلصه بس لول
انا بقولك الفرق بين الثلاثه ، خصوصا ان جامعه الملك فهد للأسف تعتبر السوفت وير انجنيرنج جزء من الكمبيوتر ساينس و راح اشرح ليه ان شاء الله...

الـ COE بشكل عام انت جالس تكلم الجهاز بلغته ... كمبيوتر لكمبيوتر ...
الكمبيوتر عنده 3 لغات ... لغته الخاصه (( 10010101011010 )) و اللغه الي ممكن يتفاهم الانسان وياه فيها (( la $a0, $a2 )) و اللغه الي ممكن الانسان يفهمها (( system.out.print"HEY THERE" ))
الـ COE يهتم بشكل اساسي في اللغتين الاوليين الي هي لغه الآله (( machine language )) و لغه الاسمبلي (( Assembly Language )) و طول عمرك في التخصص هذا بتجلس تتعلم كيف تتفاهم مع الكمبيوتر و كيف تبينه كـ Hardware و الباقي مو عليك بمعنى انت بتوصل لحد ما تسوي كمبيوتر لكن نظام التشغيل (( Operating System )) و اي شيء يتعلق فيه من لغات برمجه عاليه (( High Level Languages )) راح تكون للتخصصين الثانيين... و حبيت اقول ان اللغه الي يستخدمونها الـ COE مثل الـ MIPs وهي احد لغات الـ Assembly تعتبر اهم من اللغات الثانيه مثل الـ Java لان اصلا الـ Java ما يتصل بالكمبيوتر بشكل مباشر انما البرمجه بالجافا تتحول الى آسمبلي و بعدين الى لغه الكمبيوتر ... لكن فيه لغات برمجه تترجم بشكل مباشر للغه الكمبيوتر بس للأسف ما عندي خلفيه كبيره عنها

الـ ICS بشكل عام انك تاخذ الشغل الي سواه السوفت وير انجنير و تحوله الى شيء ملموس و تبرمجه ... و غير كذا ... شغله الـ ICS هو انه يبني برامج تعتبر الوسيط بين لغه الآله و المستخدم ، يعني مو معقوله المستخدم يكتب كلام زي الكلام الي انت جالس تتعلمه الحين بالجافا ... الحلو في الموضوع ان الـ ICS عندنا بالبترول ما ياخذ الا ماده وحده SWE لول ... لكن العكس صاير في الـ SWE ... بشرحها اكثر في قسم الـ SWE ...

الـ SWE حبيب الكل ، زي ما حاول يوضحون الشباب هو انك تبني البرنامج من الصفر
امممم بالعربي
(( جمع متطلبات من العميل / ترجم المتطلبات الى كلاسات برمجه / ابن البرنامج / اختبره ))
الحلو في البترول و بنفس الوقت الشيء البايخ انهم تاركين مواد سوفت وير اصليه و مبدلينها بمواد ICS و الي طلع من هذا ان تخصص الـ SWE عباره عن تخصص ICS لكن مع زياده مواد ... الفرق ان الـ ICS ياخذون مواد مهمه في الداتا بيس و النيتووركينج و احنا نقدر ناخذهم كمواد اختياريه !!!
طيب ايش المواد الي تقول ناقصه ؟ فيه مواد كثيره لها علاقه بالميلتيميديا ناقصه و ماهي موجوده ، على سبيل المثال انا في التدريب الصيفي اخذني " مركز المواهب " علشان اسوي لهم بروجكت لأنيمي علشان المركز و طبعا باستخدام السوفتوير انجنيرنج الي هم على بالهم اني ماخذ كميه كبيره عن الميلتي ميديا ... طبعا خلصت المشروع لان عندي خبره في الملتيميديا سوفت وير انجنيرنج من قبل ... بس ياليت لو البترول تهتم شوي لهل الجانب !!!
لكن علشان افيدك اكثر ... بعلمك شغله السوفت وير انجنيرنج مضبوط ... معليه الرد بيكون طويل مره لاني بحط امثله من مشروع التخرج حقنا !!!

الخطوه الاولى: تجميع المعطيات (( Gathering Requirements ))
طيب الحين شركه طلبت مني اسوي برنامج ؟ طيب خلاص انتهى الموضوع ؟ ابدا ابرمج ؟ طيب لو صار في تغيير في عمل البرنامج ؟ اقوم اعيد البرمجه ؟
هنا شغلتك تيجي ... تروح لمقر الشركه الي عطتك البرنامج تاخذ منهم كلللللل شيء و تجلس تحلل (( ايش لو صار كذا ... ايش لو تغير هذا ... طيب كيف ممكن يصير هذا ... طيب البرنامج ينفع للسوق ؟ ... ايش اهم مميزاته ... ايش اسوء شيء فيه ؟ ... كيف ممكن اطوره ... احط اللون هذا بدل هذا ؟ طيب لو الوحش الفلاني جاء هاجمني ليه ما اخلي عنده طاقه خاصه للإحتماليه ؟ )) و ترجع تراجع الشركه و تشوف لو فيه شيء ممكن يختلف او تغيير يكون من بدري احسن ... بعدها تنتقل الخطوه الثانيه

مثال:
مشروع التخرج حقنا خاص بمستشفى و هذي بعض المعطيات ((مترجمه بالعربي طبعا))
- البرنامج فيه Admin و Nurse و Physician
- البرنامج فيه صوره تطلع مواقع الالم عند المريض
- البرنامج لازم يكون web-based (( تتصفحه زي الانترنت ))

الخطوه الثانيه: رسمه اليوزكيس (( UseCase Diagram ))
الخطوه هذي هي الاساس في بناء اي سوفت وير بالعالم ... الرسمه توريك مستخدمين البرنامج و ايش ممكن يسوي كل واحد فيهم ... و الدايجرام يجي معاه دوكيومنت يشرح فيه ايش كل يوزكيس يسوي في البرنامج شوف المثال.

مثال:
هذا اليوزكيس دايجرام تبع المستشفى اللطيف حقنا ((طبعا اليوزكيس تغير بس ما راح احط النسخه الجديده لول و للمعلوميه اليوزكيس الجديد اكبر من هذا 3 مرات))

usecasefj0.jpg


طبعا الي يشوفها يقول " وش السالفه بحصه فنيه احنا ؟ "
لا بس اشرحها الحين كل يوز كيس لها شغله في البرنامج مثلا النيرس ممكن انها تسوي Creat Profile وهي انها تفتح ملف جديد للمريض و تسجل فيه البيانات " اسمه ، رقم تلفونه ، عنوانه ، نوعيه دمه ، الدكتور المسؤول عنه ... الخ )) يعني بالعربي اليوز كيس دايجرام يوريك كيف يشتغل البرنامج يعني ترجمه " صوريه " للمعطيات الي اخذتها من الشركه ... بعدها تروح الخطوه الثالثه

الخطوه الثالثه: خطه المشروع (( Project Plan ))
هذي عاد سهله تخطط كل شيء في البروجكت مثل لو مات واحد ايش ممكن الفريق يسوي من غيره ، لو جاء وقت تسليم البروجكت و ما خلص البروجكت ايش ممكن يصير ، مين يشتغل في البروجيكت ، ايش هي البروجكتات المنافسه ((اهم شيء بروجتات مو مشاريع)) ... الخ بس علشان تعرف البروجكت حقك متى متوقع يخلص ... طبعا فيه شركات احنا نعرفها زين شكل السوفت وير انجنيرز عندهم جايبين العيد لول !!!

الخطوه الرابعه: رسمه السيكونس (( Sequence Diagram ))
للأسف تونا بادين فيها بالبروجيكت ما خلصناها فما عندي مثال صوري بس بحاول اشرح تهااااء
هنا البرنامج يطلع له شكل مثلا ... في الدايجرام تبع اليوزكيس فوق فيه مثلا امممم Login ..... في السيكونس ديجرام يوريك " كيف " اللوج ان يصير مثلا " المستخدم طلب يدخل البرنامج > البرنامج يرسل الطلب للسيستم > السيستم يرد على اليوزر بأنه يدخل اليوزر نايم و الباسوورد > اليوزر دخلهم > السستم يتأكد من صحتهم > السستم يدخل البرنامج )) بتقولي هذي اسمها مرمطه بقولك للأسف ... لا ... هذا من اهم الاشياء لانه من خلالها راح تعرف ايش هي الـ Methods و الـ Classes الي راح تستخدمها لما توصل مرحله البرمجه (( اتوقع انك اخذتها في الجافا حاليا ولا ؟ ))

الخطوه الخامسه: المظهر الخارجي (( Screen Layout ))
لول هذي خبراء الملتيميديا يستانسون عليها ... قبل لا تسلم السيكونس ديجرام بيكون عندك خلفيه خلاص عن البرنامج هنا تسوي الشكل المبدئي للبرنامج باستخدام برامج الملتي ميديا (( حتى فلاش تقدر )) و تعطيه العميل ... طبعا تسليم الـ Layout بالنسبه لي يوم الاحد القادم ... و الحين في هل التو و اللحظه جالس اصمم لوجو حق المشروع لوووول

الخطوه السادسه: SRS و Test Cases
اكبر خطوه في السوفتوير انجنرينج كله (( مو كأني قلت هل الشيء من قبل )) ... لا بس الكبر هنا بالكميه لول ... راح تسلم كللللللللللل شيء سويته قبل في ملف واحد و زياده الرسمات على المعلومات على الخطه على كل شيء و اضافه الى ذلك راح تحط " initial test cases " او " مواضع اختبار اساسيه " علشان يوافق عليها المسؤول عنك مثلا (( كيف تتأكد ان العباره هذي m>2 صح ... الجواب اننا نختبر العباره مره فوق الاثنين و مره تحت الاثنين و مره يساوي الاثنين )) طبعا في مراحل متقدمه من الديزاين راح تضطر تختبره مع ارقام خياليه و اشياء غريبه مو بس رقم ولا رقمين

الخطوه السابعه: بناء البرنامج (( Software Design ))
تبدا تبني بالبرنامج و يبدا شوي من شغل البرمجه هنا تجمع كل شيء سويته و تبدا تفكك و تسوي ديزاين علشان يتحول كل الي سويته قبل الى شيء ملموس

الخطوه الثامنه: بروتوتايب (( Prototype ))
طبعا الخطوه الاهم للشركه الي طالبه منك البرنامج انك تسوي لها البرنامج على السريع و توريهم اياه حتى لو فيه اخطاء بس علشان لو فيه اي تغيير في المتطلبات تكون من " الحين " قبل بعدين و تتوهق في تعديل الاكواد

الخطوه التاسعه: البرمجه (( Programming ))
على الغالب الـ ICS المفروض يستلمون هل الشيء بس عندنا في البترول حتى الـ SWE

الخطوه العاشره: الاختبار (( Testing ))

اسوء مرحله ... ممكن تقولي لو اكتشفت خطأ في السطر رقم 1233 في الكود حقك كيف تقدر تحله ؟!!!

الخطوه الحادي عشر: تأكيد الجوده (( Quality Assurance ))
همممم البرنامج ينفع للسوق ؟ خلاص خلص ؟ كل شيء اوكي ؟ نصدر البرنامج ؟ اكيد ما فيه Bugs ؟ خلاص خلاص ؟ يله خلاص خل ننزله D=

الخطوه الثاني عشر: صيانه (( Maintenance ))
ليه تفكر نزلت البرنامج للسوق انتهى الموضوع لا حبيبي ... راح تحتاج تحط خطه تسوي فيها مينتننس للبرنامج بشكل دوري بعض الشركات ما يطلبون هل الشيء (( مثل شركات الالعاب ما عدى لو اللعبه اون لاين ))

هنا يخلص شغلك كسوفت وير انجنير هع
بل كتبت كثير بس على الله كنت مفيد لك
امممم عذرا على الترجمه الغبيه لبعض المصطلحات و الدخلات العربنجلش لول
بس هذا الي عندي D=
 
التعديل الأخير:

G7Ga7

True Gamer
^ يا سلام عليك
فيه قراءة جامدة بتصير ان شاء الله :rockon:

بالضبط

بالتوفيق للجميع ان شاء الله :)

لا توني ICS 102 و COE 202

الله يعينك على الجافا أجل :laugh::

COE منزل عند من الآن ؟ .. قاعد اخذها معاك .. الميجر الأربعاء الجاي .. الله يعين :cry:
 

G.SKY

Hardcore Gamer
^
COE202 سهل شد حيلك فيه و الله يوفقك
انتظر تاخذ الـ Assembly وشوف ايش ممكن يصير فيك !!!!!!!!!!!!!!!!!!!!!!!!!!!!!!!!!!!!!!!!!
 

G7Ga7

True Gamer
لول انا قاعد اكره كل دقيقة فيه هذا الكورس XD

ممل بشكل كبييير .. ما يجذبني ابداً .
الله يعيني عليه.
 

Ryu-Bounty Hunter

True Gamer
^ يا سلام عليك
فيه قراءة جامدة بتصير ان شاء الله :rockon:



الله يعينك على الجافا أجل :laugh::

COE منزل عند من الآن ؟ .. قاعد اخذها معاك .. الميجر الأربعاء الجاي .. الله يعين :cry:
ان شاء الله نعدي ال102 على خير XD

عند مروان و زين والله شرحه. اوه ممتاز والله بس انا عندي زيادة ICS نفس اليوم :/

^
COE202 سهل شد حيلك فيه و الله يوفقك
انتظر تاخذ الـ Assembly وشوف ايش ممكن يصير فيك !!!!!!!!!!!!!!!!!!!!!!!!!!!!!!!!!!!!!!!!!

توني قاري ردك اطول رد قريته لول XD

مشكور والله ما تقصر فدتني كثير :) الحين عرفت "بالتفصيل الممل" ايش معنى اني ابدأ برنامج من الصفر ههه :laugh::

الAssembly في COE 202 ناخذها؟
 

Ryu-Bounty Hunter

True Gamer
لول انا قاعد اكره كل دقيقة فيه هذا الكورس XD

ممل بشكل كبييير .. ما يجذبني ابداً .
الله يعيني عليه.

لول اجل ليش انا مستمتع فيه و هو اكثر كورس مهتم فيه. شكلي صج اخترت التخصص المناسب :laugh::
 

G.SKY

Hardcore Gamer
ان شاء الله نعدي ال102 على خير XD

عند مروان و زين والله شرحه. اوه ممتاز والله بس انا عندي زيادة ICS نفس اليوم :/



توني قاري ردك اطول رد قريته لول XD

مشكور والله ما تقصر فدتني كثير :) الحين عرفت "بالتفصيل الممل" ايش معنى اني ابدأ برنامج من الصفر ههه :laugh::

الAssembly في COE 202 ناخذها؟

الـ Assembly كورس مختلف
همممم في الجافا تكتب " if (m>0) then do that "
في الاسمبلي تكتبها

btz $t1, IF
IF: la $a1, DOTHIS

نفس الكونسبت تقريبا ... اللهم انها بلغه اعقد لول
كرهتها كره :(
ولا يقولون لي في لغات اصعب لو تخصصك COE :yuck:
 

G7Ga7

True Gamer
من جد .. اذكر مرة واحد قالي (وانا شايف هالشيء) ان الي تخصصهم ICS/SWE يكرهون كورسات الـCOE , والعكس :laugh::
 

Ryu-Bounty Hunter

True Gamer
الـ Assembly كورس مختلف
همممم في الجافا تكتب " if (m>0) then do that "
في الاسمبلي تكتبها

btz $t1, IF
IF: la $a1, DOTHIS

نفس الكونسبت تقريبا ... اللهم انها بلغه اعقد لول
كرهتها كره :(
ولا يقولون لي في لغات اصعب لو تخصصك COE :yuck:


شنو هذا !؟ لول متأكد هذي مو خرابيط؟ :O

لول لا تعقدنا عاد الحين اطلع من الديبارتمنت مرة وحدة :laugh::
من جد .. اذكر مرة واحد قالي (وانا شايف هالشيء) ان الي تخصصهم ICS/SWE يكرهون كورسات الـCOE , والعكس

نفس ولد عمتي لما كان يدرس بالجامعة. كان كل طلاب تخصص يكرهون الكورسات الثانية.
اهو COE و يكره الICS و SWE. يشتغل بأرامكو الحين..خلوه يروح سكوتلندا ياخذ ماستر..SWE :laugh::
 
التعديل الأخير:

Mista Koo

Creative Director
من جد .. اذكر مرة واحد قالي (وانا شايف هالشيء) ان الي تخصصهم ICS/SWE يكرهون كورسات الـCOE , والعكس :laugh::
مو دايم.. أنا CS وأخذت مادة Organization والحين عندي مادة Architecture وأشوفهم ممتعين والله
وعلى صعيد آخر.. عندي مادة OS (مادة CS) مو بس ممممللللللللللة وغثييييثة :annoyed:
 

Isaac

Executive Member
اخوي G.SKY

انا طالب MIS واخذت كورس دسم السمستر الماضي .. عن الـ System Development and Design.

SDLC_Phases_Related_to_Management_Controls.jpg


كنا نمشي تشابتر بتشابتر على الـSDLC (System Development Life Cycle.)


اللي أعرفه إنه الـOO Approach يفتقد للـStandards وكثير من المنظمات/الشركات العالمية مش متفقة على معايير معينة للتطوير من خلاله.

سؤالي هو ... هل تستخدمون بعض الطرق الـTraditional بالـModeling ؟

في مشروع الكورس الاستاذ نصحنا نتتبع الترادشنال أبروتش (Data flow diagram , Structure chart , Decomposition diagram وغيرها)
 

Justice

True Gamer
الحين على الي قاعدين تتكلمونه عليه كلهlogic circuit لوووول الي زي فليب فلوب هههه
تراني من جد قريت الكلام وراسي لف ههه مادري عن شنو تتكلمون,بس من جد استمتعت بالقرائة واستفدة ^_^!
 
التعديل الأخير:

Kasser

Gamer
زي ماذكروا الاخوان الـكمبيوتر انجنير (وواضح من اسمه) متعلق بالهاردوير و لغة الهاردوير زي لغة الـBINARY وهذي اللغة احب اذكر أنها مش مجرد ارقام بل شحنات كهربائية أيضا , يعني حتى البرمجة بالكمبيوتر انجنير تحسها شيء ملموس مش مجرد ارقام تدخلها , كمان الرياضيات هنا تلعب دور في التعامل مع لغات برمجة الهاردوير بشكل كبير

وعلى اللي سمعته فأن الكمبيوتر انجنير قريب من تخصص الكهرباء لانه فيه كلام عن الدوائر الكهربائية .. اذا انا مو غلطان فيه كورسات ياخذوها التخصصين (وللتأكد انظر لموادك ومواد الـEE)


أما السوفت وير (وانا من ضمن هالقبيلة :cool::) فهو مثل الكمبيوتر ساينس , تبرمج فيه بالاعتماد على اكواد بلغات زي الـC++ و الجافا وايضا الإلمام من ناحية المنطق الرياضي (الصواب والخطأ والاثباتات) ... الفرق بين السوفت وير والساينس أن السوفت وير يهتم بعلاقة الزبون والمطور والبرنامج يعني تجيب لي متطلبات وانا اقوم ببرمجتها (واظن جميع تخصصات الهندسة تتبع نفس المبدأ ..زي مهندس البترول تقوله احفر بئر و هو يخططها لك مب الجيوفزكس الي يخطط !) أما الساينس فهو من اسمه علم يعني دراستهم على ما قرات بمواقع اجنبية تهتم بدراسة نظريات في البرمجة ويهتموا بالمنطق الرياضي اكثر والمتخرجين منه المفترض يتبعوا نفس الطريق (بس بمنطقتنا العربية ما أظن فيه احد له اهتمام بهالشيء :xd:) ..

واليوم عندي اختبار COE بس احس روحي مطنشه لاني عدو هالكورس :grin:
 
أعلى