hits counter

نقاش مانجا Shadows House

AM152

True Gamer
215750l.jpg


الاسم : Shadows House

النوع : خيالى ، Slice of life، Mystery
تاريخ بدأ النشر : 6 سبتمبر 2018
الحالة: مستمرة
المؤلف : Soumatou ، من أعمال المؤلف السابقة مانجا منتهية من 22 شابتر باسم Kuro و من نفس تصنيف عمله الحالى


نبذة عن المانجا :

العمل بيبدأ مع إيميليكو و اللى بيتم تعريفها ك Living Doll مقيمة فى ال Shadows House و اللى يبقى قصر مجموعة من النبلاء أقرب لظلال بلا ملامح بينبعث منهم الدخان بشكل مستمر ، إيميليكو وظيفتها خدمة واحدة من ال Shadows باسم Kate و تدريجيا العمل بيستكشف الألغاز و الأوضاع الغريبة المحيطة بال Shaodows House

العمل بيصدر فى مجلة Young Jump و ملون بالكامل على غير المعتاد من أعمال المانجا و تم إقتباسه كأنمى من إنتاج استديو CloverWorks



رأى عن المانجا :

العمل بيجمع جانب ال Mystery مع ال Slice of Life بشكل ممتاز و بيقدم قصة و أفكار غريبة و مثيرة للإهتمام تخليك عاوز تعرف أكثر و بيبنى عالمه بشكل تدريجى و ده مع أسلوب رسم مميز بيدى العمل جو خاص و جذاب مع إحساس قوى بالغموض ، شخصيات العمل الرئيسية متميزة و اللى حبيته إن العمل مابيركزش على إيميليكو فقط كبطلة وحيدة و إنما بيقدمها بتوازن مع شخصية Kate و التفاعل بينهم كان ممتاز فعلا و بصفة عامة هو تجربة تستحق المتابعة
 

AM152

True Gamer
شابتر 132

حبيت استخدام إيميليكو لمهاراتها كلاعبة سيرك فى الشابتر و المواجهة اتقدمت بشكل ممتاز :triumph:

الشئ اللى الشابتر كشفه إن Kate عندها نفس مستوى القدرات اللى عند Shadow بالغ لإنها نظريا عبارة عن Unification بين بشر و Shadow ، الشئ كان أمامنا طول الوقت بس بدون ماحد ينتبه :nomouth:

شخصية أوليفر و أولى غريبة بس مثيرة للإهتمام، البعض علق على إن اقتناعهم بكلام Kate كان سريع بس بصراحة مش شايف كده ، الإثنين اهتمامهم الأساسى يبقى بالبحث العلمى فقط حتى على حساب حياتهم و لقوا نفسهم أمام فرصة ماتتكررش و الإثنين أذكياء بشكل كافى عشان يوصلوا لقرار سريع و منطقى بدون الدخول فى متاهات و بالنسبة لى الشابتر كان جيد فعلا
 

Yoh Asakura Zero

True Gamer
غموضه وأجوائه هل يشابه نيفيرلاند ؟؟
 

AM152

True Gamer
شابتر 137 و 138
شابتر 137 ركز على باربى و قدم معانتها بشكل ممتاز و مؤثر ، باربرا ماتعرفش إن كريستوفر مات و باربى ماتعرفش ليه الجرح ماخفش و الإثنين عايشين فى معاناة و الأسوء إن باربى بتلوم نفسها على كده ده و التناقض بين صورتها فى الماضى و وضعها الحالى كان شئ محزن فعلا :
5LYzTBVoS196gvYvw3zjwJv8ZuQV9ey1PX4pPsHuu8g


بالنسبة لشابتر 138 فالفريق نجح أخيرا فى أول مهمة جماعية فى نقلة كبيرة لمستوى الصراع ، للأمانة الآرك ده كان أقل نسبيا من اللى قبله بالنسبة لى بس على الأقل انتهى بشكل مقبول إلى حد ما و الجاى هو المهم :triumph:
 

AM152

True Gamer
شابتر 148

أخيرا حصل التطور اللى كنت منتظره

بعد معاناة طويلة و ألم و إنغلاق أخيرا باربى و باربرا طلعوا اللى جواهم و خدوا أول خطوة لتصحيح الوضع ، الشئ اللى يعتبر نقلة حقيقية للأحداث بصفة عامة و لخطة كيت بصفة خاصة

الحقيقة الآرك كان ممكن يبقى أحسن ، جزء من ده بالنسبة لى كان لصغر دور إيميليكو فيه و اللى كانت بتدى جو مميز لأى موقف و عودتها فى الشابتر هنا فكرنى قد إيه الشخصية متميزة فعلا :triumph:

ده مش معناه إن الآرك كان سيئ و الجزئية الخاصة بجون بالذات كانت تحفة كالمتوقع منه :tearsofjoy: و برضه النهاية كانت جميلة و حبيت إن باربى بالذات هى اللى قررت تاخد موقف و تتحرك حتى لو ده معناه الإعتراف بإن كل اللى عملته هى و باربرا كان غلط أو إنهم هايدخلوا فى مواجهة ضد ال Adults ، فى الآخر باربرا بالنسبة لها أهم من كل ده
 
أعلى