SEGA تقرر تأخير نسخة ال 360 وال PS3 من Sonic Unleashed

[Suzuki Yu]

حسب الكلام الرسمي من الموقع الرسمي الياباني للعبة , ان النسخة اليابانية من اللعبة حتتأخر حتى بداية العام 2009 , والسبب وراء ذلك حسب ال PR وضع المزيد والمزيد من التحسينات قبل اصدار اللعبة

اما عن نسخة ال Wii و ال PS2 فما تغيير شي على اصدارهم ( الظاهر مو مهتمين ... خابصة خابصة )


طبعا هذا الشي سيلقي بظلاله ايضا على الاصدار الامريكي اللي already مواقع البيع قاعدة تعيد وضع مواعيد جديدة ابعد من المقرر لها سابقا , لكن يتوقع قبل نهاية هذا العام في امريكا .......... طبعا ايضا من دون تعديل تاريخ اصدار نسخة ال Wii وال PS2 في 18 نوفمبر

المصدر

http://sonic.sega.jp/SonicWorldAdventure/

 

[Double T]

عندي احساس انه السبب مو لتحسين اللعبة بس عشان تتجنب Sega فترة تكدس الألعاب القوية و الي راح تأثر على مبيعاتها .. عني العاب اكثر اهمية من سونيك راح اخر شرائها من كثرة الألعاب

اول شي سويته بعد ما قريت العنوان .. " معععععن ( اخوي الصغير ) .. لا تصجني اللعبة تأجلت .. اووو صح انت راح تشتري حقت الWii .. ولو لا تسألني عنها قبل 3 اسابيع " <<< السبب كل ما شافني سألني متى راح تنزل

 

[Tomb raider]

لااااا ، كنت متحمس وايد -__-

بس بنفس الوقت احسن علشان الزحمه للي مستويه.

 

[Strider]

المفروض كان أجلوا النسخ كلها

 

[Naif]

أحسن.. اتمنى فعلا تكون لعبة جيدة

 

[Super Shadow]

اذا كان التأجيل من أجل وضع تحسينات فمافي مانع

نسخة الويي و البلاي 2 مخبوصين

خل نلعب سونيك بلاك نايت أحسن و نلعب أنليشد على نكست جين :sarcastic:

غالبا نسخ نكست جين موعد صدورها في موسم الأعياد في آخر السنة هذي

 

[Mista Koo]

أحسن.. اتمنى فعلا تكون لعبة جيدة

أ أ م هـ ا

 

[Suzuki Yu]

عشان بس تكون واضحة معاكم , هذي تفاصيل من موقع امازون ما اكدت لسه من مواقع رسمية لسيجا

نسخة ال WII وال PS2 فضلوا على نفس الموعد 18 نوفمبر

http://www.amazon.com/Sonic-Unleash..._1?ie=UTF8&s=videogames&qid=1226073354&sr=8-1

نسخة ال 360 أتأخرت شوي الى 24 نوفمبر

http://www.amazon.com/Sonic-Unleash..._2?ie=UTF8&s=videogames&qid=1226073354&sr=8-2

ونسخة ال PS3 أكثر وحدة أتأخرت الى 12 ديسمبر

http://www.amazon.com/Sonic-Unleash..._3?ie=UTF8&s=videogames&qid=1226073354&sr=8-3

من هذا الكلام نقدر نستقرأ ان نسخة ال PS3 الظاهر أكثر نسخة يبغالها شغل قبل الاصدار

 

[hussien-11]

كلام دوبل T صحيح ، اللعبة على الأرجح بتتأجل لتجنب المواجهة ، و هالشي أفضل طبعا عشان اللعبة تبيع .
​

 

[Super Shadow]

عشان بس تكون واضحة معاكم , هذي تفاصيل من موقع امازون ما اكدت لسه من مواقع رسمية لسيجا

نسخة ال WII وال PS2 فضلوا على نفس الموعد 18 نوفمبر

http://www.amazon.com/Sonic-Unleash..._1?ie=UTF8&s=videogames&qid=1226073354&sr=8-1

نسخة ال 360 أتأخرت شوي الى 24 نوفمبر

http://www.amazon.com/Sonic-Unleash..._2?ie=UTF8&s=videogames&qid=1226073354&sr=8-2

ونسخة ال PS3 أكثر وحدة أتأخرت الى 12 ديسمبر

http://www.amazon.com/Sonic-Unleash..._3?ie=UTF8&s=videogames&qid=1226073354&sr=8-3

من هذا الكلام نقدر نستقرأ ان نسخة ال PS3 الظاهر أكثر نسخة يبغالها شغل قبل الاصدار

أهاااا

الحين وضحت السالفة

التأجيل نفس ما قالوا الشباب عشان تجنب المنافسة

عموما هو تأجيل أسبوع بس

 

[Zero]

من هذا الكلام نقدر نستقرأ ان نسخة ال PS3 الظاهر أكثر نسخة يبغالها شغل قبل الاصدار

مو شيء جديد على نسخ البلاي3 ، ولا عجب لو صارت مبيعات نسخة البلاي3 قليلة مقارنة بال360 وفي هالحالة اللوم مو على الجهاز فقط .

عموما الحمد لله أن التأجيل مو طويل ، فجأة .. حسيت أني أبغى ألعبها الآن .

 

[Nintendo]

كل تأخيره وفيها خيره ( ماحب ذا المثل )

بعد الزحمه ذي كلها احس نسخة الوي راح تدمر باقي النسخ بالمبيعات ( حتى لو طلع مستواها اسوء بكثير ) بس سونيك والعاب سيجا لها شعبية جيده على الوي ..

اهم شئ اللعبه بالنهاية تطلع جيده ..

 

[Suzuki Yu]

كل تأخيره وفيها خيره ( ماحب ذا المثل )

بعد الزحمه ذي كلها احس نسخة الوي راح تدمر باقي النسخ بالمبيعات ( حتى لو طلع مستواها اسوء بكثير ) بس سونيك والعاب سيجا لها شعبية جيده على الوي ..

اهم شئ اللعبه بالنهاية تطلع جيده ..

هذا الشي اللي راح يصير ومافيه ادنى شك عندي , حتى لو نسخ النكست جن كانت افضل بتريليون مرة

 

[Suzuki Yu]

من البلوج الاوروبي لسونك

http://blogs.sega.com/sonic/2008/11/07/sonic-unleashed-euro-release-date/#more-205

اللعبة حتنزل في اوروبا يوم 28 نوفمبر ما عدا نسخة ال PS3 حتصدر في وقت ما بشهر ديسمبر

وتم التأكيد ايضا ان سونك بلاك نايت نازلة بشهر مارس 2009

 

[Silent Dream]

التأجيل هذا في اليابان بس على ما يبدو , متحمس للعبة بشكل إن شاء الله ما تتأجل بس .

 

[BioMario]

الحمد لله والله أحسن علشان ما تضيع وسط هذي الزحمة
ومتحمس لها وايد

 

[Tomb raider]

يعني ما تأجلت للسنه اليايه الحمد لله !

 

[Zero]

كل تأخيره وفيها خيره ( ماحب ذا المثل )

بعد الزحمه ذي كلها احس نسخة الوي راح تدمر باقي النسخ بالمبيعات ( حتى لو طلع مستواها اسوء بكثير ) بس سونيك والعاب سيجا لها شعبية جيده على الوي ..

اهم شئ اللعبه بالنهاية تطلع جيده ..

هههههههههههههههههههه والله هالشيء دائما براسي يا عمر ، مو بس سونيك ولكن ألعاب كثيرة أخرى تحسسني بهذا الشيء ألا وهو ..

الشغل والتعبة وصرف الفلوس على نسخ البلاي3 أو ال360 أو الجهازين معا ، ونطلع بلعبة مظهرها لائق وتناسب الجيمرز .
... ومن جهة أخرى الأرباح والفلوس والملايين من نسخة الوي .

أحس هذا اللي راح يصير لسونيك إنليشد ، بس اتمنى تبيع النسخة الأفضل بشكل محترم .

 

[Super Shadow]

كل تأخيره وفيها خيره ( ماحب ذا المثل )

بعد الزحمه ذي كلها احس نسخة الوي راح تدمر باقي النسخ بالمبيعات ( حتى لو طلع مستواها اسوء بكثير ) بس سونيك والعاب سيجا لها شعبية جيده على الوي ..

اهم شئ اللعبه بالنهاية تطلع جيده ..

لووول بعد لعبة ماريو اند سونيك و وجود سونيك كشخصية قابلة للعب بسوبر سماش ، شي أكيد أن شعبيته زادت على أجهزة الننتندو

 

[Purple Rain]

الاجزاء الاخيرة لسونك ما ادري شلون الناس تلعبها !!

لا مستوى وشغل اي كلام

 

[Aia]

الاجزاء الاخيرة لسونك ما ادري شلون الناس تلعبها !!

لا مستوى وشغل اي كلام

فعلا ً للآسف !

لكن جزء الـ PSP كان مُمتاز بالنسبه لي .

 

[Super Shadow]

الاجزاء الاخيرة لسونك ما ادري شلون الناس تلعبها !!

لا مستوى وشغل اي كلام

الناس أذواق ، مش ذوق واحد :sarcastic:

 

[mario0o]

التاخير مب لذاك الزود عشان يتفادون الزحمة اصلا :what:

نسخة الوي هي اللي بتضرب ضربة وبعدها نسخة الـ360 اما نسخة البلاي3 هي اللي بتضيع


احلى شي ان سونيك بلاك نايت بشهر 3 يعني قريبة !!