hits counter

الموضوع الرسمي Resident Evil HD Remaster | اللعبة صاحبة أفضل أتموسفير و موقع للمغامرة في التاريخ

Sultan/X

Banned
بعد انهائي لزيرو احب اقول ان الريميك تغلب علية وبقوة مدري كيف مع ان اثنينهم يمشوك علي نفس الرتم والمعادلة ، نفس روعة تصاميم الخلفية، نفس جمال الاضأئة ، نفس الشخصيات العبيطة السطحية ، بس نعم يد المعلم تقدر تخلى العمل يلمع وبقوة ويظهر وشفت امثلة كثيرة واشهرها دارك سولز 2 مع انة نفس الشركة وتقريبا نفس اعضاء الفريق بس فرق السماء عن الارض بين دارك سولز 1 ودارك سولز 2 . وايضا نفس الشي ريزي 5 مشيت نفس خطة تصميم ريزي 4 حرفيا مع ذالك مالاقت استحسان كبير.

المراجع هذا وضح النسخ واللسق ببداية الفيديو
مراجعاتة كانت ممتعة جدا مدري لية وقف

للي ابي اقولة ان مهما كان لا شك ان للاب الروحي لسلسلة لمسة خاصة تفرقها بين النجاح والفشل بين الممتاز والمقبول ، حتى لو بقى الفريق نفسة.
 
توني مخلص الأول الأصلي على الدي اس.

كانت فكرة حلوة اني العبها علاطول بعد الريميك. لول كمية الفروقات مهولة، جدا مهولة، اللعبة الأصلية طالعة ممله وباهته وفارغة وممسوحة التفاصيل. ميكامي بتجديد المناطق وتغيير الألغاز وطبعا التطور الفني والتقني حول الجزء الأول من لعبة حلوة إلى وحدة من أفضل وأجمل الألعاب بالتاريخ.
أنا آخر مرة أعد لعب الأول الأصلي كان قبل سنتين.... فعلا حسيت باكتئاب بسبب قلة التفاصيل و كيف أن القصر مهضوم حقة بشكل كبيييييير في الجزء الأصلي.

عكس القصر في الريميك... شي مستحيل يتكرر, أفضل قصر راح نشوفه في الصناعة لأن ما أتوقع راح نشوف مكان أشد جمالا و أتموسفيرية منه.
بعد انهائي لزيرو احب اقول ان الريميك تغلب علية وبقوة مدري كيف مع ان اثنينهم يمشوك علي نفس الرتم والمعادلة ، نفس روعة تصاميم الخلفية، نفس جمال الاضأئة ، نفس الشخصيات العبيطة السطحية ، بس نعم يد المعلم تقدر تخلى العمل يلمع وبقوة ويظهر وشفت امثلة كثيرة واشهرها دارك سولز 2 مع انة نفس الشركة وتقريبا نفس اعضاء الفريق بس فرق السماء عن الارض بين دارك سولز 1 ودارك سولز 2 . وايضا نفس الشي ريزي 5 مشيت نفس خطة تصميم ريزي 4 حرفيا مع ذالك مالاقت استحسان كبير.

المراجع هذا وضح النسخ واللسق ببداية الفيديو
مراجعاتة كانت ممتعة جدا مدري لية وقف

للي ابي اقولة ان مهما كان لا شك ان للاب الروحي لسلسلة لمسة خاصة تفرقها بين النجاح والفشل بين الممتاز والمقبول ، حتى لو بقى الفريق نفسة.
صحيح كلامك... لمسة الأب الروحي لسلسلته دائما تكون مميزه و مختلفة على الألعاب الي يشتغل عليها.

شفت بداية الفيديو و فعلا رزدنت ايفل 5 عبارة عن كوبي & بيست درجة ثالثه من التحفة الي كانت عليه رزدنت ايفل 4, و يا الهي شيفا كانت فعلا غبية شلون ختمت اللعبة عالبروفيشنال معاها و أخذت البلاتينيوم تروفي ما أعرف :\

عموما زردنت ايفل ريميك أعتبرها أفضل أعمال شينجي ميكامي و أفضل لعبة سورفايفر هورور و دائما دائما راح تظل في قائمة أفضل 10 ألعاب في التاريخ مهما مرت السنوات و تغيرت القائمة بألعاب قديمة استبدلت بألعاب جديدة.. رزدنت ايفل ريميك راح تضمن لها مكانة دائما فيها.

صحيح التقنيات المستخدمة في خلفيات الزيرو هي قمة ما وصلت لها الصناعة في الخلفيات الثابته و مافيه شي يتفوق عليها... و لكن الاخراج الفني و اللسمات الفنية هي الي تخلي مظهر الريميك أكثر جاذبية و أشد جمالا بشكل عام.
 

Sultan/X

Banned
و يا الهي شيفا كانت فعلا غبية شلون ختمت اللعبة عالبروفيشنال معاها و أخذت البلاتينيوم تروفي ما أعرف :\

لول ونا بعد على وقتها اخذت البلات بس مالها دخل لن زمان التروفي كان اهتمام للاغلبية وكانت فية مواضيع كيف تجيبهم البلات، الان تغير الوضع وقليل للي يهتم .
 

Solay

Double Jumper
أنا آخر مرة أعد لعب الأول الأصلي كان قبل سنتين.... فعلا حسيت باكتئاب بسبب قلة التفاصيل و كيف أن القصر مهضوم حقة بشكل كبيييييير في الجزء الأصلي.

عكس القصر في الريميك... شي مستحيل يتكرر, أفضل قصر راح نشوفه في الصناعة لأن ما أتوقع راح نشوف مكان أشد جمالا و أتموسفيرية منه.

جدا خالي من التفاصيل، وأعتقد هذا أحد الأسباب اللي خلتني وخلت الناس تتفاجأ وتبهر من ريزدينت ايفل ٢، فرق مهول بينهم.

أما بالنسبة للجمالية قلتها من قبل، الريميك وويند ويكر أجمل لعبتين بالجيمينج إلى هذه اللحظة.
 

hussien-11

Senior Content Specialist
لقيت الأورجن كولكشن بسعر رخيص جداََ!! وشريته.

العب بالتحكيم القديم، Please!

ما أقول إلا اني أغبطك على التجربة الفنية الي تنتظرك، ليومنا هذا ما شفت لعبة عندها مكان يعطيك شعور العزلة والوحدة والكآبة مثل قصر سبنسر.
 

FANTASTIC DREAM

sugar man, colors to my dreams
العب بالتحكيم القديم، Please!

ما أقول إلا اني أغبطك على التجربة الفنية الي تنتظرك، ليومنا هذا ما شفت لعبة عندها مكان يعطيك شعور العزلة والوحدة والكآبة مثل قصر سبنسر.

طبعاً...من أيام إعلانهم لخيار التحكمين وانا أفكر ألعبها فقط بالتحكم القديم.
 
لقيت الأورجن كولكشن بسعر رخيص جداََ!! وشريته.

يالله نُهجم علي الكلاسِيك(سو over-كسر علي السين)
ممتاز... يعني راح نقرأ انطباعاتك عن الريميك و الزيرو أيضا :)

لا تنسى تشاركنا بصورك المفضلة عن قصر سبينسر في الريميك معانا في الموضوع.

فارس.. أنت أمام تجربة تاريخية ماراح تتكرر في حياتك كلاعب اطلاقا, أحسدك عليها ::involve::
 

FANTASTIC DREAM

sugar man, colors to my dreams
لا يمكن, لا يمكن, أنا كنت أكل "بصل" ريزيدنت إيفل؟! و"الوجبه الحقيقيه" مع الريميك؟! فعلاً؟! ما مبالغه ولا شيء. لكن الساعتين اللي لعبتها الأن "ٌقمة" رزيدنت إيفل, بلا مبالغه!

  • في البدايه, هذا افضل تقديم للزومبي, ثقل حركته مع التحكم الصعب في التوجيه للإتجاه والمشي مباشرةً والممرات الضيقه وطاقة الزومبي خلت قتال الزومبي مليان تشالنج.
  • مع اول مواجهه خلصت أغلب طلقاتي, والhealth تبعي ضعف, الإستكشاف في القصر صعِب جداً وإعترض طريقي في أحد الممرات زومبي أهبل ما قدرت أعديه بدون ما اموت.
  • عجبني إن اللعبه في هالموقف حسستني بالندم إني إتخذت الخيار الخطأ في اول مواجهه وكان الأفضل لو هربت بدل الفتوه حقتي!
  • الأفضل؟ إني عرفت من خلال هالشيء إن اللعبه تعطيك خيار أخر بتجميع اداة سكين خاصه تعطيك فرصه تزوغ من الزومبي وإستخدمها.
  • اللعبه دايماً في خيار الهرب او القتل في كل المواجهات, في مواجهات مباشره ما تقدر تهرب منها بالطريقه الإعتياديه, تهرب منها من خلال السكين او التعرض للعض.
  • دايماً الأفضل قتل الزومبي عشان تقدر تتنقل براحتك لكن "صعب" جداً هالخيار بسبب قلة الذخيره واللي ما عنده إتقان للتحكم مثلي بيضيع برضو.
  • في حالات, مثلاً إذا كان عندك طلقات كافيه: تقدر تمشي وتطلق, إذا ما كان عندك طلقات كافيه: فالهرب حل لك, إذا ما عندك طلقات كافيه والh مش كفايه تضطر تدور السكاكين عشان هذا الحل الوحيد للهرب, ما تقدر تكمل بدون ما يكون معك نبتات, الأسلحه مصيرها بتغلق, بتقابل وحوش أقوي, فمصيرك بتمر بمختلف الحالات الصعبه والحالات اللي تكون فيها إنت البوس.
  • أنا يا عمري ما خليت شيء إلا مريت فيه وفي أول ساعتين! XD
  • التجربه تحفزك إنك تحذر وتفكر وتستكشف.
  • خلنا نتكلم عن الإستكشاف في القصر, في البدايه اللعبه تحطك بين اماكن كثيره تروحلها, ما تدري إطلاقاً وين هدفك الأساسي, لكن تجرب كل شيء لين يصلح معك شيء.
  • هذا المكان تاخذ منو سكين, وهذا المكان تاخذ منو نبتات, عن نفسي كل اللي كنت أبغاه إني ألقي اللي يكفيني من الطلقات, وفشلت في هالشي لين ما لقيت حلول أخري.
  • هذا الشعور بـ"الخوف" من إيش ممكن تلقي بعد فتح الباب, هههههه في باب لما تضغط عليه يطلعلك صوت عجوز مرعب!! مرعبه فكرة إنك بتدخله وقت من الاوقات!
  • الغربان خلتني أتمني لو في زر سبرينت.....XD ما كانت موجوده, لكن تغيير حصل بعد ما أخذت مفتاح معين.
  • بعد ما أخذت مفتاح الsword شعور حلو جداً, لإن الأن في عدة أبواب لازم تستكشفها, وبعد من خلاله تقدر تاخذ مفتاح الأرمور بس...
  • ما كان عندي مكان يكفي عشان أحط المفتاحين بنفس الشنطه, ما عندي مكان عشان أخذ نبته أو أي شيء أخر, والأن لازم تتعامل مع تشالنج أخر او "تعب" إنك تروح للصندوق!
  • أحس هالنقطه وافوها الكل بالمدح لكن بمدحها, فعلاً القصر جميل فنياً, الاتوموسفير جداً غير إعتيادي, إستنثنائي, حاجه مره وحده في الكون!
بوافيكم بـ صور لاحقاً.
 

Solay

Double Jumper
أهم شي ركز على اللعبة ذي ولا تفكر ولو للحظة أنك تبي تنهيها عشان تنتقل لزيرو، لأن الريميك حاجة أسطورية بينما زيرو لعبة عادية.
 

Solay

Double Jumper
الغربان خلتني أتمني لو في زر سبرينت.....XD ما كانت موجوده, لكن تغيير حصل بعد ما أخذت مفتاح معين.

وهو فيه زر سبرينت، أعتقد تضغط مربع وأنت تمشي(لا تقول لي جالس تمشي كل ذي الفترة على البطئ؟)

وبالنسبة للقتال الأول، لول كثير طاحوا بالفخ وضيعوا كل ما يملكون على الزومبي الأول بينما كان يمديك تطلع من الباب ويذبحه باري :grin:
 

YazeedVx

True Gamer
همم يلا بما اني مشتريها من نزلت ولا لمستها للحين نبدا نلعبها, نصائح سريعة لاول مرة؟
 

FANTASTIC DREAM

sugar man, colors to my dreams
وهو فيه زر سبرينت، أعتقد تضغط مربع وأنت تمشي(لا تقول لي جالس تمشي كل ذي الفترة على البطئ؟)

وبالنسبة للقتال الأول، لول كثير طاحوا بالفخ وضيعوا كل ما يملكون على الزومبي الأول بينما كان يمديك تطلع من الباب ويذبحه باري :grin:

أقصد سرعة جري أكبر من كذا XD
 

Solay

Double Jumper
همم يلا بما اني مشتريها من نزلت ولا لمستها للحين نبدا نلعبها, نصائح سريعة لاول مرة؟

النصائح تعتمد على هل لعبت أجزاء ريزدنت ايفل الكلاسيكية من قبل؟ وش هم؟
 

YazeedVx

True Gamer
النصائح تعتمد على هل لعبت أجزاء ريزدنت ايفل الكلاسيكية من قبل؟ وش هم؟
لا هذي الاولى, ماقدرت اتقبل تحكم الدبابة ابدا في الكلاسيكيات
 

Solay

Double Jumper
لا هذي الاولى, ماقدرت اتقبل تحكم الدبابة ابدا في الكلاسيكيات

اوه، اوكي كبداية أشياء عامة عن السلسلة:

- التسييف يكون عن طريق آلة كاتبة وموب زي ريزدنت ايفل ٤ تقدر تسيف على كيفك، التسييف بيعتمد على كم حبر تملك فإذا خلص الحبر ما يمديك تسيف وطبعا هو موزع بأماكن اللعبة. إذا مت ما فيه أي تشيك بوينت وراح ترجع لمكان آخر تسييفه لك حتى لو أنها قبل ست ساعات، شي زي البونفاير بدارك سولز بس مع محدودية استخدام، شخصيا أنا اشوف الحبر موزع بشكل حلو وما راح تلقى نفسك بدون أي حبر الا لو كنت تسيف بزيادة عن اللزوم فلا تسيف الا اذا حسيت نفسك قطعت مشوار حتى لو كان قصير أو أنك قدام مكان تحسه خطير.

- الهيلث ما يرجع الا بالهيلينج ايتم واللي هي النبتة الخضراء بس فيه نبتتين ثانية وهم الحمراء والزرقاء، الحمراء اذا دمجتها مع الخضراء بتعطيك هيلث كامل والزرقاء مخصصة أنها تشيل منك السم فقط.

- الذخيرة شحيحة فحاول ما تطلق على كل زومبي تقابله، إذا تشوف لك فرصة أنك تهرب منه اهرب، اذا لا اقتله.

- الأدوات ما يمديك تشيلها كلها على كيفك، فيه عدد معين اذا وصلت له ما عاد يمديك تشيل أدوات إلا إذا حطيتها بصندوق معين موزع على أماكن اللعبة، الصندوق ذا تقدر تقول سحري فأي شي تحطه فيه بتقدر تاخذه من اي صندوق بمكان ثاني.

- الأدوات باللعبة ما راح تستعمل اوتوماتيكا اذا أنت عند المكان الصحيح باستثناء المفاتيح، فلو بغيت تحط قطعة معينة مثلا بفتحة معينة فلازم تكون قريب من الفتحه وتفتح القائمة وتضغط use على ذي القطعه.

- فيه زر دمج تستعمله لدمج بعض الأدوات مع بعض مثلا دمج النبته الخضراء مع الحمراء.

- اذا انت بتستعمل الشتجن على الزومبيز، حاول أنك تصوب على فوق وتنتظر الزومبي يقرب وتطلق وبكذا بتجيبه هيدشوت، بتدعيلي بعدين.

- اقرا كل الملفات وبتمعن، متعة تفاصيل المكان والقصة فيها وبنفس الوقت بع الألغاز بتصير معلوماتها موجودة بذي الملفات.

نصائح خاصة بالريميك:

- اللعبة صعبه فحاول تروق شوي.

- حاول تلعب اللعبة بتحكم الدبابة أفضل بكثييير.

- فيه الكثييير من الباكتراكنج واللي هو ممتع على فكرة.

- أي اداة تاخذها افتح القائمة وسو لها examine، كثييير من ألغاز اللعبة تعتمد على هالحركة.

ممممم أعتقد كذا بس، استمتع :grin:
 
فارس...... لما تخلص اللعبة أضمن لك ١٠٠٪‏ أنك راح تراجع نقاشاتنا عن رزدنت ايفل ٧ و راح تغير بالكثير من كلامك.

رزدنت ايفل الحقيقية موجودة مع الريميك.... البريفيكشن للسورفايفر هورور موجود في الريميك... احساس العزلة و التوتر في الريميك لفل آخر تماما عن بقية الألعاب.

أنا ختمت اللعبة ٨ مرات تقريبا و لحتى الآن أحس بتوتر و قلق و رهبة كل مرة أتجول فيها داخل القصر على الرغم من أني حافظ اللعبة صم و لكن الأتموسفير و الخلفيات الكئيبة و الموسيقى المريبة never gets old.

همم يلا بما اني مشتريها من نزلت ولا لمستها للحين نبدا نلعبها, نصائح سريعة لاول مرة؟
هذه النصيحة لك و لفارس أيضا:

تجنبو قتل الزومبي الا للضرورة.... و اذا احتجتو تقتلونه فاستخدمو عليه الشت جن مع التصويب للأعلى لحتى تفجرو رأسه.

اذا مات الزومبي و رأسه ما تفجر و ظلت جثته ملقية عالأرض... احرقوه :)

حاولو تقتلون الزومبيز فوق بعض لحتى جثثهم تكون فوق بعض و لما تحرقون الواحد تحرقون الباقين معاه.
 

Century Wizard

Become Human
ما كان عندي مكان يكفي عشان أحط المفتاحين بنفس الشنطه, ما عندي مكان عشان أخذ نبته أو أي شيء أخر, والأن لازم تتعامل مع تشالنج أخر او "تعب" إنك تروح للصندوق!
جبت لي ذكريات أليمة... اتذكر في كل مرة اندم اني اخذت الاداة الفلانية
او نبتة ما احتاجها و سوت لي زحمة في الشنطة و طريق الرجعة للصندوق
اللي مليان وحوش هربت منهم والآن لازم ارجع اقابلهم ثاني
خصوصاً ذاك الكريه اللي..... اخليك تشوفه بنفسك احسن
حتبكي يا رجل :tearsofjoy:
 
التعديل الأخير:

FANTASTIC DREAM

sugar man, colors to my dreams
التحكم مخلي مواجهة "كلبين" مع بعض فكره مستحيله!

في لحظه, أنا أخذت البندقيه من الصندوق وقلت في بالي "حتي لو غلقت ما في مشكله أدبر نفسي"واللحين بعد فتره بسيطه من هالكلام أعاني عند كلبين بهزمهم بسهوله لو كان عندي بندقيه!

بس يبغالي اتقن التحكم الأن.
 

FANTASTIC DREAM

sugar man, colors to my dreams
:tearsofjoy::tearsofjoy:
جبت لي ذكريات أليمة... اتذكر في كل مرة اندم اني اخذت الاداة الفلانية
او نبتة ما احتاجها و سوت لي زحمة في الشنطة و طريق الرجعة للصندوق
اللي مليان وحوش هربت منهم والآن لازم ارجع اقابلهم ثاني
خصوصاً ذاك الكريه اللي..... اخليك تشوفه بنفسك احسن
حتبكي يا رجل :tearsofjoy:

انا مره ما كان عندي إلا خانه وحده وأخذت نبته حمرا بالغلط..وإبتلشت فيها وإضظريت ارجع للصندوق!
 

Century Wizard

Become Human
انا مره ما كان عندي إلا خانه وحده وأخذت نبته حمرا بالغلط..وإبتلشت فيها وإضظريت ارجع للصندوق!
في حال كانت عندك نبته ثانيه ادمجهم ووفر مساحه
ومفاتيح الابواب بعضها تقدر تتخلص منها بعد استخدامها مباشرة
 
التحكم مخلي مواجهة "كلبين" مع بعض فكره مستحيله!.
اذا زهقت استعمل عصا الأنالوج لتحرك الشخصية.

تقدر تبدل الاستخدام بين الديباد للحركة أو عصا الأنالوج بأي ثانية لمجرد تحريك اصعبك بين الاثنين و أنت ماسك اليدة ما تحتاج تدخل خيارات و دوخة راس.
 

LaLa

Hardcore Gamer
معلومه اضافيه : اذا لون الغرفة في الخريطه احمر معناه موجود ادوات مااخذتها ..
 

FANTASTIC DREAM

sugar man, colors to my dreams
معلومه اضافيه : اذا لون الغرفة في الخريطه احمر معناه موجود ادوات مااخذتها ..

ما اعتمد علي الخريطه انا.

علي فكره... فيه غرفه أولع فيها مدخنه...فوقها خريطه؟؟ هل فعلياً يتوقعوا إني برجع للغرفه ذي كل شوي عشان أناظر الخريطه؟ ما في اي زر للتفاعل معها, ملزوقه علي الجدار.
 

LaLa

Hardcore Gamer
ما اعتمد علي الخريطه انا.

علي فكره... فيه غرفه أولع فيها مدخنه...فوقها خريطه؟؟ هل فعلياً يتوقعوا إني برجع للغرفه ذي كل شوي عشان أناظر الخريطه؟ ما في اي زر للتفاعل معها, ملزوقه علي الجدار.
لا في طريقة تاخذ الخريطه ..
 

LegendaryK

True Gamer
ما اعتمد علي الخريطه انا.

علي فكره... فيه غرفه أولع فيها مدخنه...فوقها خريطه؟؟ هل فعلياً يتوقعوا إني برجع للغرفه ذي كل شوي عشان أناظر الخريطه؟ ما في اي زر للتفاعل معها, ملزوقه علي الجدار.
اما عاد ترجع الغرفة عشان تناظر الخريطة !! ايا فارس صج انك نوووب :tearsofjoy::tearsofjoy::tearsofjoy:

اخذها وخلاص تصير معاك محمولة تفتح الادوات وتناظر فيها متى مابغيت
او تستخدم زر اختصار الخريطة في الكنترول :grin:

امزح معاك لاتزعل :p
 

FANTASTIC DREAM

sugar man, colors to my dreams
اما عاد ترجع الغرفة عشان تناظر الخريطة !! ايا فارس صج انك نوووب :tearsofjoy::tearsofjoy::tearsofjoy:

اخذها وخلاص تصير معاك محمولة تفتح الادوات وتناظر فيها متى مابغيت
او تستخدم زر اختصار الخريطة في الكنترول :grin:

امزح معاك لاتزعل :p

لا فعلاً...أنا نووب XD حصلتلي كل الأمور الصعبه من إمتلاء للشنطه لقلة الذخيره لضعف الhp لعدم توفر الأعلجه, هذا كلو في 3 ساعات هههههههه XD
 

Mesho360M

Hardcore Gamer
فارس
يزيد
ي حظكم استمتعو باجمل لعبة حتمر عليكم حتذكرونها لاحفادكم من كثر م ترسخ باذهانكم

والاجمل وقتها برمضان
ريزي برمضان شعور لا يوصف
 

HeNNeSSy

True Gamer
أول أمس خلصتها من جديد طبعا عقب مالعبت ديمو رزدنت ايفل 7 وجفت القهر منها على طول مسحتها ولعبت هالتحفة. .. انجوووي للي مالعبها ;)
 

khalid-xs

Hardcore Gamer
جالس ألعب ريزي ٤ لأول مرة .. ما أقدر أقول الا انها من أفضل العابي المفضلة حاليا ، وعندي هذا الجزء الاول برضه بستيم برجع له بعد ما اخلص ريزي ٤ بس شايل هم نظام التسييف بالحبر والطابعة أي نصايح يا شباب متى اسيف ؟ و كمبتديء أبدأ فيها ب ايزي يفضل ؟
 
أعلى