hits counter

R for Reviews

Colorization

True Gamer
هالموضوع بيكون نفس إنطباعات سريعة عن أي لعبة حاب تتكلم عنها ، مو شرط تكون شاريها جديدة ،
مثلا ً لو عندك اللعبة من مدة وبالتو بدأت تلعبها وعاجبتك -أو مو عاجبتك- تتكلم عنها بهالموضوع .
هالشي راح يساعد الكثير -ومنهم آنا- عشان أعرف شنو أختار ألعاب قادمة ، وبنفس الوقت to share the experience .
تقدر تتكلم عن أي لعبة ومتى ما بغيت وعدد الألعاب اللي تبيه ، every thing's ok .


Dance Dance Revolution Universe
:evil:

أمس قضيت يومي كله -حرفياً- ألعبها، خلّصت الـ58 أغنية بكل المستويات، أحس إني نقصت 70 كيلو، وقاعد ألعب بالـQuest Mode المعوق، وأطقطق شوية بالـChallenges. المضحك المبكي بالأمر إنه الفريق اللي صمم اللعبة -Konami Hawaii- قفّل قبل لا يصير للعبة shipped، يعني كل الـbugs والـglitches مافي أمل إنها تتصلح، أبداااااااااا ً ._.
اللي باط جبدي، اللعبة شغالة عالـWidescreen حتى عالـSDTV's، اللعبة تحتاج إنها تحتل الشاشة بالكامل حتى تتكبر الأسهم، لكن بهالـنسخة ومع الوايد سكرين اللي عبالهم إنه فلة؛ لو كنت بعيد عن الشاشة راح تنعمي ورجلك راح تتكسر والسبة إنك مو قادر تشوف عدل، و ما أمزح لو قلت إني بعد 5 تراكات شلت الـdance pad وقعدت ألعب بالكنترولر من كثر ماهو رديء وسيء..

الإيجابيات:

- كايلي مينوغ (Kylie Minogue) وجودها كان منعش بقائمة الأغاني، بينما الباقي (تقريبا ً كلهم) ما اعرف من أي جحر جايبتهم كونامي

- تقدر تطفّي الـeffects\laggy motions من الأوبشن وتريّح عيونك


السلبيات:

- الساوندتراك باللعبة أفشل ساوند شفته، لعبة معتمدة إعتماد كلي ورئيسي على هالناحية ليش هالتقصير بحقها!!!! 5 تراكات "تترقع"، الباجي أقسم بالله وآنا ألعبهم عيني تغمض وتفتح من نفسها من كثر ماهي بايخة! (لما اكون نعسان P: ). كونامي يبيلها دروس عند EA خل تشوف BoomBoomRocket وتتعلم من الساوندتراك الخرافة اللي فيها

- الـQuest Mode غبي

- جودة سيئة، فريم ريت طايح بالقاع إذا كنت مشغل جميع الـeffects، والـbugs أحيانا ً تمنعك من الـsongs unlocking

- الـOnline play باللعبة سيء، مابي أعلق حتى ما أتعب قلبي زيادة :evil:

- مافي أي أمل إنه الـbugs تتصلح لأنه الفريق المشرف على اللعبة شال شلايله قبل لا تنزل اللعبة بالسوق :roll:

- الـDownloadable songs نصبة كبيرة، إنت ما تشتري أغاني جديدة، إنت تشتري أغاني موجودة باللعبة لكنها مقفولة ويبغالك تلعب بالكويست مود كله عشان تطلعهم، لو مالك خلق تلعبه روح إشترهم. كأنه الفريق عارف إنه محد راح يخلص الكويست مود


التقييم: 4\10
close comment : لعبة حصرية على جهاز جيل جديد مافيها أي sign يخليك تقول إنها لعبة جيل جديد، سواء من الأصوات وإلا الرسوم وإلا حتى الفريم ريت المضروب. أيضا ً، اللعبة تعتبر عار على سلسلة DDR واللي لعب القديم ولعب هذا راح يشوف الفرق بالكواليتي. إعمل لنفسك معروف وإبتعد عنها.
 
التعديل الأخير:

Hwoarang

True Gamer
فكرة الموضوع حلوة, بس ما أدري أحس الموضوع ما بعيش طويل


Sonic 1
أمس انهيت اللعبة
اللعبة لاتزال رائعة رغم كل هذه السنين بالإضافة أنها تماما مثل ما تتذكرها

الإضافات اللي صارت
1/ خيار Smooth لتحسين مظهر اللعبة
2/ إمكانية تغيير حجم الشاشة بالشكل اللي تريده
3/ التخزين بأي مكان وزمان
4/ تقدر ترفع الـScore اللي تجيبه للناس اللي تحب تحديات
5/ وبالطبع الأتشيفمينت

سعر اللعبة 400 نقطة
يس Worth It
 

Ginko

Banned
اودن سفير

ايجابيات
- جرافكس خلاب.
- 2D بصعوبه عاليه نسبيا.
- افكار جديده مثل زراعة الايتمز.
- محرك قتال بسيط لكن فيه عمق جيد.

سلبيات
- تكرار كبير في اللعبه.
- قصيره لكن فيها تعدد شخصيات.
- الكاميرا كان ممكن تكون ابعد.

تقييم: 7.5 من 10
 

Emirates

True Gamer
Vampire's Rain


931221_72300.jpg





النظام : NTSC-J



الناشر - AQ



المطور - ARTOON



السلام عليكم يا شبااااب شحالكم



من زمان ما حطيت انطباعات للعبة معينة والحين جايب لكم لعبة مصاصين الدماء Rain



اللعبة من المنظور العام تخلط بين التجسس ودقة الحركة وبين الرعب المتمثل في مصاصين الدماء .. تبدا اللعب مع فريق يحاولون يكتشفون الاشياء الحاصله في المدينة ... الغريب في الامر انه بعض الناس متحولين وبعض الناس مب متحولين لمصاصين دماء لذلك فيه عندك منظار يبين لك الاعداء اللي لازم تتخفى منهم .. والاشخاص اللي من بني جنسك



القصة معروفة للكل واذا ما قلنا مصاصين الدماء يعني فيها ناس تحولوا ولما حد يمص دم يتحول ... الخ الخ



اللعبة كلها على بعضها انجليزي وهي تستخدم خاصية لغة جهازك في الترجمة الفوريه ... مثل لوست بلانيت وجيرز اوف وور



ما بتطرق للقصة بقدر ما اتطرق لطريقة اللعب



طريقة اللعب احس ان الشركة تفلسفت بشكل كبير حيث ادخلت نظام التجسس في الرعب وخاصه مع مصاصين الدماء الامر اللي الواحد لما يلعب باللعبه ما يتخيله



نظام اللعب اكيد من وجهة نظري خرّب اللعبه وخلاها تاخذ مسار هي المفروض ما تاخذه انا ابغي اواجه ابغي اضرب استمتع ... ما ابغي ارقد خصوصا لما تكون رعب واثارة حتى الواحد بتصادفه امور بينسى التحكم ويخربط اكثر من مره

كيف تواجه وتتجسس وما اعرف شو



لذلك ما توفقت اللعبه في تقديم طريقة لعب لائقة وحتى التحكم ووضعيات الكميرا ما تخدم اللعبه وترقى بمستواها



الاصوات : سيئه جدا ..... خصوصا اصوات الوحوش والاعدااااء حتى اللقطات اللي تخلي الواحد يفز اتحسون انهم مب حاطينها بفن وبالشكل اللي يخلي الواحد يندمج في جو اللعبه ويتفاعل معاهااا ( باختصار بيصيبك نعاس)



الجرافيك



جيده في مراحل .. ... وبايخه في اكثر المراحل



جيدة في تصميم شخصيات اللعبه .. اما الوحوش وبيئة اللعبة وحتى الانميشن كان مشي حالك بل اقل من ذلك ... يعني انت لما تتعامل مع جهاز نكست جنريشين وتلقى انميشن الشخصيات وبالاخص الوحوش ... بتقول في خاطرك معذورين لو كانت اللعبه على الجيل القديم او الويي اما بجهاز قوي مثل ال 360 اعتقد الشركة ما توفقت في هالنقطه



اما عن المراحل فكان تكرار ... تتجسس على شان توصل للنقطة الفلانية ولما تخلص يعطونك تقدير سواء على السرعه في انجاز المهمه الرئيسية او الفرعية او بتقليل الاصابات والمراوغه او تنفيذك للمهمه المطلوبة



تحس انك قاعد تطبق مهام ونسوا جو اللعبه ...



تقديري بشكل عام



الرسم : 6



طريقة اللعب والتحكم : 5



عمر اللعبه : 6



الاصوات : 5



المجموع 5.5



كلمة اخيرة



لا تضيع وقتك في هاللعبة واخذ العاب جودتها اعلاا























وشكرا
 

Gon freeces

True Gamer
كتبت مراجعة لفاير امبلم , بس البروازر قفل علي >_<

ارجع اكتبه باختصار شديد بالليل ان شاء الله
 

Naif

Executive Member
Red Star على البلاي ستيشن 2

افضل لعبة جماعية تعاونية لعبتها على البي اس 2.. كنت العب اللعبة طول الوقت مع اخوي.. ممتعة بشكل رهيب.. بداية اللعبة شوي سهلة و بتحص انها بسيطة جدا.. لكن مع التقدم بالمراحل و تطويرك لاسلحة و قدرات شخصيتك (بعد كل مرحلة تقدر تستهلك النقاط اللي تحصلها على شان تطور قدرات شخصيتك).. في المراحل المتقدمة بعد بتستوي اللعبة صعبة جدا (خاصة من ناحية الزعماء) و اللي على فكرة من امتع الاشياء في اللعبة.

في نوعين رئيسيين من المراحل.. المراحل الرأسية (الكاميرا تقود بمنظور رأسي) او المراحل اللي التصوير يكون فيها من الجانب (افضل النوع الثاني بسبب الخلفيات الاحلى)..و في مرحلة تصويب بالطيارات و مراحل تجمع بين الاسلوبين الاوليين


باختصار:
+ رسومات الخلفيات و ارت ممتاز بالنسبة لهذا النوع من الالعاب (و الهد بعد حلو)
+ من امتع الزعماء اللي لعبت ضدهم
+ افضل لعبة جماعية تعاونية على البي اس 2

- المؤثرات الصوتية مش قوية وايد
- مافيها لعب جماعي drop in
- مافيها اونلاين طبعا

تقييمي النهائي 8.0\10
تستحق التجربة.. خاصة اذا عندك احد تلعبها معاه..

158fs594724.jpg

redstar1.jpg
 

Colorization

True Gamer
The Darkness

(اللي بكتبه موجود بالبوكليت و ورا الغلاف، ما يعتبر سبويلر) لعبة منظور أول -FPS- بأبعاد أكثر، إنت Jackie Estacado، قاتل مأجور تشتغل عند عمك Paulie، مع أحداث معينة راح تشوفها وإنت تلعب؛ تظهر عندك قوى غريبة هي الـDarkness، تفيدك بالبداية وتظن إنكinvincible حتى يجي الوقت اللي تعرف فيه إنه طاقة الظلام عندها أشياء تحققها مثل ما إنت عندك.
القصة حلوة؛ الجيم بلاي ممتاز؛ الجرافيكس ممتاز؛ الأصوات (الميوزيك + الساوند إفكتس + التمثيل الصوتي) أكثر من ممتازة؛ عمر اللعبة للأسف قصير، تقدر تنهيها بكل المستويات وتطلّع أغلب الأشياء بأسبوع أو 2؛ المولتي بلاير ماهو جوهر اللعبة -مثل ما قالت ستار بريز- ومن خلال لعبك فيه راح تلاحظ إنه cheap وبايخ.

9\10

--------

Overlord

اللعبة للأسف أندرريتد، وما أحس إنها خذت حقها بالكامل. إنت تتحكم بـLord تم تخريب قلعته بالكامل، ومع مساعدة الـMinions اللي يعتبرون خدّامك تروح ترجّع عرشك المسلوب. تغامر بأماكن كثيرة وتهزم الـSeven Lords وبكل مكان تاخذ أجزاء تساعدك في بناء قصرك. على سبيل المثال راح تلقى بالبداية Crane يساعد الـMinions إنهم يبنون الجزء العلوي من القصر، وبعدها راح يفتحون لك أقسام جديدة بقصرك تقدر تزورها من وقت لوقت.
الجيم بلاي حلو وممتع، إنت تتحكم باللورد وتقدر تستدعي من نقاط معيّنة الـminions، تقدر تتحكم فيهم عن طريق الـRight Analog وهم أيضا ً يتحكمون من نفسهم لو ما تدخلت فيهم، تقدر تقاتل أو فقط توجه الوحوش اللي معاك حتى يقاتلون ويجيبون لك أي goodies يعثرون عليها (فلوس، power ups،...الخ). ما أنهيت اللعبة لذلك تقييمي راح يكون مبدئي فقط، النهائي بعد ما أختمها.

التقييم المبدئي: 8\10
 

Gon freeces

True Gamer
warning : عربي فصحى على عامي XD

Fire Emblem : Path of Radiance :


pros :

+ تنوع كبير بين التشابترات.

+كاست حلو و متنوع من الشخصيات.

+قصة ممتازة , وبعد ما تختم اللعبة و تشوف النهاية بتتحمس لل.GoD

+وجود الbonus EXP يمنع من عدم توازن لفلات الشخصيات كلها.

+آرت ممتاز للعبة.

+ صعوبة اللعبة ممتازة (لا هي سهلة مرة و لا صعبة مرة)

+وجود الskills باللعبة يعطيك نوعا من التحكم بالشخصيات (قصدي character customization )

+السي جي ابداع

+وجود ال Laguz باللعبة يجعلك تعيد النظر باستخدامها كأي شخصية عادية (نظامهم جدا ممتاز و يمنع الاعب من ابتزاز قوتهم >_>)

cons :

-اللعبة لم تتغير كثيراً عن سابقتها...

-الBiorythm لم يشرح طريقته باللعبة او فائدته (من اللي شفته من اللعبة هو يحدد الaccuracy للشخصيات)

-عدد جدا محدود للsupport conversations ( خمس لكل شخصية فقط _0_ )

-اللعبة low budget بمعنى الكلمة (عروض السي جي باللعبة اقل من 20 دقيقة) و تكون للاحداث جدا مهمة , اما التي تكون اقل اهمية فهم يعرضوا لنا art still للحدث , مع اني لا اجد هذا شيئا سلبيا و لكن قد يكون عند البعض.



التقييم : 9.3 \10 , "يجب الشراء لكل فان ألعاب الSRPG"
 

Colorization

True Gamer
Tenchu Z
:peeved:

الإيجابيات:

بكل صراحة، ما لقيت أي إيجابية تشفع لها.

~

السلبيات:

- جيم بلاي غبي، الـStealth ماله أي دور مهم باللعبة مجرد الأتشييفمنت.

- الساوندز بايخ.

- الكومبات سيستم معدوم، ماكو تنوع بالحركات أبدا ً، مجرد 3 ضربات (A, A, A) تتكرر دااااااااااايما ً ولا تتغير أبدا ً، sucky

التقييم: 0\10 (بكل صراحة ولا شي باللعبة حلو)
إعمل معروف لنفسك وإبتعد عنها
 

Emirates

True Gamer
Tenchu Z
:peeved:

الإيجابيات:

بكل صراحة، ما لقيت أي إيجابية تشفع لها.

~

السلبيات:

- جيم بلاي غبي، الـStealth ماله أي دور مهم باللعبة مجرد الأتشييفمنت.

- الساوندز بايخ.

- الكومبات سيستم معدوم، ماكو تنوع بالحركات أبدا ً، مجرد 3 ضربات (A, A, A) تتكرر دااااااااااايما ً ولا تتغير أبدا ً، sucky

التقييم: 0\10 (بكل صراحة ولا شي باللعبة حلو)
إعمل معروف لنفسك وإبتعد عنها

هااا هاااا هااااااااااااا >> ضحكة شماته

انت راحم اللعبه

انا عطيتها -1 لول

يلا تعيش وتاكل غيرها :yuck:
 

Mr.3B

True Gamer
...

بكل اختصار شدييييييييييييييييد

زيلدا فانتوم اور جلاس .. 11 من 10
 

Andrew X

سابقاً Life
sonic wii :

- جيمبلاي جيدجداً لكنه يحتاج لتعديل في التحكم والكميرا , المهمات بعضها جيد والأخر (يرفع الضغط) الميني جيم مميز ويستخدم الريموت بطرق متعددة و مبتكرة

- مظهر جديد للعبة من القوائم الى مراحل قصة جميلة واسلوب مبتكر في السرد القصص (عجبني)

- الألحان العربية رائعة وللمرة الأولي التي اسمع فيها الى الحان عربية متقنة (في حدود الفديو جيمز طبعاً) واحياناً (تدخلك جو) خصوصاً في (القصص) اغاني المرحال (روك) هناك بعض الأغنيات جيدة جدا وتناسب المرحلة والأخر (سخيف)

- الرسومات ايضا ممتازة خصوصاً البيئة (اول مرحلة واو من جد)


7.5 / 10

وشكرا اخوي كلوروي زيشون على موضوع ^^ !
 

AMOR

True Gamer
بكل اختصار شدييييييييييييييييد

زيلدا فانتوم اور جلاس .. 11 من 10

I hate you -__-.
كم طول اللعبة ؟!! ممكن تفاصيل اكثر بدون سبويلرات ؟
 

Mr.3B

True Gamer
...

I hate you -__-.
كم طول اللعبة ؟!! ممكن تفاصيل اكثر بدون سبويلرات ؟

مدري كم طولها .. لسى ما خلصتها .. بس رهييييييييييييييييييييبة

الألغاز الي فيها هههههههههههههههههههههه .. جبارة .. ياخي كل ما أقول الجزء الجاي من زيلدا بتخلص ألغازهم أتفاجأ بالجزء الجديد .. واللعبة تستخدم مزايا الدي اس للأقصى .. للأقصى .. أكرر وأعيد .. للأقصى .. لول .. بتفهمون قصدي لما تحلون لغز معين
 

Colorization

True Gamer
هااا هاااا هااااااااااااا >> ضحكة شماته

انت راحم اللعبه

انا عطيتها -1 لول

يلا تعيش وتاكل غيرها
والله قهر :cry: هالأسبوع حظي طايح، المرة الأولى مع DDR والحين تينشو، الله يستر من الجاي بس

بكل اختصار شدييييييييييييييييد

زيلدا فانتوم اور جلاس .. 11 من 10
حماس!!! :D
 

Colorization

True Gamer
Bioshock
Xbox 360


القصة: بايوشوك تاخذ أحداثها في عام 1960 في مدينة بقاع المحيط تحت إسم Rapture. تتحطم فيك طائرة وتغرق لحد ما توصل لهالمدينة، تسبح للLight house وتبدأ رحلتك في رابتشر. مابي أكشف أي احداث ثانية حتى ما تصير spoiled للي مو لاعبها، لكن القصة ممتازة جدا ً كـfiction، كمية التفاصيل والback-story الموجود فيها (تسمعه عن طريق voice-recorded diaries) يحسسك بالغموض والإثارة. -9

الجيم بلاي: أول ما عرفت إنه اللعبة فيها Magic تخوفت شوي، وخفت إنها بتصير مثل Shadowrun. شادورن جيدة، لكن تحس إنها حوسة وكل شي مجمع فوق بعض ومرمي لـ اللاعب. لحسن الحظ ببايوشوك كل شي مضبوط. الكومبات سيستم جيد جدا ً، عندك مجموعة حلوة من الأسلحة (البيستول، الشوت جن، الماشين جن، الflame thrower، وكم سلاح ثاني)، وعندك قدرات خارقة تسمى Plasmids، حقن تغيّر التركيبة الكيميائية بالجسم وتعطيك خصائص أكثر. على سبيل المثال، أحد البلازميدز يعطيك القدرة على إطلاق كهربا من يدك، ونوع آخر يعطيك القدرة على حرق أعدائك، وهكذا. النوع الآخر هو الTonics، نفس الcustomization بألعاب الRPG؛ تقدر تسوي لك equip لمجموعة معيّنة من التونيكس بحيث إنها تساعدك وتزيد من قدراتك. أيضا ً تقدر تعمل hacking للكاميرات والآلات الموجودة، بدل ما يكونون ضدك راح يتعاونون معاك، وللأسف راح تمل من طريقة الهاكينج لأنها مكررة بشكل فظيع جدا ً طوال اللعبة. التكرار ممكن يجي لك بوقت مبكر من اللعبة، حتى مع وجود طرق عديدة تقتل فيها أعدائك لكن راح تحس بالملل بسرعة، والفضل يعود للrespawning الغبي للأعداء. السلبية الثانية هو وجود "كبسولة" تعيدك للحياة بعد ما تموت، والكبسولة منتشرة بكل مكان في أرجاء اللعبة. بمعنى آخر، إنت 'لا تقهر'، وتقدر تختمها مهما كانت الأسباب، وهذا دافع كبير يخليك تلعبها عالراحة مهما كان مستوى الصعوبة اللي تلعب عليه، إنت ما راح تموت! أكبر سلبية باللعبة للأسف. -7

التحكم: مافيه أي مشاكل على الإطلاق، ومن أفضل ما يكون. -10

الجرافيكس: بالراحة أفضل لعبة رسوميا ً على الكونسولز. في أحد اللقاءات مع كين ليفن، قال إنهم عيّنوا Water Programmer و Water Artist حتى يصمموا تأثيرات المياه باللعبة. الآرت باللعبة جبار، الإهتمام بأدق التفاصيل شي خرافي، والأتموسفير اللي تعيشه طوال فترة مغامرتك incredible. إذا كان في معيار تمشي عليه الألعاب في أجوائها وأفكارها، فبايوشوك ترقص فوق هذا المعيار! -10

الأصوات: surprisingly awesome. كل شي باللعبة أليم، التمثيل الصوتي ممتاز جدا ً واللكنات اللي تسمعها تعطيك إحساس رائع (لكنة بريطانية، أمريكية، فرنسية متوزعة على حسب الشخصيات. wow). الموسيقى ممتازة، والمؤثرات الصوتية الأخرى ما تقل جودة عن الموسيقى. -9

عمر اللعبة: اللعبة لها نهايتين، تقدر تختمها مرتين ب20 ساعة. ما اعرف كيف الناس تفتي وتقول السينجل بلاير مدته 20 ساعة (من أول play through). خلصتها وما أعتقد إني طوّفت أشياء مهمة وفتشت أغلب (إذا مو كل) الأماكن، ومع هذا أنهيتها ب10 إلى 12 ساعة. مع إنه شي متعارف عليه لكن
النهاية SUCKED بمعنى الكلمة، ماهي بجودة القصة اللي كنت أمشي فيها طول الوقت، سلبية بايخة
. أيضا ً، بعد ما تنهيها مرتين (عشان تشوف النهايتين) مافي سبب يخليك تلعبها مرة ثانية (اللعبة ما تحتوي على طور مولتي بلاير -الحمدلله-، ولا تقدر تعيد اللعب من أول مع كل طاقاتك). -6

-

الإيجابيات:
الأصوات، الجرافيكس، القصة، كل شي باللعبة يحكي، والإهتمام بأدق التفاصيل شي مهول. الكومبات سيستم جيد، والأتموسفير خرافي. إذا هاف لايف غيّرت من الFPS's وأضافت بعد آخر له، فبايوشوك تكمّل من بعد هاف لايف وتتفوق عليها.

السلبيات:
الترجمة (ما ذكرتها فوق)، سيئة جدا ً جدا ً جدا ً، وراح تخليك تكره إنك تسمع المحادثات. الكومبات سيستم مع إنه متنوع وعميق لكنه يتكرر بشكل أليم وراح يصيبك الملل منه مع الوقت. الhacking ممل وماله فايدة كبير لما تستخدمه للrobots. الrespawning مزعج بشكل كبير جدا ً.

التقييم النهائي (NOT average): ا9.0
 

Mista Koo

Creative Director
حمستني لبيوشوك كينجي.. كنت أحسبها ur Everyday FPS
هممم رح أجرب الديمو.. ولو عجبتني (مع أني أشك) بأدبر لي جهاز ألعبها عليه
 

Emirates

True Gamer
في عندي تعقيب على عمر اللعبه محمد :

لما تكملها 1000/1000 بتحصل عمر اللعبه تعدت ال 20 ساعه بالراحه

غير كذا لعب اي كلام مثلي ومثل غيري .. واسال ناس لعبوا بها على اساس ال 1000 وكيف عاشوا معاها

لازم تسوي ابقريد للاسلحه وتطور كل شي ولا تخلي صغيره وكبيره الا وانت مخطف عليها .. غير كذا اتوقع شغل مشي مشي وانا اعترف واحد ما خلصتها الا في 16 ساعه بدون ما اضيع لكن مركز على الاشيفمنت وما جبته كامل

فما بالك لو اعرف الاشيفمنت ( سامي ( SNYMA)الله يذكره بالخير ) ما قصر شرح لي الاشيفمنت وفعلا فيه اشياء يبالك تقعد عليها قعده

المواقع العالميه اجمعت انك اذا لعبت بتعجل بدون ما تكتشف ولا تطور قدراتك ولا تطلع ال 1000 ... 12 ساعه فاقل واتوقع انت تتحسب نفسك اكتشفت الكثير بس صدقني فاتك اشياء اكثر مما تتصور ...
 

Xeno

True Gamer
مراجعة حلوة, لكن وش فيك حولت على نظام جيمسبوت بعد!!؟ P:

أنا صراحة أشوف اللعبة تستاهل 9.5 لكن أكيد مش 10, يمكن يتغير رأيي شوي إذا خلصتها.

والعيوب اللي ذكرتها فالصميم, ماعدا عمر اللعبة أنا شايفه مناسب "جدا", والهاكنج مش مجبر عليه إلا يمكن فبداية اللعبة. (لأن ماعندك فلوس تشتري المكينة)
 

Colorization

True Gamer
لول تراني ظلمت التقييم لعمر اللعبة، المفروض أحطه 7 ماعرف كيف حطيته 6. وبصراحة (بعد ما قريت رد زينو) اللعبة كفاية عليها جذي. أتوقع لما ألعبها بالbad choice راح أروح اماكن جديدة (هذا اللي إستنتجته ومو متأكد)، لأنها لو كانت أكثر كنت فعلا ً راح أمل منها بسرعة (راح يصير milking للقصة لول)

الشي الثاني، آنا خلصتها بسرعة لأني خايف تنزل مترويد وآنا مو مخلصها! لول، محد بيصدق كيف أركض باللعب وأدش من غرفة لغرفة بسررررررررررعة :D وبالأخير قالوا لي مترويد بيتنزل يوم السبت وإتنكبت على صماخي :(

بلعبها الحين وأخلصها بالbad ending. اللعبة فيها سلبيات لكن إيجابياتها (من كثرها) تخليك تتغاضى عن كل العيوب. اللي خلاني أعطيها 9 ومو 0.5 زيادة هو السلبيات الخفيفة المتناثرة بكل مكان، والchamber اللي يرجعك للحياة أولهم! والشي الثاني ما اقدر أقوله لأنه سبويلر قاتل، أقدر أقوله لأي شخص خلّص اللعبة (مكتوب بالspoiler tag اللي فوق)

بكل الأحوال، Bioshock بدون منافس أفضل FPS لعبته، ويحسسك إنه باقي ألعاب الFPS مجرد rubbish لا أكثر. أول ما لعبت هاف لايف1 و2 جاني إحساس رهيب، إنه الgenre صار له re-invention وتوقعت إنه ما يجيني هالشعور مرة ثانية (وبالفعل، ما جاني، كل اللي شفته من باقي الألعاب كان عادي تقريبا ً). بايوشوك عطتني نفس الشعور بالضبط (وأكثر)، ألعاب الFPS تقدر تتخطى حدودها إذا كانت تتبع نهج بايوشوك وهاف لايف! (داركنس رهيبة بعد زينو، لا تطوفك)
 

Colorization

True Gamer
Kirby Squeak Squad
DS

256px-Kirbysqsq_box2.jpg


من السوبر ننتندو، كيربي ما تغيّر. بلاتفورمينج ممتع مع الميزة المعهودة: "إبلع" وحش -> إخذ الability حقه. أحلى شي بهالجزء إنهم أضافوا أكثر من ميزة جديدة تسوي refreshing للعبة شوي.

القصة: عبيطة، لول. كيربي قاعد بالحديقة ويبي يستمتع بـ تشيز كيك، وفجأة "تـُخطف" الكيكة، ويروح يغامر عشان يعرف منو اللي سرقها منه!

الجيم بلاي: نفس الجيمبلاي القديم مع إضافات حلوة. في مغامرتك راح تشوف بعض الitems داخل فقاعة، لو تاخذهم راح تلقاهم موجودين بالشاشة اللي تحت (الشاشة اللي تحت تورّيك الآيتمز اللي عندك، تقدر تشيل 5 أيتمز بنفس الوقت). مثال:

2.jpg


وأعتقد إنها أول لعبة كيربي تخليك تسوي stocking للآيتمز وتستخدمهم بعدين. الإضافة الثانية الحلوة إنك تقدر تخلط حركتين مع بعض علشان تطلّع حركة جديدة. مثلا ً، لو تخلط أبيليتي السيف مع أبيليتي النار، راح تطلّع سيف ناري. وأيضا ً هذي أول مرة تصير في لعبة كيربي. اللعبة فيها Mini Games حلوين، وتقدر تلعب فيها wirelessly.

التحكم: مثل معظم الـ2D platformers، التحكم جدا ً سهل. تستخدم القلم حتى تختار الstocked items أو تخلط الحركات مع بعض، وبالميني جيمز أيضا ً.

الجرافيكس: ما أعتقد مهمة النقطة هذي، ألعاب ال2D ما يحتاج تقييم لرسومها، والسكرين شوت اللي فوق يوضّح قصدي، الرسوم ممتازة، والآرت كعادة كيربي، ممتاز وطفولي شوي.

الأصوات: الموسيقى حلوة لكن أغلبها قديم، الموسيقات الجديدة قليلة. أيضا ً كنت أتمنى لو كل theme كان له موسيقى خاصة فيه (يعني لو أدش مرحلة ثلجية يكون لها موسيقى خاصة فيها، والمرحلة النارية يكون لها موسيقى غير، وهكذا). باقي الأصوات والمؤثرات جيدة بعد.

عمر اللعبة: اللعبة قصيرة جداً للأسف، ألعاب كيربي أغلبها قصيرة وأتمنى من HAL تضيف أشياء أكثر لكيربي الجديدة (لو فيه) تطوّل من عمرها. الreplay value ممكن يعطي اللعبة عمر أطول، كل مرحلة فيها أكثر من collectible تجمعه وممكن يكون تحدي بسيط وحلو، والميني جيمز ممكن يعطي دافع إنك تلعبها أكثر. ومثل ألعاب ماريو، تقدر تدش أي مرحلة بمزاجك وتلعبها لو كنت فاضي. pick up and play

التقييم: 7\10

صور أكثر:

3.jpg
i_9585.jpg
i_9591.jpg
 
التعديل الأخير:

Isaac

Executive Member
Kirby Squeak Squad
DS

256px-Kirbysqsq_box2.jpg



القصة: عبيطة، لول. كيربي قاعد بالحديقة ويبي يستمتع بـ تشيز كيك، وفجأة "تـُخطف" الكيكة، ويروح يغامر عشان يعرف منو اللي سرقها منه!


ههههههههههههههههههه xD
 

q8 spy

True Gamer
أحلى شي تينشو Z

لوول 0 من 10
 

Colorization

True Gamer
235px-Picross_DS_(DS)-cover.jpg

لعبة بزل حلوة وممتعة، فيها عنصر الإدمان اللي تفتقده بعض ألعاب البزل الجديدة. للأسف صعب شرح طريقة اللعب، لكن هالموقع يشرح طريقة اللعبة ويخليك تلعب كم مجموعة بزل.

A little of pic-tures and cross-words

The DS got a variety of puzzle games, and many of them considered as the best in the genre. However, many of them just copy the trace of the other's, which may confuse you in picking up a puzzler. Picross DS is nothing that you played before on a handheld as far as I'm concerned, it's a fantastic blend between pictures and cross-words. You got a 5x5 small board for example, and you get to resolve some numbers in order to draw a dot or a line, and after resolving all the numbers you get a nice figure for your effort. I know it's hard to understand by just reading it, so here's a link that'll help you getting the grip on it:
http://webpicross.com/

+ Addictive gameplay.
+ Great customization that lets you build your own puzzle piece and trade it locally or online.
+ Downloadble contents -you can download puzzle packs to expand your collection further more.

- On advanced levels, you'll notice that the zooming is somewhat tedious.i
norm_4.gif
4\5
 

Mario2

True Gamer
اليوم لعبتها .. الصراحه تحفه تذكرني وايد بسادوكو لكن امتع منها ..
 

Colorization

True Gamer
Project Gotham Racing 4

لعبت فيها 3 ساعات تقريبا حتى الآن. الجيم بلاي جيد جدا، بما إنه اللعبة آركيد المفروض التحكم يكون سلس اكثر. الجرافكس واو، الشي الوحيد اللي مو عاجبني هو موديلز السيارات نفسها، ماهي sharp والblur اللي في بعض اجزائها مو عاجبني، بس المناطق تصميمها رهيب، اعتقد هذا افضل تصميم بيئة للعبة سيارات لعبتها. تأثيرات الجو خرافية، المطر والضباب والثلج اتموسفيرهم خرافي بمعنى الكلمة. افضل شي باللعبة كلللللها هو الساوندتراك، لول موزارت وبيتهوفن وريمسكي كورساكوف في لعبة وحدة (واغاني ثانية رهيبة حيل)، افضل موسيقى للعبة سيارات بالكون من دون نقاش، تدعس على كل اجزاء بيرن آوت ونيد فور سبيد متجمعين مع بعض، اعتقد PGR4 هي الوحيدة اللي بقدر العب فيها 30+ لاب بالراحة، الموسيقى اكثر من اسطورية، ولو طلعت موسيقى مو عاجبتك تقدر تطوّفها عن طريق الديباد.

ثاني احلى شي فيها هو Geomtry Wars Waves، ما اعتبره جزء جديد كلي لكنه new episode يعني. احلى شي إنك تقدر تختار الصعوبة من البداية (تنفع حق النيوبيز).

كتقييم مبدئي، 8 اشوفها جيدة، وما اعتقد بتقل (او تزيد).
 

Colorization

True Gamer
Guilty Gear XX Accent Core -- Wii

كنت بكتب موضوع لها بس ما اعتقد احد مهتم.

اللعبة بورت من نسخة البلاي ستيشن2 وصدرت بأكتوبر. جيلتي جير تعتبر من امتع العاب ال2D فايتنج، ومشهورة بالchain combos والfast-paced action والشخصيات الغريبة. انا مو فان للسلسلة لذلك ما اعرف شنو التغييرات الموجودة بهالجزء، لكن بشكل عام اللعبة عجبتني كثير خصوصا إني من زمان ما لعبت 2D فايتنج محترم (ما العب غير SF3D). احلى مافيها هو الكومبوز السريعة وميكانيكية اللعبة السريعة، اي شخص راح يحبها من اول مباراة والسبب سرعتها، بتحس إنك تندمج مع الفايت بسرعة.
بالنسبة للتحكم.... لول صعب بصراحة، لكن تتعود عليه مع الوقت. بالبداية بيكون صعب حيل، ولا زلت اواجه مشاكل معاه لأنه مو عملي، لكنه ممتع. الNunchuck تستخدمها بالحركة، والوييموت بالضرب (إما بالswinging او بإستخدام الدي-باد، كل إتجاه يمثل ضربة معينة). لما تعودت عليه صار ممتع وقدرت أختم الArcade mode مرتين، كان فيه تحدي لكن ممتع حيل لأنه التحكم شي جديد كليا. وأكيد اللعبة تدعم الClassic controller + الكيوب، وأنصح بالكلاسيك لأنه تصميمها رهيب لألعاب الفايتنج، بآخذها الأسبوع الجاي حتى أقدر العب عدل. اللعب بالوييموت ماهو سيء أبدا لأنه ممتع، لكن يفضّل وجود الكلاسيك كنترولر حتى ما تمل او تتعب. ايضا الموسيقى خرافية (الشي اللي خلاني اشتريها)، شكرا لAsh لأنه عطاني الأوست كامل من يومين.

اي شخص يمتلك الويي ويبحث عن لعبة فايتنج ممتازة فأعتقد أفضل خيار قدامه هو جيلتي جير، مثل ما قلت فالسابق انا مو فان وآخر جزء لعبته كان على البلاي ستيشن1، خذيتها بمخاطرة وما كنت اعرف إذا بتعجبني او لأ، لكني جدا إنبسطت منها، وبنتظر محلاتنا تجيب الآركيد ستيك للويي حتى يكون اللعب أحلى.
 

NSider

Contributing Editor
سمعت أن تحكم الويموت حق جلتي جير سيء جداً جداً، لكن مع الكلاسيك كنترولر تصير اللعبة ممتازة.
 

Colorization

True Gamer
هو صعب والسبب الأنالوج، صعب تركض، صعب تنط عالي، بعض الحركات صعب تسويها (اغلب حركاتي اخربط بالأنالوج لول)، لكن لما تعودت عليها اكثر صارت ممتعة، ماهي عملية ابدا ولا انصح فيها بدون كنترولر إضافي، لكنها ممتعة لو تعطيها وقت. ما ودي اقول سيئة لأنها قدمت fun factor بسيط للعبة، بس لو فيها اكثر من mode للتحكم بيكون افضل بكثير (كان عبالي التحكم بيكون مثل مسكة الكنترولر لـSPM). ما اقدر اصبر على ما آخذ كلاسيك كنترولر، الحين زادت اسبابي لها (سوبر مترويد وجيلتي جير)
 
أعلى