hits counter

pes17 بعد لعب اكثر من ثلاثين مباراه

بادئ الموضوع #1
مرحبا
اخوي محمد حط مراجعة اللعب تجدونها بالموقع
http://www.true-gaming.net/home/319190/2/
بالنسبه لي
اعتقد اعتبر من اللاعبين المخضرمين في السلسله بكل اجزائها
من جزء السوبر ننتيندو لم افوت جزء واحد لحبي لكورة القدم سنويا اشتري فيفا (من ايام السيجا اجزاء 94 و 95 ) وبيس
اشتريت بيس بعد انتظار على ستيم بسعر 150 ريال
وبعد لعب فوق الثلاثين مباراه بالطور التاريخي والازلي ماستر ليج الي تواصل من الجزء الرابع قبل تقريبا عشرين سنه حبيت انقل تجربتي للعبه
انا نسختي البي سي على فكرة والجيم بلاي مشابه لنسخ البي اس 4 والاكس ون لكن الجرافيكس سيء ولا يقارن بهم لكن مع ذلك الجيم بلاي رائع وفرق شاسع عن الجزء الماضي تطور كبير خصوصا بالفزيائيه لكن مع وجود الاخطاء فيها تشوف ارجل اللاعبين تنحني بشكل غير طبيعي من الالتحامات هنا بلخص لكم الايجابيات والسلبيات
+(الايجابيات)
* التمرير رائع سواء التمرير العالي او الارضي والبينيات واقعيه جدا
* الالتحمات الهوائيه واقعيه جدا اذا احد اللاعبين اندفع على جسد اللاعب الي قافز بالهواء تشوف اللاعب ينحرف جسده ويسقط بشكل قاسي على الارض بشكل واقعي
*التحديثات الاسبوعية لاول مره بتاريخ بيس
* الحراس افضل من فيفا بالانميشن واقعيين جدا خصوصا اذا سدد اللاعب تسديده ارضيه سريعه تشوف الحارس يسقط لصد الكوره بشكل واقعي جدا واذا جت عرضية وحاول الاشتراك مع اللاعب الخصم تشوفه احيانا يسقط لكن مع ذلك يخلص الكوره بيده وهذا غير موجود بفيفا لان فيفا اذا تقدم الحارس اعرف انه مستحيل يسقط لان الافضلية دائما للحارس بفيفا

* الماسر ليج في افكار خرافيه اذا احد لاعبينك سيعتزل ستنظم مباراة اعتزال له واقدر تختار لاعبك المفضل وتشوف اخبار عن اللاعب المميز بالفريق مثل تشوف خبر يقول اللاعب الفلاني ينطلق الى النجوميه الخ العروض الي تاتي لاعبينك كثيره وافضل من الجزء السابق الي صعب تبيع لاعب تشوف انجازات كل لاعب مثل لاعبك فاز بلقب هداف الدوري تشوف الانجاز يبقى بسجله او اذا تبي لاعب تشوف انجازاته تجد احد انجازاته الفوز باكثر صناعة لعب او افضل لاعب الخ (تفاصيل صغيره لكن هي الي تحلي الطور هذا)
*الجيم بلاي عموما ممتع لكن صعب التعود عليه ويبي لك وقت وهي اكثر بيس موزونه منذو زمن بعيد

-(السلبيات)
* اللودينج وهي بالنسبه لي اكبر سلبيه باللعبه القوائم بطيئه بالتنقل بينها والدخول الى بطولة او طور التعديل او حتى الخيارات تجد شاشة سوداء احيانا توصل الى العشر ثواني و خلال اللعب اذا طلعت الكوره خارج الملعب تحس اللعبه ثقيله وبطيئه او اذا سويت ستارت للدخول للخطط اللعبه بطيئه وهذا الشي ازعجني كثيرا واعتبره السلبيه الاولى في اللعبه *القوائم بدائية جدا

*اختفاء الحقوق بشكل كبير وهو الاكبر عبر تاريخ بيس الدوري الاسباني غير موجود ماعدا برشلونة واتلاتيكو مدريد الانجليزي غير موجود ماعدا ارسنال وفريق اخر لا يحظرني والدوري الايطالي اقوى فريق حقوقه غير موجوده اليوفي لكت الانديه الثانيه موجوده الدوري الالماني غير موجود تماما ماعدا فريقين دورتمنت والثاني اعتقد شالكه والمصيبه الكبرى احد اقوى اندية العالم غير موجود وهو بايرن موينيخ لكن اللاعبين موجودين لكن بدون نادي يعني تسوي نادري باسم بايرن وتحط اللاعبين فيه لكن كل هالامور له حجل حملت باتش حجمه ثلاثين ميجا ونزلت كافة الحقوق ماعدا الالماني الغير موجود
* الانميشن فيه اخطاء واطراف اللاعبين تنحني بشكل غير منطقي اثناء الالتحامات احيانا
* نسخة البي سي الجرافيكس فيها تعيس
*الالتحامات الهوائيه ففط لاعبين الي يقفزون
*الانفرادات مع الحارس 99,99 هدف يعتي نادرا جدا يصدها الحارس وهذي المشكله متواصله من الاجزاء السابقه *العرضيات سريعه وتحس تجي قويه اكثر من اللازم
*اللاعبين السريعين ماتحس في فرق كبير بسرعتهم معي لاعب سرعته تسعين ومنفرد المدافع يلحقني

على العموم تقييمي للعبه 80 وهو افضل من الجزء الاخير بفارق كبير
 
#2
اشترت حقوق برشلونة بمبلغ وقدرة وسحبت على كل الاندية الثانية، اغبى حركة فالتاريخ وش يفيد الجرافيكس الزين والقيمبلاي الزين بدون حقوق
 
#3
حبيت الديمو... لكن بعد ما شريت اللعبة حسيت بداونقريد مهول عن فيفا 17 الديمو.. مش عارف مشكلتي مع اللعبة للامانة.. سالفة اني من اضغط زر الr1 اللاعب ينطلق فيها بالكرة و التحكم ينعدم فيها مسببلي ازمة

اشترت حقوق برشلونة بمبلغ وقدرة وسحبت على كل الاندية الثانية، اغبى حركة فالتاريخ وش يفيد الجرافيكس الزين والقيمبلاي الزين بدون حقوق
يا رجل ضحت بفرق كثير عشان هالحركة اللي مالها اي داعي!
 
التعديل الأخير بواسطة المشرف: