hits counter

PAINTBALL

Light

Hardcore Gamer
السلام عليكم ...


اتوقع بعضكم يعرف لعبة الــ PAINTBALL .....

واللي ما يعرفها هي لعبة يتنافس اللي يلعبون فيها سواء كنت لحالك او مع مجموعة
و تستخدم فيها مسدسات تطلق كرة صبغ ((الوان)) طبعا تلعبها في مساحات كبيرة و مساحات تضاريسة اصطناعية

بعني تخيل انك في كول اوف ديوتي

[video=youtube;lBZ0uBwS7cI]http://www.youtube.com/watch?v=lBZ0uBwS7cI[/video]



بس حبيت اسأل شباب الرياض سمعت انها فتحت في الرياض
احد جربها من قبل؟ و اذا جربتها عطنا معلومات عنها
 

Fahad Al-Shareef

True Gamer
انا كنت معهم في الفيس بوك ،


كنت اتوقع بتكون في الثمامه ، ويمكن يحطون تراب وقرف ، ومحنس وخياس .

يوم شفت الصور ، صراحة شي ثااااااني ، يبيلنا ننظم لنا رحله ، شباب تيجي يعني .
 

Light

Hardcore Gamer
http://www.facebook.com/group.php?gi...9925659&ref=nf

هذا كل اللي اقدر افيدك .. ونفس الشيء ودي اجربها

من الصور اللي في القروب واضح انه شي متعوب عليه :smug:


انا كنت معهم في الفيس بوك ،


كنت اتوقع بتكون في الثمامه ، ويمكن يحطون تراب وقرف ، ومحنس وخياس .

يوم شفت الصور ، صراحة شي ثااااااني ، يبيلنا ننظم لنا رحله ، شباب تيجي يعني .


انشاء الله بس نخلص اختبارات ناوي نروح مع الشباب
 

squall leonhart

True Gamer
لعبتها مره بماليزيا و استمعت فيها متعة خيالة مع اننا كنا 4 بس .. الشي السلبي الوحيد هو ان الكور لما تضرب فيك تلسع بقوه .. ما ادري كيف وحده من الكور دخلت تحت الخوذه و سوت لي انتفاخ بسيط في رقبتي
 

Brewmaster

True Gamer
لعبتها مره بماليزيا و استمعت فيها متعة خيالة مع اننا كنا 4 بس .. الشي السلبي الوحيد هو ان الكور لما تضرب فيك تلسع بقوه .. ما ادري كيف وحده من الكور دخلت تحت الخوذه و سوت لي انتفاخ بسيط في رقبتي

اوتش !! ...

اممم ودي اجرب بس احس شكلي بيطلع غلط :razz::
 

X-SRI-X

True Gamer
انا من الرياض شباب
معكم اينما ذهبتم
فعلا يبي لنا ننظم رحلة وعلى رأسهم ثامر
 

53

True Gamer
لعبتها مره عندنا بالكويت.

ما اعتقد راح اكرر التجربه، لان الكور تعّور بشكل مو طبيعي و مو زين تنّطق بنفس المكان مرتين! عذااااااااااااب. وما انصح اي احد يلعبها هالفتره و بجو نفس جو الخليج، لان بتموت من الحر مع اللبس الي يعطونك اياه.
 

HDNA

Ulfsaar
السلام عليكم ورحمة الله وبركاته

„ ندخل بالموضوع بمقدمة بسيطة عن المبتعثين

مساكين هالمبتعثين مابقى أحد ماحش فيهم „



المبتعثين المهايطيين وخصوصا القراوى منهم (الا من رحم ربي ) „ في أول إجازه لهم بعد الغربة واذا رجعوا السعودية „ فجأه بقدرة قادر يصيرون كووول

وطبعا اذا قابلوا أخوياهم وجلسوا يتكلمون „ حنا في أمريكا ولا في بريطانا ولا في استراليا عندنا وعندنا وعندنا „ الي يشوفه يقول بس هذا صار من أهل البلد !!

طبعا يحاولون بشتى الطرق يذكرون كل الأشياء الي مب موجودة عندنا ويتكلمون عنها „ لقالك اننا بنموت من القهر , ولقالهم بيعيشون هناك طول العمر

مايدرون ان مردهم للثمامة ومقهى ابو هيثم


يعني يجيك واحد عايش 24 سنه من حياته على القناة الثانية ويوم تطور صار على ام بي سي تو „

وفجأه بعد كم شهر في أمريكا يقولك ياخي وشلون عايشين انتم بدون سينما !!! تكككفى يا أوبرا


ولا يجيك ويقول ياااااي ياخي السواقة مره صعبه عندكم !! ماكنه له 10 سنين بالكامري الخايسه حقته الي مافيها زاوية الا محكوكة من المساقط والتشطيف „


المهم ماعلينا „ من ضمن الأشياء الي يهايطون فيها „ لعبة عالمية اسمها ( كرة الطلاء ) او (paintball) „

طبعا اللعبة ذي جازت لربعنا لان فيها تفقيع وجيه وحرب „ عاد ربعنا والله من اللعانة „


اللعبة هذي وشي „ يلبسونك لبس خاص خوذه وماخوذه „ وفريقين „ ويعطونهم مسدسات فيها كور من الطلاء „ ويطلقونهم بالميدان „ وفيه حكام

ويالله كل فريق يستخدم التكتيك المناسب علشان يفقع وجه الثاني „ بالمسدس طبعا „ ومتى يطلع الواحد !!! اذا صارله زي كذا


1.jpg



وهذا بعد مفقوع وجهه



2.jpg



وهذي صورة داخل المعركة


3.jpg



وهذي الصورة صراحة أول ماشفتها حسيت إنها في ضرما ولا المزاحمية خخخخ


4.jpg



هذا المسدس وكور الطلاء الي يعطونك إياها


5.jpg



المهم مانبي نطول بالموضوع „ نجي للأهم „

اذا جاك واحد جاي من برا يهايط عليك باللعبة هذي „ قله بدددددري عليك „ لأنها الحين صارت موجودة بالثمامة


صراحة اول ماسمعت عنها توقعت انهم يعني مصرفينا باستراحة كذا وحاطين فيها برميلين زبالة وكل واحد يطلق وانتهينا


بس يوم رحت „ طلع شغل مرررررررررررررتب „ ميادين رهيبة „ ومبنى رهيب „ وحكام „ وتدريب „ وخدمه „ باختصار شي رهههههههههههههههههيب


صح ان الوجيه الي هنا مب زي الوجيه الي برا „ وهذي يقدرون يهايطون علينا فيها المغتربين

بس اهم شي الاخلاق واهم شي اللعب والفله والبسطه والوناسة وتفقيع الوجيه „ والحين بخلي الصور تتكلم


هذا المبنى حقهم صورة نهاريه وصوره ليليه وقريبا صوره بعد المغرب :p

6.jpg

7.jpg



وهنا طبعا المدخل حقه „, لاتسالوني عن ابو شماغ وش جاي يسوي „

بس يمكن والله أعلم مار وشاف المبنى الي كله أنوار كنه ملعب „ حب يشوف وش السالفة „

يعجبني حب الاستطلاع عند السعوديين „ صح أنه على غير سنع بعض الأحيان „ بس ميخالف


8.jpg


طبعا بعد ماتسجل „ ويعطونك ابلكيشن تعبيه „ يودونك لفلبيني ياخذ مقاساتك ويعطيك البدله الي قدك „ كل المقاسات موجوده حتى اكس اكس اكس اكس لارج


ويعطيك الخوذه „ ويقولك تفضل „ طبعا اذا دخلت تلقى سيب طويل .. فيه اربع ميادين „ كل ميدان يمكن كبر نص ملعب استاد الملك فهد ««< والله من زين الشرح


هذا السيب وفيه ميدان يمينك „ وميدان يسارك „ وبعد شوي بنشوف الميادين والفله „, والشعب السعودي الزاحف

9.jpg



وهذا السيب الي بين الميدان الثالث والرابع

10.jpg


طيب الحين خلونا نلقي نظرة على الميداين من قرب ,

هذا الأول وأهم شي الباص ,, مابقى الا يجيبون فاندام

11.jpg


وهذا ميدان ثاني


12.jpg



وهذا بعد


13.jpg


طبعا اول ماتدخل „ ويعطونك الخوذة واللبس , وتلبس وتستعد

يعطونك بعدها المسدس „ ويجي المشرف يشرح اللعبة وكيف تفوز وكيف تنهزم وكيف تستخدم المسدس وهيك أشياء „ «« اهم شي كيف تنهزم خخخ


هذا الفلبيني المسئول عن المسدسات لابس كمامة „ لانكم تعرفون جو الرياض العليل „ بس احسن علشان حرب وغبار تحس انه اكشن من جد

يعني اتحدا ام ام امريكا يقدرون يجيبون اكشن طبيعي زي كذا

14.jpg


وهذا الشاب اللطيف من المركز ,, يشرحلهم اللعبة علشان مايجيبون العيد

وواضح من الابتسامات الشريره للمتسابقين أن كل واحد ناوي للثاني نية قشرا


15.jpg


والحين عاد نبي نشوف التفلت

الشعب السعودي „ شعب متفلت

حركات وتكتيك وفن

لا والله فلحنا

نبدا وحده وحده


هذا جون ترافولتا الثمامة

16.jpg


أما هذا الجاي تحففففة ,, العدو من خلفكم

يسسسسسمع بالاستراتيجيات ,, لقاله متغبي ورا كومة هالشعير

بس الشرهه مب عليه الشرهه على فريقه الي ماعلموه أن فيه عدو وراه

17.jpg


ولا عاد هذولا ,, يعني أنا أبي افهم وش فايدة الحركة هذي ؟؟؟

قسم بالله أم بي سي تو خرجت لنا محاربين على كيف كيفك

18.jpg


وهذا مفقوووووووووووووووووووووووع وجهة

19.jpg


وهذا عاد أشهر محارب في تاريخ لعبة البينت بول ,, مطلوب للاحتراف خارجيا

ويقولون عليه طلبات كثير علشان ينضم للجيش السعودي

20.jpg


إنبطااااااااااااااااااااااااااااااااااح

21.jpg

22.jpg


الإتحاد قووووووووووة

23.jpg


وهذولا فريق شكلهم صراحة محترفين

اققققققققققققعد ياكيلرز

24.jpg


وهذا فريق ثاني ,, صراحة مع احترامي لهم ,, من أشكالهم واضح انهم يسمعون بشي اسمه بينتبول

25.jpg


وأخيرا فريق أبو عرادة


26.jpg


الي في الرياض يجمع عيال حارتهم ويروح يضحك

والله ترا الشعب السعودي موهوب ,,,

بس يبيلهم من يصقل مهاراتهم ,,

ممكن موهبه زي الصوره الجايه هذي تطلع معكم ,,

ويضمونه لجيش درع الجزيره

27.jpg


خخخخخخخخخخخخخخخخخخخخخ


مكانهم „ الثمامة

التوصيف للدشير : الدوار الي بعد مقهى الدانة يمين „ تمشي تقريبا 800 متر يجيك على اليسار

التوصيف للمطاوعة: الدوار الثاني الي عند هرفي بارك الله فيك „ تلف يمين الله يحفظك „ تلقاه على يسارك جزاك الله خير



موقعهم على النت : http://www.1stpaintball.com/arabic/

وصفحتهم على وجه الكتاب : http://www.facebook.com/1stpaintball


دمتم

اسف على الرفع :innocent::
 

DireCtor

Gamer
والله تألم خاصة لو الاصابة كانت في الرأس
 

just me

Banned
HDNA .. شكلك تسوق لهم .. بطريقة او بآخرى :laugh::
 

Xeon-Q8

True Gamer
لعبتها اكثر من مره

الصور والفيديو شي .. ولما تلعبها شي ثااني

10 ضد 10 .. حرب من جد :tongue:
ومثل ماقالوا الشباب .. الإصابات الييمه وتخلي جلدك ازرق مو زينه للصغار
 

HDNA

Ulfsaar
HDNA .. شكلك تسوق لهم .. بطريقة او بآخرى :laugh::

مادريت عنهم إلا من الايميل
وتذكرت الموضوع فقلت انقل الايميل للمنتدى
بس ماعندي مشكلة إذا بيعطوني فلوس على النقل :)
 

BioHazard

Hardcore Gamer
فتحت وحده بجده ودخلناها انا والعيال، ما كان لنا نيه نلعب ابداً المخطط كان نفصخ ولد خالي ونلسع والدينه :evil:: وهذا الي صار :laugh:::laugh:: مسكين الولد ٣ ايام ما قدر يمشي. الصراحه ما كنت اتوقع انها تعور لهالدرجه :laugh::
 

MaX8002

ايقاف نهائي لمخالفة قانون السبويلر في الموقع
للي ما يبي يطق مشاوير للثمامة موجودة في الصالات الرياضية بجوار مركز الملك فهد الثقافي بس مشكلتها غالية.
 

Snake-87

Electrony Editor
في لعبة أمان أكثر
laser tag
laser-tag.jpg

ما جربت ولا وحدة للأمانة .
 

Mista Koo

Creative Director
ما جربت اللي في الرياض، بس لعبتها مرة في ماليزيا ومرة في الكويت.

في ماليزيا كانت Sudden Death، جاني هيد شوت ما حسيت فيه حتى وطلعوني برة. كنت متخبي ورى برميل بس جبهتي طالعة :laugh::


في الكويت كانت Capture the Flag وكانت رهيبة مع أننا كنا أربعة بس.
المشكلة اللي أول مرة يلعبون بفريق والثانين بفريق :confuse:، هم ماسكين أماكن قنص/سنايبنق وما يتحركون منها + مع النظارة والعرق والكشافات ما أقدر أشوف شي = هجوم انتحاري! كنت أناقز من برميل للثاني وأتحمل اللي يجيني :laugh::.
بالأخير وصلت لعلمهم بس وجع ثقيل مرة. على ما أطلعه من البرميل اللي حاطينه فيه رح أتفقع؛ كيف إذا رح أركض فيه لقاعدتنا؟؟

في لعبة أمان أكثر
laser tag
ما جربت ولا وحدة للأمانة .
هذي حليوة بس تنقصها الواقعية، الخطر والألم تحسه جزء من التجربة الحقيقية.
بس أنصح الكل يلبسون دروع لنقاط الضعف، كان رح تجيني إصابة قاتلة :annoyed:.
 

NOBLE

Hardcore Gamer
يا ليت موجودة بالاحساء .. يا كثر المساحات اللي عندنا و بالهبل :sweat:
 

Sora Diersly

True Gamer

الصورة هذي تمتلك. تمنيت لو معاي مُسدس اللحين P:

بينت بول لعبتها ثلاث مرات مع الشباب هنا. نطلع جماعات كبيرة, وآخر مرة لعبتها كانت مُسابقة championship وعدد المُتسابقين في المنطقة كان 100 شخص, انقسموا 50 ضد 50 وتشوف الحرب العالمية الثالثة قامت هذاك اليوم :laugh:: بس الصراحة تنقال, على الفلة اللي تحس فيها, يبيلك تدهن جسمك بـ حاجة تخفف آلام الكدمات في نفس الليلة اللي لعبت فيها, لأن بتجيك كدمات ويصير جسمك كله مبقّع بنفسجي لول, لكن راح تبدأ تخف وتتلاشى بسرعة.

على رغم حُب العيال للعبة هذي هنا, إلا أن عدد البنات دائما طاغي على عدد العيال :what: يعني لو البنات يلعبوها بشراهة هنا, يبغالكم فعلا تلعبونها ولا تخافون. وإلا بتصيرون اردى من البنات P: << اسلوب تشجيعي؟
 

F.JUBRAN

Banned
فتحت وحده بجده ودخلناها انا والعيال، ما كان لنا نيه نلعب ابداً المخطط كان نفصخ ولد خالي ونلسع والدينه :evil:: وهذا الي صار :laugh:::laugh:: مسكين الولد ٣ ايام ما قدر يمشي. الصراحه ما كنت اتوقع انها تعور لهالدرجه :laugh::
ياخي نظامهم في جده اهبل لازم تكون 14 واحد كاملين و تحجز و بعد اسبوع او اكثر يكون دورك ؟ ليش التعقيد ذا ما في امل ان المجموعه تجي كاملة بعد اكثر من اسبوع اكيد في ناس بيكونوا مشغولين
 

AL3TTR-M

True Gamer
اعرف واحد رايح للي بالرياض

الاسعار 250 ريال للواحد واذا يعطونك السلاح مع مشط واحد واذا تبي تعبي بـ50 ريال لكل مشط !!

سعر الدخول منب متأكد منه بس 200 وحولها
 

BioHazard

Hardcore Gamer
ياخي نظامهم في جده اهبل لازم تكون 14 واحد كاملين و تحجز و بعد اسبوع او اكثر يكون دورك ؟ ليش التعقيد ذا ما في امل ان المجموعه تجي كاملة بعد اكثر من اسبوع اكيد في ناس بيكونوا مشغولين

اي وحده تقصد؟
 

ALONE

True Gamer
اعرف واحد رايح للي بالرياض

الاسعار 250 ريال للواحد واذا يعطونك السلاح مع مشط واحد واذا تبي تعبي بـ50 ريال لكل مشط !!

سعر الدخول منب متأكد منه بس 200 وحولها

اجل 200 ريال وفي الأخير يجيني هيد شوت واطلع !

ياليت يفتحون اكثر من صاله علشان تنخفض الأسعار شوي

ودي اجربها
 

Solay

Double Jumper
اجل 200 ريال وفي الأخير يجيني هيد شوت واطلع !

ياليت يفتحون اكثر من صاله علشان تنخفض الأسعار شوي

ودي اجربها

موب جيم واحد,الظاهر جيمين او ثلاثه او على حسب الوقت.
 

MaX8002

ايقاف نهائي لمخالفة قانون السبويلر في الموقع
250 ريال ساعة بس !!!!
 
على ما أعتقد 250 ريال على ساعتين , تلعب في أربع ميادين مختلفه , كل ميدان نصف ساعة .
 
التعديل الأخير:

Jonas

True Gamer
غاليه والله =( كنت احسب 500 للجيم و الفريقين يدفعونها قطه زي الملاعب , ودي اجربها

لحظه!!
احد لاحظ هذا الشي؟؟
مكانهم „ الثمامة

التوصيف للدشير : الدوار الي بعد مقهى الدانة يمين „ تمشي تقريبا 800 متر يجيك على اليسار

التوصيف للمطاوعة: الدوار الثاني الي عند هرفي بارك الله فيك „ تلف يمين الله يحفظك „ تلقاه على يسارك جزاك الله خير

هههههههههههههههههههههههههههههههههههههههههههههههههههه :laugh::
 

DEMON

True Gamer
^^
يا ساتر ، التوصيف للمطاوعة صنع يومي :laugh::
 
أعلى