NanoSquad (لعبة عضو TG عبد الله كوناش) نزلت أخيراً على الإكس بوكس

[G7Ga7]

السلام عليكم.

العضو Super Sonic، أو عبد الله كوناش بدأ الشغل على هاللعبة من أكثر من سنة كمشروع تخرّج. لما إنتهى كورس المشروع، عبد الله كان عنده نسخة بدائية من اللعبة شغّالة، لكن كانت مليانة مشاكل تقنية وفنية وغيرها. فإستمر يشتغل عليها حتى بعد ما توظّف في شركة رمال IT. وأخيراً بعد صراعات مع مايكروسوفت ونظام تنزيل الألعاب البطيء حقهم، اللعبة نزلت على الإكس بوكس لايف إيندي جيمز ماركيت.

سعرها: 240 نقطة بس. كان وده ينزلها ببلاش لكن مايكروسوفت ما تسمح.

Join the squad as they try to save the world from the Wolf Pack. A multiplayer sidescrolling shooter game which uses RPG battle elements and teamwork in its mechanics. Use the aircrafts' different jobs and abilities to help the squad complete their missions.

إشترها من هنا: http://marketplace.xbox.com/en-US/Product/NanoSquad/66acd000-77fe-1000-9115-d802585509f5

صور:

تريلر:
[video=youtube;dllclCSWbL0]http://www.youtube.com/watch?v=dllclCSWbL0[/video]

مواضيع سابقة:

http://true-gaming.net/boards/showthread.php?t=21854&highlight=%DD%D1%DE%C9+%C7%E1%E4%C7%E4%E6
http://true-gaming.net/boards/showthread.php?t=20582&highlight=%DD%D1%DE%C9+%C7%E1%E4%C7%E4%E6
http://true-gaming.net/boards/showthread.php?t=20689&highlight=%DD%D1%DE%C9+%C7%E1%E4%C7%E4%E6


أنا لعبت اللعبة قبل الإصدار الصيف الماضي. وأقدر أقولكم إنه 4 لاعبين > لاعب واحد بالراحة. صحيح اللعبة ماهي بيرفيكت، وفيها مشاكل في الصعوبة، ومهب سهل التعوّد عليها. لكن بصراحة لو تصبر عليها، وتفهم إنها لعبة coop أولاً - يعني لازم تعتمدون على بعض طول الوقت، بدال ما كل واحد يسوي شغله لحاله - وما هي لعبة شوتر عادية (إجتنب الطلقات، وإطلع على الأعداء وبس).
على ما وصلنا للمرحلة الثالثة، كل واحد فينا كان عارف طيارته مضبوط، وكل واحد فينا عرف وش ممكن يضيف للفريق. وبصراحة لما الفريق إشتغل مع بعض، التجربة صارت أفضل بكثير. طبعاً هذا باستثناء اللحظات المضحكة الي تصير بسبب إستهبالات الفريق لول. بس للأسف أنا عارف إنه صعب جداً إنك تجيب 4 أيادي 360 و 4 أشخاص مستعدين يلعبون لعبة صععععبة و مستعدين يلعبون بـTeamwork منظّم .

عموماً في النهاية هي كأول لعبة من مطوّر سعودي إشتغل لوحدة في تطويرها أتوقع إنها شيء جيّد، وأتمنى الناس على الأقل تجربها وتعطي آراءها هنا، سواءاً كانت إيجابية أو سلبية. في النهاية وحتى لو كانت اللعبة سيئة أو فاشلة في نظرك، صدقني الأسباب والتبريرات والإقتراحات الي راح تحطها في هالموضوع راح تفيد كوناش وأي مطور ثاني يقرأ الموضوع هنا في إنه يتفاداها بمشاريع مستقبلية.

 

[Raziel]

أخيراً، عبدالرحمن رجع يشارك
أنا مستغرب إصرار عبدالله ينزل اللعبة xbox live وهو عارف طبيعة التعامل مع مايكروسوفت من شروط وتعقيداتهم الغريبه، أكيد كان هدفه يصل لشريحه أكبر بالطبع
لكن اللي أقصده بإمكانه يوفرها كنسخة pc والشريحة أو اللاعبين متوفرين خصوصاً إن اللعبة ماتطلب مواصفات خاصة ..

للأسف جهازي xbox360 ودع من أيام 2008 ولا كان شريتها دعماً له كمطور + فيدباك خصوصاً إني معاصر جنرا الأركيد شوتر ولعبت الكثير ..

بس للأسف أنا عارف إنه صعب جداً إنك تجيب 4 أيادي 360 و 4 أشخاص مستعدين يلعبون لعبة صععععبة و مستعدين يلعبون بـTeamwork منظّم

جداً صعب أصلاً صعب تجد 3 لاعبين مستعدين يشاركوك الآن بخلاف إذا وجدتهم صعب تتوحد لغة التفاهم بينكم

 

[TIDUS_FFX]

اللي عنده Xbox يشتريها ، يستاهل عبدالله

 

[DEMON]

ميجاطوووون جحجاح رجع !

باذن الله بجرب اللعبة ، جداا مبسوط من انها نزلت اخيرا .

 

[khaled 13]

توني جربت نسخة التريل وخلصت المرحله الأولى , اللعبة مش بطاله بصراحه
فيه اشياء ماحبيتها مثل الموسيقى والأصوات , برضه الشخصيات تصميمها ميه , احمد هذا حسبته بنت من الصوره لول

سعرها: 240 نقطة بس. كان وده ينزلها ببلاش لكن مايكروسوفت ما تسمح.

طيب ليش ماخلاها بـ80 نقطة ؟

 

[Naserano]

بإذن الله راح اشتريها!

شخصياً من "اللي شفته" اللعبة جيدة جداً لكن اتمنى من عبدالله اذا كان ينوي على مشروع ثاني يركّز بشكل رئيسي على الفكرة!! (ولو إني ما اعارض عليها) لكن معظم الأشخاص اللي قريت ردودهم عن اللعبة قاعدين يتمسخرون بالفكرة وردودهم من فئة "وصلنا 2012" , "الألعاب هذي ماتت" , "تذكرني بألعاب العائلة" وهلم جراً ..

لو كانت فكرة اللعبة فريش ما راح تتميز على المستوى العربي وبس .. راح تتميز على المستوى العالمي حتى لو كانت الفكرة بسيطة! *والأمثلة لا تكاد تحصى.

ما ابغى اكرر كلامي اللي قلته لعبدالله في تويتر لكن تطويره لفرقة النانو بمفرده وكونها أول لعبة من تطوير أيادي سعودية على الإكس بوكس شيء يرفع الراس فعلاً!

 

[EPIC FAHAD]

جحجاح :rockon: زمان

 

[Saudi pro]

من جد ليش ماخلاها بـ 80 بوينت عشان تبيع اكثر ؟

ودي اشتريها و ادعمهم بس مستحيل القى 4 لاعبين يلعبون معي اوفلاين

 

[Khalid-S]

الف مبروك لعبدالله وباقي الشباب الي اشتغلوا على اللعبة.

واجهت مشكلة فيها، الي هي ان اللعبة ما تنلعب Single Player
قابلت زعيم المرحلة الاولى وما اقدر اقتله اذا كنت العبها لحالي..

ياليت تصححون لي اذا كنت غلطان.

 

[سليل]

ودي ادعم المشروع بس ما عندي اكس بوكس =(

 

[G7Ga7]

أنا مستغرب إصرار عبدالله ينزل اللعبة xbox live وهو عارف طبيعة التعامل مع مايكروسوفت من شروط وتعقيداتهم الغريبه، أكيد كان هدفه يصل لشريحه أكبر بالطبع
لكن اللي أقصده بإمكانه يوفرها كنسخة pc والشريحة أو اللاعبين متوفرين خصوصاً إن اللعبة ماتطلب مواصفات خاصة ..

إكس بوكس وستيم هم البلاتفورمز الكبيرة الوحيدة الي تعطي فرصة للمطورين المستقلين إنهم ينزلون ألعابهم عليها. سوني وننتندو يطلبون ناشر منّك.
على حسب كلام عبد الله كان ناوي ينزلها على ستيم، وحط اللعبة للـApproval. لكن لسبب ما ستيم رفضوها لول.

برضه الشخصيات تصميمها ميه , احمد هذا حسبته بنت من الصوره لول

هذا لأنه الشخصيات أنمي :sarcastic:. وحدة من أكثر أساليب تصميم الشخصيات إلي أكرهها.

طيب ليش ماخلاها بـ80 نقطة ؟

من جد ليش ماخلاها بـ 80 بوينت عشان تبيع اكثر ؟

Games larger than 50 MB must be priced at least 240 Microsoft Points
أتوقع هذا هو السبب.

(ولو إني ما اعارض عليها) لكن معظم الأشخاص اللي قريت ردودهم عن اللعبة قاعدين يتمسخرون بالفكرة وردودهم من فئة "وصلنا 2012" , "الألعاب هذي ماتت" , "تذكرني بألعاب العائلة" وهلم جراً ..

ما ودي أدافع عن أحد، أو أتكلم عن أحد. أكيد عبد الله عنده رده الخاص لهالنقطة.
لكن شخصياً الي ينتقص من اللعبة لأنه "يعتقد" إن هالنوع من الألعاب مات ما عنده سالفه. الشوترز مثل هذي إلى اليوم تصدر، وإلى اليوم لها جمهورها ومحبينها. بالراحة أقدر أصف لك خمس عناوين أو أكثر صدرت خلال الكم سنة الي فاتت. كونك ما تعرف الجانرا كويس، ما يعطيك الحق تفتي في شعبيتها. وفوق هذا عبد الله حاول يسوي شيء مختلف. يعني كان يقدر ينزل لعبة شوتر بيسك (طائرة وحدة ضد مليون عدو). لكن هو إختار انه يلعب بالمعادلة شوي، ويقدم عناصر الكووب فيها.

أنا أتفق معاك في أهمية الفكرة ناصرانو، وإنك لو بتسوي لعبة، لا تطمح إنك تتميز بين الجمهور العربي وبس، لكن إطمح إنك تتميز حول العالم بفكرتك. وفي هذا السيناريو. نانو سكواد أكيد تتميز في المنطقة العربية، لأن أي واحد من هنا يقدر يسوي لعبة كاملة يعتبر مميّز. وأما كونها مميزة عالمياً، أتوقع نعم. أو على الأقل حاول يميّز نفسه بإضافات الكووب وعناصر الآر بي جي والأسلحة. وكانت محاولة حلوة في رأيي.

 

[alakafi]

اممم كنت مستني اشوف سوبر ميت بوي ثانية بس عالعموم محاولة جميلة

 

[EPIC FAHAD]

لالالا خالدالسديري كمان ماني مصدق عيوني :crying:

بالنسبه للي يقولون الالعاب هذي ماتت ومدري ايش مشكله الي من جيل كول اوف دوتي ويحكم على العاب بالفشل لانها على نهج قديم للحين نشوف العاب 8 بت وممتازه ولها جمهورها بس الشكوه لله هذا جيل النوبز وش نسوي

 

[Naserano]

لكن شخصياً الي ينتقص من اللعبة لأنه "يعتقد" إن هالنوع من الألعاب مات ما عنده سالفه. الشوترز مثل هذي إلى اليوم تصدر، وإلى اليوم لها جمهورها ومحبينها. بالراحة أقدر أصف لك خمس عناوين أو أكثر صدرت خلال الكم سنة الي فاتت. كونك ما تعرف الجانرا كويس، ما يعطيك الحق تفتي في شعبيتها. وفوق هذا عبد الله حاول يسوي شيء مختلف. يعني كان يقدر ينزل لعبة شوتر بيسك (طائرة وحدة ضد مليون عدو). لكن هو إختار انه يلعب بالمعادلة شوي، ويقدم عناصر الكووب فيها.

للتصحيح عبدالرحمن أنا ما انتقصت من الفكرة ولا عمري راح انتقص من أي فكرة.. أنا اتكلم عن "مجموعة" ردود قرأتها بخصوص اللعبة!

فيه مقابلة مع عبدالله نفسه تكلم عن بعض المشاكل اللي واجهها في تطوير اللعبة والأكثر أهمية بينهم إنه ما وصّل الفكرة الرئيسية من اللعبة واللي هي عوامل الكووب .. عشان كذا بعضهم حكم عليها ظاهرياً وعشان كذا برضو قلت اتمنى يكون اتجاهه القادم مختلف كلياً.

 

[Super Shadow]

جربت اللعبة تجربة سريعة

بشكل عام جيدة جدا و فيها تحدي ، طبعا أنا لعبتها بروحي و من صعوبتها واضح أنها تعتمد على اللعب الجماعي ، فكرة الشخصيات بأسامي عربية حلوة :laugh::

و صح ، موسيقى 8 بت رهيبة :laugh::

عيبها الوحيد لحد الحين هو الصعوبة ، بجربها تجربة أكبر و أشوف

ما ودي أدافع عن أحد، أو أتكلم عن أحد. أكيد عبد الله عنده رده الخاص لهالنقطة.
لكن شخصياً الي ينتقص من اللعبة لأنه "يعتقد" إن هالنوع من الألعاب مات ما عنده سالفه. الشوترز مثل هذي إلى اليوم تصدر، وإلى اليوم لها جمهورها ومحبينها. بالراحة أقدر أصف لك خمس عناوين أو أكثر صدرت خلال الكم سنة الي فاتت. كونك ما تعرف الجانرا كويس، ما يعطيك الحق تفتي في شعبيتها. وفوق هذا عبد الله حاول يسوي شيء مختلف. يعني كان يقدر ينزل لعبة شوتر بيسك (طائرة وحدة ضد مليون عدو). لكن هو إختار انه يلعب بالمعادلة شوي، ويقدم عناصر الكووب فيها.

+100000000000000000

عن نفسي أنا أحب ها النوعية

و أفضل ما لعبت لحد الحين هي ايكاروقا

طبعا جربت كم لعبة ثانية على ها الأسلوب و منهم ديث سمايل و غيرهم

 

[Super Shadow]

الف مبروك لعبدالله وباقي الشباب الي اشتغلوا على اللعبة.

واجهت مشكلة فيها، الي هي ان اللعبة ما تنلعب Single Player
قابلت زعيم المرحلة الاولى وما اقدر اقتله اذا كنت العبها لحالي..

ياليت تصححون لي اذا كنت غلطان.

بالنسبة للزعيم ، لازم تستخدم سلاح الليزر عشانه يخترقه شوي و تكسر الجهاز الي يعمل عليه الدرع وراه

 

[khaled 13]

Games larger than 50 MB must be priced at least 240 Microsoft Points
أتوقع هذا هو السبب.

اوه توني ادري عنها , على العموم مبروك لعبد الله على نزول اللعبة على اللايف . على فكره تراها الحين المركز 16 في أفضل الألعاب تقيما (90 شخص قيمها)

الف مبروك لعبدالله وباقي الشباب الي اشتغلوا على اللعبة.

واجهت مشكلة فيها، الي هي ان اللعبة ما تنلعب Single Player
قابلت زعيم المرحلة الاولى وما اقدر اقتله اذا كنت العبها لحالي..

ياليت تصححون لي اذا كنت غلطان.

اضغط Y إذا اكتملت نسبة الطيارة وراح تهزمه بسهوله او اختر الطياره الحمراء واستعمل الليز مثل ماقال شادو
اللعبة بصراحة تصلح للسنقل البلاير اذا كان تغير الطيارة بواسطة الأنالوج الأيمن , مو بالدي باد :/
وايه صحيح انا شايف لغة عربية في الصور ! هل هي موجوده ؟

 

[Super Shadow]

وايه صحيح انا شايف لغة عربية في الصور ! هل هي موجوده ؟

توني جاي أسأل ها السؤال

 

[hemo memo]

للتصحيح عبدالرحمن أنا ما انتقصت من الفكرة ولا عمري راح انتقص من أي فكرة.. أنا اتكلم عن "مجموعة" ردود قرأتها بخصوص اللعبة!

فيه مقابلة مع عبدالله نفسه تكلم عن بعض المشاكل اللي واجهها في تطوير اللعبة والأكثر أهمية بينهم إنه ما وصّل الفكرة الرئيسية من اللعبة واللي هي عوامل الكووب .. عشان كذا بعضهم حكم عليها ظاهرياً وعشان كذا برضو قلت اتمنى يكون اتجاهه القادم مختلف كلياً.

عرب ولا اجانب ناصر؟!

 

[Naserano]

^
عرب للأسف

 

[The Last Lombax]

أعتقد لا
اذكر مرة تكلم أن مايكرو سوفت رفضت اللغة العربية في اللعبة

 

[khaled 13]

أعتقد لا
اذكر مرة تكلم أن مايكرو سوفت رفضت اللغة العربية في اللعبة

اوه صحيح اكيد راح ترفض لأنه مافيه شبكة لايف للشرق الأوسط وكلها طبعا من سبة مايكروسوفت السعوديه الله #**$#

 

[hemo memo]

ناصر انت مقتنع ان اللعبه جيده جدا ماعليك من كلام الناس دامها ردود غير بنائه وردودهم مابتخلص، وانت انسان ذويق ولايهونون بقية الاعضاء ودام هذا رايك بخصوص اللعبه ف ان اشاء الله التجربه قريبه.

 

[G7Ga7]

للتصحيح عبدالرحمن أنا ما انتقصت من الفكرة ولا عمري راح انتقص من أي فكرة.. أنا اتكلم عن "مجموعة" ردود قرأتها بخصوص اللعبة!

يب عارف، ردي ما كان موجه لك، كان موجه للناس الي تتكلم عنهم. لأني مثلك، أنا شفت الردود المشابهة بيوتيوب وغيره.

اممم كنت مستني اشوف سوبر ميت بوي ثانية بس عالعموم محاولة جميلة

مصمم سوبر ميت بوي إشتغل على 6 أو 7 ألعاب قبل ما اشتغل على اللعبة. عشان الواحد يوصل لمرحلة الإبداع والرهابة حقت سوبر ميت بوي، لازم يبدأ بألعاب بسيطة مثل هذي.

 

[Fatale]

عندي 400 نقطة ولزم اشتريها لدعم شبابنا الطموح
بالتوفيق لفريق العمل وعلى البركة اول لعبة اركيد عربية على الايف

 

[Mesharey]

اشتريتها .. يستاهل عبدالله .. واللعبة بصراحة ممتعة بعد والبرزنتيشن باللعبة أيضا راقي .. حلاتها اربع لاعبين والحمدالله الشباب يتجمعون عندي ..
ايضا لعبتها سنجل بلاير .. كانت فيها صعوبة لكن ايضا ممتعة .. في طيارتين بالسنجل يكونون تمام ..

 

[Super Sonic]

شكرا جحاجيحو على كتابة الموضوع آخر واحد اتوقعتك تكتب اسمي غلط P:
وشكرا جميعا على كلامك الراقي ولدعمكم.

في مشكلتين حاليا يبغالي أنتبه لها. في ناس كثيرين ما دخلوا المرحلة التدريبية وأنا كنت على نياتي أحسبهم حيدخلوها. في البعض ما اكتشف انه يقدر يغير أسلحة غير موضوع انه يغير طيارات. المشكلة الثانية، البعض يحسب انه اذا اندمجت رباعي، انه الطيارة تعلق. لكن فعليا هي تعلق لأن اللاعب اختار الطيارة الغلط قبل الإندماج.

الوحيد اللي حسيته على الأقل يعرف يلعب "الألعاب القديمة" زي لعبتي من السعوديين قلال، هذا موقع ما طلبت منه شيء، شغلته يسوي ريفيو: http://indies.onpause.org/2011/11/nanosquad.html
على الأقل اللي يسوي ريفيو يعرف يعدي من الرصاص :| بس برضه طول المرحلة ما استوعب انه ممكن تغير السلاح إلى في الأخير (وما استوعب انك تقدر تغير طيارة) وانهزم من المرحلة الأولى.

لذلك قررت أسوي هذا الفيديو:
[video=youtube;lws0S4ogfxg]http://www.youtube.com/watch?v=lws0S4ogfxg[/video]

حاولت أشرح ايش المميز في اللعبة قدر المستطاع.

في موقع آخر (برضه أجبني) استعرض اللعبة بموضوعية أكثر واللي كتبه منطقي جدا وهو الوحييييييد اللي حسسني إنه قرأ القصة P: سمى اللعبة: NanoSquad (XBLIG): "An Anime Style/Squadron Based Shmup"

http://otakudgamereviews.blogspot.com/2011/11/nanosquad-xblig-anime-stylesquadron.html#more

وبرضه موقع اللعبة اللي في الغالب محد دخله للحين: http://nanosquadgame.com/

 

[Mesharey]

عبدالله ليش ماتكتب تعليق على كاتب المراجعة تقول له ان هذا مو جلتش ؟

اغلب الناس بتبدأ على طول المرحلة الاولى لان الاختيار عليها بالبداية مو التدريب P:

 

[Saudi pro]

استعراض عن اللعبه من موقع indiegamemag

http://www.indiegamemag.com/nano-squad-a-game-in-which-you-merge-aircraft-because-youre-awesome/

 

[Snake-87]

اليوم أشتريها .... يستاهل الدعم عبد الله .