hits counter

نقاش مانجا My Hero Academia

AM152

True Gamer
FM8qAVP.jpg


141381.jpg


الاسم : My Hero Academia أو Boku no Hero Academia
النوع : شونين ، مغامرة ، أكشن ، خيالى
تاريخ بدأ النشر : 7 يوليو 2014
الحالة : مستمرة
عدد الفصول حتى الآن : 73
المؤلف : Horikoshi Kouhei
المانجا تبقى ثالث عمل للمؤلف بعد مانجا Sensei no Bulge (مانجا من 16 شابتر) و Oumagadoki Doubutsuen (مانجا من 38 شابتر)

نبذة عن المانجا:
الأحداث بتدور فى الوقت اللى معظم الناس فى العالم بقى عندهم قدرات خارقة، Midoriya Izuku واحد من الحالات النادرة اللى ماعندهاش أى قدرات بس ده مامنعوش من إنه يحلم بإنه يبقى بطل بالرغم من كده لغاية لما حياته هاتتغير كليا بعد مقابلته للبطل الأسطورى All Might

رأى شخصى عن المانجا :
المانجا من أكثر الأعمال اللى حبيتها و تحمست ليها فى الفترة الأخيرة ::rock::
المانجا حققت نجاح و شعبية كبيرة من بدايتها و ده لأكثر من سبب
1- البطل الرئيسى بالرغم من إنه عنده بعض صفات بطل الشونين المعروفة إلا إنه فى نفس الوقت مختلف و أهم إختلاف إنه ذكى جدا على عكس معظم أبطال الشونين و إنه بيعتمد بشكل كبير على الذكاء و التخطيط فى المواجهات و نفس الكلام بينطبق على عدد من شخصيات العمل
2- العمل فيه كم كبير من الشخصيات الجانبية المميزة و التركيز مش على الشخصية الرئيسية بس
3- عالم المانجا واسع و مثير للإهتمام و ال Potential كبير بالإضافة إن المؤلف بيحاول يبقى واقعى على قدر الإمكان

المانجا مش خالية من العيوب بس معظم النقط اللى ماحبيتهاش كانت لأسباب شخصية و أهميتها بتختلف على حسب المتابعين
المانجا قدرت تقدم عمل شونين بس بأسلوب مميز و مختلف بس فى النهاية العمل بيفضل شونين عشان ماحدش يتوقع غير كده ;)
 
التعديل الأخير:

AM152

True Gamer
كنت عاوز أفتح موضوع للمانجا من فترة و كنت شايف إن أحسن وقت هايبقى مع صدور الأنمى بس فى حوار فى الشابتر الأخير شجعنى لفتح الموضوع :grin:
الحوار بين Midoriya و Todoroki فى الشابتر يبقى واحد من أسباب حبى للعمل و إزاى إنه بيحاول يبقى مختلف عن باقى الشونين :)
الحوار كان بالرغم من إنه قصير إلا إنه كان رهيب و بيدى نظرة تانية لل Talk no Jutsu :p
فكرة إن حوار بسيط ممكن يغير أفكارك و نظرتك للحياة مش منطقية إلا إذا كانت النظرة دى مش مبنية على أساس من الأصل و لما أفكارك تكون مبنية على تجارب و أحداث عشتها بيبقى فى صعوبة حقيقية فى تغيرها و دى النقطة اللى الحوار ركز عليها و للأسف عدد كبير من أعمال الشونين بتهمل النقطة دى :(
 

AM152

True Gamer
الشابتر كان جيد و حبيت الطريقة اللى انتهى بيها :)

الشابتر فى النهاية قدم خيارين
الخيار الأول يبقى اقتراح كيريشيما بإنهم يحاولوا يرجعوا باكوجو بنفسهم ، الخيار يبقى تعبير عن اتجاه الشونين المعتاد و اللى شفناه فى أعمال كثيرة قبل كده و بالرغم من إن سبب تفكير كيريشيما مفهوم إلا إنه مش منطقى بأى شكل :confused::
معظم الأبطال مصابين فعلا بالإضافة إن المواجهات الأخيرة أكدت إنهم لسه ماعندهمش استعداد لمواجهة الأشرار
الخيار التانى يبقى خيار إيدا بإنهم يسيبوا ده للأبطال المحترفين ، مواجهة إيدا ضد ستاين خلته يعرف خطورة التحرك بناءا على العواطف و فكرة الإنتقام ، إيدا عارف إن المواجهة هاتبقى فيها خطورة حقيقية على حياتهم و إنهم مش مستعدين ليها و تفكيره كان منطقى

الطريقة اللى الخيارين اتقدموا بيها بيوضحوا الفرق بين التفكير المنطقى و تفكير أبطال الشونين المعتاد و يمكن الأحداث اللى فاتت كان هدفها إنها توضح النقطة دى و الفرق بين العمل و بين أعمال تانية بس فى الآخر ده مش هايتضح إلا لما ميدوريا يقول رأيه فى الشابتر الجاى و اللى على أساسه هايحدد اتجاه العمل

نقطة أخيرة لفتت انتباهى فى الشابتر و هى موضوع إختفاء راج دول :neutral:
من بداية المواجهة ماكانش في أى معلومات واضحة عنها أو عن اللى حصلها و اختفائها بالشكل الغريب ده بيطرح أسئلة كثيرة :confused::
 

AM152

True Gamer
بصراحة ماحبيتش اللى حصل فى الشابتر :(
توقعت إن المانجا هتاخد اتجاه مختلف عن باقى الشونين خصوصا مع بداية الشابتر و رفض معظم المجموعة لإقتراح كريشيما بس للأسف ميدوريا وافق على الإقتراح
موقف إيدا من اللى بيحصل عجبنى بصراحة خصوصا لما ضرب ميدوريا ، تهور ميدوريا فى الفترة اللى فاتت ماكانش من غير عواقب و الكلام إنهم مش هيدخلوا فى مواجهة مش منطقى بأى شكل، ده بالإضافة إن فيه فريق كامل من أقوى الأبطال رايح يحرر باكوجو فعلا :confused::
اتمنى إن اللى بيحصل يكون بناء لحاجة فى المستقبل خصوصا مع الكلام عن حالة ميدوريا الصحية و بعض التلميحات فى الشباتر و إن العمل مايخدش اتجاه الشونين التقليدى

الجزئية الأخيرة فى الشابتر عن تسويو كانت روعة ::involve::
 

AM152

True Gamer
رجعت للموضوع بعد مدة طويلة :expressionless: ، سعيد إن توقعاتى السابقة طلعت غلط و إن العمل لسه محافظ على مستواه :)

من فترة طويلة تم الإعلان عن Spin off للمانجا بعنوان Boku no Hero Academia Smash ، ال Spin off طلع مجرد Omake للعمل و دى حاجة معتادة مع الأعمال الناجحة
بصراحة مابحبش النوعية دى الأعمال لأن غالبا مستواها بيبقى سيئ و بتبقى مجرد استغلال لنجاح العمل الأصلى و للأسف Smash ماكانتش استثناء
اللى حصل مؤخرا إن فى Spin off جديدة اتعملت للعمل بعنوان Vigilante: Boku no Hero Academia Illegals و نزل منها شابترين حتى الآن (شابتر 0 و 1 )
ماكنتش متحمس للعمل فى البداية بعد موضوع Smash بس على عكس المتوقع فكرة العمل كانت جيدة و مثيرة للإهتمام و الآرت مستواه جيد حتى الآن :)
العمل بيدور حول مجموعة من الأشخاص اللى قرروا محاربة الجريمة من غير ترخيص أو تدريب حقيقى ، نظريا استخدام القدرات وسط الناس بدون ترخيص يعتبر كسر للقوانين و الأشخاص اللى بيعملوا كده مابيعتبروش أبطال بس ده مامنعهمش من التحرك و محاربة الجريمة بنفسهم
حتى الآن الشخصيات الرئيسية اللى تم تقديمها مثيرة للإهتمام و تحمسك للمتابعة و العمل ليه potential جيد :)
مشكلة العمل الوحيدة حتى الآن تبقى وجود نسبة فانسيرفس مالهاش داعى لأحد شخصيات العمل ، هى محدودة بس مستفزة :unamused:
 

AM152

True Gamer
شابتر 108
الآرك الحالى رهيب بس الشابتر ده تحديدا كان ممتاز لأكثر من سبب

فكرة المواجهة بين الأبطال فى الجزء الأول من الإمتحان مش جديدة بس تم تقديمها بشكل رائع و كانت جيدة جدا بس الجديد فعلا هو إن الجزء الثانى من الإمتحان هايبقى اختبار فى الإنقاذ :nomouth:
بالرغم من إن عمليات الإنقاذ تبقى جزء أساسى من دور الأبطال إلا إن التركيز عليها كان قليل على عكس المواجهات و اللى بيخلى الموضوع ده مثير للإهتمام هو إن فكرة انقاذ الناس مش متفقة مع عدد كبير من الشخصيات أو القدرات اللى تم تقديمها حتى الآن و بعضهم ماكانش مهتم بيها أساسا :confused::، متحمس أشوف اللى هايعمله واحد زى باكوجو أو مينيتا فى الإختبار :p

المانجا فيها عدد كبير من الشخصيات الجيدة اللى ماتمش التركيز عليها للأسف و للسبب ده حبيت تطور شخصية أوياما فى الشابتر و حسيت إنه اتعمل بطريقة جيدة :)
الحركة اللى عملها فى آخر الشابتر و فكرة نجاح باقى الشخصيات بسببه كانت غير متوقعة و رائعة فى الوقت ، اتمنى إن ده يحصل مع باقى الشخصيات فى العمل

لأول مرة نعرف حاجة عن قدرات هاجاكورى ، حتى بعد 108 شابتر كل اللى نعرفه عن الشخصية إنها خفية و نشطة فقط من غير أى توضيح حقيقى لطبيعة قدراتها أو حتى شكلها
الشخصية مثيرة للإهتمام بس للأسف مافيش معلومات كفاية عنها بس لأول مرة هاجاكورى استخدمت قدراتها فى الشابتر و على مايبدو إنها بتتحكم فى انعكاس الضوء و إن كان ده لسه ماتمش توضيحه بشكل كامل

من كلام باكوجو لميدوريا واضح إن باكوجو استنتج الحقيقة أو على الأقل عنده فكرة عنها بس الشئ الجيد إنه لأول مرة ما تعاملش معاه بالعصبية المعتادة و واضح إن شخصيته ابتدت تتغير حتى لو بدرجة بسيطة
 

AM152

True Gamer
شابتر 114
نهاية الشابتر كانت واحدة من أكبر المفاجآت فى العمل :eek::eek:

فى البداية الآرك كان ممتع بصفة عامة بالنسبة لى بس استغربت فعلا لما لقيت إن عدد كبير من المتابعين ماحبوش الآرك :confused:: ، ده ممكن يكون لأنه آرك تدريبى بس ده مايمنعش إنه كان مثير للإهتمام فى معظمه
اللى حبيته بخصوص الإختبار هو سقوط باكوجو ::grin:: ، باكوجو مايستحقش إنه ينجح فى الإختبار بأى شكل و تعامله مع موضوع الإنقاذ كان كارثى و اتضايقت فعلا لما الكاتب لمح إنه ممكن ينجح فيه بس فى الآخر ده طلع مجرد ترولة من الكاتب و باكوجو خد اللى يستحقه :triumph:، اتمنى إن يبقى فى تطور حقيقى لشخصيته بعد كده
نهاية الآرك كانت هى المفاجأة الحقيقية و اللى ماظنش إن فى حد توقعها :flushed:، فكرة إن كيمى كانت توجا طول الوقت كانت صدمة فعلا :fearful:
كيمى لفتت الإنتباه ليها على مدار الآرك بسبب تصرفاتها الغريبة و شخصيتها المميزة و الكل توقع إن هايبقى ليها دور مهم بعد كده سواء كمنافس أو ك Love Interest لديكو و ده اللى خلى المفاجأة أكبر لما اتضح إنها شخصية شفناها قبل كده و إنها توجا بالذات
الموضوع تم التلميح ليه من فترة أثناء المواجهة بين توجا و أوراراكا لما توجا قدرت تجرح أوراراكا و تاخد جزء من دمها و ده اللى يفسر قدرتها على التحول لأوراراكا ، فى نفس الوقت و من خلال الكلام فى الشابتر واضح إن توجا خدت مكان كيمى الحقيقية من 3 أيام و إن كيمى وضعها مجهول حاليا
اللى حصل فى الآخر يفتح الباب لإحتمالات كثيرة جدا و كان حركة موفقة من الكاتب و قدرت تغير النظرة للآرك بشكل كبير :triumph:
 

O-M-A-R

True Gamer
^
يدي تحكني افتح السبويلر. انا قررت ان اوقف المانجا بسبب عدم اعجابي بالارك الحالي + تخوفي بالتورط مع شونين طويل المدى
واللي غالبا ما راح تظهر فيه نتائج للبطل الا على المدى البعيد والبعيد جدا وانا صرت اتنفر من الاعمال اللي بالشكل هذا

تنصحني اكمل ؟؟
 

AM152

True Gamer
^
يدي تحكني افتح السبويلر. انا قررت ان اوقف المانجا بسبب عدم اعجابي بالارك الحالي + تخوفي بالتورط مع شونين طويل المدى
واللي غالبا ما راح تظهر فيه نتائج للبطل الا على المدى البعيد والبعيد جدا وانا صرت اتنفر من الاعمال اللي بالشكل هذا

تنصحني اكمل ؟؟
كمل متابعه :D
التويست فى آخر الآرك يستحق و ممكن يغير نظرتك للآرك بشكل كبير :)
نقطة تانية و هى إن بالرغم من إن أعمال الشونين الطويلة بتاخد وقت على ما تظهر فيها النتائج إلا إن فى تطور ملحوظ فى الشخصيات و الأحداث على مدار العمل و أظن إن الكاتب بيتقدم فى القصة بشكل جيد و برضه نهاية الآرك بتأكد ده :p
 

AM152

True Gamer
بعد آرك رخصة الأبطال و اللى ماعجبش البعض الأحداث بقت رهيبة و فى بناء رائع للآرك الجاى ::rock::
واحدة من الجزئيات اللى تعتبر من نقط تميز المانجا عن الأعمال المشابهه هى الأشرار ، فى المعتاد البطل بيتدرب و يبنى شخصيته لغاية لما يقدر يوصل للمستوى اللى يخليه يواجه الأشرار و يهزمهم بس اللى بيحصل هنا حاجة تانية
فى المانجا الأبطال و الأشرار بدؤا من نفس النقطة و زى ما ديكو كان بطل مبتدئ ، شيجاراكى برضه كان شرير مبتدئ :nomouth:
زى ما الأبطال بيتطوروا على مدار العمل ، الأشرار برضه بيتطوروا بشكل موازى ليهم و بشكل تدريجى و حبيت التركيز على جانب الشخصيات الشريرة و توضيح أسباب تصرفاتها
ماكنتش متخيل إن شابتر كامل مخصص لشخصية جانبية شريرة زى Twice هايبقى بالمستوى الرائع ده :hushed:
للأمانة ماقدرش أقول إنى حبيت شخصية شيجاراكى كشرير رئيسى للعمل بس ده مايمنعش إن باقى الشخصيات مثيرة للإهتمام و متحمس للى هايعملوه بعد كده :triumph:

أخيرا التطور المنتظر لشخصية باكوجو ابتدى يحصل :triumph: ، فى نقطة مهمة بالنسبة لباكوجو و هى إن كرهه لديكو حتى من قبل حصول ديكو على قوة All Might سببه إن ديكو كان بيحسسه بالضعف :nomouth:
باكوجو كان دايما بيعتبر نفسه الأقوى بس فى كل المواقف اللى باكوجو حس فيها بالضعف سواء المواقف البسيطة زى لما وقع و هو صغير أو المواقف الخطرة زى لما الشرير مسكه فى بداية العمل ديكو هو دايما اللى بيقف جنبه و بيحاول يساعده بالرغم من خطورة الموقف و من إن المفترض إنه ضعيف و دى جزئية باكوجو ماقدرش يقبلها بأى شكل ، حصول ديكو على قوة All Might بعد كده و تقدمه السريع زود الإحساس ده بشكل كبير لغاية لما وصل لمرحلة الإنفجار فى آخر شابترين
مش بس All Might اعترف بديكو و إداله قوته أو إن ديكو اتقدم عليه ، المشكلة بقت إن باكوجو اتسبب بشكل غير مباشر فى اللى الحالة اللى وصل ليها All Might و ده اللى باكوجو اعتبره دليل تانى على ضعفه و ماقدرش يتحمله، ده بيوضح نقطة تانية بخصوص شخصية باكوجو و هى إنه بالرغم من كل حاجة شخصية جيدة
الكلام الكثير عن إنضمام باكوجو للأشرار تم إثبات خطأه أكثر من مرة و موقف باكوجو كان واضح لما الأشرار اختطفوه و زى ما قال Eraserhead إن اللى يعتبر إن تصرفات باكوجو معناه إنه من الأشرار يبقى مايعرفش حاجة عن شخصيته
فى الحقيقة باكوجو من النوع اللى بيعتبر انضمامه للأشرار إهانة ليه و لكبريائه زى ماقال أحد المتابعين
بالرغم من كل ده ماقدرش أقول إنى حبيت شخصيته :p بس اتمنى إنى أشوفه بيتصرف بشكل مختلف و يغير من طريقته أخيرا :D
 

AM152

True Gamer
شابتر 125

و أخيرا حصل اللى كنت عاوزه :triumph:

بالرغم من حبى للعمل و إعجابى بفكرة تطور الأشرار الموازية لتطور الأبطال إلا إنى ماقدرتش أقتنع بشيجاراكى كشرير رئيسى ، دى كانت من مشاكلى القليلة مع العمل بس فى نفس الوقت كانت شئ مزعج فعلا
الهدف من الشرير الرئيسى للعمل هو إنه يدى المتابع الإحساس بالخطر و يحمسه للأحداث بالإضافة لتحريك القصة و لو كانت الشخصية غير مقنعة مش هايبقى فى دافع قوى للأبطال إنهم يتطوروا و العمل هايبقى أقرب فى طبيعته للآركات التدريبية حتى لو كانت باقى الشخصيات ممتازة ، ده يمكن اللى خلى البعض مايحبوش الأحداث الأخيرة
الشابتر ده غير كل حاجة :flushed: ، أولا الشابتر وضح نقطة ضعف مهمة جدا عند شيجاراكى و هى إن تحركاته عشوائية و ما عندوش خطة عشان ينفذ أهدافه و ده اللى شيجاراكى نفسه انتبه ليه فى نهاية الشابتر و خلاه يتوقف عن مطاردة أوفرهول ، أوفرهول ذكر نقطة جيدة و هى إن شيجاراكى كان عنده مجموعة قوية جدا من الأشرار و مع كده فشل فى استخدامهم بشكل واضح
النقطة التانية و الأهم كانت قتل ماجنى و الطريقة اللى مات بيها :fearful:
أظن إن دى من المرات القليلة جدا فى العمل اللى يتم فيها التخلص من شخصية بالشكل ده و ده إن دل على حاجة فهى إن طبيعة الأحداث الجاية هاتبقى مختلفة عن اللى فات و إن الجد ابتدى أخيرا :triumph:
الشابتر حمسنى بشكل كبير و أخيرا حسسنى إن هايبقى فى تحدى حقيقى لأبطال العمل :D
 

AM152

True Gamer
شابتر 141

مستوى الشابتر كان مفاجأة بالنسبة لى :frowning:
بالرغم من إن الآرك كان جيد حتى الآن بالنسبة للبعض إلا إنى بصراحة كنت باعتبره عادى لأكثر من سبب و كان ممكن يبقى أحسن
أحد الأسباب (مش كلها) كان إنى ماحبيتش الشخصيات الجديدة زى ميريو و Sun Eater و غيرهم ، للسبب ده ماكنتش متحمس لمواجهة Sun Eater لأنى ماكنتش مهتم سواء بالشخصية أو بالعدو اللى بيواجهها بس على عكس ماتوقعت الشابتر كان رهيييييب ::rock::

طريقة تقديم المواجهة كانت ممتازة فعلا ، الموضوع ماكانش مجرد استعراض للقدرات زى المعتاد فى مواجهات تانية ، كل طرف كان بيحاول يستخدم قدرته بذكاء فى الوقت اللى بيحاول يتفادى فيه قدرة العدو
من جهة قدرة Suneater قوية بس القدرة لوحدها مش كفاية و على مدار الشابتر Suneater كان بيحاول يلاقى الإستخدام الأمثل لقدرته فى مواجهة عدو ذكى و منظم و من جهة تانية العمل الجماعى للعدو و الطرق اللى استخدموها لمواجهة قدرة Suneater كانت رائعة فعلا ، ده اللى خلى المواجهة حماسية للأقصى درجة و بالرغم من إن العمل شونين و نتائج المواجهات بتبقى متوقعة إلا إن ده ماقللش من الحماس و على العكس كان فى إحساس حقيقى بالخطورة أثناء المواجهة :triumph:
نقطة تانية كانت جيدة و هى طريقة التعامل مع موضوع الصداقة ، على عكس المعتاد تماما المرة دى الأشرار هما اللى استخدموا موضوع الصداقة فى مواجهة البطل :tongueout:
اللى خلى الموضوع جيد هنا مش فكرة إن الأشرار برضه ممكن يبقى فى روابط مابينهم و إنما فى طريقة استخدام الروابط دى و المعنى منها ، إنت مابتكسبش المعركة لمجرد إنك ليك أصدقاء و بس و إنما كون إن ليك أصدقاء هو اللى خلى العمل الجماعى و التنظيم بين أفراد المجموعة يوصل للمستوى ده و ده اللى خلاهم أقوياء مش الصداقة فى حد ذاتها

للأسف بعض المتابعين بمجرد ماشافوا كلمة الصداقة اعتبروا إن الشابتر سيئ من غير ما يحاولوا يفهموا الأحداث أو احتمال حتى يكملوا قراءة الشابتر كأن الكلمة فى حد ذاتها بتخلى العمل سيئ مش طريقة استخدامها فى سياق الأحداث و اللى كانت مختلفة تماما فى الشابتر ده عن المعتاد و دى بصراحة طريقة تفكير استفزتنى فعلا :rage:
 
التعديل الأخير:

AM152

True Gamer
أحداث الشابتر كانت غريبة بالنسبة للبعض و للأمانة ماقدرتش أفهم بعض النقط فى البداية قبل ما أشوف بعض تعليقات المتابعين بخصوصه
من اللى فهمته هدف أوفرهول من البداية ماكانش التحالف مع الرابطة أو تشغيلها ضمن خطته و إنما حلها و ضم أعضائها ليه كمجرد تابعين و طلب معاونة توجا و توايس كان بهدف محاولة التحكم فيهم و اقناعهم بالإنضمام ليه
شيجاراكى أدرك ده بس قرر الموافقة بضم توجا و توايس للياكوزا على الأغلب بهدف تدميرهم من الداخل و مشهد طلب شيجاركى لباقى الرابطة بالموافقة على خطته كان مفاجأة
واضح إن بقى فى تطور حقيقى فى شخصية شيجاراكى خصوصا لما تقارن اللى عمله بتصرفاته الطفولية قبل كده و ده نقطة عجبتنى فعلا فى الشابتر

اللى ماحبيتوش كانت السهولة المبالغ فيها اللى نايت آى هزم بيها نسخة رابا خصوصا بعد ماشفنا مدى قوته أمام فات جم :unamused:، حتى لو كانت الأختام اللى معاه وزنها 5 كيلو فماظنش إنه ده هايبقى كفاية عشان يهزم رابا بضرتين فقط
 

s3rorh

True Gamer
شاهدت الأنمي لغايه ما تم القبض على شاين ... و خشيت على المانجا و وصلت للشابتر ٩٥

هالعمل يحترم عقليتي كا قارئ .... وكل شي غير تقليدي و خارج عن المألوف !!! ... المانجا تذكرني بـ هنترxهنتر بحيث الواقعية و عدم توقع الأحداث !!
 

s3rorh

True Gamer
وصلت للشابتر .. ١١١ .... و الاحداث جداً مملة !

هو احنا حا نئضي السنه كلها اختبارات و لعب .. ولا أييه !!
 

AM152

True Gamer
وصلت للشابتر .. ١١١ .... و الاحداث جداً مملة !

هو احنا حا نئضي السنه كلها اختبارات و لعب .. ولا أييه !!
هو معظم المتابعين ماحبوش الارك ده بالذات بس اقدر اقولك انه هاينتهى على مفاجأة كبيرة و الارك اللى بعده هايبقى فيه تطورات حقيقية فى القصة
 

AM152

True Gamer
شابتر 158

الشابتر فيه عدد من النقط المهمة و اللى ممكن يبقى ليها تأثير كبير على الأحداث الجاية
لأول مرة من بداية العمل يتم الدخول فى التفاصيل فى أصل القدرات و السبب فى وجودها ، كل معلوماتنا حتى الآن كانت إن القدرات ظهرت فجاة و انتشرت بين الأجيال الجديدة و ده بقى الوضع الطبيعى للبشر فقط من غير تفسير بس المرة دى الشابتر بيوضح إن ده مش كل حاجة و إن فى عدد من النظريات بخصوص الظاهرة أهمها إنها بسبب فيروس بينتقل عن طريق الفئران
معنى إنها نظرية إن الكلام ده لسه مش مؤكد و ممكن يبقى فى تفسيرات تانية بس فى نفس الوقت النظرية بتفسر ليه الطفرة الوحيدة فى الحيوانات كانت فى فأر (مدير المدرسة) ، المهم هنا إن شيساكى مقتنع بالنظرية و ده بيوضح سبب جزء كبير من تصرفاته
شيساكى بيتعامل مع القدرات على إنها مرض و عنده كره ليها (ممكن السبب يكون متعلق بماضيه) ، ده يفسر سبب كره للمس ولبسه للقناع بشكل مستمر و فى نفس الوقت سبب اهتمامه الكبير بإيرى و Eraserhead اللى عندهم القدرة على وقف أو تدمير القدرات (و بالتالى المرض من وجهة نظره ) بس فى الحالة دى إيه هو هدفه بالضبط ؟

ده بينقلنا للنقطة التانية ، المفترض من الفلاشباك إن شيساكى عاوز يرجع للياكوزا قوتها عن طريق التحكم فى القدرات بس ده معناه إن جزء من خطته يبقى عمل مصل يرجع القدرات المفقودة و أظن إن ده مش متفق مع فكرة كرهه للقدرات (إلا إذا كان المقصود إن كرهه ليها سببه إنها مش تحت سيطرته) ، عموما إحنا ما شفناش ماضى شيساكى بالكامل و ممكن يبقى فى تفاصيل أكثر و المسألة تتوضح أكثر بعد كده

بالنسبة لموضوع المصل لرجوع القدرات فده للأسف بيرجح فكرة إن كل الأضرار اللى حصلت هايتم إصلاحها من غير أثر دائم ، معظم المتابعين كانوا قلقانين من النقطة دى مع ظهور قدرة إيرى و كان عندهم أمل إن المانجا ماتاخدش إتجاه الشونين التقليدى بس للأسف كل شابتر بيمشى فى الإتجاه ده زيادة :disappointed:، عموما الأمل لسه قائم خصوصا مع عدم تحكم إيرى فى قدراتها حتى الآن و ممكن موضوع المصل يكون خدعة من شيساكى بس ده إحتمال ضعيف للأسف و المشكلة إن لو المصل ظهر و قدرة ميريو رجعت فده هايغير من نظرتى و نظرة معظم المتابعين للمانجا بشكل كبير :disappointed:

مشاهد مواجهة ميدوريا لشيساكى كانت جيدة جدا للأمانة بس كنت اتمنى لو كان فى تركيز أكثر عليها فى الشابتر و المشكلة إننا هاننتظر أسبوعين على ما ينزل الشابتر الجاى :weary:

ملحوظة أخيرة و هى إن الكاتب ابتدى ياخد أجازات بشكل متكرر و الظاهر إن صحته ابتدت تتاثر مع استمراره فى العمل على المانجا و ممكن ياخد طريق أودا بعد كده و تبقى الأجازات شئ مستمر
 

Ressbo

Mass of Chaotic
لأول مرة من بداية العمل يتم الدخول فى التفاصيل فى أصل القدرات و السبب فى وجودها ، كل معلوماتنا حتى الآن كانت إن القدرات ظهرت فجاة و انتشرت بين الأجيال الجديدة و ده بقى الوضع الطبيعى للبشر فقط من غير تفسير بس المرة دى
الشابتر بيوضح إن ده مش كل حاجة و إن فى عدد من النظريات بخصوص الظاهرة أهمها إنها بسبب فيروس بينتقل عن طريق الفئران
معنى إن إنها نظرية إن الكلام ده لسه مش مؤكد و ممكن يبقى فى تفسيرات تانية بس فى نفس الوقت النظرية بتفسر ليه الطفرة الوحيدة فى الحيوانات كانت فى فأر (مدير المدرسة) ، المهم هنا إن شيساكى مقتنع بالنظرية و ده بيوضح جزء كبير من تصرفاته
شيساكى بيتعامل مع القدرات على إنها مرض و عنده كره ليها (ممكن السبب يكون متعلق بماضيه) ، ده يفسر سبب كره للمس ولبسه للقناع بشكل مستمر و فى نفس الوقت سبب اهتمامه الكبير بإيرى و Eraserhead اللى عندهم القدرة على وقف أو تدمير القدرات (و بالتالى المرض من وجهة نظره ) بس فى الحالة دى إيه هو هدفه بالضبط ؟
صحيح كلامك و لو تتذكر لمن تم تقديم مدير الأكاديمية لأول مرة فالمنافسة النهائية للطلبة. تم تعريفه بأنه خضع لتجارب كثير أكسبته قدرة السرعة الهائلة فالتفكير و التخطيط إلي هو بيمتلكها الآن. فممكن تكون نظرية شيساكي قابلة للحصول غير أن هالشيء ممكن يفسر وجود ناس بتمتلك قدرة خاصة عن ناس ما بيمتلكوها ! النظرية تبقى شيء ممكن حتى الآن. بس أظن في تعارض مع قصة أول مايت لمن ذكر قصة توارث الـ"One for All". مدري هل كان يقصد أن حتى الوارث الأول لها أصيب بالڤايروس و بعدها تم نقل الإصابة الجينية عن طريق تناول خصلة من الشعر ؟!

بالنسبة لموضوع المصل لرجوع القدرات فده للأسف بيرجح فكرة إن كل الأضرار اللى حصلت هايتم إصلاحها من غير أثر دائم ، معظم المتابعين كانوا قلقانين من النقطة دى مع ظهور قدرة إيرى و كان عندهم أمل إن المانجا ماتاخدش إتجاه الشونين التقليدى بس للأسف كل شابتر بيمشى فى الإتجاه ده زيادة :disappointed:، عموما الأمل لسه قائم خصوصا مع عدم تحكم إيرى فى قدراتها حتى الآن و ممكن موضوع المصل يكون خدعة من شيساكى بس ده إحتمال ضعيف للأسف و المشكلة إن لو المصل ظهر و قدرة ميريو رجعت فده هايغير من نظرتى و نظرة معظم المتابعين للمانجا بشكل كبير :disappointed:
للأسف المسار التقليدي أشبه بقارب نجاة لمن الموقف يصعب على المؤلف. ::fdoly::
هالشيء كنت متخوف منه بعد كمية الأضرار إلي صارت و خصوصًا مع فقدان ميريو لقدرته. لو حصل و رجعت قدرته فممكن أعتبرها النهاية المبكرة للعمل. لأن الأكاديمية كأساس تفوقت في كسر التوقعات و إتخاذ مسار مخالف لطريق أنميات الشونين المعتادة. فلو حترجع للمسار المعتاد حنقدر نكمل النهاية السعيدة جدًا إلي حتحصل بكون الشرير حيستغفر و حيقلب إنسان طيب لمن تظهر له قوة النور. *يتذكر السنين إلي ضاعت و هو يأمل أن فيري تيل يرجع لمجده كبداية*
 

AM152

True Gamer
صحيح كلامك و لو تتذكر لمن تم تقديم مدير الأكاديمية لأول مرة فالمنافسة النهائية للطلبة. تم تعريفه بأنه خضع لتجارب كثير أكسبته قدرة السرعة الهائلة فالتفكير و التخطيط إلي هو بيمتلكها الآن. فممكن تكون نظرية شيساكي قابلة للحصول غير أن هالشيء ممكن يفسر وجود ناس بتمتلك قدرة خاصة عن ناس ما بيمتلكوها ! النظرية تبقى شيء ممكن حتى الآن. بس أظن في تعارض مع قصة أول مايت لمن ذكر قصة توارث الـ"One for All". مدري هل كان يقصد أن حتى الوارث الأول لها أصيب بالڤايروس و بعدها تم نقل الإصابة الجينية عن طريق تناول خصلة من الشعر ؟!
هو من اللى فهمته أظن إن القدرة كانت عند المدير من البداية و بعد كده تم عمل التجارب عليه (تقريبا فى محاولة لتفسيرها ) ، بالنسبة ل One for All فجزء من الطفرة يبقى قدرة صاحبها على نقلها لشخص تانى و بالتالى كلامك يبقى صحيح بخصوص نقل الطفرة عن طريق تناول خصلة الشعر
 

Ressbo

Mass of Chaotic
هو من اللى فهمته أظن إن القدرة كانت عند المدير من البداية و بعد كده تم عمل التجارب عليه (تقريبا فى محاولة لتفسيرها )
هذا ممكن يفسر المنصب العالي إلي بيمتلكه كمدير لأكاديمية الأبطال ! لأني مستغرب كيف لفأر في وسط هالفئة بيمتلك هالمنصب بصراحة XD *أحس أن الموضوع مقتبس من سلاحف النينجا ولا ؟ نفس البداية فأر حصلت له تجربة.. إلخ و بعدها أربع سلاحف !* تشابه غريب (>.>)
 

AM152

True Gamer
شابتر 160

فى الظروف العادية كان ممكن أكتب رد طويل بخصوص الشابتر بس مع سير الأحداث الحالى مش هاعلق على أى حاجة قبل إنتهاء الآرك بالكامل و على حسب النهاية ممكن أغير موقفى من العمل (و اتمنى إن ده مايحصلش )
 

Ressbo

Mass of Chaotic
حسب النهاية ممكن أغير موقفى من العمل (و اتمنى إن ده مايحصلش )
نفس الإحساس كان عندي مع نهاية شابتر 160. لكن أيش رأيك مع صدور شابتر 161 ؟ هل ما زلت بتمتلك نفس الإحساس ؟ (@.@)
 

AM152

True Gamer
نفس الإحساس كان عندي مع نهاية شابتر 160. لكن أيش رأيك مع صدور شابتر 161 ؟ هل ما زلت بتمتلك نفس الإحساس ؟ (@.@)

اعتذر عن التأخير :sweatsmile:

بالنسبة لإحساسى تجاه الشابتر و الآرك فبصراحة و بالرغم من إن الوضع طلع أحسن بكثير من اللى توقعته إلا إن فى نفس الوقت الكاتب عمل عدة أخطاء مش بسيطة تخلينى ماقدرش أقول إنى مقتنع باللى حصل
لو هاحط تقييم فأظن إنى راضى عن النهاية بنسبة 40% :neutral:
بالنسبة للنقط الإيجابية ، الكاتب قدر فعلا يتجنب الإحتمال الأسوء و يحل عدد من المشاكل اللى ظهرت فى الآرك

أولا بالنسبة لأكبر مشكلة و هى قدرة إيرى فتعامل الكاتب معاها كان جيد جدا
قدرة إيرى كان ممكن تعمل خلل مهول فى التوازن فى العمل و تقتل أى Tension بس الشابتر هنا حط حدود كثيرة بالنسبة ليها
إيرى بوضعها الحالى ماتقدرش تستخدم قدرتها لأكثر من سبب منها عدم قدرتها على التحكم فيها أو معرفة مداها و حالتها الصحية نتيجة كل اللى مرت بيه ده بالإضافة إنها مازالت طفلة صغيرة و اللى حصل لميدوريا كان وضع استثنائى و ده مش كل حاجة ، حتى لو إيرى حاولت تتدرب على التحكم فى القدرة فكون إنها ما تقدرش تستخدم قدرتها إلا على البشر معناه إن دى هاتبقى عملية فى صعبة جدا و خطرة و حبيت تحليل Eraserhead للوضع و إنهم مايقدروش يعتمدوا عليها
إيرى ممكن ترجع تانى و يبقى ليها دور فى العمل بس ده مش هايبقى قبل فترة طويلة جدا

ثانيا بالنسبة للخسائر فى جهة الأبطال ، النقطة دى كان فى قلق كبير من ناحيتها سواء بسبب قدرة إيرى أو وجود المصل المضاد بس تم حلها (جزئيا)
فقدان ميريو لقدرته مستمر و مش هايتم حله بسهولة و إن كان واضح من اتجاه الأحداث إنها هاترجع فى وقت ما بس الأهم إن هو اللى حصل لنايت آى و كون إنه توفى نتيجة إصاباته فده يرجع التوازن فى العمل و يوضح إن المواجهات مش هاتبقى سهلة و بسيطة و فى احتمال لخسائر حقيقية و مستمرة

المشكلة هنا إن النقط السلبية كانت أكبر من الإيجابية بالنسبة لى

أول مشكلة كانت فى تفسير نايت آى لعدم موت ميدوريا ، الكاتب كان عنده أكثر من طريقة لتفسير اللى حصل بشكل مقنع
على سبيل المثال إن ده بسبب قدرة إيرى بما إنها تقدر تعمل Rewind للإصابات و الأضرار بمعنى إن المستقبل اللى شافه نايت آى حقيقى بس فى كل مرة إيرى كانت بتعمل له Rewind و بتمنع حدوثه بس للأسف الكاتب اختار أسوء طريقة لتفسير اللى حصل :disappointed: ، موضوع الطاقة الناتجة عن التمنى يبقى خطأ فادح يرجع للمتابع ذكريات قوة الصداقة فى باقى أعمال الشونين ، الكاتب كان على الأقل ممكن يكتفى بالجزء اللى قاله نايت آى بخصوص شكه فى تغيير المستقبل
لو افترضنا إن سبب عدم قدرة نايت آى على تغيير المستقبل هو إن محاولاته ماكانتش جدية كفاية بسبب شكه و عدم اقتناعه بالفكرة فده كان ممكن قبوله نسبيا بس النقطة اللى أضافها ماكانش ليها أى داعى و اتمنى إنها تبقى خطأ فى الترجمة بس للأسف ماظنش إن ده الوضع

المشكلة التانية كان فى البناء الخاطئ لأحداث الآرك و اللى خلى شخصية زى أوفرهول و حتى نايت آى و غيرهم تبقى Wasted potential :unamused:

بداية ظهور أوفرهول فى العمل كانت رهيبة و كنت متحمس ليه جدا بس اتفاجئت بصراحة لما المواجهة ضده بدأت بعد تقديمه بشكل شبه مباشر ، الكاتب كان المفترض إنه يعمل تمهيد مناسب للمواجهة عشان لما تحصل يكون ليها تأثير أكبر على المتابع بس ده ماحصلش هنا للأسف و بصراحة استغربت جدا من إن دور أوفرهول انتهى هنا بالشكل ده :angry:
طريقة تقديم اوفرهول و استعداده للمواجهة مايتناسبش أبدا مع الطريقة اللى تم اكتشافه و هزيمته بيها و اللى إدتنى الإحساس إن الكاتب عاوز يقصر من طول الآرك بأى طريقة ، أسوء مثال لكده هو فريق أوفرهول و اللى تم تقديمه أثناء المواجهة مباشرة من غير أى بناء او تمهيد عشان يتم هزيمته بنفس السرعة :angry: ، الشئ المزعج و اللى ابتديت ألاحظه إن معظم الأشرار فى العمل بيغطوا وجوهم لسبب أو لآخر و بصراحة ابتديت أحس إن الكاتب عنده مشكلة فى رسم الوجوه دى و ده بالنسبة لى بيقلل و احيانا بيمنع القدرة على التواصل بين المتابع و الشخصية و بيدى الإحساس إنهم مجرد شخصيات جانبية مالهمش دور حقيقى ، الكاتب كان عنده فرصة لحل المشكلة لو كان دور اوفرهول لسه مانتهاش بس بعد اللى حصل فى الشابتر اللى فات واضح إن ده احتمال مستبعد

نفس الوضع مع باقى شخصيات الآرك و إن كان بدرجة أقل ، فى مشكلة عبد الله كان انتبه لها فى موضوع الانمى و هى إن الكاتب عنده مشكلة فى تقديم الشخصيات الأنثوية ، الدليل على كده الدور المحدود جدا لأوراراكا و تسو فى الآرك ، أصلا الشخصية الثالثة فى فريق ميريو كان ممكن حذف دورها من غير تأثير على الأحداث و على عكس الباقى ماتمش التعمق فى شخصيتها بأى شكل :unamused:

فى الآخر مش هاقول إن الآرك كان سيئ و كان فيه جزئيات جيدة فعلا و المهم إن التوازن ماختلش فى العمل بس للأسف مشاكله ماكانتش صغيرة و لازم الكاتب يتعامل معاها بعد كده عشان يحافظ على مستوى العمل
 
التعديل الأخير:

Ressbo

Mass of Chaotic
بالنسبة لإحساسى تجاه الشابتر و الآرك فبصراحة و بالرغم من إن الوضع طلع أحسن بكثير من اللى توقعته إلا إن فى نفس الوقت الكاتب عمل عدة أخطاء مش بسيطة تخلينى ماقدرش أقول إنى مقتنع باللى حصل
لو هاحط تقييم فأظن إنى راضى عن النهاية بنسبة 40% :neutral:
فعلًا طلع أفضل من التوقعات الشخصية لكن زي ما ذكرت الأخطاء إلي حصلت خلت نسبة الرضا بشكل عام ضعيف و أقل عن المعتاد مع العمل. نسبة الرضا عني شخصيًا مع الأرك بعد إنتهاه توصل ما بين الـ30-35% كأقصى حد.

أولا بالنسبة لأكبر مشكلة و هى قدرة إيرى فتعامل الكاتب معاها كان جيد جدا
قدرة إيرى كان ممكن تعمل خلل مهول فى التوازن فى العمل و تقتل أى Tension بس الشابتر هنا حط حدود كثيرة بالنسبة ليها
إيرى بوضعها الحالى ماتقدرش تستخدم قدرتها لأكثر من سبب منها عدم قدرتها على التحكم فيها أو معرفة مداها و حالتها الصحية نتيجة كل اللى مرت بيه ده بالإضافة إنها مازالت طفلة صغيرة و اللى حصل لميدوريا كان وضع استثنائى و ده مش كل حاجة ، حتى لو إيرى حاولت تتدرب على التحكم فى القدرة فكون إنها ما تقدرش تستخدم قدرتها إلا على البشر معناه إن دى هاتبقى عملية فى صعبة جدا و خطرة و حبيت تحليل Eraserhead للوضع و إنهم مايقدروش يعتمدوا عليها
إيرى ممكن ترجع تانى و يبقى ليها دور فى العمل بس ده مش هايبقى قبل فترة طويلة جدا
نقطة الخلل إلي كانت ممكن تحصل كانت حتكون هزة عنيفة بصراحة للعمل بعد كل الإنطباعات الجيدة مو بس كونها فجوة حصلت في مرحلة من مراحل العمل. نقطة أن قدرتها محصورة على البشر ضعف إمكانية تصورها بالشكل إلي كنا متخيلينه أنها حتسيطر على قوتها و تساهم في خفض الأضرار للصفر و هذا شيء جيد زي ما ذكرت. أعتقد أن ممكن نشوف لها مشاركة في الشباتر المتقدمة لمن ميدوريا يبدأ يتقدم في مرحلة سيطرته على قدرة "One For All". بحيث أنها تساهم في خفض الأضرار الكارثية لجسمه إعتقاد ممكن يكون خاطئ برضو. وأتفق معاك في محبة تحليل رأس الممحاة P:

بداية ظهور أوفرهول فى العمل كانت رهيبة و كنت متحمس ليه جدا بس اتفاجئت بصراحة لما المواجهة ضده بدأت بعد تقديمه بشكل شبه مباشر ، الكاتب كان المفترض إنه يعمل تمهيد مناسب للمواجهة عشان لما تحصل يكون ليها تأثير أكبر على المتابع بس ده ماحصلش هنا للأسف و بصراحة استغربت جدا من إن دور أوفرهول انتهى هنا بالشكل ده :angry:
طريقة تقديم اوفرهول و استعداده للمواجهة مايتناسبش أبدا مع الطريقة اللى تم اكتشافه و هزيمته بيها و اللى إدتنى الإحساس إن الكاتب عاوز يقصر من طول الآرك بأى طريقة ، أسوء مثال لكده هو فريق أوفرهول و اللى تم تقديمه أثناء المواجهة مباشرة من غير أى بناء او تمهيد عشان يتم هزيمته بنفس السرعة :angry: ، الشئ المزعج و اللى ابتديت ألاحظه إن معظم الأشرار فى العمل بيغطوا وجوهم لسبب أو لآخر و بصراحة ابتديت أحس إن الكاتب عنده مشكلة فى رسم الوجوه دى و ده بالنسبة لى بيقلل و احيانا بيمنع القدرة على التواصل بين المتابع و الشخصية و بيدى الإحساس إنهم مجرد شخصيات جانبية مالهمش دور حقيقى ، الكاتب كان عنده فرصة لحل المشكلة لو كان دور اوفرهول لسه مانتهاش بس بعد اللى حصل فى الشابتر اللى فات واضح إن ده احتمال مستبعد
الحمد الله أن في أحد لاحظ إلي لاحظته XD ، كنت حاسس أن المواجهة كانت بشكل جدًا مبكر ! يعني لسه ما لحقت الشخصية ظهرت إلا فجأة منظمة الأبطال طابين عليه *طق طق طق ، سلم البنت !* كانت شيء غير مقبول و غير مفهوم فنفس الوقت :/ إنتهاء دوره برضو وحده من الأخطاء المهببة إلي شفتها فالأرك هذا. يعني معقولة شخصية كان لها بداية جيدة و حتى قدرته كانت بتأكد أنه حيمتلك سير أحداث مشابه لـShigaraki. لكن إلي حصل كان أن الشخصية ترمت في مهب الريح ودي بصراحة نقطة سوداء تستمر لنهاية العمل :mad: حاجة ماهي معقولة تقدم شخصية و بعدها فالشابتر الجاي تقول للمتابعين: شوفو أهو دي الشخصية إلي عجبتكم ؟ موتها :| ، حقيقي مافي تفسير منطقي للي حصل مع الشخصية أكثر من كونها نقطة سوداء ستبقى للتاريخ. أعتقد أن الكاتب فاهم نقطة الغموض و الرعب بشكل خاطئ ! لأن فعلًا إخفاء الوجه ماهي شيء تقدر تكرره سبعين ألف مرة المفترض يكون في كشف عن ملامح الشخصية. أوكي الشخصية إلي ناوية تمتلك منصب أقوى شرير و خليفة للـAll for One مغطية وجهها لكن ما يسمح كل الأشرار يصيرو بنفس النمطية و الفكرية حقت المظهر :\ فأتفق معاك فالنقطة
هذي.

نفس الوضع مع باقى شخصيات الآرك و إن كان بدرجة أقل ، فى مشكلة عبد الله كان انتبه لها فى موضوع الانمى و هى إن الكاتب عنده مشكلة فى تقديم الشخصيات الأنثوية ، الدليل على كده الدور المحدود جدا لأوراراكا و تسو فى الآرك ، أصلا الشخصية الثالثة فى فريق ميريو كان ممكن حذف دورها من غير تأثير على الأحداث و على عكس الباقى ماتمش التعمق فى شخصيتها بأى شكل :unamused:
لاحظت الشيء هذا مع نهاية الأرك بالكامل أظن كل اللحظة التاريخية إلي حصلت لأوراراكا كانت أنها مسكت أوفرهول بعد ما سقط. بس فعليًا هذا دورها فالعملية و ممكن نحسب مساعدتها للبرو هيرو في إسقاط أحد الغيلان على مكان تواجد ميدوريا بسبب خطة منظمة الشر. و بعدها فعلًا زي ما ذكرت حتلاحظ أن الشخصية الثالثة كانت أشبه بالفراغ الغير محسوس XD ، أيش البلاوي إلي حصلت مع الشابتر هذا ! مو المفروض أن الشخصية بتعتبر إحدى أفضل ثلاث شخصيات ضمن طلبة أكاديمية الـUI ولا أنا غلطان ؟ حتى قدرتها كانت غير مفهومة بصراحة و ما عرفت للآن كيف وصلت من ضمن أفضل ثلاث طلاب فالأكاديمية حتى مع إنتهاء الأرك بالكامل :x ، ما ودي أكون متشائم لكن حتى نهاية الموسم الثاني للعمل كانت سيئة نسبية مع البداية القوية و مستوى تطور الأحداث. قرب النهاية كان أشبه بتمطيط علشان يوصل الكاتب لـ25 حلقة. أتمنى العمل يبدأ يشتغل على مواطن الضعف هذي و يبدأ يتحسن فيها بشكل ملحوظ مع الأركات الجاية و إلا فمصيره حيكون مثل كثير من الأنميات بدأت بشكل جيد وتدريجيًا بدأت بالإنخفاض حتى الإنتهاء بشكل مأساوي :(
 

sloth

Gamer
اعتذر عن التأخير :sweatsmile:

بالنسبة لإحساسى تجاه الشابتر و الآرك فبصراحة و بالرغم من إن الوضع طلع أحسن بكثير من اللى توقعته إلا إن فى نفس الوقت الكاتب عمل عدة أخطاء مش بسيطة تخلينى ماقدرش أقول إنى مقتنع باللى حصل
لو هاحط تقييم فأظن إنى راضى عن النهاية بنسبة 40% :neutral:
بالنسبة للنقط الإيجابية ، الكاتب قدر فعلا يتجنب الإحتمال الأسوء و يحل عدد من المشاكل اللى ظهرت فى الآرك

أولا بالنسبة لأكبر مشكلة و هى قدرة إيرى فتعامل الكاتب معاها كان جيد جدا
قدرة إيرى كان ممكن تعمل خلل مهول فى التوازن فى العمل و تقتل أى Tension بس الشابتر هنا حط حدود كثيرة بالنسبة ليها
إيرى بوضعها الحالى ماتقدرش تستخدم قدرتها لأكثر من سبب منها عدم قدرتها على التحكم فيها أو معرفة مداها و حالتها الصحية نتيجة كل اللى مرت بيه ده بالإضافة إنها مازالت طفلة صغيرة و اللى حصل لميدوريا كان وضع استثنائى و ده مش كل حاجة ، حتى لو إيرى حاولت تتدرب على التحكم فى القدرة فكون إنها ما تقدرش تستخدم قدرتها إلا على البشر معناه إن دى هاتبقى عملية فى صعبة جدا و خطرة و حبيت تحليل Eraserhead للوضع و إنهم مايقدروش يعتمدوا عليها
إيرى ممكن ترجع تانى و يبقى ليها دور فى العمل بس ده مش هايبقى قبل فترة طويلة جدا

ثانيا بالنسبة للخسائر فى جهة الأبطال ، النقطة دى كان فى قلق كبير من ناحيتها سواء بسبب قدرة إيرى أو وجود المصل المضاد بس تم حلها (جزئيا)
فقدان ميريو لقدرته مستمر و مش هايتم حله بسهولة و إن كان واضح من اتجاه الأحداث إنها هاترجع فى وقت ما بس الأهم إن هو اللى حصل لنايت آى و كون إنه توفى نتيجة إصاباته فده يرجع التوازن فى العمل و يوضح إن المواجهات مش هاتبقى سهلة و بسيطة و فى احتمال لخسائر حقيقية و مستمرة

المشكلة هنا إن النقط السلبية كانت أكبر من الإيجابية بالنسبة لى

أول مشكلة كانت فى تفسير نايت آى لعدم موت ميدوريا ، الكاتب كان عنده أكثر من طريقة لتفسير اللى حصل بشكل مقنع
على سبيل المثال إن ده بسبب قدرة إيرى بما إنها تقدر تعمل Rewind للإصابات و الأضرار بمعنى إن المستقبل اللى شافه نايت آى حقيقى بس فى كل مرة إيرى كانت بتعمل له Rewind و بتمنع حدوثه بس للأسف الكاتب اختار أسوء طريقة لتفسير اللى حصل :disappointed: ، موضوع الطاقة الناتجة عن التمنى يبقى خطأ فادح يرجع للمتابع ذكريات قوة الصداقة فى باقى أعمال الشونين ، الكاتب كان على الأقل ممكن يكتفى بالجزء اللى قاله نايت آى بخصوص شكه فى تغيير المستقبل
لو افترضنا إن سبب عدم قدرة نايت آى على تغيير المستقبل هو إن محاولاته ماكانتش جدية كفاية بسبب شكه و عدم اقتناعه بالفكرة فده كان ممكن قبوله نسبيا بس النقطة اللى أضافها ماكانش ليها أى داعى و اتمنى إنها تبقى خطأ فى الترجمة بس للأسف ماظنش إن ده الوضع

المشكلة التانية كان فى البناء الخاطئ لأحداث الآرك و اللى خلى شخصية زى أوفرهول و حتى نايت آى و غيرهم تبقى Wasted potential :unamused:

بداية ظهور أوفرهول فى العمل كانت رهيبة و كنت متحمس ليه جدا بس اتفاجئت بصراحة لما المواجهة ضده بدأت بعد تقديمه بشكل شبه مباشر ، الكاتب كان المفترض إنه يعمل تمهيد مناسب للمواجهة عشان لما تحصل يكون ليها تأثير أكبر على المتابع بس ده ماحصلش هنا للأسف و بصراحة استغربت جدا من إن دور أوفرهول انتهى هنا بالشكل ده :angry:
طريقة تقديم اوفرهول و استعداده للمواجهة مايتناسبش أبدا مع الطريقة اللى تم اكتشافه و هزيمته بيها و اللى إدتنى الإحساس إن الكاتب عاوز يقصر من طول الآرك بأى طريقة ، أسوء مثال لكده هو فريق أوفرهول و اللى تم تقديمه أثناء المواجهة مباشرة من غير أى بناء او تمهيد عشان يتم هزيمته بنفس السرعة :angry: ، الشئ المزعج و اللى ابتديت ألاحظه إن معظم الأشرار فى العمل بيغطوا وجوهم لسبب أو لآخر و بصراحة ابتديت أحس إن الكاتب عنده مشكلة فى رسم الوجوه دى و ده بالنسبة لى بيقلل و احيانا بيمنع القدرة على التواصل بين المتابع و الشخصية و بيدى الإحساس إنهم مجرد شخصيات جانبية مالهمش دور حقيقى ، الكاتب كان عنده فرصة لحل المشكلة لو كان دور اوفرهول لسه مانتهاش بس بعد اللى حصل فى الشابتر اللى فات واضح إن ده احتمال مستبعد

نفس الوضع مع باقى شخصيات الآرك و إن كان بدرجة أقل ، فى مشكلة عبد الله كان انتبه لها فى موضوع الانمى و هى إن الكاتب عنده مشكلة فى تقديم الشخصيات الأنثوية ، الدليل على كده الدور المحدود جدا لأوراراكا و تسو فى الآرك ، أصلا الشخصية الثالثة فى فريق ميريو كان ممكن حذف دورها من غير تأثير على الأحداث و على عكس الباقى ماتمش التعمق فى شخصيتها بأى شكل :unamused:

فى الآخر مش هاقول إن الآرك كان سيئ و كان فيه جزئيات جيدة فعلا و المهم إن التوازن ماختلش فى العمل بس للأسف مشاكله ماكانتش صغيرة و لازم الكاتب يتعامل معاها بعد كده عشان يحافظ على مستوى العمل
ردك لخص كل شي ممكن يجي في بالي وزيادة بس بعقب على نقطة تغطية الاشرار لوجوههم باقنعة اعتقد ذا الشي شائعة في عالم المانجا ذي نفس وضع الغيلان في مانجا طوكيو الغول كان في تنويه على هذا الموضوع بداية شابتر 73 .
الي ازعجني من جد هو التغطية المبالغ فيها لوجه اوفر هول حتى وقت الفلاش الباك وكان ما يلبس قناع توقعت الموضوع مو من فراغ وفي سبب لاكن لحظة نهايته عرف انو مافي اي سبب للموضوع:emoji_triumph:


في موضوع مو داخل راسي خارج نطاق اخر ارك وهو كون شيقاراكي هو رمز الشر وعنصر الخطر الاساسي في المانجا لانه ذا الاحساس عندي منعدم انا متفهم انه المؤلف مخليه مناظر لميدوريا والاثنين قاعد يسير لهم بناء بس اقدر اشوف ميدوريا وين ممكن يوصل اذا طور نفسه بعكس شيقاراكي الي ما اقدر اقارنه نهائيا باول فور ون رمز الشر السابق. احداث اخر شابتر تلمح لاحداث ممكن تقلب رئيي مستقبلا اتمنى المؤلف يفاجئني فعلا
 

Nameless King

Hardcore Gamer
في موضوع مو داخل راسي خارج نطاق اخر ارك وهو كون شيقاراكي هو رمز الشر وعنصر الخطر الاساسي في المانجا لانه ذا الاحساس عندي منعدم انا متفهم انه المؤلف مخليه مناظر لميدوريا والاثنين قاعد يسير لهم بناء بس اقدر اشوف ميدوريا وين ممكن يوصل اذا طور نفسه بعكس شيقاراكي الي ما اقدر اقارنه نهائيا باول فور ون رمز الشر السابق. احداث اخر شابتر تلمح لاحداث ممكن تقلب رئيي مستقبلا اتمنى المؤلف يفاجئني فعلا
[/QUOTE]
يمكن لانك حاس ان شيقاراكي اضعف من ميدوريا اذا صار قادر على تحكم في ون فور ال بس
لا تنسى قدره ال فور ون لان فيه احتمال كبير ان شيقاراكي راح يرث قدرته
 

AM152

True Gamer
في موضوع مو داخل راسي خارج نطاق اخر ارك وهو كون شيقاراكي هو رمز الشر وعنصر الخطر الاساسي في المانجا لانه ذا الاحساس عندي منعدم انا متفهم انه المؤلف مخليه مناظر لميدوريا والاثنين قاعد يسير لهم بناء بس اقدر اشوف ميدوريا وين ممكن يوصل اذا طور نفسه بعكس شيقاراكي الي ما اقدر اقارنه نهائيا باول فور ون رمز الشر السابق. احداث اخر شابتر تلمح لاحداث ممكن تقلب رئيي مستقبلا اتمنى المؤلف يفاجئني فعلا
كلامك منطقى و الحقيقة إن معظم مواجهات شيجاراكى خصوصا فى البداية ماكانتش توحى بالقوة بس فى نقطتين مهمين بالإضافة لموضوع تطوره المستمر على مدار العمل

أولا إحنا ماشفناش قدرات شيجاراكى القتالية بالكامل فى مواجهة حقيقية ، فى المواجهات خصوصا فى بداية العمل شيجاراكى ماكانش بيتصرف بجدية و ماكانش بيكمل المواجهة للآخر ده غير إنه كان بيعتمد على النومو بشكل أساسى و بعد كده تصرفاته كانت أقرب للتهديد من إنها تبقى مواجهة حقيقية

ثانيا و الأهم ، بالرغم من إن تطور شيجاراكى مناظر لتطور ميدوريا إلا إنه بيمشى فى إتجاه مختلف نسبيا
فى الوقت اللى ميدوريا بيركز على تطوير قدراته ، معظم تطور شيجاراكى يبقى من الناحية النفسية أكثر و اللى تعتبر نقطة ضعفه الأساسية ، الهدف من تطور شيجاراكى هو قدرته على قيادة باقى الأشرار فى محل أول فور وان و ده اللى ابتدينا نشوفه فى الآرك اللى فات لما قدر لأول مرة إنه يستخدم أتباعه بالشكل الصحيح ده غير إن بقى عندهم ولاء حقيقى ليه و من هنا خطورة شيجاراكى الحقيقية هاتبتدى تظهر ، ميدوريا و شيجاراكى بيتطوروا فى نفس الوقت بس بشكل مختلف لأن طريقة عمل الأبطال مختلفة عن الأشرار و ماظنش إن القوة هاتبقى العامل الوحيد فى المواجهة بينهم
 

AM152

True Gamer
شابتر 164

تجاوز مشاكل الآرك السابق مش هاتبقى عملية سهلة خصوصا إنه ساب قلق من ناحية مستوى العمل بعد كده بس على الأقل الشابتر ده كان جيد و حبيته

موضوع كيمى تم توضيحه ، بالنسبة لى ماكانش عندى شك إنها حقيقية المرة دى لأن الموضوع انكشف خلاص و ماينفعش يتكرر بس فى هنا مشكلتين
الأولى إن كيمى الحقيقية ما خاضتش الإختبار من البداية و كنت أفضل لو إنها عادته مش إنها تكمل مكان توجا خصوصا إننا ماشفناش مستواها فى المواجهات
الثانية كانت فى شخصيتها ، لما كيمى ظهرت أول مرة و قبل ما عرف إنها توجا ماحبيتش شخصيتها بس كيمى الحقيقية على مستوى تانى :tired:
حتى زملائها علقوا على ده و إن شخصيتها هى اللى خلت استغلالها عملية سهلة بس يمكن ده اللى خلى مشاهد فشلها فى التعامل مع الأطفال أحسن بالنسبة لى :smirk:
ده بينقلنا للنقطة التانية و هى الإختبار نفسه ، بصراحة ده فعلا الإختبار المناسب للشخصيات دى خصوصا بالنسبة لباكوجو و اللى لازم يغير أسلوبه و إلا مش هايبقى فى امل إنه يبقى بطل
تعامل جانج أوركا مع المجموعة كان رهيب و ردود أفعال تودوروكى فى الشابتر كانت رائعة :tearsofjoy: ، باكوجو يستحق اللى حصله فى الشابتر :grimacing:

نهاية الشابتر كانت مفاجأة حقيقية ، أكيد سؤال إينديفور لأول مايت ماكانش سهل بأى شكل خصوصا مع مدى كبريائه بس ده يدل على كم الضغط اللى فيه حاليا و الأهم إحساسه بعدم قدرته على إنه يحل مكان أول مايت
إينديفور قضى حياته فى محاولة التفوق على أول مايت و حتى اللى عمله مع تودوروكى كان بنفس الهدف بعد ما حس إنه مش هايقدر يوصل لنفس مستوى القوة بس المرة دى تبقى أول مرة إينديفور يحس إن الفرق بينه و بين أول مايت مش مجرد القوة و إنما حاجة أكبر من كده و ده كان تطور جيد جدا للشخصية و حبيته فعلا


متفائل بالآرك ده المرة دى و اتمنى يكمل بالمستوى ده :emoji_slight_smile:
 

Ressbo

Mass of Chaotic
تجاوز مشاكل الآرك السابق مش هاتبقى عملية سهلة خصوصا إنه ساب قلق من ناحية مستوى العمل بعد كده بس على الأقل الشابتر ده كان جيد و حبيته
أتفق تمامًا مع كلامك ، بعد ما تعرض العمل لإختلال فجودة الأحداث فالأرك الأخير ، لأزم نرجع نشوف تحسين بشكل أفضل علشان نستعيد الجو العام لإستمرارية العمل بمستوى ممتاز.

موضوع كيمى تم توضيحه ، بالنسبة لى ماكانش عندى شك إنها حقيقية المرة دى لأن الموضوع انكشف خلاص و ماينفعش يتكرر بس فى هنا مشكلتين
الأولى إن كيمى الحقيقية ما خاضتش الإختبار من البداية و كنت أفضل لو إنها عادته مش إنها تكمل مكان توجا خصوصا إننا ماشفناش مستواها فى المواجهات
الثانية كانت فى شخصيتها ، لما كيمى ظهرت أول مرة و قبل ما عرف إنها توجا ماحبيتش شخصيتها بس كيمى الحقيقية على مستوى تانى :tired:
حتى زملائها علقوا على ده و إن شخصيتها هى اللى خلت استغلالها عملية سهلة بس يمكن ده اللى خلى مشاهد فشلها فى التعامل مع الأطفال أحسن بالنسبة لى :smirk:
نقطة كيمي كانت من النقاط المهمة إلي تم توضيحها فالشابتر بصراحة ، كون العمل ما أهمل فكرة أن منظمة الأشرار دخلت فرد من أفرادها بداخل فعالية مخصصة للأبطال وعودة تقديم النقطة هذي وتوضيحها بشكل مرتب كان شيء جميل بشكل عام. بالنسبة لإعادة الإختبار لكيمي أتوقع أن المسألة كانت على أساس أن الشخصية ما ظهرت من البداية والمنظمة أستغلت مشاركتها في الإمتحان وأنتحلت شخصيتها فعلشان ما تحس بنوع من الذنب بإلي حصل لها وكيف تم إستغلالها وبكونها ناسية أساسًا أيش حصل لها XD فهذي في رأي زي مسألة الرحم بالشيء أنهم رحموها وقالوها أوكي حتشاركي محل ما توقفتي فالإمتحان (أو محل ما توقفت توجا بالأصح). بالنسبة لشخصيتها كتوجا فهمم ما أتوقع كانت سيئة بالشكل إلي ذكرته بالنسبة لي كوني أعشق الشخصيات الشريرة P: لكنها فعلًا كانت ذو مستوى دون المتوسط كشخصية متنكرة بهوية أخرى ودى شيء طبيعي نلاحظه كون الشخصية فالأساس لها بناءها وتقديمها الخاص فمحاولة إبراز بعض الملامح الداخلية للشخصية كالتصرفات المجنونة والملامح الفاصلة هذي دليل على أن في شيء لأزم تستشعره فالعادة. بالنسبة لشخصية كيمي الأساسية ، أظن واضح للكل ليش كانت هدف سهل للمنظمة XD بس ما توقعت أنها حتكون بهالبرود مثل ملامحها :S كنت أتمنى نشوف لها ردة فعل مختلفة على الأقل تكسر فيه إنطباع الملامح الباردة بتصرفاتها.

ده بينقلنا للنقطة التانية و هى الإختبار نفسه ، بصراحة ده فعلا الإختبار المناسب للشخصيات دى خصوصا بالنسبة لباكوجو و اللى لازم يغير أسلوبه و إلا مش هايبقى فى امل إنه يبقى بطل
تعامل جانج أوركا مع المجموعة كان رهيب و ردود أفعال تودوروكى فى الشابتر كانت رائعة :tearsofjoy: ، باكوجو يستحق اللى حصله فى الشابتر :grimacing:
فعلًا الإختبار المناسب للأشخاص المناسبين ، حتى جزئية القوة تم ذكرها أن كل الثلاثة بيمتلكو مستوى عالي من القوة لكن كتصرف من القلب كأبطال فهم بيمتلكو الدرجة العظمى بالتأكيد (Zero). ما عجبتني فكرة أن كيمي أنضمت لتدريب مثل هذا ! فالأساس ما شفنا أي شيء بيظهر مستوى قوتها وحتى الجزئية هذي تم ذكرها من جانج أوركا نفسه كون كيمي ما أظهرت أي إثبات حقيقي لمستوى قوتها فالإمتحان الأساسي !! فمني عارف بصراحة لو حنشوف أحداث جيدة معاها أو لا لكن بشكل عام الإهتمام كله منصب على الثلاثة الباقيين وكيف حيتعاملو مع إختبارهم المفاجئ ، ما أتمنى شخصيًا أن الشخصيات فجأة تقلب القلب الحنون مباشرة لكن أتمنى أن حدتها تنخفض لمستوى معقول فالتعامل الإنساني على الأقل.

نهاية الشابتر كانت مفاجأة حقيقية ، أكيد سؤال إينديفور لأول مايت ماكانش سهل بأى شكل خصوصا مع مدى كبريائه بس ده يدل على كم الضغط اللى فيه حاليا و الأهم إحساسه بعدم قدرته على إنه يحل مكان أول مايت إينديفور قضى حياته فى محاولة التفوق على أول مايت و حتى اللى عمله مع تودوروكى كان بنفس الهدف بعد ما حس إنه مش هايقدر يوصل لنفس مستوى القوة بس المرة دى تبقى أول مرة إينديفور يحس إن الفرق بينه و بين أول مايت مش مجرد القوة و إنما حاجة أكبر من كده و ده كان تطور جيد جدا للشخصية و حبيته فعلا
هيا فعلًا مفاجئة وتعجب فنفس الوقت ! يعني بعد كل البناء إلي تم للشخصية وكيفية أن العادة المتعارف عليها بين الأول والثاني فالكراهية وبغض التفوق الحاصل من الأول للأخر. شيء كان يستبعد أن إينديفور فجأة حيسأل أو حيتكلم مع أول مايت بطريقة توحي بأنه شخصية مختلفة ! أعتقد أن المسألة زي ما ذكرت ما كان تصور إينديفور سهل للواقع زي ما كان متخيل أن الفرق بينهم كان فالقوة وأنه جلس يحث شوتو على تجاوز قوة أول مايت لإمتلاكه قوة كبيرة كعناصر مضادة (ثلج ونار). هذي لها علاقة بالكاريزما إلي تم تقديمها سابقًا مع "Chizome Akaguro" وكيف أن زي مافي كاريزما تبعث الناس على الإطمنان والراحة في هناك كاريزما بتحرض على القتل والإحساس بالرعب ، وهذا إلي تعرض له إينديفور لمن تواجه مع "Chizome Akaguro" ضغط الكاريزما الخاص بيه. قدر يمنع كل المتواجدين من الحركة لوهلة وبث الرعب فيهم. فأظن أن أول مايت حيحاول يفهمه أن لأبد يبدأ يكون له كاريزما خاصة فيه كبطل علشان ما يقع تحت تأثير ضغط الكاريزما المختلفة من الأشرار مستقبلًا. المسألة أشبه بالهاكي في عمل ون بيس وبالنين في هانتر x هانتز إذا كنت بتمتلك ظهور قوي حتقدر تأثر فالشخصيات المحيطة بيك.
 
التعديل الأخير:

AM152

True Gamer
نقطة كيمي كانت من النقاط المهمة إلي تم توضيحها فالشابتر بصراحة ، كون العمل ما أهمل فكرة أن منظمة الأشرار دخلت فرد من أفرادها بداخل فعالية مخصصة للأبطال وعودة تقديم النقطة هذي وتوضيحها بشكل مرتب كان شيء جميل بشكل عام. بالنسبة لإعادة الإختبار لكيمي أتوقع أن المسألة كانت على أساس أن الشخصية ما ظهرت من البداية والمنظمة أستغلت مشاركتها في الإمتحان وأنتحلت شخصيتها فعلشان ما تحس بنوع من الذنب بإلي حصل لها وكيف تم إستغلالها وبكونها ناسية أساسًا أيش حصل لها XD فهذي في رأي زي مسألة الرحم بالشيء أنهم رحموها وقالوها أوكي حتشاركي محل ما توقفتي فالإمتحان (أو محل ما توقفت توجا بالأصح). بالنسبة لشخصيتها كتوجا فهمم ما أتوقع كانت سيئة بالشكل إلي ذكرته بالنسبة لي كوني أعشق الشخصيات الشريرة P: لكنها فعلًا كانت ذو مستوى دون المتوسط كشخصية متنكرة بهوية أخرى ودى شيء طبيعي نلاحظه كون الشخصية فالأساس لها بناءها وتقديمها الخاص فمحاولة إبراز بعض الملامح الداخلية للشخصية كالتصرفات المجنونة والملامح الفاصلة هذي دليل على أن في شيء لأزم تستشعره فالعادة. بالنسبة لشخصية كيمي الأساسية ، أظن واضح للكل ليش كانت هدف سهل للمنظمة XD بس ما توقعت أنها حتكون بهالبرود مثل ملامحها :S كنت أتمنى نشوف لها ردة فعل مختلفة على الأقل تكسر فيه إنطباع الملامح الباردة بتصرفاتها.
للتوضيح انا ماكرهتش توجا و على العكس شايف إنها شخصية جيدة بس ماحبيتش توجا لما كانت كيمى فقط (لسبب شخصى) :tongueout:
بالنسبة لكيمى فكلامك منطقى و ممكن ده اللى يكون حصل فعلا و متفق معاك بخصوص نقطة الملامح الباردة و إن كان ده ممكن يرجع لطبيعة شخصيتها
فعلًا الإختبار المناسب للأشخاص المناسبين ، حتى جزئية القوة تم ذكرها أن كل الثلاثة بيمتلكو مستوى عالي من القوة لكن كتصرف من القلب كأبطال فهم بيمتلكو الدرجة العظمى بالتأكيد (Zero). ما عجبتني فكرة أن كيمي أنضمت لتدريب مثل هذا ! فالأساس ما شفنا أي شيء بيظهر مستوى قوتها وحتى الجزئية هذي تم ذكرها من جانج أوركا نفسه كون كيمي ما أظهرت أي إثبات حقيقي لمستوى قوتها فالإمتحان الأساسي !! فمني عارف بصراحة لو حنشوف أحداث جيدة معاها أو لا لكن بشكل عام الإهتمام كله منصب على الثلاثة الباقيين وكيف حيتعاملو مع إختبارهم المفاجئ ، ما أتمنى شخصيًا أن الشخصيات فجأة تقلب القلب الحنون مباشرة لكن أتمنى أن حدتها تنخفض لمستوى معقول فالتعامل الإنساني على الأقل.
بالنسبة لإنضمام كيمى للإختبار فأظن إن شخصيتها هى السبب ، كيمى عندها مشاكل حقيقية فى الشخصية و للسبب ده المنظمة استغلتها قبل كده و ممكن بسهولة يتم استغلالها من أطراف تانية فى المستقبل خصوصا إنه واضح إنها منفصلة عن الواقع ، ده متفق برضه مع اللى قاله جانج اوركا إن من أسلوبها واضح إن ماعندهاش مقومات النجاح فى الإختبار ده ، اللى أظنه إن دخول كيمى للإختبار كان بهدف محاولة تطوير شخصيتها و تعليمها لتحمل المسئولية و التعامل كشخصية ناضجة
بالنسبة لباقى الشخصيات ماظنش إنها هاتقلب فجأة خصوصا إن التطور المنطقى ليهم يبقى أحد نقاط قوة العمل و اللى مازالت مستمرة حتى الآن :emoji_slight_smile:

هيا فعلًا مفاجئة وتعجب فنفس الوقت ! يعني بعد كل البناء إلي تم للشخصية وكيفية أن العادة المتعارف عليها بين الأول والثاني فالكراهية وبغض التفوق الحاصل من الأول للأخر. شيء كان يستبعد أن إينديفور فجأة حيسأل أو حيتكلم مع أول مايت بطريقة توحي بأنه شخصية مختلفة ! أعتقد أن المسألة زي ما ذكرت ما كان تصور إينديفور سهل للواقع زي ما كان متخيل أن الفرق بينهم كان فالقوة وأنه جلس يحث شوتو على تجاوز قوة أول مايت لإمتلاكه قوة كبيرة كعناصر مضادة (ثلج ونار). هذي لها علاقة بالكاريزما إلي تم تقديمها سابقًا مع "Chizome Akaguro" وكيف أن زي مافي كاريزما تبعث الناس على الإطمنان والراحة في هناك كاريزما بتحرض على القتل والإحساس بالرعب ، وهذا إلي تعرض له إينديفور لمن تواجه مع "Chizome Akaguro" ضغط الكاريزما الخاص بيه. قدر يمنع كل المتواجدين من الحركة لوهلة وبث الرعب فيهم. فأظن أن أول مايت حيحاول يفهمه أن لأبد يبدأ يكون له كاريزما خاصة فيه كبطل علشان ما يقع تحت تأثير ضغط الكاريزما المختلفة من الأشرار مستقبلًا. المسألة أشبه بالهاكي في عمل ون بيس وبالنين في هانتر x هانتز إذا كنت بتمتلك ظهور قوي حتقدر تأثر فالشخصيات المحيطة بيك

بالرغم من محاولات إينديفور المستمرة للتفوق على أول مايت و ممكن كراهيته ليه إلا إنه فى نفس الوقت كان عنده تقدير حقيقى لقوته و ده تم توضيحه فعلا أثناء المواجهة مع أول فور وان و طريقة تعامله مع اول مايت فى الآرك
على مدار الوقت إينديفور أدرك مدى الفرق بينه و بين أول مايت و مدى قوة الأخير و ده خلاه يقدره فعلا بالرغم من المنافسة بينهم بدليل إنه ماحبش إنه بقى الأول نتيجة فقدان أول مايت لقوته فقط بس المشكلة إنه كان فاكر إن الفرق ده ناتج عن القوة فقط و أخيرا أدرك إنه كان مخطئ ،للسبب ده و بالرغم من إن اللى حصل كان مفاجئ إلا إنه منطقى فى نفس الوقت و ماشى مع اللى شفناه من الشخصية و متفق معاك بخصوص الكاريزما
 
أعلى