hits counter

الموضوع الرسمي Metal Gear Solid V: The Phantom Pain | لا من أجل العدالة، و لا الحب، فقط من أجل…Hideo!

hussien-11

Senior Content Specialist
حمستني يارجٌل
شكلي بداوم مواصل

أنا مثلك، اللعبة قاعدة تحرمني النوم لوول، قليل ألعاب قدرت تسوي فيني هالشي.

بالمناسبة، لا تفهموني غلط... بس ايش كوايت قاعدة تسوي في الطيارة ؟ ::laugh::

تباً لك يا كوجيما.
 

Fatal Error

True Gamer
بالنسبة للمهمة ١٦
في طريقة سهلة تقدر تنهيها بS حتى، لازم يكون عندك فولتون يشيل الشاحنة، روح للقاعدة الي فيها الشاحنة في باب صغير جهة المباني الي جنب الشاحنة تدخل منها، واجري للشاحنة وبعد العرض على طول سويلها فولتون وارجع اجري للجهة المقابلة بتحصل cargo (شحنة؟) اطلع فوقها وسويلها فولتون واضغط مثلث بعدها على طول عشان تتمسك فيها وتطلع معاها.

ياخي الاستراتيجية في اللعبة حاجة رهيبة، وحدة من المهمات ماني فاكر اي وحدة كان في كذا سيارتين بيروحوا لجهة وفي واحد لازم اخطفه من الجنود، رحت اول مرة وانتبهوا لي وقتلوني قلت اوكي انتبهت ان الهدف كان في السيارة الثانية، وكان راح يمشوا في طريق فيه على الجنب تلة صغيرة اقدر اندس عندها، حطيت الC4 قدام للسيارة الاولى وعلى يسار الطريق حطيت Decoy (يطلع بلونه على شكل بيج بوس) وجهزت قنبلة الدخان ولما وصلوا فجرت الC4، وشغلت الDecoy وراح له واحد من الجنود ولما جيت باارمي الغاز انتبهت ان فوقي هيلوكبتر خرب كل شي علي، بس انتظرت الين مامشي ورميت الغاز ضربت الهدف وسط الدخان حطيته في السيارة وهربت فيه.
 
التعديل الأخير:

صامد

عضو
خلصتها، كانت بتكون فعلا لعبة للتاريخ لولا التخبيص في توجه القصة.
نظام اللعب متقن واساس قوي قلما تلقاه في العاب اخرى...اشياء مزعجة مثل نظام الحفظ تداخل المحادثات التنقل بالهليكوبتر الخ تأقلمت معها علشانه لكن الي معه ماقدرت هو مهمات القصة، معظمها بدون توجه قصصي غير المتكرر منها غير الاستبدال الغريب لمهمات قصة بجانبية والعكس، يعني حتى بيس ووكر الي مجس5 توسع عليها لقيت فيها دافع اكثر عشان اكمل سواءا قصصي او حتى تعاوني مع الشباب..كوجيما كان المفروض يبني على بيس ووكر بشكل افضل من هاللعبة.
سنيك في هالجزء اعجبت فيه اكثر من الاجزاء الماضيه، السكوت والردود المقتضبة تليق فيه اكثر من ترديد نفس الجملة كالببغاء. النهاية الحقيقية ماكان لها تاثير كبير علي سواءا اعجاب او احباط بس يبيلي وقت للتفكير وقراءة التحليلات قبل الحكم.
كوجيما كان لازم يشتغل على شي جديد من زمااان بدل من استنزاف افكاره على ميتل جير، لكن للاسف الواقع غير...تظل لعبة تستحق كل تقدير وفي نفس الوقت متفهم ومتقبل لكل محبط من اللعبة.
 

Daud

True Gamer
حاليا بلعب اللعبة على اقل مهلي بس للي نهوا اللعبة هل ممكن احصل على النهايتين في نفس البليثرو ام لازم العبها من جديد?
 

صامد

عضو
حاليا بلعب اللعبة على اقل مهلي بس للي نهوا اللعبة هل ممكن احصل على النهايتين في نفس البليثرو ام لازم العبها من جديد?
نفس التختيمة، بس في مهام متكررة.
 

squall leonhart

True Gamer
الكلام الي قريته هنا يخليني اتاكد ان لللعبة هذي هي بيس والكر بدون قيود المحمول .. حتي الكلام ان النهايه فيها اشياء اكثر بعد ما تختم اللعبة يذكرني باهم حدث في بيس والكر الي يجي بعد المهات الاضافيه ..

انا لسي في ثاني مهمه اظن .. الدوام ماخذ وقتي كله .. بس احاول اعطيها وقت من فتره لفتره
 

Fatal Error

True Gamer
وبالعكس انا اشوف البيئة في اللعبة رغم انهم مافيهم ناس بس اشوفها من اجمل البيئات واكثرهم حياة وواقعية في الالعاب، تصميم الجبال والنحوتات والاشجار مع الحركة ومع الاضائة شي مجنون خصوصاً الغابات في الفجرية طالعة جميلة جداً، الجرافيكس من ناحية موديلز وتكشرز عادية بس النتيجة طالعة مبهرة، ومتحسف على المحرك انه عندك كونامي.

نظام الحفظ لازم تنتبهوا انه مايحفظ الا برا البوست طالما انت لسى وسطه ماراح يحفظ فكل فترة لو بتحفظ اطلع من البوست وارجع، اتمنى يضيفوا انه يحفظ لما تسيطر على المركز او القاعدة.
 

Fatal Error

True Gamer
بالنسبة للنهاية الفعلية اول شي ماادري ليش الناس كانت تقول ماهي دارية اذا خلصت اللعبة او لا على الشابتر الاول، مو كان مكتوب شابتر ٢ بعدها وجابلك تريلر للاحداث القادمة، فواضح ان في تكملة، والنهاية "الفعلية" هي النهاية، مو زي بيس والكر كانت مخفية، بالنسبة للقصة الطفيليات هي النانومشينز الجديدة كل شوي الطفيليات الطفيليات. بعض الحوارات الي في العروض خاصة الي كان يقولها skull face، طالعة بشكل غبي، زي الجملة الي قالها لما تحرك الميتل جير، شرحوها في الاشرطة ان مانتيس ينجذب للغضب والانتقام فااستغرب سكل فيس لما سيبه مانتيس وراح لشخص ثاني، بس مايمنع ان شكله كان غبي وهو يقولها.
النهاية الحقيقة كانت واضحة من مليون كيلو ومن البداية ماعرف يخبيها كوجيما، خصوصا مع التلميحات الي كل شخص يشوفه ينتبه انه مش البيج بوس والصورة المطوية فأول اللعبة، وعشان كذا ما تكلمت على صمته في العروض، لان كوجيما بيوصل الفكرة ذي. (بس مشيت علي مرة، استغربت من نتيجة الابوة تبع Eli قلت كيف؟ واضح انه ليكويد)

وماعجبني التصريفة حقت اوه هذا الي قتلته في MG1، يعني في اشياء زي الكوبرا يونيت وفولجن وذي مو لازم تقعد توضحها اذا السبب بيطلع اعتباطي برضوا، وفولجن ماله اي داعي ماادري ليش مرجعه.
وبرضوا في اشياء ناقصة مالها شرح زي الميتل جير وEli فين راحوا المفروض اقدر ارجعه، وفولجن حطيته في الحجر وماني محصله الان، ماادري اذا باقي لي شي او لا.

باقيلي المهمة ٤٥ معلق فيها ولاني قادر اطلع منها للACC، يااعيدها او اخرج للقائمة الرئيسية، المشكلة الدبابات من ضربة وتقتلني والصواريخ الي عندي سيئة يبغالك كذا ضربة عشان تنفجر الدبابة، حاولت ارسل Support واحدة من الدبابات الي عندي بس تنفجر من ضربة وحدة، والهبلة كوايت مامنها فايدة معاهم، قفلت اللعبة وقلت ارجع لها بعدين.

تسلم حسين، انتبهت ان الي بيسوي اقتباس راح يطلع له الكلام كامل ففصلت الرد.
 

Punished Noctis

A Silver Bullet
تباً!!!!!!!!!!!!!!!!!!!
قصة اللعبة اعمق من ما الكل يتوقع!!!!!!!!!!!!!!!
اللي ما وصل للنهاية الفعليه لا يتكلم!!!!!!!!!!!!!

وكثير انهوا اللعبة - بالنهاية الحقيقية - وقالوا نفس الكلام ..
البعض الله يهديه حكم من اول ساعتين &

جميل جدا ياريت لو كل الشباب الي حكموا على القصة بالسوء وخسفوا باللعب خسف يقرأون كلامك :)

*يتنهد*

k8jmczR.png


النهاية "العبقرية" هذه.. مازادت القصة الا سوءاً وإهانة في نظري.
ارجوكم بطلوا ترقعوا للعبة... اللي عجبته القصة شيء لطيف ومبروك عليه ونقول الآراء تختلف... لكن لا تحاولوا تطلعوا اي شخص ماحبها انه "ما لعب فيها إلا ساعتين" أو "يبغى فيلم تفاعلي" أو مدري إيش الموضة القادمة في هذا الموضوع... لأن هذا الكلام، ببساطة، غلط.
 

Ray Gun

Banned
محرك فوكس مع الجو الممطر متعه بصريه، وفعلاً البيئات في اللعبة شي رهيب،
انا اكثر شي عاجبني فيها ان فيها روح كلاسيكية .. سروال الجنود القصير ملابس كاز ونظارته صوت السبلاي امو لما ينزل من فوق، موسيقات اللعبه المختاره بعنايه فائقه، فالمهمات الجانبيه اشغل الاغاني والعب شعور كلاسيكي رهيب
 

W.W.W

True Gamer
توني ادري ان الدبابه ,
تقدر تشيلها بالمنطاد بعدوها برضو
^_^"
 

Bill Cober

True Gamer
*يتنهد*

k8jmczR.png


النهاية "العبقرية" هذه.. مازادت القصة الا سوءاً وإهانة في نظري.
ارجوكم بطلوا ترقعوا للعبة... اللي عجبته القصة شيء لطيف ومبروك عليه ونقول الآراء تختلف... لكن لا تحاولوا تطلعوا اي شخص ماحبها انه "ما لعب فيها إلا ساعتين" أو "يبغى فيلم تفاعلي" أو مدري إيش الموضة القادمة في هذا الموضوع... لأن هذا الكلام، ببساطة، غلط.

هذا رأيك الشخصي وليس حقيقة كونية ثابتة

اترك التعصب جانبا ولاتجبر أجدا على الأخذ برأيك فالناس أذواق في النهاية ;)
 

Bill Cober

True Gamer
W.W.W

الله يرضى عليك اكتب رقم المرحلة والفصل في السبولير
 

ABUALI

True Gamer
ا
المهمه اللي تروح فيها ل حميد وتاخذ سلاح قاذف الصواريخ bee مدري شسمه... شفت واحد في يوتيوب راح للمهمه بالهولكبتر قبل الكهف مباشره " لازم تكون مفجر الرادار في اول محاوله" دش بالهوليكبتر وفجر مضادات الطيارات وبعدين دخل الكهف
المهمه هذي اللي لعبها لازم يتذكر طول المهمه شقد... انا خلصتها في ازيد من ساعه لأن لدروب بوينت بعيد جدا ونقاط تفتيش كثيره جدا... كوجيما عيشنا جو ما ينمل... ان لو بغيت انهي هذي المهمه مره ثانيه مع راح اتنفر فيها من طولها الكبير وبالعكس، راح احس انها مهمه ثانيه وبدخل باستراتيجيه مختلف تماما

نصيحه خارج السبويلر.... اي مهمه تسوونها دمرو الدش الكبير.. ينفع بعدين علشان تقرب مكان نزول الهوليكبتر
 

Bill Cober

True Gamer
خلصتها، كانت بتكون فعلا لعبة للتاريخ لولا التخبيص في توجه القصة.
نظام اللعب متقن واساس قوي قلما تلقاه في العاب اخرى...اشياء مزعجة مثل نظام الحفظ تداخل المحادثات التنقل بالهليكوبتر الخ تأقلمت معها علشانه لكن الي معه ماقدرت هو مهمات القصة، معظمها بدون توجه قصصي غير المتكرر منها غير الاستبدال الغريب لمهمات قصة بجانبية والعكس، يعني حتى بيس ووكر الي مجس5 توسع عليها لقيت فيها دافع اكثر عشان اكمل سواءا قصصي او حتى تعاوني مع الشباب..كوجيما كان المفروض يبني على بيس ووكر بشكل افضل من هاللعبة.
سنيك في هالجزء اعجبت فيه اكثر من الاجزاء الماضيه، السكوت والردود المقتضبة تليق فيه اكثر من ترديد نفس الجملة كالببغاء. النهاية الحقيقية ماكان لها تاثير كبير علي سواءا اعجاب او احباط بس يبيلي وقت للتفكير وقراءة التحليلات قبل الحكم.
كوجيما كان لازم يشتغل على شي جديد من زمااان بدل من استنزاف افكاره على ميتل جير، لكن للاسف الواقع غير...تظل لعبة تستحق كل تقدير وفي نفس الوقت متفهم ومتقبل لكل محبط من اللعبة.

صحيح ان في شوية لخبطة بين المهمات الرئيسية والفرعية بس الظاهر ان كوجيما عمل هذا الشئ عشان يخلي اللاعب يعطي اهتمام للمهمات الفرعية

وأنا ألعب المهمات الفرعية عشان أزيد من عدد الأعضاء في الوحدات أو عشان أغير جو :)
 

Bill Cober

True Gamer
ا
المهمه اللي تروح فيها ل حميد وتاخذ سلاح قاذف الصواريخ bee مدري شسمه... شفت واحد في يوتيوب راح للمهمه بالهولكبتر قبل الكهف مباشره " لازم تكون مفجر الرادار في اول محاوله" دش بالهوليكبتر وفجر مضادات الطيارات وبعدين دخل الكهف
المهمه هذي اللي لعبها لازم يتذكر طول المهمه شقد... انا خلصتها في ازيد من ساعه لأن لدروب بوينت بعيد جدا ونقاط تفتيش كثيره جدا... كوجيما عيشنا جو ما ينمل... ان لو بغيت انهي هذي المهمه مره ثانيه مع راح اتنفر فيها من طولها الكبير وبالعكس، راح احس انها مهمه ثانيه وبدخل باستراتيجيه مختلف تماما

نصيحه خارج السبويلر.... اي مهمه تسوونها دمرو الدش الكبير.. ينفع بعدين علشان تقرب مكان نزول الهوليكبتر
هذه النصيحة بدأت أطبقها مؤخرا :)
 

Fatal Error

True Gamer
بالنسبة للاراء حول القصة
النهاية الفعلية مابتلغي القصة الي صارت في شابتر ١ فماراح تضيف شي ممكن يغير رأيك عنها، انا اتفهم الي ماعجبته وشخصية سكل فيس ماكانت ممتازة، ماحسيت اني مرتبط معاه، كان اجوف واسبابه ماتعاطفت معاه فيها مجرد صراخ وغضب بطريقة مسرحية، بس الي يهمني في النهاية كان زيرو وسايفر و مانتيس والرجل الناري واسماعيل وايلي، هذولي الي كانت ابغى اعرف عنهم، وقصصهم ماكانت مرضية او مشبعة كفاية بالنسبة لي.

اوه تذكرت نسيت
شيكو ايش صار عليه طيب مجرد مات في الحادث!؟ كأنه شخصية جانبيه ماله اهمية! ويقولها كاز بطريقة سريعة كذا لما يتكلم عن الاطفال؟ يعني اذا باز متعب نفسك ومرجعها، ولا مرجعها عشان الفانز بس.
 
التعديل الأخير:

bXNmbQ==

True Gamer
حاليا انا فقط باقي لي الحلقة 45 و 46 و المشكلة كوايت في medical platform فكيف استخدمها ؟
 

Sultan/X

Banned
مدري لية بس احب اتمشى برجولي لن الانميشن والاضائة والاكتشاف والتجميع وصيد الحيوانات ....
 

game for new

True Gamer
في احد نفسي 90% من مهمات انغولا اروحهم ركيض ههههه؟ الصراحة استمتع وانا اركض لأن تقريبا المساحة مفتوحة بالكامل في انغولا عكس افغاستان اله لازم تاخذ سيارة او حصان لأن اغلبها جبال وهضاب .
 

HeNNeSSy

True Gamer
عقب ما وقفت كم يوم عن اللعب وصلت للمهمة 28 الصراحة لاتعليق أفضل episode لعبته من بداية اللعبة :eek:
 

V Project

True Gamer
*يتنهد*

k8jmczR.png


النهاية "العبقرية" هذه.. مازادت القصة الا سوءاً وإهانة في نظري.
ارجوكم بطلوا ترقعوا للعبة
... اللي عجبته القصة شيء لطيف ومبروك عليه ونقول الآراء تختلف... لكن لا تحاولوا تطلعوا اي شخص ماحبها انه "ما لعب فيها إلا ساعتين" أو "يبغى فيلم تفاعلي" أو مدري إيش الموضة القادمة في هذا الموضوع... لأن هذا الكلام، ببساطة، غلط.

TPHAplo.gif


---------------------------------------------------------------------------------

مشهد السيارة حق فينوم سنيك وسكول فيس وسكول فيس يبربر ويتكلم وبعدين دخلت اغنية والمسافة طويلة وطول الوقت سنيك ساكت ظلمناه واثاريه مسكين ما يدري شالسالفه ههههههههههه والله اعلم (الرجال صدق نفسه انه من جد بيق بوس، لفترة من الزمن صدق الكذبه وعاشها وصدقوها كثيررر بينما بيق بوس الحقيقي كان يبني الجيش الحقيقي وهذا السبب اللي خلى كاز يقلب على بيق بوس الحقيقي ويدرب سوليد سنيك) :D
 
التعديل الأخير:

adel 10

Gamer
*يتنهد*

k8jmczR.png


النهاية "العبقرية" هذه.. مازادت القصة الا سوءاً وإهانة في نظري.
ارجوكم بطلوا ترقعوا للعبة... اللي عجبته القصة شيء لطيف ومبروك عليه ونقول الآراء تختلف... لكن لا تحاولوا تطلعوا اي شخص ماحبها انه "ما لعب فيها إلا ساعتين" أو "يبغى فيلم تفاعلي" أو مدري إيش الموضة القادمة في هذا الموضوع... لأن هذا الكلام، ببساطة، غلط.
وش فيك اخوي دايما مافي شي عاجبك

كل م اشوف ردودك اتذكر

2_01279758256_400x400.jpg

سنفور غضبان مافي شي يعجبك مره

لازم تبي تمشي رايك علينا كل شوي بطلوا تطبيل للقصه والخ
كل رودودك كذه

اذا فعلا م عجبتك عادي مو شرط تعجبك بس حاول لاتقول للي عجبهم لاتطبلوا للقصه!

انا عجبتني مره وخاصه النهايه وعرفنا سر سكوت فينوم سنيك لانه مو البيق بوس الحقيقي لانه الحقيقي ف الخفاء شغال ع دولة الاوتر هيفين

وبالعكس صرنا اللحين ننظر ل احداث MG1 , MG2 نظره ثانيه خاصه لما عرفنا انه فينوم سنيك هو اللي واجه سولد سنيك ف الجزء الاول والثاني البيق بوس الحقيقي غير مواجة قراي فوكس طبعا

نهاية فانتوم بين راح تخليك تتمنى من كونامي مشروع الجزء الاول والثاني تنزل ريميك لها ع الجيل الجديد من احداث مجنونه ومشوقه وسببها طبعا فانتوم بين
انا متاكد اكثر شي م عجبك ف القصه قلة العروض طبعا ذا بالنسبه لك لانها هي بالاساس طويله بس مع مدة القيمبلاي الطويل جدا تحسها قصيره

طولها يوصل ال 4 ساعات وشوي لايقل عن الاجزاء اللي فاتت ب استثناء الرابع اللي كان مره طويل

ف لو فرضنا انها كانت خطيه مو عالم مفتوح ولا شي متاكد كان رايك مو كذه

ع العموم رايك واحترموا بس اهم شي لاتقول للناس الثانيه بطلوا تطبيل

واسف اذا ضايقك موضوع سنفور غضبان لول
 

LegendaryK

True Gamer
على اني لسه مالعبت الا اول تشابترين
بالنسبة للي يقولون اللعبة كلها تكرار يعني لعبة عالم مفتوح ب30 ساعة على اقل تقدير كيف ماتبون يصير فيها تكرار !!
 

Tia

ᴛʜᴇ ROTTEN-UNTAINTED
على اني لسه مالعبت الا اول تشابترين
بالنسبة للي يقولون اللعبة كلها تكرار يعني لعبة عالم مفتوح ب30 ساعة على اقل تقدير كيف ماتبون يصير فيها تكرار !!

اساساً السيتينج نفسه يحتم التكرار، البيغ بوس في طور بناء قاعدته الخاصة و يحتاج ايدي عاملة و موارد و مهمات انقاذ السجناء و تدمير مواقع السوفييت لازم تتواجد كذا مرة.

==

تقريباً خلصت 18 ساعة و شوي من اللعبة، و ما خلصت الا 14%.. على كذا بالراحة راح اتجاوز المية ساعة.:p
 

Century Wizard

Become Human
شباب باقي شوي بس و تحرقون النهاية علينا
من سواليفكم عرفنا ان فيه نهايتين و النهاية الحقيقية تافهة
وفيه تويست ومش عارف ايش

ومتأكد رح يجي شخص يحرقها بالغلط
ويعتذر بكل بساطه

رجاءاً حطو كل كلامكم عن النهاية في سبويلر و ريحونا
او افتحو لكم موضوع spoiler free
 

kiryu

True Gamer
بالنسبة للاراء حول القصة
النهاية الفعلية مابتلغي القصة الي صارت في شابتر ١ فماراح تضيف شي ممكن يغير رأيك عنها، انا اتفهم الي ماعجبته وشخصية سكل فيس ماكانت ممتازة، ماحسيت اني مرتبط معاه، كان اجوف واسبابه ماتعاطفت معاه فيها مجرد صراخ وغضب بطريقة مسرحية، بس الي يهمني في النهاية كان زيرو وسايفر و مانتيس والرجل الناري واسماعيل وايلي، هذولي الي كانت ابغى اعرف عنهم، وقصصهم ماكانت مرضية او مشبعة كفاية بالنسبة لي.

اوه تذكرت نسيت
شيكو ايش صار عليه طيب مجرد مات في الحادث!؟ كأنه شخصية جانبيه ماله اهمية! ويقولها كاز بطريقة سريعة كذا لما يتكلم عن الاطفال؟ يعني اذا باز متعب نفسك ومرجعها، ولا مرجعها عشان الفانز بس.
كمل قصة باز أقعد جمع باقي الصور من المهمات الجانبية تبع أسترجاع جنود المذربيس القديمة.
 

Black JK

True Gamer
خلصت اللعبة

للأسف هاذي اول ميتل جير اخلصها وانا غير راضي ابداً من اللي قاعد يصير من ناحية قصصية، لطالما كانت السلسلة هي الأفضل من ناحية القصة والأحداث بدءاً من الجزء الأول، لكن هذا الجزء كان سقطة اليمة جداً حتى قصة بورتبل اوبس افضل من هذا

الجيمبلاي لا غبار عليه، الأفضل على الأطلاق إدماني و ممتع جداً، العديد من الخيارات اللامحدودة لإنهاء المهمة كما تريد وكما ترغب

لكن القصة كانت شيء محير جداً، في الإجزاء الماضية كان كل مشهد وكل محادثة كوديك يبقى عالقاً في الذاكرة، لكن هنا لم اجد اي مشهد يستحق البقاء في المخ

للأسف القصة كانت ناقصة جداً في كل شيء، ما أدري مين راح الوم كوجيما ومدة تطويره الفلكية؟ او كونامي المتذمرة من تكاليف اللعبة الباهظة؟ لأول مرة احس ان الأحداث كانت ناقصة وغير مكتملة وكأني اقرأ كتاب اوراقه مقطعة، شيء محزن جداً للعبة كوجيما الأخيرة

حالياً راح احاول اجيب 100% واشوف اذا كان هناك تتمة للقصة او اي شيء يبرر اللي صاير مثل بيس والكر.

محبط جداً، على هذه الحالة اللعبة ما راح تأخذ الجوتي
 
أعلى