Metal Gear Moblie متوافرة للنوكيا حاليا !

[Snake-87]

Metal Gear Moblie متوافرة للنوكيا حاليا ! تحديث : تم إنهاء اللعبة والإنطباعات بالداخل

Metal Gear Solid Mobile is now available in the N-Gage application showroom. Tab over to Showroom and hit ‘Check for Updates’, then click on ‘Available Games.’

http://blog.n-gage.com/archive/metal-gear-solid-for-n-gage/

القصة رئيسية وليست فرعية مثل AC!D او جوست بايبل وأحداثها تدور بين الجزء الأول والثاني .
سعرها 13.46$ والديمو موجود
http://www.n-gage.com/ngi/ngage/web/kw/en/showroom/gamedetail.504.GameDetail.html

الأجهزة الداعمة للـN-Gage :

N78 N79 N81 N81 8GB N82 N85 N95 N95 8GB N96
5320 Xpress Music
6210 Navigator
(في فيرجنات ما تشتغل شوف الموقع الرسمي يعلمك إذا جهازك فيه أو لأ )
http://www.n-gage.com/ngi/ngage/web/us/en/get_ngage/download.html
(يطالع الأريكسون الي توه شاريه بنظرة حقد : ...)


تحديث
خلصت اللعبة والإنطباعات بالرد 21

 

[Id]

هههههههه

الله يعينك تشتري جوال نوكيا ...

بس اشوفك تحب

.. دائماً تستخدمها (&)

 

[Snake-87]

^
شكلي بروح ادور لي مستعمل , ما تسوى اشتري جهاز علشان لعبة xD --> (يصير خير ما يسوى xD)

اختارها دايما من سنوات , لأنه لونها اصفر وتجذب الإنتباه ^^

 

[Solay]

العاب الجوال تفك ازمات بعض الأحيان,واخيرا لعبة جوال محترمه.

 

[Flames]

N78 N79 N81 N81 8GB N82 N85 N95 N95 8GB N96
5320 Xpress Music
6210 Navigator

>_< , جهازي مو موجود > E50

لكن ودي اشتري 5320 Xpress Music من ينصحني ؟

 

[Snake-87]

^
في فيرجنات ما تشتغل شوف الموقع الرسمي يعلمك إذا جهازك فيه أو لأ قبل لا تشتري .
http://www.n-gage.com/ngi/ngage/web/us/en/get_ngage/download.html

ونسيت لا أقول
سعرها 13.46$ والديمو موجود
http://www.n-gage.com/ngi/ngage/web/kw/en/showroom/gamedetail.504.GameDetail.html
تحرير 2 / تقدر تشتري اللعبة كاملة لمدة اسبوع كامل بنصف السعر تقريبا أو يوم واحد بـ3 دولارات فقط , (اللعبة قصيرة لدرجة يوم واحد >.>؟ وإلا ستايل نوكيا دايما هالطقة ؟)

 

[Id]

تو دخلت الموقع وشفت صور للعبة ... شكلها طالع ممتاز كاللعبة جوال ..

موجودة في الماركت السعودي بـ14 دولار ..

 

[Tomb raider]

فيديو للي يبغي يشوف

[YOUTUBE]-9p5QK_PrSA[/YOUTUBE]

 

[Snake-87]

تو دخلت لوقع وشفت صور للعبة ... شكلها طالع ممتاز كاللعبة جوال ..

اللعبة حصدت أكثر من جائزة وتقاييمها عالية

"Grand Prix" and "Operator's Choice" awards at the 2008 International Mobile Gaming Awards

وفيها حركات حلوة , مثلا تبي تغير لون لبسك تستخدم الكاميرا وتختار اللون الي تبيه ويتغير لون لبس سنيك , تقدر تحول المنظور الأول وتحرك التلفون يمين ويسار بالكاميرا وتتحرك كاميرا اللعبة .
ولا ننسى القصة X3 .

 

[Aoks]

القصة رئيسية وليست فرعية مثل AC!D او جوست بايبل وأحداثها تدور بين الجزء الأول والثاني .

كأني سمعت ان الاحداث بين الثاني والرابع ؟
​

 

[Zero]

المشكلة أني بعت الـN82 >_> ، وليش تاخذ مستعمل ؟ ترا N78 وN82 وN95 صارت أسعارهم برخص التراب خصوصا أول واحد (&) .

طبعا ما يحتاج أذكر أن هذه الأجهزة نظامها ذكي وفيها معالج ورام محترمين إلخ ، أصلا لعبة إسفلت نسخة الإنجيج طالعة أحلى من نسخة الدي اس وحتى فيفا يمكن .

تعديل: نسيت أذكر أن معظم ألعاب الإنجيج إذا مو كلهم لهم ديموز ، وترا في ألعاب ممتازة جدا مثل تيترس .

 

[Fire fox]

فيديو للي يبغي يشوف

[YOUTUBE]-9p5QK_PrSA[/YOUTUBE]

بيئة اللعبة تشبه بيئة افضل جزء بالسلسلة mgs 2 :rockon:

 

[Sky Walker]

جوالي نوكيا بس مايدعمها .__." ( N70 ودي اكسره بس محصله هدية ×_×" )

 

[Snake-87]

نسيت أذكر أن معظم ألعاب الإنجيج إذا مو كلهم لهم ديموز ، وترا في ألعاب ممتازة جدا مثل تيترس .

ميتل جير , ديمو ؟ عيييييب
هاااع

[youtube]erKAppJN0us[/youtube]
(دبرّت موبايل مؤقتا)

 

[Zero]

N78 سعره واصل 899 ريال في اكسترا عندنا ، سبحان الله أسعار الجوالات طاحت لأن ما حد يشتري والكل ينتظر تخفيض .. أول شيء كان 2000 شوي صار 1800 وشوي نازل ل1600 وشوي على 1300-1400 وشوي على الألف وفوقها شوي .

ونفس الشيء باقي الجوالات ، النصابين ما لهم أمل غير أن ينزلوا أسعار الجوالات بعد فترة بسيطة بعدين الكل بيشتري ، الأسعار ما صارت توصل سعرها الحقيقي وبس بل صارت أرخص من برا وبفرق كبير .

صرت أفكر آخذ جوال نوكيا بشكل فعلي بعد الانتقال لها مؤقتا (&) .


على العموم .. مو ميتل جير اللي محتاجة ديمو XD ، نزل ديموز لألعاب مثل تيترس وبتشوف أن بعض الألعاب تسوى وبقوة .

 

[emtak]

ممكن أحد يدلني على جوال سعره معقول ويشغل اللعبة

بلييييييييييز

:crying: :crying: :crying:​

 

[Zero]

^
قرأت ردي ؟ N78 جهاز قوي جدا وفيه كل ما تتمنى موجود ب899 ريال في اكسترا وبسعر قريب في المحلات وعندك N82 صار سعره حلو .



أصلا بعض جوالات الجيدة في المعالج والرام واللي ما فيها الخدمة تشغل ألعاب الإنجيج بطرق ملتوية :laugh:: .

 

[The Doctor]

وين نسخة الاريكسون؟ >:-(

 

[Zero]

وين نسخة الاريكسون؟ >:-(

جوالات اليابان المتطورة فقط : (

 

[emtak]

يعطيك العافية أخوي zero

معليش ما انتبهت لردك

 

[Snake-87]

خلصت اللعبة قبل شوي

(اول شي كنت بكتب انطباعات عالسريع بعدين قلت اخليها شوي رسمية فاختلط الحابل بالنابل , شوي فصحى وشوي عامي (&) )

بالبداية , كل واحد متحمس لها بقوة علشان القصة راح يصاب بخيبة أمل كبيرة جدا جدا .

تبدأ بالشاشة الرئيسية والحماس ماكلك لأنك بتلعب ميتل جير مرة أخرى , القائمة فيها خيارات بسيطة مثل الرانك العالمي (رقمي 27 :evil: والإعدادات والأتشيفمنت الي مطلعه والي ما طلعته (نظام N-gage كوبي بيست من الأكس بوكس) وأخيرا الـ VR للتدريب .


التحكم : التحكم سلس وسهل
استخدم الأسهم للتحرك وزر 0 للمنظور الأول وزر الآكشن (الي بين الأسهم) لاستخدام السلاح أو الاداة و اللكمات (مثل مجس 2 : لكمتين ثم ركلة خلفية) أو الخنق, وإذا كنت تبي تدخل فتحة تكييف ايضا نفس الزر و أخيرا تسلق الصناديق والتعلق على الحواف .
زر الـ* تستخدمه في المنظور الأول للتبديل بين التحكم بالكاميرا حيث انك تقدر تلف التلفون لي اليسار على سبيل المثال الكاميرا راح تتجه لليسار أو تقدر تخليه طبيعي وتتحكم بالأسهم .
الزر الأيمن بالتلفون تستخدم فيه الأسلحة ولما تضغط يسار يحولك للأدوات .
الزر الأيسر توقف اللعبة .


*اللعبة بشكل عام تشبه ميتل جير 2 بشكل كبير .
*الرادار واضح جدا مثل مجس الطبيعي والكاميرا كاميرا مجس 1,2 الكلاسيكية .
* تقدر طبعا تطبق أغلب حركات سنيك مثل النقر على الحائط و الخنق إلخ ...
*الكاميرات موجودة بالنوعين (كاميرا الإنذار وكاميرا الرشّاش) , القنابل المزروعة بمجسات ليزر بأماكن عديدة وتقدر تبطل مفعولها بأنك تطلق على جهاز تفعيلها (ما اعرف اسمه) لكي تستطيع المرور .
*إذا كشفك الحارس راح يتصل على ربعه كالعادة .
*إذا طرحته بالأرض اول ما يقوم راح يمشي خطوتين كأنه مايشوفك ويوقف وتطلع علامة ! فوق راسه (شي غبي) فتقدر تخنقه فورا .
* التصويب مو مضبوط عدل (سريع شوي) فأتوقع لو استخدم الكاميرا بمكان مضيئ راح يكون دقيق جدا .
*في صور على شكل حشرات موزعة على اللعبة , إذا صورتهم يطلع لك سكور باللعبة (يمكن 50 صورة) او اكثر .


نظام التخفي بهالجزء
ببداية اللعبة راح تجد انه لديك جهاز التخفي القديم ولما تحاول تستخدمه راح يتصل فيك اوتوكان ويقول لك انه خربان ولازم يضبطه لك , يدز لك شغلات بالنانوماشين ويشغله لك ولكن ما راح تكون مختفي دائما .
طريقة الإستخدام انك تطلع الكاميرا وتختار لك لون (بتصوير الكاميرا الحقيقي) ويتبدل لبسك كله على هاللون( أيضا تقدر تصور من داخل اللعبة) لكي تماشي لون المكان ويطلع لك عدّاد يبين لك إذا انت واضح أو لأ ( طريقة مجس3 بس عداد بدل الـ (%) ) وطريقة التغيير مثل الأوكتوكام بمجس4 , راح تستخدم هالحركة وايد باللعبة لأنه فيه أماكن ما تسمح لك بالمرور إلا لما يكون لون اللبس يشابه لون لبس الجنود بذاك المكان (كاميرات تدقق على هالشي ) .

الرسم ممتاز جدا ووجه سنيك احسن من مجس1 , فيه شوية ملامح , راح تلاحظ سنيك بعض الأحيان وهو يتفس يطلع منه فمه بخار من البرد , في مكان راح ينكسر فيه بايب ماء عملاق , الرسم كان ممتاز , استخدموا بيئة مجس 1 ومجس 2 حرفيا الأرضيات والأبواب والحمامات والجدران مأخوذة من مجس 1 و مجس2 والأماكن وترتيب الأماكن مشابه جدا لأماكن كثيرة بمجس 1 و2 مثل المخزن الي تأخذ منه السنايبر بالجزء الأول بس بدل 9 غرف 4 غرف , حمامات مجس 2 , الأرضية الي بالطابق الأول بمجس 1 (ارضية لون كامل وبالنص خط يوجهك للغرف) , الغرفة الموجودة بمجس 2 لما تقابل الرئيس الأمريكي حتى ثلاجات البيبسي والزرع نفسه . (هالحركة متعلقة بالقصة) .

الأسلحة :
* سوكوم
* M9
* قنابل chaff
* نيكيتا (تستخدم نفس السالفة الموجودة بصخر ومجس 1 و 2)
* C4 (تستخدم نفس السالفة الموجودة بمجس1) + تم تغييره قليلا (تقدر تحطه وتحط له عداد تنازلي وهو ينفجر بنفسه) .
* جهاز التخفي
الأدوات :
* الكاميرا
* ration
* الصندوق

الشخصيات :
سنيك واوتوكان وبس ’ ماكو شخصيات باللعبة تقريبا غير شخصيتين زيادة وما ودي اتكلم عنهم لأنهم زفت .
* القصة قصيرة جدا جدا ,و أحداث القصة طبعا بعد الجزء الأول مباشرة .
* حوارات الكوديك جيدة جدا وفيها روح ميتل جير .



اللعبة باختصار مع سبولرات (ماكو شي يسوى علشان يخترب) :

تقدر تقول قصة مجس 2 تقريبا بس بدون شخصيات إطلاقا ! بس شيل رايدن وحط سنيك .
بعد ما أخذ اوسلوت المخططات ملوت ميتل جير حاليا انت بمكان (ما اذكر اسمه) ويتصل فيك اوتوكان ويقول لك انه حصل على معلومات من داخل هالمكان على انه فيه مخططات ميتل جير , منو مصدره ؟ عالمة داخل هالمكان أول ما كلمتها بالكوديك و طلع وجهها علبالي حياة الفهد بس صغيرة eeved: .
تقول لك تكفى سنيك أنقذني لأنه انا ساهمت بصنع آلة دمار شامل وما ابي اكمل معاهم bla bla bla .
سأل اوتوكان نقدر نثق فيها ؟ اخاف تطلع لنا نايومي ثانية ؟ يقول انت اهم شي لا تخليها تعطيك حقن eeved: , بعدين تتصل فيك وتهذر , انا لما كنت صغيرة كنت عايشة بغابة وكنت ما انام بالليل لأني اخاف من الوحوش واخوي كان يسخر مني لأنه ماكو وحوش , ولكن بالحقيقية الوحوش موجودة وأنا صنعت واحد , سنيك أنقذني >.> .

طبعا تمر على مكان لازم تستخدم النيكيتا مثل ما استخدمته بالسابق , وتستخدم الـC4 علشان تكسر جدار بمكان سري , وايضا نفس الممر الي بمجس2 بالسفينة يوصلون لك جنود وايد ولازم تقتلهم , (الممر مشابه والجنود 2 بس) .

باختصار تمشي ويقول لك روح المكان الفلاني وبعده الفلاني علشان توصلها ولما توصلها يتغير مكانها , يتصل عليك واحد يساعدك ولكن وجهه مو طالع (تشويش) , يكلمك وتكلمه ولكن اوتوكان ما يسمعه , تكتشف بعد فترة انه هذا كله سيميليشن و كل هالكلام مو موجود وكله خرابيط ويطلع لك اوتوكان صورته مقلوبه ويقعدون يقزرونها عليك , turn the phone off now لما تهزم الشخصية الي تطلع يكلمك اوتوكان ويقول لك انه اهو مو حقيقي ولكن الحقيقي قاعد يهكر السستم وانه سنيك محجوز حاليا وقاعد يحاول يدخل فايروس علشان يطلع , بعدين يحطون صورة لمبات (مثل مجس 1 و 2 على السرير ) واثنين يتكلمون ويقولون : سنيك فشل بمساعدتهم وما قدر (سبولر مجس 2 : رايدن هو الي نجح بهالشغلة لأنه كان ما يلتفت للماضي وما يهمه ) وانه جاك (رايدن) راح يقدر يساعدهم .

مدة اللعبة ساعة ونص تقريبا إذا كثرت ساعتين , بدون الـVR وحجم اللعبة 2 ميجا تقريبا .

تجربة حلوة للي مو متحمس لها مثلي وما لعب مجس 2 , تجربة سيئة بالنسبة لي , جميل انا نشوف ميتل جير بالموبايل ولكن كل شي بمكانه حلو .

الله ياخذج يا كرستين على الهايب الي مثل ويهج , قالت قصة ضخمة قالت >.> بس فالحة بـ (آهي) و (آها) .
http://mp.i-revo.jp/user.php/kp-ryan/entry/148.html

باختصار : لعبة حلوة , قصة مكررة.
لكل شيئ أول مرة وهذه أول ميتل جير تخيب ظني .

 

[Tomb raider]

التحكم بهذا الشكل افضل

 

[Snake-87]

^
انطباعاتك ^^
انهيت الـVR بـ 10 دقائق ونسيت لا أذكر خاصية التعلق بالحواف موجودة وأيضا الـC4 تم تغييره قليلا (تقدر تحطه وتحط له عداد تنازلي وهو ينفجر بنفسه) .

 

[Mesharey]

كم مدة اللعبة ؟

 

[Strife]

كم مدة اللعبة ؟

مدة اللعبة ساعة ونص تقريبا إذا كثرت ساعتين , بدون الـVR وحجم اللعبة 2 ميجا تقريبا .

لكل شيئ أول مرة وهذه أول ميتل جير تخيب ظني .

افا

 

[Super Shadow]

قصيرة مرة :annoyed:

 

[Solay]

لول شباب وش فيكم تشتكون من القصر اتوقع انها مدة جدا متوقعه بالنسبه للعبة جوال..

 

[Tomb raider]

^
انطباعاتك ^^
انهيت الـVR بـ 10 دقائق ونسيت لا أذكر خاصية التعلق بالحواف موجودة وأيضا الـC4 تم تغييره قليلا (تقدر تحطه وتحط له عداد تنازلي وهو ينفجر بنفسه) .

لول اللي عندي ديمو P:
ما اعرف كيف اشتريها من التلفون !

 

[Zero]

حجم اللعبة 2 ميجابايت بس ؟ على قوتها التقنية الجيدة توقعت شيء أكبر ، ألعاب الأنجيج عادي توصل مساحتهم 12 ميجابايت .. 25 ميجابايت ويمكن توصل 30 بالكثير .


حبيت أعلق على شيء ألا وهو: سعر اللعبة مبالغ فيه بقوة وحتى باقي الألعاب ، نوكيا لا يتوقعوا الخدمة تنتشر إذا كان هذا سعر الألعاب ، المفروض يكون سعرهم معقول أكثر من هذا وإلا الخدمة ما بتحقق شيء يذكر وما أحد بيفكر يشتري والكل بيقول الله يخلي الطرق الملتوية .

 

[Snake-87]

لول شباب وش فيكم تشتكون من القصر اتوقع انها مدة جدا متوقعه بالنسبه للعبة جوال..

بس اسمها ميتل جير >.> لازم يحترمون اسم اللعبة .

ما اعرف كيف اشتريها من التلفون !

ادخل الموقع الرسمي لـN-Gage وسجل فيه واختار دولتك , راح تحصل اللعبة بـ3 خيارات اشتراك ليوم واحد واشتراك لاسبوع واشتراك مفتوح (14$) , اخذ لك بو يوم واحد (3$) واشتر عن طريق فيزا الانترنت وراح تنزل بشكل بسيط ويعطونك كود , سجله بالتلفون ويشتغل .