hits counter

نقاش مانجا JoJo's Bizarre Adventure

أمس إنتهت رحلتي مع جوجو اللي بدأت من 3 شهور تقريباً... دخلت على الأنمي ما اعرف ايييي شئ الا الميم حق To be Continued :tongueclosed:, ما كنت أدري إنه نازل بالثمانينات مثلاً! ما كنت عارف موضوع البارتات حقته حملت أول سيزون (فيه 24 حلقة ويشمل بارت 1 و 2) وبديت أتابع وأنا مدري وش السالفة :tearsofjoy:

بالبداية عجزت أهضم الأنمي, أول كم حلقة كنت مستمتع بس بعد الثالثة وبعد ما طلع الهامون أول مرة إستثقلت الأنمي ونهائيا ما أعجبتني شخصية جوناثان ولا الأحداث نفسها وكنت أفكر أترك الأنمي.. لين فجأة بالحلقة العاشرة تقريباً مات جوناثان و صار تايم سكيب والا فجأة فيه جوجو جديد طلع شخصيته مختلفة جذرياً.. وات؟؟؟ ما كنت متوقع إن جوجو مش شخصية وحدة وإنه بيتغير! حبيت أشياء كثير بهالبارت بس برضو الى حد ما إستثقلته وكانت متابعتي له بطيئة (كل يوم حلقة تقريبا) لين إنتهى.

حملت البارت اللي بعده وبديت فيه... جوزيف صار شايب وفيه جوجو جديد؟ هنا إستوعبت إنه جوجو بيتغير مع كل بارت! فكرة خرافية بصراحة وتعطي تجديد رهيب وشئ ريفريشنج مع بداية كل بارت. برضو هنا فجأة طلع فيه الستاندز! واللي كان قفزة خرافية عن أول بارتين وكمية الأفكار اللي بالستاندز كانت جداً رهيبة ومميزة عن أي شئ شفته بعالم الأنمي.. هنا بديت أتابع بشكل شره ويوميا أخلص عشرات الحلقات كانت رحلة في قمة المتعة :hearteyes: وحسيت بفراغ بعد نهايتها.

بهالفترة قعدت أشوف لقطات من المانجا لبارت 3 رجعت أشوف بعض اللقطات اللي أعجبتني من الأنمي, إكتشفت إن فيه أوفا له نازلة من زمان فتابعت لقطات منها بيوتوب, الأوبننج والأوستس حقته صرت أسمعها بشكل دوري.. جداً تعلقت بهالبارت. بعد فترة على هالحالة حملت البارت الرابع وبديت فيه... دائماً بدايات الأركات تعجبني بسبب فضولي بمين بيكون جوجو؟ و هل بيرجع شخصيات من البارت اللي قبل؟ هالجزء بيكون بعد كم سنة من اللي قبله؟..الخ. بديت بالرابع وإنبهرت بكيف إنه مختلف بهالطريقة, الكاتب هذا ما تخلص أفكاره؟ :sweatsmile:

مالكم بالطويلة خلصت من الرابع برقم قياسي (الظاهر شفته كامل ب3 أيام :tongueclosed:) وفضلت الثالث عليه بس جداً عجبني كيف إنه مختلف ومليان أفكار رهيبة بس جو الرحلة بالثالث والشخصيات الرئيسية فيه خلتني أتعلق فيه أكثر.

بعدها بديت بالخامس اللي الى حد ما أشوفه أفضل بارت تابعته! كان جداً خرافي وقتالاته ما توقف (عكس الرابع اللي كان أهدى شوي) وشخصياته خورافية! بعد ما إنتهيت من هالبارت وإنتهى الأنمي حسيت إني للحين ما إكتفيت فقلت بطب بالمانجا.. السكانات اللي حصلتها بمانجا ريدر وغيرها ما تنقرى :innocent: دورت شوي وحصلتها موجودة وملونة! :sob: ليت كل المانجا تتلون زي كذا.

على العموم بديت بالبارت السادس, و بأقل من أسبوع خلصته! نهايته حسيت إني ضعت وما فهمت وش صاير! قلت ببدأ بالبارت اللي بعده علطول مو مصدق وش صار الا فجأة سباق خيول بعام 1890 هااااااااه :innocent: طبعا هنا رجعت لأخر فوليوم ببارت 6 واللي فهمته إنه بوتشي فشل بصنع اليونيفرس اللي يبيه بعد ما قتله امبوريو او بالأحرى ويذر ريبورت ورجع اليونيفرس الطبيعي اللي المفروض ميتين فيه جولين والباقين.. طيب مين ايرين بالضبط؟ :nomouth: هل فيه شئ أنا فوته؟ باللحظة اللي امبوريو رجع للسجن ورجعوا معه مساجين (كلهم بدون ملابس :nomouth:) هنا إفترضت إنه اللي كانوا عايشين باليونيفرس الطبيعي إنتقلوا لهاليونيفرس زي ما هم (امبوريو وبالباقين), اللي ماتوا (زي جولين وجوتارو) صاروا موجودين باليونيفرس الجديد بس كأشكال مب هم بطبيعتهم لأنهم ماتوا باليونيفرس اللي قبل زي ما قال بوتشي. طيب الحين يوم مات بوتشي وش صار بالضبط؟ هل رجعنا لليونيفرس الطبيعي بس بدون ما يرجع بوتشي لأنه مات بذاك اليونيفرس وبما إنه مو موجود فما إضطر جوتارو يترك بنته فعشان كذا تغيرت شخصيتها بحكم إن أبوها معها؟ بس ليه تغير إسمها؟ هل راح ليونيفرس جديد مختلف عن اللي بدينا فيه؟ هل الموضوع غامض وفيه ثيوريز طالعه عنه ولا أنا ما فهمت اللي صار xD؟

بعد فترة من الضياع رجعت لسباق الخيول :laughing: ويا الهي قد إيش البارت هذا رهيب.... بس برضو مو فاهم ليش جوناثان جوستر وديو شخصياتهم مختلفه عن اللي طلعوا بأول بارت؟ لين طلع فالنتاين وجاب ديو من يونيفرس ثاني (The Worlduuu) :screamcat: طيب يعني كل هالأحداث قاعدة تصير بيونيفرس مختلف عن اللي بدينا فيه بأول 6 بارتات.. هل ديو اللي جابه فالنتاين هو خوينا؟ لأنه إذا مات هنا وش طلعه ببارت 3؟ ولا اللي ببارت 3 عبارة عن ديو مختلف و هالوقت كان فامباير وطلعله الستاند بعد 100 سنة؟ :innocent:

اللي فوق عبارة عن أفكار مخربطة, جالس أكتب وبس :joycat: بديت بكلام عن كل بارت وإنتهيت بأسئلة عن اليونيفرسيس, ردي بيزار زي الأنمي :tonguewink:

أعتقد لو بأرتب البارتات على حسب الأفضلية فبتكون كذا:

3 > 5 > 7 > 4 > 6 > 2 >>>>>>>>>>>>>>>>> 1 ممكن يختلف الترتيب بكرة مدري xD

وش وضع البارت الثامن؟ يبدولي ما خلص؟ ووش المفروض أسوي بحياتي الحين؟:innocent:
اولاً اخي الواضح انك ضعت في البارت السابع لكثرت التعقيد به حبيت اقولك ان البارت السابع بحد ذاته يعتبر خلاصة البارتات 6 السابقة
ثانياً ركزت في شرح قدرة الرئيس ؟؟ظهور الزاواردو كان منطقي لو تراجع شرح قدرة D4C وديو الذي ظهر ليست له اي علاقة بالاول تبع البارت الثالث
ثالثاً شاركنا بأفضل الجوجوز عندك و افضل الفيلنز في السلسلة لو سمحت
رابعاً البارت الثامن غير مكتمل وصل للشابتر 91 حالياً +المانجا شهرية