hits counter

الموضوع الرسمي Hitman: Absolution العميل الاصلع

Bane902

Hardcore Gamer
انطباعي عنها :

hitman_absolution_shot.jpg



بعد ست سنوات من الجزء الأخير "بلود موني " الأكثر من ممتاز يجي هالجزء , صراحة قبل صدورها كنت متفائل فيها وانها بتسوي اشياء تخليها افضل جزء في السلسلة رغم كل الأنطباعات السلبية , بس يوم جربتها شفت اشياء ماخلتني اصدق اني قاعد العب لعبة هيتمان ! , نظام التنكر الجديد وش يفكرون فيه المطورين يوم صمموه ؟ بأختصار النظام الجديد هو ان اي واحد بنفس ملابسك بيشك فيك , المضحك لو بتأخذها بواقعية المفترض العكس تماماً ! , واللي قاهرني في هالنظام المكسور ان بعض المناطق مافيها الا لبس واحد وكل الـNPCs لابسينه .. الحل ؟ اقلبها سبلينتر سيل , طبعاً 90 %من مناطق اللعبة تضطر انك تقلبها سبلينتر سيل بسبب نظام التنكر الغبي هذا , عاد اذا حظك حلو تلقى لبس مختلف وتقدر تمر من بين الحراس بدون مايشكون منك , ايضاً شيء غبي اخر بخصوص نظام التنكر وهو ان بعض الحراس يكونون لابسين اقنعة , لسبب مجهول وغريب 47 يلبس اللبس بس بدون القناع ! هالشيء ايضاً خلاني اقلب اللعبة سبلينتر سيل ! , من الأشياء اللي تغيرت للأسوأ في هالجزء هو المراحل صارت خطية بشكل مقرف ! بعض المراحل حرفياً مايكون عندك خيار الا يمين ولا شمال ! + الأهداف او الناس اللي لازم تغتالهم حوالي 3 او 4 اهداف لهم اكثر من طريقة , بس اغلبهم مافيه الا طريقة او طريقتين لقتلهم , وين راحت الطرق المتعددة في بلود موني وبالذات مرحلة " A new life " اللي فيه اكثر من عشرين طريقة لقتل الهدف ! , نظام المناطق ايضاً سيء , مادري وش الهدف منه ؟ هل يستهدفون القيمرز الحديثين ومايبغون يخلونه صعب زي قبل ؟ , ومن الأشياء السيئة ايضاً في الأهداف ان بعضهم تتسلل وتتعب حالك عشان توصل لهم وفي النهاية يجيك كتسين يوريك ان 47 قتله ! القصة في بداية اللعبة كنت مهتم لها بس بعد ماتقدمت اقدر الخصها بكلمتين فقط " Where's Victoria " , قصة سيئة ووضعت حدود للعبة من ناحية الأماكن , ايضاً الموسيقى في اللعبة نكتة مقارنة بشغل جيسبر كيد في الأجزاء السابقة , من الأشياء اللي قهرتني هو محاولتهم الفاشلة في وضع مشاعر لـ 47 , يخرب بيتكم هو مستنسخ وقاتل مأجور ماعنده احساس وفيه لحظات كثيرة في الأجزاء السابقة تثبت هالشي ! +نظام القتال بالأيدي ... لاتعليق , بس ايضاً فيه كم شيء ايجابي باللعبة مثل الجرافيكس المجنووووون ! وطور الـ Contracts وبعض اللحظات الحلوة زي مرحلة " End of the road " .


انطباعي عنها بشكل مختصر :


-قصة سيئة ووضعت حدود للعبة
- نظام التنكر الجديد حول اللعبة لسبلينتر سيل .
-مافيه جيسبر كيد "عدا ساوندتراك Black bandanna (&) "
-الخطية ثم الخطية ثم الخطية في الأماكن وطرق قتل الهدف .
-نظام المناطق
- نظام الرانكينق


+طور الـ Contracts
+من الأفضل الألعاب من ناحية الجرافيكس في هالسنة
+بعض اللحظات البسيطة الحلوة .


6.5

الجزء الجديد بيكون من تطوير مطوري دايس ايكس 3 , انا متفائل منه لهالسبب فقط , اذا فشل واتبع نهج ابسلوشن السلسلة رسمياً ماتت .

تعديل : نسيت اتكلم عن الرانكينق سيستم , مرة خلصت مرحلة بدون مااحد يشوفني او يشك وبدون مااقتل احد ولا حتى اخذت شادو !
 
التعديل الأخير:

FANTASTIC DREAM

sugar man, colors to my dreams
^^^
نظام التنكر الجديد ممتاز , وش تبغى منهم يخلونك لا تنكرت محد يكشفك كذا اللعبه تسير سهاله وبقوه , انا اشوفه اكثر منطقيه نظام التنكر الجديد ويزيد الصعوبه وهذا اللي نبغاه .
 

Bane902

Hardcore Gamer
^
لأ , يخلونه زي الأجزاء السابقة , عداد يوريك مقدار الشك عندي اي شخص , اذا زاد لأخر شيء ملابسك مالها فايدة .
 

FANTASTIC DREAM

sugar man, colors to my dreams
صراحة اشوف الجيمبلاي بما فيه من تسلل وكوفر وتنكر ممتاز وممتع جدا بدون اي مبالغه , الجزء القادم نبغى نفس الجيمبلاي لكن مع ابجريد للنواحي الاخرى .
 

Raheem

True Gamer
امممم مني عارف سبب كره اللعبة مع اني لاعب جميع الاجزاء وهذا الافضل والاكمل
 

Sage

True Gamer
جوتي

[video=youtube_share;5aPz3tYy4dk]http://youtu.be/5aPz3tYy4dk[/video]
 

Lord of Cinder

True Gamer
خلصت اللعبة قبل أمس.
كمجرب للأجزاء السابقة اشوف هالجزء له حسنات لكن مع الاسف سيئاته طغت بشكل كبير.

+مليون طريقة قتل للهدف.
+الاضاءة ! واو..الافضل هذا الجيل ! والرسم نفس الشيء.
+تصميم المراحل ممتاز لكن له مساويء باذكرها لاحقاً.
+نظام السكور اضاف بعد تحدي للعبة ويخليك تعيد المرحلة مليون مرة عشان تتأكد انك جبت افضل سكور بين اصدقائك او الليدربود بشكل عام..فكرة رهيبة.
+استخدام الاشياء من حولك كسلاح/مشتت.
+ Challenge

-الخطية القاتلة.
-شخصيات غير جذابة وعادية جداً !
-تحس اللعبة تمشيك على نمط واحد عشان تشعرك "أنت القاتل الرهيب اللي ما تنشاف"..كيف كذا ؟ اوك..الاجزاء الماضية تجلس تفكر كيف توصل لهدفك وكيف وكيف وكيف عشان ما تنشاف ! الآن الوضع اختلف. تروح للجندي هذاك اللي معطيك ظهره واللي يقلك "تعال اقتلني وحطني بالحاوية اللي جنبي تكفى" ثم تلقى الهدف موجود لوحده بالغرفة وجنبه حاوية، تقتله وتحطه فيها والسلام ! شيء تعيس.
-قصة باردة.. في البداية تتحمس معها لكن بشكل مفاجيء تحس انك قاعد تمشي في تسلسل احداث عقيم.
-ميكانيكية تسلل عقيمة وسطحية للغاية..خذ أي شيء قابل للرمي وشتت انتباه الحارس الغبي المسكين اللي بيروح لمكان الصوت ويرجع لمكانه بدون ما يشوف من فين طلعت القطعة المرمية.
-47 عنده مشاعر ؟؟؟؟؟ سلامااااااااااااااااااااااااااات.

10/7 مع الرأفة.
 

www

Banned
للأسف يحزني قول ذلك , بصفتي فان للسلسله , هالجزء ما قدرت أكمله :(

وصلت لمرحله الي في الكهوف , كانت ممله بشكل وحصل دون جريد مرعب في الجرافكس , طالعه قدامي لعبه رخيصه
 

nbnt

True Gamer
شباب اللعبة صفقة الاسبوع من ستيم، سعرها 16.99$، تستاهل؟
 

Punished Noctis

A Silver Bullet
عن نفسي إستمتعت فيها جدا و السعر تحفة. أشوفها تستاهل.
 

Naserano

True Gamer
ناصر، نصيحة، شوف لها فيديوهات ووكثرو. إذا اعجبتك اخذها، وإذا ما اعجبتك فما اعتقد إن رأي أي أحد فينا ممكن فعلياً يشرح وضع اللعبة.
أنا من الفيديوهات (بالأحرى مراجعات اللعبة)، ما كنت مقتنع باللي اشوفه، وكنت حيل متردد اشتريها، بعد نصيحة خالد سورا القوية لها، أخذتها وبالقوة كملت المرحلة الأولى... بكره رايح أبيعها. ما جازت لي كلش.
 

Raheem

True Gamer
نبنت صدقني والله اللعبة رهيبة وممتعة وافضل شيئ فيها تعدد القتل!
 

nbnt

True Gamer
شكرا على الاجابات شباب! حيرتوني (&)
المشكلة ان مراجعات اللعبة.. مراجعة ترفعها بالمدح فوق، ومراجعة أخرى تخفسها للأرض، لول. راح أشوف كم فيديو وغالبا.. يمكن آخذها، سعرها ممتاز.
 

14/08

True Gamer
بسبب المراجعات المتناقضة شلت اللعبة من راسي ولكن لما شفتها بالبلس قلت لنفسي أجربها على الأقل .
بصراحة ما ألوم المراجعين لأن اللعبة أخذت خطوات للأمام في نواحي وبنفس الوقت أخذت خطوات للخلف في نواحي أخرى فلما كنت ألعب فيها كان فيه أشياء ممتعة فيها تخليني أتحمس للمزيد من اللي ممكن تعرضه ولكن بمسيرتي فيها كان فيها أشياء مزعجة أو غبية لازم أتغاضاها أو أحاول أدور طريقة لحلها علشان أستمتع في اللعبة .

بما اني انهيت اللعبة فهذي الأشياء الإيجابية / السلبية فيها .

+ إضافة الكفر سيستم وتحسين التجسس في اللعبة
+ واقعية المراحل والأشياء الكثيرة اللي تصير فيها تدخلك جو اللعبة
+ الخيارات الكثير الموجودة لك في كل مرحلة تعطيك سبب انك تعيدها
+ عمر اللعبة الطويل
+ طور الكونتراكت
+ التمثيل الصوتي الرهيب
+ رسوميًا مبهرة

- مافيها خرايط للمراحل مثل الأجزاء الأولى فضغط الـR1/RB كل ثانية علشان تشوف أماكن الأشياء المهمة في المرحلة مزعج جدًا .
- ماتقدر تختار الأسلحة قبل البداية في المهام
- نظام التشيك بوينت سيء لدرجة ان بعض المراحل انهيتها بدونه وهذا لأني ما أعرف مكان التشيك بوينت , أيضًا لما تعيد التشيك بوينت يرجع كل الأعداء للحياة وبشكل غريب :/
- المراحل سكريبتد بشكل زايد عن حده وعلشان تنهيها برانك شادو لازم تكون مستعد للإنتظار وتضييع وقتك حتى نهاية السكريبت في كل مرحلة .
- فكرة التنكر مقنعة ولكن تنفيذها سيء
- مدى الرؤية للأعداء مكسور بمعنى الكلمة
- القصة تنفيذها سيء و الشخصيات فيها أسوأ حتى Agent 47 صاير يناقض نفسه
- الكت سينز كثيرة وطويلة ومملة -> سكيب
 

M00

Banned
شباب اللعبة ممتازة ولا فيها شي، صحيح تعاني من عنصر التكرار لكن تبقى تجربة ممتازة خصوصا لشخص مالعب الاجزاء اللي قبل.
 

kiko

Banned
عن نفسي إستمتعت فيها جدا و السعر تحفة. أشوفها تستاهل.

يب حتى انا استمعت فيها عالبي سي


الكونتراكت صعبه و توفر تحدي للاعب
 

Wind Rider

سابقاً Knuckle
صراحة اللعبة فخمة جدا و عظيمة لكن, مش هذه هيتمان الي كنت ابغى العبها...اللعبة اشبه بجزء من اجزاء سيبلينتر سيل و جزء ممتاز كمان...كلعبة هيتمان فهي لا تمت بالسلسلة بصلة و اتمنى يرجعوا لتوجهم القديم و تحديدا بلود موني حيث ان السلسلة وصلت ذروتها هناك
 
التعديل الأخير:
أعلى