GAME PASS مستقبل العاب الفديو قيمز؟

[XI]

السلام عليكم

الكل عارف وسامع عن خدمة الـGAME PASS الي هي اشتراك شهري يفتح لك مكتبة العاب تقدر تحملها ع جهازك وتلعب فيها كانك شاريها لحد مايخلص اشتراكك وترجع تتقفل,والاشتراك الشهري بسعر يعتبر رخيص جداً بـ 10 دولار فقط,وزي ماشفنا مايكروسوفت الان بتربط جميع العابها من الاستديو الخاص فيها بهالخدمه اول ماتنزل اللعبه بالسوق بتحصلها بالخدمه مباشره!انا اشوف لها مستقبل كبير ويكون نظام اشتراك بـ بكجات مثل (بكج العاب الملتي بلاير) بـ سعر 20 دولار شهري تقريباً وبكج(العاب السنقل بلاير)بكج بـ 15 دولار شهري..والخ من هذي الافكار خصوصاً ان توجه العالم الرقمي صار اكبر ومشتريات الفيزيكال سنه ورا سنه تقل فـ هل حنا امام مستقبل القيمنق ديجتال؟

فـ ودي اسمع منكم رأيكم بهالخدمه..سلبيات ايجابيات الفكرة..وامنيات لهالنوع من الخدمات!

 

[Dark_N11]

انا مع هذه الخدمات .. اصلا الشركات راح يكون عندها مرونه اكثر في الأستثمار في عناوين صغيره .
مايكروسوفت اضافوا عناوينهم و يريدون اضافة عناوين الشركات الأخرى .. لو EA و يوبي سوفت كمثال انضموا لهذه الخدمة راح يكون شي ممتاز .

 

[lightq8]

صراحة شي مثير واتمنى له النجاح واتمنى سوني تخلي بليستيشن ناو نفس الطريقة + القديمة للمستقبل

 

[mario0o]

سعر ببلاش
بسعر لعبتين اقدر احصل عدد لا يحصى من الالعاب في سنة
خدمة ممتازة ولو لاقت نجاح كبير بتضغط على باقي الشركات يطبقونها
لكن كيف الشركات تربح منها "اللي تطور العاب" ؟

 

[The Last Lombax]

سعر ببلاش
بسعر لعبتين اقدر احصل عدد لا يحصى من الالعاب في سنة
خدمة ممتازة ولو لاقت نجاح كبير بتضغط على باقي الشركات يطبقونها
لكن كيف الشركات تربح منها "اللي تطور العاب" ؟

مايكروترانزاكشنز غالبا. ما اشوف اي وسيلة ثانية.

 

[Solay]

لكن كيف الشركات تربح منها "اللي تطور العاب" ؟

مايكروترانزاكشنز غالبا. ما اشوف اي وسيلة ثانية.

ممكن نسبة من الاشتراكات بحسبب مرات التحميل. او بحسب العقد.

 

[Eye]

مو قريب .. ممكن على الالعاب الصغيرة .. او على الالعاب القديمة .. بس aaa بعيدة جدا

الافلام بدت فيها ..بس لسا ما وصلت .. شي بديهي الالعاب تطول بس بالنهاية توصل

 

[k87]

ماتهمني ابدا
ولكن ممكن تفيد الكثير

 

[The Last Lombax]

ممكن نسبة من الاشتراكات بحسبب مرات التحميل. او بحسب العقد.

ممكن جدا، نفس حكاية الالعاب المجانية في الاشتراكات (جولد/بلس)

 

[The Praiseworthy]

ما أشوفها تحصل و لا أتمنى تحصل... الصناعة بيرفكت كما هي عليه ما نبي مداخلات و تشوشرات ممكن تخرب و تشوه فيها، يكفي الي صاير الحين من مايكروترانزكشنز و اخواتها.

الافلام بدت فيها ..بس لسا ما وصلت .. شي بديهي الالعاب تطول بس بالنهاية توصل

الأفلام و المسلسلات و الموسيقى تختلف عن الجيمينج الي هي ميديا تفاعليه انترياكشن و تحتاج لسرعه كبيرة جدا من الانترنت على وتيرة ثابته و أي عثرة راح تأثر عالتجربة.... و الشركات اشتغلت لسنين طويلة حتى تصل لمختلف الأسواق العالمية و حتى الناميه... مافي ضمان أن بأي مستقبل قريب راح تحصل كل هذه الأسواق على هذه النوعية من الانترنت.

ممكن تتواجد هالخدمات بالأسواق المتقدمه و الي موجودة هالانترنت عندها... و لكن توجه تام مافي غيره؟ مستحيل لأن راح تفقد الغالبية العظمى من الزبائن.

 

[White Soul]

مشكلة هذا التوجه إنه ضد نسخ الفزكال، حاجة كثير من اللاعبين مو مستعدين يستغنوا عنها.
لكن إجمالا، بهذا السعر، الخدمة لها مستقبل كبير. لو كان فيه نسخة أخرى منها لألعاب الاندي فقط (أو ألعاب الفيرتشوال كونسل في حالة نينتندو) فأقدر أشوف نفسي مشترك فيها.

 

[Veeto]

60$ والشركات تشتكي من ارتفاع كلفة التطوير وان سعر الالعاب ما يغطي التكاليف.. الحل.. نقلل قيمة الالعاب.. اي فعلا هذا الحل لمشاكل الصناعة!

 

[Santi caz]

راح تنجح مثل Netflix لما يكون انتاج مايكروسوفت وسوني مثل ضخامة انتاج Netflix أما إذا العاب مايكروسوفت كلها ثلاث العاب في السنه وسوني العابها ٥ أو ٦ بالكثير والعاب اخرى قديمة صعب جدا تحتاج شركات مثل ea واكتفيجن وروكستار تدخل العابهم الخدمه من اليوم الأول عاد تعال اقنعهم يتركون المبيعات المليونيه

 

[Dark Master]

60$ والشركات تشتكي من ارتفاع كلفة التطوير وان سعر الالعاب ما يغطي التكاليف.. الحل.. نقلل قيمة الالعاب.. اي فعلا هذا الحل لمشاكل الصناعة!

أتفق تماماً وكنت جاي أكتب هالكلام أول ماقرأت العنوان
الشركات فعلياً صارت لازم تبيع بأرقام عالية جداً جداً لو تبغى تطلع ربح من المنتج اللي لهم سنتين أو أكثر يصرفوا عليه
مافي أي مستقبل أبداً بخدمة تقلل من أرباحهم

 

[XI]

60$ والشركات تشتكي من ارتفاع كلفة التطوير وان سعر الالعاب ما يغطي التكاليف.. الحل.. نقلل قيمة الالعاب.. اي فعلا هذا الحل لمشاكل الصناعة!

الحل شيء والمستقبل شيء ثاني مدري من وين استنتجت اني اقول هذا حل للصناعه..ولو الموضوع على الشركات ومصلحتها وحل شكاويها صدقني كان باعو لك الجهاز ب مليون وكل لعبة بمية الف!

 

[squall leonhart]

الحل شيء والمستقبل شيء ثاني مدري من وين استنتجت اني اقول هذا حل للصناعه..ولو الموضوع على الشركات ومصلحتها وحل شكاويها صدقني كان باعو لك الجهاز ب مليون وكل لعبة بمية الف!

اجل على كلامك كان قفلت السينما من زمان مدام في نتفلكس..

الخدمات الي زي كذا بتكون للالعاب الي لها فتره نازله و ممكن الالعاب المنخفضة التكلفه و العاب شركات الطرف الاول الي الجهاز طايح بكبد شركته و مو راضي يبيع

 

[Solay]

اجل على كلامك كان قفلت السينما من زمان مدام في نتفلكس..

ماادري اذا بنوصل لخطوة التقفيل مستقبلا او لا بس الأكيد انه حاليا نتفليكس مأثر تأثير غير طبيعي على سوق السينما وكثير مخرجين ابدوا استيائهم على هالشي وقالوا انه ممكن يقتل سوقهم.

باستثناء البلوكبوسترز أعتقد الصناعة جالسه تعاني حاليا بشكل واضح، كان فيه مقالات كثير السنة اللي راحت عند انخفاض عدد مرتادي السينما.

 

[squall leonhart]

ماادري اذا بنوصل لخطوة التقفيل مستقبلا او لا بس الأكيد انه حاليا نتفليكس مأثر تأثير غير طبيعي على سوق السينما وكثير مخرجين ابدوا استيائهم على هالشي وقالوا انه ممكن يقتل سوقهم.

باستثناء البلوكبوسترز أعتقد الصناعة جالسه تعاني حاليا بشكل واضح، كان فيه مقالات كثير السنة اللي راحت عند انخفاض عدد مرتادي السينما.

سوق السينما في امريكا يدخل من ١٠ لل ١١ مليار دولار سنويا بشكل شبه ثابت غي اخر ٨ سنوات و ما في اي دليل على تأثير نتفلكس ابدا..

 

[Solay]

سوق السينما في امريكا يدخل من ١٠ لل ١١ مليار دولار سنويا بشكل شبه ثابت غي اخر ٨ سنوات و ما في اي دليل على تأثير نتفلكس ابدا..

السنة اللي راحت واللي قبلها كثير مقالات كانت تتكلم عن ذا الموضوع وكان فيه ارقام تقول انه صالات السينما تشهد أشد هبوط لها من فترة طويلة. غير انه مخرجين وشركات انتقدوا ذا الأسلوب وكيف انه ممكن يخرب الصناعه منهم نولان وفوكس.

ماادري عن السوق العام كأرقام بس أعتقد مثل ما قلت لك أفلام البلوكبساترز وتحديدا أفلام السوبر هيروز شايلة جزء كبير جدا خاصة انه ذا النوع صاير يحقق أرقام قياسية كل فترة. بينما الأفلام العادية ممكن تعاني.

 

[Veeto]

بس أعتقد مثل ما قلت لك أفلام البلوكبساترز وتحديدا أفلام السوبر هيروز شايلة جزء كبير جدا خاصة انه ذا النوع صاير يحقق أرقام قياسية كل فترة. بينما الأفلام العادية ممكن تعاني

تدري ان 2013 السنة الوحيدة في آخر خمس سنوات اللي الثاني كان فيها سوبر هيرو والا آخر خمس سنوات لا اول فيلم ولا الثاني افلام سوبر هيرووز

ومن 2009 لليوم صناعة السينما تجيب 10 مليار والعام الماضي وصلت 11 مليار

 

[شيطون]

انا اول داعم لها واتمنى تنجح

 

[Solay]

تدري ان 2013 السنة الوحيدة في آخر خمس سنوات اللي الثاني كان فيها سوبر هيرو والا آخر خمس سنوات لا اول فيلم ولا الثاني افلام سوبر هيرووز

شيك التوب 10 لكل سنة وشف كم فيه فيلم سوبر هيرو. باستثناء 2015 كل سنة فيها ثلاث افلام وانت طالع. ويب طبعا موب هم الوحيدين اللي مسيطرين بس حصة ضخمة جالسة تروح لصالح السوبر هيروز.

عموما الكلام موب على الفلوس، الكلام على مرتادي السينما. الفلوس طبعا بتكون ضاربة اذا بينزل لنا عدد ضخم من البلوكبسترز كل سنة سواء افلام سوبر هيروز او سيكولز لأسماء ضخمه.

 

[ryo hazuki]

طبعا مع الخدمة ، و انا ما بشترك لين ما اشوف العاب الطرف الاول
و الخدمة بتكون مغرية اكثر اذا كانت هناك كمية العاب طرف اول و مع كل لعبة تضاف للخدمة راح تزيد الاشتراكات
مايكرو سوفت لازم تخلي الخدمة فعاله بحصرية كل شهرين اذا هية جادة في الموضوع

 

[ifahadx]

الخدمه مرنه وبامكان كل ناشر استثمارها بالطريقة المناسبه له . شركات زي EA جعلت الخدمه الخاصه فيها خاصة بالالعاب القديمه اللي يسمونها العاب الكاتالوج وهي الالعاب اللي تنتهي من مرحلة البيع تقريبا . وهذا حل منطقي للشركة وللاعبين وللجميع . مع ارتفاع تكلفة الالعاب التوجه المباشر نحو زيادة اسعار الالعاب هو الشي المنطقي اللي كان متوقع يصير لكن الشركات لقت طريقة لزيادة العائدات في استمرار بيع اللعبة عن طريق البيع المباشر عن طريق المتجر الرقمي و توفير تخفيضات مستمرة والان وبعد انتهاء فترات البيع تدخل هذي الالعاب لخدمات زي EA اكسس او game pass
بأختصار الالعاب ولاول مرة ما تصل الى مرحلة "توقف البيع" يتم اصدار الالعاب بنفس الطريقة وتباع بـ60$ وتستمر لفترة تبيع -تختلف حسب اللعبة- وكل فترة ينزل لها تحديث و تخفيض وبعدها تنظم لمثل هذي الخدمات بالاضافه الى لو انها لعبه اونلاين فحتى لو تراجع عدد الاعبين مع دخولها لمثل هذي الخدمات يرجعون جزء كبير من لاعبينها وتبقى اللعبة حيه لفتره اطول
الشي اللي ابغى اوصل له ان مثل هذي الخدمات هدفها الرئيسي هو الالعاب القديمه ومش توفير العاب AAA من اليوم الاول

سعر ببلاش
بسعر لعبتين اقدر احصل عدد لا يحصى من الالعاب في سنة
خدمة ممتازة ولو لاقت نجاح كبير بتضغط على باقي الشركات يطبقونها
لكن كيف الشركات تربح منها "اللي تطور العاب" ؟

نفس شركات الافلام والمسلسلات كيف تربح من توفير منتجاتها على نتفلكس او امازون برايم ؟

 

[Solay]

الشي اللي ابغى اوصل له ان مثل هذي الخدمات هدفها الرئيسي هو الالعاب القديمه ومش توفير العاب AAA من اليوم الاول

بس مايكروسوفت هذا اللي ناويه عليه بالنسبة لحصرياتها.

 

[mario0o]

نفس شركات الافلام والمسلسلات كيف تربح من توفير منتجاتها على نتفلكس او امازون برايم ؟

ماعرف الصراحه كيف يربحون :emoji_smile:

 

[ifahadx]

بس مايكروسوفت هذا اللي ناويه عليه بالنسبة لحصرياتها.

مايكروسوفت سوت هذي الخطوة لاسباب من اهمها . ان الحصة السوقيه لها تراجعت بشكل كبير . صارت المنصة تحقق ايرادات اقل من باقي المنافسين بالنسبه لشركات الطرف الثالث شي يخلي مايكروسوفت تسوي افكار جرئية . ومن الاسباب برضه ان مايكروسوفت ولانها طرف اول تستفيد من رسوم الشبكة فكون معظم العابها العاب اونلاين شي راح يخلي اشتراك القولد شبه الزامي لمشتركي game pass بالاضافىى الى ان العابهم فيها مشتريات داخل اللعبة فراح تستفيد من زيادة الاعبين !!

ماعرف الصراحه كيف يربحون :emoji_smile:

غالبا ان نتفلكس و امازون يستئجرون حقوق البث . طبعا لو استئجروا وبشكل حصري هذا يعني انهم يدفعون مبلغ اكبر . مثلا ساينفليد وهو انتهى قبل 20 سنه . هولو قبل سنتين وقعت عقد للحصول على البث الحصري لفترة -اضن 5 سنوات- بـ180 مليون ! يعني الحلقة بـ800K $
فيه صناع محتوى يوفرون محتوياتهم على كل منصات البث لكن طبعا منصات البث تدفع بشكل بسيط -وبعض المرات يتم المبلغ يختلف باختلاف عدد المشاهدات-

 

[XI]

اجل على كلامك كان قفلت السينما من زمان مدام في نتفلكس..

الخدمات الي زي كذا بتكون للالعاب الي لها فتره نازله و ممكن الالعاب المنخفضة التكلفه و العاب شركات الطرف الاول الي الجهاز طايح بكبد شركته و مو راضي يبيع

ماحب اقارن بين اندستري الافلام واندستري الالعاب كونهم شيئين مختلفين تماما للمستخدم!
وبيني وبينك السينما اصبحت فقط للبلوك بوسترز وعباره عن تجمع للاصحاب وتقضية وقت فراغ زي المطاعم!الكل يقدر ياكل ببيتهم بس احيان حلو تغير جو انت واصحابك او اهلك وتاكلون في مطعم..هي تقريبا نفسها
بس القيمنق يختلف كونها تجربه متكرره وانفراديه بالاغلب.