NSider
Contributing Editor
هنا:
http://media.wii.ign.com/media/826/826984/vids_1.html
شوفوا اللي بتاريخ 28 سبتمبر.. خصوصاً فيديو "Cinematic" و "On the Field". كلهم من أول تشابتر في اللعبة. تريلر E3 2007 موجود بعد للي ما شافه. الجرافيكس محسن بشكل بسيط عن حق الكيوب، لكن المقطع السينمائي رهيب، والبرزنتيشن حق اللعبة تحسن بشكل كبير.
عندي مشكلة وحدة مع RD، وهي أن التحكم حقها ما يستغل ميزات الريموت بأي شكل من الأشكال. مو مشكلة كبيرة، لكن كان ممكن يضيفون دعم البوينتر مثلاً بسهولة. عموماً هي تدعم الوايد سكرين والـ480p.. يعني على الأقل انتلجنت سيستمز اشتغلوا بضمير شوي حتى لو أنهم ما دعموا أهم ميزات الـWii.
عموماً أنا بانتظار اللعبة اللي أعتبرها من أهم 5 ألعاب بالنسبة لي هذي السنة.
EDIT
للي ما يعرف فاير إمبلم، هي طبعاً Turn-Based Strategy RPG من تطوير الفريق الأسطوري إنتلجنت سيستمز. هذا الجزء هو الجزء العاشر من السلسلة اللي ابتكرت الـSRPG genre بكبره، وهي بسهولة أفضل سلسلة نينتندو من حيث قوة القصص، لكنها ما جات إلى أمريكا في 2003 مع الجزء السابع، بعد ما الفانز الأمريكيين أعجبوا بشخصيات مارث وروي في سماش ميلي.
أحداث Radiant Dawn مرتبطة باللي صار في جزء الكيوب (Path of Radiance). مو ضروري تكون لعبت PoR لو بغيت تلعب هذا الجزء، لكن اللي خلصها يقدر يستخدم التخزين اللي في مموري كارد الكيوب عشان يزود (بشكل بسيط) قوة الشخصيات المشتركة بين الجزئين، وتنقل الـsupport conversations والميزات اللي معه إلى الجزء الجديد.
أكثر ما يميز السلسلة هم شيئين رئيسيين: الأول هو أن الشخصية اللي تموت عليك خلال اللعب سلم عليها للأبد.. ما راح تقدر تلعب فيها مرة ثانية، وما في فينكس داون ولا ريفايف عشان ينقذها. طبعاً إذا ماتت شخصية رئيسية راح يصير Game Over، لكن إذا ماتت أي شخصية ثانية، راح تكمل اللعبة بشكل طبيعي، لكن مستحيل ترجع لك مرة ثانية (هي والآيتمز اللي معها). وهذا اللي خلى اللعبة مشهورة بأنها من أكثر الألعاب اللي تخليك تستخدم زر reset! لول. لهذا السبب، عداد مدة اللعب ما تقدر تثق فيه كثير (مثلاً أنا قبل يومين خلصت فاير إمبلم السابعة على الـGBA.. عداد الوقت يقول 40 ساعة، لكني متأكد أنه مو أقل من 45 إلى 50 ساعة بسبب الإعادات). هذا اللي يخلي معظم ألعاب السلسلة صعبة فعلاً.
الشي الثاني هو الـsupport conversations بين الشخصيات اللي تقاتل جنب لجنب. الشخصيات المتوافقة مع بعضها راح تتكلم إذا خليتهم دائماً يمشون ويقاتلون مع بعض لفترة، والمحادثات هذي دائماً حلوة، وفي في أحيان كثيرة تضيف تفاصيل للقصة والعلاقات بين الشخصيات. طبعاً فايدة المحادثات هذي في القتال أنها تخلي الشخصيتين أقوى إذا كانوا جنب بعض، وكل ما تكلموا أكثر كل ما صاروا أقوى وأقوى مع بعض.
خخخ والله كتبت كثير.. شكلي بقلب هذا الموضوع الرسمي. p: