الموضوع الرسمي Final Fantasy X | X-2 HD ـ RPG الجيل قادمة من جيل الـPS2

[hussien-11]

فف10 تبقى فف10 يا مشاري، تحفة الآربيجي الياباني الخالدة، درس في الحلم و الخيال و الجمال و العذوبة.

 

[Void]

هاذي صج !!!

 

[Zixmar]

^^ فعلًا هنا الملامح لاتعليق-ـــ-، داونجريد أليم.

 

[C I D]

^
لا تشوفه إلا بعد ما تخلص اللعبة الرئيسية، لأن هذا تكملة لما بعد النهاية والجسر اللي يربط بين أحداث الأول والثاني.

ايه معليك انا مختمها من ايام ps2 :v:

بس ابغى اعرف وش هرجتها هل هي طور لعب اضافي او كت سين ولا ايش ؟

 

[Void]

كنت اشتعل حماس لشراء اللعبة لكن بعد ما شفت الصورة شيء ما مات بداخلي

 

[Mesharey]

ايه معليك انا مختمها من ايام ps2 :v:

بس ابغى اعرف وش هرجتها هل هي طور لعب اضافي او كت سين ولا ايش ؟

عرض ربع ساعة مدته بس ..

بالنسبة لتايدوس ويونا الاتش دي فعلا اشكالهم سيئ لكن مع اللعب بتمشي ..

 

[T i d u s]

الحين من بين الشخصيات كلها إلي في اللعبة ما لقوا يجيبون العيد إلاّ في الشخصية الرئيسية؟ يعني بالعربي .. هل يُعقل إن فريق التطوير كله (وعلى رأسه Kitase) ما فيه أحد منهم حس في لحظة من هـ اللحظات إنه فيه شي غلط؟ فيه شي مهب راكب؟

 

[hussien-11]

كيتاس و فريقه ما لمسوا الريماستر أصلاً، هالريماستر كله على بعض مشروع تجاري رخيص لتحقيق الأرباح بأقل التكاليف، لكن المحزن حقاً هو عدم الاهتمام بجودة الريماستر و عدم إخراجه بالجودة المطلوبة

ما أبغى أطلع عن الموضوع، لكن ... ريتهم يتعلموا من ريماستر ويند ويكر كيف يسووا ريماستر رهيب و محترم فعلاً، هذا ليش شركة تحافظ على قيمة عناوينها و ليش شركة تخليهم ينزلوا للحضيض

 

[T i d u s]

^
حتى لو ما كان هو وفريقه مسؤولين عن تطوير اللعبة يبقى له (من باب إنه المخرج والمُنتج للعنوان الأصلي) وجهة نظر، كلمة أخيرة .. على الأقل أعطى الـ approval إن الريماستر جاهز

 

[Majeed]

ما أبغى أطلع عن الموضوع، لكن ... ريتهم يتعلموا من ريماستر ويند ويكر كيف يسووا ريماستر رهيب و محترم فعلاً، هذا ليش شركة تحافظ على قيمة عناوينها و ليش شركة تخليهم ينزلوا للحضيض

يا عمي لا يروحون بعيد. يشوفو كيف ريماستر كينجدوم هارتس صاير ويتعلموا منه :/

 

[ExtraMHD]

@hemo memo
لول أنا عكسك إبراهيم XD للحين العرض ساري؟

 

[hemo memo]

تمت العمليه شكرا محمد ههههه

الا الصور اللي فوق من نسخة الفيتا ولا الps3؟ لان اتذكر فيديوات الps3 التحسينات ممتازه.

 

[X I I I]

بدأت استخدم الـSpheres Gird ،شوي معقد .. بس أفهمه مع الوقت
إلى الآن بداية اللعبة بطيئة كمعظم ألعاب فاينل فانتسي ..

 

[HASSAN NEX]

سبويلر طبعا لقصه ف ف 10 كامله وتيدوس وسين والخ )القصه الاسياسيه فقط مو قصص الشخصيات الفرعيه ) شرح للي مافهم القصه والخ والي عنده سؤال يسال

خلصت اللعبه في 30 ساعه وطلعت كل ال Summons وماعملت اي grinding اطلاقا + ذبحت بعض الDARK AEONS ايضا ::::
والله يخلي الNo encounters و Flee بالبدايه لان الRandom battles تغث في بعض مناطق اللعبه
طبعا الDARK ماقدرت اقتلهم بطريقه عاديه لان ولا شخصيه عندي كملت الgrid الشخصي كامل حقها بس الله يخلي Yojimbo :stuck_out_tongue_wi بضربه وحده يقتل اي شي

بعد ماانهيت اللعبه الان كبرت في عيني اكثر من قبل بسبب الالعاب العفنه الJRPG في الجيل السابق


القصه تبدا في زانيركاند ب1000 سنه قبل زمن لولو وريكو والشله
كان في شخص اسمه Yu Yevon وكان SUMMONER قوي جدا بزانيركاند تقدر تقول ان اهو الLEADER للناس في زانيركاند
بدات حرب بين زانيركاند و بيفيل
Bevelle كانت متقدمه جدا تقنيا بالMACHINES ومسحت Zanarkand بالارض بسبب الفارق الشاسع في القوه
طبعا زانيركاند تدمرت وخلصت والناس ميتين فمستحيل ترجع للزمن الي كانت فيه خصوصا الزمن الي كانت فيه زانيركاند من انجح وافضل الاماكن في تاريخ العالم + مستحيل يواجهون قوه الMACHINES الي عند بيفيل
Yu Yevon شاف ان زانيركاند راح تكون شي منسي وراح تختفي بسبب الدمار من الMACHINES عليها فعمل شي والي اهو
قام بجمع الناس الي نجت وخلاهم يصيرون fayth وال fayth اهو عباره عن روح تكون داخل مثل تمثال تحمل الMEMORIES للشخص
وقام بعدها بجمع جميع ال pyreflies بالمعركه من الموات (الشي الي يطلع من بعد ما الشخصيه التموت) كونه سمونر طبعا يقدر يسوي الشي هذا لكن ماعمل لهم SEND مثل يونا الي كانت تسويه في اللعبه
جمعهم وحولهم لARMOR قوي والارمور اهو SIN (علشان جذي بالعرض الي تدخل فيه سين بتشوف ان من داخل اهو عباره عن pyreflies متطشره في كل مكان من الداخل طبعا بيفيل بعد ماشافت سين وقفت الحرب ونحشو

طبعا السؤال شنو هدف انشاء SIN?
وشنو هدف تحويل سكان زانيركد الناجين الى fayth ؟

يو يوفين اعطى امر لسين وهو
دمر اي مكان تشوف فيه MACHINES بسبب كره للالات الي دمرت مدينته + دمر اي مكان يصير فيه تجمع كبير من البشر لان البشر اذا تجمعت وكل شي كان في سلام تبدا تخترع وتعمل اي اشياء والشي هذا يسبب اختراع MACHINES
مع الوقت وهذا سبب هجوم سين على بعض المدن في اللعبه وطبعا مع هجوم سين المتكرر على الMACHINES بدا الناس تمنع الMACHINES وعندهم شي كارثي اذا واحد يستعمل الشي هذا (وهذا سبب كرهم للAL BHED) في اللعبه

هدف الي تحولو fayth في زانيركاند
اهو انهم يحملون ذكريات زانيركاند بال PEAK لها
يو يوفين عرف ان خلاص زانكارند الي كانت مستحيل ترجع فقام باعاده احياء المنطقه من جديد في عالم جديد (حلم) من خلال الذاكره فقط وال fayth ضظلو يحلمون لالف سنه وتعبو جدا

طبعا في اساله اخرى شنو هدف الFINAL SUMMONER الي يصير كل 10 سنين? شنو موقع ارون وتيدوس من الاعراب؟

الFINAL SUMMONER اهو عباره عن كذبه عملها يو يوفين لمصلحته
Yunalesca اهي بنت Yu Yevon واهو الي علمها على الFINAL SUMMONER وخلاها تنقل الشي هذا للاخرين
Yu Yevon يستعمل ال FINAL SUMMONER علشان يعيد بناء SIN بين كل فتره وفتره يو يوفين نفسه يصير POSSES بالFINAL AEON الجديد وياخذ سنين علشان REBUILD SIN

محتوى مخفي: ارون

ارون حارس براسكا واجه يوناليسكا ومات لكن كونه UNSENT بسبب ان بعد مامات محد عمله SENT +كان متعلق في العالم كثير ومعصب فظل بالعالم وبسبب انه UNSENT معناها يقدر يروح لزانكرد القديمه بسبب ان الطريق الوحيد لزاناركاند اهو من خلال SIN فعمل الشي هذا )الUNSENT يقدرون يدخلون سين مثل سيمور كمثال)

محتوى مخفي: تيدوس

عباره عن حلم الfayth الي يو يوفين مخليهم يسترجعون ذكريات زانيكارند الي تدمرت بعد ماتهزم يو يوفين داخل سين خلاص يو يوفين مايقدر يتحكم بالfayth الي تعبو من الحلم لسنين لاهم ميتين ولا هم احياء بطريقه جيده فلما اختفو احتفى تيدوس طبعا شلون رجع هذا FFX-2
:stuck_out_tongue_wi

---------------------------------------------------

 

[The Praiseworthy]

^

بعد كل هالإبداع بالقصة حصلنا على قصص فف12 وفف13.......

 

[HASSAN NEX]

^

بعد كل هالإبداع بالقصة حصلنا على قصص فف12 وفف13.......

12 و13 ماحاولو اصلا للاسف
12 ماركزت على القصه واضح حتى الي حبوها بمدحونها لاسباب اخرى
اما 13 فهي عباره عن دراما كوريه/يابانيه على شكل لعبه

قصه 10 كبيره جدا والي قلته شي من لاشي مع ان لا ازال عندي عليها ملاحظات كثيره (تناقض في بعض الاشياء بالقصه او اشياء سخيفه) بس ككل افضل الف مره من الزباله الحاليه للاسف

 

[X I I I]

فعلاً قصة اللعبة شدتني ألعبها زيادة مو عشان الجيم بلاي بس عشان القصة ..

محتوى مخفي: ..

يعني جيكت أختفى من لمن كان تيدوس صغير ، عشان يكون حارس براسكا ، و إيش قصة الولد الصغير
إلي ببداية اللعبة ؟

أكثر شيء عجبني بالرسوم ، هو روعتها و تواضعها رغم إنه اللعبة لها أكثر من 10 سنين ببداية عصر الـPS2
خصوصاً لمن يجي مشهد مهم ، يتحول الـreal-time إلى CG مباشرةُ ، دون الإحساس به .

 

[Don JoKer]

^

لمن تلعب فف لازم تركز عالقصة اصلا, فف من الالعاب الي نص حلاوتها في قصتها .. بس مو لدرجة تلعبها عشان القصة بس :laugh::

وين راح الجيمبلاي ؟ المناطق ؟ البوس باتلز ؟ كلها بأهمية القصة واكثر

 

[Yula]

^
عن نفسي 80% من اللعبة يكون بالقصة والأحداث وتطور الشخصيات والباقي للأشياء الثانية
جيمبلاي هالجزء على روعته بس ما حسيته من النوع اللي يجبرني ألعب لعبة عشانه ><
فف4 وفف6 بلعبهم لأني سمعت أن قصتهم كويسة ولا مستحيل أفكر ألعب لعبة 2d عشان جيمبلاي بس
أتوقع اللعبة الوحيدة اللي حبيت الجيمبلاي أكثر من القصة كان فف13
جران بالس جلست فيها أكثر من 40 ساعة تجوال وقتال الوحوس وتلفيل :v:

 

[X I I I]

^

لمن تلعب فف لازم تركز عالقصة اصلا, فف من الالعاب الي نص حلاوتها في قصتها .. بس مو لدرجة تلعبها عشان القصة بس :laugh::

وين راح الجيمبلاي ؟ المناطق ؟ البوس باتلز ؟ كلها بأهمية القصة واكثر

أدري نسيت أقولها ، خخخخ سرد القصة في 13 كان سيء يا دوب فهمت شيء من اللعبة
بس السرد هنا تدريجي و كان واضح جداً ، الجيم ممتاز و يتحسن بشكل تدريجي خصوصاً مع

محتوى مخفي: ..

قتال Sin تعرف إيش فائدة Lulu و Wakka

المناطق جميلة متوقعة من سكوير إنكس و اللوجيك حقها .

 

[Don JoKer]

^
عن نفسي 80% من اللعبة يكون بالقصة والأحداث وتطور الشخصيات والباقي للأشياء الثانية
جيمبلاي هالجزء على روعته بس ما حسيته من النوع اللي يجبرني ألعب لعبة عشانه ><
فف4 وفف6 بلعبهم لأني سمعت أن قصتهم كويسة ولا مستحيل أفكر ألعب لعبة 2d عشان جيمبلاي بس
أتوقع اللعبة الوحيدة اللي حبيت الجيمبلاي أكثر من القصة كان فف13
جران بالس جلست فيها أكثر من 40 ساعة تجوال وقتال الوحوس وتلفيل :v:

نفس السبب الي مو مخليني العب السادس السابع والثامن صح مبكسلين -بالذات السابع- لكن على الاقل الجرافكس فيهم مقبول وتحس بوجود المناطق والشخصيات على عكس السادس والاجزاء الي تحتها
اما التاسع هو قمة الـ PS1, الجرافكس حقه ممتاز مقارنة بالسابع والثامن .. ماراح تواجه فيه مشاكل لمن تلعبه

سكوير لو يسووا ريميك للسادس بس .. عندي احساس ان الجزء هذا بيكون من التوب 3 عندي لو حصل ولعبته

 

[Yula]

^
الرابع له ريميك عالدي اس نفس مستوى جرافكس السابع يعني بيكون مقبول بالنسبة لك
السادس بعد بورت الجوالات ما اتوقع بيسووا ريميك له
انا بضحي بالثري دي اس وبشتري psp عشان العاب فاينل فانتزي كاملة :v:
ولا حصريات الثري دي اس مغرية جدا ومقهور اني منب شاريه ::

 

[Don JoKer]

^

الرابع ؟ يب لعبته على وقت مانزل الريميك حق الـ DS, لو يعملوا شي مشابه لـ السادس يسووا فيني خير

 

[Yula]

^
لوول ما دريت انك لعبته :sweat_smile:
ما قد كلمتك عن السلسلة وقلت انك لعبت الرابع
كم ترتيبك له بين اجزاء السلسلة ؟

 

[Ryukishi07]

سكوير لو يسووا ريميك للسادس بس .. عندي احساس ان الجزء هذا بيكون من التوب 3 عندي لو حصل ولعبته

ما أعرف ليش الناس تتجاهل نسخة الموبايلات، عن نفسي لعبت السادس من قبل، وعندي نسخة PS1 أصلية لليوم معاها ديمو العاشر على PS2. حاولت أعيدها السنة الماضية بس ماقدرت أمشي فيها واجد، هالسنة جربت نسخة الموبايلات وراضي فيها تمامًا وجالس ألعب (أو أطقطق) فيها هالفترة، بصفة عامة مالمست أي شي من الأورجنال، في تحسين على المظهر العام وبعض الشغلات الإيجابية مثل الشريط العلوي اللي تفتحه عشان يعلمك إيش تسوي/وين تدور بالضبط إذا ضعت. أنصحك فيها

 

[hemo memo]

اوكي سؤال دايخ شوي بس تحملوا..

بالعاده اذا بشتري من المتجر في العاب الاربيجي تكون فيه مقارنه بين السلاح اللي معي واللي بشتريه وحتى الاسلحه مالها طاقه بس ميزات ability هل انا ملخبط؟

 

[X I I I]

هل أنا الوحيد إلي خشيم بالبليتز بول ؟
لأنه إلين دحين ما دخلت ولا هدف في 5 دقائق

 

[Don JoKer]

^

لوول حتى انا كنت زيك :laugh:: يبغالها تعود هي ...

بصراحة ماحبيت انهم مدخلين الميني جيم هذي كـ شي رئيسي في اللعبة, يعني لازم تعديه بالغصب ولازم تلعبها بالغصب .. الميني جيم افضلها لو تبقى جانبية وما تأثر على المسار الاساسي للأحداث في اللعبة, لإن اكيد في ناس مو مهتمين فيها ابدا -زيي- والي مهتم فيها يقدر يلعبها في اي وقت كـ لعبة جانبية

 

[Yula]

^
انا من بعد البطولة ما لعبتها ولا مرة
اصلا ما اهتم بالميني جيم وغالبا ما العبها إلا مرة واحدة وبعدها اسحب عليها نهائيا
.
المهم حاليا وصلت للغاية اللي أجمع فيها الفراشات بعد المنطقة الرعاية
ريكو أضافت جو حلو بعد ما انضمت للحراس ::::

محتوى مخفي: القصة

الأحداث تطورت بشكل جميل خصوصا بعد ما قابلت سيمور للمرة الثانية
عرض السي جي لما جعل المجموعة يشاهدون زانركاند قبل 100 سنة كان رائع :heart_eyes:
ولما عرض على يونا الزواج
]

لا ازال مستمتع جدا مع اللعبة بس فترات لعبي بتقل بالفترة القادمة للأسف ><

 

[Mesharey]

اوكي سؤال دايخ شوي بس تحملوا..

بالعاده اذا بشتري من المتجر في العاب الاربيجي تكون فيه مقارنه بين السلاح اللي معي واللي بشتريه وحتى الاسلحه مالها طاقه بس ميزات ability هل انا ملخبط؟

بالضبط هنا قدرات الاسلحة بس ..

^

لوول حتى انا كنت زيك :laugh:: يبغالها تعود هي ...

بصراحة ماحبيت انهم مدخلين الميني جيم هذي كـ شي رئيسي في اللعبة, يعني لازم تعديه بالغصب ولازم تلعبها بالغصب .. الميني جيم افضلها لو تبقى جانبية وما تأثر على المسار الاساسي للأحداث في اللعبة, لإن اكيد في ناس مو مهتمين فيها ابدا -زيي- والي مهتم فيها يقدر يلعبها في اي وقت كـ لعبة جانبية

البلتز سهلة حيل ترى .. ببساطة:
- تقدر تتحكم اللاعب على راحتك أو تحرك اللاعب يكون اوتوماتيك، لما تبدأ أول شي اضغط مثلث وخله مانيول عشان تتحكم على راحتك.
- اذا بتلعب باص او تعدي او تشوت في أرقام تبين قوتك وقوة اللاعب الثاني اذا أرقامك أكثر تقدر تفوز أنت، مثلا: عندك قوة الباص 9 والبلوك للاعب الثاني 7 معناتها باصك بيمر، وعلى هالطريقة.

فزت بأول مباراة 2/0 @@

وصلت لقتال سين وعملية الالبيد والماكينا على الشاطئ .. ما احب هالمكان >_>