الموضوع الرسمي Final Fantasy VII Remake | لأنهم قد عادوا.

[MH MD]

العبها عالهارد الحين
احساسك مقارب ليي اول مرة انهيت اللعبه كرهتها كره بسبب النهاية .. كملت الهارد للبلاتينيوم بس
لكن طلعت ببه بتجربة جيم بلاي محترمة

القصة والتمطيط والنهاية وسفيروث بكبره اخطاء ما تغتفر

الفرق انك كارهها عشان النهاية بشكل اساسي

هو حانق على التجربة من بدايتها لنهايتها، فمستوى الهارد ما بيصلحله هالشي

 

[AzureFlame]

راح تعجبك فف 16 اكثر

 

[AzureFlame]

@I B R A الكاميرا يصيرلها Zoom out ب Rebirth فما راح تعاني من هالناحية بس الحركة ايه مو بمتعة زيلدا او ريد ديد تحسها مو مرضية.

@Valtr أعجبك (&).

 

[شيطون]

ليش جاني تنبيه ؟

 

[Dark_N11]

ليش جاني تنبيه ؟

لأنه منشنك و عدل التعليق

الفترة الأخيره مو عاجبني مضيع وشغال دمج كنترول بكل موضوع

 

[AzureFlame]

لأنه منشنك و عدل التعليق

الفترة الأخيره مو عاجبني مضيع وشغال دمج كنترول بكل موضوع

وردك هذا مو دامج كنترول حق نفسك يعني؟ (&)

 

[FANTASTIC DREAM]

خلصتها
أنا كنت ناوي العب اللعبة علشان اتجهز لريبيرث لكن الحين صرت أكثر حنق، كنت اعتقد نير اوتوماتا أكبر تجربة بغيضة من سكوير أما الحين؟ والله طالعة مونوليزا بالمقارنة هنا...

طبعًا النهاية ما تطلع الا من مخرج كينجدوم هارتس عك وتخبيص وخرابيط تقتل اي ذرة اهتمام بقصة مستقبلية هنا.

فاينل فانتسي 15 كنت أشوفها ناقصة وتعاني لكن كمقارنة مع الريميك صايرة فلم جودفاذر من ناحية الجودة القصصية.

حماسي لريبرث 0 حتى لو اخذت 96 بالميتاكريتك ما راح أفكر فيها الا لما اسمع رأي العلماء الثقات عنها والمقصد اللي كرهوا الريميك من قلب مثلي.

4/10

اهلا بك في النادي

 

[STARDUST]

خلصتها
أنا كنت ناوي العب اللعبة علشان اتجهز لريبيرث لكن الحين صرت أكثر حنق، كنت اعتقد نير اوتوماتا أكبر تجربة بغيضة من سكوير أما الحين؟ والله طالعة مونوليزا بالمقارنة هنا...

طبعًا النهاية ما تطلع الا من مخرج كينجدوم هارتس عك وتخبيص وخرابيط تقتل اي ذرة اهتمام بقصة مستقبلية هنا.

فاينل فانتسي 15 كنت أشوفها ناقصة وتعاني لكن كمقارنة مع الريميك صايرة فلم جودفاذر من ناحية الجودة القصصية.

حماسي لريبرث 0 حتى لو اخذت 96 بالميتاكريتك ما راح أفكر فيها الا لما اسمع رأي العلماء الثقات عنها والمقصد اللي كرهوا الريميك من قلب مثلي.

4/10

 

[شيطون]

وردك هذا مو دامج كنترول حق نفسك يعني؟ (&)

وليش ممنشني

 

[venom_snake]

خلصتها
أنا كنت ناوي العب اللعبة علشان اتجهز لريبيرث لكن الحين صرت أكثر حنق، كنت اعتقد نير اوتوماتا أكبر تجربة بغيضة من سكوير أما الحين؟ والله طالعة مونوليزا بالمقارنة هنا...

طبعًا النهاية ما تطلع الا من مخرج كينجدوم هارتس عك وتخبيص وخرابيط تقتل اي ذرة اهتمام بقصة مستقبلية هنا.

فاينل فانتسي 15 كنت أشوفها ناقصة وتعاني لكن كمقارنة مع الريميك صايرة فلم جودفاذر من ناحية الجودة القصصية.

حماسي لريبرث 0 حتى لو اخذت 96 بالميتاكريتك ما راح أفكر فيها الا لما اسمع رأي العلماء الثقات عنها والمقصد اللي كرهوا الريميك من قلب مثلي.

4/10

اللعبة مليانة لحظات جميلة وتطور بطيء للشخصيات وخصوصا كلاود. قصصيا اللعبة قدمت احداث ممتعة وجو بارتي يخليك مهتم بالمجموعة. كونك تركت كل اللي سوته اللعبه صح واختزلته بالنهاية الكينجدوم هارتزيه معناتها أصلا انت ماكنت متصل مع القصة والشخصيات من البداية. وهذا لايمكن يقارن مع ١٥ اللي مافيها اي شي من الاجواء اللي ذكرتها .
طبعا هذا غير القيميبلي الممتع اللي مبني اصلا على اساس قوي وهو نظام الماتريا.
كل واحد له رأيه بس ٧ ريميك ماهي لعبة ٤/١٠ ابدا.

 

[STARDUST]

وهذا لايمكن يقارن مع ١٥ اللي مافيها اي شي من الاجواء اللي ذكرتها .

15 من ناحية علاقة البارتي هي المتصدرة هنا بنظري. اصلا ذي اقوى نقطة باللعبة.
نقطة الغيمبلاي في 15 تختلف من شخص لاخر بالاعجاب، الكثير يشوفه سيء، اشوفه شخصيا جيد، مو احسن شي لكن مو سيء، اقدر اشوف انه النهاية ما عجبت الكثير (وانا منهم) وتحسها ناقصة الا انها ما زالت ما اثرت بحقيقة انه الرحلة نفسها كانت حلوة، علاقة البارتي وحواراتهم، يعني انا لعبت نسخة الفانيلا اللي الكل يسبها مرة وحدة لما صدرت ومع ذلك جزئية البارتي هي كانت اكثر نقطة اتذكرها بشكل ايجابي ليومك.

ومع ردي ذا اتفق انه الريميك مو لعبة 4\10 ابدا.
وكلامي لا يعني انه الريميك مافيه بارتي كويس، بس التقليل من 15 بالناحية ذي تحديدا ما اشفه بمحله.

هو بالنهاية يعني 15 ما كانت لعبة كاملة حتى بعد الاصدار، حتى بعد نسخة رويال، وحتى بعد الدعم ما قدرت تكتمل بالكامل مع كنسلتهم لاخر كم dlc واللي كانوا ممكن يغيروا اللعبة كثير قصصيا على الاقل.

التحدي الحقيقي قدام 7 ريميك صراحة بنظري هو انها ما تنتهي مع بارت 3 نهاية مستعجلة ومحطمة نفس 15.

 

[dro]

نزل باتش امس و الفانز اكتشفوا أن الباتش عدل ملابس تيفا بالفلاش باك و غير جملة ايريث في النهاية :

محتوى مخفي: نهاية FF7R

داونجريد! واضح الهدف انها تصير نفس جملة النسخة اليابانية

 

[Crazy Diamond]

جاي اطبل بشكل اعمى بس للانصاف فيه سلبيات ازعجتني ولازم اذكرها

انا اتفهم ليه جزئية ميدقار تحولت للعبة كاملة لاسباب كثيرة، اولها ان ميدقار اصلا هي اكبر ارك باللعبة واكثر مدينة بتطول فيها.. عكس البقية اللي عبارة عن قرى ومدن صغيرة تمر فيها مرور الكرام، وبلاش يا شباب نستصغر من طول ميدقار باللعبة الاصلية لاني شايف مبالغات، اللعبة الاصلية طولها 40 ساعة تقريبا.. ميدقار راح تاخذ منك 8-10 ساعات، ميدقار تستحق التركيز هذا اكثر من اي منطقة ثانية بعالم اللعبة لانها تمثل هوية فاينل فانتسي 7 .. ولانها اكثر منطقة تميز بين كل اجزاء السلسلة

السؤال هنا.. هل نجح الريميك في انه يحول ميدقار لجزء كامل ولا كان ممطوط؟ برأيي الاثنين

مبدئيا.. خلونا لا ننسى ان فاينل فانتسي 7 الاصلية عبارة عن لعبة حوارات بدون تمثيل صوتي وبدون مشاهد سنمائية في اغلب لحظاتها، الامر مشابه للمانقا.. تقدر تقرا صفحات كثيرة في وقت قصير بينما لو تروح تتفرجها كأنمي راح تاخذ وقت اطول، الكلام وحركة الشخصيات والكاميرا والتنقلات كلها اشياء تاخذ وقت.. هذا مثال بسيط:

Cloud Meets Aerith For The First Time! FF7 Remake Comparison #shorts #finalfantasy #ff7 #ff7r #ffvii

Final Fantasy 7 Remake compared to the original FF7Comparing the graphics and scenes for FF7 Remake, which was first released for the PlayStation 4 in 2020, ...

www.youtube.com

يعني مش احسن مثال كون المحادثة تغيرت بالكامل بس اللهم عشان اوصل نقطتي

فيه مناطق تم توسيعها بشكل اكبر واشوفه كان قرار صائب بس عندي مشكلة مع مكانين حسيت وجودهم فعلا كان تمطيط!

منطقة اشباح القطارات .. مالها اي فائدة قصصية ولا هي ممتعة، والمنطقة الثانية المجاري لما نرجع لها ويجي وحش على شكل خنزير يسرق المتفاح ويسوي حركات مستفزه.. حرفيا ضحكت

فيه اشياء كثير افتقدتها من اللعبة الاصلية .. كنت اقدر ادخل البيوت واسولف مع الناس وكانت فيه قصص حلوة، حتى اتذكر مره كلاود دخل مكان وشاف فيه بنت قاعدة تتقاتل مع واحد ثاني وقعد يعلمها كيف تستخدم الماتيريا، حاجات بسيطة بس حلوة وتمنيت انها هي تكون المهمات الفرعية بدل اللي اعطونا اياهم بالريميك، ايضا التغييرات القصصية في مبنى شينرا ماكانت جدا موفقه مثل: موت رئيس شينرا طالع جدا بايخ، وموت باريت وعودته للحياة، انا اتفهم ان المغزى من موت باريت هنا عشان يورونا كيف الويسبرز رجعوه للحياة.. بس يعني على الاقل كان سويتوه بشكل احسن من كذا!

برضوا للاسف.. الظهور المتكرر لسيفروث دمر الشخصية تماما، حرق ظهوره الاول الايقوني ووجوده ماكان له داعي ابدا، اللحظات اللي يطلع فيها كانت الاسوأ انا حتى ماحبيت قتاله للاسف جديا كان مستفزني

من ناحية القصة اشوف ان الريميك نقل القصة بشكل رائع بغض النظر عن التخبيصات اللي ذكرتها فوق .. الاضافات القصصية كانت رائعة من بينهم الويسبرز والتويست الرهيب حق النهاية بس فيه حاجتين تركوا طعم مر بحلقي بالنهاية.. اولها زعيم كينقدوم هارتس وكل حاجة متعلقة بهذاك المكان، هذا حرفيا اسوأ حاجة باللعبة كاملة! مره جاية من خارج فاينل فانتسي 7 .. يعني ماعندي مشكلة من اني اقاتل القدر وبالعكس اشوفها حاجة رهيبة بس تصميم الزعيم نفسه والمكان مره كينقدوم هارتسي وغير موفق ابدا

ثاني حاجة ..

وين المشهد هذا بالريميك يا كذابين؟؟ حرفيا من احسن المشاهد باللعبة الاصلية! يعني اذكر لما كنا نهرب بالدراجة ونحاول نحافظ على الاتش بي حقنا عشان يكفينا لقتال الزعيم اللي راح يحاصرنا على حافة الجسر ويصير قتال رهيب هناك.. وبعد مايخلص الشخصيات تجتمع على الحافة وتشوف منظر الشروق وبعدها تطلع للعالم، بالريميك كل هذا راح!

اوك فيه قتال ثاني رهيب تذكرته من النهايات برضوا تغير بالريميك.. الزعيم اللي تقاتله في المصعد ولو واحد منكم هجم وجاء جدار بينكم لحظتها الهجمة راح تتكنسل، اتذكر فجرت مخي وقتها بس هنا خلوه قتال عادي

بما اني ركزت على ذكر السلبيات بتكلم عن الايجابيات الان، ما راح اتعمق فيها بشكل قوي نفس السلبيات واقدر اختصر الايجابيات كلها بسطر واحد ..

كشخص لاعب الاصلية ويعتبرها احسن لعبة بلايستيشن 1 ويحب الار بي جي الياباني احب اقول.. الريميك اسطوري لانه طالع سينمائي وخطي وانشارتد لايك

محتوى مخفي

اوك انا جديا كنت ناوي انهي ردي هنا بس حسيت اني احتاج اكتب توضيحات اكثر ..

ميدقار باللعبة الاصلية كانت خطية، انا مره ما افهم من اللي زعلان هنا.. فاينل فانتسي 7 كتجربة سنمائية خطية طالعة نار وطالعة عبارة عن.. فلم! ايوه الريميك طالع اسطوري لانه حرفيا فلم! البدجت العالي مره معكوس على صناعة اللعبة والمشاهد السنمائية، انا جدا مبسوط لاني شفت ميدقار وشخصيات اللعبة اللي احبهم طالعين بالمظهر الرائع هذا، الخطية برضوا تساعد اللي حاب يلعب الثلاثية كاملة بعد ما الريميك يخلص، الاول خطي وقصير (مقارنة مع البقية) الثاني والثالث العاب ضخمة وعالم مفتوح، القيمبلاي ماجبت طاريه لاني حسيت كلامي بيكون مبتذل ومكرر.. بس اتفق مع اللي يقول انه احسن تطور للاسلوب القديم .. ومن ناحية القصة الاضافات الجديدة تخلي قصة الريميك مثيرة للاهتمام حتى للقدامى

لو بعطي الريميك رقم بيكون 9/10 انا من زمان ماحبيت لعبة واستمتعت فيها قد كذا .. ريميك عظيم.

 

[s3rorh]

اول جزء لسلسله فاينل فانتزي ألعب فيه ما يقارب ١٥ ساعه و وصلت لشابتر ٨


هالجزء اقنعني بإنه السلسلة و الار بي جي عامةً موب لي بتاتاً …

ألحين انا متردد اكملها يوتيوب، ولا اشفط عليها خير شر

 

[MH MD]

اول جزء لسلسله فاينل فانتزي ألعب فيه ما يقارب ١٥ ساعه و وصلت لشابتر ٨


هالجزء اقنعني بإنه السلسلة و الار بي جي عامةً موب لي بتاتاً …

ألحين انا متردد اكملها يوتيوب، ولا اشفط عليها خير شر

فف لا تمثل قبولك للاربيجي، عادي تجرب بيرسونا 5 مثلا او ياكوزا 8 وتعجبك عكس ذي، كثيرين مروا بهالتجربة

انا اتفهم ليه جزئية ميدقار تحولت للعبة كاملة لاسباب كثيرة، اولها ان ميدقار اصلا هي اكبر ارك باللعبة واكثر مدينة بتطول فيها.. عكس البقية اللي عبارة عن قرى ومدن صغيرة تمر فيها مرور الكرام، وبلاش يا شباب نستصغر من طول ميدقار باللعبة الاصلية لاني شايف مبالغات، اللعبة الاصلية طولها 40 ساعة تقريبا.. ميدقار راح تاخذ منك 8-10 ساعات، ميدقار تستحق التركيز هذا اكثر من اي منطقة ثانية بعالم اللعبة لانها تمثل هوية فاينل فانتسي 7 .. ولانها اكثر منطقة تميز بين كل اجزاء السلسلة

صح ميدجار اكثر تركيز بالبداية واكبر منطقة لكن ابد ما توصل 10 ساعات عاد، بالحقيقة قبل فترة بينما كنت اجرب شيء معين، رحت رجعت لفف7 الاصلية، واخذت راحتي بميدجار بكل شيء جانبي فيها -وغلطة طولت احد المعارك-، برضو ما اتعدا 6 ساعات وهذا اقصى شيء وبدون ما اركز بالقصة بشكل خطي مثلا واللي اكيد بخلصه بشكل اسرع في 4 ساعات او 5 بالكثير

كان في فرصة للريميك يخلي السيكتورز الثانين لهم حضور ويبرر وجود ميدجار كذا ومحتوى اكبر لكن ما صار