الموضوع الرسمي Fallout 3 | حان وقت مغادرة Vault 101 (مراجعة TG وصلت)

[Zero]

الخلل الثاني (هذا بالنسبة لي شخصيا ، ممكن البعض يشوفه عادي ) .. كان الايتمز الي لا تعد و لا تحصى ، ياخي أقسم بالله تحتاج موسوعة عشان تعرف ايش الايتمز باللعبة -_- ، حاجة ضايقتني جدا ، شوف مثلا فيبل2 الايتمز كثار لكنهم منظمين و في شرح لكل اشي .

أتفق مع كل اللي قلته ..

بالنسبة للآيتميز ، في البداية كنت أحسها حاجة حلوة ( واو أقدر أسرق كل شيء من البيوت ، أقدر أحمل أي حاجة أشوفها ) لكن مع التقدم شفت العدد مبالغ فيه جدا ويشتت اللي يلعبها ويخليه محتار ويش ياخذ وويش ما ياخذ .

أما الرسوم .. لول ما أشوف أوبلفيون أحلى ( آرت وألوان فيبل يخلوها > أوبلفيون من الناحية الرسومية بكثير بالنسبة لي ) .

 

[Pyro]

و يستمر مسلس "بنجيب اللعبة بكرة، الاسبوع الجاي، الاحد، الاثنين، لا اللي الشهر الجاي" مع حلقة النسر,اللعبه بتاصل عنده يوم الإثنين,يلعن ام القهر ضيعت وقتي بالإنتظار.)

تصحيح للحقيقة المرة : بانتظار الانطباعات شباب على اي حال. اللعبة بتنزل بشكل رسمي يوم الإثنين، مو المفروض المواقع تنزل مراجعاتها قبل موعد اللعبة بأيام؟ ليش للحين مافي مراجعات جيم سبوت، ون آب، آي جي إن، يوروجيمر، جيم سباي و البقيى؟

 

[Aoks]

مدري ليش احس اللعبة خليط بين بايوشوك وابليفيون

سليمان , من جدك تصدق النسر ؟ اكلناها لين قلنا بس ,, انا من زمان اتبع معه نظام اذا قال بكره يعني الاسبوع الجاي

وما افكر اروح له الا لو قالي اللعبة وصلت عنده already
​

 

[NiGhTMaRe]

الخلل الحقيقي في نظام الجيم بلاي مشعل هو التلفيل ، اذا زاد ليفلك يزيد ليفل كل أعداء اللعبة مثلك !! هدف الشي كان انه يخليك تروح على أي مكان باللعبة من البداية ، انو الكل عندهم نفس الليفل ، طيب معليش و لكن ايش الفايدة من التلفيل إذن ؟ يعني لو كان عندك عدو بتقتله من 4 ضربات مثلا بتضل تقتله من 4 ضربات لو زاد ليفلك مليون ، في الحقيقة صعوبة أوبليفيون كانت تعتمد على العداد السخيف بالأوبشنز الي بيخليك تقلل/تزيد مستوى الصعوبة بأي وقت زي ما بدك و هالشي يقتل التحدي الموجود باللعبة أصلا ..

الخلل الثاني (هذا بالنسبة لي شخصيا ، ممكن البعض يشوفه عادي ) .. كان الايتمز الي لا تعد و لا تحصى ، ياخي أقسم بالله تحتاج موسوعة عشان تعرف ايش الايتمز باللعبة -_- ، حاجة ضايقتني جدا ، شوف مثلا فيبل2 الايتمز كثار لكنهم منظمين و في شرح لكل اشي .

اما الكومبات سستم نفسه كان ممل ، هاك اند سلاش لا أكثر و سطحي جدا ، ناهيك انو اللعبة على طووولها ما فيها ميني جيمز و لا أي حاجة تسليك إلا لعبة المحادثة المملة مع الناس و لعبة فتح الأقفال الأكثر مللا ، غير التنقل السيء بين المدن بسبب الحصان البطيييء و سيء الحركة ( ما بحب الفاست ترافل أبدا ) ، و عيب اخر كان قلة الألحان الموجودة باللعبة ، هم كلهم رهيبين و بتحبهم كلهم ، لكنهم قليلييييييين جدا ، كل اللعبة ما فيها إلا أكم تراك ! ليش .. عموما هاي تقريبا أهم عيوب أوبليفيون
​

حرام عليك حسين والله ماتوقعت هالكلام يطلع منك..
الخلل الأول غلط في غلط,, لفل الوحوش مايزيد معاك مين قال هالكلام؟
والخلل الثاني اعتبره مب خلل بالعكس اشوفه شي حلو بس العيب التدوير عن الايتم من كثرهم
وتقعد تنزل تحت لين ما توصل للـ repair hammer مثلاً ..

والكومبوات بالعكس حلوه وطريقة القتال حلوه بس انت ما تعمقت ف اللعبه..
انا يادوب تعلمت حركة الـdodging التشقلب لكل الجهات وفي حركات ثانيه..
بالعكس طريقة القتال حلوه ومش سطحية ,, انا اشوف اللعبة ضخمة من كل النواحي
وفيها متعة في الكويست والاستكشاف...ومش شرط اي لعبة ناجحة يكون فيها ميني جيم !!
المهم كل واحد له راي ,, بس يا حسين تراك ظلمتها وماعطيتها حقها كونك جربتها شوي..


نتكلم ف الموضوع الرئيسي عن fallout3
الصراحه انا للحين ما طلعت من الـVault101 بس والله اللعبة جميله
فيها عناصر اوبليفيون لكن مطورة وافضل بكثير,, يعني الـLoading صار اسرع بكثير
والتنقل في المينيو والآيتيمز سرييييييييع وماياخذ لودينج نفس اوبليفيون..
وثاني شي فيها عناصر جميلة ذكرتني بـ BioShock وطريقة القتال ممتازه <<بس قتل الصرصور
والمحادثات فيها اجمل من اوبليفيون... والجرافكس افضل وانعم من اوبليفيون ..الاضاءة جميلة..
وحركة الشخصيات افضل ... اللعب أسرع واكثر سلاسة.. وشو بعد؟ ايوا الاصوات 10\10
والله ارشحها للجوتي ... صراحة يا شباب انا انبهرت بـ Dead Space و Fallout3 اكثر عن فيبل2 للحين..

 

[hussien-11]

والله ماتوقعت هالكلام يطلع منك..

اي كلام الي طلع مني يا رجل :annoyed: ترى اسمها "وجهة نظر"

الخلل الأول غلط في غلط,, لفل الوحوش مايزيد معاك مين قال هالكلام؟

يمكن انت ما كنت تعرفه ؟! لكن هادا هو نظام اللعبة بالتأكيد ، قوة الوحوش بتتغير في كل مكان حسب ليفلك ، روح لدنجيون معين في بداية اللعبة و بتقدر تخلصه عادي ، ولو لفلت و رجعت لنفس الدنجيون بتلاقي الوحوس الي فيه صاروا أصعب ، و هالكلام مؤكد تماما .

عموما ، الموضوع عن فول اوت3 ، و خلنا فيها احسن
​

 

[NiGhTMaRe]

^
ادري وجهة نظر,, انا صارلي 116 ساعة العبها وماشفت هالشي ابد.. يعني رحت لكم دنجيون والوحوش كانوا تافهين
والله صدق .. يمكن نسختك مضروبة
وترى فول أوت الابن البار لـ أوبليفيون

 

[ryo hazuki]

مايكروسوف قررت ماتنزلها في الهند

على كلامهم تتعارض مع عاداتهم "cultural sensitivities"

و على قوله موقع هندي متخصص في الالعاب ان ممكن يكون السبب هوه البقرة ام راسيين و انك تقدر تقتلها

و تم تسمه البقر في fallout3 باسم two-headed brahman cow

و brahman بالهندي تعني معلم هندوسي روحي

LOL حبيت اللعبه بعد هذي القصه

 

[CrAzy DudE 777]

في أحد غيري جاه أحباط بعد الأنطباعات و قرر يكنسل اللعبه ؟؟؟

 

[JOE]

من ناحية الرسوم فمن إلي شفته اقوى من اوبليفيون بفرق بسيط ، و بقية ملاحظاتكم ما اشوفها عيوب بقدر ماهي شئ متوقع من لعبة من نفس المطور لا بد ان تتشابه مع مشاريعهم الاخرى ولا ما كان تحمسنا لها بالاساس ...

طالما انك لا زلت في الـVault فما نقدر نعتبرها عيوب بقدر ماهي "ملاحظات" إختلاف اللعبة بيظهر اثناء التقدم فيها .

حماسي للعبة زي ماهو ... مرتفع

 

[Xeno]

كملت 5 ساعات, بكتب انطباعات مفصلة حقيقية الليلة, بس ناوي أول أعدي إيفنت معين من اللعبة.

بس بقول اللي كان متحمس/حاجز اللعبة/ناوي يشتريها... ماله حق يغير رأيه. :

 

[Colorization]

بس بقول اللي كان متحمس/حاجز اللعبة/ناوي يشتريها... ماله حق يغير رأيه. :

كنت متحمس لها حيل لكني مو فان لأوبليفيون لذلك إنطباعاتك (وإنطباعات كل شباب جاف) محبطة بالنسبة لي، الكل مستمتع فيها لكن يقول إنها تشبه أوبليفيون. ما اعتقد كل اللي تحمسوا لها من البداية عشانها من بيثسدا، بل عشانها جزء جديد من فول آوت. توقعت بيثيسدا تاخذ الأشياء الحلوة بأوبليفيون لكن تخلي فول آوت3 "متمسكة" بجذور السلسلة، لكنها سوت العكس. حسب ما قرأت طبعا.

كل السلبيات اللي قريتها بجاف turn off كبير (الثيرد بيرسون butchered وأسلحة الranged وجودها مثل عدمها والخريطة أسوأ من أوبليفيون، سلامات بيثيسدا). بإنتظار إنطباعاتك لأنها هي اللي بتخليني أطلع أشتري اللعبة أو أنثبر بالبيت وأخلص فيبل :laugh::

 

[Naif]

الانطباعات غيرت راي!.. أحب اوبلفيون فاعتقد بخذ هذي اللعبة

زينو اللعبة في ثيرد بيرسن فيو نفس اوبليفيون؟ هل متحسن عن اوبليفيون ولا سيء مثل ما كان فيها؟

 

[Xeno]

زينو اللعبة في ثيرد بيرسن فيو نفس اوبليفيون؟ هل متحسن عن اوبليفيون ولا سيء مثل ما كان فيها؟

أسوء :laugh:: شيل الثيرد برسون من بالك.

كولو اصبر جايتك العلوم.

 

[NiGhTMaRe]

الانطباعات غيرت راي!.. أحب اوبلفيون فاعتقد بخذ هذي اللعبة

زينو اللعبة في ثيرد بيرسن فيو نفس اوبليفيون؟ هل متحسن عن اوبليفيون ولا سيء مثل ما كان فيها؟

خذها وانت مغمض,, اللعبة فيها مزايا وايجابيات اكثر عن اوبليفيون.. مشكلة اللودينج راحت
وصارت اللعبة سريعه جداً والصراحه مالاحظت Tearing في العالم الضخم هذا..
والثيرد بيرسن متحسن اكثر ومشية الشخصية افضل وكذلك الـCrouch فيها مزايا افضل..

كملت 5 ساعات, بكتب انطباعات مفصلة حقيقية الليلة, بس ناوي أول أعدي إيفنت معين من اللعبة.

بس بقول اللي كان متحمس/حاجز اللعبة/ناوي يشتريها... ماله حق يغير رأيه.

وش رايك ؟ عجبتك صح؟؟ انا كملت 4 ساعات والله متعة وحماس عالآخر
اقولك شفت الـ

محتوى مخفي

الفقير اللي جالس قدام مدينة ميجاتون اللي يبغا ماي..انا ماكان عندي ماي وبعدين لما رجعتله ماحصلته .. تعتقد راح؟؟ والا تلقاه ف مكان ثاني؟؟

الثيرد بيرسون butchered وأسلحة الranged وجودها مثل عدمها والخريطة أسوأ من أوبليفيون، سلامات بيثيسدا

احسه كلام مبالغ فيه .. يوم بتجرب بتعرف ان الثيرد بيرسن كويس وكذلك الاسلحة حلوه
ومين قال وجودها كعدمها؟؟ بالعكس والله بتساعدك كثير
والخريطة صحيح صعبة كونها غير ملونه الا باللون الاخضر.. بس اعتقد تتغير مع تطوير الـPipBoy
يعني لو طورت الـ Pip Boy يمكن الليت اللي عندك بيصير اقوى والخريطة بتصير احسن والخ

 

[NiGhTMaRe]

أسوء شيل الثيرد برسون من بالك.

ليش؟ انا اشوفه افضل بس الكمرة شوي ابعد عن الشخصية ,, الثيرد بيرسن مفيد للتخفي وعشان تشوف اللي حواليك..

 

[CrAzy DudE 777]

طيب كيف الreal time شوتينج باللعبه ؟؟؟ لأنه اكثر شي يهمني

و كيف نظام الvats هل فيه له عدد مرات معينه و لا مفتوح؟؟؟

 

[Isaac]

ههههههههههه والله قلتها لثامر ..

الـHUD اللي جاي كله أخضر بأخضر بيسبب مشاكل .. خصوصا للعبة بهالعمق ..

أجل الخريطة سيئة ؟!

قهر .. كنت احسب إن البوصلة هي الشيء الوحيد اللي بيزعجني باللعبة. ._."



بانتظار اللمتد على كل حال هالأربعاء.

إن شاء الله ما يبعصونا بالسعر.

 

[NiGhTMaRe]

طيب كيف الreal time شوتينج باللعبه ؟؟؟ لأنه اكثر شي يهمني

و كيف نظام الvats هل فيه له عدد مرات معينه و لا مفتوح؟؟؟

الريل تايم حلو بس احياناً ما تستخدمه عشان الـ Vats افضل
الVats ياخذ منك الـ AP والـ AP يزيد شوي شوي (مثل الـ MP في اوبليفيون)
وتقدر تضرب اكثر من عضو (راس وجسم والخ) في وقت واحد اذا عندك AP كافي ..
اتمنى شرحي يكون سهل خخخ

الـHUD اللي جاي كله أخضر بأخضر بيسبب مشاكل .. خصوصا للعبة بهالعمق ..

لا تخاف الـ Hud والـ PipBoy تقدر تغير الوانهم
عندك الأخضر والابيض والازرق والأصفر <<بس صدقني احلاهم الاخضر هههه

 

[Mista Koo]

أسوء :laugh:: شيل الثيرد برسون من بالك.

أفاااا.. وين اللي يقول مو ثيرد بيرسون لمجرد الثيرد برسون :annoyed:؟!
أنميشن النط نفس حق أوبليفيون :w00t:؟

 

[bXNmbQ==]

ياخوان هل المشي معوق مثل اوبليفيون؟

تراه قاهرني على جنب انواع الضحك عليه:laugh::

كود ندخل الصورة عشان هل العيب :xd:

 

[HAL-9000]

أسوء :laugh:: شيل الثيرد برسون من بالك.

افااااا
لكن برضوا مازال الحماس فوق :rockon:

 

[Superx]

انطباعاتي عن اللعبة *حمااس*

War never changes !





(لول اعذروني شباب الكلام شوي فصحة وشوية عامي . هع)


بديت في اللعبة اليوم ومب قادر اهدها .. من زمان كان ودي العب لعبة من هالنوع .. طبعاً اللعبة تتضمن فقط .. مافي ملتي بلايرSingle-Player

عجبتني الـCut Scenes اللي في اللعبة كثير .. تحسها واقعية ومتقنة .. والاغاني اللي في المقاطع رهيبة واجوائها كلاسيكية .. ولاننسى رسومات اللعبة الكارتونية وال pip-boy المضحكة والطريفة والمميزة

في بداية اللعب عليك بإختيار جنس الطفل وشكله الذي تريده .. الجميل بأن هناك خيارات عديدة جداً ومفصلة لاتقان شكل الولد ووضعه بالشكل الذي تريده ومايناسبك ,, واذا تم اختيار شكل او وجه لم يعجبك تستطيع العودة للتعديل بالضغط على L1 اوBACK .. فلا تخاف في الاختيار يمكنك التعديل في نفس اللحظة

يمكن ان تشعر بالملل في البداية لكثرة الكلام ولأنك في بداية تعلم اسلوب اللعب .. لكن مع الوقت بتتحمس اكثر واللعبة بتصير اكثر تشويقا

اول ماتمسك سلاح يكون في التدريب .. اشكال الاسلحة كلاسيكية وقديمة وتناسب اسلوب اللعبة واصوات طلق الرصاص حقيقية ومذهلة وبإمكانك التصويب باسلوب FPS وبالاسلوب الآخر اللي يعطيك صورة الاعب والمسدس *نسيت اسمه XD*.. انصحك باللعب بجهاز
DualShock عشان تتحمس على اصول

الـOST اللعبة طبعاً ماعليه كلام, جميل جداً ورايق ..

التمثيل الصوتي رائع جداً ومتناسق مع الاحداث .. وكل ماتكلم شخص يظهر اسم الشخصية على جنب *عجبني هالشي لأنه يسهل عليك حفظ اسماء الشخصيات لأن عددهم كبير بصراحة*

الجرافيكس جيد , لكن الاهم انه واقعي, اضائة اللعبة هادئة وجميلة .. وبالمناسبة اللعبة ماخذة شوي من ستايل بايوشوك

الملابس والادوات والاسلحة اللي تحصلها من خلال اشخاص ساعدتهم او من خلال اللعبة وايجاز المهمات شي رائع وطريقة اختيارهم سهل جداً ومافيه تعقيد

واللعبة بالفعل عنيفة ودموية بشكل خورافي وهذا هو المطلوب

بيئة اللعبة والاجواء فريدة ومميزة .. واللعبة عميقة وواسعة ويبيلك وقت الى ان تتعود عليها .. وتقريبا كل شي في اللعبة تقدر تستعمله وهذا مايجعل اللعبة ممتعة ومشوقة

تطور الأحداث وتسلسلها منسق جداً ويدفعك للإستمرار باللعب .. يوم تطلع من الValut يمكن تتعقد تشوي وتحس نفسك ضايع في عالم كبير لكن يوم تواصل اللعب وتتأقلم مع جو اللعبة وال quests بيكون الامر سهل وبسيط

تقيممي للعبة
10/10 .. لاتستغربوا شباب يوم بتجربون اللعبة بتحكمون بأنفسكم .. واقعية كثير ومهتمين بالتفاصيل بشكل كبير

اعتقد اني وصلت فكرة اللعبة ومميزاتها.. واللعبة الصراحة must .. والله ماودي اخلصها بسرعة من حلاوتها

وبس اللي انتظره تقاييم المواقع للعبة .. متوقعة تقاييم جبارة بصراحة .. اللعبة goty بالنسبة لي​

ملاحظة: شباب انصح اللي يلعب هذي اللعبة انه مايكون داخل ONLINE بال PSN ID ماله .. لأن المشكلة كل شخص من الFRIENDS اذ يصير اوفلاين او اونلاين او اذا حد طرش لك رسالة تتوقف اللعبة لمدة ثواني او يوقف الكلام لو كنت تتكلم , هالشي عانيت منه كثير كل ساعة يتقطع علي اللعب (ان شاء الله فهمتوا قصدي)

ان شاء الله استمتعتوا بقراءة الانطباعات .. ^^

سلام ..

--​

 

[Xeno]

معلش صار لي ظرف، انشالله اليوم الانطباعات.

كملت 11 ساعة.

 

[Naif]

أمس بدأت اللعبة. لعبة ساعتين حتى الحين.. مستمتع فيها وايد. كل شي حبيته في اوبليفيون شكله بيكون موجود فيها.. بس تقتل الوقت وايد لوول أمس ما حسيت بالوقت لين الساعة 2 الفجر -_-

بس فعلا الثيرد بيرسون أسوء عن اوبليفيون لوول..

توني موصل ميغاتون.. أسلوب تعليم التحكم رهيييب.. كشخة أنك تبدأ طفل لوول

محتوى مخفي

يوم يقعد يعلمك ابوك كيف تمشي..

و يوم تقول

محتوى مخفي

دادا ماما

 

[Solay]

انتظر انطباعاتك اليوم عبدالله

عموما ترا اللعبه بتجي اليوم عند النسر لو ماكانت نصبه جديدة..

 

[Isaac]

انتظر انطباعاتك اليوم عبدالله

عموما ترا اللعبه بتجي اليوم عند النسر لو ماكانت نصبه جديدة..

حافظ (نسر السليمانية) قال لي يوم الاربعاء !!

خلك مستعد نفسيا لتحقق النصبة! :razz::

 

[Solay]

اما.!!!!!!

المشكله ان على حد علمي اللعبه موجودة بالمستودع حقهم بس ماسمحولهم او شي زي كذا

نسخة البلاي3 موجودة على فكرة-__-(لأول مرة اتمنى انه يكون عندي بلاي3)

 

[JOE]

اليوم حتكون متوفرة بـ٢٥٠ ريال .... مش عند العاب طوكيو طبعاً .

 

[NiGhTMaRe]

أمس بدأت اللعبة. لعبة ساعتين حتى الحين.. مستمتع فيها وايد. كل شي حبيته في اوبليفيون شكله بيكون موجود فيها.. بس تقتل الوقت وايد لوول أمس ما حسيت بالوقت لين الساعة 2 الفجر -_-

خخخ من ناحية تقتل وقت تقتل ,, انا والله ماحسيت كملت 8 ساعات.. وكنت ناوي العب ديد سبيس بس مالقيت وقت..

بس فعلا الثيرد بيرسون أسوء عن اوبليفيون لوول..

من اي ناحية اسوء؟؟
انا اشوفها سيم سيم

توني موصل ميغاتون.. أسلوب تعليم التحكم رهيييب..

بتشوف البراهمان ذو الرأسين
هيه فيها افكار حلوه خصوصاً البداية وكذلك بتشوف الاحداث والشخصيات فيهم تفاعل كبير
واحلى مافي اللعبة كونها ضخمة انها سريييعة ولما تسوي Load ثانيه وتخلص,, حتى لما تسافر ما ياخذ لودينج كثر اوبليفيون .. اتصدق لما اول ما وصلت للمدينة ماكنت ادري ان الـbottle caps فلوس خخخ
كنت ما اخذه واقول شحقه الغطا عشان اربح غرشة كولا؟ والله اتموسفير غريب وتحس الناس كلهم يائسين وكارهين عيشتهم..

 

[Xeno]

التشابه موجود بين فولآوت 3 وأوبليفيون بدرجة كبيرة، وأي لاعب لعب أوبليفيون بيحس أنه مش غريب، وطبعا التشابه مش عيب أبدا فهذي الحالة... لأنك تشبه أوبليفيون! أحد أفضل الألعاب في تاريخ الفيديوجيمز.

بس هذا لا يعني أن اللعبة مالها شخصية أو طابع مميز، بالعكس أتموسفير وأجواء جبارة, واللي بيلعبها بدون لايلعب أوبليفيون ممكن يعتبرها بسهولة أحد أفضل الألعاب اللي لعبها فحياته. أيضا اللعبة أفضل من أوبليفيون بكثير في بدايتها أو من ناحية اللودنج، وأسهل بمراحل في سرعة التعلم والأدوات. وتحسها منظمة أكثر بشكل عام.

الخيارات في اللعبة كثيرة جدا، تقدر تسوي الكثير أو تتجاهل الكثير، أنا خلال 11 ساعة ماسويت غير كويست رئيسي واحد فقط! الباقي سايد كويستس واستمتعت فيهم بقوة، لكن أنصح أي لاعب يبدأ مباشرة بالكويست الرئيسي في المهمة الأولى، لأنها تعلمك طريقة اللعبة جيدا، بعدين ينتقل للسايد كويستس. طبعا اللعبة مثل أوبليفيون، القصة الرئيسية حسب اللي خلصوها ماتتجاوز 20 ساعة، بينما مع السايدكويستس (اللي هي اللعبة الحقيقية) بالراحة توصل +70 ساعة.

وبإمكانك "تنهي" سايدكويستس بمجرد المهارة في الـspeech، لكنك مابتحصل على الاكسبيرنس مثل لو سويتها، أيضا ممكن تنهي مجموعة كويستس كبيرة من بداية اللعبة باختيار

محتوى مخفي

تفجير مدينة ميجاتون.

بس طبعا هنا إنهاء عن "إنهاء" يفرق. :laugh::

الجيم بلاي يرتكز كليا على التصويب بنظام VAT، وهو نظام رائع وعميق، يعني أقدر أقول القتال بالذات في المواقف الصعبة يكون turn based! اللي يسمع ممكن يستغرب، بس النظام فعلا ممتع ويحمس. أما استخدام الأسلحة اليدوية أو قبضة اليد فهو غير مجدي أبدا. ينفع كـtutorial في البداية فقط. واستخدام الشوتنج الصريح ماينفع أبدا، واللعبة مش مصممة للشوتنج الصريح أبدا. (مثل ماهي مش مصممة للثيرد برسون فيو)

مظهر اللعبة أفضل من أوبليفيون في جزئيات معينة، لكن الجرافكس بشكل عام جيد جدا. التمثيل الصوتي والموسيقى على مستوى عالي. (الراديو :inlove

اللعبة طبعا slow paced وفيها الكثير من السفر على الأقدام والمحادثات الطويلة (الممتعة)، استعد لغمس نفسك في عالم بيثيسدا الجديد.

وبس... الباقي في المراجعة.