MaherMatrix
True Gamer
أغلب العاب العالم المفتوح الموجودة تعاني من ان العالم نفسه يتحوّل لساحة مفتوحة من ولا شي يصير. الشيء يقتل جانب الاستكشاف وبالنهاية تسأل نفسك ايش قيمة العالم المفتوح نفسه باللعبة اذا استخدامه حيكون معدوم والنتيجة ساعات كثيرة ضايعة بالتنقّل (ممكن حتى سبب مقصود من المطور). شفت هالشيء بالذات بالعاب اساسن كريد الجديدة يلي العابه تتحول ل grind بمرحلة معيّنة دائماً.
حتى تتفادى هالمشاكل كثير من الالعاب تطوّر خط linear لكيف تلعبها وبكذا تحصل focus اكبر وتحل جزء من المشكلة مثل هورايزون. المشكلة هنا انه لسا ما بتبرر وجود العالم المفتوح كثير بل تحسه مجرّد تسوية لكيف تدمج هالفكرتين.
وحدة من الالعاب القليلة اللي بررت عالمها المفتوح بنظري هي زيلدا BotW وعملت هالشيء بتركيزها على فكرة "الحريّة". بعد ما تنتهي من منطقة البداية وتتعلم الميكانيكيات الاساسية المهمّة اللي بعدها هي "اقتل البوس الاخير" والعالم كله لك للاستكشاف، هذا بنفسه يتماشى مع فلسفة العالم المفتوح ويحوله نفسه للمحتوى بملئ العالم بعناصر واشياء مثيرة تمر فيها دائما خلال التنقّل.
ايلدن رينغ تاخذ هالفكرة وتحطها على steroids مع نظام السولز المعقّد وتركّز على ال non-linearity تبعها. للاسف العالم هنا مو مفتوح بنفس الدرجة بسبب نظام ال rpg واللفلات لكن حتى خلالها بتلاقي ادوات تنقلك لاماكن عشوائية متقدّمة كثير بالعالم. تعطيك فكرة عن كم هالشيء مهم للعبة. انت جيّد كثير بالعاب السولز وبدك تتحدّى نفسك؟ تقدر تنتقل لاصعب اماكن اللعبة وتستمر للبوس بدون تلفيل كثير. تعاني معها؟ عندك خيار استكشاف systematic للمنطقة يخليك تلفل بشكل صحّي وتتجنّب الاماكن الصعبة. انت سيء جداً باللعب؟ الغرايند دائماً خيار. حرية اخذ الطريق الصعب والسهل، المعقد والبسيط ترجع لك واللعبة ما تقولك اي شيء بل تكافئك كلما كان أسلوبك الخاص باللعب مبتكر اكثر (ممكن تدخل بنظام الاسلحة وcombinations وتطلع ببيلد بروكن تجيبه بسهولة بسبب العالم المفتوح او حاجات ثانية). بنفس الوقت اللعبة عملت كثير خطوات لتسهيل التنقّل والاستكشاف بالعالم فتقلل من كل معاناة نظام العالم المفتوح وتكثر من ايجابياته.
طبعاً لسه فيه كثير trade-offs هنا (اكثر من اللي تتخيله مع اي لعبة سولز) بس الايجابيات جعلتها تجربة ممتعة ويونيك كثير. زيلدا polished اكثر بنظري بينما هذه ترمي كثير افكار مع بعضها بعضها يعلق وبعضها لا بس لعبة طموحة افضل بكثير من لعبة سولز للمرة المليون.
(لساتني على 40 ساعة فممكن يتغير انطباعي عنها مع الوقت)
