نقاش مانجا Dr. Stone - الطريق لإعادة بناء الحضارة

[AM152]

الاسم : Dr. Stone

النوع : شونين ، مغامرة ، خيالى علمى
تاريخ بدأ النشر : 6 مارس 2017
الحالة : مستمرة
المؤلف : Inagaki Riichiro ، العمل يبقى تانى أعماله بعد العمل الرياضى Eyeshield 21
الرسام : Boichi ، بويتشى ألف و رسم عدد من الأعمال أشهرها مانجا Sun-Ken Rock بس هنا دوره مقتصر على الرسم


نبذة عن المانجا :

فى أحد الأيام و نتيجة ظاهرة مجهولة البشرية بالكامل هاتتحول لتماثيل من الحجارة و مع مرور الآف السنين أثار الحضارة هاتختفى من العالم ، تايجو هايخرج من حالة التحجر عشان يكتشف العالم بشكله الجديد و مع صديقه سينكو هتبدأ رحلة بناء الحضارة البشرية من البداية


رأى عن المانجا:

المانجا تصنيفها شونين و بتصدر فى مجلة شونين جمب بس بالرغم من إحتوائها على بعض عناصر الشونين إلا إنها بتقدم فكرة جديدة و مختلفة بشكل كبير ، المانجا بتركز على فكرة إعادة بناء الحضارة فى عصر أقرب للعصر الحجرى و محاولة إختراع الأجهزة و الأدوات المعروفة فى عصرنا بس من الصفر و بالإمكانيات الموجودة فى الطبيعة فقط و ده مع فكرة تحول البشرية لحجارة بيخلوا العمل مختلف و مثير للإهتمام فعلا بالإضافة لكده المانجا فيها جانب كوميدى تم تقديمه بشكل جيد و بالرغم من إهتمامها فى الأساس بالجانب العلمى إلا إنها مابتاخدش نفسها بجدية تامة

الآرك الأول للعمل ماكانش مشجع للبعض و السبب الأساسى كان أحد الشخصيات الرئيسية و اللى أعطى الإنطباع بإنه بطل شونين تقليدى بس العمل هايحل المشكلة دى تماما مع الآرك الثانى و هياخد إتجاه مختلف

العمل فيه بعض العيوب ، متابعة بعض التفاصيل العلمية ممكن تكون مزعجة أحيانا و الشخصيات بالرغم من إنها جيدة فى معظمها إلا إن التركيز يبقى على شخصية معينة بشكل كبير ده مع وجود نسبة فانسيرفيس بس إجمالا العمل يبقى تجربة تستحق المتابعة

 

[abdullah-kh]

أحس أني بشوف كيف وضع الأنمي وبعدين بقرر هو ولا المانجا؟
بصراحة فكرة المانجا نفسها مثيرة للاهتمام.

 

[MH MD]

تعقيبا على آخر شباتر

محتوى مخفي: شابتر 85

لسبب ما كنت متوقع مواجهة سينكيو وتسوكاسا بتكون الأخيرة ونهاية المانجا لسبب ما، ما كنت ادري لوين كانوا بيتجهوا بعدها لكن الآن السبب كان واضح من الاساس بس انا ما ركزت، استكشاف العالم!

الشيء أخذ 85 شابتر لكن أخيرا تم اختراع الفلوس، Humanity had a good run ، كل شيء بينهار من الآن.

القبطان الجديد رهيب وعاجبني، ولو انه متسبب بفساد البشرية وصنع الرأسمالية من الحين

 

[AM152]

تعقيبا على آخر شباتر

محتوى مخفي: شابتر 85

لسبب ما كنت متوقع مواجهة سينكيو وتسوكاسا بتكون الأخيرة ونهاية المانجا لسبب ما، ما كنت ادري لوين كانوا بيتجهوا بعدها لكن الآن السبب كان واضح من الاساس بس انا ما ركزت، استكشاف العالم!

الشيء أخذ 85 شابتر لكن أخيرا تم اختراع الفلوس، Humanity had a good run ، كل شيء بينهار من الآن.

القبطان الجديد رهيب وعاجبني، ولو انه متسبب بفساد البشرية وصنع الرأسمالية من الحين

محتوى مخفي

بالنسبة لى أهم تساؤل فى العمل كان سبب ظاهرة التحجر و كنت منتظر إنتهاء المعركة مع تسوكاسا عشان يبتدى البحث عنه (ده مش معناه إنى ماستمتعتش بالأحداث اللى فاتت )

متفق معاك بالنسبة لإختراع الفلوس و القبطان الجديد بس اللى لاحظته إن الإختراع اتعمل من غير أى تعليق من سكان القرية بخصوصه على عكس المعتاد و معظم المشاهد اللى ظهر فيها التعامل بالفلوس كانت مع الشخصيات اللى عارفه الفلوس فعلا و أظن إن ده كان متعمد لتجنب المتاهات و المشاكل اللى ممكن تحصل نتيجة ظهور الفلوس و للحفاظ على طابع العمل

 

[Solay]

خلصت 30 شابتر ووقفت، الارت رهيب والفكره بالبدايه حلوه. بس الشخصيات عاديه باستثناء شخصيه وحده وللأسف انسحب عليها لفتره طويله، والكلام العلمي فيها عليه تركيز اكثر من حاجتهم للاختراع والفائدة اللي تنعكس عليهم بعد هذا الاختراع وأنا كنت متوقع اشوف العكس.

 

[AM152]

شابتر 96

اتكلمت عن المشكلة دى قبل مافتح الموضوع و للأسف مازالت مستمرة

محتوى مخفي

العمل بقى فيه مشكلة Pacing حقيقية ، السرعة الغير عادية اللى بقى يتم تقديم الإختراعات بيها بقت مزعجة فعلا و مافيش أى فرصة لإلتقاط الأنفاس ، الموضوع بقاله مدة و كان عندى أمل إن يبقى مؤقت بس للأسف ده مش الوضع هنا ، ده فى الوقت اللى مابقاش فى أى إهتمام حقيقى بالشخصيات و تطورها و معظمهم بقى بيظهر عشان يقول جملة واحدة أو يقوم بدور واحد فى كل شابتر (و غالبا نفس اللى عمله فى الشابتر اللى قبله)

ده شئ محزن فعلا لأن العمل كان و مازال فيه كم كبير من الشخصيات و الأفكار الجيدة بس طريقة التعامل معاهم بقت سيئة بشكل واضح للأسف

 

[AM152]

شابتر 101

كان فى تحسن واضح فى المستوى فى آخر شابترين مقارنة بالآرك اللى قبلهم

محتوى مخفي

لأول مرة من فترة طويلة العمل يركز على التفاعل بين الشخصيات بدل التركيز على الإختراعات فقط و تقديمها بسرعة مزعجة ، شخصيات العمل جيدة فعلا بس مش مستغلة بشكل جيد للأسف و الشباتر اللى بتركز على التفاعل بينهم زى شابتر 100 بالذات بتبقى رائعة

لما ماتمش تقديم اسم الشخصية اللى ظهرت فى الشابتر فى بداية العمل كان واضح إن وراها حاجة بس الكشف فى حد ذاته بإن المنطقة حوالين Soyuz مسكونة مش مفاجأة بالنسبة لى و على العكس كان منطقى بما إنها المنطقة اللى أهل القرية بدؤا منها

فى الآخر متحمس فعلا للآرك ده و اتمنى إنه يكمل بالشكل ده و يبقى مختلف عن الآرك اللى فات

 

[AM152]

شابتر 122

مستمتع بالآرك الحالى و شايف إنه جيد جدا حتى الآن ، كنت قلقان من نزول المستوى بعد الآرك اللى فات و اللى كانت عندى بعض المشاكل تجاهه بس الآرك ده رجع العمل لمستواه المعروف

محتوى مخفي

أخيرا شفنا جهاز التحجر لأول مرة فى العمل و تصميمه عجبنى جدا بصراحة ، فى نفس الوقت معرفة سبب التحجر و إن فى جهاز مسئول عن ده بيطرح أسئلة كثيرة عن مصدره و السبب من صنعه

التصميم ممكن يوحى بتكنولوجيا فضائية بس ماظنش إن العمل هياخد الإتجاه ده و مع وجود ال Why Man فالأرجح إن فى شخص أو جهة ما عملته و يمكن ده بهدف إعادة الكوكب لشكله قبل ظهور الحضارة البشرية

بالنسبة للأحداث نفسها و مواجهة مملكة التحجر فالأحداث مثيرة حتى الآن ، حبيت الشخصيات الجديدة اللى تم تقديمها زى أماراليس و حتى موزو و فكرة التسلل و استكشاف المملكة اتقدمت بشكل جيد فى معظم الوقت

نقطة تانية حبيتها بخصوص الآرك هو مدى ثقة الشخصيات ببعض بس اللى خلى ده مميز يبقى إن ده جه من شخصيات زى جينرو و حتى كوهاكو بالرغم من إقتناعها بأفكار سينكو من البداية إلا إن الآرك وضح مدى تطور شخصيتها و مشهد تحجرهم فى الشابتر السابق كان من أحسن مشاهد الآرك

لو هاعلق على نقطة معينة ماحبيتهاش فهى فكرة نقل المعلومات و الأجزاء المتحجرة عن طريق العربات الصغيرة الشبيهة بالفأر ، الموضوع كان مبالغ فيه بالنسبة لى و صعب تخيل إنه ينجح مع طبيعة الأرض و التميم البدائى للعربات بس دى نقطة ممكن تجاوزها

 

[AM152]

شابتر 133

المواجهة الحالية رهيبة و من أقوى ما قدمه العمل بالنسبة لى

محتوى مخفي

كنت سعيد فعلا بهزيمة موزو و كسر غروره أخيرا بس إبارا طلع مزعج بشكل أكثر من المتوقع و عندى إحساس إن سلاح التحجر هايتم تدميره و هانضطر ننتظر إكمال الرحلة للحصول عليه بشكل فعلى

من جهة تانية فى Spin Off للعمل نزل منه حوالى 6 شباتر فعلا بعنوان Dr. Stone Reboot و بيدور عن قصة بياكويا ، القصة كانت من الجزئيات المتميزة فى العمل الأصلى و التوسع فيها مع شعبية العمل يبقى شئ مفهوم بس العمل طلع أقل من المستوى بكثير على غير المتوقع حتى الآن

محتوى مخفي

التركيز الكبير على الوصول لسينكو ممكن فهمه من بياكويا بس مش من باقى الشخصيات و كان مبالغ فيه و غير منطقى و الخطط اللى حطوها فى البداية كانت منطقية أكثر من الوصول ليه خصوصا إنهم علماء و أكيد عارفين أشخاص تانيين مؤهلين أكثر من سينكو بالنسبة لهم ، برضه العمل الأصلى فيه بعض المبالغات بس إلى حد ما بيحاول يلتزم بالجانب العلمى بس جزئية زى ال A.I. اللى عمله بياكويا و حفاظه على المركبة فى غيابهم تجاوزت الحد الممكن قبوله بالنسبة للعمل و دى مش كل المشاكل فيه

 

[AM152]

شابتر 143

الجزء الثانى من العمل انتهى بشكل قوى و العمل دخل فى جزءه الثالث

محتوى مخفي

فى البداية كنت قلقان فعلا من فكرة إن The Why Man يبقى ليه نفس صوت سينكو و إننا ممكن ندخل فى حاجات من نوعية الإنتقال بالزمن أو العالم الموازية و ماشابه و اللى هاتبقى مكررة و مش متفقة مع طبيعة العمل و شخصية سينكو بس واضح من الأحداث الأخيرة إن العدو بيستخدم الصوت فقط و البعض رجح إنه ممكن يكون AI و مش بشرى من الأساس ، المشكلة هنا طلعت فى فكرة إن العدو على القمر و سينكو ناوى يوصله

إختراعات سينكو حتى الآن كانت مقبولة فى معظمها بس الصعود للقمر بالتكنولوجيا المتوفرة يبقى شئ صعب مجرد تخيله و محتاج نقلة حقيقية سواء بالنسبة للمعدات و الأشخاص و ماظنش إن شئ زى ده ممكن تحقيقه فى فترة قريبة و ده اللى خلانى أقلق من العمل ممكن يتخلى عن المنطق اللى إلتزم بيه (إلى حد ما) على مدار العمل و يدخل فى أحداث خيالية

عموما ده شئ مش هايتضح قريب و هاننتظر لغاية لما نشوف الكاتب هيتعامل مع المشكلة دى إزاى

 

[AM152]

الموضوع ميت كالعادة

شابتر 224

العمل حاليا فى آركه الأخير و بيقرب من النهاية ، بصراحة كانت عندى مشاكل كثيرة مع الآرك السابق بس اتمنى الوضع يبقى مختلف مع الحالى و اللى بدايته قوية فعلا حتى الآن

محتوى مخفي

من البداية تركيز العمل الأساسى كان على الإختراعات المختلفة بس بدون تركيز على الشخصيات فالعمل هايبقى مجرد سرد للمعلومات فقط و صعب الإهتمام بتفاصيله و العمل بيبقى فى قمته لما يحاول يعمل توازن نسبى بين الإثنين زى آرك مملكة التحجر أو آرك زينو بس اللى حصل فى الآرك السابق كان تكرار للى حصل قبل آرك التحجر بس أسوء ، Pacing سريع جدا مع تقدم مهول فى التكنولوجيا بشكل غير طبيعى و مبالغ فيه حتى بمقاييس العمل مع سحب تام على معظم الشخصيات باستثناء مشاهد بسيطة

أحد النقط اللى ضايقتنى إن أحداث الآرك المفترض إنها حصلت فى سنوات نتيجة المجهود الخرافى فى عمل الصاروخ و السفر حول العالم لتجميع الموارد و ما إلى ذلك و مع كده مافيش أى تغير ملحوظ على الأبطال أو اى تطور فى حياتهم الشخصية كأنهم مازالوا طلبة فى المدرسة ، الشئ اللى بيدى إحساس Off و مزعج فعلا بالنسبة لى

بالرغم من الإنتقادات فآخر كام شابتر مستواهم مرتفع و بداية حماسية للآرك الأخير فقط اتمنى إن اللى حصل فى ال Spin off (بخصوص المحطة الفضائية ) مايكونش Canon و يظهر فى هنا لأنه يتعدى الحد اللى ممكن اقبله و إن كان الشابتر فيه تلميح مقلق ليه

 

[AM152]

شابتر 229

عندى مشكلة كبيرة تجاه منطق الشابتر

محتوى مخفي

الشابتر بيشرح دوافع العدو و ليه عمل كل اللى عمله و بصراحة التفسير كان غير مقنع

Why man عاوز البشرية تعرف إنه يقدر يديهم حياة مستمرة عشان يعملوا المزيد منه طب ليه حجر البشرية بالكامل و خلى الحضارة اللى ممكن تعمل كده تنهار ، ليه ماكتفاش بإرسال كمية محدودة مع توضيح طريقة عمل الجهاز زى ما عمل فعلا مع سكان الجزيرة بعد كده عشان الباقى يعرف قيمة الجهاز و يعمل المزيد ، إحنا ممكن نقول إن عدم معرفته بالطبيعة البشرية ليها دور بس الموضوع مش منطقى بالنسبة لى

 

[AM152]

شابتر 232

العمل انتهى أخيرا ، من جهة النهاية مقبولة نسبيا و الكاتب حاول يحل المشكلة اللى ذكرتها بخصوص المنطق بشكل معقول بس من جهة تانية عندى مشكلة شخصية مع الكشف فى النهاية

محتوى مخفي

الكاتب فسر تصرفات Why Man باعتبارها خطأ فى الحساب و التقدير سواء فى المدة اللى البشرية هتاخدها لفك التحجر أو فى نظرتهم ليه نظرا للإختلاف فى طرق التفكير و بالرغم من بعض النقط المثيرة للتساؤل إلا إنى هتجاوز الموضوع

رفض Why Man للتعاون مع البشر كان غريب ، محاولة التطفل على البشر انتهت بخسارة كبيرة ليه فى الوقت و العدد بس لما أخيرا بقى فى فرصة لتعويض الخسائر قرر يتركها و يبحث عن فرصة تانية مش مضمونة بس ممكن السبب إنه اعتبر فرصة إعادة انتاجه من قبل البشر محدودة مش بس نتيجة نقص التكنولوجيا و إنما لعدم إهتمامهم بفكرة التحجر نفسها بس ده ما يمنعش إن علاقتهم بالبشر مازلت مستمرة سواء عن طريق الفرد اللى قرر يكمل مع سينكو أو الأفراد فى موقع السقوط و اللى ممكن يتم إحيائهم

كعادة العمل مافيش إهتمام كبير بالشخصيات و مصيرها بس على الأقل حصلنا لخاتمة لتايجو و يوزوريها و شبه خاتمة لكروم بس المشكلة الكبيرة كانت فى نهاية الشابتر و موضوع آلة الزمن

فكرة تغيير الماضى تبقى فكرة سيئة بصراحة بالنسبة لى خاصة مع النجاح اللى حققه سينكو لأن معناه إلغاء كل التطور اللى حصل كأنه لم يكن ، أظن إن الكاتب كان مدرك كده و عشان كده لمح إن التغيير ممكن مايبقاش كلى بس الفكرة إن أى تغيير فى الماضى عواقبه مش مضمونة و هايدخلنا فى متاهات و ماحبيتش دى تكون النهاية

 

[Abdo Aly]

انتهيت المانجا اليوم من شابتر 88 للنهايه
من البدايه القرار للذهاب للمانجا كان قرار صحيح بنسبه مليار بال% و انصح بيه
هل العمل متوسط بصراحه و كان في نقاط كثير مخيبه النهايه فيها مشاكل

محتوى مخفي

العمل اخذ وقت طويل علشان يبدا في الارك الجديد او بمسمي ارك جزيره الكنز فعليا فتره طويله جدا و بدل ما كان اختراع كل حلقه اتحول لاختراع كل شابتر الوضع ممل و لو كنت تابعت اسبوعي كنت عملت دورب حتي تنتهي بالكامل المشكله ان في مبالغه بالاختراعات و تحس انها تيجي من العدم عاوزين كذا هوب اصبح عندنا الوضع اصبح معاد كل مره حتي نفس ردود الفعل
ارك جزيره الكنز كان افضل مستوي يليه ارك حقول الذره رحله حول العالم ما لها فائده و ممله و ارك الاخير في الفضاء للنسيان و محبط
المشكله في النهايه تحديدا انها جائت من العدم و مع شي يتنافي مع فكره العمل و هي العلم كائنات فضائيه تظهر في اخر 3 شباتر و بسبب و دوافع سخيفه بصراحه و اخر شاتبر و اله الزمن شي بنهايه مفتوحه و مش محبب لي نيجي لمشكله ان الكاتب عنده مشاكل في كتابه شخصيه شريره في الارك تسوكاسا كان غير مقنع الارك الثاني حاكم الجزيره ما عنده اي دافع عاوز احكم و خلاص و الارك الثالث زينو خلونا نعمل سينكو شرير و نخليهم يدخلو قتال ذكاء و الارك الاخير شرير من العدم بدون تقديم و فجاه خلاص انتهينا
نيجي لنقطه ثانيه و الكاتب محاولش يقدم تفسير ليها ليها رواد الفضاء محولوش يكتشفو حل للعلاج للتحجير فرصتهم كانت افضل بكثير اعني كلهم كانو نخبه في مجالهم + كانت لسه التكنولوجيا حاضره
لي استهلكو وقت في تجميع موارد خاص بدل ما يكتشفو علاج كانت عندهم قدرات تسجبل اغنيه لليان و معندهمش وقت يشفو حل للكارثه الحاصله
نيجي لجانب الشخصيات الكاتب قدم كم كبير منهم و لا واحد منهم عندو تتطور و او ماضي او اي شي شخصيات باتجاه افقي واحد تودي نفس الدور علي طول الخط
الكاتب في البدايه قدم شخصيه يوريزها و تايجو شخصيات بلا اي تتطور علي طول الخط زي اول شابتر هو اخر شابتر م بعدها قدم كروم شخص مناقض لشخصيه تايجو كان افضل منه بصراحه و تتطوره كعالم مميزه لكن الكاتب مل منه و قدم شخصيه ريوسي الشخصيه دي تحديدا من ساعه ما ظهرت و هي واخده وقت اطول من الازم و تقريبا الباقي اختفي المشكله انه ما يحصل تتطور لها
نيجي لشي اخر في اخر ارك مدينه الذره انتعاش سويكا طفله عمرها 7 سنين تعيش في وسط غابات الامازون وحيده و تنجح في عمل عقار و فريق الخبراء الفضائي محاولش
المشكله ان الشخصيات لا تتطور نفسيا او شكليا القصه تاخد 10 سنين و شكل الشخصيات اكنهم لسه في ثانوي

رغم كل العيوب الفوق العمل ممتع و لكن يستاهل انتظار سنتين علشان موسم ثاني لا

 

[AzureFlame]

رغم كل العيوب الفوق العمل ممتع و لكن يستاهل انتظار سنتين علشان موسم ثاني لا

يستاهل حق محبي الأنميز نفسي. الألوان والVoice Acting يسوى. وحبيت موسم Stone Wars جدا. فإذا القادم أفضل، انا متحمس جدا.

 

[Abdo Aly]

يستاهل حق محبي الأنميز نفسي. الألوان والVoice Acting يسوى. وحبيت موسم Stone Wars جدا. فإذا القادم أفضل، انا متحمس جدا.

القادم عمليا هو نفس المستوي في الارك القادم منخفض في البعده

 

[AM152]

انتهيت المانجا اليوم من شابتر 88 للنهايه
من البدايه القرار للذهاب للمانجا كان قرار صحيح بنسبه مليار بال% و انصح بيه
هل العمل متوسط بصراحه و كان في نقاط كثير مخيبه النهايه فيها مشاكل

محتوى مخفي

العمل اخذ وقت طويل علشان يبدا في الارك الجديد او بمسمي ارك جزيره الكنز فعليا فتره طويله جدا و بدل ما كان اختراع كل حلقه اتحول لاختراع كل شابتر الوضع ممل و لو كنت تابعت اسبوعي كنت عملت دورب حتي تنتهي بالكامل المشكله ان في مبالغه بالاختراعات و تحس انها تيجي من العدم عاوزين كذا هوب اصبح عندنا الوضع اصبح معاد كل مره حتي نفس ردود الفعل
ارك جزيره الكنز كان افضل مستوي يليه ارك حقول الذره رحله حول العالم ما لها فائده و ممله و ارك الاخير في الفضاء للنسيان و محبط
المشكله في النهايه تحديدا انها جائت من العدم و مع شي يتنافي مع فكره العمل و هي العلم كائنات فضائيه تظهر في اخر 3 شباتر و بسبب و دوافع سخيفه بصراحه و اخر شاتبر و اله الزمن شي بنهايه مفتوحه و مش محبب لي نيجي لمشكله ان الكاتب عنده مشاكل في كتابه شخصيه شريره في الارك تسوكاسا كان غير مقنع الارك الثاني حاكم الجزيره ما عنده اي دافع عاوز احكم و خلاص و الارك الثالث زينو خلونا نعمل سينكو شرير و نخليهم يدخلو قتال ذكاء و الارك الاخير شرير من العدم بدون تقديم و فجاه خلاص انتهينا
نيجي لنقطه ثانيه و الكاتب محاولش يقدم تفسير ليها ليها رواد الفضاء محولوش يكتشفو حل للعلاج للتحجير فرصتهم كانت افضل بكثير اعني كلهم كانو نخبه في مجالهم + كانت لسه التكنولوجيا حاضره
لي استهلكو وقت في تجميع موارد خاص بدل ما يكتشفو علاج كانت عندهم قدرات تسجبل اغنيه لليان و معندهمش وقت يشفو حل للكارثه الحاصله
نيجي لجانب الشخصيات الكاتب قدم كم كبير منهم و لا واحد منهم عندو تتطور و او ماضي او اي شي شخصيات باتجاه افقي واحد تودي نفس الدور علي طول الخط
الكاتب في البدايه قدم شخصيه يوريزها و تايجو شخصيات بلا اي تتطور علي طول الخط زي اول شابتر هو اخر شابتر م بعدها قدم كروم شخص مناقض لشخصيه تايجو كان افضل منه بصراحه و تتطوره كعالم مميزه لكن الكاتب مل منه و قدم شخصيه ريوسي الشخصيه دي تحديدا من ساعه ما ظهرت و هي واخده وقت اطول من الازم و تقريبا الباقي اختفي المشكله انه ما يحصل تتطور لها
نيجي لشي اخر في اخر ارك مدينه الذره انتعاش سويكا طفله عمرها 7 سنين تعيش في وسط غابات الامازون وحيده و تنجح في عمل عقار و فريق الخبراء الفضائي محاولش
المشكله ان الشخصيات لا تتطور نفسيا او شكليا القصه تاخد 10 سنين و شكل الشخصيات اكنهم لسه في ثانوي

رغم كل العيوب الفوق العمل ممتع و لكن يستاهل انتظار سنتين علشان موسم ثاني لا

متفق مع عدد من النقط اللى ذكرتها خاصة بالنسبة لبعض الجزئيات المخيبة للآمال و العمل كان ممكن يبقى أحسن بكثير بس هاختلف فى بعض النقط:

محتوى مخفي

كلامك صحيح بخصوص المبالغة فى تقديم الإختراعات و اللى زاد عن الحد بشكل غير طبيعى و بدون أى فرصة لإلتقاط الأنفاس ، المشكلة إن فى بعض الأوقات تحس إن الكاتب نسى إنه بيقدم قصة فى الأساس مش كتيب تعليمى و الموضوع كان مزعج فعلا

متفق تماما بالنسبة لكلامك عن الشخصيات و اللى كانت أكبر نقطة ضعف فى العمل و مشكلة اتكلمت عنها أكثر من مرة و أظن إن أحد أسباب إن آرك جزيرة الكنز يبقى الأحسن إنه حاول يوازن بين الإختراعات المختلفة و التفاعل بين الشخصيات (إلى حد ما) عكس باقى الآركات ، من بعد أول آركين انت ممكن تحذف معظم الشخصيات و تبدلهم بأى حد تانى و مش هاتحس بفرق بسبب إنعدام وجود أى دور حقيقى ليهم و مستغرب من سحب الكاتب على كروم و تفضيله المبالغ فيه لريوسى

متفق برضه بخصوص موضوع عدم تغير شكل الشخصيات و حتى كنت علقت عليه قبل كده

بالنسبة للنقط اللى باختلف فيها :

مش شايف إن النهاية جت من العدم و بالعكس الموضوع كان واضح ، وجود تكنولوجيا متطورة جدا و مش متفقة مع أى شئ من عصرنا و وجود جهة ما فى قاعدة على القمر لمدة الآف السنين (شئ برضه غير ممكن مع التكنولوجيا الحالية) كل ده كان يدل على وجود شئ غير بشرى و السؤال ماكنش فى وجوده أم لا و إنما فى إيه طبيعته و أهدافه ، ده مايمنعش إن عندى بعض الإعتراضات على الدوافع و المنطق وراها بس مش هاعتبر ده تقديم من العدم

بالنسبة لضعف أشرار العمل فده صحيح بس يمكن هاختلف بالنسبة لآرك جزيرة الكنز ، وجود شخص هدفه الإستيلاء على الحكم يبقى شئ واقعى و صحيح العمل ماتعمقش فى الشخصية بس فى نفس الوقت مابالغش فيها و قدمها بشكل معقول

بالنسبة لنقطة رواد الفضاء و سويكا فالكاتب حاول يقدم تفسير لده فعلا ، أولا سينكو كان عنده Hint يبدأ منه فعلا و هو المادة فى الكهف على عكس رواد الفضاء و اللى ماكنش عندهم أى دليل أو إتجاه يمشوا فيه أما سويكا فسينكو ساب معاها طريقة مبسطة لعمل العلاج و كل اللى كان عليها صناعته حسب الوصفة مش إكتشافه من البداية ، النقطة الثانية إن بالإضافة لعدم وجود نقطة بداية فبسبب وقوع رواد الفضاء على جزيرة منعزلة فده منعهم من الوصول لجزء متحضر يقدروا يبدؤا الأبحاث منه و حتى لما مجموعة منهم خرجت من الجزيرة للبحث عن مضادات حيوية فأخبارهم انقطعت بعدها و الأغلب إنهم ماتوا ، بالنسبة لى النقطة الغير منطقية هنا تبقى مكان السقوط و عدم القدرة على الحركة أكثر من عدم الوصول لعلاج التحجر