الموضوع الرسمي Devil May Cry 4: Special Edition: أحتاج المزيد من القوة!

[Old Hunter]

خلصت كل الشخصيات على الهيومن وطلت حركاتهم كامله , عندي حاليا مليون اروب احمر @@

طبعا من زمان اشوف هيومن طور ممل وبايخ , فانا اترقب باقي الاطور
هالجزء تعيس في الليفل ديزاين جدا مكرر -_- , بس ما علينا
رأي بكل بساطه بين الخمسه

فيرجيل وتريش امتلاااااااااااك ! الافضل بين الخمسه بسهوله !

يجي بعدهم نيرو ومن ثم دانتي وثم ليدي

ليدي احسها مش حق كومبوهات , تتسل بصورايخها فقط

ما في اخبار عن اداء مبيعات اللعبه في الستور ؟

حاليا العب DMC النسخة المطورة ، ممتاز الكومبات سستم جدا ، انتهي منه ان شاء الله ، واحمل اللعبة ، مشتاق ل I need more power .

 

[W.W.W]

حاليا العب DMC النسخة المطورة ، ممتاز الكومبات سستم جدا ، انتهي منه ان شاء الله ، واحمل اللعبة ، مشتاق ل I need more power .

انصحك بقوه بطور فيرجيل في الريبوت , جدا حبيته اكثر من دانتي , مع انه فقط 6 مراحل
بس عليك تتأقلم مع تحكم فيرجيل

بنسبه لريماستر دمك4 لا تفكر تلعب فيرجيل وتريش وليدي اذا هي اول مره لك في هالسلسله

شغل التيربو في الاعدادات , حاول شراء نص او اكثر من الحركات قبل ما تدخل المرحله الثاني

العب ديفل هنتر في البدايه واتركك من هيومن الممل

 

[W.W.W]

بالمناسبه , انا اوافق جيم سبوت على العيوب الي ذكروها , بس ما اوافقهم في التقييم طبعا >_>

غير التكرار الي من زمان نعرفه

المشكله الجديده هي الكاميره وامور ثانيه , انا لمن لعبت اللعبه فعلا حسيتها قديمه مقارنتا بالريبوت >_>

في مناطق تتضايق لمن تأكشن فيها بسبب زاويه الكاميره المضروبه , ايش المشكله لو حطوا خيار تخلي الكاميره حره طول الوقت ؟

بعد ما شفنا العاب نفس جاد اف وار وبايونيتا , لمن ترجع لدمك4 تحس ان البيئات ميته >_> , ما في تفاعل في البيئه , كل شي فيه تفاعل يتحول في الكات سينز , ما في شي خلال اللعبه , ما تحس بلاحظات سينمائي ابدا
يعني على سبيل المثال , لمن المدينه انتشرت بالشياطين يقتلون في العالم , ليش ما شفنا ناس تهرب اثناء الجيم بلى يعيشونا اللحظه ؟ ليش لازم اكون انا والوحوش الوحيدين المتفاعلين في الشاشه >_>

اتسونو لمن بسوي دمك5 لازم يراعي هالشي وان السوق مش نفس اول واتمنى ما يكرر غلطة التكرار التعيس في هذا الجزء ويعوضنا بتنوع نفس الثالث

 

[W.W.W]

نسيت اذكر ان اتسونو سوه حاجه اشوفها بايخ واجابيه في نفس الوقت , اتسونو جالس يحاول يخلق تجربه مختلفه تماما مع كل شخصيه , قد يبدو لك ان تريش تشبه دانتي , لكن لمن تمسك الكنترول , التحكم وكل شي مختلف 180 درجه , يمكن تضيع في البدايه لكن سرعا ما تتأقلم

الشي الي ما حبيته , في حركات ناقصه في الشخصيات , فيرجيل بسيفه الياموتو "في الهواء" ما عنده هجوم يضربه فيه العدو وينزله في الارض >_>

تريش ما عندها الهجوم للامام نهائيا >_>

ليدي الي مكرهني فيها انها بطيئه وصعب تكسر حركاتها :/

بس مع ذلك مازالوا رهيبين ^^

 

[Old Hunter]

انصحك بقوه بطور فيرجيل في الريبوت , جدا حبيته اكثر من دانتي , مع انه فقط 6 مراحل
بس عليك تتأقلم مع تحكم فيرجيل

بنسبه لريماستر دمك4 لا تفكر تلعب فيرجيل وتريش وليدي اذا هي اول مره لك في هالسلسله

شغل التيربو في الاعدادات , حاول شراء نص او اكثر من الحركات قبل ما تدخل المرحله الثاني

العب ديفل هنتر في البدايه واتركك من هيومن الممل

اهلا عبدالله ، جربت طور فيرجل على خفيف ، شكله ممتع : ) ، اصلا من زمان وانا افضل فيرجل على دانتي .

بخصوص الريماستر ، لا مو اول مره لي بالسلسة ، ماشي معها حبه حبه من اول ما بدت ، من الاول من ايام البلاي ٢ ، فلا تخاف ،

 

[Ryu]

بعد ما شفنا العاب نفس جاد اف وار وبايونيتا , لمن ترجع لدمك4 تحس ان البيئات ميته >_> , ما في تفاعل في البيئه , كل شي فيه تفاعل يتحول في الكات سينز , ما في شي خلال اللعبه , ما تحس بلاحظات سينمائي ابدا
يعني على سبيل المثال , لمن المدينه انتشرت بالشياطين يقتلون في العالم , ليش ما شفنا ناس تهرب اثناء الجيم بلى يعيشونا اللحظه ؟ ليش لازم اكون انا والوحوش الوحيدين المتفاعلين في الشاشه >_>

عشان يسوون لعبة أكشن للكونسول في 2008 تمشي على 60FPS؟ من متى السلسة سينمائية داخل الجيمبلاي أصلاً...

فيرجيل بسيفه الياموتو "في الهواء" ما عنده هجوم يضربه فيه العدو وينزله في الارض >_>

مثلث مثلث pause مثلث مثلث ينزل تحت، إذا قصدك ليش ياماتو ما عنده هيلم بريكر فتبديل الأسلحة الفوري موجود لسبب وش الفايدة إذا كل الأسلحة نفس الحركات

 

[W.W.W]

عشان يسوون لعبة أكشن للكونسول في 2008 تمشي على 60FPS؟ من متى السلسة سينمائية داخل الجيمبلاي أصلاً...

مش سالفت من متى , حسستني انه ستاندرد ولازم تمشي عليه السلسله للابد >_>

في شي اسمه مواكبة التطور , دمك مستحيل تستمر بهالشكل , لازم تنظر للمنافسين وتقدم شي احسن منهم

وبعدين 60 اطار مب عذر , في شي اسمه تضحيات , دمك4 اشوفها لحد يومك رسوماتها ممتازه , كان بأمكانهم التضحيه برسومات اللعبه وتقديم جوده اقل لكن جميله في نفس الوقت , على سبيل تحقيق جيم بلى سينمائي ومتماسك و60 اطار

وهالشي صار فعلا مع لعبت بايونيتا , كل ما في الامر نحتاج توازن في عمليه التطوير وما يكون شي احسن من الثاني

كان ودي اشوف دمك4 فيها لحظات نفس هذه

حتى الريبوت فيها مراحل تفاعليه رهيب

مثلث مثلث pause مثلث مثلث ينزل تحت، إذا قصدك ليش ياماتو ما عنده هيلم بريكر فتبديل الأسلحة الفوري موجود لسبب وش الفايدة إذا كل الأسلحة نفس الحركات

للاسف غير عملي , خصوصا ان بضغط L2 والي يحتاج اضغطها مرتين على شان اوصل لسيف هذاك >_>

هذا اذا قلنا اننا نريد الياموتو كسلاح رئيسي

 

[Ryu]

مش سالفت من متى , حسستني انه ستاندرد ولازم تمشي عليه السلسله للابد >_>

في شي اسمه مواكبة التطور , دمك مستحيل تستمر بهالشكل , لازم تنظر للمنافسين وتقدم شي احسن منهم

وبعدين 60 اطار مب عذر , في شي اسمه تضحيات , دمك4 اشوفها لحد يومك رسوماتها ممتازه , كان بأمكانهم التضحيه برسومات اللعبه وتقديم جوده اقل لكن جميله في نفس الوقت , على سبيل تحقيق جيم بلى سينمائي ومتماسك و60 اطار

وهالشي صار فعلا مع لعبت بايونيتا , كل ما في الامر نحتاج توازن في عمليه التطوير وما يكون شي احسن من الثاني

كان ودي اشوف دمك4 فيها لحظات نفس هذه

حتى الريبوت فيها مراحل تفاعليه رهيب





للاسف غير عملي , خصوصا ان بضغط L2 والي يحتاج اضغطها مرتين على شان اوصل لسيف هذاك >_>

هذا اذا قلنا اننا نريد الياموتو كسلاح رئيسي

بايو 2 (2014) ديفل4 (2008) مواكبة تطور مين بس...
لا تتوقع أن فيه ناس بيشتغلون مئات الساعات عشان يغيرون شيء إذا أنت ما عندك استعداد تاخذ نص ساعة من وقتك تحاول تتأقلم مع تغيير السلاح بضغط R2، أو حتى تبدل زر R2 بL2
ما كثر الله ألا ألعاب الQTEs أو التجارب التفاعلية زي ما تقول وقفت على ديفل مي كراي يعني؟ هي لعبة أكشن وشيء ما في مثله بالسوق، العب الأشياء الثانية ببساطة؟ إذا علاقتك بالسلسلة قصصية فقط فthat's that لا تتوقع أنهم راح يعيدون هيكلة الجيمبلاي بالكامل عشانك
جرب أشوراز راث مثلاً، أحس بيرفكت لك

 

[W.W.W]

بايو 2 (2014) ديفل4 (2008) مواكبة تطور مين بس...
لا تتوقع أن فيه ناس بيشتغلون مئات الساعات عشان يغيرون شيء إذا أنت ما عندك استعداد تاخذ نص ساعة من وقتك تحاول تتأقلم مع تغيير السلاح بضغط R2، أو حتى تبدل زر R2 بL2
ما كثر الله ألا ألعاب الQTEs أو التجارب التفاعلية زي ما تقول وقفت على ديفل مي كراي يعني؟ هي لعبة أكشن وشيء ما في مثله بالسوق، العب الأشياء الثانية ببساطة؟ إذا علاقتك بالسلسلة قصصية فقط فthat's that لا تتوقع أنهم راح يعيدون هيكلة الجيمبلاي بالكامل عشانك
جرب أشوراز راث مثلاً، أحس بيرفكت لك

وبايو1 وين راحت ؟ خليك منها , جاد اف وار1 وين راحت ؟ كان مفروض دمك تتعلم منها من زماااااااااااااااان , لكن بايو1 سبقتها
يب دمك4 حاولوا يسون شي زي جاد اف وار وفشلوا فيها من ناحيه تقنيه , المرحله 18

ايش الي يغيرون ما يغيرون >_>
تراها سهل جدا , حركات هوائيه مشابه لنيرو وخلصنا , نيرو يقدر يسوي كومبو في الهواء وعنده ضربه ينزل فيها مع الشيطان الي اسمها split , لكن المطور الا حالف يخلي التحكم مختلف ليخلق تجربه جديده لا اكثر واشوفه خطأ >_>

وبعدين ما سألت نفسك ليش انا ما اشتكيت من الجزء الثالث ؟ سبق وقلت لك ان عملية التبديل ل3 اسلحه شي فاشل وغير عملي , عكس الثالث بدون ما تتلخبط , بزر تحول لسلاح الثاني

بايونيتا قدمتها بشكل ممتاز , عندك خانتين لتبديل الاسلحه فقط , وتقدر تختار الاسلحه في هالخانتين من الاستارت

ما اذكر اني جبت طاري الQTE بالعكس كنت انتقد هالشي بشده في بايونيتا وجاد اف وار , انا اتكلم عن بيئات تفاعليه حيه , بس شكلك رحت بعيد >_>
ابسط مثال , انا مثلا احس دمك4 لو يخلون اللعبه نظامها خلفيات ثابته نفس اونيموشا1و2 ما بأثر شي على الجيم بلى , بينما مستحيل هالشي مع الريبوت او بايونيتا , اتضحت الصوره ؟

سلسلة دمك اكثر لعبه مناسبه لذوقي ترا مش عيب اني اذكر عيوبها واتمنى تكون للاحسن >_>

 

[W.W.W]

رفعت لعبي للمرحله الثالثه بنيرو بطور الديفل هنتر


عندي كم غلطه عبيطه وتقريبا لعبي شبه متواضع , بس اهم شي جبت في المرحله S في النهايه , يا سادتي هكذا تجيب الS في اللعبه , استمتعوا ^^

 

[Ryu]

بايو الفريم حقها مضروب على نسخة البلايستيشن 3 ومو 60 عال360، جاد أوف وار مع نفسها أصلا مدري شلون تقارنها مع الباقي وكل اللعبتين صادرين بعد DMC4

نيرو يقدر يسوي كومبو في الهواء وعنده ضربه ينزل فيها مع الشيطان الي اسمها split , لكن المطور الا حالف يخلي التحكم مختلف ليخلق تجربه جديده لا اكثر واشوفه خطأ >_>

طيب؟ تبي الشخصيات كلها نيرو بس سكينز مختلفة؟ مجاوب على نفسك لول
بالمناسبة فيرجل شخصية سهلة جداً جداً.. إذا ما عرفت له وأنت لك مدري كم سنه ومدري وش مسوي باللعبة وهو شخصية عائدة مو جديدة مثل تريش وليدي فحالتك صعبة
وبخصوص

وبعدين ما سألت نفسك ليش انا ما اشتكيت من الجزء الثالث ؟ سبق وقلت لك ان عملية التبديل ل3 اسلحه شي فاشل وغير عملي , عكس الثالث بدون ما تتلخبط , بزر تحول لسلاح الثاني

واللهي هذا يعني أن أنت فاشل بالعملية.. مو العملية نفسها فاشلة
لو فعلاً استغليت التغيير الفوري بالثالث كان تمنيت التوسعة اللي صارت بالرابع، بس واضح أنك ما تعمقت بالفكرة وبالتالي مو مقدر ديفل4

يوم تقول السلسلة مناسبة لذوقك وش تقصد بالضبط؟ فيه أي شيء له علاقة بالجيمبلاي؟
ليش ما تصير بايو أو جاد أوف وار أكثر شيء مناسب لك بما أنهم مسوين الأشياء اللي تبيها؟

 

[W.W.W]

بايو الفريم حقها مضروب على نسخة البلايستيشن 3 ومو 60 عال360، جاد أوف وار مع نفسها أصلا مدري شلون تقارنها مع الباقي

انا اتكلم عن نسخة ال360 >_>
مشكلة نسخة البلاي3 هي فشل المطور لا اكثر وهي نسخة البلاي3 مش من انتاج كاميا على فكره

طيب؟ تبي الشخصيات كلها نيرو بس سكينز مختلفة؟ مجاوب على نفسك لول
بالمناسبة فيرجل شخصية سهلة جداً جداً.. إذا ما عرفت له وأنت لك مدري كم سنه ومدري وش مسوي باللعبة وهو شخصية عائدة مو جديدة مثل تريش وليدي فحالتك صعبة

يسوي تجربه جديده , لكن مب بهالشكل :/
يعني انا عندي هالحركات هذه اساسيات في دمك , لمن تشيلها تحس في شي غلط

متى قلت اني ما اقدر ابدل بالحركات ؟ :/ , قلت غير عملي ما قلت ما اقدر

واللهي هذا يعني أن أنت فاشل بالعملية.. مو العملية نفسها فاشلة
لو فعلاً استغليت التغيير الفوري بالثالث كان تمنيت التوسعة اللي صارت بالرابع، بس واضح أنك ما تعمقت بالفكرة وبالتالي مو مقدر ديفل4

طيب ابيك تروح لكاميا مخترع ديفل ماي كراي بكبره , ورح قوله ليش انت خليت بايونتيا تبدل بين خانتين فقط , انا بصراحه تعبت معاك >_>

ودمك3 ابي نظام تبديل الاسلحه يصير نفس بايونيتا مو دمك4

يوم تقول السلسلة مناسبة لذوقك وش تقصد بالضبط؟ فيه أي شيء له علاقة بالجيمبلاي؟
ليش ما تصير بايو أو جاد أوف وار أكثر شيء مناسب لك بما أنهم مسوين الأشياء اللي تبيها؟

:/

جاد اف وار كومبوهاتها ما تعجبني , وما احب سوالف الاغريقيه او حتى قصص التاريخيه القديمه , بس اللعبه عموما ممتازه

بايونيتا خطيه بشكل بايخ :/ , فقيره في الالغاز وتحس نفسك تلعب ساحات اكشن لا اكثر وكويك تايم كثير , غير اني ما احب شكل بايونيتا

دمك3و4 رغم عيوبهم بس يقدمون لي ليفل ديزان يخليني اقول هذه لعبه بغض النظره عن مستواها الغاز ومراحل ترجع لها , اتموسفير السوداوي هذا جوي , اشكال دانتي ونيرو وفيرجيل الكوول اعتبرهم افضل تصميم لالعاب الاكشن في التاريخ وشخصياتهم حلوه برضو ^^
اللوك اون وحركاتهم الي نشوفه في دمك وبايونيتا افضل نظام قتالي بنسبه لي , هذا احد الاسباب الي تخلي جاد اف وار بره المنافسه

تبي اسباب اكثر ؟ >_>

 

[W.W.W]

لعبي بدانتي , فيديو بسيط ^^

 

[W.W.W]

يا لها من كذبه الي كنت عايش فيها , طلعت طول الوقت كنت العبها بدون تيربو , وانا اقول ليش اللعبه فيها ملل قليلا @@

 

[W.W.W]

http://www.gamespot.com/articles/devil-may-crys-future-isnt-tied-to-how-well-devil-/1100-6428432/

قبل فتره اتسونو علق مصير السلسله على الريماستر , لكن هنا المطورين يقولون ان كان في سوأ فهم , كان قصدهم انهم يتمنوا اللاعبين ان يشتروا الريماستر لا اكثر , شكل دمك5 فعلا تحت التطوير @@

ويقول لك ان في احتمال يكون في ريماستر للاول والثاني والثالث >_>

رزدنت ايفل7 ودمك5 شكل اعلانهم بكون في معرض طوكيو اليابان

 

[X I I I]

خلال الأسابيع الماضية ظهر تعليقا من مخرج سلسلة العاب ديفل مي كراي من كابكوم “Itsuno” بكون مستقبل السلسلة سيعتمد على مبيعات لعبة Devil May Cry 4: Special Edition التي صدرت خلال الأسبوع الحالي على أجهزة الجيل الحالي و الحاسب الشخصي.

من خلال مقابلة جديدة مع Itsuno أكد أنه هذه المعلومة كانت سوء ترجمة فقط لإجابته على سؤال بخصوص مستقبل السلسلة وبكون مبيعات اللعبة لاتعكس مستقبلها، الكثير من الشائعات تشير لكون كابكوم تعمل على الجزء الجديد من السلسلة وقد نراه هذا العام.

من الموقع ..

ويقول لك ان في احتمال يكون في ريماستر للاول والثاني والثالث >_>

الشركة حالياً تعاني فأي قرش بيكون نعمة ..
و كشفوا بآخر أخبارهم إنهم يركزوا على الريماسترات الألعاب القديمة
عموماً ما أستبعد إنه ريماستر الثلاثية الأولى بتكون نفسها حق الجيل الماضي دون أي تحسين متعوب عليه

 

[W.W.W]

هو شبه استحاله اشتري الثلاثيه لانها عندي على البلاي3 , الا لو سمعت ان فيها تعديلات حقيقيه على الجيم بلى , كمثال :

الجزء الاول :
- يضيفون قائمة اختيار المراحل كما حصل مع الاجزاء الباقيه
- اختيار الاسلحه في وسط اللعب بدال ما يكون من الاستارت
- اضافة تيربو
- مود يخلي حركات دانتي اخف وتكسر الحركات بسهوله
- طور نفس لاجندري دارك نايت
- تعديل الكاميره لتصير حره اكثر
- ملابس دانتي الثاني والثالث

الجزء الثاني
خربان خربان , شعدلون فيه ؟ يبغيله ريميك كامل >_>

الجزء الثالث
- سيناريو فيرجيل ودانتي يكونوا مشتركين مع بعض في نفس التخزينه , نفس الي نشوفه في دمك4 الاسبشل
- اختيار استايلات دانتي في وسط اللعب نفس الرابع
- تجاوب فيرجيل للعبه كانه سيناريو اركيد نفس الي سووه بالاسبيشل بدال ما يقطع الكات سينز بشكل غريب
- اختيار الاسلحه كلها في وسط اللعب , غالبا بسووه 3 خانات في وسط الجيم بلى وتختار الباقي من الستارت
- اضافة طور جديد نفس لاجندري دارك نايت
- تحسينات طفيفه في الالغاز واستراتيجية قتال الشياطين
- ملابس دانتي الثاني

وكل هذا ب20 دولار , يب مستعد اشتريه

 

[W.W.W]

للرفع

 

[Neva]

خلصتها بـ فيرجل اليوم, جلسة وحده

محتوى مخفي: النهاية الخاصه بفيرجل

كل مالي اتأكد زياده ان نيرو ماهو ولد فيرجل, فيرجل تكلم عن حاجات زي
انهم misguided وضايعين
وذكر شي عن القوة الحقيقية لإبن سباردا
بحكم ان عندهم تجارب ومعامل فكرت ممكن فيرجل اعطاهم شي من جسمه خليه او ايّا كان (وعشان هالسبب اليد تتأثر بدانتي) ... سيف ياماتو للآن ماندري ليش مكسور!

وممكن يكون ولد فيرجل بسبب حركتهم لمن اظهروا البنت في الانترو الخاص به
مبديئّا, لا مو ولده

 

[remi]

السلام عليكم

انا عندي نسخه pc اخترت ابدا بدانتي لكن الشخصيه بطيئه بالحركه كل شيء بطيء كيف اعدلها وسرعها
وكيف اقدر ارجع للبدايه ابغى اغير شخصيتي

 

[W.W.W]

السلام عليكم

انا عندي نسخه pc اخترت ابدا بدانتي لكن الشخصيه بطيئه بالحركه كل شيء بطيء كيف اعدلها وسرعها
وكيف اقدر ارجع للبدايه ابغى اغير شخصيتي

ما تقدر تلعب بدانتي , بتلعب بنيرو بالاول

اذا قصد التيربو تحصله في الاعدادات

 

[remi]

لا اقصد الحركه كل شي بطئ مثل مقطع مبطئ
+
كيف ارجع لقائمه اختبار الشخصيات من جديد ولا لازم العب بنيرو الاول

 

[Random]

ما تقدر تلعب بدانتي , بتلعب بنيرو بالاول

اذا قصد التيربو تحصله في الاعدادات

لا يقدر يلعب بدانتي من البداية، ميزة جديدة في السبشيل اديشن.

كيف ارجع لقائمه اختبار الشخصيات من جديد ولا لازم العب بنيرو الاول

ادخل اللعبة واضغط على Load Game وبعدين اضغط على Mission Menu وبعدين اختار نيرو بدال دانتي، هو الافضل لو انك جديد على اللعبة انك تبدأ بنيرو، لإن احداث القصة تبدأ معه وبعدين تبدأ احداث قصة دانتي.

 

[remi]

شكرا لك

طيب ومشكله بطئ الشخصيه عند الحركه هو يركض لكن ببطء

 

[Random]

شكرا لك

طيب ومشكله بطئ الشخصيه عند الحركه هو يركض لكن ببطء

مم متأكد هذي المشكلة مو من الPC؟ الي فهمته ان اللعبة تشتغل بالslow motion عندك؟

عمومًا جرب تشتري خاصية الSpeed في قائمة الAbilities ، وتفعل الTurbo من الOptions، شوف الحركة صارت اسرع؟

 

[remi]

حليت المشكله الله يوفقك ^_^

 

[W.W.W]

لا

خاتم اللعبه فوق 4 مرات ولا في ميزه تختار دانتي في البدايه >_>

اساسا منطقيا كيف بتلعب بدانتي في وسط الغاز تطلب يد نيرو ؟

 

[W.W.W]

هذه قائمة انجازاتي في دانتي ونيرو للمره الاولى

اقدر اخليها اسات كلها , بس مالي خلق >_>

 

[Random]

خاتم اللعبه فوق 4 مرات ولا في ميزه تختار دانتي في البدايه >_>

اساسا منطقيا كيف بتلعب بدانتي في وسط الغاز تطلب يد نيرو ؟

مو قصدي تلعب بدانتي من المهمة 1، اقصد تختار دانتي وتلعب فيه بالمهمة 12 بدون ماتختم اللعبة بنيرو اول.

قرأت عن هالميزة قبل كم شهر، وبحثت قبل شوي وبالنهاية طلعت المعلومة غلط، لازم تلعب بنيرو/ليدي حتى المهمة 11 علشان تلعب بدانتي/تريش.

 

[W.W.W]

اللعبه مخذه المركز السابع في مبيعات الستور الامريكي من هذا الشهر , كل المؤشرات تدل على ان اللعبه جالسه تبيع ارقم حلوه , ما استبعد انها توصل لمليون