hits counter

الموضوع الرسمي Deus Ex: Human Revolution / الأعظم ليس الأقوى أو الأذكى , بل الذي يتطور

Jonas

True Gamer
شيء واحد مزعجني باللعبة، موديل الشخصيات in-game مشي حالك وأحياناً تحس إنها من جيل الماضي، قاعد أحاول ألعب على نفسي
وأقول إن كل ألعاب الويسترن أربيجي موديلاتها كذا فاعتبرها جزء من الإكسبيرينس
laugh.gif

بالعكس الموديلز ممتازة و افضل من العاب WRPG كثيره

220px-Fpritchard.jpg


Faridah_Malik.png


Deus-Ex-Human-Revolution11-600x300.jpg


:sweat:
 

SCREAMING_RAGE

رئيس فريق TG كرة أوروبية
أوكيه خلصت المرحله الاولى ........... و أجواء اللعبه الليمونيه مش بطاله ابداً, كل شئ في اللعبه لونه اصفر :/
قصة اللعبه لحد الحين غامضه و البطل مسوي نفسه غامض بالقوه, يمكن لأنه صار اجمنتد بسبب الحادثه.

شباب بالنسبة للـــ
بوس الاول المكسيكي !!
تراني اقنعته في انه يترك البنت المسكينه و خليته يهرب من يدي ....... هل أنا عملت الشئ الصح هنا ؟
 

Jonas

True Gamer
^
لسى ما وصلت للبوس الاول , و الي سويته صح

القصة بتصير اوضح كل ما تقدمت
 

Al Pacino

True Gamer
هممم فعلا اوافق رازيل المودلز للشخصيات غير الرئيسية يكون مااش عكس الاساسية بالقصة والي بتشوفهم اكثر من مرة ... التفاوت بتفاصيل المودلز واضح جدا !
 

Genocide Diego

True Gamer
أخذت اللعبة أمس ولعبت فيها 7 ساعات تقريبا

اللعبة جيدة جدا والجيم بلاي مزيج من ألعاب كثيرة مثل BioShock و Resident Evil و Brothers in Arms

الصراحة ما راقتلي كثير فكرة إنك تلعب FPS و TPS في نفس الوقت ( منظور الـ TPS في الـ Cover فقط )

عجبتني فكرة الـ Inventory المشابهة لـ Resident Evil 4 ( شنطة تحط فيها كل أدواتك وأسلحتك )

تقنيات ومهارات البطل ممتازة ونظام التهكير جميل جدا والتجسس والخيارات اللي يقدمها لك لا يعلى عليها

العيب اللي لاحظته لحد الآن هو إن مشاهد اللعبة أقل جودة من جودتها أثناء اللعب ( نقس مشكلة Mortal Kombat )
 

Colorization

True Gamer
بعدني ما وصلت وايد (دخلت مبنى الشرطة وخذيت الجهاز اللي عند الميّت، وسويت جم سايد كويست) ومستانس معاها. التجسس ممتاز وبمستوى ميتل جير من ناحية إنه رئيسي باللعبة ومو مجرد محذوف حذف ببعض الأماكن (مثل أنتشارتد ٢)، عوامل الآر بي جي ممتعة وايد والأكشن محبوك. أشكال الشخصيات مو عاجبتني لكن مو مهم وايد. الإستكشاف يذكرني بـThe Darkness.
 

Sora Diersly

True Gamer
وهزمت الزعيم الثاني :rockon: مازالت اللعبة تقطُر رهابة ومتحمس للبلاي ثرو الثاني من اللحين لأن في طور الأيزي أموت 10 مرات والأعداء مافيه قُدرة ماهيب عندهم -_-" اجل في النورمال وش بيصير فيني XD ؟؟
 

SCREAMING_RAGE

رئيس فريق TG كرة أوروبية
^
حتى انا مثلك, اتموسفير اللعبه مجنون !! وخاصةً
يوم تدخل شقتك لأول مره و الستائر تنزل و تشوف منظر العمائر قدامك و مع اللحن الرهيب.............. وااااو ابغى اسكن في ديترويد الحين
 

Q8_Gamer

Hardcore Gamer
وهزمت الزعيم الثاني :rockon: مازالت اللعبة تقطُر رهابة ومتحمس للبلاي ثرو الثاني من اللحين لأن في طور الأيزي أموت 10 مرات والأعداء مافيه قُدرة ماهيب عندهم -_-" اجل في النورمال وش بيصير فيني XD ؟؟

هههه على الايزي انا بديت اللعبه على الهارد و وصلت عند البوس الاول وصطرني لين حبيت القاع وقلت خلنا على الايزي ابرك علشان لا اترك اللعبه خخخخ :laugh::
 

Q8_Gamer

Hardcore Gamer
عندي ملاحظات كثيره ممكن تساعدكم لكن فيني النوم وتعبان بكره انشاء الله بكتب رد تفصيلي <<< لاتخافون بدون سبويلر

بس اللعبه بدون مبالغه ترقى لمستوى MGS4
 

nbnt

True Gamer
اخذت نسخة الاجمنتد بمثل سعر العاديه على الاكس بوكس (ليش انا الوحيد اللي اخذها على الاكس بوكس؟ مع انها المفروض النسخه الكونسوليه الافضل) احسن شي في النسخه اداة الـ automatic unlocking اللي تفتح اي باب بدون هاكنج، احس انها كسرت صعوبة اللعبه لول

لعبت مهمتين رئيسيه و مهمتين جانبيه، اللعبه فيها عمق رهيب في المهمات و التطوير و غيره، الجيم بلاي حلو لكني ما احب التنقل بين المنظور الاول والثالث، و خصوصًا لما اقتل عدو بتخفي (stealth kill) احس ان اللعبه تدخل عرض و ترجع بعد فتره

اما من الجانب التقني، آوت ديتد، خصوصًا بعض المودلز تحسسني اني العب دووم 3، لكن يشفع لها الاتموسفير و آرت ستايل رهيب و تصميم بعض المناطق، تساقط في معدل الاطارات ملحوظ في المدن، و الـ Loading طويل حتى مع تثبيت اللعبه. جربت نسخة البي سي على اعلى الاعدادات وماكان فيها فرق يذكر للأسف، آه المفروض ما اتوقع اكثر مع استخدامهم لمحرك كريستال القديم (المستخدم في تومب رايد اندرورلد)

المحادثات في اللعبه مهمه جدًا، لكنها للأسف مقدمه بشكل سيء، الانميشن و تعابير وجوه المودلز السيئين تقتل اهميتها، و ما ادري ليش في المحادثات كل شخصيه تتكلم لازم تتحرك حركات غريبه يمين و يسار او تتحرك عيونهم فوق يمين تحت يسار. اعجبتني خيارات المحادثات اللي ما احس انها المفروض تحدد شخصيتك كطيب او شرير مثل باقي العاب الآر بي جي اللي بنفس النظام

بشكل عام مستمتع فيها، اتمنى اخلصها قبل زحمة الالعاب.
 
التعديل الأخير:

Al Pacino

True Gamer
^

بالمناسبة نسختك فيها زود فقط الغلاف والارت بوك، الاضافات الاخرى الي داخل اللعبة كلها موجودة بالنسخة العادية "اللمتيد" عالبلاي3 + كــود الإضافات بنسخة الـ360 ريجون لوكد.

اوافقك بحركات الشخصيات العبيطة وقت المحادثة "الانميشن"، من بداية اللعبة والى الان التعابير ماتغيرت أبد ونفس الحركة يعيدها مع كل جملة يقولها، يعني بدل هالحركة ماتضيف واقعية للمحادثه أشوفها قدمت العكس!
 

nbnt

True Gamer
حتى الساوندتراك وعروض ميكنج اوف و موشن كوميك معها؟ هذي في دي في دي لحالها في نسخة الاجمنتد، لول عليهم..

بس ترا ريجون الكود عادي، فتحت حساب بريطاني وحملت الاضافات و استخدمتها مع حسابي الرئيسي بدون مشاكل.
 

Al Pacino

True Gamer
فيها الساونتدراك والمكينج اوف !؟ واحد اعرفه اخذها يقولي فيها الارت بوك واضافات داخل اللعبة بس >.>"

وكويس اللوكد حق الكود مش عالاي بي زي ماتوقعت ..
 

أوكازو

True Gamer
إذا الساوندتراك موجود مع الاقمنتد اديشن، هل هو بديفيدي مثل حركات أوبي سوفت اللي تبي ريال و إلا يجي لحاله بيحيث اني اقدر احطه بالجوال و الكمبيوتر و كذا؟
 

nbnt

True Gamer
فيها الساونتدراك والمكينج اوف !؟ واحد اعرفه اخذها يقولي فيها الارت بوك واضافات داخل اللعبة بس >.>"

وكويس اللوكد حق الكود مش عالاي بي زي ماتوقعت ..

Augmented Edition includes a 40-page Art Book, Motion Graphic Novel, as well as an Exclusive Bonus DVD: 44-min Making Of, Special Trailers, Game soundtrack, Animated storyboard of CGI trailer - all in Premium Packaging

لول كنت احسب ان كل محتويات الدي في دي موجوده في النسخه اللي تقصدها..

إذا الساوندتراك موجود مع الاقمنتد اديشن، هل هو بديفيدي مثل حركات أوبي سوفت اللي تبي ريال و إلا يجي لحاله بيحيث اني اقدر احطه بالجوال و الكمبيوتر و كذا؟

في دي في دي، لكن عادي ايش المشكله؟ تقدر تشغله على البي سي و تسوي له استخراج و تنقله لأي مشغل ميديا. و اظن الكلام هذا ينطبق حتى على ننسخ يوبي سوفت، الا لو كانت حاله خاصه.
 
التعديل الأخير:

Al Pacino

True Gamer
حتى الساوندتراك وعروض ميكنج اوف و موشن كوميك معها؟ هذي في دي في دي لحالها في نسخة الاجمنتد، لول عليهم..

اوه توني افهم هالسطر -__-" لا نسخة اللمتيد فيها فقط الاضافات الي داخل اللعبة (مهمة زيادة وكم سلاح)
 

Al Pacino

True Gamer
اللعبة مائلة جدا للصعوبة! بالمناسبة ترا تقدر تخزن اللعبة بأي مكان "زي هيتمان" وهالشي فك لي أزمات صراحة خاصة اذا طورت قدراتي على طول أخزن لاني لو مت برجع لمكان قبل التطوير وبنسى أطورها مرة ثانية ..
 

Sora Diersly

True Gamer
انا اعتقد اني على نهاية اللعبة. انا متحمس اكثر للولكثرو الثاني. منها انهي اللعبة بمستوى صعوبة اعلى. ومنها أحدد اختيارات ثانية لما اتكلم مع الناس, لأن اختلاف الإختيارات يغيّر أحداث مُستقبلية في اللعبة (واعتقد النهاية بعد) بس لسى ماوصلت للنهاية علشان افهم وش القصة...

عموما أنا فقدت الأمل في المنطقة اللي انا فيها حالياً وقاعد اقتل كل شيء يمر قدامي بالـ shot gun بإستهتار :laugh::
 

Al Pacino

True Gamer
شباب احد يشرح لي البيرسونالتي تايب؟ قدرة تفكها ويصير فيه شي أشبه بالبار أعلى يسار الشاشة فيه ثلاث كلمات (الفا، بيتا، اوميجا) والوقت الي يكلمك فيه الشخص تجي بعد ومضات سريعة عند أحد هذي الكلمات .. المشكلة اني ماعرف وش معنى هالكلمات الثلاثة واذا لمض عند الـبيتا على سبيل المثال هل هو يكذب ؟ اتمنى أحد يشرح لي ..
 

Sora Diersly

True Gamer
^
سعود, انا مافهمتها إلا لما جربتها. كنت بقولك "ماادري" لكن قررت اصرف النقاط اللي معاي وفتحتها P: بصراحة فادتني كثير! طلعت تروفيين عن طريقهم xD
عموما, الفكرة أن كل شخص تقابله ويفرضون عليك خيارات في اللعبة لـ "نقاشه". غالبا تحلهم على عماك, لكن لو كان عندك الخيارات هذي توضّح لك شيء في شخصيتهم:
ألفا = شخصية ماتواجه, وتضيّع الموضوع دائما لما توجّه لهم سؤال مُباشر. الطريق الأمثل معاهم أنك ترجعهم للمسار الأساسي وتضربهم بالـ facts بوجيههم وهم راح يحاولون يضيعون السالفة ويتكلمون في امور مالها علاقة بأسئلتك غالبا.
بيتا = شخصية انثوية وغالبا تقدر تسحرها بجمالك/صداقة/علاقة أي شيء تقريبا يظهرك بالمظهر الرجولي أمامها. لما تستخدم "سحرك" عليها, راح تعطيك المعلومات اللي تبيها.
اوميجا = شخصية صعبة المراس, وغالبا عنده حقائق وفاكتس وعلم أكثر منك, ومايشوفك إلا حشرة P: الطريقة الأمثل للتعامل مع هالشخصيات أنك تستخدم معاها الحكمة في كشف أمور ماكانت منتبهه لها. بهالطريقة تغيّر فكرتها وتبدأ تسمع لك.

مدري اتمنى تكون هذا التحليل واضح >.>"


أنا خلصت اللعبة على فكرة :D جاري بدئ اللعبة بالطور الصعب جدا. لازم أخلص اللعبة بدون مااقتل اي شخص (الموضوع يقتصر بالضرب أو الهرب) ولازم برضوا ماانكشف أبدا خلال اللعبة كلها (راح استخدم استراتيجيتك ياسعود) علشان تروفيين ذهبيين ابغاهم ;)
 

Al Pacino

True Gamer
^

واضح جدا يعطيك العافية ..
 

أوكازو

True Gamer
في دي في دي، لكن عادي ايش المشكله؟ تقدر تشغله على البي سي و تسوي له استخراج و تنقله لأي مشغل ميديا. و اظن الكلام هذا ينطبق حتى على ننسخ يوبي سوفت، الا لو كانت حاله خاصه.

يوبي سوفت اخذت لمتد اساسين كريد بروذرهوود، و كان الديفدي يجي مشفر، يعني زي ديفيديات الأفلام ما تقدر تآخذ منه شي بطريقة مباشرة
يعني اتوقع تحتاج برامج قرصنة و كذا!

عموماً يوم شفت السالفة كذا رح حملت الساوندتراك مقرصن و ابن ابوه يقول شي!

بينما مثلاً انفيمس 2، الساوندتراك جاي على شكل كود و تحمل من PSN و تنقله لأي وسيط تخزين تبيه!
 

I-NERO-I

True Gamer
أنا خلصت اللعبة على فكرة :D جاري بدئ اللعبة بالطور الصعب جدا. لازم أخلص اللعبة بدون مااقتل اي شخص (الموضوع يقتصر بالضرب أو الهرب) ولازم برضوا ماانكشف أبدا خلال اللعبة كلها (راح استخدم استراتيجيتك ياسعود) علشان تروفيين ذهبيين ابغاهم ;)
تقدر تبدأ (+ New Game ) بالابجريد والاغراض الي معاك ؟
 

nbnt

True Gamer
يوبي سوفت اخذت لمتد اساسين كريد بروذرهوود، و كان الديفدي يجي مشفر، يعني زي ديفيديات الأفلام ما تقدر تآخذ منه شي بطريقة مباشرة
يعني اتوقع تحتاج برامج قرصنة و كذا!

عموماً يوم شفت السالفة كذا رح حملت الساوندتراك مقرصن و ابن ابوه يقول شي!

بينما مثلاً انفيمس 2، الساوندتراك جاي على شكل كود و تحمل من PSN و تنقله لأي وسيط تخزين تبيه!

اوه واو يوبي سوفت و الحمايه الرهيبه :laugh::

اعرف اكواد تحميل الساوندتراك، بس هذي للبلايستيشن فقط، الوضع يختلف مع العاب الاكس بوكس/المولتي بلات لازم تكون على دي في دي او سي دي صوتي

عموما جربت انقل ساوندتراك ديس اكس على البي سي و انتقل بدون مشاكل.
 

Al Pacino

True Gamer
تقدر تبدأ (+ New Game ) بالابجريد والاغراض الي معاك ؟

لا للأسف .. والله انقهرت يوم عرفت هالشي مع أن اللعبة جدا جدا مناسبة للنيو جيم بلس!!
 

SAUD~F-16

True Gamer
شباب انا معجب جدا باللعبة , لاكن شفت جيم بلاي وحسيت انه معقدة شوي وانا الأنقلش مش حالك! لاحظتوا تعقيد او اي شي من هذا القبيل؟
 

Sora Diersly

True Gamer
شباب انا معجب جدا باللعبة , لاكن شفت جيم بلاي وحسيت انه معقدة شوي وانا الأنقلش مش حالك! لاحظتوا تعقيد او اي شي من هذا القبيل؟

ابدا مافيها اي تعقيد. من ناحية القصة تقدر تكنسلها وتمشي على عماك عادي, كل اللي تسويه أنك تشوف الهدف المطلوب منك في الخريطة أو خلال اللعب يعلّمك وين اتجاه الهدف المطلوب, وانت كل اللي عليك انك توصل له. الفكرة أنك تستخدم طُرق كثيرة للوصول للهدف. سواء تدرعم وتطلق على خلق الله كلهم, وإلا تخدرهم وتمشي على شوي شوي, وإلا تاخذ مسلك مُختلف جذريا وتمشي في طريق مُختلف يوصلك لهدفك وتتجنب كل الأعداء.
اللعبة تستاهل وبقوة. المسألة الوحيدة اللي راح تتعقد فيها في البداية هي التهكير وكيفيته, لكن انا وضحت في اكثر من ردّ كيف تتعامل مع الموضوع, وبرضوا فيه ارقام واكواد يطيحونها الأعداء لما تخدرهم وإلا تقتلهم تعفيك من التهكير من أساسه. اللعبة بشكل عام تعطيك ألف طريقة وطريقة توصل فيها لهدفك, تقدر تكسر جدار وتاخذ شورت كت, تقدر تقتل الأعداء, تقدر تهكر طريق ثاني مُختلف, تقدر تسلك فتحات التهوية وتتجنب كل شي. هذا أحلى شيء في اللعبة :) حتى تطوير شخصيتك يأثر على إختيار طريقك في اللعبة مُستقبلياً. أنا بديت اللعبة الأولى وفللت قُدرات التكهير وصرت اسلك طُرق التهكير مُباشرة. اللحين بديت اللعبة من جديد وتركيزي منصبّ على تكسير الجدران وإيجاد طُرق فرعية جديدة علشان اتجنّب اني انكشف وهكذا...

أنا انصح باللعبة بشكل كبير. كون عليها أسم سكوير اينكس او لا, الفريق أبدع في فكرة هاللعبة. حتى الـFPS فيها مُمتع كونك عندك خاصية TPS لما تحتمي. امور كثيرة تستحق الإستكشاف :)
 

I-NERO-I

True Gamer
لا للأسف .. والله انقهرت يوم عرفت هالشي مع أن اللعبة جدا جدا مناسبة للنيو جيم بلس!!
خسارة كان مفروض يكون فيها الخاصية هاذي :(
 

II EYAD II

True Gamer
اليوم بديت فيها البدايه تقريبا مطمنه ومتوقع التجربة حتكون حلوه كان في مشاكل من البداية في التعود على التحكم بس شوي وسار الوضع اوكيه عموما بديت بصعوبة نورمال ما ادري احس بسهوله نوعا ما في احد ينصح ابدأ بالهارد ؟ وصلت عند فريده مالك لوول على الأسم بتاخذني بالهيلكوبتر تقريبا البداية
 
أعلى