Solay
Double Jumper
أنيهت Sen's fortress
مغامرة جميلة، حبيت الفخاخ الي فيها، واللفل ديزاين كالعادة عبقري. البوس iron golem في البداية حسيت ما عندي فرصة قدامه كون هجماتي كانت نظريًا ما تسبب أي دامج، لكنه طلع سهل في النهاية وهزمته في ثلاث محاولات (اوكي كانوا ست لكن ثلاث منهم خسارتي كانت بسبب طيحات >.>)
وصلت anor londo، أخيرًا منطقة تفتح النفس! جميل جدًا تصميمها. تحديدًا وصلت إلى:
الـsnipers الي يرموا عليك أسهم على طريق ضيق
وهنا تنتهي رحلتي مع اللعبة.... مؤقتًا إن شاء الله
اللعبة ممتازة ما عليها كلام، اللفل ديزاين خصوصًا..... أدري إني مدحته كثير لكن تبًا كأني جالس ألعب دنجن في زيلدا، باستثناء إن كل العالم مصمم بهاذي الطريقة! مشكلتي هي إن اللعبة غير عما توقعت. أنا كنت متوقع إن اللعبة صعبة، لكن مو بهذا الشكل. كنت أعتقد إن دارك سولز لعبة مرتكزة على نظام القتال وبالتالي الصعوبة بتكون متعلقة بالقتالات، لكن الحقيقة إن أقل من نص خساراتي هي من قتالات (وأعني قتالات، بالمعنى المتداول في ألعاب الفيديو). ما هو سبب الخسارة الرئيسي إذًا؟ الطيحات.
أنا شخص يحب البلاتفورمنج ويحب حرية التحرك، ما أحب الجدران الغير مرئية أو جزئيات البلاتفورمنج من نوعية "اضغط X واحنا بنخلي الشخصية تقفز بالنيابة عنك". جدًا انبسطت من زيلدا BotW وحرية التسلق فيها مع وجود زر القفز. دارك سولز تقدم بلاتفورمنج وتقدم حرية غير مسبوقة في حركاتك، وبقدر ما الأمر مفاجئ بالنسبة لي لكني أجد هذا الأمر مزعج جدًا. البلاتفورمنج في دارك سولز سيء جدًا برأيي، ما فيه زر مخصص للقفز، ما كنت أدري أصلًا إن فيه قفز كون اللعبة ما أخبرتني واكتشفت ذلك بالصدفة بعد يمكن 15 ساعة لعب! تنفيذ قفزة واحدة بشكل صحيح هو big deal في دارك سولز. ومع هذا، اللعبة فيها بلاتفورمنج. توظيف ميكانكية البلاتفورمنج المكسورة هذه في عقبات أبدًا مو سهلة تنتج جحيم وطيحات بالهبل. الأسوأ من هذا؟ دارك سولز لعبة حرة بالكامل. ما توقعت يجي اليوم الي أطالب لعبة فيه بتوفير جدران غير مرئية! دارك سولز تقدم الكثير من تحدياتها عبر ممرات ضيقة جدًا، أحيانا تحتاج تنفيذ قفزة في هذه الممرات، أحيانا تحتاج تقاتل عدو، وأحيانا تحتاج تتفادى أسهم تطيرك على هذه الممرات (الأخيرة هي القشة التي قصمت ظهر البعير بالنسبة لي). طبعًا من وجهة نظر اللعبة، هذا يعتبر تحدي إضافي. وبصراحة، نوعًا ما أقدر أتفهم هالشيء في حالة قتال الوحوش كون عدم وجود مساحة حرة يلغي خيار التفادي ويجبرك على الصد والـparry، الأمر كما لو أن اللعبة تقدم لك تحدي جديد عبر قتال وحش معين قاتله من قبل، لكن هذه المرة دون القدرة التفادي. لكن حتى في هذه الحالات الممرات ضيقة بشكل متطرف أحيانا لدرجة إن الـdamage effect في حال تلقيك لضربة كفيل باسقاطك. مشكلة كل هذا هو أن عقوبة الطيحة في دارك سولز هي الموت (إلا في حالات نادرة، في حال وجود أرض تحتك تبعد ارتفاع بسيط)، وكون عقوبة الطيحة هي الموت هو شيء أختلف معاه بشدة. بقدر ما الأمر مثير للسخرية، الوحوش هي بحاجة للجدران الغير مرئية بقدر حاجتي لها لول! صارت لي مرات كثيرة إن الوحش الي أقاتله يسقط ويموت بسبب تنفيذه لحركة معينة (غالبًا القفز للخلف). إذا كان السبب الرئيسي لخسارة اللاعب، بل وأحيانا الوحوش، في لعبة آربيجي هو السقوط فأنا أعتقد بوجود مشكلة عويصة في اللعبة. لكني أتفهم، هذا جزء من فلسفة اللعبة، هذا جزء من التحدي وهو مو خطأ بقدر ما هو عقبة متعمدة من المطور. المشكلة هي: أنا لا استمتع بهذا.
الي يزيد الأمر سوء هو إن الباتل سيستم شاخ بسرعة. أنا ذكرت سابقًا إن دارك سولز ما تمتلك أكثر باتل سيستم عميق في الحياة، ولذلك توظيف هذا الباتل سيستم في لعبة تمدت لربما مئة ساعة غير ممكن بنظري. أعني، بعد اتقانك لمهارات الصد والتفادي والـparry وبعد فهمك للستاتز واختيارك للدروع المناسبة، نظام القتال يبدأ يصير ممل. أحس إني من بعد blighttown فهمت كل هذا، ومن بعد هذه النقطة بدأ نظام القتال يفقد بريقه. احنا هنا نتكلم عن ماذا، الربع الأول من اللعبة فقط؟ أنا ذكرت سابقًا إني أكره التكرار في حالة إني أتقنت الشيء ولسة مجبر على إعادته، ولهذا ما مانعت خساراتي الكثيرة في blighttown. في anor londo، ورغم كوني خسرت أقل بكثير، لكني طفشت بسرعة. لأن الطريق للمكان الي أنا عالق فيه (المكان الي ذكرته في السبويلر) مليء بوحوش صرت أعرف تمامًا كيف أهزمها. صرت كل مرة أعيد نفس القتالات بنفس الأسلوب وأهزم نفس الوحوش، أحيانًا بدون أي خطأ، فقط حتى أوصل لجزئية بلاتفورمنج وأخسر فيها. لا مجال للتحسن هنا سوى في جزئية البلاتفورمنج الي أخسر فيها، وهذا الي يخلي تكرار نفس القتالات كل مرة أخسر فيها أمر ممل، وحتى الشيء الي المفروض أتحسن فيه (جزئية البلاتفورمنج) هو أمر لا استمتع فيه كما ذكرت.
فيه قرارات أخرى أنا ضدها، مثل إخفاء البونفاير في أماكن سرية (يناظر البونفاير في sen's fortress >.>)، لكني جميعها أقدر أتجاوزها.
طبعًا قبل لا أحد يوجهني لحل مشكلتي
يب أنا بحثت في النت الريدي عن الحل مع الـsnipers في anor londo، فيه الـpoison arrows وفيه أيضًا ring of fog على ما أظن، كلاهما يحلان المشكلة حسبما قرأت. لكن هاذي هي مشكلتي! أنا ما أحب أستعمل الجايد لكني أستعمله بكثرة في دارك سولز لأني أكون عالق في عقبات ما أحب طريقة حلها. هذا يذكرني مثلًا ببداية دخولي لـblighttown وكيف كنت أتسمم وأموت بسرعة. الحل؟ spider shield. هذا تحديدًا الي ما أحبه، لما يكون حل العقبة هو آيتم أحصل عليه في منطقة أخرى. أنا أحب لما يكون حل المكان الي أنا عالق فيه هو "git gud" زي ما يقولوا، إني أحسن مهارتي في تجاوز العقبة الي أواجهها، مو إني أحصل على آيتم يبعد مئة ميل عن العقبة في مكان ما يخطر على البال. الشيء هو، أغلب العقبات الي أواجهها في دارك سولز هي من النوع الأخير الي ما أحبه، ولذلك أحصل نفسي أستعمل الجايد بكثرة. المرة الوحيدة الي استعلمت فيها الجايد لأني نوب هي مع الـbell gargoyle، وهذا كان في بداية اللعبة فيعني معذور @@ والمضحك إن حتى وقتها كان الحل هو "آيتم يبعد مئة ميل عن العقبة في مكان ما يخطر على البال" xD الي هو الـdrake sword
الملخص هو..... دارك سولز لعبة ممتازة لكن توجهها مختلف عما توقعت. خطئي طبعًا إني ما بحثت عن اللعبة كفاية وكنت راسم تصور مختلف تمامًا عنها. أتمنى أرجع لها لاحقًا لأني جدًا استمتعت باللفل الديزاين الاستنثائي في اللعبة وكذلك قتال البوسز والأجواء العامة المظلمة انسجمت معها كذلك. لكن في الوقت الحالي أحتاج بريك من اللعبة لأني تمللت منها، وأحتاج أبحث بشكل أكثر عن المشوار الي باقي لي في اللعبة وهل بواجه نفس المشاكل الي واجهتها سابقًا وهل بيتحسن نظام القتال. بلقي نظرة على باقي السلسلة أيضًا على أمل إن توجهها يلائم توقعاتي المسبقة وفي هذه الحالة ممكن أسوي سكيب للجزء الأول. طبعًا انتم مصدر أساسي لي فأي نصيحة بهذا الخصوص مرحب بها وبكون شاكر لكم ^^
سالفة الطيحه سلاح ذو حدين، يمديك تستغلها انت وتدف عدوك بسبارتان كيك، بس عموما ممكن اوافقك انه دارك الأولى فيها شوية ترولينج بحيث انه ممكن تموت موتات غريبه من فخ معين او طيحه غبيه بس لأن المطورين يبونك تموت كذا. زي مثلا سالفة الفئران السامه اللي بالممر الضيق. ويب فيه عناصر معينه تحتاج فيها تستعمل قايد مع انه الأمثله اللي انت قلتها ما ينطبق عليها ذا الشي وكان يمديك تحلها بطرق ثانيه عاديه. قتال بيل قتال عادي جدا وما كنت تحتاج فيه سلاح معين.
الباتل سيستم ما فهمت مشكلتك معه، تقدر توضح أكثر؟ ممكن لفلك عالي او اسلحتك قويه بزياده بحيث انه صار ما فيه اي استراتيجيه وصرت تنهيهم بسهولة؟
يعني لو نتكلم عن قتال بريث اوف ذا وايلد مثلا فدارك 1 مقاربه له بس أعمق بكثير وتعتمد على تحركات كل عدو، ويب طبيعي اذا فهمت للعدو بيصير اسهل وهذا لأنك انت طورت من نفسك ومع ذلك يبقون اعداء قاتلين وممكن ينهونك بكم ضربه لو استهنت فيهم بينما بألعاب ثانيه كثير العدو مجرد عقبه عاديه.
دارك 3 وبلودبورن "أبسط" بكثير، الصعوبه نفسها واسلوب القتال نفسه بس مع زيادة عناصر، بس بدارك 3 كمثال:
- ما فيه سالفة الهيومانيتي وخربطتها.
- الاستس فلاسك بدارك 3 لو طورته عندك خلاص بيبقى على العدد الجديد طوال اللعبه بينما بدارك 1 لازم تسوي كين لبونفاير معين ويصير ذا البونفاير هو الوحيد اللي يعطيك العدد الجديد.
- سالفة الأوزان مبسطه بحيث انه بس وزنين وكلهم بشكل معقول وواضح.
- ما فيه افخاخ كثير ونادر جدا جدا تموت بسبب ترولينج.
- اللعبه تتبع اسلوب تصميمي مختلف، أقل عبقريه من دارك 1 بس مريحه أكثر. وهو أنه كل منطقه باللعبه ضخمه ومتشعبه بس من يوم تطلع منها 90% ما تحتاج ترجعلها فما تشيل هم انك ممكن مفوت شي مهم لتقدمك بس ما تدري بأي منطقه. او هل اصلا انت ماشي بالطريق الصحيح او لا، لأن اللعبه ما تفتح لك كل شي وتعطيك الخيار وين تبي تروح. المنطقه اللي بتقدر تدخلها اعرف ان لفلك مناسب لها بكل بساطه. بس طبعا تحتاج تفتش المناطق وتلفل فيها بشكل طبيعي والا بتاكلها.
- اللعبه فيها فاست ترافل بين البونفايرز.
- البونفايرز موزعه بشكل أكثر.
- الكومبات والسرعه والسلاسه أفضل بمليون مره، وذا أكبر فارق بين الجزئين لدرجة انه بعضهم يقول لك لا تلعب 3 قبل 1 و 2 عشان ما تحس بداونجريد وتتركهم.
- الأسلحه ما تتكسر.
- المناطق مضيئه وحيه أكثر.
- التغيير بين اساليب اللعب مشجع أكثر بحكم سلاسة القتال. سهل جدا مثلا انك تلعب اللعبه كلها بدول سوردز وبدون درع.
- البوسس أفضل بشكل واضح واذا خلصت على نص هيلث اي بوس بينتقل للفيز الثاني وتتغير طريقة قتاله كليا فكأنك جالس تقاتل بوسين تقريبا.
وتقريبا كل اللي فوق ينطبق على بلودبورن مع تغييرات من هنا وهناك، بلودبورن عموما تتبع اسلوب هجومي أكثر وفيها ميكانيكيات تشجعك على ذا الشي، والليفل ديزاين فيها مقارب لفكرة دارك 1 بحيث انه متشابك بس متسامح أكثر وما راح تشوف نفسك تضيع كثير. يعني حتى في حال لو لعبت دارك 3 ومااعجبتك فبلودبورن مست لأنها مختلفه شويتين.