hits counter

الموضوع الرسمي Bloodborne | الوَداع أيها الصيّاد الجيّد ( راجع سياسة السبويلر بالموضوع )

YazeedVx

True Gamer
مش عارف مشاعري متضاربة حول اللعبة

الشغف اللي كنت املكه اثناء سلسلة السولز خف كثير, من ديمونز سولز الى دارك سولز 2 حتى مااوقف لعب الا اذا اجبرت على ذلك, اما هنا احس اني امل او اقرف بسرعة

حتى اذا تبغى تتنقل بين منطقتين تضطر ترجع للهنترز دريم ومع وقت اللودينق الطويل, اوكي بديمونز سولز نفس الشيء لكن النكسس كان تحفة فنية حرفيا تدور فرص انك تمضي وقت اكبر فيه, قلة الآيتمز الاسلحة وحتى الملابس, افقدت الاستكشاف كثير من متعته, الشوت قن بالنسبة لي مااضاف شيء, طريقة لعبي ماتتناسب معاه وكنت اقدر اتقبله اكثر لو كان انلميتيد خصوصا انه مخصص للستن, ماادري ليش حادين عدد الرصاص على اساس بيقتل احد

مستوى التحدي عند الزعماء, حرفيا اكثر من زعيم لولا اني دخلت عليه بالغلط ومو جاهز كان خلصت عليه من اول مرة, ومع قلة عددهم ماافهم ليش مسهلينهم كذا

اجواء اللعبة السوداوية حسيت احيانا بالتكرار, وبرضه تخليك تمل من اللعبة اكثر, الكلاسات في بداية اللعبة متشابهين جدا الفروقات بينهم ضئيلة جدا

اوكي اللعبة فيها اشياء ممتازة, لكن البساطة الزايدة اشوفها عيب كشخص خلص الاجزاء السابقة كلها واستمتع فيها, ممكن ميزة وتجذب اكثر اللاعبين الجدد لكن كنت اتمنى فيه شيء للاعبين القدامى

برضه نظام الانفيد - حسب مافهمته - ماتقدر تغزو شخص الا مايكون رن الجرس يعني بتدخل على اثنين بالقليل, عموما ماله داعي اتكلم عن عيوب لسه ماتأثرت منها كثير خليها للانطباع النهائي

عموما هذا انطباعي بعد 29 ساعة لعب لسه ماخلصت اللعبة, استمتعت صحيح ومااختلف حول امتياز اللعبة لكني محبط فعلا, بصراحة اللعبة حمستني اكثر اشتري دارك سولز 2 واعيد لعبها وارجع العب ديمونز سولز من جديد, ماابغاها تكون جزء جديد من السلسلة عشان لا احد يفهمني بشكل خاطئ لكني كنت اتوقع شيء اكثر من الموجود ..
 

ASWD

True Gamer
شباب طالما حاطين فبالكم انها جزء من سلسلة سولز فما اظن انكم بتعترفون بالسيت اب المستقل حقها مهما كان وهذي مشكلتكم اذا كل شوي بتقارنوها مع احد اجزاء سولز ومو راضين مقتنعين انها لعبة مستقلة بذاتها ومالها صلة بغيرها اللا في اساسها المتبع في غالبية العاب الفريق حتى من قبل ما تنوجد سلسلة سولز ما اظن بتقتنعو حتى لو يجي مخرجها بكبره وقعد يشرح لكم هالشي لانكم حاطين فبالكم انها جزء من هالسلسلة لا اكثر.يعني وش اكثر من هالاختلافات عشان تقتنعون.لعبة بعالم سوداوي يوازي العاب الرعب ولهذ غالبية المراجعات والاستعراضات ركزت على هالجانب تحديدا وما اظن هالشي كان موجود فسلسلة سولز.اسلحة مختلفة فطريقة تصميمها واستخدامها بكونها تتحول لسلاحين في آن واحد وما اظن سلسلة سولز كان فيها هالشي.عصر مختلف كليا اللي تدور فيه الاحداث واعداء مختلفة فطريقة تصميمها وتفاعلها معك من كلام وغيره ما اظن انها موجودة في سلسلة سولز.العامل الاول والاخير فاللعبة هو السرعة والبديهة فالتعامل مع كل شي حوليك وانت المبادر للهجوم وليس العدو ومافيه شي اسمه انتظر بل انت اللي تخطو الخطوة من سحب الاعداء على دفعات اكان برمي الحصى او لفت انتباه العدو بطريقة ما يعني مافيه انتظر صد وتحين الفرصة وهالشي ما اظنه كان اساس من اسس سلسلة سولز.ليفل ديزاين مغاير تماما وارت جديد كليا فكل شي باللعبة ومع هذ غصب تبغون تعتبرونها انها من سلسلة سولز.طيب ليش لاعبينها اذا كنتم عارفين انها عنوان جديد وماله دخل فاللي كنتو تنتظرونه؟

طيب باتفق معك في انها عنوان مستقل بغض النظر عن اذا كان التشابه مع سلسلة سولز عفوي او لا..لكني لازلت مصر على مآخذي الي ذكرتها.
النقطة الاولى لانها كلعبة تعاقب ادوار المفترض ماتحدني في اسلوب اللعب.
الثانية شخصيا كنت اتمنى يكون في تنوع اكثر.
اما الثالثة فمعلش..وش الفايدة من نظام الكواب اذا ماقدر اختار من العب معه او اعرف اذا فيه احد في هالمنطقة من الاساس..مو معقول اروح ادور في المنطقة كلها و اوصل للزعيم وانا ما ادري اذا في احد بيشاركني او لا.

1-اللعبة مصممة على انك*صياد* فقط وما اذكر ان من اساس الهنتر الماجيك هذ اول سبب.اللعبة مافيها كلاسات وهالشي معروف من البداية بسبب توجهها القصصي وانتو كنتو عارفين هالشي من اول ظهور لها فماهو مفاجئ لكم ولا كان تغيير فالخطة مثلا وهذ ثاني سبب.نظام اللعب الهجومي البحت اللي انبنت حوليه اللعبة هذ ثالث سبب
2-ما اختلف معك ان اللاعب يطمح للمزيد خصوصا اذا كان العمل من تحت يد مبدع قدم لنا لعبة مثل دارك سول1 لكن بالوقت نفسه لا ننسى انه عنوان جديد وبيأة جديدة بكل حيثياتها ومومعقول نطلب تنوع ضخم فالبيآت من اول جزء.كمثال تقدر تقارن لي بين ديمن ودارك1 في هالجانب وكم كان حجم التغيير بينهم في مايخص الليفل ديزان؟.كان مهول فالحجم والمعمارية مع انهم يتشابهون حتى النخاع في غالب التصاميم الهندسية ومع هذ شفنا حجم التغيير اللي حصل.ونفس الحال انا اجزم ان بلودبورن2 اذا وجدت بتكون نقلة ضخمة من هالناحية خصوصا اذا ظلت تحت يد ميزاكي اللي اتوقع يخفف من عمله كمخرج ومنتج للالعاب بعد ما صار الرئيس التنفيذي لفروم سوفت وير
3-انت تتكلم عن التنفيذ وهنا ما راح اختلف معك اما انا اتكلم عن*الفكرة* بحد ذاتها صراحا كان قرار موفق انهم ابتكرو شي غير الرسائل عشان يعطي استقلالية للعبة من ناحية الافكار.التنفيذ هنا تجي همة اللاعبين انهم ينشبو في منتدى اللعبة الرسمي ويكتبو الفيدباك خصوصا فبداية نزول اللعبة الفيد باك يكون الاستماع اله اسرع.ويمكن هالشي ينحل تلقائيا فالتحديثات الجاية الله اعلم

اسود دارك سولز
كان فيها تعديلات كثيرة و تطويرات على لعبة ديمون سولز
انت الحين في بلود بورن ليش تروح ترجع لديمون سولز طالما دارك سولز عدلت على ديمون سولز
يعني الافضل انك تاخذ الاشياء الايجابية من الجزئين
ديمون و دارك
مو تاخذ كل السلبيات و تحطها في في بلودبورن :\
مثال بسيط على التعديلات
لما ترجع للكامب فاير(الليت) علشان يخلون اللعبه اسرع المفروض مجرد ما تجلس عنده يكون فيه مثل متجر اقدر اشتري منه اللي ابي مثل بلود فاتال وذخيره
مو معقول ارجع للهنتر دريم علشان اشتري هالشيء ؟ + لازم الاعداء يرجعون يطلعون @@ احسن من اني ارجع للهنتر دريم و ارجع المنطقة علشان يطلعون الاعداء
هالشغله بالذات مخليتني اتنرفز لان فيه وايد مرات احتاج اجمع هيلث ابي شغله اسرع @@ من القصة الطويله اللي اسويها مع اللوودنق الطويل

لان دارك سول1 اساسا مفترض تكون ديمن سول2 لولا غباء سوني وتحديدا يوشيدا لما تحلطم من اللعبة وصعوبتها وانها الخ الخ الخ.وهذ سبب تغيير الاسم من ديمن لدارك تفاديا لحقوق الاسم اما بلودبورن ماهي ديمن ولا هي دارك سول بل*بلودبورن*حتى مع تواجد عناصر من السلسلة مايخليها جزء منها او ملزمة تمشي على نمطها.ومسالة الاقتباس هذ قرار تطويري من راس الفريق اللي فالحالة هذي هو ميازاكي فليش اقتبس من هذي وخلى هذي الشي راجع له ولفريقه يمكن احد الاسباب عشان لا يحس اللاعب انها دارك سول3 فقط ومجرد مسمى مختلف؟.انت شوف مع كللل الاختلافات والتغييرات اللي فيها لازلتم تربطونها بدارك سول فما بالك لو كان فيها اقتباسات منها كنتو الحين اقسمتم انها دارك3

الامور اللي تطلبها انت وبقية الشباب تخص سلسلة سول من بون فاير والامور اللي تقدر تسويها عنده من تنقل ومشتريات وحفظ الاغراض وغيره وماهي من صلب هاللعبة اللي جالسين تلعبونها.حتى لو بتلاحظ الامور المقتبسة من ديمن تم تعديلها عشان ما تحسسك انك تلعب ديمن سول باسم مختلف مع انها اقتباسات بسيطة.والاهم الهنتر دريم يلعب دور مهم في الاحداث مثل النكسس بالظبط عكس دارك سول اللي كان لتجمع الان بي سيز وخلاص.لازم تقتنع ان هاللعبة شي مختلف عن اللي اعتدت عليه من سلسلة سول ولا بتظل تعتبرها جزء منها فقط حتى لو بتلاحظ اللودينج سكرين مافيها ديتيلز للايتمز مثل سلسلة سولز بس عشان تحس انك قاعد تلعب شي مختلف مع انها حركة غبية وكانت شي ممتع في ديمن ودارك.الشي اللي لااااااازم يشوفون لهم حل هو اللودينج الكارثي اذا انحلت مسالته بيكون التنقل ساعتها مرضي
مو غصب تربطها اللعبه هي نفسها بالضبط بكل شي نفسها مو بس بالأساس
اللعبه لو بس فيها ماجك وميركل كانت صارت ديمونز سولز 2 تلقائياً
بس قويه بشكل عفوي كل شي باللعبه مبني على سلسلة سولز بالكامل وتقول بشكل عفوي؟

قبل ما ادخل في اخذ وعطا معاك من قال لك اني*انا* من قال هالاقتباسات اجت باللعبة بشكل عفوي بحكم اعمال الفريق السابقة واللي تمتد الى ما*قبل*سلسلت سولز اذا ماكان عندك علم.انا موضح لك الكلام اجا على لسان من وفوين تقدر تقرى هالكلام.وبالمناسبة ودي اسالك هل لعبت اي ججزء من King's Field او هل لعبت Evergrace او هل لعبت Eternal Ring اذا لعبتهم قلي وش الامور المشتركة بينهم وبين سلسلة سولز.والاهم من هالعناوين كلللها هل لعبت Shadow Tower اللي هي*حرفيا* ديمن|دارك سول لبلاي ستيشن1؟.اذا ايه قول لي وش التشابه بينها وبين سلسلة سولز واذا مالعبت ولا وحدة منهم انصحك تروح تطالع لك جم فيديو لهم وبعدها تعال خبرني هل بلودبورن شدت عن القاعدة اولا.هذ اسلوب وتوجه الفريق من قبل ما تسمع بشي يحتوي كلمة*سولز* هذ نظام تطويرهم هذي ثقافتهم المتضمنه في عناوينهم تراها ما بدت من ديمن سول بل من قبل ما يتم اختراع شي اسمه ديمن سول اذا ما كنت تدري الزبدة ان عادي تشوف تشابهات في بلودبورن وبشكل*عفوي*لانها امتداد لاسلوب الفريق من قبل ديمن سول وهي مازالت تحمل بجانب هالتشابه صفاتها الخاصة والمستقلة عن الالعاب الاخرى فماهو شي جديد تشوف اساسات لعبة من العابهم متشابه مع اللي سبقها.اتمنى تكون لك فكرة عن تاريخ العاب الفريق قبل ما تحكم عشان تعرف هل هو شي جديد هالتشابه او لا
مو بس محدود وعدد الأسلحه قليل جدا بشكل مزعج كشخص جاي من ديمونز ودارك اشوفها داونجريد كبير بالنقطه هاذي
حتى لما اغزي على احد غالبا نفس سلاحي او نفس الادوات شي مزعج جدا مافيه اي تنوع باللعبه كلنا نلعب بنفس الطريقه
اللعبه بشكل عام فقيره من ناحية المحتوى مقارنه بسولز مدري كانو مستعجلين عليها ولا هذا المحتوى الي كان ببالهم
بعد ماكان From مضرب المثل بالمحتوى والتنوع صار هذا حالهم
بالنهاية اللعبه كلعبه ممتازه لكن لما تقارنها بسلسلة سولز مستواها اقل.

هذي مشكلتك لانك جاي تدور على*المزيد* من سلسلة سول في عنوان مستقل وماله دخل فيها.السلاح في بلودبورن تضربه في 2=سلاحين مختلفين في الموف ست وغيره.وعلى طاري ذكر الاسلحة انا وانت وغيرنا لاعبين ديمن ودارك سول وامتلكنا العدد المهول من الاسلحة صح؟.قول لي جم نسبة الاسلحة اللي استخدمتها من مجموع اللي حصلت عليهم؟.الغالبية العظمى مننا اول مايحصل على السلاح المناسب لو عساه من بداية اللعبة خلااااص ينشب فيه ومايتركه لنهاية اللعبة ويجلس يطور فيه ويستخدم جم سلاح ثانوي لمواقف معينة ومع هذ ماتتعدى 5 اوخلنا نبالغ ونقول 10 اسلحة وفالنهاية يظل التركيز على سلاح واحد*فقط*من نرتاح لسلاح معين وش فرقت الحين اذا كانت كمية الاسلحة كثيرة اولا؟.بالعكس عدد قليل يخليني انوع واجرب في مابينها افضل من الف سلاح وفالنهاية ما اعتمد اللا على سلاح واحد او اثنين وين الفرق المهول في ذي النقطة الحين؟.اسهل ايجاد الانتقاد لكن صعب تبريره.وانت قلتها بالنهاية هي لعبة*ممتازة*لانها لعبة مستقلة بذاتها اما لما تجي تقارنها وتربطها طيب غصب مع سلسلة سولز فهذي مشكلتك انت وحدك لا غير.انت شريتها وعارف انها ماتشبه سلسلة سولز في هذي الامور اللي جالس تتحلطم عليها وتعرف انها بتقدم طبخة مختلفة فليش ماخذها اذا كنت تتوقع او تتمنى المزيد من اللي سبق؟
 
^^
بالنسبة للمناطق عندي 9 مناطق وفي الضريح الاول 4 بوسز رئيسيين. انت يبدو هزمت 3 بس
1st floor sickroom
Central yharnam
Great bridge
Tomb of oedon
Cathedral ward
Grand cathedral
Old Yharnam
Church of the good chalice

فأنا هزمت ٤.... الي عالجسر و بالمقبره و واحد بالاسفل بحطام الكنيسة القديمه و واحد بالأعلى بالكنيسة الضخمه.

فشنو الي ناقصني؟
 

صامد

عضو
1-اللعبة مصممة على انك*صياد* فقط وما اذكر ان من اساس الهنتر الماجيك هذ اول سبب.اللعبة مافيها كلاسات وهالشي معروف من البداية بسبب توجهها القصصي وانتو كنتو عارفين هالشي من اول ظهور لها فماهو مفاجئ لكم ولا كان تغيير فالخطة مثلا وهذ ثاني سبب.نظام اللعب الهجومي البحت اللي انبنت حوليه اللعبة هذ ثالث سبب
2-ما اختلف معك ان اللاعب يطمح للمزيد خصوصا اذا كان العمل من تحت يد مبدع قدم لنا لعبة مثل دارك سول1 لكن بالوقت نفسه لا ننسى انه عنوان جديد وبيأة جديدة بكل حيثياتها ومومعقول نطلب تنوع ضخم فالبيآت من اول جزء.كمثال تقدر تقارن لي بين ديمن ودارك1 في هالجانب وكم كان حجم التغيير بينهم في مايخص الليفل ديزان؟.كان مهول فالحجم والمعمارية مع انهم يتشابهون حتى النخاع في غالب التصاميم الهندسية ومع هذ شفنا حجم التغيير اللي حصل.ونفس الحال انا اجزم ان بلودبورن2 اذا وجدت بتكون نقلة ضخمة من هالناحية خصوصا اذا ظلت تحت يد ميزاكي اللي اتوقع يخفف من عمله كمخرج ومنتج للالعاب بعد ما صار الرئيس التنفيذي لفروم سوفت وير
3-انت تتكلم عن التنفيذ وهنا ما راح اختلف معك اما انا اتكلم عن*الفكرة* بحد ذاتها صراحا كان قرار موفق انهم ابتكرو شي غير الرسائل عشان يعطي استقلالية للعبة من ناحية الافكار.التنفيذ هنا تجي همة اللاعبين انهم ينشبو في منتدى اللعبة الرسمي ويكتبو الفيدباك خصوصا فبداية نزول اللعبة الفيد باك يكون الاستماع اله اسرع.ويمكن هالشي ينحل تلقائيا فالتحديثات الجاية الله اعلم
كنت مقاطع اخبار اللعبة..لكن هذا مايغير شي..بلودبورن لعبة اربيجي فالمفترض يكون في خيارات متعددة لاسلوب اللعب..هل لازم يضيفون سحر؟ لا وهنا يجي دورهم وابداعهم في اضافة شي جديد..بل هم اصلا اضافوا اسلحة نارية لكن خلوا تاثيرها محدود جدا بشكل غريب.
اما الطور التعاوني فشي كويس انهم يجربون شي جديد..لكن مو كل فكرة جديدة وتنفيذها بيكون شي جيد في النهاية.
 

Pikachan

Gamer
1st floor sickroom
Central yharnam
Great bridge
Tomb of oedon
Cathedral ward
Grand cathedral
Old Yharnam
Church of the good chalice

فأنا هزمت ٤.... الي عالجسر و بالمقبره و واحد بالاسفل بحطام الكنيسة القديمه و واحد بالأعلى بالكنيسة الضخمه.

فشنو الي ناقصني؟

اوك بكذا انت خلصت الضريح الاول خلاص امشي وبتبدأ مناطق الضريح الثاني
مناطقك كاملة تو شيكت طلعوا 8 فعلا ماعليش XD كان على بالي انهم 9 من اخر مرة لعبتها
 

Mr.Sora

True Gamer
استغرب من المقارنات اللي تصير بين اللعبة وبين سلسلة سولز ؟!
ياعالم اللعبة new ip ! بكل اختصار لعبة ممكن تكوِن سلسلتها الخاصة بعيداً بشكل تام عن سلسلة سولز , ميكانيكية اللعب مختلفة تماماً والأتموسفير مختلف عن سولز في كثير من المناطق ,عموماَ أنا ماأبي أطول بالكلام علشان مانبعد خارج الموضوع الرسمي .
نصيحة لكل واحد بيلعبها أول مرة لكنه تأثر بكلام اللي يقارنون ... لاتسمع لكلام فانز سولز (المتشددين) وادخل لها على أساس انها new ip وراح تسمتع أشد استمتاع .
 

Ray Gun

Banned
خلصت الزعيم الاول .. سهل بصراحة بس انا كنت متخوف و اتردد بالضربات فا عشان كذا كنت اخسر كثير
الزعيم الثاني لعبته كواب .. معليييش الكواب يخرب طعم اللعبة ماراح تحس بصعوبة الزعيم ابداً خلصته من اول محاولة
 

Vorg Zangief

True Gamer
لان دارك سول1 اساسا مفترض تكون ديمن سول2 لولا غباء سوني وتحديدا يوشيدا لما تحلطم من اللعبة وصعوبتها وانها الخ الخ الخ.وهذ سبب تغيير الاسم من ديمن لدارك تفاديا لحقوق الاسم اما بلودبورن ماهي ديمن ولا هي دارك سول بل*بلودبورن*حتى مع تواجد عناصر من السلسلة مايخليها جزء منها او ملزمة تمشي على نمطها.ومسالة الاقتباس هذ قرار تطويري من راس الفريق اللي فالحالة هذي هو ميازاكي فليش اقتبس من هذي وخلى هذي الشي راجع له ولفريقه يمكن احد الاسباب عشان لا يحس اللاعب انها دارك سول3 فقط ومجرد مسمى مختلف؟.انت شوف مع كللل الاختلافات والتغييرات اللي فيها لازلتم تربطونها بدارك سول فما بالك لو كان فيها اقتباسات منها كنتو الحين اقسمتم انها دارك3

الامور اللي تطلبها انت وبقية الشباب تخص سلسلة سول من بون فاير والامور اللي تقدر تسويها عنده من تنقل ومشتريات وحفظ الاغراض وغيره وماهي من صلب هاللعبة اللي جالسين تلعبونها.حتى لو بتلاحظ الامور المقتبسة من ديمن تم تعديلها عشان ما تحسسك انك تلعب ديمن سول باسم مختلف مع انها اقتباسات بسيطة.والاهم الهنتر دريم يلعب دور مهم في الاحداث مثل النكسس بالظبط عكس دارك سول اللي كان لتجمع الان بي سيز وخلاص.لازم تقتنع ان هاللعبة شي مختلف عن اللي اعتدت عليه من سلسلة سول ولا بتظل تعتبرها جزء منها فقط حتى لو بتلاحظ اللودينج سكرين مافيها ديتيلز للايتمز مثل سلسلة سولز بس عشان تحس انك قاعد تلعب شي مختلف مع انها حركة غبية وكانت شي ممتع في ديمن ودارك.الشي اللي لااااااازم يشوفون لهم حل هو اللودينج الكارثي اذا انحلت مسالته بيكون التنقل ساعتها مرضي
1- نظام تطويل الشخصية التلفيل بالضبط مثل النظام السابق في الاجزاء السابقة
2- القيم بلاي نفسه . التغيير الوحيد هو النظام التجنب بال LOCK ON + انك تقدر تسوي كومبو رهيب لما تغير شكل سلاحك و انت تضرب (الستن بالمسدس نفسه بالضبط كنا نسويه بالدرع )
3- نظام البون فاير (الليت) نفس الاجزاء السابقة
4- نظام تلفيل الاسلحة نفسه بالضبط مثل الاجزاء القديمه فقط زادوا خاصية الجيمز
5- نظام تجميع الارواح نفسه فقط غيروا اسمه خلوها بلود ايكو
6- تجميع الارواح من الموتى نفسه موجود . كل فترة تحصل واحد مييت يعطيك ايتم تستخدمه و يعطيك بلود ايكو
7- نظام لما تموت تروح منك الارواح (البلود) اللي جمعتها و تقدر ترجع نفس المكان و تاخذها ( الاضافه انك تقدر تاخذها من اللي ذبحك )
8- نظام الرسائل على الارض
9- نظام انك تشوف اللاعبين اللي ماتوا
انت تقول انهم اقتبسوا من ديمون سولز و عدلوا على اقتباساتهم و لو انها بسيطة . كل النقاط اللي ذكرتها انا مستحيل اي شخص يقول انها اقتباسات بسيطة من السلاسل السابقة :)
+
هذه هي الاشياء اللي على بالي الآن فقط
و انا واثق فيه اكثر و اكثر
- - -
بالنهاية كل شخص و رايه
انا اشوفها مشابه بشكل كبير لالعاب سولز القديمة و الاختلافات الجديد بسيطة جداً و انا عن نفسي مستحيل علشان هذه الاختلافات البسيطة اعتبر اللعبة هذي جزء مستقل
و سامحني لو فاتني شيء من كلامك اسود او اني ما فهمت كلامك عدل :coldsweat:
 

zlatanovic

True Gamer
خلصت الزعيم الاول .. سهل بصراحة بس انا كنت متخوف و اتردد بالضربات فا عشان كذا كنت اخسر كثير
الزعيم الثاني لعبته كواب .. معليييش الكواب يخرب طعم اللعبة ماراح تحس بصعوبة الزعيم ابداً خلصته من اول محاولة
الزعيم الاول عبارة عن تدريب، ضرباته ضعيفه مقارنة بحجمه. الثاني فيه تحدي كبير بمسألة التوقيت، لكن حرام انك قاتلته كو اب، لذة الانتصار تروح.
بشكل عام الاعداء والمناطق متوسطة الصعوبة، والصعوبة في الزعماء.
.
.
انا اعتقد ان هاللعبة جزء فرعي من سلسلة سولز، وليس عنوان جديد ابدا. اتفهم كلام اللي يخالفون هالرأي، لكن انا اقدر انهي دارك سولز او ديمونز سولز بشخصيات تشبه الموجودة في بلود بورن.
استبدل المسدس بدرع للباري، لا تستخدم سحر، وتصير تلعب بلود بورن بنسبة كبيرة.
 

DEMON

True Gamer
هوووووووووووووولييييي @$#%

قابلت واحد جالس ياكل لحوم ضحايا، كلمته طلع طيب، شكيت بوضعه، عطيته تشارج اتاك بالمطرقة على راسه، تحول لوحش ومسح فيني الأرض XD

المشكلة واضح ضعيف واقدر عليه لكن كنت اضحك بشكل عستيري وقتها ما عرفت العب وقسم :tearsofjoy::tearsofjoy::tearsofjoy:
 

Vergil X

Hardcore Gamer
هزمت الزعيم الخامس اللي بالغابة وين اروح الان ؟
 

Vorg Zangief

True Gamer
هزمت الزعيم الخامس اللي بالغابة وين اروح الان ؟
اذا اسم الزعيم shadow of yharam
الطريق واضح ؟ بعد ما تفوز عليه فيه ممر ينقلك للمنطقة اللي بعد الزعيم
 

Nyx

True Gamer
1- نظام تطويل الشخصية التلفيل بالضبط مثل النظام السابق في الاجزاء السابقة
2- القيم بلاي نفسه . التغيير الوحيد هو النظام التجنب بال LOCK ON + انك تقدر تسوي كومبو رهيب لما تغير شكل سلاحك و انت تضرب (الستن بالمسدس نفسه بالضبط كنا نسويه بالدرع )
3- نظام البون فاير (الليت) نفس الاجزاء السابقة
4- نظام تلفيل الاسلحة نفسه بالضبط مثل الاجزاء القديمه فقط زادوا خاصية الجيمز
5- نظام تجميع الارواح نفسه فقط غيروا اسمه خلوها بلود ايكو
6- تجميع الارواح من الموتى نفسه موجود . كل فترة تحصل واحد مييت يعطيك ايتم تستخدمه و يعطيك بلود ايكو
7- نظام لما تموت تروح منك الارواح (البلود) اللي جمعتها و تقدر ترجع نفس المكان و تاخذها ( الاضافه انك تقدر تاخذها من اللي ذبحك )
8- نظام الرسائل على الارض
9- نظام انك تشوف اللاعبين اللي ماتوا
انت تقول انهم اقتبسوا من ديمون سولز و عدلوا على اقتباساتهم و لو انها بسيطة . كل النقاط اللي ذكرتها انا مستحيل اي شخص يقول انها اقتباسات بسيطة من السلاسل السابقة :)
+
هذه هي الاشياء اللي على بالي الآن فقط
و انا واثق فيه اكثر و اكثر
- - -
بالنهاية كل شخص و رايه
انا اشوفها مشابه بشكل كبير لالعاب سولز القديمة و الاختلافات الجديد بسيطة جداً و انا عن نفسي مستحيل علشان هذه الاختلافات البسيطة اعتبر اللعبة هذي جزء مستقل
و سامحني لو فاتني شيء من كلامك اسود او اني ما فهمت كلامك عدل :coldsweat:
يب اللعبه واضح إنها إمتداد لسلسله سولز , جميع الأساسيات مأخوذها منها.

اللي يقول العكس أشوفه زي اللي يقول إن مجس3 نيو أي بي لأنها بغابه وحقبه زمنيه جديده وفيها نظام صيد ومافيها رادار.
 

Sultan/X

Banned
بنسبة للهنتر للي ببلمينقورث .. ليش كل هذا الحماس روقي -_-" . جلست اعيد عندها لما طلعت روحي ، عليها قوة ووباقي ماقتلتها /SPOILER]
.
.
 

Sultan/X

Banned
هوووووووووووووولييييي @$#%

قابلت واحد جالس ياكل لحوم ضحايا، كلمته طلع طيب، شكيت بوضعه، عطيته تشارج اتاك بالمطرقة على راسه، تحول لوحش ومسح فيني الأرض XD

المشكلة واضح ضعيف واقدر عليه لكن كنت اضحك بشكل عستيري وقتها ما عرفت العب وقسم :tearsofjoy::tearsofjoy::tearsofjoy:
انا ارسلتة ل اودن شابل <.< شكلة بيبهدلهم . لو لاحظت ان جثة العجوز جنبة xD
 

Vergil X

Hardcore Gamer
اذا اسم الزعيم shadow of yharam
الطريق واضح ؟ بعد ما تفوز عليه فيه ممر ينقلك للمنطقة اللي بعد الزعيم
لا كنت كنت اقصد واحد ثاني ، المهم لقيت الطريق هو الان انا بالغابة و دخلت على هذا الزعيم و شكله سهل
 

النسر الأسود

TG news editor
سؤال يلي موصلين بعيد في اللعبة أو يلي ختموها.
مستوى الصعوبة يستمر في الانخفاض أو في تحديات صعبة لاحقاً؟
اللعبة بالبداية كانت صعبة مع أول زعيمين، بعدها صارت سهلة أو خلينا نقول أسهل من سلسلة سولز بشكل واضح
 

FCB-Kratos

  
سؤال يلي موصلين بعيد في اللعبة أو يلي ختموها.
مستوى الصعوبة يستمر في الانخفاض أو في تحديات صعبة لاحقاً؟
اللعبة بالبداية كانت صعبة مع أول زعيمين، بعدها صارت سهلة أو خلينا نقول أسهل من سلسلة سولز بشكل واضح
للأسف الصعوبة تستمر بالانخفاض في المين كويست
لكن بعض الزعماء الاختياريين و زعماء الـchalice dungeons بتعطيك تحدي سولز المعتاد (و يمكن أكثر)
 
التعديل الأخير:

bXNmbQ==

True Gamer
سؤال يلي موصلين بعيد في اللعبة أو يلي ختموها.
مستوى الصعوبة يستمر في الانخفاض أو في تحديات صعبة لاحقاً؟
اللعبة بالبداية كانت صعبة مع أول زعيمين، بعدها صارت سهلة أو خلينا نقول أسهل من سلسلة سولز بشكل واضح
اللعبة تستمر بانها تكون اسهل و اسهل مع مرور الوقت
 
صارلي ١٥ ساعه وموصل ليفل ٤٠..... ايه نعم و أخيرا لقيت لعبة تتفوق أتموسفيريا على سلسلة سولز 3>

شباب متى أقدر أستخدم الدنجينز الاضافيين لأن كل ما أعمل سيرج يطلع لي أني ما أتناسب مع الستاندرز المطلوب :/
 

zlatanovic

True Gamer
عن طريق الشجاعة العمياء، وعن طريق الفشل، دخلت منطقة جديدة اعلى من مستواي بمراحل. الموسيقى فيها يا الهي، مرعبه بشكل وتجيب احباط. خصوصا وانا داخلها بلفل متدني، حسيت فعلا باليأس مع هالموسيقى. يبدو انها بتكون المفضلة عندي.
طبعا دخول المنطقة يكون عن طريق :
انهزم من ابو كيس، وخله يآخذك على السجن
 

Sultan/X

Banned
في كثير ادوات وتلميحات ان يمديك تتحول باللعبة الي وحش معقول في طريقة ؟

سويت القلتش بدون بلود ايكو بس دبل الانسايت والبلود فايل وحس العيوب الان راحت وصرت مستمتع مو قبل يخلص البلود اروح اجمع بسنتر يارم ولا الانسايت يروح ع الفاضي
 
التعديل الأخير:

Anaxiroshe’lir

Kojirō Sasaki
عن طريق الشجاعة العمياء، وعن طريق الفشل، دخلت منطقة جديدة اعلى من مستواي بمراحل. الموسيقى فيها يا الهي، مرعبه بشكل وتجيب احباط. خصوصا وانا داخلها بلفل متدني، حسيت فعلا باليأس مع هالموسيقى. يبدو انها بتكون المفضلة عندي.
طبعا دخول المنطقة يكون عن طريق :
انهزم من ابو كيس، وخله يآخذك على السجن

هذه منطقة اساسية, تحصلها بالضريح الثالث.
 

النسر الأسود

TG news editor
صارلي ١٥ ساعه وموصل ليفل ٤٠..... ايه نعم و أخيرا لقيت لعبة تتفوق أتموسفيريا على سلسلة سولز 3>

شباب متى أقدر أستخدم الدنجينز الاضافيين لأن كل ما أعمل سيرج يطلع لي أني ما أتناسب مع الستاندرز المطلوب :/

أنا نفس ليفلك تقريباً وبالبحث ما لقيت شي وأساساً ما عرفت الفائدة منه لول
لكن الخيار الأول شغال وأنا قدرت أعمل دنجن بس لازم يكون معاك ritual blood
 

Grumpy

True Gamer
بنسبة للهنتر للي ببلمينقورث .. ليش كل هذا الحماس روقي -_-" . جلست اعيد عندها لما طلعت روحي ، عليها قوة ووباقي ماقتلتها /SPOILER]
.
.
خلها تلحقك تحت..في كنب بالنص..خله فاصل بينك و بينه و دور وراها و اضرب و ارجع..
كرر الين ما تفوز..

ما قدرت افوز عليها الا بهالطريقة..

بخصوص الـForbiden Woods
من اجمل و أفضل مناطق اللعبة..
المشكلة انك سهل تضيبع فيها..
 

ifahadx

True Gamer
بالنسبة للناس اللي يقارنونها ب سلسلة سولز ... ميزاكي انبح صوتة وهو يقول ان بلودبورن لعبة جديدة ومش ديمون سولز2 او دارك سولز3

السبب زي اللي شفناه في بلودبورن اشياء كثيرة تغيرت ... اشياء اساسية في دارك سولز ماكانت موجودة في بلودبورن ... اقدر اتقبل الانتقاد اذا كان اسم اللعبة دارك سولز3 او ديمون سولز2
لكن مع بلودبورن ومع الاشياء الكثيرة اللي تغيرت اعطتنا فرصة اننا نجرب اشياء اكثر واشياء مش موجودة في السلسلة ... ترابط العالم الافضل على الاطلاق ونظام القتال السريع جدا و المختلف عن سلسلة سولز ... وغيرها باحتصار اللعبة هي بعض اساسيات سلسلة سولز ومع تغغير في بعض الاساسيات وعشان كذا سموها باسم جديد

على العموم نرجع لبلودبورن ... توي رجعت لـ CENTERAL YAHARM للمرة الـ50
عشان اجمع قوارير دم وتفاجئت ان واحد من الـ NPC -بالضبط اللي وراء الشباك اللي قدام الجماجم -مكان الـانتقال السريع لـ - CENTERAL YAHARM تحول لوحش وهجم علي وبعد ما قتلتة حصلت على Caryll Runes ومن بعدها صاروا جميع الـ NPC يجي معاهم NO RESPOND
 

HeNNeSSy

True Gamer
محتاج مساعدتكم انا حاليا في منطقة cathedral ward وأبي اروح منطقة yahargul اول مره رحتها عن طريق الوحش اللي حامل كيس على ظهره الحين ناوي ارجع للمنطقة مره ثانية كل ما اخليه يقتلني ارد ارجع لل cathedral ؟؟ مافي اي طريقة ثانية ارجع لأن ناوي أقاتل الوحش أبو كهربا ههههه
 

Century Wizard

Become Human
^
ارجع للهنتر دريم ورح تلاقي ضريح جديد انفتح تقدر تروح عن طريقه
 

kiryu

True Gamer
الثلاثي المرح اللي هنا وش أسوي معاهم؟ نشفوا دمي >.>
 

Risk Breaker

True Gamer
الثلاثي المرح اللي هنا وش أسوي معاهم؟ نشفوا دمي >.>
حاول تسحب الإثنين اللي بالمقدمه للكهف اللي يوديك للدارك بيست ، إما تدخل الكهف ماراح يلحقوك وراح يرجعون لطريقهم ، إنتظر إلى أن يرجع واحد منهم لمكانه وقاتل الثاني لوحده ، بكذا راح يكون القتال معه سهل .
 
أعلى