The Doctor
Once a Voyager on a Cursed Sea
نفس قانون السبويلرات العام... حط تفاصيل الأحداث في سبويلر تاغكيف السبويلرات معلم؟
^
معقولة جارديانز اوف ذا جلكشي ممتاز لهذي الدرجة؟ العالم كلها تقول كذا و انا محمله و حاطه زينة..
بنتظر نسخة البلوراي تنزل
تفريغ المدينة ونهاية معركة هالك وايرون مان تحس انهم يبغوا يتحاشوا سيل الانتقادات اللي تلقوها DC مع دمار مان اوف ستيل
شفت الفيلم اليوم..
حبيت و فضلت الاول بمراحل..
مشهد الـSlow Motion ببداية الفيلم...يا سلااااام...ينفع خلفية..
الشخصيات اليديدة ما حبيتها..كانوا مملين نوعاً ما..
خاصة Scarlet Witch حسيتها مزعجة..و الطريقة الي تم تصوير قواها ما عجبني..
Quicksilver الي بـX-Men كان افضل وتم تقديمه بصورة أفضل..
و لكن نهايته صدمتني..ما توقعتها..
توني ستارك صاير مزعج..بس مادري هل شخصيته مزعجة و لا روبرت الي مزعج بأداءه الموحد في كل افلامه..
ما حبيت عنصر الرومانس بين Black Widow و The Hulk..حسيته out of place..
Ultron شخصية رائعة..جداً حبيته و حبيت مشاهده..Spade ابدع بأداءه الصوتي..برافو..
و اخيرا..الافنجرز اليداد ابدا ما حبيتهم..
ما يعني طبعاً ان الفيلم سيء..لكني توقعت شي أفضل..
شفت الفلم من يومين...
امممم، ما أعجبني كثير. توقعت شيء أفضل من كذا للإمانة! الجزء الأول حبيته أكثر...
النقاط اللي ما أعجببتني:
-الرومانسية السخيفة.
-سير الأحداث لك عليها شوي.
-مشهد إخلاء السكان من المدينة :/ عددهم بالالآف والإجلاء صار في دقائق!
-تفلت أعصاب هولك مرة2، وقتاله مع آيرون مان ريميك لقتال هالك وثور في الجزء ال1 بس بشكل أفضل هذي المرة. هو مش المفروض هالك الحين قادر يتحكم في نفسه مثل ما صار في نهاية الجزء ال1، ولا?!
النقاط اللي أعجبتني:
-الكوميديا الخفيفة بين أعضاء الفريق وفي وسط القتال.
-الترون شخصيته وطريقة كلامه رهيبة.
-مشاهد القتال ممتعة.
الترون طلع كوميدي ؟ ( هذا تراه سبويلر يا اخوان ) ههههه يبغو يقلدو ايرون مان 3 ولا ايش ..
وانس مالك داعي ياخي .. شفني انا ما شفته انتظر مع الناس خخخ .. لو مستني البلوراي جودة ازين@@ - ناوين يحطون مشاهد زيادة - ونهاية مختلفة؟ ..
( الفلم اصله طلع 3 ساعات قصو منها ساعة ؟ ليييييييييه !! اذا بنشوفها بالبلوراي .. فحلو. برضو يقولو انهم شايلين لقطات .. لإستعمالها بأفلام مستقبلية ؟_؟ الوضع ما يطمن. )
انا مني مرة مجنون على الفلم الأول, الثاني اشوفه يقدر يغلبه براحة.. لكن بديت اوسوس@@
عموماً ترى القصة بالأفنجر هممممم .. حلاته وأهم شي الشخصيات والكيمياء بينهم @@ ( + الأكشن + تلك اللحظات اللي تخليك تضحك زي الأبله .. هههههه من روعتها ) .. عاد اذا ظبطوهم زي أول فلم فخلاص هذي هي .. و يب جمعتهم هناك كانت تحفة.
نهاية الفلم بتحمسك لأفلام مارفل القادمة
هذي بدل ما هي ميزة هذي ام وابو المشاكل .. جوس ويدون طلع من صمته وشرشح المسؤولين بمارفيل وديزني .. وان كنت اعتقد انه ملام معاهم ... المشكلة ان مارفيل حاليا ما تحسسك ان افلامها كافلام هي فيلم متكامل بوحدة بناء قصصي .. كل فيلم تحس انه تجهيز الى اللي بعده .. الافلام كلها صايرة كوبي من ايرون مان 2
غير هذا هالفيلم خلاني اعرف ليش انيس يكره العاب يوبي سوفت .. المنتجات الفنية المعلبة .. الفيلم وهذي الوم فيها المخرج قبل مسؤولي ديزني ومارفيل .. الفيلم معلب .. بخصائص مارفل او شروطها حتى لو كان ما ليها داعي .. النكت السامجة .. استظراف بايخ .. البنات وتعلقياتهم على وسامة الابطال .. عالم مارفل السينمائي كان فكرة جميلة حولوها لشي بشع جدا .. حالهم حال سلسلة اساسين كريد
انا ماحب اكتب كلام واجد ، فاقتبست كلامك لانه جاب كل شي جا في بالي بالضبطشفت الفلم بطريقة مو فخور بيها (&) و غير مستمتع بيها أيضاً @_@
بس الهايب و إيش يسوي .. هاذي هي إنطباعاتي عن الفلم :
- تصوير الدمار بأفلام مارفل سيء جداً ، محد يموت من السكان أبداً بمقاطع الهدم المباني على عكس فلم Man of Steel إلي قدم ذا الشيء بشكل ممتاز، إيش الفايدة إذا كان الفلم PG-13 و ما في أحد يموت كأنه فلم Power Rangers.
- قتال هولك ضد آيرون مان يمكن أفضل قتال بالـMCU بأكمله بجانب قتال توني ستارك ضد كيلان.
- الرومانسية وضعها غلط جداً، حتى إنها سطر أو سطرين من شخصية محددة خلت المخرج جوس ويدون يلغي حسابه بتويتر بسبب تخريبه للشخصية.
- الفلم يحتوي على سطور مضحكة أكثر من أي فلم بنظري. و حس الفكاهة هذا هو إلي يميز مارفل عن DC الجادة و المظلمة.
- الأحداث بهذا الفلم أكثر و أفضل من الأفنجرز الأول .. بس يظل الأفنجرز الأول هو الأفضل لأنه جمع الشخصيات لأول مرة على السينما و يمكن مستحيل يتكرر نجاحه
- نهاية الفلم بتحمسك لأفلام مارفل القادمة
- الـ40 مليون دولار إلي دفعوها لروبرت داوني جونيور كان خسروها لكاتب أفضل بدل جوس ويدون إلي المفروض يركز على الإخراج لوحده
- جوس ويدون مخرج ممتاز بس الـMasterpieces ما تتكرر مرتين متتالية ، جودة أفنجرز الأول ما رح تتكرر أبداً كيف جمعهم و قدر يركز عليهم لقلة عددهم .
- بشكل عام الفلم جيد جداً و لكن يعتبر من تلك الفئة من الأفلام إلي تسمى " الترايلر أحسن من الفلم " الترايلر الأول يعطي هايب و شعور بالظلمة و هذا عكس إلي قدمه الفلم.
- إليزبث أولسون تمثل إنها أخت أرون تايلور ، الإثنين مثلوا إنهم زوجين بفلمهم السابق @_@
- تقديم سكارليت ويتش سيء و لهجتها سيئة مع صوتها الحاد. و الـChereography حق يدها مزعج أحياناً.
- كويك سيلفر نفس الشيء صوت سيء، لهجة سيئة، على الأقل لقطات الأكشن عجبتني أكثر من المشهد الأوفر ريتد حق إكس مين.
- أولترون .. ما خيب ظني بس توقعت Villain بدون since of humor أتفاجئت بمحادثته الأولى مع التوأمين. إن شاء الله ثانوس ما تروح هيبته المخيفة.
- فيجن تم تقديمه بشكل ممتاز
زي ما قلت .. مارفل حاطة حفنة لا تصدق من الكوميديا في الفلم و إلي أعتبرتها شيء إيجابي . بعض الـLines المضحكة :
و غيرها من المحادثات تضحكك بشكل إيجابي أكثر من أي فلم تصنيفه Comedy و في النهاية سامج زي أفلام ميليسا مكارتني.- Don't take from my pile توني ستارك لـ ستيف روجرز
- he's fast and she's weird العميلة ماريا هيل توصف قوة التؤأم لكابتن أمريكا
- You had to ask كابتن أمريكا لـ ثور
- Those are smaller versions توني ستارك يوصف أطفال هوك آي
ستديو مارفل سوى عمل كويس بعد ما ضاعت شخصياته بأفلام flops قبل ما ياخذ حقوقها و سوى منها شيء بيقعد للتاريخ.
مدري إيش جاب العنز للكنز ..الستديو ليه نظرة إنه يحول أحلام الـGeeks لحقيقة عبر Marvel Cinematic Universe عبر تقديم شخصيات مارفل بالتدريج.
اي تاريخ ؟؟
بعد 5 سنوات من الحين .. قابلني اذا شفت واحد يتكلم عن اي فيلم من افلام مارفيل .. انت تشوف احد يتكلم عن افلام الحقبة الاولى عدا ايرون مان 1 وافينجرز
اذا بيدخل عالمهم السينمائي التاريخ .. فهو بيدخل من باب ارقام البوكس اوفيس بس .. اما يظل اي فيلم ينذكر .. ما اعتقد
هو اصلا فيه عالم سينمائي من الاساس ؟؟ اي حدث صار بأي فيلم عطى تاثير على بقية الافلام او العالم السينمائي نفسه
ثور .. المفترض انه يكون اسطورة .. الناس شافته امامها بعيونها .. ويش يسوون .. واحد ينكت على مطرقته - في مسلسل ديرديفيل - والثانية .. تعلق على وسامته اوممممممممج يا الهي فعلا هذا اللي البشرية بتسويه لما تشوف زيوس كمثال يطلع قدامها !!
بالمختصر مارفيل ركبوا على نجاح فيلم افينجرز 1 اللي ما توقعوه وهذا فن كبير جدا .. وسوقوا وروجوا لروحهم ولعالمهم السينمائي وطلعوه ببهرجة وبطريقة كأنه شي مخطط ليه من البداية والواقع والحقيقة شيئين مختلفين كليا
أجل الشغل والبناء هذا كله وتقلي مافي مارفيل يونيفيرس، ولا تبغاهم زي DC بيبدأوا ب Justice league وهما خمسة ولا ستة شخصيات منهم ما نعرفهم عنهم ولا شي وولا نزلهم ولا فلم خاص قبل.. لا شكرا
قبل ما تقدم DC عالمها ما اقدر ادافع عنها وما تقدر انت تهاجمها لان اللي بيسوونه مشابه بالضبط الى مارفيل .. 5 اافلام وبعدها بيجي جستس ليج .. مان اوف ستيل .. باتمان سوبرمان .. سوسايد سكواد .. واندرومان وفيه فيلم بعد وبعدها جستس ليج
صراحة ما أدري إيش اقلك هنا إنت جالس تنتقد المارفيل ينيفيرس من ناحية ثور بس، وماني عارف إيش تبغاهم يسوون معاه، يعظمونه ويخلونه قائد الأفنجرز عشانه إله رعد بس ؟؟ بقية الأعضاء يعاملونه معاملة نفر من الأفنجرزوانت وياه ماخذين نقطة غير النقطة اللي اتكلم فيها ... العالم السينمائي مو مجرد عالم يظهر فيه بطل خارق .. فهالشي اصفق واعلق لمارفيل
العالم السينمائي هو عالم يتفاعل مع الاحداث .. مثلا تخيل روحك اليوم بعد ما تسمع قصص واساطير عن ثوور .. وانه إله البرق ما ادري الرعد .. التصرف المنطقي السليم البسيط لما يظهر هذا الاسطورة على سطح الكرة الارضية ان يصير فيها شي
في عالم مارفيل السينمائي .. هالشي ما ليه تاثير بتاتا .. بتاااااااااااااااااااااتا .. كأنه حدث عادي .. لا وبعضهم ينكت عليه .. شي يخسف اساس اعتقاد البشرية انهم الوحيدين في الكون كله .. والموضوع عادي ولا كأنه صاير شي
واحد ينكت على مطرقته والثانية تسال اذا بيتواجد في حفلة او لا
حتى مسلسل ديرديفيل .. مو فاهم ويش مستفيدين انه معتبرينه من العالم السينمائي ..
مارفيل قبل الأفنجرز نزلوا فلم خاص لهولك ووضحولك الأورجن تبعه وإتصاله بشيلد،