لعبة آربيجي من تطوير Wright Flyer Studios وكتابة وإخراج Masato Kato، نفس الشخص اللي كتب حق Chrono Trigger ،Chrono Cross و Baten Kaitos. متوفرة الآن على أجهزة النقال مع نسخة الGlobal وعلى منصة Steam، لها نسخة تحت التطوير لجهاز Nintendo Switch لكن بدون تاريخ إصدار، وماندري إذا راح تختلف عن النسخ المتوفرة حاليا.
Another Eden تعتبر لعبة Gatcha، تركيزها أكثر شيء على القصة وتجربة Solo، تقدر تخلصها بدون ما تدفع شيء بس راح تحتاج شوية Grinding، واذا كان حظك حلو بتاخذ وقت أقصر. فيها إستكشاف، مواجهات عشوائية ونظام قتال Turn-Based يعتمد على الأدوار، يعني باختصار راح تحصل على تجربة آربيجي كلاسيكية كاملة.
اللعبة مقدمة بأسلوب رسم 2D وموديلات تشيبي للشخصيات، مراحلها مصممة بأسلوب مقارب لبعض ألعاب شركة Vannilaware نفس Odin's Sphere، خريطة خطية Side Scroller وفيها طرق متفرعة، تقدر حتى أنك تتفاعل مع الأشياء في الخلفية عن طريق اللمس، تحكمها جدا سهل ومريح. مدن، دناجن ومهام جانبية كل هذا موجود، وعدد كبير من الشخصيات ممكن تحصلها عن طريق التقدم في القصة ونظام الGatcha. تعوذ من ابليس وخل محفظتك بعيدة عنك (&).
مظهر اللعبة على شاشات الOLED يفتح النفس، مع ألحان من Mitsunori Masuda ملحن سلسلة Chrono و Xeno، اللعبة راح تعيشك أجواء رائعة.
القصة فيها أفكار من أعمال الكاتب السابقة، السفر عبر الزمن والفضاء، عالم فانتسي جميل، كل هذا موجود، بدايتها بسيطة لكن راح تشدك مع التقدم، أحداث وشخصيات تنحب وتصاميم جذابة.
Another Eden من أفضل الألعاب اللي قدمت كل اللي ذكرته فوق على أجهزة الهواتف النقالة، والحلو ان إلى يومنا هذا يحدثونها بمحتويات جديدة وكولابريشنات مع سلاسل آربيجي ممتازة، اللعبة من النوع اللي تنتهي، المحتوى اللي فيها دائم وما له وقت محدود، يعني ماراح يطوفك شيء وتقدر ترجع لها في أي وقت وأنت مرتاح.
أنا شخصيا مستمتع فيها، وحبيت أعطيكم فكرة عنها بدون ما أدخل بالعميق، بس أقدر أقول ان نظام القتال ممتع وفيه عمق كافي، مثل Board يحدد مسار بناء الشخصية قريب من الGrid Sphere من Final Fantasy X، محدود في البداية لكن مع التقدم راح يعطيك الحرية، وطبعا فيها عدد كبير من الأسلحة والدروع.
الSuper Bosses موجودين، من بداية اللعبة وأنت تستكشف وأكيد في الEndgame، ويمكن اللي في الEndgame راح يحتاجون حظك او أنك تدفع عشان تحصل شخصيات قوية ضدهم، للحين ما وصلت فمو متأكد، بس نظام الGatcha اللي فيها أرحم من معظم الألعاب.
الكولابريشنز هي اللي لفتت انتباهي وعرفتي على اللعبة أصلا، كلهم من سلاسل أحبها، شخصيات مو مصدق انها موجودة، كاتو الذويق، وكبير بعد مسوي كولابريشن حق نفسه (&).
Persona 5
Tales
Chrono Cross
عطوها فرصة لعبة حلوة وبلاش، الموضوع سويته على السريع بس أتمنى عجبكم، أو على الأقل حمسكم b^_^.
رسمات الAnniversaries جدا جميلة
وحتى الخاصة بالتحديثات القصصية
والكروس أوفرز
وحتى الخاصة بالتحديثات القصصية
والكروس أوفرز
التعديل الأخير: