hits counter

الموضوع الرسمي Dont Starve: البقاء هو كل مالديك

Sir Guts

Ryo Hazuki
السلام عليكم

dontstarve_610.jpg


فتحت هذا الموضوع للعبة بعد ما حملتها على الـPS4 و حسبت انها لعبة غبية فالبداية الا اني اكتشتف اني سمت فيها 3 ساعات بدون ما احس بالوقت

Dont Starve لعبة البقاء. رجل في العالم وحيدا يحاول ان يأكل و يعيش بكل الطرق. كما لو انه آخر رجل بقى في الحياة و ليس لديه احد من حوله ليساعده

Dont Starve لعبة جميلة جدا جدا. فكرتها مو جديدة لكن لعبة اندي طبقة الفكرة بشكل ابرز من باقي العاب الإندي الي نوعها تقريبا نفس الشي. لعبة تستحق وقتك

الي حبيته في اللعبة ان عالمها غامض و كبير. ناهيك عن كثرة الأشياء الي تقدر تسويها الي تحسسك انك فعلا رجل فالحياة وحيدا تحاول تسوي اي شي بس عشان تعيش

فكرة تجميع الحطب و صناعة الفخوخ و النار وقت الليالي المظلمة لكي تعيش فقط تعطيك جو "ماحصلش" فالنهاية ما ابي اطول عليكم و حاب انكم تجربون اللعبة اذا مالعبتوها

لعبة تليق بمقام Klei Entertainment الي قدموا لنا لعبتين ولا اروع Shank و Mark of the Ninja.
 
التعديل الأخير:

Nasser

True Gamer
هالأيام مدمن عليها على الـ PS4.

أعلى شي وصلت له كان 33 يوم ومتت بسبب البرد ، جا الشتاء وما بقى أكل وماخزنت مؤونة كافية وما كان عندي ملابس ثقيلة هههه.

اللعبة ممتعة .. فعلاً ممتعة. من أجمل الأشياء اللي لعبتها آخر فترة.

شكراً للبلس.
 

king zell

Network Director
Administrator
حمستوني أحملها

من يوم ما سمعت إنها مجانية ما فكرت أحملها لأني كنت شاك بمستواها
 

Sir Guts

Ryo Hazuki
هالأيام مدمن عليها على الـ PS4.

أعلى شي وصلت له كان 33 يوم ومتت بسبب البرد ، جا الشتاء وما بقى أكل وماخزنت مؤونة كافية وما كان عندي ملابس ثقيلة هههه.

اللعبة ممتعة .. فعلاً ممتعة. من أجمل الأشياء اللي لعبتها آخر فترة.

شكراً للبلس.

اللعبة بحق و حقيقي ممتعة. ياخي متقنين فكرة اللعبة صح!

اي والله شكرا للبلس

حمستوني أحملها

من يوم ما سمعت إنها مجانية ما فكرت أحملها لأني كنت شاك بمستواها

ابو حميد، توكل على الله و حملها على ضمانتي. فالبداية ممكن تكرهها لكن من تفهمها بتدمنها
 

KitKat 4.4

True Gamer
حملتها على PS4 حق اخوي
لعبت فيها لين ما وصلت Day 2 و ذبحني الشبح وما شغلت اللعبة بعدها...
بحاول اعطيها فرصة.
 

L.O.R.D

True Gamer
اذكر اني من كم شهر حملتها من ستيم والى الأن ما شغتها
بروح اشوف ايش قصتها
 

Double T

True Gamer
احس اسم اللعبه المفروض يكون Trail and Error خخخخ

ممتعه بس ما طولت و انا العبها

اعطونا Tips للي عشوا ايام كثيره
 

Unknown

Fake Gamer
جربتها ع السريع باول خنزير قتلني .. وطفيتها
احتمال ارجع لها اذا فكرت اخذ فيتا مستقبلا :/
 

Nasser

True Gamer
^

طيب هذي مجموعة تيبز بسيطة لأي واحد راح يبدأها ، راح تتعلم الأساسيات بنفسك وبلعبك ( متعة ) :

اول شيء ركز تسويه أنك تصنع لك شنطة ( BackPack ) عشان تجمع أغراض براحتك.

لا تحاول تركز انك تعدي شابترات من البداية ، ركز في اول شابتر وحاول تعيش لفترة طويلة وتسوي أغلب الأبقريدز وتجمع أغلب القطع للبوابة اللي تنقلك للعالم الثاني.

جمّع 12 وردة عشان تحط على راسك ( باند من الورد ؟ ) ، هالشيء يحافظ على سلامة عقل الشخصية ويزيدها في الصباح.

حاول تدور من البداية على صخرة مكسورة محاطة بـ 4 رؤوس خنازير ، هالصخرة وقت تصلحها راح يصير لما تموت يصير لك ريسباون في هذا المكان. ( لما تموت راح تخسر كل اشيائك لكن تقدر ترجع تاخذها من المكان اللي هي فيه ، بسرعة قبل لا يتعّفن الأكل ! )

صورة لها :

Pig_Head_ingame.png


أيضا ، في عظمة عليها عين تلقاها بالعالم ، هالعظمة تخلي مخلوق يشبه الكلب يلحقك ، هالمخلوق يساعدك بانك تقدر تحط عنده 9 أشياء ، يبقى يمشي معاك هالمخلوق لفترة طويلة لكن انتبه تورط نفسك معاه في مشاكل لأن ممكن يهاجمونه ويموت.

صورة العظمة :

Eye_Bone_on_ground.png



استمتعوا باللعبة ..
 
التعديل الأخير:

Double T

True Gamer
اللعبه اعقد من ما تقعت

على العموم مشكور على النصايح
 

Old Hunter

True Gamer
شكل اللعبة ممتعة ، الالعاب الي كذا اجمل على الفيتا ؟

< موجودة اصلا ؟
 

Classic

Hardcore Gamer
شكل اللعبة ممتعة ، الالعاب الي كذا اجمل على الفيتا ؟

< موجودة اصلا ؟

نسخة الvita قالوا يمكن يشتغوا على port لها.
بس تقدر تلعبها على الvita بالremote play الحين اذا عندك PS4.
 

L.O.R.D

True Gamer
شكل اللعبة ممتعة ، الالعاب الي كذا اجمل على الفيتا ؟

< موجودة اصلا ؟

او تقدر تلعب نسخة البي سي وتعمل ستريم لها من الكمبيوتر للفيتا
 

Lawliet

True Gamer
حملتها أول مانزلت، حسيت حالي ضايع في عالمها ومافي تلميح عن المكان اللي أروحه. برجع ليها بعد ماخلص ناك :thumbsup:
 
لعبة فوق 5 ساعات بدون لا احس بنفسي اللعبه ممتعه جدا أقصى شي جبت 9 ايام انصح الجميع فيه وفيه مكان تحت الارض حاول تحصلو مكانه شباب راح ينفعكم في اللعبه :)
 

"a7mad"

True Gamer
ميه ما اعجبتني مع اني بالعادة احب العاب البقاء و المحاكاة .. بس هاللعبه ماخشت مزاجي.
 

ifahadx

True Gamer
حملتها وما كنت مهتم فيها بشكل كبير

بديت اللعبة فجئة واول يوم لعبت فيها اكثر من 5 ساعات مشكلتي موضوع الجولة الوحدة (صحيح فية منطقة العظام اللي ترجعك حي لكنها مرة وحدة ووجودها نادر جدا !! الشي السلبي الثاني ان اللعبة مش مشروحة بشكل كبير من هذا الموضوع دريت ان اللعبة فيها شباتر لول (وصلت اليوم 22 وانا في الشابتر الاول على كذا)
واضطريت ادخل مواقع عشان اشوف شرح لها ةشرح لعمل بعض الاشياء (خاصة الاكل)


على العموم اللعبة شبيهه ب ماينكرافت
 

Sir Guts

Ryo Hazuki
ميه ما اعجبتني مع اني بالعادة احب العاب البقاء و المحاكاة .. بس هاللعبه ماخشت مزاجي.

قلت لك اعطيها فرصة شوي الين تفهمها ياخي
 

SULTAN 3

True Gamer
نبي مثل ما قالو الشباب فوق .. شرح او تلميحات اكثر بالذات للأكل والاساسيات لأني حتى انا اكثر شي قدرت اصبر فيها هو ٥ ايام :neutral_face:
 

hussien-11

Senior Content Specialist
أنا عندي مُلاحظة و حاب أقولها من فترة: مشاري بطل، تستحق التحية :::blush::: عاجبني جداً جداً كيف انك تجرب ألعاب مختلفة بأنواع مختلفة على أجهزة مختلفة
عندك نهم و حب كبير للهواية نفسها و دائماً تحب تكتشف و تجرب أشياء جديدة، و فوق كذا ما شاء الله عنك ما سبق و شفتك تشتكي من لعبة، تعامل كل تجربة بشكل منفصل و تعطيها حقها و تصبر عليها للنهاية، كثير أعضاء لازم يتعلموا هالخصلة منك :)
انت رائع يا فتى، أتمنى تستمر مثل ما انت.
 

Sir Guts

Ryo Hazuki
أنا عندي مُلاحظة و حاب أقولها من فترة: مشاري بطل، تستحق التحية :::blush::: عاجبني جداً جداً كيف انك تجرب ألعاب مختلفة بأنواع مختلفة على أجهزة مختلفة
عندك نهم و حب كبير للهواية نفسها و دائماً تحب تكتشف و تجرب أشياء جديدة، و فوق كذا ما شاء الله عنك ما سبق و شفتك تشتكي من لعبة، تعامل كل تجربة بشكل منفصل و تعطيها حقها و تصبر عليها للنهاية، كثير أعضاء لازم يتعلموا هالخصلة منك :)
انت رائع يا فتى، أتمنى تستمر مثل ما انت.

والله ما ادري وش اقولك يا حسين لكن احرجتني. هذي شهادة اعتز فيها و للأمانة انت توّك مخليني انتبه لهذا الشي. حسبته شي عادي الكل يسويه. انا اعشق الألعاب و مثل ما تفضلت احب العب انواع مختلفة على اجهزة مختلفة و اعطي كل شي حقه. الشغف هو الي وصلني الى هذي المواصيل. ليش اسوي كذا؟ لأن بكل بساطة ما ابي افوّت علي تجربة لا تنسى و السبب اني ما احب النوعية هذي من الألعاب. انا على فكرة مو مرة مع العاب الإندي لكن لما اشوف شي فيه بوتنشل العبه و ادفع اذا كان لازم ادفع. التعصّب ما راح يفيد اي جيمر لأنه فالنهاية راح يفوّت عليه تجارب لا تنسى على مدى السنين و السبب انه متعصب لجهاز معيّن. يوم TGXPO جاني واحد متابع لي في تويتر يقولي مشاري انت رائع. اقوله ليش؟ يقولي ياخي تلعب كل شي و ماعندك مشاكل. فعلا ماعندي اي مشكلة العب اي شي "نوعية" و على اي جهاز. طول ما الموضوع فيه عشق و متعة انا اكتفي هنا. نادرا ما اذم لعبة او تلاقيني اخسف فيها الأرض. التجربة سمية تجربة لأنك ماراح تخسر شي بتاتاً. و آسف طولت عليك و احب اشكرك على كلامك الحلو هذا الي بيبقى فالذاكرة للأبد. شكرا حسين.
 

Sir Guts

Ryo Hazuki
تيزر للـDLC الجديد Reign of Giants

[video=youtube_share;v_hU6t488Us]http://youtu.be/v_hU6t488Us[/video]
 
أعلى