Mute City
True Gamer
خلصت Legend of Mana، بعد 50 ساعة من اللعب، نهيت كل القصص واكتشفت كل الأمكان، بس ما جمعت كل الوحوش، تحليل اللعبة هذي ياخذ وقت طوييل، وأحس اني مكتفي باللي سويته، جدا استمتعت بوقتي معاها، استرجعت ذكريات حلوة واكتشفت اشياء جديدة علي، حتى القصص فهمتها أكثر من قبل لما كنت صغير.
الريماستر ممتاز جدا، واضح ان الفريق كان شغوف ويحب اللعبة، حتى ريماستر الألحان كان جدا ممتاز، تحت إشراف يوكو شيمامورا فأكيد، وإذا ودكم تسمعون، ما ماراح تلاقون الألبوم الجديد على يوتيوب، بس موجود هنا على الSound Cloud:
رسم اللعبة والاوست خيال، شيء Top Tier، القصص مالها Focus معين، عبارة عن قصص قصيرة وآركات منفصلة حق شخصيات مختلفة، وأطول آرك فيهم هو اللي راح يقتبسه الأنمي.
أشياء كثيرة ممكن اطوفك إذا بتلعب عمياني، اللعبة مصنوعة بهالاسلوب عشان ترد تلعبها أكثر من مرة مع خاصية الNG+ وتكتشف أشياء جديدة، بس تقدر، إذا مشيت على Guide، تسوي كل شيء في Playthrough واحد.
وهذا أحسن موقع إذا تبون مساعدة، حتى تصميمه روعة وموجد من سنة جدي:
Legend of Mana Info
Legend of Mana walkthrough, guide, recipes, encyclopedias. Fan Site by Craig Erskine.legendofmana.info
وايد ناس تقول Secret of Mana هو جزئها المفضل، وفعلا اللعبة روعة وبسيطة، بس Legend of Mana غيير، هذي Art، فيها عيوب بس لوحة فنية كلها تصاميم وخلفيات ماراح تشوف نفسها في أي مكان ثاني، جزئي المفضل و Timeless، مع ألبوم موسيقي خارق، يوكو شيمامورا بنفسها تعتبره الMagnum Opus حقها.
وبلا شك في أمور ملحوظة في اللعبة كانت مصدر إلهام حق تيتسويا نومورا وحطها في Kingdom Hearts.
صورة قديمة بس Good Vibes، كانت على أيام تلفزيوني القديم، الحين عندي LG OLED والوضع خيااال.
لفت نظري الدوك الي محطوط عليه السويتش! ولا مو مجرد ستاند ؟
لي فترة ابحث عن شي مشابه وحبذا لو يسمع بشحن الجهاز, لاني افضل العب على وضع الطاولة اكثر شي.
