الموضوع الرسمي [2020] ترو جيمرز... وش قاعدين نلعب؟ كلاود في الراكون سيتي

[Grumpy]

خلصت توني Legacy of Kain: Soul Reaver..
ما اعرف كم ساعة خذت مني..بس ما اظني اقل من 10 ساعات..

اللعبة هذي لعبتها ايام ما نزلت عالبس 1..و كنت العبها بغايد و اذكر اني كنت معتمد عليه 100%..
ربيعي خذ اللعبة او الغايد -ماذكر- و ما رجعهم..و بالتالي ما صار اني اكملها..

الحين بعد هالسنين كلها..قررت ارجع العبها..و قلت بشوف كيف تطورت الحين و ما احتاج لغايد..
النتيجة؟ 80% يمكن من لعبي كان بغايد هالمرة ايضا..
بصراحة اللعبة ممتعة..القتال و التحكم فيها سلسين جدا رغم بساطة الكومبو..
الالغاز ممتازة..بس بعضها جدا صعب و احس بصراحة مستحيل اعرف احلها بدون غايد..ناهيك ان الستايل الميترودفيني موجود بتصميم المراحل..تقريبا جميعها مرتبطة..
و حصولك على ابيليتيز معينة تخليك ترجع كثير لمناطق عشان تحصل الاسحار او الباور ابس..
بس وايد تضيع بصراحة..

مع ذلك جدا استمتعت..و رغم اني كنت افكر بالموضوع، الا اني ما اعتقد اني مهتم اجرب باقي السلسلة..عالاقل بالوقت الحالي..

شو العب الحين؟؟ هممم..بصراحة مادري..
كنت حاط في بالي قبل اني بلعب Nioh 2..بس شلتها من راسي حاليا..

يمكن وحدة من هاييل:

- Valkyrie Profile
- Eternal Darkness
- Jade Empire

براجع اللستة و بقرر ان شاء الله.

 

[judge balthier]

بدأت فيها

 

[Invader Zim]

مستواها ممتاز للان

 

[Solay]

مستواها ممتاز للان

لعبت الثاني؟ والا نقزت لذا علاطول؟

 

[Invader Zim]

لعبت الثاني؟ والا نقزت لذا علاطول؟

خلصته وكان ممتاز جدا

 

[Invader Zim]

قاعد تحمل الان وراح ابداها بكره

 

[Mogrim]

خلصت the surge لعبة سولز لايك اكشن rpg ،نزلتها من ps+ وكانت في راداري من فترة. اللعبة جابت افكار جديدة مثل تقطيع اطراف الاعداء والاجواء السيتينج الفضائي المصنعي. هيا افضل من لعبة المطور الاولى لوردز اوف ذا فالن .
سلبيات وايجابيات
- تصميم المراحل عادي الى سيئ في بعض الاحيان، هيا نقطة حفظ واحدة في كل مرحلة وتفتح اختصارات لها بس المشكلة كثرة المصاعد والممرات الضيقة خلتها مملة و اغلب اللعبة في مناطق مغلقة.
- توزيع الاعداء عادي بس المرحلة الاخيرة خلته سيئ جدا لدرجة في عدو مزعج ويجيك في ممرات ضيقة واثنين منهم صرت اهرب منهم ولا افكر اقاتلهم.
- صعوبة مواجهة عدوين بنفس الوقت. يفضل تسحب الاعداء على واحد واحد، اذا طحت في فخ وظهر عدوين يفضل تتراجع لانه المعركة مهي لصالحك.
- اللعبة فيها جير تعطيك بونس معين اذا لبست طقم كامل منه، المشكلة البونس ماتعرف ايش هوه اللعبة ما تظهر المعلومة في صفحة الكرافتنج .. يعني لازم اروح اجمع مخطط كل القطع بعدين اجمع الموارد وبعدين اصرف عليه العملة واصنعه وبعدين تلبسه ووقتها تعرف البونس حق الجير. طبعا مع نفسهم النت موجود وعرفت بونسات الجيرز بدون ما اسوي هذا كله بس هذي سلبية كبيرة.

+ يمديك تنقز او تنخفض في المعركة اذا كنت ضاغط زر الدفاع مع r3 فوق او تحت، المشكلة مافي اعداء او زعماء اجبروني اني استخدمها مافي ذاك الانميشن الواضح من العدو الي هيا حركة sweep attack عشان اقول اوووه هنا لازم انقز او حركة تخليني انخفض. استخدمت هذا الميكانيك في عدو واحد فقط في نهاية اللعبة كان يرسل كهرباء على الارض وقتها استخدمت النقز لكن برضه يمديني اتفادي على الجنب.
+ في نظام توقيت الهجوم وتأخر ضغطة الزر delay عشان ماتستهلك ستامينا للضربة، جيد بس مافي توضيح اني زبطتها غير اني اطالع على عداد الستامينا كان يبغالها تأكيد مرئي اوضح .

+ نظام التلفيل جديد وماهو تقليدي مثل الالعاب الثانية .. في عندك كور باور و امبلانتس .. الكور باور هوه لفلك ويحدد قد ايش تقدر تشيل امبلانتس و جير .. الامبلانتس والجير يكلفوا كور باور مختلفة، يعني انت لفل 50 ..الجير يكلف 30 والحين باقيلك 20 كور باور عشان تركب امبلانتس.
الامبلانتس في منها التقليدية مثل رفع الهيلث, ستامينا , وفي منها الي تطلع ببيلدز رهيبة اغلب اللعبة كنت ماشي اني ارفع الانيرجي بسرعة عشان تتفعل عندي الامبلانتس buff حق الستامينا , ضرب اقوى و ضربات اسرع. (الانيرجي عبارة عن عداد تحت الهيلث والستامينا، يمتلئ لما تضرب الاعداء له فوائد كثير مثل استدعاء الدرون الالي او تعالجك نفسك ومتطلب عشان تسوي فينيشنج موف على الاعداء) تقدر تشيل وتغير امبلانتس مثل ما اردت .
ايضا عداد هيلث الاعداء هوه امبلانتس تقدر تشيله عشان توفر مكان الى شي اقوى والعلاجات عبارة عن امبلانتس ايضا تقدر ماتشيل شي معاك اذا ماخذ في نفسك مقلب و شايف نفسك جامد.

افضل انه ما احط تقيم مجرد رقم للعبة بل يكون تقيمي
لعبة تستاهل تشتريها بسعرها الكامل - انتظر تخفيض - ابتعد عنها ولا تقرب استثمر وقتك بشي افضل
هذي اذا كنت مهتم في ARPG انتظر عليها تخفيض واذا ما كنت مهتم للجنرا ابتعد عنها
الجزء الثاني شكلي بنتظر عليه تخفيض جامد او تتوفر ببلاش على واحد من الخدمات ، بروح العب ديد سيلز الين توصلني نيو اوه 2

 

[judge balthier]

نصيحة جربوا ديمو Moving Out

 

[judge balthier]

نصيحة جربوها

 

[Eye]

تزامنا مع كورونا -بعيد الشر عن الجميع- جالس العب ريزي ٢

لحد يضحك .. ترا ممكن نتعلم استراتيجيات بقاء

 

[سيفروس سنيب]

تزامنا مع كورونا -بعيد الشر عن الجميع- جالس العب ريزي ٢

لحد يضحك .. ترا ممكن نتعلم استراتيجيات بقاء

بس عاد وش هالصدفة !
للأمانة ماخترت ألعبها بل سُحِبْتُ سحباً

 

[Eye]

بس عاد وش هالصدفة !
للأمانة ماخترت ألعبها بل سُحِبْتُ سحباً

جد؟!!!! ديييم!!

يلا كويس القى احد ينجو معي بالأزمة XD

 

[Tohi]

ألعب حاليًا ماريو جالاكسي ٢، وأحس إني أمّر بأفضل أوقات حياتي القيماوية.

 

[crazy_apple]

محتوى مخفي

بالمرحلة الأخيرة من ماريو سن شاين...

محتوى مخفي

بعض النجوم جبولي حرقة والبعض عطاني انواع من القلق ..
الله يقوي اللي بيجيب نجمة الباتشنكو..
نجمة توصيل يوشي الطوووووووووووووووووووووويل لجزيرة صغيرة عشان اذا مت لازم تعيد كل شي..
نجمة الملاهي الأخيرة..
واي نجمة بمراحل بدون الجت-باك .. لانه المنظر فيهم لحاله يبي ينافس العاب الرعب..*فيهم شي يلعب بنفسية.. مرة كيذا شي يخليك توسوس انه كل نطة بتسويها بتجيبها غلط .. انه الحياة دايماً ضدك..
اوه بس ثمن تعديهم..
and you feel amazing

11/10
بست ماريو.
فيها افضل تحكم .. وامتع موف ست .. وجزيرة دولفنو هذي اجمل هب ورلد في الجمينج...


انا اعتبر نفسي فان ماريو نايم من بعد سن شاين..
ثمن اودسيً صحتني.
بس لسا اتمنى سن شاين اذا فيه امل تصير فرنشايز مستقل زي لويجي مانشن. لاني ودي مدينة سياحية جديدة لانظفها.

 

[Silent-Horror]

حاليا قررت أخلص الألعاب العالقة في بروفايلي يعني بدأت فيها وما خلصتها من زمان
خلصت أولا: The legend of heroes الأولى ، أذكر وصلت لنهايتها وما خلصتها وما أذكر ليش مع إن اللعبة أربيجي من الزمن الجميل.
وحاليا بخلص نسخة الـ PS4 من رزدنت ايفل ريفليشن ، خلصت سابقا نسخة الـ 3DS على وقتها
وبعدها رح أخلص Beyond two souls على الـ PS3

 

[judge balthier]

توني اكتشف ان لعبة A hat in time موجودة على اجهزة غير نينتندو (معقوله ما كنت منتبه او ناسي) ، بعدين شفت سعرها على ال PS4 .... اوكيه الي حاب يشتريها لي ما راح اقول لا

 

[crazy_apple]

شينوبي
كثير من العاب انتقلت من ثنائية الأبعاد الى ثلاثي الأبعاد بشكل ماستربيسي عجيب *هذي نينتدو
ثمن فيه اللي مو نينتدو.. *فزين انه نينجا جايدن يوم جت كانو طموحين
بس جالس اتكلم عن شنوبي هنا
لعبة مرة كويسة.
حلاة اللعبة بنظامها .. اقعد العب بحتراف لين يصير سيفك ضوئي .. ازرق .. احمر.. بنفسجي.. بعدها يمديك تنهي بوس كامل بضربة واحدة .. هذا ادمان اللعبة... * الفكرة انه سيفك يقوى اذا لعبت زين

كنت اقعد عليها شهور وانا صغير .. وكنت اقعد اطول عشان البوس الأخير بس
فكان awkward الحين يوم فزت عليه من اول ساعة.

ايب اسكيب 2
نشكر سونيك ادفنشر 1... لاني احس كثير من الاجواء السياحية اللي شهدناها بماريو سن شاين جت بسببها.
ف... ايب اسكيب 2 كملت عليهم.
جداً جداً جميلة وصدق الأرت ذا ودي اشوف اكثر منه الحين *هذا ليه الطفولة كانت فترة ونيسة
هذي ****** او ********* او******* حقت البلاي2 * الفراغات كلها العاب نينتدو
ففيها تجديد دائم ب40 مرحلة بأشكال واجواء وتوستات.. تصير يا معدات والغاز لطيفة او يا شغلات استعراضية من اماكن وتصرفات القرود..

10/10
انا بايوس كثييييييييييييير.

ستار ورز باونتي هنتر

بلاتفورمر شوتر عظيمة !
*يافرحتي بس انها جد طلعت كويسة ومهي بس نوستاالجيا الطفولة..

محتوى مخفي

احب اللعبة ذي كثير كثير كثيييييييييييييييييير..
حتى المسلسل اللي جاء كان زي حلم يوم طلع !

 

[Grumpy]

بعد ما خلصت Nioh 2 و الي طلعت منها بتجربة فاقت توقعاتي..قررت، بعد تأجيلات عديدة اني العب:

Eternal Darkness: Sanity's Requiem
انهيتها قبل شوي. و خذت مني اكثر من 15 ساعة..

اللعبة هاي ما كنت اعرف عنها اي شي..و لا اذكر اني حتى سمعت بها..
شفتها بكم فيديو ريكومنديشن و جيكت على تقييماتها و استغربت انها عالية جدا..

المهم..اللعة فاجأتني..تجربة جدا مختلفة..
كنت متوقع لعبة رعب مثل سايلنت هيل و الشلة..بس اللعبة جدا مختلفة..رغم الـSetting..
السرد القصصي اكثر شي ابهرني فيها..
اللعبة تبدا بشخصية تحاول تحل لغز معين..و اثناء بحثها تلاقي Clues عبارة عن اوراق فيها قصص متعلقة بهاللغز..
كل ورقة عبارة عن فصل في هالقصة المترابطة، و كل فصل ينقلك للعب بشخصية مختلفة تكون هي بطلة هالفصل..
كل شخصية من زمن مختلف وممكن حتى بلد مختلف،لها الغازها وقدراتها..و نهاية كل فصل ترجع تلعب بالبنت (الشخصية الرئيسية) و تكون اكتسبت قدرات الشخصية الي قرت قصتها..
و هالقدرات تساعدها على حل اللغز القادم و الي يكشف لها فصل جديد بشخصية جديدة..و هكذا..
حبيت الترابط الواضح بين الفصول و حتى الاماكن..لما ترجع تزورها من منظور شخصية ثانية كانت عايشة قبل 100 سنة و تشوف الاختلافات..شي مبهر كمية الاهتمام الي حطوها باللعبة..

من العناصر المهمة باللعبة عصنر الجنون او الـSanity..الي له عداد خاص..
العداد هذا ينزل قابلت الشخصية وحوش و و بدت تقاتل..
المثير بالموضوع تأثير جنونك على ادائك.
اذا قل العداد تبدأ شخصيتك تشوف اشياء مش موجودة، اشياء تطير، حشرات عالكاميرا/الشاشة، اصوات، الشاشة تبدا تلف شوي، و ممكن حتى مرة وحدة تشوف Blue Screen.
تاثر المطورين بقتال Phsyco Mantis واضح هني و بتشوف اشياء متشابهة.
الاسحار (سميتها قدرات فوق) تشكل عنصر اساسي باللعبة..
تمكس بين التعويذات الي تحصلها عشان تطلع بسحر معين..تحس السالفة معقدة بالبداية بس عقب يصير الموضوع سهل.
في اسحار للريكوفري (الحياة او الجنون) اسحار دفاعية، اسحار تساعدك كل كشف اشياء مخفية..و كل سحر له حسبته يوم بتستخدمه. سواء في حل الالغاز او القتال.
فلازم تفكر و تختار الحسبة الصحيحة..مثال: سحر هجومي ممكن استخدم التطويرة القوية منه بس راح تاخذ وقت على ما انفذها و تستنزف كمية اكبر من عداد السحر، و لها خطورة اني ممكن انضرب اثناء عملية النتفيذ. بينما لو قررت استخدم النسخة الاضعف منها، بتاخذ وقت اقل..فالخيار لك.

القتال اليدوي شوي ثقيل و ينرفز بصراحة....بس مع ذلك يمشي الحال..

المهم..الي كان عنده كيوب و ما لعبها اقوله فاتتك..
اللعبة فعلا تجربة مميزة، سعيد جدا اني خضتها.

الحين لازم اختار العاب قصيرة عشان اكون مخلصها قبل لا تيي FF7R..
يمكن العب:

- Onimusha: Dawn of Dreams: لعبتها ايامها و ماذكر ليش ما كملتها.
- Baulder's Gate: Dark Alliance 2
- Champions of Norrath

كنت افكر العب Super Mario Sunshine..بس خبر اليوم الي فيه تلميح ان ممكن تنزل ريماستر خلاني أاجلها.
نشوف شو يصير.

 

[sabah]

Sleeping Dogs_ Definitive Edition

ريماستر ممتاز لواحدة من جواهر الجيل الماضي وهي اول لعبة في حياتي اطلع فيها البلاتينيوم من شدة اعجابي فيها واستمتاعي باللعب وبالاضافة لكون التروفيز معقولة في معظمها ومش مضيعة وقت.

الجيم بلاي هو اكثر شيء فاجأني بمستواه فالعالم دائماً مليء بالحركة والنشاطات المختلفة وفيه مهمات وأحداث جانبية وسباقات، ميني جيمز وتحديات وقتالات، عمليات سرية للقضاء على الجريمة وعصابات التهريب والمخدرات، ومهمات جانبية للشرطة.

الشخصيات الجانبية جيدة جداً، الشخصية الرئيسية ممتازة والتمثيل الصوتي لمعظمهم جيد، العالم جميل جداً ويصور هونغ كونغ بأفضل شكل خصوصاً في الليل مع الاضواء والمطر والانعكاسات على الارضية تنسى احياناً أنها ريماستر للعبة من الجيل الماضي.


الميلي الكومبات مستوحى من العاب باتمان وهو ممتع جداً وافضل بكثير من GTA وفيه عدة حركات تتعلمها مع مرور الوقت ويوجد انواع مختلفين من الاعداء بحيث يجبرونك على التنويع في حركاتك، الحركة والتسلق والقفز هو خليط من نظام الباركور بين ميرورز ايدج واساسينز كريد وهو الاخر افضل بكثير من الحركة والتحكم في العاب GTA.

القصة حلوة وكانت توحي بشيء كبير ممكن يصير بناءاً على إختياراتك لكن للاسف ما كان في اي إختيارات رغم إنها لو تواجدت لكان لها معنى ومنطقية لانه كل شيء فيها كان يمهد لتلك اللحظة.

شيء واحد ما حبيته هو عدم وجود تنقل سريع خصوصاً ان الانتقال بين المدن الرئيسية مزعج جداً لضيق الطرقات وكثرة الانعطافات اللي تخلي القيادة مملة لكن نظام المطاردات هو من امتع الاشياء في اللعبة وخاصة مطاردة السيارات مع إطلاق النار على عجلاتها وقلبها ومن ثم تفجيرها خاصة مع نظام تباطؤ الوقت لفترة وجيزة.

هذه افضل لعبة عالم مفتوح قدمت كوليكتبلز ليها معنى وفائدة للجيم بلاي ومش تضييع وقت عالفاضي وهي مقسومة لقسمين.. الاول شراينز وكل ما تعثر على خمسة منها تزيد طاقتك بشكل تدريجي وهكذا إلى أن تعثر عليهم كلهم والثانية عبارة عن حقائب تفتحها وتحصل منها على اموال وبعضها يكون مقفل برقم سري وتحتاج تفتحها بمهاراتك الخاصة.

مش مستوعب كيف لعبة مثل هذه ما كملت وحصلت على اجزاء اخرى، سكوير لو استمرت في دعم السلسلة كان ممكن يكون عندها عنوان ضخم ومتميز لكن للاسف الفريق ما حصل فرصة وتم إغلاقه.

 

[judge balthier]

اونلاين انشارتد لا يمل منه ابدا (كيف الإحتراف )

 

[Invader Zim]

Sanitarium
I Have No Mouth, And I Must Scream
Gemini Rue
Full Throttle
Machinarium
Broken Sword: The Shadow of the Templars
Beneath a Steel Sky

واذا لعب ذيلين فما قدر اقول غير الا Welcome to the club son

بحاول اخلص القائمة ذي
خلصت full throttle منها

 

[Grumpy]

بعد ما خلصت Nioh 2 و الي طلعت منها بتجربة فاقت توقعاتي..قررت، بعد تأجيلات عديدة اني العب:

Eternal Darkness: Sanity's Requiem
انهيتها قبل شوي. و خذت مني اكثر من 15 ساعة..

اللعبة هاي ما كنت اعرف عنها اي شي..و لا اذكر اني حتى سمعت بها..
شفتها بكم فيديو ريكومنديشن و جيكت على تقييماتها و استغربت انها عالية جدا..

المهم..اللعة فاجأتني..تجربة جدا مختلفة..
كنت متوقع لعبة رعب مثل سايلنت هيل و الشلة..بس اللعبة جدا مختلفة..رغم الـSetting..
السرد القصصي اكثر شي ابهرني فيها..
اللعبة تبدا بشخصية تحاول تحل لغز معين..و اثناء بحثها تلاقي Clues عبارة عن اوراق فيها قصص متعلقة بهاللغز..
كل ورقة عبارة عن فصل في هالقصة المترابطة، و كل فصل ينقلك للعب بشخصية مختلفة تكون هي بطلة هالفصل..
كل شخصية من زمن مختلف وممكن حتى بلد مختلف،لها الغازها وقدراتها..و نهاية كل فصل ترجع تلعب بالبنت (الشخصية الرئيسية) و تكون اكتسبت قدرات الشخصية الي قرت قصتها..
و هالقدرات تساعدها على حل اللغز القادم و الي يكشف لها فصل جديد بشخصية جديدة..و هكذا..
حبيت الترابط الواضح بين الفصول و حتى الاماكن..لما ترجع تزورها من منظور شخصية ثانية كانت عايشة قبل 100 سنة و تشوف الاختلافات..شي مبهر كمية الاهتمام الي حطوها باللعبة..

من العناصر المهمة باللعبة عصنر الجنون او الـSanity..الي له عداد خاص..
العداد هذا ينزل قابلت الشخصية وحوش و و بدت تقاتل..
المثير بالموضوع تأثير جنونك على ادائك.
اذا قل العداد تبدأ شخصيتك تشوف اشياء مش موجودة، اشياء تطير، حشرات عالكاميرا/الشاشة، اصوات، الشاشة تبدا تلف شوي، و ممكن حتى مرة وحدة تشوف Blue Screen.
تاثر المطورين بقتال Phsyco Mantis واضح هني و بتشوف اشياء متشابهة.
الاسحار (سميتها قدرات فوق) تشكل عنصر اساسي باللعبة..
تمكس بين التعويذات الي تحصلها عشان تطلع بسحر معين..تحس السالفة معقدة بالبداية بس عقب يصير الموضوع سهل.
في اسحار للريكوفري (الحياة او الجنون) اسحار دفاعية، اسحار تساعدك كل كشف اشياء مخفية..و كل سحر له حسبته يوم بتستخدمه. سواء في حل الالغاز او القتال.
فلازم تفكر و تختار الحسبة الصحيحة..مثال: سحر هجومي ممكن استخدم التطويرة القوية منه بس راح تاخذ وقت على ما انفذها و تستنزف كمية اكبر من عداد السحر، و لها خطورة اني ممكن انضرب اثناء عملية النتفيذ. بينما لو قررت استخدم النسخة الاضعف منها، بتاخذ وقت اقل..فالخيار لك.

القتال اليدوي شوي ثقيل و ينرفز بصراحة....بس مع ذلك يمشي الحال..

المهم..الي كان عنده كيوب و ما لعبها اقوله فاتتك..
اللعبة فعلا تجربة مميزة، سعيد جدا اني خضتها.

الحين لازم اختار العاب قصيرة عشان اكون مخلصها قبل لا تيي FF7R..
يمكن العب:

- Onimusha: Dawn of Dreams: لعبتها ايامها و ماذكر ليش ما كملتها.
- Baulder's Gate: Dark Alliance 2
- Champions of Norrath

كنت افكر العب Super Mario Sunshine..بس خبر اليوم الي فيه تلميح ان ممكن تنزل ريماستر خلاني أاجلها.
نشوف شو يصير.

اوكي..الي صار معاي بعد هالرد هو التالي:

بعد ما نزلت الرد، ذكروني الشباب ان ريزي 3 بتنزل بعد كم يوم..فقررت انتظرها بدال لا ابدا لعبة يديدة..
و انا انتظر حمسوني الشباب ارجع لنيوه و اطلع البلات..و سويتها و انا سعيد جدا..

ريزي 3 نزلت بس كانت غالية،و من الي سمعته عنها ما تسوى السعر الي حصلتها به.
فقررت على ما ينزل سعرها العب:

Baulder's Gate: Dark Alliance 2

على قد ما عجبني الجزء الاول، بصراحة ما قدرت اندمج مع الجزء الثاني و كنت مستثقل اللعب.
الي لعبتها كان كوبي بيست من الجزء الاول، و رغم لنه جيد الا اني الظاهر تشبعت. فقررت اوقفها..

بهالكم يوم الي لعبتها، تسربت فاينل فانتسي 7 فخذتها و خذت معاها ريزدنت ايفل 3.

Final Fantasy 7 Remake

لعبة رائعة و تجربة اروع. جدا استمتعت بلعبها،و النتيجة النهائية كانت فعلا تستحق هالانتظار كله.
عندي تحفظات على بعض الفان سيرفيس الي كنت احس مالهم داعي، كانهم مستعيلين و خايفين ما يسوون جزء ثان فقالوا خل نطلع حرتنا بهالجزء.
في نقاط بسيطة هنا و هناك،بس مب انهم يأثرون عالتجربة، انصح الجميع يلعبها.

كنت افكر كمل لعب اليوم و اييب البلات بس فقدت اهتمامي و لا احس اني بقدر.

بناءاً عليه، بكرة ان شاء الله راح أبدا Resident Evil 3 Remake..ان شاء الله تكون حلوة نفس الجزء الثاني.

 

[belmont]

فاينل فانتسي 8
الجزء الوحيد اللي ماخلصته بالسلسلة، كل يوم أشغلها ربع ساعة وأقفل..ما أدري وش مشكلتي مع ذا الجزء.
ببدأ بقرانديا بعدها أو ستار أوشن الأول.

 

[Grumpy]

فاينل فانتسي 8
الجزء الوحيد اللي ماخلصته بالسلسلة، كل يوم أشغلها ربع ساعة وأقفل..ما أدري وش مشكلتي مع ذا الجزء.
ببدأ بقرانديا بعدها أو ستار أوشن الأول.

هي يمكن ثقيلة شوي بالبداية..بس بتتحسن..عطها فرصة..

اي غرانديا ناوي تلعب؟
انا افكر العب الجزء الاول..نزلته من سنين عالبس3..مادري وين وصلت فيه -مب بعيد- و وقفت..
الحين احتمال انزل نسخة الـHD على ستيم و اعطيها فرصة ثانية.

 

[belmont]

هي يمكن ثقيلة شوي بالبداية..بس بتتحسن..عطها فرصة..

اي غرانديا ناوي تلعب؟
انا افكر العب الجزء الاول..نزلته من سنين عالبس3..مادري وين وصلت فيه -مب بعيد- و وقفت..
الحين احتمال انزل نسخة الـHD على ستيم و اعطيها فرصة ثانية.

حالياً لاعب 11 ساعة وتوني مخلص السجن..ما هضمت القصة ولا حبيت أي شخصية باللعبة لحد ألحين، وغير مشاكل الباتل سيستم.
--
ناوي أبدا بقرانديا الأولى نسخة السويتش..ناوي ألعب السلسلة كاملة بس مشكلتي الجزء الثالث صعب ألعبه.

 

[dragon quest]

قاعد ألعب medievil remake
على البلاي ستيشن 4

الريميك ممتاز فقط لو عدلو على طريقة القفز و التخزين بدل تخزين في اول المرحلة.

القصة مسليه و الاجواء رائعة

اضافة اللغة العربية رائعة و الدبلجه ممتازة و راكبه على اجواءها.

 

[Grumpy]

حالياً لاعب 11 ساعة وتوني مخلص السجن..ما هضمت القصة ولا حبيت أي شخصية باللعبة لحد ألحين، وغير مشاكل الباتل سيستم.
--
ناوي أبدا بقرانديا الأولى نسخة السويتش..ناوي ألعب السلسلة كاملة بس مشكلتي الجزء الثالث صعب ألعبه.

Xtreme و 3 تقدر تلعبهم عن طريق المحاكي، لو لك فيهم.
اتوقع صعب تحصل لهم نسخ اصلية الحين، و ان حصلت احتمال غالين جدا.

 

[crazy_apple]

god hand

شف انا لو مو خاتم اللعبة الحين يمكن اصير اسفل فيها اكثر بس وقت الفضاوة اللي جت فيه ذا كويس يعني ...

*هذي لعبة شريرة ما ترحم! ما ترحم !.. وبنفس الوقت كثير مجنونة.. واظن يبيله الواحد بس 10 دقايق معها ليعرف قد ايش هي عظيمة لول

محتوى مخفي

النظام القتالي والتخصيص اللي فيه والخلطات اللي ممكن تنفذها هذي فلم اكشن حلم...

فعاجبني الحين انه صفحة التقنيات full.. وكلما زهقت اصير اغير الكومبونشين..
وحتى وانا اخبص بالأزرار مبسوط كثير كيف كل ضربة.. it blend well مع باقي الضربات *هذي شي واوي كثير لي .. فلسا بتطلع بكومبو حلو مهما سويت !


اشوف ليه كثير كان يشبه جود اوف وار الجديدة في اللعبة هذي. مع انها صدق تذكرني بnioh اكثر لانه التخصيص فيه اكبر. بس لسا هي وnioh اظن بعدين عن مستوى التخصيص هنا.. بس هو اشوف الواحد يقدر يهارش كيف انه كثرة العدد ما تعني شي.. او كيف انه كثير حركات يوزلس اصلاً.

10/10

كثير استمتعت فيها.
*هذي بشكل سري وخفي هي افضل لعبة دراغونبول والسيكول الحقيقي لرزدنت ايفل 4 اذا كنت تنظر لها كافضل لعبة اكشن..

 

[crazy_apple]

haunting ground

*قلب قلب قلب..

العاب الرعب القديمة تمتاز ب elligence وحس فخامة لخصته هذي اللعبة بشكل كثير جميل.. اظن هذي وداعية جميلة لعصر العاب ذيك الفترة.
*هذي لعبة كنت اشوفها كثير بالمجلات على وقتها بس ما عمري لعبتها الا الحين

محتوى مخفي

اللعبة مقسمة لأربع سكشنات داخل قصر فخم.. ولكل سكشن stalker مختلف يصير يطاردك لين بالنهاية تدخل بوس فايت ذكي معهم. كثير حلوين.. كثير حبيتهم. بالخصوص اول اثنين.. العملاق اللطيف .. والخادمة السايكو..

ففيه شي حلو بالخادمة السايكو انها كسرت نمط اللعبة يوم كنت متعود مع العملاق.. فهذي كانت اذكى منه.. وفاجئتني يوم رحت ابغى اندس بخزانة.. فلقيتها داخل الخزانة تنتظرني.. !

ونظام الإختباء بدل ما يصير سطحي ويقولك دور خزاين. فشوف كيف اللعبة سابقة وقتها.. فموضوعه طويل.. *الواحد يجرب بس يندس ورا الباب لول

اخر اثنين stalkers هم اقلهم تفضيل... بس معاركهم كقتال بوس حلووووووووووووووو..

الحين بالنسبة للكلب.. اللي يصير مرافقك هذا اظافة كثير كويسة.
بيساعدك تحل الغاز .. بيساعدك مع stalker اللعبة.. ومع اخر قتال للزعماء تبي تصير تحبه مليون لانه اوف قتالتهم حلوة بسببه !

هذا كلب اسطوري.
فلا تبخل عليه.. اكله زين. وقله قد ايش كلب كويس هو. حتى لما يصير اكبر مجرم باللعبة.

كjunkie لهذا النوع من الألعاب الحين يدور جرعته التالية .. شوف مبسوط انه في سلاسل لسا ما لمستهم من فيتل فريم وغيرهم .. فأموري لسا طيبة اتمنى..

 

[OSMIUM]

sly 2 band of thieves
لعبت هذه اللعبة كثير في الماضي وعندي ذكريات معاها هي والجزء الثالث، ختمتها اليوم لأول مرة مع البلاتينوم (البلاتينوم جدا سهل لدرجة إنه ما يطلب إكمال اللعبة 100%)
اللعبة جيدة جدا

مافيه لعبة زيها خلطت بين البلاتفورمر والتسلسل وحتى ضبطته بهذا الشكل
القصة حلوة والحوارات بين الشخصيات كمان

اللعبة شكليا جدا جميلة مع ستايل الكوميك شكلها ما قِدم أبداً

البلاتفورمر ممتاز وحركة الشخصيات في المراحل جدا ممتعة وتزيد المتعة كل مازادت حركاتهم

يعجبني كيف إن كل مرحلة تتميز ببيئتها، بعضها عامودية أكثر و بعضها الاخر أفقي بعضها فيها وحوش مثل الدببة أو الفيلة وبعضها فيها كامريات مراقبة
وأفضل شي هو لو ما تشوف بيئة المرحلة تتغير مع تقدم القصة

الثلاثي سلاي و بنتلي وموري كلهم عندهم مميزات واختلافات تزيد من تنوع القيمبلاي

وطبعا لعب اللعبة من جديد بعد كل هذه السنوات أخذنتي لرحلة إلى الماضي


لكن للأسف اللعبة فيها مشاكل كثير سيئة

رغم تنوع الشخصيات قدراتهم اللعبة فيها تكرار كبير أغلب المهمات أشياء منثورة في المرحلة وبس روح إضغط عليها و الاعداء تقريبا نفسهم في كل المراحل، أسوء شي في اللعبة كان مراحل المركبات من طيارات وغيره

وشي كمان أعرف إن اللعبة إسمها سلاي وهو أفضل شخصية من الثلاثة لكن للأسف هذا ما يعطي الاعب سبب يرجع لبنتلي وموري في غير مهماتهم لأن سلاي كقيمبلاي أفضل منهم في كل شي

تبقى لعبة ممتازة