الموضوع الرسمي [2020] ترو جيمرز... وش قاعدين نلعب؟ كلاود في الراكون سيتي

[judge balthier]

حاليا قاعد العب :

MediEvil على ال PS4

في اول ٤ مراحل و هزمت اول زعيم.... ممتعه جدا و الاستديو الي سوا الريميك اشتغل بذمه (رجعت لي ذكريات جميله )،و ايضا اوله قلت خلني اشوف ال Cheat تشتغل زي سبايرو او لا ....للاسف ما اشتغل بس اعطوني تروفي صورته حلوه و تخلي تتذكر ايام ال PS1 الجميله

هل يوجد موضوع رسمي للعبة ؟
وين فانز اللعبة الي هنا (خصوصا الي زعلوا من لعبة ال MOVE ) ادعموا اللعبة عشان نشوف اجزاء جديدة.

 

[judge balthier]

 

[Grumpy]

Brave Fencer Musashi

بشوف اذا في شي يسوى نازل هالفترة..و اذا ماحصلت ببدا باحدى هالالعاب ان شاء الله:

Fell Seal: Arbiter's Mark
Legend of Legaia
Champions of Norrath
Jade Empire

وقع الخيار على Legend of Legaia
حاليا صارلي فوق ال30 ساعة..و جدا مستمتع..
الجزء الثاني عالبس2 كان عاجبني ايامها رغم ان كانوا منتقدينه..
و هذا على اساس افضل، بس بصراحة ما اذكر الجزء الثاني عشان احس بفرق..فالاثنين عندي تقريبا بنفس المستوى..
العالم بصراحة حلو،و فكرة الـMist و تأثيرها ايضا حلوة..بس نقطة القوة باللعبة طبعا الغيمبلاي، و الي يعتبر مختلف عن الار بي جي المعتاد..
توقعت الغرافيكس القديمة تأثير عالتجربة، بس ابدا، ما اثرت عليها نهائيا..يمكن لاني لاعب قبلها Musashi فتعودت العين خلاص..

 

[abdo عبدو]

قاعد العب conker bad fur day
لأنه كنت مشتهي لعبة بستايل مشابه ل banjoo kazooie أو بستايل رير الكرتوني ، خصوصا انه بانجو كازوي ما كملتها ولا عجبتني وحقيقة انقهرت لأنه كان ودي بلعبة نفسها بس تكون كويسة حبيت طريقة كلام ال npc وحواراتهم بس كتصميم مراحل فهذي اللعبة سوبر ماريو ٦٤ بس اسوأ ؛ كل مهمة في اللعبة كأنها منطقة بروحها، مثلا في الجهة a فيه سفينة في الجهة b في اخطبوط وهذا غير التنقل الممل والغير مناسب لحجم العوالم ، بعكس ماريو ٦٤ اللي دامجه كل المهمات في مكان واحد بشكل عجيب مع عناصر بلاتفورمنج للتنقل بينهم او إتمامهم ، وطبعا ال movest حقت ماريو ما فيه مثلها (وما انكر انه السبرنت في بانجو كازوي كان إدمان اني استعمله) ؛ او حتى فرصة بانجو لما يلقى النجمة مو بمستوى ماريو هع وبما اني لعبت اللعبة من بعد إعادة ماريو ٦٤ فهذي فأعتقد آثر بشكل كبير على تجربتي معاها فبعدها قلت لازم العب لعبة ثانية من رير (طبعا كنت افكر فيه مليون لعبة لهم بنفس الستايل على n64 وبعدها انصدمت انه ما فيه غير كونكر والسيكويل حق بانجو كازوي) المهمة المقدمة حقت كونكر وكيف أنها 18+ اعطتني انطباع انه اللعبة ما راح تكون ببساطة بانجو،

لما لعبت اللعبة: اكيد اللعبة بتتحسن

بعد ساعة: اكيد اللعبة بتتحسن

بعد ساعة ونص : اكيد اللعبة بتتحسن

ولا ما تحسنت!! ، أو بشكل آخر اللعبة مش لي ، انا داخل عليها على انها بلاتفورمر طبيعية بس اللي لقيته غير ، اللعبة مختلفة وتشبه أكثر العاب مثل سايكو ناتس (اللي تسويه اشبه بميني جيم كل شوي يتغير) مرة تركب على ثور عشان تذبح بقرة، مرة تزحلق الكورة لين ما تصير ضخمة عشان تكسر الطريق ، وطبعا اللعبة تكرر الأمر اكثر من مرة (اذبح أكثر من بقرة) (اضرب اكثر من بقرة) عشان ما يصير الوضع out of place وشكلها غريب، وطبعا هذا شيء كويس ، المشكلة انه ركوبك للثور او دحرجتك للكورة كل متشابه، ما تحس انك مسوي شيء مختلف ، مع ذالك اللعبة تكفافئك بكاتسين كل شوي مع كتابة مميزة بصراحة أو لحظات غريبة كثيرة مثل لما تقتل البقرة راح تتقطع إلى أشلاء ، بس مع ذالك انا ما احب هذا النوع من الألعاب فما قدرت اكملها،

وبعدها لعبت super Mario 64 3d land
وهي روم هاك ل سوبر ماريو ٦٤ ، مستلهم من ثري دي ورلد مع إضافة حركات زيادة لماريو ، انا لعبته من قبل بس ما كلمته بسبب المرحلة الثانية المستفزة ، بس هالمرة قدرت اكمل الحركة بعد استعمال اقوى حركة في العالم

محتوى مخفي: Save state

Load state

واللعبة جدا مميزة، طبعا المراحل كلها جديدة من الصفر ! ، كأنها لعبة كاملة وحتى باور ابز جديدة وبعضها مقتبس من العاب ماريو الثانية ، اللعبة غير عن ماريو ٦٤ بما انها مستلهمة من ثري دي لاند ، هنا بنظام مراحل خطية، المفاجآة انه كل المراحل بثيم مختلف عن الآخر ، مرة تلعب في الفضاء ومرة في غرفة نيرد ، تفاجأة جدا من الليفل ديزاين توقعت شيء متوسط بسبب تجربتي السابقة معه في اول مرحلتين، ولكن طلع شيء رائع وفي كل مرحلة بميكانيكس جديدة غير موجودة في اللعبة الأصلية، أو حتى عوض كون اللعبة خطية بالحركات الجديدة لماريو ، الحركات الجديدة يمديك على ما اعتقد تكمل اللعبة بدون ما تستخدمهم ، ولكن هم موجودين عشان تحكم ماريو يتناسب مع تصميم المراحل اللي احيانا يحتاج دقة ، وللحين قاعد العب فيها وفيها مفاجآة كثيرة جدا

 

[Grumpy]

توني خلصت Legend of Legaia..
لعبة ممتازة بصراحة و استمتعت باجواءها و قصتها..
بس بالربع الاخير تقريبا ياني اكتفاء منها شوي خاصة كون الزعماء صارت استراتيجيتهم وحدة، و الفرق بس بمقدار الدامج..
فقررت على اخر زعيمين اني استخدم الـCheat Codes و اخلصها عالسريع لان ما في شي جديد ممكن اسويه..

لعبتي القادمة مش من ضمن القائمة الرئيسية..و الغريب انها ما كانت نهائيا عالبال و لا حتى بيوم فكرت العبها..رغم ان عليها مدح..
بالصدقة شفت واحد من الستريمرز من فترة يلعبها و قررت اجربها..

بكرة ان شاء الله راح ابدأ Fable: Anniversary..
اتمنى تكون بالمستوى..

 

[Grumpy]

امس انهيت Fable..
لعبة جميلة و مسلية بالرغم من انها معوقة بكم جانب..
بالبداية كنت فعلا مب مستمتع و مستثقل اللعب..مع الوقت تأقلمت و بدت تعجبني..
دمها خفيف و العالم ممتاز و يشد. فيها لحظات صادمة الصراحة للعبة من هالنوع..

حاليا افكر العب وحدة من هالثنتين:

- Jade Empire
- Eternal Darkness: Sanity's Requiem

متحمس للثانية اكثر كوني توني طالع من RPG و احس بحتاج بريك شوي.
بنفس الوقت قاعد افكر ان Darksiders Genesis بتنزل بعد كم يوم عالبس4..فيمكن افضل لي انتظرها..
فرصة اذا بنتظرها اخذ بريك من اللعب و اشوف Dr. Stone..

 

[abdo عبدو]

super Mario 64 3d land

محتوى مخفي: ليش ماريو ٦٤ لاند روم هاك عظيم.

محتوى مخفي: أ

(أ)لماريو (أ)لطباخ

محتوى مخفي: ب

(ب)سبب هذا الجمال

محتوى مخفي: ي

(ي)وشي

محتوى مخفي: 3

سوبر ماريو (3)لاثة

محتوى مخفي: ش

(ش)تسموا هذا الشيء ؟ الهوب ورلد؟ المهم انه جميل

محتوى مخفي: ت

(ت)قدر تخلي الشمس تتلاشى لأول مرة في لعبة ماريو

محتوى مخفي: س

(س)يارة كارتنق

محتوى مخفي: و

(و)اريو

محتوى مخفي: ف

 

[Grumpy]

انهيت اليوم Darksiders Genesis..خذت مني قريب الـ34 ساعة..
رغم ان كانت لي تحفظات عليها، الا انها فاقت توقعاتي بصراحة..
لعبة جداً ممتعة..و الاستكشاف فيها من افضل ما شفت..جدا rewarding و تسويه و انت مستمتع..
الارحل متنوعة و جميلة..الموسيقى جيدة..
علاقة الشخصيات ببعضها حلوة و Strife شخصية ممتازة و مختلفة عن الباقين..
عيبها بعض الـBugs..و لكن ما كانوا شي كبير بحيث انهم يأثرون عالتجربة..
انصح بها..

الحين اللعبة القادمة بتكون وحدة من هاييل - ان شاء الله اذا ما تغير المود مرة وحدة و اخترت شي مختلف تماماَ -

- Silent Hill (لعبتها ايام البس1 بس ما كملتها..احس يا وقتها خلاص)
- Eternal Darkness: Sanity's Requiem

بكرة راح اقرر ان شاء الله..

 

[Terminator]

كان فيني مزاج للبلاتفورمر وطبعا رجعت لأيقونة العقد والاجيال

 

[Grumpy]

انهيت توني Silent Hill..

يا انه التحكم كان بيجلطني..بس عقب تعودت..
اللعبة جميلة، و اكتشفت اني ما كنت مول بعيد اول مرة لعبتها عالبس 1..
القصة بصراحة مخربطة و ما اظني فهمت شي منها..
الاجواء حلوة، بس كأنها سهلة و بسيطة بزيادة؟ حتى الغازها..عكس ما اذكر..يمكن خلاص تعودنا و ما قمنا نحس هالالغاز مميزة بشي..

الحين افكر اكمل السلسلة (الثلاثية فقط)،و لو اني ما لي خلق بلعبة رعب ثانية..ابا شوي اكشن *يطالع Soul Reaver بطرف عين*

 

[Invader Zim]

لقيتها على steam واشتريتها على طول

 

[Mogrim]

انهيت اوكامي HD اليوم. اخذتها من ولد خالي وقالي هيا افضل لعبة عنده. لعبت خمس ساعات منها ورجعت اللعبة له لكن اصر اني اكملها.
المهم كملت فيها اللعبة بطيئة وطفشتني في البداية بس مع الوقت دخلت جوها وعجبتني الشخصيات الكوميدية و الالحان الرهيبة.
المصيبة في اللعبة انها طويلة جدا اكثر مما تستحق، خلصتها في 42 ساعة. معليش بس اللعبة فقدت سحرها بعد 25 ساعة.
- القدرات غير مستغلة بشكل كافي في حل الالغاز في الدنجنز.
- الكومبات عادي جدا ومكرر كثير، حتى الاسلحة نفس الحركات بكل سلاح.
اعتقد لو اللعبة كانت مدتها حوالي 25 ساعة مع تركيز اكثر على استخدام القدرات المختلفة في حل الالغاز و البلاتفورمنج كنت حنبسط فيها اكثر.
النهاية كانت رهيبة

 

[Grumpy]

و خلصنا Silent Hill 2..
البداية جدا مللتني..بس هالجزء ما تمشي فيه بالمدينة كثير الاول.
الاول حسيت اجواءه كانت افضل..و حتى الالغاز..بس هالجزء أسهل كان..
الزعماء بصراحة سيئين..فكرتهم وحدة..بس مادري، ما احس في شي ثاني كان ممكن يسوونه بلعبة مثل هاي.
القصة افضل عندي من الجزء الاول الي كان ملخبط من هالناحية. و حبيت النهاية و لو اني لي تحفظ عليها..

نبدا الجزء الثالث المساء او بكرة ان شاء الله.

 

[S30D1999]

السلام عليكم


دخلت ستور البلايستيشن وكان فيه تخفيض على darksiders الأولى وأنا أصلًا كان عيني على shadow of war بس قلت خلني اعطيها فرصة وأقدر أقول اني ماندمت أبداً.


انا حاليا في نهاية اللعبة واللعبة زيلداوية بحته من تصميم المراحل إلى أسلوب القتال اللي للأمانة اشوفه خليط مع god of war حتى البوسس اللي يعتمدون على الgimmicks.

البيئات متنوعه وكوني جاي من نيوه اللي بيئاتها تجيب الهم خلاني اقدر الأولى اكثر.

القصة والشخصيات مثيرين للاهتمام والتمثيل الصوتي بشكل مفاجئ طالع ممتاز.

مظهر اللعبة عادي جدا حتى على وقتها بس اللعبة ٦٠ فريم ذو.

عيوب اللعبة منها قلة تنوع الأعداء وأسلوب القتال القديم والغير سلس نوعا ما واللعبة على صعوبة apocalypse مكسورة.

جدا متحمس للثاني وسمعت انه أفضل بعد وعنده موسيقى من الافضل في عالم الألعاب

 

[Invader Zim]

قاعد العبها حاليا وشكلي راح العب السلسلة كاملة

 

[Solay]

قاعد العبها حاليا وشكلي راح العب السلسلة كاملة

هو اهم شي تلعب الثاني.

واذا الفترة ذي تلعب بوينت اند كليكز لا تفوت Full Throttle رهيبة.

 

[Omni-Doom]

هو اهم شي تلعب الثاني.

واذا الفترة ذي تلعب بوينت اند كليكز لا تفوت Full Throttle رهيبة.

أنا أؤيد اقتراح فل ثروتل.

 

[Terminator]

هو اهم شي تلعب الثاني.

واذا الفترة ذي تلعب بوينت اند كليكز لا تفوت Full Throttle رهيبة.

Sanitarium
I Have No Mouth, And I Must Scream
Gemini Rue
Full Throttle
Machinarium
Broken Sword: The Shadow of the Templars
Beneath a Steel Sky

واذا لعب ذيلين فما قدر اقول غير الا Welcome to the club son

 

[Grumpy]

خلصت Silent Hill 3..
اقصر جزء..خذت مني 5 ساعات و نص تقريبا بس.

بصراحة افضل الاول و الثاني عليها..سواء من ناحية المراحل او الالغاز..
هاي مادري كيف..من البداية و انا احسها ملخبطة..
ما تحمست فيها الا يوم وصلت المدينة شوي..و بعد رجع اختفى الحماس مع الوقت..
البطلة ما عيبتني..و الشخصيات الثانية مادري كيف.
الربط بين الاجزاء و قصة البطلة حبيتهم..و لو اني كنت عارف المعلومة هاي من قبل..بس اقدر اتخيل رد فعل الناس.

الحين نرجع للقائمة القديمة..و الاختيار بيكون ما بين Soul Reaver و Ape Escape 2 ان شاء الله.

 

[S30D1999]

انهيت Devil may cry 3 switch edition....


لازالت اللعبة ممتازة والكومبات ممتاز وتصميم المراحل الجيد بس ماحبيت ان اللعبة كلها تكون في البرج البوسس جيدين الا اركام اسوء بوس في السلسلة باستثناء بوسس الجزء الثاني

نجي للإضافات الفري ستايل غير الكومبات بشكل كبير وخلاه versatile اكثر وكوني احب اتفنن على العدو هذا بكبره بونس لي.

غير كذا مافيه شي إضافي الرسوم ماتحسنت بس Who cares

للأمانة بعد ماختمت كل اجزاء السلسلة تأكد لي ان الخامس هو أفضل جزء في السلسلة الشئ الوحيد اللي يتفوق عليه الثالث على الخامس هو القصة بس.

٩/١٠ اعطيها بسبب معارك فيرجل الأسطورية والنهاية الرائعة.

Devils never cry

 

[S30D1999]

اوك انهيت Darksiders 2 .......

عموما ابقريد محترم في كل جانب عن الأول،الكومبات تغير إلى rpg مع نظام لوت بسيط بس يفي بالغرض والقتال صار اكثر سلاسة بكثير وأخيرا حطوا evade زي الناس،معارك الزعماء جيدة إلى حد ما مشكلتهم انهم مافيه تنويع في ضرباتهم والزعيم الأخير هو اسوء زعيم اخير واجهته من فترة طويلة.

القصة والشخصيات اقدر أقول انها بنفس مستوى الأول او اقل وdeath عاجبني اكثر من war مع تصميمه الممتاز.

الابقريد الأكبر من وجهة نظري هي الموسيقى والتوجه الفني للعبة،حرفيًا موسيقى اللعبة هذي كانت نصف التجربة لي والمظهر العام مع العوالم المختلفة طالع أفضل بكثير من الأول،ودي اعرف من ملحن الجزء ذا.

نجي للعيوب وهي التكرار، تكرار من بداية اللعبة إلى نهايتها المهام اغلبها fetch quest مع زعيم في النهاية،وبعدين اللعبة طويلة بزيادة نفس مشكلة الأولى فيلرات وتمطيط ماله داعي.

بشكل عام أفضل من الأول وأتمنى الثالث يصلح العيوب اللي ذكرتها.

٨.٥/١٠

 

[Grumpy]

خلصت Ape Escape 2
خذت مني 13 ساعة تقريبا..

كرهت عمري و انا العبها..و اكثر من مرة فكرت اوقفها..
اللعبة تحكمها يجلط..يجلططططط..ابدا ما تقبلته..

بعيدن عن التحكم..الفكرة و تصميم المراحل و الاجواء ممتازة..البحث عن السبلان و اصطيادهم جدا ممتع..
بس التحكم فعلا يخرب التجربة..اقول حق الشباب مساعة ما احيد لعبة خلتني ابا افر الكنترولر عالتلفزيون شراتها..
اييك قولون و انت تلعبها..

غدا الوعد ان شاء الله مع Soul Reaver..

و لو اني احس فاينل فانتسي تاكتيكس تطالعني بحقد و تقول: مب جنك مصختها؟
بس مالي خلق RPG بصراحة..

 

[judge balthier]

 

[judge balthier]

 

[crazy_apple]

محتوى مخفي

سبلنتر سيل 1
هذا جاسوس صديق شوي يموت يقولك لامبرد تخليه يحترق بالمبنى هذا عشان بيكون اسهل الوضع انه يشرحونه لعايلته لانه محد يقدر يتعرف على جثة محروقة *اوه*.. 6 مراحل قدام لما تدخل مبنى المخبارات بتلقى ايميل انه لسا يدورون عنه اصحابه .. وهو فيه أيميل بتلقى شي عن جثة محروقة .. *اوه ثانية


الجزء الثاني
اكثر شي هاردكوري بالسلسلة .. لامبرد يقولك انك تقتل صديقة لك بدون سبب ..
وانت ما عندك وقت تفكرحتى باللي قاعد تسويه..
شي مو بس مخ وملعون .. بل مرة اسطوووووري .. اوف


الجزء الثالث
شي بيتكرر.. قاعدين يعذبون جاسوس ثاني .. بيقولك لامبرد انك تتركه وتكمل المهمة.. بس اللعبة بتعطيك خيار انك تفكه .. لامبرد بيعلق عليك بغضب لانه هو اصلاً ميت. الحين العجيب قدام لما نفس الشي يصير بنص اللعبة بس مع واحد حي... فبتصير هوشة كبيرة مع لامبرد.


الجزء الرابع
اوووووووووووووووه....

*سبويلر

محتوى مخفي

هذا الظاهر الأولتميت باي-اوف لما تكون فرنشايز طويل.. فيه جاسوس هنا لازم تقتله عشان تثبت لأخوياك المجرمين انك معهم.. والجاسوس اللي بالكرسي هو لابمرد .. فبيقولك دو- ات.. *فانت الحين بتاخذ لحظة لتتذكرالعاب القديمة.. الدنيا تدور.
شي مجرم اللعبة ذي وهو انه حتى لو ما قتلته .. بيموت بيموت. فيضحكون عليك انه عندك خيار بسالفة. *هذا الجزء وصل مرحلة من الكئابة تزعل واخذ الفرنشايز باتجاه مدري شلون الحين رجعو منه
finish your mission."

فاقول الحين الأولتميت فانسرفرس انه الجزء الجاي يصير بيركول.

هذا انا مع مارثوني السنوي مع السلسلة.. اكتفي بالجزء الأول بالعادة. بس اشتهيت اكمل المشوار.
سبلنتر سيل الجديدة بتكون ماستر بيس. ويوبي داستها لانه بتكون اعظم اصدارتهم وخاتمية اسطورية لاحسن عنوانيهم. دانج دانج دااانج..

 

[S30D1999]

Darksiders 3....

اوك أنهيتها وأقدر أقول هي أفضل الثلاثة بفارق كبير جدا،اللعبة استلهمت الكثير من دارك سولز وتخلت عن نظام الrpg loot اللي كان في الثاني واعتمدت على تلفيل الstats وأنا للأمانة حبيت هالشيء صح مافيه حركات جديدة تشتريها بس صراحة ماعمري استخدمت الحركات الجديدة او اعتمدت عليها في الألعاب السابقة.


ببدأ في القصة اللي كانت جيدة في الأجزاء السابقة وهنا اقل بقليل والبلوت بشكل عام غير مثير للاهتمام وشخصية فيوري جدا مزعجة وتصميمها سيء،تصاميم الشخصيات الأخرى جدا ابتكاريه ورائعه.


الكومبات بسيط وتنوع القدرات جدا جميل خصوصا مع طريقة استخدام كل قدرة،اللعبة صعبة والبوسس صعبين وممتعين بس يظل الزعيم الأخير سيء بس أفضل من زعيم الجزء الثاني النكتة.


اكبر ابقريد حصل في الجزء الثالث هو الليفل ديزاين الرائع والمترابط،اللعبة تخلت عن الدنجنز المملة وقدمت اللعبة ليفل ديزاين محترم وممتع استكشافه مع اسرار جيدة.

الموسيقى للنسيان وكنت متوقع الكثير من هالناحية ذي خصوصا بعد الثاني.

الجرافيكس جيد بس توقعت أفضل خصوصا فترة ٦ سنين طويلة بين الثاني والثالث واللعبة ماتخلو من المشاكل التقنية بس ما تأثر على التجربة أبداً.

عموما أفضل جزء في السلسلة وأفضل مافيها انها لا طويلة ولا قصيرة وهذي مشكلة الأجزاء الأولى بحيث انها كانت ممطوطة من غير داعي والرتم البارد يخرب اللعبة على النهاية.

باقي genesis وأنهي السلسلة كاملة ولو انه يذكرني بديابلو اللي ماتستهويني أبدا.


٨.٥/١٠

ملاحظة بسيطة : شيكت على مراجعات اللعبة وانصدمت انها منخفضة معدلها في ميتا ٦٤ وقيمسبوت معطيها ٤ وات؟! اللي لعبته بعيد وهم يحسسوني اني لعبت لعبه غير.

 

[Punished Noctis]

ملاحظة بسيطة : شيكت على مراجعات اللعبة وانصدمت انها منخفضة معدلها في ميتا ٦٤ وقيمسبوت معطيها ٤ وات؟! اللي لعبته بعيد وهم يحسسوني اني لعبت لعبه غير.

سمعت انها من الألعاب اللي تصلحت وتغير كثير بعد صدورها.

 

[Terminator]

حاليا العب الجزء الثاني

 

[Terminator]

Darksiders 3....

اوك أنهيتها وأقدر أقول هي أفضل الثلاثة بفارق كبير جدا،اللعبة استلهمت الكثير من دارك سولز وتخلت عن نظام الrpg loot اللي كان في الثاني واعتمدت على تلفيل الstats وأنا للأمانة حبيت هالشيء صح مافيه حركات جديدة تشتريها بس صراحة ماعمري استخدمت الحركات الجديدة او اعتمدت عليها في الألعاب السابقة.


ببدأ في القصة اللي كانت جيدة في الأجزاء السابقة وهنا اقل بقليل والبلوت بشكل عام غير مثير للاهتمام وشخصية فيوري جدا مزعجة وتصميمها سيء،تصاميم الشخصيات الأخرى جدا ابتكاريه ورائعه.


الكومبات بسيط وتنوع القدرات جدا جميل خصوصا مع طريقة استخدام كل قدرة،اللعبة صعبة والبوسس صعبين وممتعين بس يظل الزعيم الأخير سيء بس أفضل من زعيم الجزء الثاني النكتة.


اكبر ابقريد حصل في الجزء الثالث هو الليفل ديزاين الرائع والمترابط،اللعبة تخلت عن الدنجنز المملة وقدمت اللعبة ليفل ديزاين محترم وممتع استكشافه مع اسرار جيدة.

الموسيقى للنسيان وكنت متوقع الكثير من هالناحية ذي خصوصا بعد الثاني.

الجرافيكس جيد بس توقعت أفضل خصوصا فترة ٦ سنين طويلة بين الثاني والثالث واللعبة ماتخلو من المشاكل التقنية بس ما تأثر على التجربة أبداً.

عموما أفضل جزء في السلسلة وأفضل مافيها انها لا طويلة ولا قصيرة وهذي مشكلة الأجزاء الأولى بحيث انها كانت ممطوطة من غير داعي والرتم البارد يخرب اللعبة على النهاية.

باقي genesis وأنهي السلسلة كاملة ولو انه يذكرني بديابلو اللي ماتستهويني أبدا.


٨.٥/١٠

ملاحظة بسيطة : شيكت على مراجعات اللعبة وانصدمت انها منخفضة معدلها في ميتا ٦٤ وقيمسبوت معطيها ٤ وات؟! اللي لعبته بعيد وهم يحسسوني اني لعبت لعبه غير.

الجزء الثالث الافضل بالنسبة لي بعيدا عن الرتم الممل بالجزئين القبليين
اما بخصوص التقييمات ماعليك منهم لان فورمة الجزء الثالث شوي اختلفت وصارت اصعب

بخصوص Genesis لا ترفع سقف التوقعات ولكن ممكن يعجبك..عن نفسي ماعجبني

 

[S30D1999]

الجزء الثالث الافضل بالنسبة لي بعيدا عن الرتم الممل بالجزئين القبليين
اما بخصوص التقييمات ماعليك منهم لان فورمة الجزء الثالث شوي اختلفت وصارت اصعب

بخصوص Genesis لا ترفع سقف التوقعات ولكن ممكن يعجبك..عن نفسي ماعجبني

Genesis الريدي لاقي نفسي غير منجذب له وسترايف يستاهل جزء رئيسي مثل البقية