وطلعنا نلعب الاونو.. غلط

[Veeto]

الاونو لعبة البطاقات الشهيرة

وحدة من اجمل اللحظات لما تصير عندك ورقة +4 ..حيث تعتقد انك اصبحت لا تقهر.. وتقدر تنزلها اي وقت ..وبالتحديد لما خصمك او خصومك ينزلوا +2

هذا القانون.. ظلينا نلعب فيه من ايام الطفولة للحين 30 سنة عالاقل وهو اصلا قانون خاطئ

 

[JIN KAZAMA]

#حياتنا_كذبة_كبيرة

 

[Zorro]

أوف .. لسه قريب سويناها !!

اشوف الخاطئة ممتعة أكثر من الحقيقة

طيب اللي يبي يعرف قوانينها الصحيحة من وين ؟؟

 

[Old Hunter]

سبحان الله، مشكلتي الازلية مع الي العب معهم، اشرح لهم ان +٢ ما تجي فوق +٤ .. والعكس ايضا !

الحمدلله طلعت صح بعد هالسنين كلها (&)

 

[DINO CRISIS]

ههههههههه

زماااااان ما لعبناها

 

[Skull Town]

اشوف قانونا العربي في لعب الأونو احلى واعنف

 

[TLS]

احنا كنا نلعبها بالقانون الصحيح، اللي ينزل +2 بيسحب ورقتين غصباً عن شكله حتى لو معه +4، بكذا ما تكون القوة المطلقة في يد لاعب واحد

 

[s3rorh]

الاسهم ما ينزل إلا مع رقم ، و يمديك تختار الجهه ألي تعجبك ! .. هل هالشي صحيح !؟

 

[the-hope]

طيب هل العكس صحيح؟
واحد نزل +4 وطلب لون معين وكان هذا اللون عندي +2
هل أسحب ولا تروح عليه؟

بصراحة خبر حزين لأنه قانون القوة المطلقة +4 خطير ويفك أزمات

 

[شيطون]

احنا كنا نرد ال +4 بـ +4 ثانية وصاحب الدور الثالث بيضطر يسحب 8 لكن علبة الالوان تلغي ال +4

موقف مانساه لو ايش لما الشباب لعبوا 2+ و وصل عندي الدور وانا عندي +4 فلعبتها عشان ابلع اللي جنبي عشر ورقات
لكن الزفت طلع عنده +4 والزفت اللي بعده عنده +4 والزفت الثالث عنده ايضا +4 وبلعت 20 ورقة وقتها

جتني جلطة وقتها وانا قريب من الفوز باقي لثلاث ورقات وافوز ولكن تجحفلت
الورق من كثرتها ماعرفت امسكها بيدي واضطريت احط كم ورقة على الارض

 

[mario0o]

طول السنين نلعبها غلط !!!

 

[The Doctor]

احنا نلعبها صح

بعدين اصلا ما تفرق، في شيء اسمه House rules... حتى أن الاونو الأصلية يجي معاها اربع بطاقات بيضاء تعبيها على كيفك

 

[White Soul]

وضعي حاليا:


جمعة العيد الجاية بتكون مختلفة حتما عن كل سنة @@

 

[Zorro]

بصراحة خبر حزين لأنه قانون القوة المطلقة +4 خطير ويفك أزمات

هي مب قصة يفك أزمات ، في الأخير الأونو حظ أكثر ..
لكن حلاوتها بالقهر اللي يصير لما واحد يرمي +2 و الثاني يرد عليه ب +4 هههههه

ما احب ألعبها إلا ب 3 لاعبين او اكثر .. اما اثنين اشوف مالها داعي مرة مرة
إلا مع طفل تحب تقضي وقتك معاه بس..

 

[TLS]

احنا نلعبها صح

بعدين اصلا ما تفرق، في شيء اسمه House rules... حتى أن الاونو الأصلية يجي معاها اربع بطاقات بيضاء تعبيها على كيفك

البطاقات البيضاء مش ضمن أوراق اللعبة؟!
احنا نلعبها على أساس البطاقة البيضاء تمحي أي ورقة ينزلها اللاعب اللي قبلك، سواء كان +2 او +4 أو أي شيء ثاني، هي صمام الأمان...

 

[Zorro]

الاسهم ما ينزل إلا مع رقم ، و يمديك تختار الجهه ألي تعجبك ! .. هل هالشي صحيح !؟

الأسهم تنزل مع نفس لونها أو مع سهم مماثل لها ، و عملها تعكس الدور الحالي إذا كنتم أكثر من اثنين ، مش تختار الجهة اللي تعجبك !!!
أما اذا كنتم لاعبين اثنين فقط فنتيجتها تخليك تلعب مرة ثانية لأنها عكست الدور ..

 

[s3rorh]

الأسهم تنزل مع نفس لونها أو مع سهم مماثل لها ، و عملها تعكس الدور الحالي إذا كنتم أكثر من اثنين ، مش تختار الجهة اللي تعجبك !!!
أما اذا كنتم لاعبين اثنين فقط فنتيجتها تخليك تلعب مرة ثانية لأنها عكست الدور ..

وطلعنا نلعبها غلط فعلاً !

 

[Zorro]

شباب بما أن موضوع الأونو يجر موضوع ..
طيب وش أفضل لعبة ورقية فيها حماس و نذالة و ماهي معقدة ..
عندي مونوبولي "الكروت" وماعرفت لها خير شر ولا لقيت لها شرح !!

المونوبولي التقليدية ممتعة كثير ، عيبها البداية ثقيلة ، و بالنهاية ملل جدا لما ترتب الأوراق و الكروت لما تخلص اللعب..
وجع راس بالآخر ..

 

[fatal framer]

صراحة ماعرف يمكن يكون كلامهم صحيح

بس من القوانين اللي اطلعت عليها

اذا كنتوا اربعة مثلا او اكثر اول واحد يبدي باللعب اهو اللي على يسار اللاعب اللي خبص الاوراق ومن بعدها يمشي الدور في اتجاه عقارب الساعة

الورقة اللي نحطها بالنص على الارض في بداية اللعب اذا كانت ورقة سحب ٤ اوراق او تغيير اللون نرجعها ونخبص مرة ثانية بس اوراق skip وreverse وسحب الورقتين
تنطبق على اللاعب الاول

اللي يحطلك ورقة سحب الاربع اوراق وغير اللون لازم انه ماعنده اي ورقة من اللون السابق واذا الشخص مايبي يسحب الاربع اوراق وشاك انه اللي قطله الورقة عنده من اللون السابق يتحداه اذا طلع صح اللي قطلك الورقة يسحب ٤ اوراق واذا اللي تحداه طلع غلط يسحب ٦ اوراق

اذا واحد خلص اللعبة تحتسب له نقاط من اوراق اللاعبين المتبقية


الفوز يفترض انه ب٥٠٠ نقطة او حسب اللي يتفقون عليه اللاعبين

الارقام على قيمتها رقم ٩ يعني ٩ نقاط
ورقة سحب الورقتين ٢٠ نقطة
reverse بطاقة عكس الدور ٢٠ نقطة
skip بطاقة تعدي الدور ٢٠ نقطة
بطاقة بو الوان او تغيير الالوان ٥٠ نقطة
ورقة سحب الاربع اوراق ٥٠ نقطة

يعني لما تنتهي اللعبة ومحد وصل لل٥٠٠ نقطة او اللي اتفقوا عليه اللاعبين يلعبون مرة ثانية

في طريقة ثانية للعب لما توصلون ٥٠٠ نقطة فانتوا خسرانين واذا بقى بس لاعبين راح يلعبون بقوانين اللاعبين الاثنين وبس يوصل واحد منهم لل٥٠٠ يكون خسران
المصدر

انا من زمان كنت حاس انه احنا نلعبها غلط حتى لما لعبت لعبة الاونو على التلفون شكيت اكثر

 

[fatal framer]

شباب بما أن موضوع الأونو يجر موضوع ..
طيب وش أفضل لعبة ورقية فيها حماس و نذالة و ماهي معقدة ..
عندي مونوبولي "الكروت" وماعرفت لها خير شر ولا لقيت لها شرح !!

المونوبولي التقليدية ممتعة كثير ، عيبها البداية ثقيلة ، و بالنهاية ملل جدا لما ترتب الأوراق و الكروت لما تخلص اللعب..
وجع راس بالآخر ..

عندك مونوبولي deal
levels
risk
انحش يالذيب تقليد ludo star

 

[ASWD]

يالله ويش فرقت.قوانين واجد نمشيها بالريوس على كفينا

@لا لتغيير العادات

 

[FANTASTIC DREAM]

إستثمروا وقتكم في الشطرنج @@
برضو كنت ألعب "الباسرة" مع إخواني من زمن طويل، لكني تركتها، صارت لعبة مملة إلى درجة لا تُطاق
هي لعبة تعتمد بشكل كلي على الحظ مع قواعد بسيطة جداً لذلك لا يوجد اي إحساس كبير بالإنجاز لما تفوز @@ في الشطرنج، الإنتصار هو إثبات للذات!

 

[Solay]

شباب بما أن موضوع الأونو يجر موضوع ..
طيب وش أفضل لعبة ورقية فيها حماس و نذالة و ماهي معقدة ..
عندي مونوبولي "الكروت" وماعرفت لها خير شر ولا لقيت لها شرح !!

المونوبولي التقليدية ممتعة كثير ، عيبها البداية ثقيلة ، و بالنهاية ملل جدا لما ترتب الأوراق و الكروت لما تخلص اللعب..
وجع راس بالآخر ..

مونوبلي ديل او سعودي ديل واللي هي النسخة العربية منها ممتازة جدا.

ماادري اذا تعرف تلعب بلوت او لا بس البلوت أشوفها الأمتع على الإطلاق.

 

[Zorro]

عندك مونوبولي deal
levels
risk
انحش يالذيب تقليد ludo star

صحيح ، طلع اللي معي مونوبولي ديل .. توني مشيك عليه ..
الله يالدنيا على اللودو ولا السلم و الثعبان
وشكرا على الرابط اللي حطيته .. كأنك خربت على كثيرين :emoji_smiling_imp: هههههه

مونوبلي ديل او سعودي ديل واللي هي النسخة العربية منها ممتازة جدا.

ماادري اذا تعرف تلعب بلوت او لا بس البلوت أشوفها الأمتع على الإطلاق.

اللي معي طلع مونوبولي ديل

البلوت آخر مرة لعبته قبل 15 سنة اذا اتذكر ، نسيتها تماما

إستثمروا وقتكم في الشطرنج @@
برضو كنت ألعب "الباسرة" مع إخواني من زمن طويل، لكني تركتها، صارت لعبة مملة إلى درجة لا تُطاق
هي لعبة تعتمد بشكل كلي على الحظ مع قواعد بسيطة جداً لذلك لا يوجد اي إحساس كبير بالإنجاز لما تفوز @@ في الشطرنج، الإنتصار هو إثبات للذات!

أعرف ألعب شطرنج ، المشكلة باللي حواليّ مالهم بالشطرنج ، و عيب الشطرنج انه لاعبين اثنين بس
لو عندك نفرات واجد الشطرنج يصير خيار غير وارد إطلاقا !! :emoji_walking:


@Veeto
اعتذر على الشطحة في موضوعك ..

 

[XIIIXIIIXIII]

أعرف ألعب شطرنج ، المشكلة باللي حواليّ مالهم بالشطرنج ، و عيب الشطرنج انه لاعبين اثنين بس

الELO؟ ^__^

 

[VIPER0]

ماعرفت نفسي إلا وأنا ألعب بذي الطريقة،لم ولن يغيروا قانوننا،وأحسن شي لما تشتري ٢ أونو وتخبصهم سوا.

 

[Zorro]

أعرف ألعب شطرنج ، المشكلة باللي حواليّ مالهم بالشطرنج ، و عيب الشطرنج انه لاعبين اثنين بس

الELO؟ ^__^

معليش ، مافهمت شي !!

 

[XIIIXIIIXIII]

معليش ، مافهمت شي !!

ناه, كان مجرد سؤال عن الELO الخاص بك ^__^

أعرف ألعب شطرنج

 

[Zorro]

اوكي .. الحين فهمت بعد ما الشيخ جوجل ساعدني ..
للأسف راح أخيب ظنك كثير و أقول لك انه لعبي على قدي و ماني مسجل بأي مكان ولا لي أي نقاط ..
واحتمال بعد نطلع غلطانين بقوانينها زي الأونو :emoji_hushed:

محتوى مخفي

ليه تحب الإحراج بس ، كل ذا عشان قلت أعرف ألعب شطرنج !! o_0
كنت قصدت اني أعرف احرك القطع بس

محتوى مخفي: اللي ماقد سمع في ال ELO سابقا زي حالاتي

ال ELO بكل بساطة نظام عالمي للتقييم ، يعني نقاط للاعب .. و اللي متمرس بالشطرنج أكيد حيكون مشترك بواحد من المواقع المشهورة ويكون له نقاط تزيد و تنقص بحسب لعبه و مبارياته مع الآخرين ..

 

[Majeed]

House rules هي المهمة فعلًا. أنا وزوجتي تخانقنا كل واحد عنده قوانين ببيت أهله وكل واحد يدق على أهله يتأكد من قوانينهم علشان يثبت أنه الصح