ورينا مكان لعبك | Show us your gaming setup

[Painkiller Q8]

بسم الله الرحمن الرحيم​

الموضوع بسيط وواضح جدا .. مجرد ان كل عضو يورينا غرفته الي يلعب فيها ويشوف افلام...الخ
أحيانا تكون الغرفه هي نفسها غرفه النوم عند بعض الأعضاء , مافيه مشكله من تصوير مكان التلفزيون والأجهزه فقط.​

الطريقه:-
1 - صور المكان الي تلعب فيه (يستحب إظهار كل الأجهزه الموجوده والالعاب)
2 - ارفع الصوره على موقع Photobucket او غيره وياحبذا لو تكون الصوره بحجم مناسب أقل من 1000 بكسل
3 - ارفع الصوره وأكتب بعض التفاصيل وموديل التلفزيون والأجهزه الي تملكها.
4 - يمكن رفع اكثر من صوره او رفع صور قديمه.

يالله , اتمنى الكل يشارك .. يمكن نسرق بعض الافكار في الترتب والديكور :razz::​

 

[Painkiller Q8]

بحط لكم صوره مجرد مثال:-

الصوره قديمه في 2008/2009 .. وإن شاءالله ارفع الصور الجديده قريبا !
الرفع بهذي الطريقه.

• نظام صوتي Onkyo
• تلفزيون Plasma من سامسونج
• بلي ستيشن 3/2 - إكس بوكس 360 - قيم كيوب - بي أس بي - لابتوب - العاب - قيتار هيرو
• لاب توب ديل قديم , هاردسك واحد تيرا
• ...الخ

 

[Burdegation]

ما شاء الله الست اب اليديد عجيب

عكس الدثره اللي مسويها قبل P:

 

[Painkiller Q8]

^
هذا قديم من 2008/2009 ... الحين مجدد كل شيء حتى الغرفه بكبرها غير , أنتقلت في إبريل 2011 , إن شاءالله اليوم اصور وارفع الصور الجديده !

 

[MAX9009]

لا كذا تحرجوني p=
يبغالي كام جيده لانه كاميرا الجوال ما تساعد

 

[Painkiller Q8]

^
ياعمي صور اي اي كلام أهم شيء المشاركه وشكل المكان وليس دقة الصوره !!
انا قبل شوي صورت بـiPhone

 

[Solay]

لول حسبت اول صورة لغرفتك.

 

[m5050]

محتوى مخفي: اول شي قل ما شاء الله :p

لحد يدقق في بعض الاغراض

كيف بس ؟ الشاشه هذي واضحه مره فول اتش دي :laugh::
والكوفي ميكر ذا كل صبح بس مشكلته ماينشبك الا في التوصيله هذي لان الفيش حقه بايخ لاني طالبه من امازوون الامريكي

هذا الكنب حق اللعب مزروف من صالتنا القديمه فلذلك لا تدققون تناسق الوان الغرفه والكرسي اللي في الوسط عشان تمدد رجولك
والدرايش ملزقه بصحايف سوداء عشان الشمس :smug:

هذا وانت قاعد ومطفي اللمبات راح تدخل جو مو طبيعبي :laugh::
لا تفوتكم بس الاضاءه الخلفيه اللي ورا التلفاز ، ما راح تحس بفلتها الا وانت قدامها لان الكميره بايخه ما تصور في الضلام
كيف عزبه الهنود بس

 

[The Doctor]

يا شيخ قوم نظف المكان :laugh::


عن نفسي، فحالياً ما عندي إلا لابتوبي على مكتب من ايكيا =(

 

[F.JUBRAN]

^
هههههه ترى غرفته نظيفة مقارنة بغرفتي :laugh::

غرفتي مستحيل تنظف حتلاقي علب عصير مرمية و بطايق شحن مرمية هذا غير الملابس، امي فقدت الامل فيا مهما تنظف في الغرفة بعد يوم واحد فقط الوضع يرجع زي ما كان

 

[إحساس]

ماشاء الله تبارك الرحمن ..

أنا غرفتي محيوسة لكن مو لهالدرجة صراحة .. صحيح أن علب الحمضيات مالية المكان .. لكن حتى العلب تحسها مرتبه من كثر ما أني نظيف لوول *_*

ناوي أغير الغرفة قريب وإن شاء الله لين غيرتها بعطيكم أحلى صورة ..

 

[BioMario]

هممم يمكن أحط صور بعدين لأني حالياً قاعد في غرفة مخصصة للـ Gaming و بعدها ما خلصت (بتاخذ وقت P وما عندي صور لغرفتي القديمة
حط صور أكثر بن كيلر و يبين أن في فرق كبير ما شاء الله.

 

[Painkiller Q8]

شدعوى شباب وين التفاعل :/ .. معقوله عضو واحد غيري فقط ؟؟
عموما هذي الغرفه الحاليه .. الغرفه على شكل حرف L فيها ركن ثاني للمجسمات وارفف للالعاب .. نسيت اصورها

هذي الصور ، ولاحد ينسى ذكر الله علشان ماتروح علي الغرفه لانها معرضه للهجوم من قبل طرف آخر

تلفزيون LG LED''47 3D Cinema
نظام سينمائي Onkyo 7.1
الاجهزه: Xbox 360 - PlayStation 3 - Wii - LG Blu-Ray 3D player - WD Live - 5 HDD TBs
والباقي افلام بلوري والعاب الخ,,,

اخر صوره عباره عن ثنتين دمجتهم لان الصوره over wide

 

[سليل]

@m5050
لا تقول لي انك تنام على الكنب بعض الاحيان xD

 

[m5050]

^

هههه لا نادر انام فيه اذا كنت بنام نومه خفيفه واصحى علطول غيره لا ما ينفع الا في الفراش
النظافه مب على كيفي انظفها وبكره ارجع القاها وصخه .. فيه اخوي الصغير الي اربع وعشرين ساعه كود وعيال اختي واخوي الصغار يحوسون الغرفه في ثواني :whistle:
فما فيني شده اقوم انظف كل يوم وراهم ، والكلام ما ينفع خصوصاً مع البزران دايم نقول ونهاوش بس ما فيه فايده :suspiciou

 

[xz995]

خايف احط الصورة تجيكم سكتة قلبية؟

 

[Dark Fantasy]

ما شاء الله أهنّيك على الغرفة يا بين كيلر ! الله لا يضرك ما شاء الله

ذي ثلاث صور لأن باقي الغرفة غرفة نوم و ما يحتاج أصور ، طبعاً نعتذر على الجودة المضروبة لأن ما عندي غير كاميرا الجالاكسي <.<"

شاشة سوني LCD ناسي موديلها ، 40 بوصة

بالرف الأول الثلاثي المرح ، PS3 Slim - Xbox 360 - Wii مع الكنترولرز و كم لعبة ، طبعاً اللألعاب واضحة أغلبها العشق Halo :inlove: ، اللي على الشاشة Halo Reach

بالرف الثاني فيه PS2 Slim - Sony DVD Player - Keyboard

الكرسي اللي أقعد عليه و عليه 360 كنترولر مع الريموت

صورة ثانية أوضح للأشياء الموجودة

المكتب حقي عليه لاب توب توشيبا ، سماعة مايكروسوفت و 3DS

و الباقي تقويم - مجسم لبرج ماليزيا - عطر - مجسم لبرج إيفل ( ورى اللاب توب ) - مصحف

شدعوى شباب وين التفاعل :/ .. معقوله عضو واحد غيري فقط ؟؟

الدوامات بدت و كل واحد نفسه في خشمه و ماله حيل تصوير :laugh::​

 

[Al Pacino]

^

نفس كرسيي! من ايكيا؟ بس أحس أرتفاع الطاولة أقل من الكرسي .. متعب انك تناظر على تحت طول الوقت، أنا رغم اني مستوي متساوي تماما مع الشاشة الا ان ودي ارفعها شوي.

 

[Dark Fantasy]

^

يس من إيكيا ، الطاولتين و الكرسي كلهم من إيكيا ، بالنسبة للكرسي هو مبين رفيع بالصورة ، بس و أنا جالس يصير مستوى النظر نفس مستوى الشاشة و ما فيه شيء يتعّب

 

[MadPhantom]

غرفتي مستحيل تنظف حتلاقي علب عصير مرمية و بطايق شحن مرمية هذا غير الملابس، امي فقدت الامل فيا مهما تنظف في الغرفة بعد يوم واحد فقط الوضع يرجع زي ما كان

تذكرني بنفسي ، انا كل شي بالارض حتى علب اغلفة الالعاب بالارض اول مايطلعون اهلي من تنظيف الغرفه اشيلهم وارجعهم للارض وينفجرون علي يصيرون كذا :

بس الفرق بين اهلي واهلك امك فقدت الامل ، انا اهلي لا صارو يتمصخرون علي بس ،، لكن للان ينشبون كل عصريه ينظفون الغرفه المشكله ما يمديني اشحتهم ليتني اكبر منهم @@


عموما الجيمنج سيت راح اصوره بعدييين ، المشكلة ان كل شي بالغرفه وغرفتي حالتها مرزيه مناديل واكواب وكاسات وعلب وقراطيس وكل شي بالدنيا مقطوط فيها على قولة اهلي زباله ههههههههه

 

[Painkiller Q8]

واو .. انتوا غريبين !!!
تدري أنا ماقدر اللعب او اشوف فلم لو فيه حتى لو جزء منديل على الارض؟؟
احيانا اشيل حتى الخيوط الي تطيح من الملابس >.<

وفي الويك اند يجون الشباب وما اسمح لأي واحد يرمي اي شي :/

 

[Q8_Gamer]

واو .. انتوا غريبين !!!
تدري أنا ماقدر اللعب او اشوف فلم لو فيه حتى لو جزء منديل على الارض؟؟
احيانا اشيل حتى الخيوط الي تطيح من الملابس >.<

وفي الويك اند يجون الشباب وما اسمح لأي واحد يرمي اي شي :/

امحق معزب :sarcastic:

 

[CODE-X]

فكرة حلوة ...
و متكاسل اصور فقعدت ادور في الصور القديمة يمكن اني مصور قبل , قمت لقيت صورة تفتح النفس بقوووة خاصة مع بداية السنة :evil::

محتوى مخفي: الصووووووورة اللي بتفتح نفسك :

: > يستعد لتلقي الجلد :sarcastic:

 

[ALONE]

ماشاء الله جلستك رايقه مره يابين كلير :inlove:

مافيني حيل اشحن الكاميرا واصور

بكره ان شاء الله بحط صوره للملحق المتواضع

 

[Cizer Shnider]

واو .. انتوا غريبين !!!
تدري أنا ماقدر اللعب او اشوف فلم لو فيه حتى لو جزء منديل على الارض؟؟
احيانا اشيل حتى الخيوط الي تطيح من الملابس >.<

وفي الويك اند يجون الشباب وما اسمح لأي واحد يرمي اي شي :/

هذا انا بالظبط
لدرجة ان زوجتي انهبلت في اول زواجنا واعتقدت انى موسوس نظافة
مستحيل العب ولا اتفرج على فيلم ووفي اي شئ غير مرتب نهائيا

قريبا اوريكم الست اب بتاعي
وشكرا ياخالد والله ليا اكثر من سنة نفسي اعمل الموضوع ده اسوة بنيو جاف اللي فيه صور رائعة ومنتدي المنتدى بس خفت انه مايلاقي صدى هنا

 

[s3rorh]

وشكرا ياخالد والله ليا اكثر من سنة نفسي اعمل الموضوع ده اسوة بنيو جاف اللي فيه صور رائعة ومنتدي المنتدى بس خفت انه مايلاقي صدى هنا

فكره الموضوع هذا تكررت مرتين من قبل ... إذا ما خاب ظني (&)

 

[The Last Lombax]

المختبر حقي P: ( قبل ترتيبات الإجازة و رمضان )

كما تلاحظون :
مودم
وي أسود مع لعبتين جنبه ( أعتقد سوبر سماش بروس براول )
بلاي ستيشن 3
جهاز 3DS أزرق على القاعدة حقه
زحمة أسلاك :laugh::

بعد العيد لسى ما صورتها بحطها على طول متى ما صورتها

 

[bnbn]

الصراحه عجبني الموضوع و خاصه اني توني مخلص تجهيز ديوانيتي فقلت خلني اشاركم بالصور

التلفزيون: باناسونك "3D 50
السماعات: 7.1 onkyo
الاجهزة: PS3,Wii,WD LIVE HUB

...

 

[SCREAMING_RAGE]

مدري ليش كل واحد فيكم يحس ان الجميج ست اب حقه ابيخ و افقر جيمنج ستب في العالم كللله........ أول شئ كل العالم عارفين ان الجيمر طول عمره مطفر (( لأن اغلبنا يضيع رواتب الجامعات و البعثات في شراء الالعاب الجديده خخخخخخ )), ثاني شئ, احمد ربكم انكم منتم مبتعثين (( جمينج + ابتعاث = error !! )).

كنت ناوي اصورلكم الصاله و المكان اللي اتفرج فيه مباريات كرة القدم, لكن المشكلة انه ملخبط زياده عن اللزوم (( تعرفون ويك ايند و لخبطة دوريات انجليزيه على اسبانيه على ايطاليه ... فخليها مستوره احسن ))....... لكن الموهم ان اغلب وقت لعبي دائماً يكون في غرفة نومي,,,,, وهذه هي الصور (( اذكروا الله اول... مدري على ايش صراحةً, بس اذكروه -__- ))

محتوى مخفي: انتبه.... حارق للعيون !!!

هذه صورة للغرفه من فوق, وانا راقي فوق سريري ... (( السرير موب مرتب عارف :/ ))

طبعاً لازم تعرفوا انا العب على 2 مودز......... مود الكاجولز (( اذا كنت العب لعبه موب تنافسيه و هاديه مثل ديوس اكس اللي قاعد العبها حالياً و اغلب العاب الـ wii )) ويكون مكان اللعب دائماً فوق السري و انا منسدح , و مود الهاردكور (( هذا اذا كنت العب halo او FIFA أو اي لعبه فيها ملتي بلير تنافسي و يشيب الراس )) و يكون مكان اللعب على الارض و متربع بعد !!

صورة للكونسلز مع التلفزيون من على السرير (( في مود الكاجولز !! ))

وهذه صورة المكان يوم اكون داخل على الهاردكور مود !!

الاجهزة وما فيها :-
شاشة سامسنونج
جهاز بلاي ستيشن 3
جهاز اكس بوكس 360
جهاز وي اسود.

السرير حقي فيه درجين من الجنب, كلهم فيهم العاب......... وهذا صورة لدرج العاب البلاي ستيشن و الاكس بوكس .

الدرج الثاني اغلب اللي فيه العاب وي و العاب PC و كتب لهالو و جايدز.


وهذه صورة للست اب حق البي سي اللي بنيته هذا الصيف.......... جاهز لباتل فيلد 3 ان شاء الله

يقلع ابو الكيس, توني ملاحظ انه كبير زياده عن اللزوم :/

والله مدري وش اللي خلاني اصورلكم الست اب التعيس حقي..... لكن والله ما همني في اللي تقولوه, اهم شئ الراحه النفسيه ولا ؟!
ان شاء الله اذا رجعت الرياض في شهر 11 بأصورلكم ملحق بيتنا اللي العب فيه في الرياض

 

[MAX9009]

واو .. انتوا غريبين !!!
تدري أنا ماقدر اللعب او اشوف فلم لو فيه حتى لو جزء منديل على الارض؟؟
احيانا اشيل حتى الخيوط الي تطيح من الملابس >.<

هههههههههه والله يا خالد كأنك تتكلم عني انا كذا بالضبط ومستحيل ارضى الخدامه ترتب الغرفه لازم كل شي بنفسي الحمدلله

شويت صور .. اذكروا الله شباب .





صور اقرب لبعض الاشياء اللي بالمكتبه .


















ياليت الكل يشارك شباب