نوكيا N97

[Tomb raider]

السلام عليكم ورحمة الله وبركاته
[YOUTUBE]fW8eSH9VE9U[/YOUTUBE]
نوكيا من فتره اعلنت عن مجموعه يديده
من جوالاتها وواحد منهم هو الN97
شخصيا عجبني تصميمه وكالعاده
قريب من ال iPhone ، هذي صور مع المواصفات

اهم المواصفات
- شاشة لمس بحجم ٣.٥ بدقة 640×360 بكسل و بنسبة 16:9.
- كاميرا5 ميغا بيكسل وتصوير فيديو بمعدل ٣٠ لقطه في الثانيه بجودة الDVD
-فيس بوك
- ذاكره داخليه 32GB (قابله للزياده ال 48GB)
- كيبورد

هذي المواصفات هنا :
http://www.gsmarena.com/nokia_n97-2615.php

مقارنه بشكل وحجم ال iPhone

----
شخصيا شكله وايد عاجبني نوكيا هالفتره مسويه شغل حلو
خصوصا من ناحية المواصفات ، كاميرا 5 ميغا بيكسل ذاكرة
تخزين عاليه الخ شي حق واحد محتاج هالمواصفات

 

[Isaac]

نظام التشغيل شكله meh كبييير !! :/

 

[NSider]

ما أعتقد تصميمه قريب كثير من الآيفون، هو أقرب بكثير للـKaiser:

عموما السمبيان في كل تجاربي معه في الأجهزة اللي شاشتها لمس كان أقل من متوسط..

 

[NiGhTMaRe]

l

- شاشة لمس بحجم ٣.٥ بدقة 640×360 بكسل و بنسبة 16:9.

قصدك الحجم 360x640 بجودة 3.5 ..

المواصفات حلوه خصوصاً التصوير بالفيديو بجودة DVD هذي ماني مصدقها لين ماشوف بعيني..
وثاني شي الذاكرة جبارة 32جيجا شي خيالي صراحه.. كم الram حقها؟؟
وبكم السعر؟؟

ملاحظه: شكلها بالعرض كنها PSP شوي

 

[Zero]

الفيديو 640×480 يا شباب ، الجهاز يقدم المزيد من نفس الشيء ونوكيا عندها الكثير السنة القادمة ، مساحته جبارة والشاشة ضخمة ، بس ما شكلها بتكون Oled ما دامه لمس .

التصميم للأمانة حلو ونادرا ما تعجبني تصاميم نوكيا ، اللون الأبيض رهيب .. ولكن الجهاز لسه في لمسة قبيحة ألا وهي: طويل بشكل مضحك .

السنة القادمة نوكيا بتسوى 8 ميجابيكسل وبتلحق باقي الثلاثة ، هالمرة ما أستعجلوا خخخ .

 

[Tomb raider]

الفيديو 640×480 يا شباب ، الجهاز يقدم المزيد من نفس الشيء ونوكيا عندها الكثير السنة القادمة ، مساحته جبارة والشاشة ضخمة ، بس ما شكلها بتكون Oled ما دامه لمس .

التصميم للأمانة حلو ونادرا ما تعجبني تصاميم نوكيا ، اللون الأبيض رهيب .. ولكن الجهاز لسه في لمسة قبيحة ألا وهي: طويل بشكل مضحك .

السنة القادمة نوكيا بتسوى 8 ميجابيكسل وبتلحق باقي الثلاثة ، هالمرة ما أستعجلوا خخخ .

لوووول المشكله هنا في المنتدى اغلب الاعضاء يشوف نوكيا سييء
بالعكس اشوف نوكيا صارت افضل من اول ، انا كنت اكره نوكيا
بس بعد ما نوكيا اعلنت عن سلسلة الN اشوفها تعدلت اكثر

 

[Zero]

أنا ما أشوف نوكيا سيئة أبدا وكشخص يتابع سوق الجوالات نوكيا زيها زي أي شركة لازم لها أشياء تميزها وأشياء خايسة وأصلا جوالي الحالي نوكيا وأكثر شركة راضي عنها هالفترة تقريبا ، الأشياء الخايسة أولها جودة التصنيع الرديئة ونادرا تلقى جوال جيد من هالناحية .. الشيء اللي يخليك تستغرب أن بعض الجوالات العادية جودتها محترمة ويجيك جوال من فئة عالية كأنه علبة ورقية ، الشيء الثاني هو جودة الأشياء الموجودة في جوالاتها ( الشاشات مثلا ) ما تحسها ذات جودة قياسية ولو أن هالأشياء تلاشت في الفترة الأخيرة .

 

[Solay]

تصميم الجهاز فيه شي غلط..

 

[Megagarcon]

نظام التشغيل شكله أنيق، لكن تصميم الجهاز قبيح جداً في رأيي. مادري ليش الميموري الداخلية G32؟ عادة الجوالات بنسخهم العادية ماتزيد على 4GB، اشم ريحة سعر مرتفع.

 

[Zero]

^
550 يورو ، 630 دولار ، في جوالات أغلى بكثير .

 

[Ark]

نوكيا لو تبعد عن شركة سيمبيان وانظمتها يكون افضل
اندرويد خيار ممتاز نظام حر وسريع ممكن يطورون نسخه منه مخصصه لجهازهم

 

[Zero]

الشركة راح تمتلك سيمبيان بشكل كامل مع بداية عام 2009 .

 

[SALAH]

الشي الوحيد الله اكرهه في النوكيا عن نظام التشغيل القديم اللي ماكان يعرف يتغير :w00t:
لو يصدروا واحد بس من هالجوالات بنظام ويندوز 6 بكون راضي جدا ..
نظام سيمبيان مدري كيف ..ماتاخذ راحتك فيه مثل ويندوز موبايل , لكن الجهاز كشكل وتصميم قمة في الأناقة صراحة ..شكلي بجيبه بدل الايفون , أهم شي الشاشة 3.5 ! :rockon:

 

[JOE]

انا و لفترة طويلة جداً مقاطع النوكيا و إتجهت لسوني اريكسون (الافضل) .

جهاز N97 مواصفاته إجمالاً حلوة لكن بالنسبة للشكل ....





عبد العزيز ليش حطيت صورته مع الايفون ؟

 

[BioMario]

شكلة حتى أحلى من الـ iPhone بس للأسف أحسة تقليد للكثير من تصاميم خصوصاً Samsung Omnia

 

[AMG]

اشوفه ممتاز

 

[Strider]

انا و لفترة طويلة جداً مقاطع النوكيا و إتجهت لسوني اريكسون (الافضل) .

كل جوال له عيوبه ال w880 شريته قبل فتره و طلعت لي مشاكل عبيطه اولا مافي قفل للجهاز ولا في برنامج لهالشي يعني اي واحد يقدر يلعب في جوالك ثانيا رغم انه يدعم الريل بلير لكن قليل من جدا من مقاطع الريل بلير أشتغلت معي ثالثا ما تقدر تحط اي ملف في المنيو ولا تقدر تغير ترتيب ايقوناتها هذا غير ان الاسماء في الرسايل تطلع مقلوبه .

 

[ShinShadi]

شكله جيد و مميز .. عاجبني توجه نوكيا الجديد .. لو ما كان عندي خطط مسبقة كان ممكن يكون جوالي القادم :sarcastic: ..

 

[Tomb raider]

عبد العزيز ليش حطيت صورته مع الايفون ؟

لأن كثير من الشركات تحاول تنافس الاي فون من ناحية الشكل والمميزات
وهذي كان مقارنه بالشكل والحجم