hits counter

نفاذ كميات الطلب المسبق للـ ps4 في السعوديه ؟

Wild Fox

True Gamer
في تويتر .. من Saudi Gamer
[TWEET]405309364363595776[/TWEET]

ما ادري مصداقيتهم لكن اظنهم موقع كبير فما اتوقع في تاليف هنا .
اذا كان المصدر مش ولا بد قفلوا الموضوع .
اذا صحيح روحوا لحقوا قبل ما يخلص الجهاز و ترتفع الاسعار.
 

Nasser

True Gamer
كم هي الشحنة أصلاً ؟ 10 - 20 ألف جهاز تقريباً ؟
 

Zesky

True Gamer
يبدو لي إعلان.. ومن النوع ابو اخر حبة تعال الحق..

بالمناسبة..

مفترض يمنعون الكاميرا عشان مراهقين كود وماينكراف حقين اليوتيوب ما يغزون تويتش. :cold_sweat:



كم هي الشحنة أصلاً ؟ 10 - 20 ألف جهاز تقريباً ؟

ما ادري بس اكيد بيصرف نسبه كبيرة من الاجهزة للمحلات الثانية وهاتك استهبال بالاسعار :neutral_face:

حركاتهم ما يبطلونها.
 
التعديل الأخير:

Fatale

True Gamer
باقي ما حجزت والله يستر

بطلع بعد شوي وبشوف اقرب فرع وبعطيكم خبر عن صحة التويته!
 

DEMON

True Gamer
قبل كم يوم سويت Pre-order للجهاز من أحد فروع عالم سوني بالمدينة المنورة، على كلام البائع، أكثر من 60 طلب مسبق عندهم على الجهاز، والمحل صغير جدا مقارنة بمحلات أخرى، وهذا فرع واحد فقط.
 

Fatale

True Gamer
قبل شوي كلمت الرقم الموحد والي ردت علي تقول باقي متوفر وعطني رقم الفرع القريب من عندي بروحله إن شاء الله بس بعد ما يردون علي وبحجز
 

king zell

Network Director
Administrator
ممكن يكون إعلان و سوني متوهقة بالكمية اللي طلبتها


و ممكن يكون كلام صحيح، الله أعلم
 

Unknown

Fake Gamer
انا حاجزه من البدايه والرقم الي بالاحمر بالكوبون عندي بالـ 500 وشي
ممكن منها تحدد كم الشحنات .. الي حجز قريب الرقم وين واصل معكم ؟
 

BlackBird

True Gamer
بعد حسبة بسيطة، إذا 96% من الكمية طُلبت وباقي حوالي 100 جهاز .. يعني الـ 100 حهاز هذي تشكل 4% من المجموع

يعني على كلامهم العدد الكامل للأجهزة من عالم سوني هو 2500 جهاز! :::grin:::

يب هذا هو أبو مصير يوم يقرر يشغل مخه :sweat_smile::sweat_smile: اذكروا ربكم ترى كنت فاشل في القدرات :yum::yum:
 

Wild Fox

True Gamer
ههههههههه لا اله الله ما شاء الله .. الاوله بسم الله و التانيه حمد لله "هذا حدي"
حسبتها قبلك بس احسنت الظن و قلت انهم نسوا صفر
 

king zell

Network Director
Administrator
لول من جد

يعني شحنة السعودية كلها 2500 جهاز!
 

Nasser

True Gamer
^

الرقم قليل ولا يتهيأ لي ؟ الميدل ايست بكبره يعني 10 الآف جهاز لول ؟
 

W.W.W

True Gamer
انا حاجزه من البدايه والرقم الي بالاحمر بالكوبون عندي بالـ 500 وشي
ممكن منها تحدد كم الشحنات .. الي حجز قريب الرقم وين واصل معكم ؟
انا في الحدود ال2107 وبعد اسبوع حجزت لولد اختي وكان الرقم 2125

الظاهر فعلا الشحنات كلها 2500 جهاز
 

JOKER MASK

True Gamer
بامانة ودي احجز بس وش الي يسوى غير ناك " لووول "
 

Wild Fox

True Gamer
كيلزون افضل من ناك ، اذا لك على الكوره خذ فيفا . و عندك resogun
اذا تشوف الألعاب ما تستأهل انتظر و لا تستعجل
 

king zell

Network Director
Administrator
^

الرقم قليل ولا يتهيأ لي ؟ الميدل ايست بكبره يعني 10 الآف جهاز لول ؟

كيف حسبتها؟


اذا السعودية 2500، الإمارات بالكثير 2500

باقي دول الخليج (اذا لهم إصدار رسمي) فسوقهم صغير و ما أتوقع يتعدى 1000 جهاز


يعني المجموع 6,000-7,000 جهاز يمكن؟


أستغرب من سوني إنها كانت مترددة بموعد الصدور، هالرقم سهل جدا توفيره
 

EPIC FAHAD

True Gamer
حتى لو خلصت كم يبغالهم عشان يوفرون اجهزه ؟؟

اسبوعين ثلاثه ماتفرق كثير بالعكس كل ماتاخرت كان افضل . ومنها تنزل الالعاب في محلات الجمله وترخص شوي
 

~【•Ĝβ•】~

Hardcore Gamer
~ .. عـذرا لكــن حالياً كم سعـر الجهاز بالدولار في أمريكـا !! ؟؟

,,​
 

Fatale

True Gamer
شباب توني راجع من فرع حق البديعه للإسف ما فيه!

300 كوبون كانت متوفره عنده وعلى حسب الفرع إذا كبير وعليه طلب توصل فوق 500 كوبون

للإمانه ما توقعت هالاقبال القوي على الجهاز!:scream:
 

Wild Fox

True Gamer
اوووباااا ! في رد قديم لي ان سعر الجهاز اقل من أسعار الجوالات في يد الأطفال الأيام هذي و راح ينباع زي الرز
بيكون سولد أوت .. لحقوا نفسكم شباب ..جري على المحلات
 

Mesharey

True Gamer
تاريخ الإصدار بالكويت نفسه 13/12، حجزت من اول كم يوم (ممكن ثاني يوم؟) كان رقمي اعتقد اقل من 10 ..

شكلي بروح استلمه اول مايوصل هنا، ما ابي انتظر وتروح علي >.>
 

"a7mad"

True Gamer
انا معي فلوسه حاليا .. ابي اروح احجز لي واحد .. بس متردد لقلة العاب اللنش اللي متحمس لها + ودي بالوي يو :/
 

SAUD~F-16

True Gamer
حسناً انا رسمياً نادم اني ماحجزت جهازي لما كان المبلغ متوفر معاي. الله يعين اذا نفذت الكمية ويتأخرون بالشحنات الثانية:(
لازم ادبر نفسي والحق. لازم!
تباً.
 
^^^^^^^^^^^

الحقها مع باندل فيتا >>>> بيجيك في الطرق ( يمكن تكون إشاعة او خاصة للاسواق الاروبية )

بالنسبة لي حجزت قبل اسبوعين تقريبا أو اقل
 

Q8Dante

Hardcore Gamer
2500 جهاز فقط :/ شي يزعل توقعت بالسعوديه عالاقل 20 الف
 

Dr.Dreams

Hardcore Gamer
من باب الفضول يامحمد كم عدد اجهزة الـPS3 الكليه المباعه بالسعوديه؟ ولو تقريبي
 
أعلى