ميكروسوفت تكشف عن يد تحكم جديدة للأكسبوكس 360

[Averroes]

[video=youtube;kz6aTTKE6hE]http://www.youtube.com/watch?v=kz6aTTKE6hE&feature=player_embedded[/video]

بتصدر 9 نوفمبر مع Play & Charge Kit في بندل واحد ب64 دولار

الd-pad الجديد خطير و أحسن من الحالي التعيس

 

[Al Pacino]

تأخروا كثير -_-

 

[Burdegation]

الدي باد للحين احسه مايصلح لالعاب الفايتنق, بس على الاقل احسن من قبل

و ليش غيروا الوان الازرار, كانت رهيبه قبل و سهله تمزيها لم تطلع بالشاشه

 

[Fahad Al-Shareef]

عجبتني .. بساطه بالتصميم ولا فيه فلسفه .. ولا فيه تغيير ونقله كبيرة عن اليد الحاليه اللي تعودنا عليها " ما اتصور اني العب هيلو بغير يد الـ360 " ..

كويس استمعوا للناس وغيروا الدي باد . بس ياليت يشوفون حل لمشكله العرق .. ياخي بعض الاحيان بدون مبالغه اليد تزلق وتطيح مني .. "يع" ..

عموما ً انا بطلب قطعه رهيبه قريب ان شاء الله ضد العرق ..

تعديل : صح على هنتر .. بعض الالعاب لازم سرعه بديهه وتضغط الزر باسرع وقت .. كنا نجيبها صح مع الالوان الحين شكلنا بنجيب العيد ..

 

[Five]

^ هههههههههه عرق :laugh::

بس مبين انهم مسوين ابديت عن اليد الاصلية
بس فكرة انهم يشيلون الالوان غبية جدا .

 

[chris]

ما عجبتني -____-

 

[D1rk-Knight]

هذه ألوانها مختفية، شكل خامة الألوان خلصت من عندهم. :laugh::
إلى حد الآن ما شفت D-Pad يضاهي اللي على يدة السوني. :sarcastic:

 

[Grand]

انا ولا مرة ارتحت من الشيء هذا الي يسمونة d-pad في اي جهاز

 

[Emirates]

انا ولا مرة ارتحت من الشيء هذا الي يسموتة d-pad في اي جهاز

جاي اكتب مثل ردك بالضبط

لذلك ابدا مب مهتم باليد الجديده

 

[Nintendo]

إلى حد الآن ما شفت D-Pad يضاهي اللي على يدة السوني

اتوقع ماجربت اجهزة كثيره اجل, كل ما العب ستريت فايتر 4 اترحم على ايام اجهزة الديباد اللي فعلا ينقال عنها شئ محترم.

 

[D1rk-Knight]

هممم، ممكن مثال عن هذه الأجهزة اللي تتكلم عنها يا عمر؟
NES, SNES, NEO GEO, NEO GEO CD, SEGA MEGADRIVE, 3DO... كثيرة الأجهزة اللي لعبت فيها. XP

 

[Emirates]

^

عمر انا مستحيل العب ستريت فايتر حاليا بالدي باد ( تعودنا على الانلوج )

 

[Burdegation]

هممم، ممكن مثال عن هذه الأجهزة اللي تتكلم عنها يا عمر؟
NES, SNES, NEO GEO, NEO GEO CD, SEGA MEGADRIVE, 3DO... كثيرة الأجهزة اللي لعبت فيها. XP

امم على ماتذكر ان الساترن كان عنده احسن ديباد للفاينتق

حتى ان الفايت باد لستريت فايتر يشبهه

 

[D1rk-Knight]

^
الساترن هو الوحيد اللي ما أذكر اليدة تبعه لأني لعبت فيه عند واحد من الشباب. ^^"

 

[Nintendo]

الساترن والميجادرايف وحتى السوبر نتندو يدعسوا على ديباد البلايستيشن بالراحه

 

[D1rk-Knight]

لحظة عمر!
أنا أذكر إن الديباد السوبر نينتيندو كانت على شكل علامة زائد متصلة ولا؟
تقريبًا نفس اللي على الوي موت.

 

[Nintendo]

حق السوبر ننتندو قريبه من علامة الزائد ولكن كانت تنضغط للاسفل بسهوله جدا وخصوصا بالزوايا

 

[Hironobu Sakaguchi]

لول اشبها اليد مطفية اللمبات :laugh::

تتوقعوا تكون في بندل ريتش؟

 

[Fahad Al-Shareef]

^

لا .. بندل ريتش يد خاصه لريتش .. وسماعه خاصه لريتش الظاهر .. وجهاز خاص لريتش Duh ..

 

[Sand Wraith]

صراحة من يوم ما صدرت الأنالوج و أنا أتعامل معها .. صحيح عانيت شوي بالبداية خصوصاً إنه ما كنت معتاد عليها و كذلك ما كانت كل الألعاب أصلاً تدعم الأنالوج لكن من وقتها كل الألعاب أستخدم الأنالوج خصوصاً إني مش من عشاق ألعاب القتال فلذلك ما بعاني كثيراً من أي D-Pad كانت لأني أصلاً ما بستخدمها من أجل التحرك في اللعبة إنما من أجل الأمور الثانوية مثل تغيير سلاح أو سحر ... الخ ،،

 

[Super Shadow]

الساترن والميجادرايف وحتى السوبر نتندو يدعسوا على ديباد البلايستيشن بالراحه

+100000000000000000000000000000000

من جد أحسن أيادي التحكم للألعاب ستريت فايتر أو ألعاب القتال 2 دي بمعنى أصح السيجا ساترن و الميجا درايف و السوبر ننتندو

ما ندمت أبدا على شراء الكلاسيك كونترولر على شكل يد السوبر ننتندو و قاعد ألعب فيها الألعاب الكلاسيكية أكثر من اليد الكلاسيكية العادية

تراها متوفرة بالأسواق للحين و انصحكم تلحقون عليها

هذي أيادي التحكم الي تصلح للألعاب الفايت ، مش يدة البلاي ستيشن الي تحمر الابهام :sarcastic: و طبعا الاكس بوكس الأنالوج فيه مش عملي و ما يحتاج أتكلم عن الدي باد الي هو حتى أسوأ من البلاي ستيشن

أنا حاليا ما ألعب ستريت فايتر الا على الآركيد ستيك و الجوي باد الخاص للعبة

متحمس أشوف الشكل النهائي للدي باد الخاص لجهاز العدس و ألعب ستريت فايتر 4 عليه

 

[Wajeeh_Mohammed]

شباب في اي كنترول ممتاز لستريت فايتر ؟ على xbox طبعا

 

[Grand]

^ arcade stick او الكنترول الرسمي من madcatz

 

[Mute City]

كنت أتمنى يغيرو الـ RT و الـ LT المقربه + حتى الـPS3 لازم يرجع الـ R2 و الـ L2

 

[Sora Diersly]

قبل ثلاث ايام جالس اتكلم مع اُسامة واسب في اليدة حقت مايكرو لين ماقلت بس. اللحين بدون الوان بعد ؟؟؟!!! -________-" انا خلقه لما يقولي في الشاشة اضغط x تلاقيني اضغط A << يازين سوني وقسم T_T
برضوا مسألة الـ RT والـ LT والطقة اللي ورا. مالهم اي معنى .. يعني L1 تدري انها فوق لأنها 1 و L يعني Left. بس هذي اليدة اعبط شي صُنع على الوجود! : لا انسى ان عندي يد صغيرة >.> لذا لما امسك اليدة تكون احد اصابعي السبابة والإبهام على الأزرار اللي ورا كلهم وبنفس الوقت امسك اليدة حقتهم "وزن الجمل" من المسكة الدبة من تحت ؟!! والله مااعرف امسكها حتى!!

SONY اطلق يدّة في الوجود :inlove:

 

[Mute City]

^
المسأله مسألة تعود اعرف واحد من الشباب ما عمره إشترى جهاز سوني دايما نينتندو المهم الولد إشترى الإكس وشغال معاه
لما جا عندي البيت يبغى يلعب جود أوف وار أقوله إضغط X وما يسير شي وأنا مستغرب طلع الولد يضغط مربع

 

[Sora Diersly]

طيب والمسكه ؟؟؟ كيف تقدر تضغط LT و RT (قاعد يشيّك اليدّة) وانت تلعب ويدك على اللي ورا .. مدري وش اسمهم .. قصدي يدة البلاي مُقعّرة بشكل مناسب من ورا بحيث تعطيك مساحة تمد اصابعك. الإكس بوكس تزحلق وممدودة بشكل عرضي بزيادة عن اللزوم!

المسألة فيها تعوّد لكن لما كنت العب بالدريم كاست (واليدة حقتها قريبة جدا من الإكس بوكس) كنت ارتاح فيها اكثر. كانت فترة رائعة! اليدّة من ورا مناسبة جدا للعب بغض النظر عن حجمها الخونفشاري :confident:

 

[Fahad Al-Shareef]

sora يد الاكس بوكس تجي تلعب فيها فايتنج ولا ار بي جي وتقولي ماعجبتك ..

كل الناس تعرف ان اليد انسب شي لها شوتر و90 %من العاب الاكس هذا النوع ..

الــ RT Right trigger .. والــ LT Left Trigger .. ما اشوف فيها صعوبه

 

[Emirates]

لول

الشوتر على يد البلاي ستيشن 3 ام الكوااااارث

 

[SCREAMING_RAGE]

+1

العاب الشوترز و التصويب و السباقات دائماً ذراع الاكس بوكس 360 ............. لكن العاب المغامرات العاديه و البلاتفورم + الفايتنغ يفضل دائماً تكون على الدول شوك 3 .

بالنسبة لي شخصياً, فأنا افضل ذراع الاكس بوكس 360 لأني اشوفها اريح بكثييييير من الدول شوك 3. هذا مع ان جهازي الرئيسي و اصحابي و اكثر العابي موجودين على البلاي ستيشن3, لكن ياخي ذراعه صغيره و غير مريحه على الاطلاق...... قسماً بالله الدول شوك 3 حقتي بدأت " تتقشر " بعد ما ختمت GOW III !!