hits counter

العشوائيات موضوع ماذا تفكرون؟ | الموسم ٢/ الرجاء قراءة القوانين باول رد قبل المشاركة.

الحالة
مغلق و غير مفتوح للمزيد من الردود.

سيفروس سنيب

بروفيسور فنون الظلام
ألاحظ كم يوم بهالساعة قريب نص الليل
البرد يزيد والسخونة ترتفع والمسكن يحين موعده
باقي اليوم أفضل لكن هالساعة بالذات يحصل
هبوط في النظام ...
 

Arashi

Dragon of Heaven
ألاحظ كم يوم بهالساعة قريب نص الليل
البرد يزيد والسخونة ترتفع والمسكن يحين موعده
باقي اليوم أفضل لكن هالساعة بالذات يحصل
هبوط في النظام ...

لو تلاحظ كل مرض وألم وحساسية حتى الحكة العادية تزيد في هالساعه، اذكر وضحوا الأسباب في Doctor's TV بس نسيت ايش قالوا.
اذكر على اصاباتي الرياضية كنت أمشي وأتمرن عادي، بس في الليل وبعد الساعة 11 يجيني ألم لا يطاق، حتى لو أرتاح يوم كامل ما أتمرن بعد يجيني نفس الألم، فكنت أنام قبل ساعة الألم وأقوم ثاني يوم حالي أفضل وسرعة الشفاء تزيد أيضاً.
 

Arashi

Dragon of Heaven
ايش فيها الناس على عام النمر؟ وايد شادين حيلهم فيه. هالشي لاحظته من عام الفار في 2020 ان صار في اهتمام كبير في الابراج الصينية @_@
 
  • Haha
Reactions: Eye

DINO CRISIS

المحقق وحيد
ايش فيها الناس على عام النمر؟ وايد شادين حيلهم فيه. هالشي لاحظته من عام الفار في 2020 ان صار في اهتمام كبير في الابراج الصينية @_@

أنا ما أهتم لا بالأبراج العادية ولا الصينية

و متعجب إنك تقولي في ناس مهتمه في

الابراج الصينية @_@

الا يكفي هراء وكذب الابراج العادي

حتى يصدقوا برج النمر الصيني
 

MH MD

Moderator
مشرف
ايش فيها الناس على عام النمر؟ وايد شادين حيلهم فيه. هالشي لاحظته من عام الفار في 2020 ان صار في اهتمام كبير في الابراج الصينية @_@
ملاحظ من يوم ما بديت الاحظ (@) من عشر سنين كذا، دايم بداية كل سنة اشوف فان ارتز لحيوان السنة، الشيء مسلي
 

Arashi

Dragon of Heaven
أنا ما أهتم لا بالأبراج العادية ولا الصينية

و متعجب إنك تقولي في ناس مهتمه في

الابراج الصينية @_@

الا يكفي هراء وكذب الابراج العادي

حتى يصدقوا برج النمر الصيني

لا الاهتمام فقط انهم يرسمون رسمة نمر او فار وهكذا حسب السنه، او تحصل فلتر نمر عالسناب تشات او ستيكرات في تطبيقات اخرى.

ملاحظ من يوم ما بديت الاحظ (@) من عشر سنين كذا، دايم بداية كل سنة اشوف فان ارتز لحيوان السنة، الشيء مسلي

ايه لأن البعض يبدع في الافكار xD
جوف هالرسمه العجيبه للنمر @.@

 

سيفروس سنيب

بروفيسور فنون الظلام
لو تلاحظ كل مرض وألم وحساسية حتى الحكة العادية تزيد في هالساعه، اذكر وضحوا الأسباب في Doctor's TV بس نسيت ايش قالوا.
اذكر على اصاباتي الرياضية كنت أمشي وأتمرن عادي، بس في الليل وبعد الساعة 11 يجيني ألم لا يطاق، حتى لو أرتاح يوم كامل ما أتمرن بعد يجيني نفس الألم، فكنت أنام قبل ساعة الألم وأقوم ثاني يوم حالي أفضل وسرعة الشفاء تزيد أيضاً.

ماتوقعت إنه شيء عام ..
اليوم بحاول أرقد بدري عشان أهرب من هالساعة &

أفكر في كيف أني أشعر بالأمتنان لخالقي ولأهلي وأصدقائي في الحياة الواقعية وهنا شعور جميل تكون ضمن مجتمع ما

أهنيك ،
الناس تظن إن الحمدلله عز وجل بينما هو غني عننا
الحمد للإنسان لكي يشعر بالطمئنينة والفرح
بالموجود بقدر مايسعى وراء غير الموجود.
بالمقابل الي يكثر من الحلطمة والسخط ماغير يأذي نفسه.
أهنيك تالي ... و الحمدلله فوق كل شعور.
 

Sultan/X

Banned

يتكلم عن الاكتشافات الحفرية من الظاهر لناس الي الاعماق بشكل طبقات جدا ممتع
 

Arashi

Dragon of Heaven

صح يكون افضل،
مفخخه باللافندر والياسمين... كم أراشي عندي؟
k5430.gif
 

Sultan/X

Banned
بدت تطلع لي اعلانات هدايا الفالينتاين وانا كلش ناسيه انه هالشهر، اتساءل شنو اهدي
نفسي ::fdoly::

اهدي لنفسك شي ماقد جربتيه وكأنه جاي من شخص ثاني، عصير غريب او اكله جديدة عليك او ستايل لبس مختلف.
 

Arashi

Dragon of Heaven

ذكرتيني بهذا:tearsofjoy:

عجبني جوهم، شكلي بخصص كل أسبوع يوم أهدي فيه نفسي شي XD

اهدي لنفسك شي ماقد جربتيه وكأنه جاي من شخص ثاني، عصير غريب او اكله جديدة عليك او ستايل لبس مختلف.

بسوي هالشي في اي يوم غير تاريخ 14 هههه عنادا في المناسبه، الفكره حلوه والله وتغير المزاج للأفضل، راح اجربها باذن الله ^^
 

Gavroche

World history is a court of judgment

الله يستر عليه و يؤمنه من كل شر، ان شاء الله يطلع في اقرب وقت ويطمن اهله …

خنقتني العبرة من منظرة داخل الحفرة ::cry::
 

Arashi

Dragon of Heaven

الله يستر عليه و يؤمنه من كل شر، ان شاء الله يطلع في اقرب وقت ويطمن اهله …

خنقتني العبرة من منظرة داخل الحفرة ::cry::

اليوم اسمع بنات خالي يتكلمون عنه. جفت شي مشابه قبل كم سنة لطفله هندية عمرها سنتين طاحت في بئر، لكن وضعها كان اسوأ لأن البشر أضوق ويدينها عالقين فوق راسها (يعني لا تقدر تاكل ولا تشرب لو نزلوا لها شي) وامكانيات الهند طبعا اقل من المغرب لأنها كانت في قرية. وبعد 70 ساعه تقريب وصلوا لها لكنها توفت الله يرحمها (احتمال في 48 ساعه توفت).
ان شاء الله ما تتكرر المأساه هني.
 

FANTASTIC DREAM

sugar man, colors to my dreams
لا تنتظروا المتنمرين يتوقفوا عن اذيتكم و يتحسنوا حتى تشعروا بالامان مرة ثانية، بدلا من ذلك انتم افعلوا ما باستطاعتكم لايقافهم و تستعيدوا هذا الشعور بالامان.

لا تعطوا التحكم بمشاعركم للبشر الاخرين، او العوامل الخارجية، اعطوا التحكم بهذا لأنفسكم فقط.

ايا كانت المشاعر اللي تبغوها، و ايا كانت المشاعر اللي بتقللوها، فهي ملك لكم و ليست رهينة عند الأخرين.
 
التعديل الأخير:

Arashi

Dragon of Heaven
امس اول مره اروح فيها يمعة مع بنات خوالي من بدا الوباء، yaaay.. المفروض! اليوم لما كنت أجهز الطاوله عشان نلعب D&D تفاجأنا ان وحده منهم فاحصه في البيت وطلعت مكرونه، يعني من بدا الوباء لا فحصت ولا خالطت حد مكرون، فهاذي اول مره اطلع مخالطه، فشنو كانت ردة فعلي؟
"الله اول مره اخالط مكورنه، اخيرا صرت وحده من الناس" ::xd::
بس اللي زعلني ان اضطرينا نكنسل اللعب لأن مب كلنا مخالطين، ننتظر كم يوم ونجوف وضعنا، مع ان كنا قاعدين بعيد عنها ::whistle::
 

Arashi

Dragon of Heaven
هي معضلة يا اراتشان ، هل تكونين افضل منهم لنفسج ولله ، ولا تكونين مثلهم لنفسج وللانتقام؟

البعض ممكن يقول شغلج ذا من العدل ، واخرين : عامل الناس كما تحب ان تعامل

لكن احب اذكرج بشغلة سيكولوجية ونظرية تحليلية وراح اختم بحكمة

الانسان نفسيا يتصرف تصرفات غير محسوبة ، تحكمه اللحظة والقصور الادراكي ، تصرف الناس باللامبالاة مقرون بالعادات اللي تعودوا عليها ، في ذا الزمن المساعدة والاعتبار بالاخرين حالة نادرة ، فما تعودوا على ذا الشي ، ما تعودوا انهم يدعمون الاخرين بكل بساطة الموضوع غايب عن ذهنهم

نظرية التعلم المعاصرة تقترح ان الاجهزة والميديا خلت قدرة التركيز عند الناس ضعيفة ، الناس صارت في صراع متسارع مع نبضات وتدفقات معلوماتية فوق الاستيعاب البشري ، ف فوق قصور الادراك الناس تنسى وتنتقل بسرعة من فكرة لفكرة

فيه حكمة قد قالها الاستاذ برق الريسوني :
if you dont talk about it it didnt happen
وللامانة الشي ذا فتح عيوني على العالم بنظرة جديدة ، حنا تربينا على الاخلاق وعدم المن والاذى ، وذا صحيح ، لكن الذكرى تنفع المؤمنين

ما اقولج صيري وقحة ، فيه اسلوب تذكرين فيه الاخرين بافضالج عليهم ، مو الهدف المضايقة والاستعلاء ، لا ، بس تذكيرهم مين انتي ووش سويتي

العشرات من المواقف والمراجل في حياتي الشخصية بح ، والسبب اللي تسوي لهم مافي ادراك ولا ذاكرة ومن مصيبة لمشكلة لمكدة ، ف مخهم مب حاضر ، ف صرت اذكرهم بمواقف بالطالعة والنازلة باسلوب لطيف

النتيجة: ما عاد ينسون لانهم خايفين ينحرجون لما اذكرهم :)

شكرا استاذ سفروس


الرد مليان حكم عيون-ساما، يوم عن يوم اتأكد ان الاسم فعلا راكب عليك (":
صح فكرت ان نوعا ما هم مب حاسين ويمكن نوع من البلاده، هم ايش كانوا وايش صاروا وانا مقتنعه بأن الأجهزه لها دور في هالشي، لذلك انا من البدايه من ايام BB مسنجر وانا حافه ما أنجرف ورا هالامور، أستخدمها بشكل بسيط عشان لا تؤثر على تركيزي.
ومعاك حق مفروض أذكرهم وانبههم لأن هالبلاده بتضعف العلاقه بينا، وعشان ايش؟ امور ما تسوى صراحه!
الدعم كان مجرد مثال لكن في قصور في وايد امور ثانيه، خلاص برويهم العيون الحمرا << عين لطيفه طبعا ما بهاوشهم XD
 
  • Haha
Reactions: Eye

Eye

السوسة
الرد مليان حكم عيون-ساما، يوم عن يوم اتأكد ان الاسم فعلا راكب عليك (":
صح فكرت ان نوعا ما هم مب حاسين ويمكن نوع من البلاده، هم ايش كانوا وايش صاروا وانا مقتنعه بأن الأجهزه لها دور في هالشي، لذلك انا من البدايه من ايام BB مسنجر وانا حافه ما أنجرف ورا هالامور، أستخدمها بشكل بسيط عشان لا تؤثر على تركيزي.
ومعاك حق مفروض أذكرهم وانبههم لأن هالبلاده بتضعف العلاقه بينا، وعشان ايش؟ امور ما تسوى صراحه!
الدعم كان مجرد مثال لكن في قصور في وايد امور ثانيه، خلاص برويهم العيون الحمرا << عين لطيفه طبعا ما بهاوشهم XD

هههههههههه عيون ذي هم سووها استلهام من شخصيتي ترا ::laugh::

الله عليج يا اراتشان ، الحكمة ضالة المؤمن ، وما يقل الفاعل بها حكمة عن عالمها

فعلا الاجهزة مصيبة ، كم المعلومات اللي يتعرض له الواحد له تأثير مب بسيط للاسف ، ومع سرعة الحياة الحين وكثرة المشاغل ، اوف مامما ميا!

المشكلة مافي امل نقلل منها لان مالنا عوز عنها ، صارت ضرورة حياتية

ولد عمي شغال في شركة اي تي ، يقول يبي ياخذ اجازة من الاجهزة اسبوع في عطلته السنوية ، وفعلا سووها طفى جواله وما شغل اللابتوب ولا اي جهاز

العصرية امه تهاوشه ليش ما يرد بالواتس ، وتفركشت كل الخطة ::laugh::
 

retha

from a parallel universe
لمّا تروح المستشفى ويسألونك عن عمرك ثم تجاوب بس تستوعب إن هذا كان السنة الماضية. غصّة.
 
التعديل الأخير:

fatal framer

True Gamer
ان شاء الله ما تتكرر المأساه هني
الله يرحمه توفى شكله كان متوفى من اول ماطلعوه بس ماحبوا يقولون هالشي بوقته


بس اللي زعلني ان اضطرينا نكنسل اللعب لأن مب كلنا مخالطين، ننتظر كم يوم ونجوف وضعنا، مع ان كنا قاعدين بعيد عنها

قولي الحمدالله انج ماتكرونتي من الاساس هذا اهم شي لاحقة على اللعب

نفس حالتي تكرونت وانا مادري احسبها نزلة برد حساسية وخالطت اهلي بالبيت والحمدالله انه محد تعادى مني وخصوصا اليهال يمكن ما يقدرون يتحملونها نفس الكبار

وحجر اسبوع بالبيت لاطلعة ولا دوام اهلي كانوا حاجزين شاليه بفندق بس اكيد ماراح اخالف الحجر واروح اعادي الكل هناك
 

Veeto

True Gamer
https://youtube.com/shorts/mkrUq0aqX1Q?feature=share

:tearsofjoy: للاسف .. كنا نتجهز نسوي فيديوهات مشابهة
واحد من التوائم طلع ليه ناب .. وكنت ننتظر يطلع الناب الثاني علشان نشهره بالمواقع .. للاسف خذلنا وطلع ليه الضرس الوسطي :tearsofjoy::tearsofjoy:
 

Arashi

Dragon of Heaven
الله يرحمه توفى شكله كان متوفى من اول ماطلعوه بس ماحبوا يقولون هالشي بوقته


قولي الحمدالله انج ماتكرونتي من الاساس هذا اهم شي لاحقة على اللعب

نفس حالتي تكرونت وانا مادري احسبها نزلة برد حساسية وخالطت اهلي بالبيت والحمدالله انه محد تعادى مني وخصوصا اليهال يمكن ما يقدرون يتحملونها نفس الكبار

وحجر اسبوع بالبيت لاطلعة ولا دوام اهلي كانوا حاجزين شاليه بفندق بس اكيد ماراح اخالف الحجر واروح اعادي الكل هناك

خافوا يقولون عشان لحد يسويها سالفه ويصعبون عليهم اخراجه.

ايه الحمدلله عدت على خير وصج الحبس مب حلو، كلنا اللي خالطنا البنت ما تكرونا واعتقد السبب انها بدت تحس بالأعراض بعد ما رجعنا بيوتنا بساعتين تقريبا فما كانت معديه حتى للي قعدوا جنبها على كرسي واحد. هي كانت ماخذه الجرعه المعززة وتكرونت فجأة ما مخالطة أحد، تقول غالبا بسبب الألعاب لأنها راحت ملاهي او شي ومسكت الألعاب هناك واكيد ما كانت نظيفة.
 

fatal framer

True Gamer
ايه الحمدلله عدت على خير وصج الحبس مب حلو، كلنا اللي خالطنا البنت ما تكرونا واعتقد السبب انها بدت تحس بالأعراض بعد ما رجعنا بيوتنا بساعتين تقريبا فما كانت معديه حتى للي قعدوا جنبها على كرسي واحد. هي كانت ماخذه الجرعه المعززة وتكرونت فجأة ما مخالطة أحد، تقول غالبا بسبب الألعاب لأنها راحت ملاهي او شي ومسكت الألعاب هناك واكيد ما كانت نظيفة.

نفس الحالة انا طلعاتي قليلة واغلب الاوقات سينما وقليل ما اطلع طلعة مطعم او قهوة

اخر فلم دشيته كان بتاريخ ٢٠ -١ وبعدها ب٦ ايام حاشني المرض

ففي احتمالين لنقل العدوى يانها انتقلت لي من السينما والاعراض خذتلها وقت على ماطلعت

او بالدوام من موظف او عامل نقل لي الفايروس + صرت مهمل وماستعمل الماسك حرفيا كرهته

وانا ماخذ التعزيزية بعد وحاشتني بس الحمدالله ماتعبت معاها تعب كبير مثل الانفلونزا الموسمية
 

Arashi

Dragon of Heaven
هههههههههه عيون ذي هم سووها استلهام من شخصيتي ترا ::laugh::

الله عليج يا اراتشان ، الحكمة ضالة المؤمن ، وما يقل الفاعل بها حكمة عن عالمها

فعلا الاجهزة مصيبة ، كم المعلومات اللي يتعرض له الواحد له تأثير مب بسيط للاسف ، ومع سرعة الحياة الحين وكثرة المشاغل ، اوف مامما ميا!

المشكلة مافي امل نقلل منها لان مالنا عوز عنها ، صارت ضرورة حياتية

ولد عمي شغال في شركة اي تي ، يقول يبي ياخذ اجازة من الاجهزة اسبوع في عطلته السنوية ، وفعلا سووها طفى جواله وما شغل اللابتوب ولا اي جهاز

العصرية امه تهاوشه ليش ما يرد بالواتس ، وتفركشت كل الخطة ::laugh::

الاستلهام عليه حقوق ملكيه؟ XD

ايه والله مامما ميييييا، لهالسبب منعت احد يطرش لي صور صباح ومساء الخير ولا فيديوهات "مساكم الله بالخير يالربع" وحتى القروبات اللي داخله فيها محدوده وخفيه، كفايه علينا الامور المهمه اللي مجبورين فيها والتواصل مع الناس، نقعد بعد نجابل كلام فاضي؟ >_>

ههههه كان طفى كل شي عدا الواتس اب لأنه مهم حاله من حال المكالمات XD


نفس الحالة انا طلعاتي قليلة واغلب الاوقات سينما وقليل ما اطلع طلعة مطعم او قهوة

اخر فلم دشيته كان بتاريخ ٢٠ -١ وبعدها ب٦ ايام حاشني المرض

ففي احتمالين لنقل العدوى يانها انتقلت لي من السينما والاعراض خذتلها وقت على ماطلعت

او بالدوام من موظف او عامل نقل لي الفايروس + صرت مهمل وماستعمل الماسك حرفيا كرهته

وانا ماخذ التعزيزية بعد وحاشتني بس الحمدالله ماتعبت معاها تعب كبير مثل الانفلونزا الموسمية

حسب الحالات اللي عرفتها الاميكرون في الغلب أقل حده من الموسميه، اللي صادتهم الموسميه تعبوا اكثر.
الحمدلله ان جاتك خفيفه ^^
 

Gavroche

World history is a court of judgment
أكتشفت وجود بودكاست للدكتور جوردان بيترسون ويوجد منه عدة مواسم مع عشرات الحلقات، كل حلقة مينيموم ساعة وثلث واستضاف عشرات الشخصيات في مجالات متنوعة ::sur::

أكثر شيء يعجبني في اسلوبة هو نيته التعلم من الضيف في المواضيع التي يجهلها وطلع محاور بارع للغاية ...
 

Arashi

Dragon of Heaven
ليش صايره كل يوم أجوع في هالوقت العصيب؟ عشان جذي شريت 6 علب سناك صحي، اختياراتي لوجبة اخر الليل محدوده
58.gif
 
الحالة
مغلق و غير مفتوح للمزيد من الردود.
أعلى