hits counter

موس ولا مكينة حلاقة ؟؟؟

SCREAMING_RAGE

رئيس فريق TG كرة أوروبية
السلام عليكم


لرجال تروجيمنج اللي يحلقون ذقونهم ............... تستخدموا موس ولا مكينة حلاقه ؟؟

thumb_man-shaving-b-w.jpg


قبل شوي حلقت دقني بالموس لثاني مره في حياتي................ جرحت نفسي الله لا يوريكم ........... شفتي اللي فوق انقطعت نصفها ............. كل اللي كنت ابغاه هو اني اشيل الشنب الغبي.


الوالد الله يرحمه كان اولد سكول... كل صباح سبت قبل الدوام كان يحلق دقنه بالموس و شنبه كان موزون بطريقة خيالية ................ مدري شلون كان يعملها.
بعدين جاء اخوي الكبير........... بدأ يقلد الوالد بالموس.......... ومع التطور صار يستخدم مكينه............. اخر مره شفت set الحلاقه حقه, كان عنده موس و ماكينة الحلاقه......... مدري هل يستخدم الاثنين مع بعض ولا لأ.


اخوي الصغير ..... اصغر مني بسنة ......... يستخدم دائماً موس ............ ما يحب الماكينة ابداً....... يقول انه تربشه !

انا دائماً استخدم المكينة...... كل اسبوعين امررها على دقني مره............ و اذا رحت الحلاقه ((نادراً ما اروحه)) دائماً يعملي موس.............. لكن مؤخراً مدري فين اختفت مكينة حلاقتي........... والله اختفت فجأه من الشقه.............. الزبده, وجهي كان عامل مثل الماعز الصغير و كان لازم اتصرف قبل الدوام بكره........ هووبا على الدكان, و أول جيل حلاقه و موس جلييت ابو بطاريه.... أكبر غلطه اعملها في حياتي.


الزبده:

تستخدم موس ولا ماكينة ؟؟؟؟

اذا تستخدم موس حلاقه........... ايش المعدات اللي تستخدمها ؟؟

واذا تستخدم ماكينة حلاقة.......... الله لا يهينك ايش اسمها ؟؟


و شكراً :)
 

zlatanovic

True Gamer
الموس يبغاله تعوّد بس وتضبطه والا النوع غالبا ما يفرق.

من سنوات وانا اخفف بـ مكينه واحدد بـ موس، ولا اذكر متى كانت آخر مرة شلت كل شي موس. بالنسبة للامواس فـ جيليت هي الستاندرد ولا فكرت اجرب غيرها ( استخدم الصغير اللي لونه ازرق وعبارة عن شفرتين بس ). طبعا لأن استعمالي للتحديد.

اما المكاين فـجربت كثير جدا، وطلعت بـ مكينة مافيه افضل منها مقارنة بسعرها:
1369230192_512341851_2-DingLing-Rf-609-Professional-Heavy-Duty-Rechargeable-Men-Hair-Shaver-With-Trimmer-Clipper-Karachi.jpg
ll
ممتازة جدا بسبب اهتزازها البسيط مقارنة ببعض المكاين اللي تخض يدك خض، غير خياراتها في تخفيف الشعر من 0.5 الى اللي تبي. ( فيه مكاين توفرلك 0.25 بس ما تكون بنفس الجودة ).

وطبعا فيه المشهور جدا بين الحلاقين باناسونيك:
1345119192_429313702_1-PANASONIC-Gents-Trimmer-ER205-Lahore-Multan.jpg
هذي مقبولة بس شفراتها ضعيفة مقارنة باللي قبل.

واخيرا مكاين التنعيم، مالي علم فيها ولا احب استخدمها ابدا. غالبا بتكون مكاين التنعيم هي الافضل لك اذا انت تشيل كل شي الا الزلف.
 

The Doctor

Once a Voyager on a Cursed Sea
يعتمد على وجه الشخص و بشرته... أنا جت فترة استخدمت مكينة و كانت من أسوأ ما يكون، ما تحلق مزبوط و تسبب حساسية

بعدين لعدة سنوات صرت أستخدم أمواس Gillette المعتادة مع الجل تبعهم... لكن الكارتريدجات إفلااااس، خصوصاً لما إنتقلت لأمريكا، و عرفت إني لازم أشوف بديل.
لحسن الحظ، واحد في GAF كانت عنده نفس المشكلة، و عن طريقهم إكتشفت الحل: safety razor.

640px-Merkur_heavy_duty_safety_razor.jpg


أذكر كنت أشوف الوالد يستخدم safety razor من Gillette صار له على الأقل 25 سنة. بس طول السنين ما فكرت أعور راسي به لأن دائماً حسيت إن الكارتريجات أأمن و أسهل إستخدامهم، و هالشي صحيح، بس فارق السعر مهول.
بدال ما أدفع من 15 إلى 30 دولار على رؤوس لموس الMach 3، و اللي زين إذا كفوا شهر، شريت لي هاندل Merkur، مع فرشة و كريم و كوب و 100 موس بأقل من 100$، و ما عدى كريم الحلاقة، ما اضطريت أشتري شي زيادة من سنتين و نص!

بعد ما تعودت عليه، ما أفكر أستبدله.
 

Wild Fox

True Gamer
الحلاقه تخليني شكلي زي البزران ... كل ما اروح السينما يطلبوا الid , غير انها تعدم البشره .. دقن خفيفه و مكينه التنعيم للخدود اريحلك
 

fatal framer

True Gamer
انا كله موس ومرات ماضبط الزلف فلازم اروح الحلاق

والمشكلة لاحظت اني لما احلق بموس تطلع حبوب في ويهي

فتلقاني مرات اخفف بماكينة لفترة واذا لاحظت انه الحبوب اختفت

رديت حلقتها بموس مرة ثانية

اخواني طريقتكم بالماكينة اول وبعدين بالموس

تنفع معاكم يعني ما تلاحظون انه في حبوب بويهكم بعد الحلاقة
 

Fatale

True Gamer
الحلاقه تخليني شكلي زي البزران ... كل ما اروح السينما يطلبوا الid , غير انها تعدم البشره .. دقن خفيفه و مكينه التنعيم للخدود اريحلك

ههههههه زي الي سار معي

حتى خويي في الرحله عمره 28 ومتزوج وعنده 3 اولاد ما شاء الله حلق وجه وشنبه مكينه صفر (اقنعته) وكل ما نروح مكان يطلبون منا الـ ID عاد انا باقي صغير :stuck_out_tongue_wi فما فرقت معي اما هو حقد :joy::joy:
 

Vergil X

Hardcore Gamer
انا جربت الموس مره وحدة و ما حبيته ابد , الان كله استخدم مكينة ( اخفف الذقن اكثر شىء )

نوع المكينة نفس اللي يستخدمها الاخ zlatanovic ممتازة :thumbsup:



يعتمد على وجه الشخص و بشرته... أنا جت فترة استخدمت مكينة و كانت من أسوأ ما يكون، ما تحلق مزبوط و تسبب حساسية

ممكن تشرح اكثر عن هذه النقطة ؟
 

BlackBird

True Gamer
أنا (ولو ان شعر وجهي قليل مرة) أستخدم الماكينة إلا كنت مستعجل
إما إذا بمخمخ على الحلاقة، أشيلها بموس لأني أحب ملمس خدي يوم ما يكون فيه ولا شعرة :sweat_smile::sweat_smile:

الموس مسألة تعود، في الأول تجرح نفسك بعدين يدك بتصير خفيفة و نادرًا ما بتجرح نفسك
 

~ Brook ~

Hardcore Gamer
انا كنت مشهور في المدرسه وبين اوساط الناس بإني المشعّر .. كانوا يجون ناس من الفصول الثانيه شوفوا شوفوا ذا :D

كنت اول ثانوي ودقن، وشعر برجلي وبكل مكان الله لا يوريكم .. الزبدة الحين برضو نفس الحاله وزادت غير ان الشعر بكل مكان في الوجه :D

فأروح الحلاق كل يوم سبت، كل اسبوع الدوامات يعني .. وأحلق ب15

ودي اعتمد على نفسي بالحلاقه واوفر .. بس

احس قروشه :eek:
 

AlfreDo

Hardcore Gamer
قبل شوي حلقت دقني بالموس لثاني مره في حياتي:flushed:................ جرحت نفسي الله لا يوريكم:cold_sweat: ........... شفتي اللي فوق انقطعت نصفها:scream: ............. كل اللي كنت ابغاه هو اني اشيل الشنب الغبي.

05-4-ohno.gif
 
التعديل الأخير بواسطة المشرف:

Game Time

Banned
SCREAMING_RAGE

جرحت نفسي الله لا يوريكم ........... شفتي اللي فوق انقطعت نصفها ............. كل اللي كنت ابغاه هو اني اشيل الشنب الغبي.

سلمات



ما أستخدم الموس أو مكينة الحلاقة الكهربائية

أستخدم شفرة جيليت الثلاثية أو الثنائية أحيانا

كنت ما أتقن حلاقة الذقن والشنب وكنت أجرح

نفسي في الشفايف أحيانا وأحيانا في الذقن وتعودت

هي تحتاج ممارسة ومعرفة الشفرة أو المكينة المناسبة
 

ibrahimJ

True Gamer
مكينة افضل شئ
لاسباب
1-ماهي مكلفة على عكس موس حيث الموس تحتاج تغيره +كريم للحلاقة +فرشة+كريم بعد الحلاقة اوكي بعضكم يكتفي بكريم حلاقة بس في نهاية الأمر هي مكلفة للمدى الطويل
2-سهلة الإستعمال
3-يمديك تخفف الذقن على عكس الموس
4-ما يأخذ منك وقت وهذا اهم عامل بالنسبة لي

انا كنت في ثالث ثانوي كنت استعمل موس بس بطلت بعد ما دخلت الجامعة صرت استعمل مكينة
عادة احلف الدقن واترك الشنب بس حاليا افكر اسوي العكس .

حاليا عندي فيليب فيها ادوات كثيرة وسعرها مناسب ومضادة للماء
gsHCF7i.jpg
 

EPIC FAHAD

True Gamer
انا من الناس الي مايطلع دقني بسرعه الحمد لله . عشان كذا ما احلق في البيت . كل ثلاث اسابيع اروح للحلاق واحلق موس الدقن والشعر بالمقص
 

A7med

Hardcore Gamer
الموس اسهل واسرع مابيخذ وقت زي المكينة .
 

T i d u s

Hardcore Gamer
الشنب أضطر أشيله بمكينة لأن في عندي شامة/ حبّة خال، الذقن بشفرة جيليت disposable .. وما قد حلقت ذقني عند حلاّق p:
 

Vorg Zangief

True Gamer
الموس بالذات مع التحديد يطلع لي حبوب على الرقبه
لذلك صرت كله استخدم المكينه في التحديد
طبعاً مو بالبيت عند الحلاق دايماً
 

Golden_Sun

True Gamer
مكينة افضل شئ
لاسباب
1-ماهي مكلفة على عكس موس حيث الموس تحتاج تغيره +كريم للحلاقة +فرشة+كريم بعد الحلاقة اوكي بعضكم يكتفي بكريم حلاقة بس في نهاية الأمر هي مكلفة للمدى الطويل
2-سهلة الإستعمال
3-يمديك تخفف الذقن على عكس الموس
4-ما يأخذ منك وقت وهذا اهم عامل بالنسبة لي

انا كنت في ثالث ثانوي كنت استعمل موس بس بطلت بعد ما دخلت الجامعة صرت استعمل مكينة
عادة احلف الدقن واترك الشنب بس حاليا افكر اسوي العكس .

حاليا عندي فيليب فيها ادوات كثيرة وسعرها مناسب ومضادة للماء
gsHCF7i.jpg

نفسك، وماكينات فيليبس ممتازين!

الموس استخدمه للتحديد (بدون الرقبه لان يسبب حساسيه او نفر)
 

ASWD

True Gamer
مكينة حلاقة.الموس هو عدوي اللدود.

فليبس هي افضل ماركة يعتمد عليها كوالتي من جد
 

XORO

True Gamer
موس لتحديد اللحية وملقط لتحديد الشنب وماكينة لتخفيف اللحية

انا شعر اللحية عندي خفيف والبركة في الشنب ما خذ الشعر كله طالع لي من ايام الاعدادية ( شنب ماريو )

من زمان بديت اعتمد على نفسي في الحلاقة ولو اني كنت اجيب العيد ايامها بس مع التكرار الواحد يده تتعود على الموس

حبوب - حساسية - تهيجات البشرة وغيره .... يعتمد على بشرة الشخص نفسه وطريقة استعماله للموس
 
التعديل الأخير:

Super Shadow

True Gamer
مكينة افضل شئ
لاسباب
1-ماهي مكلفة على عكس موس حيث الموس تحتاج تغيره +كريم للحلاقة +فرشة+كريم بعد الحلاقة اوكي بعضكم يكتفي بكريم حلاقة بس في نهاية الأمر هي مكلفة للمدى الطويل
2-سهلة الإستعمال
3-يمديك تخفف الذقن على عكس الموس
4-ما يأخذ منك وقت وهذا اهم عامل بالنسبة لي

انا كنت في ثالث ثانوي كنت استعمل موس بس بطلت بعد ما دخلت الجامعة صرت استعمل مكينة
عادة احلف الدقن واترك الشنب بس حاليا افكر اسوي العكس .

حاليا عندي فيليب فيها ادوات كثيرة وسعرها مناسب ومضادة للماء
gsHCF7i.jpg

ما أزيد على ها الكلام :clap:
 

JIN KAZAMA

True Gamer
مكينة للناس الكسلانة مثلي -_-"
 

SAUD~F-16

True Gamer
الموس (جيليت) إذا تحب حلاقة ناعمة جدا ونظيفة. لكن التحديد بيكون شيء صعب. وممكن تتجرح.

مكينة إذا تحب البساطة والسهولة والتوفير مع نتيجة لا بأس بها، مش بنعومة الموس . وتحديد ممتاز جداً. وممكن تسبب تحسس للجلد وإحمرار.

شكلي الوحيد هنا اللي يستخدم براون كروزر 5. أشوفكم تمدحون فلبس. بعد ماضاعت مكينتي شكلي بجرب فلبس أو باناسونك.

أنا جربتهم كلهم. بدأت عند الحلاقين ومررت بالأمواس واستقريت مع المكينة. لكن مؤخراً صرت نادر ما أحلق. أخلي الشعر حتى أحس أنه صار أوفر بعدين أحلق. ما أكترث إذا حلقت أو لا. طالما أنه ما عندي دوام يطلب مني أحلق بشكل مستمر.
 

NOBLE

Hardcore Gamer
انا كنت مشهور في المدرسه وبين اوساط الناس بإني المشعّر .. كانوا يجون ناس من الفصول الثانيه شوفوا شوفوا ذا :D

كنت اول ثانوي ودقن، وشعر برجلي وبكل مكان الله لا يوريكم .. الزبدة الحين برضو نفس الحاله وزادت غير ان الشعر بكل مكان في الوجه :D

فأروح الحلاق كل يوم سبت، كل اسبوع الدوامات يعني .. وأحلق ب15

ودي اعتمد على نفسي بالحلاقه واوفر .. بس

احس قروشه :eek:

ي رجل :::laughing:::.
حنا من 3 متوسط و فيه ناس مشعّرين و كنت من ضمنهم و بثانوي الحين نادر تشوف الاملط
جيل غريب :D

الزبدة انا استعمل مكينه براون علشان اخففها بالبيت و احدد بالموس , بالبداية م راح تعرف للموس مع الوقت تتعود عليه و تصير احسن من الحلاق التركي :D.
الموس اللي اقصده يجيك شفره وحدة و تجيك 10 شفرات ب 3 ريال :D اما موس ابو شفرتين م ينفع تحديد .
 

FARES_

True Gamer
عن نفسي المووس استخدمه لتحديد اللحيه والشنب وحدود الخد
والمكينه استخدمها لتخفيف الكثف بالشنب او اللحيه وتوازي طول الشعر


الأمواس الي استخدمها من جيلييت ابو 3 شفرات
ويكون التحليق بمعجون اخضر لأنه افضل للبشره من الفوومات البيضه ايضا من جيلييت

المكينه من فيليبس ما اذكر نوعها بس فيها 7 درجات تخفيف وتنفع لشعر البدن لو تخفف شعر ايدك او ريلك صدرك الخ
 

Wind Rider

سابقاً Knuckle
عن نفسي المووس استخدمه لتحديد اللحيه والشنب وحدود الخد
والمكينه استخدمها لتخفيف الكثف بالشنب او اللحيه وتوازي طول الشعر


الأمواس الي استخدمها من جيلييت ابو 3 شفرات
ويكون التحليق بمعجون اخضر لأنه افضل للبشره من الفوومات البيضه ايضا من جيلييت

المكينه من فيليبس ما اذكر نوعها بس فيها 7 درجات تخفيف وتنفع لشعر البدن لو تخفف شعر ايدك او ريلك صدرك الخ

:scream:
 

abdullah-kh

مشرف عام
Administrator
^
لول ايش المشكلة طيب ؟ بعض الناس عندهم كثافة كبيرة في شعر اليد او شعر الصدر فما في مشكلة من تخفيفه او حتى يشيله كامل.
 

Unknown

Fake Gamer
انا فيلبس فان .. عندي 2 وحده للوجه ووحده للجسم
الموس ما اعرفه الا للابط او اذا جيت ابي املط وجهي
 

Wild Fox

True Gamer
اوك الموضوع بدا ياخذ منحنى بايخ. . خالد حل مشاكل الحلاقه حقك لحالك ..
 
أعلى