hits counter

مواقف !

Ash

إداري سابق
الموضوع عبارة عن بعض المواقف صارت لك و أنت تلعب , يعني خجل قهر نحس , أنا ببدأ :

اليوم مثلا كنت ألعب لعبه اسمها La Pucella Tatics على البلايستيشن 2 نوعها اربيجي استراتيجي هذي صورة لها للي ما يعرفها :

la-pucelle-tactics-3.jpg


المهم فجأه أخوي الكبير دخل علي , عاد هو عادته يقعد و يندمج , هالمره لما شاف ورده تضرب طفل و أصوات كيوت أنا وجهي صار " :blush: " و قاعد طول الوقت على اعصابي و طبعا هو و لا كلمه لول !

و مره كنت عند الرئيس الأخير بزينوساجا 1 , الرئيس كان باقيله ضربتين بالكثير , المهم كان المفروض أروح مشوار ضروري , رحت و خليته شغال , رجعت بعد 7 ساعات متحمس جدا للنهاية , و بأول ثانيتين الرئيس عطاني ضربة و GAME OVER !!! , تحطيم !!!

لول طبعا في زياده بس منتظر مواقفكم :)
 

Humam

True Gamer
لول إذا مواقف محرجة اوهوووووو .. ياكثرها .. بس الي مرة إحراج لمن كنت ألعاب ميتل جير 3 .. البيج بوس مع إيفا في المشهد الغرامي عند نهاية اللعبة.. ياترى لمن كنت مشغله مين دخل علي ؟؟؟


أمي !!

قسم بالله كرهت النهاية كلها جلست أدعي واسب في قلبي الله يلعنك اخلص الله لا يوفقكم اخلصوا وامي جلست تراقب وانا منزل راسي في الأرض .. ايش بك يبوي احراج ورب الكعبة ,, في النهاية قالت لي ليش تحط على هذي الفلام غير القناة حط الأخبار والا اي مسلسل !!!
ههههههههههههههههههههههههههههههههههههه أنا وقتها بغيت اموت من الضحك .. قلت في قلبي برافو ياكوجيما انت وفريقك فعلا فيلم سينمائي :)
 

Double T

True Gamer
يووووه انا في لعبة Star Ocean 3 كنت حاط العروض ما توقف و لا اقدر اوقفها و مرة او عدة مرات تدخل على امي وسط عرض و تقعد تتكلم و انا اقلها طيب يا امي ان جايك الحين و هي تقول انا ما ابغى منك الا كذا و كذا لااني قادر اركز مع امي ولا مع العرض و يروح علي العرض :cry: <<<< بعدها ما صرت العب الا في الليل بعد ما ينام البيت كلو عشان ارتاح :bigSmile:

و في مرة كنت العب SHadow Hearts 2 و كانت في شخصية بنت لبسها " مش و لا بد " ...... و كانت وسط عرض البنت هذي فيه و شويه امي دخلت و ضغطت Start و تكلمت امي شوي و بعدين ابوي دخل و شوي لقيت العائلة كلها في و انا على اعصابي لأني يمكن يقولوا كمل عادي ما همك فينا ...... و بعدين طلعو و اول ما شغلت العرض البنت طلعت في وجهي و انا صار وجهي كذا :D

تحياتي ;)
 

Mr.3B

True Gamer
...

أتذكر مواقف مع الآنمي ما تنتهي معظمها رحت فيها زي Ninja Scroll أكلت زفت وقتها وتمنيت الأرض تنفتح وتبلعني :peeved:
 

Golden_Sun

True Gamer
لول ما اذكر موقف معين الحين .. لكن مواقفكم تضحك
icon10.gif
 

Naif

Executive Member
لوووول على موقف همام ^^"

ما اذكر مواقف وايد الا المواقف الاعتيادية: "تعاااال نااااايف عشاء" و انا قاعد العب و اكون موصل صدق مكان (حرج) من اللعبة >< او (طن .. طن ) جرس الباب يدق و لازم اطلع اشوف >< و هذي الاشياء دايما تساعد في تطويل عدد الساعات اللي لعبت فيها اللعبة بعد ما اخلصها ^^"
 

szero

True Gamer
يووووو في مواقف كثييييير ... يمكن اكثر واحد اذكرها اني كنت العب RE4 وكنت معلق عند المنطقه الي يطيح عليك قفص ويجيك العملاق الي مسوي نفسه ولفرين حق x-men ... ما عندي الا كمن رصاصه مسدس اخلصهم واقعد ابدع بالسكين يقالي اتحداه -_- وفجأه دخل اخوي الكبير الي ما قد لعب 3D بحياته كلها (حده tetris -.-) قال "عطني اوريك فيه" انا عاد فكيت ظحك عليه يقاله بصفقه وهو ما عنده سالفه ... ويدخل الغرفه ويطيح القفص .... وما ادري الا والوحش ما جا o_O انا ما صدقت اطالع اطاعع مره ثانيه ... مافي ولفرين :jawDrop:: ... كل الي جا وحوش عاديه صفقهم وطلع :jawDrop:: المشكله اني قاعد اظحك عليه من الصبح بعدين طاح وجهي وبقوه ... من بعدها حرمت اظحك عالرجال
 

Torpedo

Contributing Staff
زمان كنت دايماً اتجمع مع اصحابي في محل العاب معوف عندنا.. المهم في يوم كان زحمة مرة ،، اعتقد كان يوم العيد ،، فكثير من الاطفال يجون مع ابوتهم .. المهم ...

المصيبة :

كنت جالس ألعب كونكر .. و في زحمة المكان طلع العرض حق لما الـ"ـنحلة" """" تجامع """" الــ"ـزهرة" ...و الأصوات كانت مرة ""خلاعية"" ... وقتها ما في احد في المحل ما صار يطالع جهتي .. انا اتمنيت اني أموت وقتها من الخجل ><
 

Humam

True Gamer
szero قال:
يووووو في مواقف كثييييير ... يمكن اكثر واحد اذكرها اني كنت العب RE4 وكنت معلق عند المنطقه الي يطيح عليك قفص ويجيك العملاق الي مسوي نفسه ولفرين حق x-men ... ما عندي الا كمن رصاصه مسدس اخلصهم واقعد ابدع بالسكين يقالي اتحداه -_- وفجأه دخل اخوي الكبير الي ما قد لعب 3D بحياته كلها (حده tetris -.-) قال "عطني اوريك فيه" انا عاد فكيت ظحك عليه يقاله بصفقه وهو ما عنده سالفه ... ويدخل الغرفه ويطيح القفص .... وما ادري الا والوحش ما جا o_O انا ما صدقت اطالع اطاعع مره ثانيه ... مافي ولفرين :jawDrop:: ... كل الي جا وحوش عاديه صفقهم وطلع :jawDrop:: المشكله اني قاعد اظحك عليه من الصبح بعدين طاح وجهي وبقوه ... من بعدها حرمت اظحك عالرجال

هههههههههههههههههههههههههههههههههه يارجال نفس الموقف صار لي بالزبط بس مو في رزدنت ايفل 4 في ميتل جير 2 عند سوليدس :p
 

King Wario

True Gamer
والله وايد مواقف ، قبل كم من يوم الله ستر

كنت العب كونكر وصلت مشهد الوردة اللي في بداية اللعبة ، مطول على الصوت فووووووووووووق ، وباب الغرفة مفتوح

واتفاجأت بالفيديو ، رحت قصرت على الصوت وصكيت الباب ( مستخسر يفوت الفيديو :bigSmile: )

بس لو كان في حد قريب من الغرفة كان بيشك ان حد وياي في الغرفة
 

Nintendo

TG editor-in-chief
امممممممممممممممم

ماتذكر مواقف كثيره بس مره يوم كنت صغير بالعاده يوم ندخل البيت اللي وده يقول انا العب اول واحد يقول ( اولي ) والثاني يقول ( توني خخخ ) . المهم مره دخلت البيت انا واخوي اللي اكبر مني ووقتها كان عندنا جهاز اسمه البي سي انجن انا اول مادخلت البيت قلت اولي بس اخوي لانه اكبر مني قالي اليوم نلغي ذا القانون والاقوى هو اللي يلعب اول ( !!!! ) طبعا ماوافقت وهو اصر وصارت مضاربه بيننا وشوي تدخل امي ومعاها عصاية وبووووووووووووووووووم ( انا قلت فنفسي يارب فوق راس اخوي عشان العب ) ونطالع اللي هي ضربة الجهاز والجهاز انفجر ( طلع منه دخااااان ) وهاتك قعدنا نبكي للصبح ( بس فقلبي فرحت عشان اخوي مالعب قبلي بحكم انه مخالف لقوانين الفيفا المنزليه حقنا ;) ) .
 

Shot

Hardcore Gamer
لوووووووووووووول عمر موقفك يضحك XD
 

m7tram

True Gamer
مواقف لوووول

اذا كنتو تذكرون فير إفكت على الـPS1 لووول للعبه بروحها من بدايتها لي نهايتها رايحه فيها ,, وكنت في قمه الاندماج وانا العب ولما وصلت السي دي الثالث لما الشخصيه الفتاه (هانا) تلبس ملابس الرقاصات (تقدر تقول بكيني P: ) مكمل لعبي وفجأه ومن دون سابق انذار دخل اخوي الكبير دقيقه يشوف التلفزيون و10 دقايق يشوف وجهي وبأخرتها قال (ياحليلك كبرت) <<< انا اهني :cry: بغيت انفجر !! مو قصدي شي بس قصدي ألعب!!!

والله حرام :cry:
 

Khalid-S

Executive Member
لول ما عندي مواقف مثل مواقفكم لان لمن العب اكون بعيد من اهلي كثير ..

لول اذكر ايام التحرير في جيم ماستر ,, كنت اكتب حل ريزيدنت ايفل زيرو ووصلت نهاية الـDisc 1 بدون Save لان ابي اخلص بسرعه ( على بالي ما عندي وقت ) لوول وفجأه طلع ( ديسك ريدنق ايرور بليز ريد ذا بوك ليت والخرابيط ذي ) انا وجهي صار كذا O_O وواحد ثاني جنبي كان يساعدني صار كذا O_O لووووول ضغطت زر Open الي بالجهاز ولفيت السيدي بسرعه وقفلت واشتغلت اللعبة لووووول

في احداث كثير صارت لي بس ناسي الحين -_-
 

rubso

Banned
ههه طال عمركم .. كانت في لعبة على الدريم كاست Quake 3 ..
كلنا نتجمع احنا والشباب نلعبها .. كان في واحد خلى كبدي تحوم من حركاته .. كان قاعد وراي بس يصارخ ويغني ويسولف اقول له اسكت يا ابن الحلال خلني اركز ، ما هو راضي يسكت .. كان اقوم وامسك اليدة واحذفها بقوتي كلها .. ههههه تخيلوا شنو صار؟
اليدة جرت الدريم كاست ، وجرت التلفزيون معها هههههههههههههههههههههههههههههههههه كان مشهد مضححححححححححححححححك بقوة .. التلفزيون طاح على الارض والدريم كاست طارت وضربت الطوفة ما صار فيها شي .. واليدة امتدت من المرونة نزلت على الارض على طول .. بس ما انساه هذا المشهد والشباب كلهم جذي !! O_O !!!!
 

fnh

True Gamer
لوووول الحقيقه المواقف الي صارت لكم تضحك

على العموم الحين ما أتذكر شي لكن ممكن صارت لي مواقف و أنا ناسي
 

Humam

True Gamer
ههههههههههههههههه عمر حتى انتو تقولوا اولي :p
 
لوووووووووووووووووووووووووووووول أما عليكم مواقف
اليدة جرت الدريم كاست ، وجرت التلفزيون معها
ههههههههههههههههههههههههههههههههههه


المهم أنا صارت لي مواقف من كثرها و قوتها ما قمت أتذكرها .. و لكن راح أقول يالي أتذكرها الحين :



رزدنت ايفل 2 : هاللعبة أول مرة ألعبها كان في عطلة نهاية الأسبوع و توها نازلة و كنت نايم في بيت خالتي و كنا هناك أنا و ثلاثة من عيال خالتي المهم الوقت كان الساعه 3 الليل تقريبا و قاعدين في غرفة اللعب يالي هي على السطح و مصكرين الاضاءة و متجمعين حول التلفزيون الصغير و لازقين في بعض و أنا ألعب و هم يشوفوني .. كنا مندمجين جداااااا في الجو و وصلنا لعند الممر يالي مصكرين النوافذ بالحطب و كان الجو هادي جدا و بالعاده أنا كله أمشي في اللعبة و لكن في هالممر قمت أركض .. و صار ليون يركض و يركض و يركض و يتقدم و احنا عيونا في التلفزيون و فجأة تطلع أيادي الزومبي من النافذة و تسحب ليون و اليده تهتز عاد تعالوا سمعوا أصواتنا و احنا نصارخ من الموقف المفاجئ لدرجة تركت اليده و خليت الزومبي يكملوا شغلهم على ليون و كل واحد فينا حاط ايده على قلبه لانه شي ما كنا متوقعينه :jawDrop::


فاتل فريم 2 : هالسالفة حدثت في العطله الشتوية يالي طافت كانوا بنات أخوي نايمين عندنا و كان الوقت متأخر و كلهم نايمين الا أنا و بنت أخوي يالي عمرها 11 سنه المهم حبيت أتلاعب فيها و أتسلى على حسابها فقمت سحبتها و حطيت هاللعبة و قاعد ألعب جدامها و أنا حافظ المواقف المرعبة يالي فيها فكان مع بداية كل موقف أقوم و أصرخ علشان هي تخترع و تصرخ معاي أو لما يبدأ و يطلع شبح فجأة أقوم أهز بنت أخوي المسكينة و هي تكون مندمجه في الجو فتبدأ تفز من مكانها من الرعب المهم ظليت أتلاعب فيها المسكينه لمدة مو قصيرة حتى قامت و قالت أنها تبي تشرب ماي قلت لها انزين روحي و كملت انا لعب و هي شوي خذت وقت و لكن راح هالشي عن بالي و شوي شوي الا لقيت نفسي اندمجت مع اجواء اللعبة و نسيت يالي حواليني و قام طلع موقف خشيت معاه جو و فجأة ما القى الا شي اسود يطيح على راسي كان اصرخ و أفز من مكاني و لا بنت اخوي جابت العباية و رمتها علي من ورى يعني تبي تنتقم مني و هي ما صدقت انها نجحت في تخويفي فظلت تضحك و تضحك و انا كلي حقد عليها على العموم هي نجحت في تخويفي مرة وحده بس انا مليون مرة و هذا المهم :cool: ----> تصريفة :p

تومب رايدر 4 : كان الوقت الاجازة الصيفية و كنت نايم في بيت خالتي و متجمعين في غرفة اللعب على السطح المهم كان ولد خالتي يالي مزاجه عصبي قاعد يلعب و واصل في المرحله يالي لازم يبدأ يتسلق الهرم و أنا مع أخوه قاعدين نراقبه .. المسكين صارله فترة قاعد يحاول يتسلق الهرم و لكن كل شوي يطيح و تبدأ لارا صرختها الشهيرة و تتكسر على الأرض عاد احنا بدينا نتمسخر عليه و كل ما يحاول يتسلق الهرم نقعد نقول ( الحين راح تطيح .. شوف الحين راح تطيح .. كاهي الحين راح تطيح ) و كان كل ما يقوم بخطوة نكرر هالعبارة الى أن تطيح فعلا و نقعد نقلد صرختها بطريقة استهزائية و نضحك .. ولد خالتي يالي يلعب سكت مدة و كان واضح عليه علامات الغضب و النرفزة الى أن وصلت معاه لدرجة انه ما يقدر يتحمل يسمع حتى نسمة الهوا كان قاعد يتسلق الهرم للمرة المليون و احنا ورى نضحك و نقول ( الحين راح تطيح .. الحين راح تطيح ) الى أن طاحت لارا كان يقوم ولد خالتي و تقولون انقلب للنمسيس مسك اليده و رماها على الطوفة و بعدين فتح غلاف البلاي ستيشن و طلع الدسك و كسره و صار يرفس كل شي برجله عاد احنا فزينا و خفنا منه جان يبدأ ياخذ كل شي يطيح بايده و يرميه علينا و احنا نتراكض في الغرفه هربا منه الى أن انقلبت الغرفه فوق تحت و ظل يوم كامل ما يكلمنا و لا حتى يطالع فينا الا بنظرات نارية بس قمنا بعدين راضيناه و طيبنا خاطره لان المسكين كان راح يدخل مستشفى الامراض العصبية على ايدينا
icon10.gif



فاينل فانتسي 9 : كان الوقت متأخر و فيني نومه و قاعد أدور على نقطه حفظ أحفظ اللعبة و أصكرها المهم و انا قاعد أمشي في اللعبة و أحوس و كنت قاعد على الكرسي و أتأرجح فيه فجأة طلعت لي معركة عشوائية قمت تصحصحت و بغيت أعدل وضعيتي علشان المعركة و لا أفقد توازني و أطيح على راسي .. كانت سقطة مؤلمة :cry:





من بين عشرات المواقف يالي حصلت لي هذا يالي أتذكره حاليا و بس .. اذا تذكرت كمان فراح أحطها :razz:
 

Tomb raider

True Gamer
تومب رايدر 4 : كان الوقت الاجازة الصيفية و كنت نايم في بيت خالتي و متجمعين في غرفة اللعب على السطح المهم كان ولد خالتي يالي مزاجه عصبي قاعد يلعب و واصل في المرحله يالي لازم يبدأ يتسلق الهرم و أنا مع أخوه قاعدين نراقبه .. المسكين صارله فترة قاعد يحاول يتسلق الهرم و لكن كل شوي يطيح و تبدأ لارا صرختها الشهيرة و تتكسر على الأرض عاد احنا بدينا نتمسخر عليه و كل ما يحاول يتسلق الهرم نقعد نقول ( الحين راح تطيح .. شوف الحين راح تطيح .. كاهي الحين راح تطيح ) و كان كل ما يقوم بخطوة نكرر هالعبارة الى أن تطيح فعلا و نقعد نقلد صرختها بطريقة استهزائية و نضحك .. ولد خالتي يالي يلعب سكت مدة و كان واضح عليه علامات الغضب و النرفزة الى أن وصلت معاه لدرجة انه ما يقدر يتحمل يسمع حتى نسمة الهوا كان قاعد يتسلق الهرم للمرة المليون و احنا ورى نضحك و نقول ( الحين راح تطيح .. الحين راح تطيح ) الى أن طاحت لارا كان يقوم ولد خالتي و تقولون انقلب للنمسيس مسك اليده و رماها على الطوفة و بعدين فتح غلاف البلاي ستيشن و طلع الدسك و كسره و صار يرفس كل شي برجله عاد احنا فزينا و خفنا منه جان يبدأ ياخذ كل شي يطيح بايده و يرميه علينا و احنا نتراكض في الغرفه هربا منه الى أن انقلبت الغرفه فوق تحت و ظل يوم كامل ما يكلمنا و لا حتى يطالع فينا الا بنظرات نارية بس قمنا بعدين راضيناه و طيبنا خاطره لان المسكين كان راح يدخل مستشفى الامراض العصبية على ايدينا
icon10.gif

لول هذا احلى واهم شي لوو ووووول :razz:
 

Jizasu

True Gamer
الموقف : رزدينت ايفل 1 نسخة البلاي ستيشن....

كنت موصل...و موصل في بداية اللعبه و رحت خذية قاذفة القنابل و بعد ماقام بيري باعطائي الذخيره و بعد ما اخذت علاج ريتشارد وييت بعالجه...و للاسف ماعاش وايد اول ماعالجته يت الحيه و كلته...على العموم في ممر...و قبل لا احصل المفتاح الي يدخلني على الافعى العملاقه...

قلت خل ازرق بهل ممر...مع العلم انه الجو كان هادئ جدا يعني مريت بهل ممر 4 مرات و مادشيت الممر الي صاير جهت اليمين...و اول مادشيت الممر...و من دون سابق انذار اشوف صوت الزومبي و الموسيقى تبدأ و هو قاعد يمضغ لحم جيل !! انا من شدة الاهتزاز رميت اليده...و حطيت ايدي على قلبي...و الساعه كانت متاخره جدا و كنت قاعد بدوانيتنا الي صايره بره البيت تقريبا..فقمت دزيته و فجرت صماخه و رحت سيفت...و من شدة الخوف ماقدرت اكمل...

فعلشان انسى خوفي قمت حولت على كراش 1 و قعدت اللعب :p 
 

Uzumaki Naruto

True Gamer
Torpedo قال:
زمان كنت دايماً اتجمع مع اصحابي في محل العاب معوف عندنا.. المهم في يوم كان زحمة مرة ،، اعتقد كان يوم العيد ،، فكثير من الاطفال يجون مع ابوتهم .. المهم ...

المصيبة :

كنت جالس ألعب كونكر .. و في زحمة المكان طلع العرض حق لما الـ"ـنحلة" """" تجامع """" الــ"ـزهرة" ...و الأصوات كانت مرة ""خلاعية"" ... وقتها ما في احد في المحل ما صار يطالع جهتي .. انا اتمنيت اني أموت وقتها من الخجل ><


نفس الموقف صارلي بس وابوي جمبي ..
 

DONY

True Gamer
عندي مواقف كثير .. بس اكثر شي قهرني (كل ما اتذكره اكتأب
sorry.gif
) :



عندما كنت اسكن في سكن الكلية .. كنا عاملين Tekken tournament .. ووقتها كنت في شدة احترافي للسلسلة حتى اني كنت لما اتحدى الهاووين اسكر عيوني
xD.gif
واستعمل استراتيجية معينة واحطم اللاعب بعد ما فزته مغمض العينين
evil_laughter.gif
(اياااااااااااام
bigsmile1.gif
) , بس مرة من المرات وكنا في المرحلة النهائية (Team Vs Team ) وكانت النتيجة 7 - 0 .. لصالحي
naughty.gif
ولم يتبقى لخصمي غير مقاتل واحد واعتقد انه برايان
hahaha.gif
.. وانا خلاص كنت متاكد من الفوز كالعادة بعد هالنتيجة المحطمة
Emo_92.gif
.. وعند الجولة الاخيرة المتوقعة
icon9.gif
.. وقبل ما ما انهي خصمي
unsure.gif
.. والا وفجأة
shocked.gif




........................................................




ds002.gif




Noooooooooooooooooooooooooooooooooooo
aargh4.gif






تتعطل يد التحكم تبعي
jap053.gif
!!!!




وين عدالة السماء
grumble.gif





وصاحبنا بالله ما صدق
shrrer.gif
.. وكمل المباراة وانا راح انفجر من الغيظ
smilie_what_the.gif
حاولت اقنع الكل انه مو عدل .. بس اولاد الذين
12.gif
اتفقو عليي وبكدة خسرت المباراة
icon_bad.gif
.. ومن وقتها بطلت غرور
bye2.gif
.

jap053.gif
 

Ash

إداري سابق
انما مواقف 0_0 , لول طلعت و لا شيئ عندكم p: , من جد تفجرت ضحك على كل رد بالموضوع :razz:
 

The Heartless

True Gamer
ههههههههههه مواقف حلوة وتضحك

الحين الدور علي

1- أول موقف هو لما نزل وننج اليفن 6 بالسوق وطبعاً أنا ماصدقت على الله على طول شريته, المهم أنا وأخوي الكبير في بيننا منافسة على الدوري الياباني وكنا تحدينا بعض على منو يخلص بطولات وننج اليفن 6 أسرع من الثاني , المهم بعد ماجبت الشريط على طول بديت آخذ الكؤوس علشان أنهي اللعبة قبل أخوي, وقمت أربح البطولات وربحت أربع كؤوس في اللعبة وبعدها بديت أحس بالنعاس لكن أصريت أني أكمل وأنهيه قبل لا يجي أخوي من الدوام , وياليتني ماكملت لأني بنص اللعب نمت عاد شوف شكلي , نايم وفاتح حلجي واليدة بأيدي والتلفزيون شغال ههههه والفضيحة أن واحد من أخواني شافني على هالمنظر ونادى العيلة كلها علشان يشوفوني , وبعد ماشبعوا ضحك قعدوني من النوم وأنا أشوفهم يضحكون على ووجهي أحمر :blush:


2- هذا الموقف أيام البلاي ستيشن 1 وأول ماجبنا متل جير 1 , كنت ألعب فيه أنا وأخواني ووصلنا لي نهاية السيدي الأول لما سنيك ينزل الدرج , وهو ينزل ولا تطلع شاشة متل جير وتقول بليز بت متل جير سيدي تو طبعاً الكلام بالانجليزي واحنا فهمنا عليه بس كنا خايفين نفتح البلاي ستيشن بنص اللعبة تخرب علينا(طبعاً احنا ماكنا نعرف بسالفة تبديل السيديات قبل متل جير 1) وبعد مرور يومين قررنا انا نبيعها ونفتح البلاي ستيشن ونحط السيدي الثاني عاد لا تشوفنا لما حطيناه وكملت اللعبة يااااه صارت أفراح وكأننا سوينا إنجاز ههههه


وفي عندي مواقف بعد بس بقولها بعدين الحين مستعجل بمشي
 

Humam

True Gamer
لول ذكرتني بويننج إليفن 6 .. أول مانزلت كنت متشقق جدا جدا جدا جدا من الحماس .. طلعت من البيت مصفي الطبلون 180 فروووم .. اخذت الشرط بسرعة اول ماطلعت من المحل ركبت السيارة مشيت ابطلع من خط الخدمة لخط النصف مع السرعة وعدم التركيز والحماس بوووووووووف .. اركب لكم الرصيف الرهيب.. اخذت فجعة مو طبيعية وقتها والحمد لله إن السيارة ماصار لها شي.
 

Mr.3B

True Gamer
...

في أحد ما يستخدم أولي :razz:
هذي احنا نستخدمها في الحبشة/الصيدة/الجيمنج و أشياء واجد :)
 
أعلى